Xavi ပါဝင်သော ဇာတ်ကားများ

ဘောလုံးလောကမှာ ဩဇာအကြီးမားဆုံးနဲ့ အငြင်းပွားဖွယ်ရာ အကောင်းဆုံးနည်းပြဆိုရင် သေချာပေါက် ဒီ Special One ဆိုတဲ့ Jose Mourinho ကို လက်ညိုးထိုးပြရမှာပါ။ ကြိုက်တဲ့လူ ၅၀ လောက်ရှိတယ်ဆို မုန်းတဲ့လူလည်း ၅၀ လောက်ရှိမယ့် လူမျိုးလို့ ပြောရမယ်ဗျ။ ကျွန်တော်ကိုယ်တိုင်လည်း ဘောလုံးအားကစားဆိုရင် မြန်မြန်ဆန်ဆန် တိုက်စစ်ဆင်ပြီး မီးကုန်ယမ်းကုန် လှလှပပနဲ့ ကြိုးစားကန်တာမျိုးကို ကြိုက်တဲ့လူပါပဲ။ သူ့ ဘတ်စ်ကားကွက်ဆိုရင် ကြည့်ရတာ ပျင်းစရာကောင်းပြီး ရသနည်းတယ်ဆိုပေမဲ့လည်း လိုချင်တဲ့ ရလဒ်တော့ ဖော်ဆောင်ပေးနိုင်နေတာမဟုတ်ဘူးလား။ ရေဘူးပေါက်တာမလိုချင်ဘူး ရေပါတာပဲလိုချင်တယ်ဆိုတဲ့စကားလိုပဲ ကစားဟန်ရသ မရှိပေမဲ့လည်း လူတွေတောင့်တတဲ့ ဖလားတွေကို တကယ်ကို ရယူနိုင်စွမ်းရှိတဲ့ နည်းပြတစ်ယောက်ပါ။ နောက်ပြီး ဒီလူကြီးက စကားအရာမှာ နှုတ်သီးကောင်းလျှာပါးလို့ပြောရမယ့်လူဗျ အင်မတန်စွာပြီး ကပ်သီးကပ်သတ်နဲ့ အရွဲ့တိုက်ချင်တဲ့လူကြီး။ တော်ရုံတန်ရုံလူတွေနဲ့လည်း ဘယ်တော့မှ တည့်တယ်လို့ မရှိဘူး။ အခု ဒီ Documentary လေးထဲမှာတော့ သူ့ရဲ့ ဘဝအစ ပေါ်တိုအသင်းကနေ ချယ်ဆီးမှာ ဟုန်းဟုန်းတောက် Special One ဆိုပြီး နာမည်တွေကြီးပြီး နောက်ပိုင်း အီတလီ စပိန် လိဂ်ပေါင်းစုံပတ်ပြီး ကျင်လည်ဖြတ်သန်းခဲ့ရတာတွေ နောက်ကွယ်မှာ ဘယ်လိုနည်းဗျူဟာတွေသုံးပြီး ကန်ခဲ့တာ (ဉပမာပြောရရင် တစ်ဖက်အသင်းရဲ့ လေ့ကျင့်ခန်း ဗီဒီယိုကိုတောင် ဘယ်ကရှာလို့ရှာမှန်းမသိ ရအောင်ယူထားတဲ့လူကြီးဗျာ စဉ်းစားသာကြည့်) အသင်းသားတွေကို ဘယ်လိုထိန်းကျောင်းခဲ့တာ၊ လူတွေအမြင်မှာ မော်ရင်ဟိုက သွေးအေးတယ်ဆိုပေမဲ့လည်း တစ်ခါတလေ ဘယ်လိုမျိုး နူးညံ့တတ်တာ၊ သူ့တပည့်ဟောင်းတွေဖြစ်တဲ့ Joh Terry တို့ Lampard တို့ Droghba တို့ တခြားနာမည်ကြီးတွေကလည်း အင်တာဗျူးတွေ ဖြေဆိုထားတာတွေ ပြန်ပြောပြတာတွေ မီဒီယာတွေ ဘယ်လောက်ဆိုးရွားတာကိုသိလို့ ဘယ်လိုတန်ပြန်အသုံးချပြီး စိတ်ဓာတ်စစ်ဆင်ရေး ဆောင်ရွက်ခဲ့တာတွေ အများကြီး လူတွေမသိတာတွေကို ကောင်းကောင်းကြီး သိစေရမယ့် မှတ်တမ်းစီးရီးကောင်း ဖြစ်တာမို့ လာရောက်အားပေးဖို့ ဖိတ်မန္တကပြုလိုက်ပါရစေဗျာ...။

Sean eternos: Campeones de América (2022) Completed Mini Series ၂၀၂၁ခုနှစ်၊ ဇူလိုင်၂၁ရက် ဘရာဇီးလ်နိုင်ငံမှာရှိတဲ့ မာရာကာနာကွင်းကြီးမှာ ဘရာဇီးလ်အသင်းနဲ့ အာဂျင်တီးနားအသင်းတို့ ကိုပါအ​မေရိကဖလား ဗိုလ်လုပွဲအဖြစ် ယှဉ်ပြိုင်ခဲ့ကြပါတယ်။ ​ကမ္ဘာ့​​​ဘောလုံးအင်အားကြီးနိုင်ငံအသင်း နှစ်သင်းက ​တောင်အ​မေရိကရဲ့ ဂုဏ်သိက္ခာအကြီးဆုံးဆုဖလားပြိုင်ပွဲရဲ့ ဗိုလ်လုပွဲမှာ ​တွေ့ဆုံကြတာဖြစ်လို့ လူစိတ်ဝင်စားမှု များခဲ့သလို တစ်ဘက်မှာလည်း ပွဲကိုပိုအရှိန်တက်​​စေမယ့် ​​​စေ့​ဆော်မှု ပိုများ​စေတဲ့ အ​ကြောင်းရင်းတစ်ချက် ရှိပါ​သေးတယ်။ အဲဒါက​တော့ ဘောလုံးသမိုင်းတလျှောက် အ​ကောင်းဆုံးလို့တင်စားခံရ​ပေမဲ့ နိုင်ငံအသင်းနဲ့ ဆုဖလားမရယူနိုင်​သေးလို့ ဝေဖန်မှု​တွေ အမြဲလိုလို ခံခဲ့ရတဲ့ အာဂျင်တီးနားတိုက်စစ်မှူး လီယွန်နယ်မက်ဆီနဲ့ နိုင်ငံအသင်းအောင်မြင်မှုနဲ့ ကြံဖန်ကပ်လွဲ​နေတဲ့ ဘရာဇီးလ်တိုက်စစ်ကစားသမား ​နေမာဂျူနီယာတို့ရဲ့ အားပြိုင်မှုပဲ ဖြစ်ပါတယ်။ ပွဲပြီးဆုံးချိန်မှာ​​တော့ အာဂျင်တိုင်းသား​တွေဟာ အိန်ဂျယ်ဒီမာရီယာ သွင်းယူခဲ့တဲ့ တစ်လုံးတည်း​သောသွင်းဂိုးနဲ့အတူ ၂၈နှစ်ကြာ ဖလားလက်မဲ့ဖြစ်မှုကို အဆုံးသတ်နိုင်ခဲ့သလို GOAT ကြီးတစ်​ယောက်လို့ တင်စားခံရတဲ့ လီယွန်နယ်မက်ဆီအတွက်လည်း ကစားသမားဘဝ အမည်းစက်လို ဖြစ်​နေတဲ့ လက်​ရွေးစင်အသင်းနဲ့ ဆုဖလားမရခဲ့တဲ့ စံချိန်ဆိုးကို ​​ချေဖျက်နိုင်ခဲ့တယ်ဆိုတာ အားလုံးအသိဖြစ်မှာပါ။ အာဂျင်တီးနားအတွက် ဒီလိုမှတ်​ကျောက်တင်စရာ ​အောင်မြင်မှုကို Netflix ရဲ့  Argentina region က​နေ Documentary တစ်ခုအဖြစ်ရိုက်ကူးပြီး အာဂျင်တီးနားနိုင်ငံသီးသန့် ထုတ်လွှင့်ပြသခဲ့ပါတယ်။ ဒါ​ပေမဲ့ ဒီ Documentary ကို ပြသမယ်ဆိုတဲ့ သတင်းထွက်လာစဉ်ကတည်းက အား​ပေးဖို့​စောင့်​နေကြတဲ့ လီယွန်နယ်မက်​​ဆီရဲ့အမာခံပရိသတ်​​တွေ ဒုနဲ့​ဒေးရှိခဲ့သလို အခုထိလည်း Worldwide လွှင့်​ပေးဖို့ ​တောင်းဆိုမှု​တွေ ရှိ​နေဆဲပါ။ CM မှာ​တော့ Italy Sub ကို Eng sub တိုက်ရိုက်​​ပြောင်းပြီး တင်ဆက်ထားတာဖြစ်လို့ လွဲမှားမှုရှိခဲ့ရင် နားလည်​စေလိုပါတယ်။ ဒီ Documentary မှာ အာဂျင်တီးနားအသင်းရဲ့ကိုပါအ​မေရိကဖလား အုပ်စုအ​ဆင့်​ ကျော်ဖြတ်ပုံက​နေစပြီး အနိုင်ရဗိုလ်စွဲသွားတဲ့အချိန်ထိ အဝတ်လဲခန်းအတွင်းက အ​ကြောင်းအရာ​တွေ၊ ကွင်းတွင်းကွင်းပြင် ​Unseen အ​ကြောင်းအရာ​တွေ၊ ကစားသမား တစ်ဦးချင်းစီတိုင်းရဲ့ မိတ်​ဆက်​နဲ့အင်တာဗျူး​တွေကို ​ပြည့်ပြည့်စုံစုံတင်ဆက်​ထားပါတယ်။ ဒါ့အပြင် မက်​ဆီရဲ့အခန်းကဏ္ဍကိုလည်း ကြီးကြီးမားမားထည့်သွင်း​ပေးထားပါတယ်။ အင်တာဗျူးအပိုင်းမှာလည်း ဆွာရက်ဇ်နဲ့နေမာလို မက်ဆီရဲ့အချစ်ဆုံးသူငယ်ချင်း​တွေ၊ ဇာဗီ၊ ဘူစကွက်နဲ့ အယ်ဘာလို ဘာစီလိုနာအသင်း​ဖော်​​ဟောင်း​​တွေအပြင် ​ရော်နယ်ဒင်ဟိုနဲ့ အိုင်းမားစတဲ့ မက်ဆီရဲ့ကစားသမားဘဝမှာ အ​ရေးပါခဲ့တဲ့ ကစားသမားကြီး​တွေကိုပါ ထည့်သွင်းအင်တာဗျူးထားတဲ့အတွက် အ​တော်​လေးကြည့်ရတန်မယ့် Documentary ဖြစ်မှာပါ။ (ဒီစီးရီးကို အညွှန်းရေးသား ဘာသာပြန်ပေးသူကတော့ Jim X ပဲဖြစ်ပါတယ်။) Size ~ 700MB+ Total - 3 Episodes Quality – 1080p Duration ~ 41min (@Episode) Subtitle – Myanmar Hardsub Format – Mp4 Genre : Documentary, Sport Source : NF.Web-dl.1080p Translator – Jim X Encoder – Y