နေမင်းကြီး ပေါက်ကွဲပြန့်ကားလာတဲ့ Solar Crisis ကြောင့် နောက်နှစ်ပေါင်း ၃၀၀ မှာ ကမ္ဘာပျက်စီးတော့မယ့် အခြေအနေကို ရောက်နေပါတယ်။ ကမ္ဘာ့နိုင်ငံတွေ အတူအဖြေရှာကြရင်း နောက်ဆုံးမှာ ကမ္ဘာကို လက်ရှိနေအဖွဲ့အစည်းကနေ သယ်ထုတ်ပြီး တခြားနေအဖွဲ့အစည်းတစ်ခုဆီ ရွှေ့ဖို့ ဆုံးဖြတ်လိုက်ကြတယ်။ အဲဒီအတွက် ကမ္ဘာ့အင်ဂျင်ပေါင်း ၁၀,၀၀၀ တည်ဆောက်ပြီး ခရီးသွားကမ္ဘာစီမံကိန်းကို စတင်ကြပါတယ်။ ဒီခရီးက နှစ်ပေါင်း ၂,၅၀၀ ကြာမြင့်မှာဖြစ်ပြီး အဆင့်များစွာ ဖြတ်သန်းရဦးမှာပါ။ လရဲ့ဆွဲအားကနေ လွတ်ဖို့ လကိုတွန်းထုတ်မယ့် အစီအစဉ်ရှိသလို အရံအစီအစဉ်အဖြစ် လကိုဖောက်ခွဲဖို့လည်း ထည့်သွင်းထားပါတယ်။ ကမ္ဘာကို ရွှေ့ဖို့ လုပ်ဆောင်နေကြချိန်မှာပဲ ဒီစီမံကိန်းကို ဆန့်ကျင်တဲ့ အဖွဲ့တစ်ဖွဲ့က တိုက်ခိုက်လာတယ်။ သူတို့က လူတွေကို ဒစ်ဂျစ်တယ်သက်ရှိတွေအဖြစ် ဆက်ရှင်သန်စေချင်ကြတာပါ။ ဒါကြောင့် စီမံကိန်းကို အကောင်အထည်ဖော်နေသူတွေဟာ အာကာသခရီးအတွက် အခက်အခဲတွေအပြင် ဒီတိုက်ခိုက်မှုတွေကိုပါ ရင်ဆိုင်ကြရပါတယ်။ ဝတ္ထုကို အခြေခံထားတဲ့ တရုတ်သိပ္ပံစိတ်ကူးယဉ် အာကာသစွန့်စားခန်းရုပ်ရှင်ဖြစ်ပြီး ပြသချိန် သုံးနာရီခန့် ရှိပါတယ်။ အဓိကသရုပ်ဆောင်အဖြစ် ဝူကျင်း ပါဝင်ထားပါတယ်။
ဇာတ်ကားကြည့်ရန်