အချစ်ဇာတ်လမ်းများ

တာ့ထန်ခေတ်အချိန်မှာ တိုင်းပြည်တိုးတက်ဝပြောတဲ့အတွက် လူတွေရေ ာ မိစ္ဆာတွေရော ပျော်ပါးကြချိန်ဖြစ်ပါတယ်။ ၁၆ နှစ်အရွယ် နတ်ဆရာလေး ဟွိုင်ရှန့်ဟာ ဆရာနဲ့အတူ လော့ယန်မြို့ကြီးကို ရောက်လာခဲ့ပါတယ်။ တာ့ထန်ခေတ်ရဲ့ လော့ယန်မြို့ကြီးဟာ ညလုံးပေါက် မီးထိန်ထိန်လင်းနေပါတယ်။ အကရုံထဲမှာ သခင်လေးကုံးဟာ ငယ်စဉ်အခါက တစ်ဖက်သတ်ချစ်ရသူကို ပြန်တွေ့ခဲ့ပါတယ်။ သူချစ်နှစ်သက်တာက အဲ့ဒီလူရဲ့အရေပြားလား အရေပြားထဲက နှစ်တစ်ရာကြောင်ကြီးကိုလား...... အလောင်းရုံထဲမှာ ကြောင်နက်လေးတစ်ကောင်က အမြီးကိုဖြတ်ပြီး ကျေးဇူးရှင်ရဲ့ အသက်ကို ကယ်ခဲ့ပါတယ်။ ဒါပေမဲ့ သူပြန်ရတာက တစ်သက်တာအချစ်ခံရခြင်းလား လောဘကြောင့် သစ္စာဖောက်ခြင်းလား...... ရေမြောင်းပုပ်ထဲက ကြွက်မိစ္ဆာလေးက ကြောင်မိစ္ဆာလေးကို ချစ်မိသွားတယ်။ သူ့စိတ်ကူးထဲက ပျော်ရွှင်မှုတွေဖြစ်လာမလား ကံကြမ္မာရဲ့ အပြောင်းအလဲက ကြိုဆိုနေမလား...... ဆိုတာကို မိစ္ဆာရဲ့ သဘာဝဗီဇနဲ့ လူတွေရဲ့ သဘာဝဗီဇကို သရုပ်ဖော်ထားတဲ့ ကြောင် ၃ ကောင်ရဲ့ ပုံပြင်လေးကို အတူတကွ ကြည့်ရှုခံစားလိုက်ရအောင်နော်။ Quality : WEB-DL 1080p , 720p Format : mp4 Genres : Romance , Fantasy Runtime : 1h 26 min Subtitle : Myanmar Subtitle ( Hardsub ) Translated by CM Team Reviewed By Moon Encoded by LK

The Hypnotized 2004 ဒီရုပ်ရှင်က စိတ်ပညာကားဆိုလဲ မမှားသလို ဒရာမာကားဆိုလဲမမှားဘူးပြောရမှာပေါ့။ ၂၀၀၄ခုနှစ်လောက်က ကျနော်တို့နိုင်ငံမှာ စိတ်ပညာဆရာ၀န်တွေ သိပ်မများသေပေမယ့် တောင်ကိုးရီးယားလို ဖွံဖြိုးတဲ့နိုင်ငံတွေကျတော့ ရှိနေပြီပေါ့ဗျာ. အဓိက သရုပ်ဆောင်ဖြစ်တဲ့ မင်းသမီးkim hye suရဲ့ psychoဆန်ဆန် သရုပ်ဆောင်မှုတွေ ကောင်းတော့ ဆုအနေနဲ့လဲ ၇ဆုရထားပြီး ဇကာတင်ဆု‌တွေလဲ ရထားပါတယ်။ ဇာတ်လမ်းအကျဉ့်းကတော့ အိမ်မွေ့ချရောဂါကုထုံးဆရာ၀န်နဲ့ စိတ်ဂနာမငြိမ်ရောဂါသည်တို့ကြားက ဆက်ဆံရေးတခုအပေါ်အခြေခံထားပါတယ်။ မင်းသမီး Kim hye suက ဂျီဆုဆိုတဲ့ အချစ်ဦးနဲ့လွဲလို့ စိတ်ဒဏ်ရာလဲရ သူရေးတဲ့စာအုပ်တွေကလဲ ထုတ်ဝေခွင့်မရ အိမ်ထောင်ရေးကလဲ အဆင်မပြေတော့ စိတ်ကစဉ့်ကလျား ရောဂါဖြစ်‌‌ေနတဲ့ အမျိုးသမီးအဖြစ် သရုပ်ဆောင်ထားပါတယ်။.ဂျီဆု စိတ်ရောဂါကို ခင်ပွန်းဖြစ်သူက သိရှိသွားပြီး စိတ်ကုဆရာ၀န်နဲ့ ပြသခဲ့ ပါတယ်.ဒါပေမယ့် ဂျီဆုဟာအကောင်းပတိပြန်ဖြစ်တာမျိုး မဟူတ်ပဲ ယဉ်ယဉ်လေးဆက်ရူးနေခဲ့တာပါ။တနေ့မှာတော့ သူ့ ကိုကုသပေးတဲ့ဆရာ၀န်နဲ့ပြန်ဆုံပြီး နှစ်ယောက်သား အခက်အခဲတွေ ရင်ဖွင့်ရင်း ရင်းနှီးချိန်မှာတော့ သွေးသားဆန္ဒအရ မှားခဲ့ပါတယ်။ဂျီဆုစိတ်အခြေအနေမဟန်မှန်း ဆရာ၀န်သိလိုက်ရချိန်မှာတော့ သူဟာ ဂျီဆုကို ချစ်မိနေခဲ့ပါပြီ. အဓိကကတော့ ဂျီဆုဆိုတဲ့ မိန်းမတစ်ယောက်ရဲ့ စိတ်အခြေအနေကို ရသမြောက်အောင် ရိုက်ကူးပြသပြီး လူ့ဘ၀ရဲ့ ရှုပ်ထွေးပုံကို တင်ဆက်ထား

My Blueberry Nights IMDb - 6.6 but A Wong Kar Wai's Film ပွတ်ချွန်းလိပ်သောက်ရတာကြိုက်တဲ့ လူငယ်လေးတစ်‌ယောက်မှာ အိပ်မက်‌တွေအများကြီးရှိခဲ့တယ်။ အများအားဖြင့်တော့ သံတူစာတူကြောင်းကွဲဖြစ်တဲ့ အိပ်မက်နဲ့ အိပ်မက်ဟာ တကယ်တမ်းမထူးလှပါဘူး။ တစ်ခုကရောက်အောင်သွားရပြီး တစ်ခုက ရောက်လာတာ စောင့်ဆိုင်းရပေမဲ့ ဒီစကားလုံးနှစ်လုံးစလုံးဟာ အခိုးအငွေ့ဆန်တယ်။ ဦးဆုံးကတော့ သူဟာ အောင်မြင်မှုဆိုတဲ့ အိပ်မက်နောက်လိုက်ခဲ့တာပဲ။ အဆုံးသတ်မှာ ချစ်ခြင်းဆိုတဲ့ အိပ်မက်ကလေးကို သူစောင့်စားခဲ့တယ်။ ချစ်ခြင်း နောက်ကို လိုက်လို့မရဘူးလားဆိုတဲ့ အမေးတော့ ရှိမှာပဲ။ လိုက်ကြည့်ပါလေ။ စောင့်ဆိုင်းရတဲ့အရာမှန်း မသိခင် တစ်ကြိမ်တစ်ခါတော့ ချစ်ခြင်းနောက်ကို အားလုံး လိုက်ခဲ့ကြဖူးမှာပဲ။ အိပ်မက်ကလေး ပြန်အလာကို လူငယ်ကလေးဟာ စားသောက်ဆိုင် ကလေးဖွင့်ပြီး စောင့်စားခဲ့တယ်ပေါ့။ လမ်းပျောက် လူချင်းကွဲသွားကြတဲ့အခါ သူပြန်လာရှာတဲ့အခါကို ရပ်စောင့်နေခြင်းဟာ အကောင်းဆုံးအရာလို့ သူမှတ်ယူခဲ့တယ်။ ဆိုင်ကလေးရဲ့ ညတွေအဆုံးမှာ ချိစ်ကိတ်တွေ ပန်းသီးပိုင့်မုန့်တွေဟာအမြဲ အကုန် ကုန်သွားတယ်။ချောကလက်ကိတ်ဆို ကုန်လုနီးပါးပဲ။ ဒါပေမဲ့ ဘလူးဘယ်ရီပိုင့်မုန့်တွေက အရာမယွင်းပဲ အမြဲကျန် နေတတ်တယ်။ ဒီတော့ ဘလူးဘယ်ရီ ပိုင့်မုန့်တွေက ဘာဖြစ်နေလို့လဲတဲ့။ ဘလူးဘယ်ရီ ပိုင့်မုန့်တွေက ဘာမှဖြစ်မနေခဲ့ပါဘူး။ လူတွေက တခြားဟာတွေကို ရွေးသွားကြရုံသာ။ တစ်ခါတော့ ငါတို့ ဘလူးဘယ်ရီဆန်ဖူးခဲ့ကြမှာ

To my star (2021) "ကြယ်" ဆိုတာ အလှမ်းဝေးကွာတဲ့နေရာမှာရှိကြတယ် မိုးပေါ်ကကြယ်လေးရော ..... နှလုံးသားထဲကကြယ်လေးရောပဲပေါ့ ... အဲ့ကြယ်လေးဆီကို "အချစ်" ဆိုတဲ့ တံတားလေး ခင်းလိုက်တဲ့အခါ ကိုယ့်ရဲ့အနီးဆုံးနားကိုရောက်လာတတ်တယ်တဲ့.... ဒီဇာတ်လမ်းလေးထဲမှာတော့ တစ်ချိန်က လျှမ်းလျှမ်းတောက်နာမည်ကြီးခဲ့တဲ့ တောင်ကိုရီးယားအနုပညာရှင် ဂန်ဆောဂျွန်း(Son Woo Hyun)ဟာ ကောလဟာလတစ်ခုကြောင့်နေ့ချင်းညချင်းမှာပဲ ပရိတ်သတ်တွေရဲ့ပြစ်တင်ရှုံ့ချမှုတွေခံလိုက်ရပါတယ်။ ဒီအခြေအနေမှာ မမျှော်လင့်ဘဲ စားသောက်ဆိုင်က စားဖိုမှူးလေး ဟန်ဂျီအူ(Kim Kang Min) နဲ့တွေ့ဆုံလိုက်ရပါတော့တယ်။ လွတ်လပ်ပြီး​ခေတ်မီတဲ့ ဂန်ဆောဂျွန်း နဲ့ ရှေးရိုးစွဲပြီး ပတ်ဝန်းကျင်ကိုဂရုစိုက်တတ်တဲ့ ဟန်ဂျီအူ တို့ရဲ့အချစ်ရေးကရောဘယ်လိုတွေဆက်ဖြစ်မလဲ။ "အချစ်နဲ့ထိတွေ့ရင်အရာရာဟာပြောင်းလဲတတ်ကြတယ်" ဆိုတဲ့အတိုင်း တကယ်ချစ်မိသွားတဲ့အခါမှာ ဂန်ဆောဂျွန်း ဘယ်လိုတွေပြောင်းလဲသွားလေဦးမလဲ ။ အလှမ်းဝေးကွာလွန်းတဲ့ ကြယ်လေးကို သူ့အနားကိုရောက်အောင် ဂန်ဆောဂျွန်း လုပ်နိုင်ပါ့မလားဆိုတာကို စောင်ကိုက်ပြီး အသည်းတွေအူတွေတယားယားနဲ့ကြည့်ရမယ့် ၂၀၂၁ရဲ့ အကောင်းဆုံး ကိုရီးယား BL ကားတွေထဲကတစ်ကားဖြစ်ပါတယ်။ Translated and Reviewed by: HAW Encoded by: August Quality: 720p and 1080p File Size: 1.1GB and 1.8GB Duration 2h 10min Subtitle: Myanmar (Hardsub)

ဒီကားမှာတော့ Chucky အပြင်နောက်ထပ်အရုပ်တစ်ရုပ်ပါလာမှာပါ... အဲအရုပ်ကလည်း Chucky ရဲ့မိန်းမဖြစ်တဲ့အပြင် နှစ်ယောက်ပေါင်းပြီး ပိုဆိုးလာကြတော့မှှာပါ... File Size : (886 MB) and (340 MB) Quality : 720p Bluray Running Time : 1hr 29 min Format : Mp4 Genre :Comedy , Horror Subtitle : Myanmar Subtitle (Hard Sub) Translated by Pyay Hlwan Aye  Encode by Moe Myint Lwin

တောနက်ကြီးထဲမှာအလောင်းကောင်တွေကိုစားသုံးနေတဲ့ မြွေကြီးတစ်ကောင်ရှိနေခဲ့တယ်။ မိန်းမလှလေးအဖြစ်အယောင်ဆောင်ထားတဲ့ မြွေကြီးလှည့်ဖျားမှုအောက်မှာ အလောင်းပြင်ဆရာတစ်ယောက်ဟာ အလောင်းတစ်ခုရဲ့ခေါင်းနဲ့ကိုယ်ကိုတွဲချုပ်ပေးလိုက်ခဲ့မိတယ်။ အဲဒီအချိန်ကစပြီးတော့ အလောင်းပြင်ဆရာတို့လင်မယားရဲ့အေးချမ်းတဲ့ဘဝဟာ လှုပ်ခတ်လာခဲ့တယ်။ မြွေမလေးဟာ မျက်နှာလှလှလေးရဲ့နောက်ကွယ်မှာ လူတွေကိုစားသုံးနေရင်း အလောင်းပြင်ဆရာရဲ့ မိန်းမနေရာမှာအစားနိုင်ဖို့ကြိုးစားလာတဲ့အခါ...... မြွေမလေးရဲ့ညှို့ကွက်အောက်ကလွတ်နိုင်ပါ့မလား...... Quality : WEB-DL 1080p , 720p Format : mp4 Genres : Mystery , Thriller , Fantasy , Thriller Runtime : 1h 23 min Subtitle : Myanmar Subtitle ( Hardsub ) Translated by CM Team Reviewed By Moon Encoded by LK

ဒီဇာတ်ကားလေးကတော့ အားလုံးလည်း ကြားဖူးနေလောက်တဲ့ သံစဉ်တွေနဲ့ဇာတ်ကားလေး ဖြစ်ပါတယ်.. footloose ဆိုတဲ့ ၁၉၈၄ ကဇာတ်ကားကို remake ပြန်ရိုက်ထားတဲ့ ဇာတ်ကားကောင်းတစ်ကားလေးလည်း ဖြစ်ပါတယ်... ဇာတ်လမ်းအကျဉ်းလေးကတော့ ဘုန်းမောက်ဆိုတဲ့ နယ်မြို့ကဦးလေးဆီကို တစ်ကောင်ကြွက် ဘဝနဲ့ရောက်လာတဲ့ ရန်မက်ကောမက်ဆိုတဲ့ကောင်လေး တစ်ယောက် သူဟာမြို့ကိုရောက်ရောက်ချင်းမှာပဲထူးခြားတဲ့ ကန့်သတ်ချက် ဥပဒေတွေနဲ့ကြုံရပါတော့တယ် လွတ်လပ်ပါတယ် ပါတီတွေနေညမပြတ်လုပ်နေပါတဲ့ဆိုတဲ့ အမေရိကန်နိုင်ငံထဲက ဒီမြို့လေးထဲမှာ အကကခွင့်ကိုရော လူငယ်တွေညထွက်ခွင့် ကိုပါပိတ်ပင်ထားတာပါ အကဟာသူ့ဘဝအတွက်အရမ်းအရေး ပါတဲ့အရာတစ်ခုဖြစ်နေတဲ့ ရန်မက်ကောမက်အတွက်တော့ ဒါကအဓိပ္ပာယ်မရှိတဲ့ပိတ်ပင်မှုတစ်ခုလိုဖြစ်နေပြီး ဘုန်းမောက်က ကျောင်းသားတော်တော်များများကလည်း မကြိုက်ကြပါဘူး ဒီလိုနဲ့ သူဒါတွေကိုဆန့်ကျင်ရင်း နောက်ဆုံးကျောင်းသားတွေလွတ်လပ်ခွင့် ရမလား သီချင်းတွေ အကတွေ ဒရမ်မာတွေ ပုန်ကန်မှုတွေနဲ့ musical drama ကားကောင်းလေးကိုကြည့်ရှူရမှာပဲဖြစ်ပါတယ် မင်းသားအဖြစ် လက်တွေ့ဘဝမှာလည်းအကသမား တစ်ယောက်ဖြစ်တဲ့ Kenneth Edgar Wormald နဲ့ Dancing with the Stars ကဒိုင်တစ်ယောက်ဖြစ်တဲ့ မင်းသမီး Julianne Alexandra Hough တို့ကိုကြည့်ရှူရမှာလည်းဖြစ်ပါတယ်.. File size…2.22GB / 1.10GB Quality…Blu-Ray 1080p 5.1CH / 720p Format…mp4 Duration….1h 53m Genre …..Comedy , Drama

အချစ်ဒရာမာကားတွေကိုကြိုက်နှစ်သက်သူတွေအတွက် လိင်တူမိန်းကလေးအချစ် မိသားစုအချစ် အငြိုးအတေး နာကျင်မှု ပျော်ရွှင်မှု ဝမ်းနည်းမှု ခံစားချက်ရသပေါင်းများစွာကို များစွာကိုပေးစွမ်းနိုင်မဲ့ဒရာမာကားကောင်းလေးတစ်ကားကို တင်ဆက်ပေးလိုက်ပါတယ်။ဇာတ်ကားနာမည်ကတော့ Silver Haze ဖြစ်ပြီး IMDb Rating 6.6 ရရှိထားတဲ့အတွက် လိုက်ပါစီးမြောပြီးကြည့်ရှုသင့်တဲ့ဇာတ်ကားလေးပဲဖြစ်ပါတယ်။ ဖရန်ကီလို့ခေါ်တဲ့ ကောင်မလေးကညီအစ်မတွေနဲ့အတူတူ အမေဖြစ်သူရဲ့အိမ်မှာနေထိုင်နေတဲ့ သူနာပြုတစ်ယောက်ပဲ ဖြစ်ပါတယ်။အဖေဖြစ်သူမရှိတော့ဘဲ သမီးတွေနဲ့အမေပဲ ဘာလို့ကျန်ခဲ့ရတယ်ဆိုတဲ့ အကြောင်းအရင်းက ဖရန်ကီ ငယ်စဉ်ကဖြစ်ခဲ့တဲ့ ဖြစ်ရပ်ဆိုးကြီးတစ်ခုနဲ့ သက်ဆိုင်နေခဲ့ ပါတယ်။ဖရန်ကီငယ်စဉ်က အရက်ဆိုင်တစ်ခုမီးလောင်နေတဲ့ အချိန်အထဲမှာ ပိတ်မိနေခဲ့ပြီးမီးလောင်ဒဏ်တွေအများအပြား ရခဲ့ကာကံကောင်းလို့ မသေဘဲလွတ်လာခဲ့တာဖြစ်ပါတယ်။ အဲ့ဒီမီးကို သူ့အဖေနဲ့ဖောက်ပြန်နေခဲ့တဲ့ မိန်းမကရှို့ခဲ့တဲ့မီးလို့ ဖရန်ကီတို့ မိသားစုကယုံကြည်ထားခဲ့ပြီး သူ့အဖေကလည်း အဲ့ဒီမီးလောင်မှုအပြီးမှာ အဲ့ဒီမိန်းမနောက်ကိုလိုက်သွားပါတော့ တယ်။ငယ်ငယ်လေးကတည်းက ဒီလိုအဖြစ်ဆိုးပေါင်းစုံကို ကြုံတွေ့ခဲ့ရတဲ့ ဖရန်ကီတစ်ယောက်ကြီးလာတဲ့အခါမှာလည်း အချစ်ရေးမှာကံမကောင်းခဲ့ပါဘူး။ဒါပေမယ့် သူနဲ့ဆေးရုံမှာတွေ့ ခဲ့တဲ့ဖလောရန့်စ်ဆိုတဲ့ ကောင်မလေးနဲ့မှ အချစ်စစ်ကိုကြုံတွေ့ ရသလိုဖြစ်ခဲ့တဲ့ ဖရန်ကီအတွက် ရှေ့ဆက်ဘ၀လမ်းက ပန်းခင

အီတလီဆယ်ကျော်သက်အချစ်ဇာတ်လမ်းတစ်ပုဒ်ဖြစ်တဲ့ The Tearsmith ဟာ ၂၀၂၄ ဧပြီ ၄ ရက်ကမှ ထွက်ရှိ ထားတာဖြစ်ပါတယ်။ Erin Doom ရေးသားထားတဲ့ The Tearsmith ဝတ္တုကိုအခြေခံပြီး Alessandro Genovesi က ရိုက်ကူးပေးထားတာပါ။ Simone Baldasseroni နဲ့ Caterina Ferioli က ခေါင်းဆောင်ပါဝင်သရုပ်ဆောင်ထားပြီး Gen Z ပရိသတ်တွေအတွက် ရည်ရွယ်ဖန်တီးထားတဲ့ အချစ်ဇာတ်လမ်းတစ်ပုဒ်ဖြစ်ပါတယ်။ ဇာတ်လမ်းအကျဉ်း မိဘတွေက ကားမတော်တဆမှုကြောင့်ဆုံးပါးသွားတဲ့အတွက် နီကာဟာ ဂရေ့ဗ်လို့နာမည်ပြောင်ခေါ်ကြတဲ့မိဘမဲ့ဂေဟာကို ရောက်ရှိလာခဲ့ပါတယ်။ ဂရေ့ဗ်မှာ နီကာဟာ သူ့ကိုရင့်ရင့်သီးသီး ဆက်ဆံလေ့ရှိတဲ့ရီဂျယ်ဆိုတဲ့ကောင်လေးနဲ့သာမက သူ့ရဲ့အချစ်ဆုံး သူငယ်ချင်းဖြစ်လာတဲ့ အာဒဲလင်နဲ့ပါဆုံတွေ့ခဲ့ပါတယ်။ နီကာ အရွယ်ရောက်လာချိန်မှာတော့ မီလီဂန်မိသားစုက ရီဂျယ်နဲ့ အတူမွေးစားဖို့ခေါ်ဆောင်သွားခံခဲ့ရပါတယ်။ မိသားစုတစ်ခုအမြဲ လိုချင်နေခဲ့တဲ့နီကာဟာ မိဘအသစ်တွေရဲ့မေတ္တာကိုအပြည့်အဝ ရရှိပေမယ့် မပျော်ရွှင်နိုင်သေးဘဲ ဂရေ့ဗ်မှာကြုံခဲ့ရတဲ့နှိပ်စက် ညှင်းပန်းမှုတွေရဲ့အကျိုးဆက်ကိုခံစားနေရဆဲဖြစ်သလို ရီဂျယ်က သူ့ကိုဘာလို့ရင့်ရင့်သီးသီးဆက်ဆံနေခဲ့လဲဆိုတဲ့အကြောင်းရင်းကို သိရှိသွားတဲ့အခါမှာတော့ နီကာဘာဆက်လုပ်မှာလဲဆိုတာ ဆက်လက်ကြည့်ရှု့ခံစားရမှာပဲဖြစ်ပါတယ်။ File size…1.25GB / 574MB Quality…WEB-DL 1080p 5.1CH / 720p Format…mp4 Duration….1h 43m Genre …..

The Last Letter from Your Lover(2021) "ဘာလို့လဲ အချစ်ရယ် မင်းမရှိတဲ့အချိန်တွေမှာ ကိုယ်ဟာ ဘာကြောင့်များ အသက်မဲ့သလို ခံစားနေရတာလဲ" အန်းနက်စ်ဟယ်မင်ဝေး=== မင်းနဲ့ကိုယ်ဟာ အမှတ်မထင်တွေ့ဆုံခဲ့ရပြီး မင်းဟာ ကိုယ့်အတွက်မဟုတ်သလို ကိုယ်ဟာ လောင်မြိုက်မှုတွေကြားမှာ နေသားတကျ။ အမည်တပ်မရတဲ့ ကိုယ်တို့ရဲ့ဆက်ဆံရေးတွေကို တိတ်တခိုးပုံဖော်ရင်း ဆုပ်ကိုင်စရာ မယ်မယ်ရရမရှိတာကိုတောင် ကိုယ် လောဘကြီးချင်နေမိတယ်။ တားမြစ်ထားတဲ့ ကိုယ်တို့ရဲ့အချစ်ကို မရမကတည်ဆောက်ရင်း မင်း ကိုယ့်ဆီရောက်လာလေမလားဆိုတဲ့ မျှော်လင့်ချက်နဲ့ ကိုယ်စောင့်နေဆဲပါ။ သတင်းစာတိုက်တစ်ခုရဲ့ ဂျာနယ်လစ်ဖြစ်သူ အယ်လီဟာ အမျိုးသမီးအယ်ဒီတာတစ်ယောက်ဆုံးသွားလို့ အဲဒီအယ်ဒီတာအကြောင်းဖော်ပြဖို့ သူချန်ထားခဲ့တဲ့စာတမ်းတွေကို လှန်လှောရင်း အမှတ်မထင် စာတစ်စောင်တွေ့လိုက်ရပါတယ်။ ထပ်ပြီးမွှေနှောက်ရင်း ဒီလိုပေးစားအများအပြားကို ထပ်တွေ့ခဲ့ရပြီး ဒီစာတွေထဲမှာ ၁၉၆၅ခုနှစ်က အချစ်ဇာတ်လမ်းတစ်ပုဒ်ကိန်းအောင်းနေတာ သိလိုက်ရပါတယ်။ ဒီတော့ အယ်လီဟာ ဒီစာတွေရဲ့ပိုင်ရှင်တွေ ဘာဆက်ဖြစ်သွားလဲဆိုတာ သိရှိဖို့ကြိုးစားပါတော့တယ်။ ဇာတ်လမ်းကိုပဲ ပါဝင်စီးမျောစေလိုတာကြောင့် ဒီလောက်ပဲ ပြောပြပါရစေခင်ဗျာ။ ဒီဇာတ်ကားရဲ့ မူရင်းဝတ္ထုဟာ Me Before Youရဲ့ စာရေးဆရာမဖြစ်တဲ့ Jojo Moyesပဲ ရေးသားထားတာကြောင့် အချစ်ဇာတ်လမ်းစစ်စစ်တစ်ပုဒ်ဆိုတာ ပြောဖို့လိုမယ် မထင်ပါဘူး။

Lost and Found (1996) ~ IMDb - 7.2/10, Rotten Tomatoes - 76% ~ နေလာရင်းဘဝမှာ မကြာမကြာဆိုသလို တစ်စုံတရာတော့ ပျောက်ရှနေကျပါပဲ။ ခဏခဏသေးသေးမွှားမွှားလေးတွေကနေ ရံဖန်ရံခါ ကြီးကြီးမားမားတွေ အထိ ပျောက်ရှနေတတ်တယ်။ တစ်ရံတစ်ခါမှာတော့ အကြီးဆုံးဆိုတဲ့အရာတွေအထိပေါ့။ ဆိုးဆိုးရွားရွားဆို လက်ထဲကိုင်ထားတဲ့ အင်္ကျီကို ဘယ်နားကျလို့ ကျခဲ့မှန်းမသိတဲ့ အဖြစ်မျိုးအထိ မကြာမကြာရှိခဲ့ဖူးတယ်။ သတိလက်လွတ်ဖြစ်စေ အထားအသိုမှားသည်ဖြစ်စေ အရေးအကြီးဆုံးဆိုတဲ့ အရာတွေကို ကျွန်တော်တို့ ပျောက်ရှဖူးခဲ့မှာပဲ။ မက်စက်တွယ်တာတဲ့ တစ်စုံတရာကို ပျောက်ရှဆုံးရှုံးတယ်ဆိုတာ ဘာနဲ့မှမတူတဲ့ ဝေဒနာပေါ့။ ပြန်ရှာလို့မတွေ့နိုင်တဲ့အရာဆိုတာ မရှိဘူးတဲ့။ ပိုက်ဆံအိတ် အခိုးခံရတယ် ဆိုပါစို့။ အချင်းတစ်ကီလိုမီတာဝန်းကျင်က အမှိုက်ပုံးတစ်ပုံးပုံးထဲ အဲဒီပိုက်ဆံအိတ်ကို ပြန်တွေ့မှာပဲတဲ့။ ဒီစကားမှန်ရဲ့လားတော့ ကျွန်တော်မသိဘူးပေါ့။ ရုပ်ရှင်ထဲက Takeshi ကတော့ ပျောက်ဆုံးပစ္စည်းရှာဖွေရေးလုပ်ငန်း ထောင်ထားတယ်။ သတိလက်လွတ်နဲ့ ခါးပိုက်နှိုက်ခံရသည်ဖြစ်စေ၊ ကိုယ်တိုင်က အထားအသိုမှားသည်ဖြစ်စေ၊ ဘာမဆိုကို ပြန်ရှာပေးတဲ့ အလုပ်ပေါ့။ ပိုက်ဆံအိတ်၊ ဖုန်း၊ ဈေးသည်ရဲ့အလေး၊ အိမ်မွေးတိရိစ္ဆာန်ကနေ သရဲအထိ သူတို့မရှာပေးတာ ဘာဆိုဘာမှမရှိဘူး။ တစ်ခါတလေကျ လူတစ်ယောက်ပေါ့။ ကံဆိုးရင်တော့ တောဘဲရိုင်းတွေကနေ သေပြီးသားလူအထိ ရှာပေးရတတ်တယ်။ ပြန်ရှာလို့မတွေ့နိုင်တဲ့အရာဆိုတာမရှိဘူးဆိုတဲ့ ဆောင်ပုဒ်နဲ့ ပျ

ကျွန်တော်တို့ငယ်ငယ်တုန်းက မဂ္ဂဇင်းတွေမှာ မျက်ဝန်းလဲ့ပြာပြာ မျက်ခုံးကောင်းကောင်း နှုတ်ခမ်းဖူးဖူးနဲ့ အိန္ဒိယမင်းသမီးတစ်ပါးကို မကြာခဏမြင်ဖူးခဲ့ကြပါတယ်... သူကတော့ ၁၉၉၄ ခုနှစ်ရဲ့ Miss World ဆုရှင် Aishwarya Rai ပါပဲ... အခုတင်ဆက်မှာကတော့ သူပါဝင်သရုပ်ဆောင်ထားတဲ့ Drama,Romance ဇာတ်ကားလေး Dil Ka Rishta (2003) ပဲဖြစ်ပါတယ်.. Dil Ka Rishta ဆိုတာ မြန်မာလိုဆို နှလုံးသားနှောင်ကြိုးလို့ အဓိပ္ပာယ်ရပါတယ်... ဆွေးမြေ့ဖွယ်ဇာတ်ကားနာမည်က Rai ရဲ့ရီဝေဝေအလှတွေနဲ့ အပ်စပ်လွန်းလှပါတယ်... ဇာတ်လမ်းကတော့ ၃ ပွင့်ဆိုင်ဇာတ်လမ်းပါ... တစ်ယောက်က မီလျံနာသူဌေးသား... မင်းသမီးက ချစ်ရသူရှိပြီးသား ဆရာမလေး... သူဌေးသားက ပိုင်ရှင်ရှိပြီးသား ဆရာမလေးကိုမှ ချစ်မိသွားတဲ့အခါမှာတော့.... ၃ ပွင့်ဆိုင် ဇာတ်လမ်းမှာ ၂ ယောက်ထဲ ရှေ့ဆက်ဖို့ဆိုတာ ရင်ကိုခွဲထုတ်သလို နှလုံးသားနှောင်ကြိုးတွေကိုဖြတ်ချရတာမျိုးပါပဲ... နာကျင်ရတယ်....ဒါပေမယ့် အချစ်ဆိုတာ နာကျင်ခံခက် ကြည်နူးဆွတ်ပျံ့တဲ့ ဘုရားသခင်ရဲ့ပြစ်ဒဏ်မျိုးပဲမလား....။ File size…(2.7 GB) and (1.7 GB) Quality….WEB-DL 1080p and 720p 5.1CH Format…mp4 Duration….02:30:00 Subtitle….Myanmar Subtitle (Hardsub) Encoder….Nyeinsaeya Aung Translated by Ye Zarni Aung (Myanmar Unicode Area)

Rang De 2021 အချစ်ဟာ ဆန်းကြယ်တဲ့ ဆိုတဲ့ စကားကို ရှေ့တန်းတင်ရင် အားလုံးအတွက် ရယ်စရာဖြစ်မလား မသိဘူး။ ဝေးနေပေမဲ့၊ အပြင်မှာ မတွေ့ဖူးပေမဲ့ အရမ်းချစ်ရတဲ့အခါ ရှိတယ်။ ဘယ်သူနဲ့ ဘာတွေ လုပ်နေမလဲဆိုပြီး တွေးတောပူဆွေးရင်း တနေကုန်ငိုနေရတဲ့အခါ ရှိသလို နီးကပ်၊ထိစပ်နေပေမဲ့ အချစ်စိတ် မဖြစ်ဘဲ သူငယ်ချင်းထက် မပိုနိုင်တဲ့ သံယောဇဉ်တွေလည်း ကြုံဖူးမှာပါ။ နှစ်ယောက်လုံးက ချစ်စိတ်မဝင်ကြရင် နေသာသေးတယ်ဗျ၊ နှစ်ယောက်မှာ တစ်ယောက်က တစ်ဖက်သတ်ချစ်နေရမယ်ဆို မခက်ပေဘူးလား။ တေလဂူးတို့က အချစ်ကားလေးတွေမှာ တော်တော်လေး ကြည့်ကောင်းနေတာ အားလုံး အသိပါပဲ။ ခုဇာတ်ကားကတော့ တေလဂူးပရိသတ်တို့ ရင်းနီးပြီးသားဖြစ်တဲ့ Nithiinနဲ့ Keerthyတို့ရဲ့ အိမ်နီးချင်း ဇာတ်လမ်းလေးပါပဲ။ Nithiinဖြစ်တဲ့ အာဂျွန်ကတော့ ငယ်ငယ်ကတည်းက Keerthy ဖြစ်တဲ့ အာနူးရဲ့ ဒုက္ခပေးနည်းပေါင်းစုံကို ခံယူခဲ့ရသူတစ်ဦးပေါ့။ အာနူးက အာဂျွန် ဝယ်လာသမျှ စားမယ် သောက်မယ်။ မရင် အာဂျွန် အဖေ့ကို တိုင်မယ်။ အတန်းမှာလည်း အတန်းမှာမို့၊ အိမ်မှာလည်း အိမ်မှာမို့နဲ့ အာဂျွန်ကတော့ တော်တော် စိတ်ပျက်နေသူပေါ့။ ဒါကိုတော့ အာနူးရဲ့ စိတ်ထဲမှာ ကြည်နူးစရာလို့ သတ်မှတ်ထားတယ်။ အမြဲလိုလို သူ့အပေါ် ဂရုစိုက်တတ်တဲ့ အာဂျွန်ကလွဲပြီး သူ့အတွက်တော့ အားကိုးစရာမရှိဘူး။ ငယ်ရွယ်စဉ်မှာ အမြဲလိုလို သည်းခံကြ၊ အနိုင်ယူကြနဲ့ အဆင်ပြေပေမဲ့ အရွယ်ရောက်လာတဲ့အခါမှာတော့.... ကဲဒီလောက်ဆို အားလုံးလည်း အချစ်ဇာတ်မြူးနဲ့အတူ ဒရာမကားကောင်းတစ်က

IMDb Rating (6.4) ညှို့အားပြင်းတဲ့ ဟောင်ကောင်မင်းသမီးလေး Irene Wan ပါဝင်သရုပ်ဆောင်ထားတဲ့ ရုပ်ရှင်ကားလေး.. ဟောင်းပေမယ့်ကောင်းနေဆဲ ရင်ထဲကို ကျလိကျလိဖြစ်အောင်လုပ်မယ့်ကားလေးပါ။ သူ့ကိုမြင်လိုက်တာနဲ့ ပြုံးစိစိဖြစ်သွားကြမယ့် လူတွေမြင်ယောင်ပါသေးတယ်..... ဇာတ်လမ်းကို ၁၉၉၁ ခုနှစ်တစ်ဝိုက်မှာဇာတ်အိမ်တည်ထားပြီး အဲ့ဒီအချိန်မှာ ဖြစ်ပျက်ခဲ့တဲ့ မြန်မာပြည်ရဲ့ တော်လှန်ရေးအနေအထားကိုပါ ထည့်သွင်းရိုက်ကူးထားပါတယ်။ ဒီဇာတ်လမ်းထဲမှာတော့ မမမေ က မြန်မာပြည်ကြီးမှာ အဖမ်းခံထားရတဲ့ သူ့ကောင်လေးကို ပြန်ရွေးဖို့အတွက် ဒေါ်လာနှစ်သိန်းလိုအပ်နေပါတယ်။ အဲ့ဒီအချိန် ဒုစရိုက်လူဆိုးဂိုဏ်းအဖွဲ့ရဲ့ စိန်ထုပ်က သူ့ဆီမတော်တဆရောက်လာပြီး မြန်မာပြည်ကြီးကို အဲ့ဒီစိန်ထုပ်နဲ့အတူ ဝင်ရောက်လာတဲ့အခါမှာ.... မြန်မာပြည်ကြီးကဘယ်လောက်ထိရက်စက်လဲဆိုတာတွေ ဘယ်လိုဒုက္ခတွေနဲ့ကြုံတွေ့ရမလဲဆိုတာကိုတော့ ဒီဇာတ်ကားမှာပဲ ကြည့်ကြည့်ရအောင်နော်။ ။ ဒီဇာတ်ကားကိုကြည့်ပြီးတော့ မင်းသမီး Irene Wan ကို နှစ်သက်သဘောကျတယ်ဆိုရင်တော့ သူ့ဇာတ်ကားတချို့တွေကို ထပ်ပြီးတင်ဆက်ပေးပါ့မယ်..။ အခုဇာတ်ကားကိုလဲ CM ထုံးစံအတိုင်း အကောင်းဆုံး Quality နဲ့တင်ဆက်ပေးထားတာပါ။ (ရုပ်ရှင်အညွှန်းနဲ့ဘာသာပြန်ကတော့ JoJoVa ဖြစ်ပါတယ်။) File size…(1.7 GB) and (1 GB) Quality….WEB-DL 1080p and 720p Format…mp4 Duration….01:28:00 Subtitle….Myanmar Subtitle (Hardsub) Encoder….Nyeinsaeya Aung Translated by Jo

My Phone Sex Partner / My PS Partner/ Whatcha Wearin'? IMDb Rating (6.9) / Rotten Tomatoes (58%) ဇာတ်လမ်းဘယ်ကစလဲဆိုတော့.. ကောင်မလေးက ချစ်သူဆီကို ဖုန်းဆက် Sex Chat ရာမှာ သူ့ချစ်သူဖုန်းနဲ့မှားပြီး သူစိမ်းကောင်လေးတစ်ယောက်ဆီ ရောက်သွားရာကနေ စပါတယ်... အပြင်မှာ သူတို့နှစ်ယောက်မသိပေမယ့် ဖုန်းထဲမှာ အရမ်းတွေပွင့်လင်းပြီး တစ်ယောက်ကိုတစ်ယောက်နားလည်ပေးလာရာက လှပတဲ့ဇာတ်လမ်းလေးဖြစ်လာတာပေါ့.. သူတို့နှစ်ယောက်လုံးက အချစ်မှာ ကံခေနေသူတွေလို့ ဆိုရမယ်..ဘာလို့ဆို... ကောင်လေးက မအောင်မြင်တဲ့ ဂီတပညာရှင်တစ်ဦးဖြစ်ပြီး အပြင်လောကထဲကအတိုင်း မအောင်မြင်သူဆို စွန့်ခွာတတ်ကြတဲ့ချစ်သူကြောင့် ကြေကွဲနာကျနေရသူပါ.. ကောင်မလေးမှာကျ ချစ်သူရှိပေမယ့် အလုပ်ကြိုးစားတဲ့ငကြောင်မို့လို့ လက်မထပ်နိုင်သေးဘဲ အရွယ်တော်ဟိုင်းတဲ့အထိ စောင့်စားရင်း အချိန်ကုန်နေရသူပါ... နှစ်ဖက်လုံးမှာ မြိုသိပ်ကြေကွဲစရာ ကိုယ်စီရှိကြတာကြောင့် ဖုန်းထဲမှာ ပွင့်လင်းစွာပြောဆိုကြရင်း လေလှိုင်းထဲမှာ တော်တော်ကို ရင်းနှီးသွားကြပါတယ်... သူတို့နှစ်ယောက်ရဲ့ လေပေါ်ကရင်းနှီးမှုဟာ အပြင်လောကကို သယ်ဆောင်လာနိုင်မလားဆိုကတော့...။ ဒီဇာတ်ကားက Sex Scenes တွေ Dialogue တွေကြောင့် 18+ ဖြစ်နေပေမယ့် တကယ်တော့ Romance အချစ်ဇာတ်ကားသန့်သန့်လေးပါ... မင်သားက နာမည်ကြီးဇာတ်လမ်းတွဲတချို့မှာ ပါဝင်ထားတဲ့ Ji Sung ဖြစ်ပြီး မင်းသမီးကတော့ 200 Pounds Beauty နဲ့

ငယ်ငယ်တည်းက မိဘမဲ့စွာနေခဲ့ရတာကြောင့် ရပ်ကွက်ရဲ့ တေလေဂျပိုး လူမိုက်တစ်ယောက်ဖြစ်တဲ့ ချန်းဆု... နှစ်အနည်းငယ်ကြာပြီးနောက် ထောင်က လွတ်လာခဲ့တယ် လွတ်ပြီးမကြာသေးခင်မှာ မထင်မှတ်ဘဲ လူတစ်ယောက်က မိန်းကလေးတစ်ယောက်ကို ရိုက်နှက်နေတာကို မခံနိုင်ဘဲ ဝင်ကူညီပြီးနောက် သူ့အိမ်မှာ လိုက်နေဖြစ်သွားတဲ့ ထိုမိန်းကလေး.... ချန်းဆုတစ်ယောက် အတူနေရင်း သံယောဇဉ် တွယ်လာပြီး လူမိုက်ဘဝကို အပြီးစွန့် လက်ထပ်ခွင့်တောင်းဖို့ပြန်လာချိန်မှာ ထိုမိန်းကလေး အသတ်ခံထားရတာကို မြင်လိုက်ရပါတယ် ထိုမိန်းကလေး အတိတ်က ပတ်သက်ခဲ့တဲ့သူတွေက ဘယ်သူတွေလဲ... ဘာတွေဆက်ဖြစ်မလဲဆိုတာ ဇာတ်ကားထဲမှာ ဆက်လက်ကြည့်ရှူ့လိုက်ကြရအောင် ။ Quality__720p IMDb Rating__6.2/10 Format__mp4 Duration__01:45:00 Type__Crime , Drama , Romance Subtitle__Myanmar Subtitle (Hardsub) Translated by SU Encoded by Naing Aung Latt

Supernova (2020) (IMDb  6.7) Tuskerနဲ့Samတို့က တစ်ယောက်ကိုတစ်ယောက် နက်ရှိုင်းစွာချစ်ကြတဲ့ သက်လယ်ပိုင်းGayစုံတွဲပါ။ ကံမကောင်းချင်တော့ Tuskerက Dementiaနောက်ဆုံးအဆင့်ကို ခံစားနေရပြီး မှတ်ဉာဏ်ခဏခဏပျောက်ဆုံးတဲ့ ရောဂါသည်တစ်ဦးပါ ရောဂါသည်Tuskerကို ခင်ပွန်းဖြစ်သူ Samက အရိပ်တကြည့်ကြည့်နဲ့ပြုစုစောင့်ရှောက်ပေးပါတယ် သူတို့ရဲ့ကားဟောင်းလေးနဲ့ သူငယ်ချင်း၊ ဆွေမျိုးတွေဆီကိုသွားလည်ပြီး အတိတ်က အတူရှိခဲ့တဲ့နေရာတွေကို ပြန်သွားချင်နေတဲ့ Tuskerရဲ့ဆန္ဒကို Samက ဖြည့်စည်းပေးဖို့ကြိုးစားခဲ့ပါတော့တယ် လူ့သဘာဝအရ တခါတရံ သူတို့နှစ်ဦးသားသဘောထားချင်းမတိုက်ဆိုင်ပေမဲ့ Tuskerနဲ့Samတို့ဟာ အချစ်မပျက်ခဲ့ကြပါဘူး သူတို့အချင်းချင်း တိတ်တဆိတ်နဲ့ တစ်ဦးပေါ်တစ်ဦးချစ်ခြင်းမေတ္တာဖော်ကျူးထားပုံကို Supernovaဆိုတဲ့ဇာတ်ကားလေးမှာ ဆက်လက်ရှုစားကြပါဦး။ Khine Khine Wai နဲ့ Ei Phyu Khin တို့က ဘာသာပြန်တင်ဆက်ပေးထားပါတယ်။ File Size : (1.3GB) and (857MB) Quality : Format…mp4 Duration…1h 35min Genre : Drama, Romance Subtitle : Myanmar Subtitle (Hard Sub) Translated by Khine Khine Wai & Ei Phyu Khin Encoded by Myoko

ဝီလျံဖို့ဒ်ဆိုတဲ့ အမေရိကန်လူငယ်လေးဟာ သူ့သူငယ်ချင်းအတွဲတစ်တွဲနဲ့အတူဥရောပကိုခရီးထွက်လာခဲ့ပါတယ်။ ခရီးစဉ်ရဲ့ရည်ရွယ်ချက်က သူ့ဖခင်ဆုံးသွားတဲ့နောက် ပစ္စည်းအဟောင်းလေးတွေကိုလှန်လှောရင်းရှာတွေ့ခဲ့တဲ့ စာလေးတစ်စောင်ကြောင့်ပဲ။ လိပ်စာ၊ရည်ညွှန်းချက်အပြည့်အစုံပါပေမယ့် သူ့အဖေမပို့ဖြစ်ခဲ့တဲ့စာလေးကို သူ့အလှည့်မှာရောက်အောင်ပို့မယ်ဆိုပြီးထွက်လာခဲ့တာ။ အဲ့ဒီလိုဆုံးဖြတ်မိတာ ဘာကြောင့်လဲ သူကိုယ်တိုင်ရေရေရာရာမသိဘူး။ဖခင်ဖြစ်သူအပေါ်လည်း အဲ့ဒီလောက်လေးလေးနက်နက်ခံစားချက်ရှိတဲ့သူမဟုတ်ဘူး။ သူ့စရိုက်ဟာ ညစ်ကျယ်ကျယ်ခပ်ရိုင်းရိုင်းဖြစ်တယ်။ အဲ့ဒီစရိုက်ကြောင့်ပဲ အတူခရီးသွားဖော် သူငယ်ချင်းအတွဲနဲ့ရန်ဖြစ်ပြီးလူချင်းကွဲသွားသလို အဲ့ဒီစရိုက်ကြောင့်ပဲ မြို့ခံမိန်းမငယ်လေး အက်ဖီနဲ့ ဘုဘောက်ကျပြီး မိတ်ဆွေဖြစ်ခဲ့ကြတယ်။ကိုပင်ဟေဂင်ဟာ သာမန်ဥရောပမြို့တစ်မြို့မဟုတ်ပဲ ဒင်နီယယ့် ဖခင်ရဲ့မွေးရပ်မြေဖြစ်ပါတယ်။ ဒင်နီယယ်ရဲ့ ဘာသာစကားအခက်အခဲကိုသိသွားတဲ့ အက်ဖီဟာ ဒင်နီယယ်သွားလိုတဲ့အရပ်ကို ကူညီစုံစမ်းရင်းနဲ့ ခရီးတိုလေးတစ်ခုကို စတင်မိခဲ့ကြပါတယ်။ အဲ့ဒီခရီးတိုလေးဟာ သူတို့နှစ်ဦးအတွက် တစ်သက်မမေ့နိုင်စရာ အဓိပ္ပါယ်တွေအများကြီးဆောင်ယူလာခဲ့မယ့် ခရီးလေးတစ်ခုဖြစ်လာပါတော့တယ်။ Copenhagen က ၂၀၁၄တုန်းကထွက်ထားတဲ့ အင်ဒီကားလေးတစ်ကားပါ။ပရိသတ်တွေဆီကရော ဝေဖန်ရောဆရာတွေဆီကပါ ရီဗျူးအကောင်းတွေပိုင်ဆိုင်ထားပြီး၊ ရုပ်ရှင်ပွဲတော်တွေအများကြီးမှာ ဆုတွေရထားပါတယ်။ အင်ဒီကားဆိုပေမယ

"သူနဲ့ မတွေ့ခင်က ကျွန်မဘဝဟာ... အရမ်းကို ရိုးရှင်းပြီး ပုံသေ သတ်မှတ်ထားပြီးသားပါ... အခုတော့ သူနဲ့ တွေ့ပြီးနောက်ပိုင်း... သူနဲ့ တွေ့ပြီးတဲ့ နောက်ပိုင်း ဆိုတာပဲ... ရှိတော့တယ်" "ကျွန်တော့်ဘဝမှာ ဝတ္ထုပေါင်းများစွာ ဖတ်ခဲ့ဖူးပါတယ်... အများစုက အချစ်ဆိုတာ စကြဝဠာကြီးရဲ့ ဗဟိုချက်လို့ ပြောကြပါတယ်... အချစ်က ကျွန်တော်တို့ရဲ့ အတွင်းဒဏ်ရာတွေကို ကုစားပေးနိုင်တယ်... အချစ်ဟာ ကျွန်တော်တို့ အသက်ရှင်ဖို့ လိုအပ်တဲ့အရာပါပဲတဲ့... သူနဲ့ မတွေ့ခင်အထိ ကျွန်တော့်ကို အခြားတစ်ယောက်က... လုံးဝဖမ်းစားသွားနိုင်မယ်လို့ ဘယ်တုန်းကမှ မထင်ခဲ့ဖူးပါဘူး" ဒီတစ်ခါတော့ ရိုမက်တစ်ဆန်ဆန် အချစ်ဇာတ်လမ်းကောင်းလေးတွေကို ချစ်တဲ့ ပရိသတ်တွေအတွက် After ဆိုတဲ့ ဇာတ်လမ်းကောင်းလေးကို မိတ်ဆက်ပေးလိုက်ပါတယ် တက်ဆာဆိုတဲ့ စာတော်ပြီး အမေစိတ်တိုင်းကျ ကြိုးစားနေတဲ့ စာကြမ်းပိုးမလေးတစ်ယောက် ကောလိပ်ကို ရောက်လာတာက ဇာတ်လမ်းကို စတည်ထားပါတယ် အမေဖြစ်သူက စီစဉ်တဲ့အတိုင်း ဘဝကို နေထိုင်ရင်း ဟာဒင်ဆိုတဲ့ ကောင်လေးနဲ့ တွေ့တဲ့အချိန်မှာ သူဘာတွေ ပြောင်းလဲ သွားမှာလဲ ဟာဒင်ကရော ဘယ်လိုကောင်လေးလဲဆိုတာတော့ ဇာတ်လမ်းထဲမှာ ဆက်လက်ကြည့်ရှုလိုက်ကြပါ ဇာတ်ကားအနှစ်သာရ ပျက်သွားမှာ စိုးလို့ အများကြီး မညွှန်းပေးတော့ပါဘူး စကြည့်မိတာနဲ့ လုံးဝနစ်မျောသွားမယ့် အချစ်ဇာတ်လမ်းလေးပါ ကြည့်ပြီး နောင်တမရစေရမယ့်ဇာတ်ကားကောင်းလေးဖြစ်လို့ လက်မလွတ်တမ်း ကြည့်ကြဖို့ ညွှန်းပေးပါရစေ (ဇာတ်လမ်း

Hear Me (2009) IMDb - 7.5/10   အချစ်မှာ မျက်စိမပါဘူးလို့ဆိုကြပါတယ်။ တကယ်တော့ အချစ်မှာ နားလဲမပါဘူးဆိုတာ ဒီဇာတ်ကားမှာတွေ့ရပါမယ်။ အကြားအာရုံမပါဝင်ဘဲ ချစ်ခြင်းမေတ္တာတစ်ခုဖြစ်ပေါ်လာပုံကို တင်ဆက်ထားပါတယ်။ ချစ်ခြင်းမေတ္တာကိုဖွဲ့နွဲ့ကြတဲ့ဇာတ်ကားတွေထဲမှာ ဒီဇာတ်ကားကတော့ ပိုမိုထူးခြားပါတယ်။ အလွန်ပေါ့ပါးစွာ တင်ဆက်ထားပေမယ့် နက်နဲတဲ့ချစ်ခြင်းရဲ့ရသတွေကို ကြည့်နေရင်းခံစားရပါတယ်။ ဇာတ်ကားရဲ့အဆုံးသတ်စာသားလေးကလဲ ကြည်နူးဖွယ်ရာပါ။ " အချစ်နဲ့အိမ်မက်ကအံ့သြဖွယ်ကောင်းပါတယ်။ သူတို့တွေဟာ ကြားဖို့ရော စကားပြောဖို့ရော ဘာသာပြန်ပေးဖို့ရော မလိုအပ်ကြဘူး။" Drama, Romance အမျိုးအစား ထိုင်ဝမ်ဇာတ်ကားဖြစ်ပြီး IMDb Rating (7.5/10) ရရှိထားလို့ ကြည့်သင့်တဲ့ဇာတ်ကားကောင်းလေးတစ်ကားပါ။ (ဒီဇာတ်ကားကိုတော့ Phyo Thu Hein မှခံစားတင်ဆက်ထားပါတယ်။) File size...(804 MB) and (1.7GB) Quality...BR-Rip 720p and 1080p Format...mp4 Duration....01:49:27 Subtitle....Myanmar Subtitle (Hardsub) Translator.....Phyo Thu Hein Encoder....Nyeinsaeya Aung

Dark Side Production မှတင်ဆက်သည်။ IMDb (6.3) ဒီဇာတ်ကားလေးကတော့ လိင်ကိစ္စတက်ကြွနေဆဲဖြစ်တဲ့ လူငယ်လေးတွေရဲ့ သဘာဝကို ဟာသနှောပြီး ရိုက်ပြထားပါတယ် ဇာတ်ကားထဲမှာ စုံတွဲ ၅တွဲပါဝင်ထားပြီး တစ်တွဲနဲ့တစ်တွဲရဲ့ လိင်ဆက်ဆံဖြစ်ပုံလေးတွေကလည်း မတူညီကြပါဘူး ။ ပြီးတော့ ဝမ်းသာစရာက..... ဇာတ်ကားတစ်ကားလုံးကလဲ ကုတင်ပေါ်မှာတင် အဆုံးသတ်သွားတာဆိုတော့ကာ........ ၁)Friends ပထမစုံတွဲက သူငယ်ချင်းတွေပါ ။ငယ်ငယ်တည်းက ရင်းနှီးခဲ့တဲ့ သူငယ်ချင်းတွေဖြစ်ပြီး လိင်ကိစ္စအာသာပြေဖို့ သက်သက်သာ ဆက်ဆံကြမှာပါ။ ၂)Room-mate ဒုတိယအတွဲကတော့ ဆန်းကျယ်စွာပါပဲ လူ ၃ယောက် ဖြစ်နေတာပါ။ သူ့ကောင်မလေးကို သူ့အခန်းဖော်က လိင်ဆက်ဆံတာကို ထိုင်ကြည့်ချင်တာပါတဲ့..... ၃)The couple တတိယစုံတွဲကတော့ လင်မယားတွေပါ။ ဒါပေမယ့် တစ်ယောက်နဲ့တစ်ယောက် မရိုးသွားအောင်လို့တဲ့ ကျွန်တော်တို့ စိတ်ကူးထဲမှာတောင် မယဉ်ဘူးတဲ့ ဆန်းကျယ်လှတဲ့ နည်းလမ်းတစ်မျိုးနဲ့ Sex ကိစ္စလုပ်ကြမှာပါ....... ၄)The exes ဒီ စတုတ္ထအတွဲကတော့ လင်မယားဟောင်းတွေပါ အကြောင်းအမျိုးမျိုးကြောင့် လမ်းခွဲခဲ့ကြပြီးမှ ပြန်တွေ့ကြတဲ့အခါ.....ခံစားချက်ရမ္မက်ကြီးမားစွာနဲ့..........ချစ်ရည်လူးကြမှာပါ.... ၅)The first date ဒီနောက်ဆုံးအတွဲကတော့ ပထမဆုံးအကြိမ်ချိန်းတွေ့ကြတာပါ ပထမဆုံးအကြိမ်ဆိုပေမယ့် ယောကျာၤးလေးရဲ့ မိန်းမတွေနဲ့ ပတ်သက်တဲ့ စကေးကြမ်းမှု ကြောင့်.....ကုတင်ပေါ်ရောက်သွားကြတဲ့အခါ.......။ (ရုပ်ရှင်အညွှန်းနဲ့ဘာသာပြန်ကတော့

Your Eyes Tell (2020) မိုးအေးနေတဲ့ဒီလိုအချိန်တွေမှာ ကြည့်လို့ကောင်းမဲ့ Melo Drama ဇာတ်ကားတစ်ခုပါ။ Ryusei Yokohama နဲ့ Yuriko Yoshitakaတို့က ပါဝင်သရုပ်ဆောင်ထားပါတယ်။ နာမည်ကြီး Kpop group ဖြစ်တဲ့ BTS အဖွဲ့ရဲ့ "Your Eyes Tell" သီချင်းကို Theme Song အဖြစ်အသုံးပြုထားပါတယ်။ အန်တိုနီယို ရေးက လက်ဝှေ့သမားဖြစ်ခဲ့ဖူးပေမဲ့ အတိတ်ကလုပ်ရပ်အမှားကြောင့် အတိတ်ကိုပြန်မပြောချင်တဲ့အထိ သူ့ကိုယ်သူ စိတ်နာနေတဲ့သူပါ။ "အကရီ"ကတော့ သူ့မိဘတွေနဲ့ခရီးသွားရင်း ကားမတော်တဆဖြစ်ပြီး အမြင်အာရုံဆုံးရှုံးခဲ့ရသူပါ။ ထောင်ကထွက်လာပြီးတဲ့နောက် ရေးက လက်ဝှေ့ဆရာတွေဆီပြန်မသွားဘဲ ဇာတ်မြှုပ်ရင်း ကားပါကင်စောင့်တဲ့အလုပ်ကိုဝင်လုပ်ပါတယ်။ အကရီက ရေးကို ကားပါကင်စောင့်တဲ့ဦးလေးလို့အထင်မှားပြီး ရေးနဲ့စကားပြောမိရာကနေ သူတို့နှစ်ဦးစပြီးဆုံကြပါတယ်။ ဘဝကိုအရှုံးပေးထားတဲ့ ရေး က အမြင်ဆုံးရှုံးထားပေမဲ့ ဘဝမှာ ပျော်ပျော်နေနိုင်အောင်ကြိုးစားနေတဲ့ အကရီကိုကြည့်ပြီး ပြောင်းလဲလာပါတယ်။ တစ်ဖက်မှာလည်း သူ့ရဲ့အတိတ်ဟောင်းတွေနဲ့အတူ အကရီရဲ့မျက်စိကွယ်ရတဲ့အကြောင်းအရင်းက ဆက်စပ်နေတဲ့အခါ... ရေးနဲ့အကရီတို့နှစ်ယောက် ဘာတွေဆက်ပြီးကြုံတွေ့ကြရမလဲ... ဒဏ်ရာတွေကို ဘယ်လိုကုစားဖေးမပေးကြမှာလဲဆိုတာကို ဇာတ်လမ်းထဲမှာဆက်ပြီးကြည့်ရှုပေးပါဦး။ ( အညွှန်းရေးသားထားသူကတော့ Ingyin San ပါ ) Quality__1080p, 720p IMDb Rating__7.1/10 Format__mp4 Duration__02:03:00 Type__Drama , Romance Subtitle

ယူရာနို ဆူဇူ........ဆူဇူဟာ စိတ်ကူးယဉ်ပြီး အတွေးလွန်တတ်တဲ့ မိန်းကလေးတစ်ယောက် ပုဲဆွဲတော်သလို ပုံဆွဲရတာကိုလည်း သူကြိုက်တယ် မိသားစုနဲ့အတူ ဟီရိုရှီးမားမြို့မှာနေပြီး ခပ်တည်တည်နေတတ်ပြီး စိတ်ဆက်တဲ့အကိုနဲ့ သွက်လက်ပြီး ချစ်စရာကောင်းတဲ့ ညီမတို့ကြားက ရိုးရိုးအေးအေးနေတတ်တဲ့ ကောင်မလေးပေါ့ သူမ အသက် ၁၈ နှစ်ပြည့်တဲ့အချိန်မှာ မိဘတွေရဲ့ စီစဉ်မှုကြောင့် အိမ်ထောင်ပြုခဲ့ရပြီး ရောင်နောက်ဆံထုံးပါဆိုသလို ခင်ပွန်းဖြစ်သူရဲ့ ဇာတိ ရေတပ်အခြေစိုက်ရာ မြို့ဖြစ်တဲ့ ကူရဲယ်မြို့ကို လိုက်နေရပါတော့တယ် ဒုတိယကမ္ဘာစစ်ဖြစ်ပြီး ဂျပန်နိုင်ငံမှာလည်း စစ်မီးတောက်လောင်နေတဲ့အချိန်ဖြစ်လို့ ဆူဇူ တစ်ယောက် အိမ်ထောင်ရှင်မတစ်ယောက်ရဲ့ တာ၀န် ကျေပွန်ဖို့နဲ့ စစ်ပွဲကြီးအတွင်းမှာ အသက်ရှင် သန်နိုင်ဖို့ ကြိုးစားရပါတော့တယ်..... ဒီ anime ‌လေးဟာ အရင်ခေတ် ဂျပန်မိန်းကလေးတွေရဲ့ ဘ၀နဲ့ ဒုတိယကမ္ဘာစစ်အတွင်းက ဂျပန်ပြည်သူတွေ ခံစားခဲ့ရတဲ့ ဆင်းရဲဒုက္ခတွေကို နူးနူးညံ့ညံ့လေးနဲ့ ထိရှခံစားရအောင် ဖော်ပြထားလို့ anime ကြိုက်သူ မဟုတ်ရင်တောင် ကြည့်ရှုသင့် တယ်လို့ တိုက်တွန်းလိုက်ပါတယ် Translated and Reviewed by : Aung Tayza Encoded by ; YK File Size : 2.17GB and 1.42GB Quality : 1080p and 720p Duration  : 2h 9min

His 2020 ကိုယ်ကြိုက်ချင်တဲ့လူကို ကြိုက်ခွင့်ရှိတာက လူတယောက်ရဲ့ လွတ်လပ်ခွင့်တဲ့ ကဲ အဓိပ္ပါယ်လေးကတော့ ထိထိမိမိနဲ့ ရှင်းရှင်းလေးပါပဲ ကျွန်တော်တို့ လူ့ပတ်ဝန်းကျင်ဆိုတဲ့ သဘောသဘာဝကြီးကတော့ လွတ်လပ်ခွင့်တွေကို အပြစ်တင် ဝေဖန်တတ်ကြစမြဲ ဒါပေမယ့်လည်း အဲ့ပတ်ဝန်းကျင်ကြီးမှာပဲ နေသားတကျဖြစ်အောင်နေရင်း ရှေ့ဆက်လျှောက်လှမ်းကြရတာပါပဲ အဲ့လိုရှေ့ဆက်လျှောက်လှမ်းကြမယ့် ကောင်းလေးနှစ်ယောက်ရဲ့ အချစ်ရေးအကြောင်းကို ဒီဂျန်ကားလေးထဲမှာ စီးမျောကြည့်ဖို့ အကျဉ်းချုပ်လေး ပြောပြရရင် ရွှမ်နဲ့ နာဂီဆာ တို့နှစ်ယောက်ဟာ အထက်တန်းကျောင်းသားဘဝတည်းက ချစ်သူဖြစ်ခဲ့ကြပြီး တက္ကသိုလ်ထိလည်း ဆက်ဆံရေးလေးဟာ ချိုမြိန်နေခဲ့ပါတယ် ဘွဲ့ရခါနီး တနေ့မှာတော့ မထင်မှတ်စွာပဲ နာဂီဆာက ရွှမ်ကို လမ်းခွဲပြီး ထားပစ်ခဲ့ပါတော့တယ် စိတ်ဒဏ်ရာတွေကြောင့် ရွှမ်တယောက် လူတွေနဲ့ သိပ်မဆက်ဆံရတဲ့ ကျေးလက်ဒေသလေးမှာ ဇာတ်မြုှပ်နေခဲ့ပြီး နှစ်တွေကြာပြီးနောက် နာဂီဆာဟာ သူ့ရဲ့ချစ်စရာ သမီးလေး ဆိုရာကိုခေါ်ပြီး ရွှမ့်ဆီ ပြန်ရောက်လာတဲ့ခါ... ပျော်ရွှင်စရာအခိုက်အတန့်လေးတွေဖြစ်နေရင်တောင် သူတို့ရဲ့လွမ်းဆွတ်အားငယ်စရာ ခံစားချက်တွေကို သိမြင်ခံစားလာစေမယ့် မိသားစုဆန်ဆန် BLကားလေးဖြစ်လို့ ရင်ထဲတခုခု စွဲကျန်နေခဲ့မှာ အသေအချာပါ ။ ( အညွှန်းရေးသားထားသူကတော့ Hay Mann Thitsar ပါ ) File Size__2.2 GB , 1.1 GB Quality__1080p , 720p , 360p IMDb Rating__7.5/10 Format__mp4 Duration__02:05:0