အချစ်ဇာတ်လမ်းများ

Tehranto (2022) IMDb Rating (5.8) ရုပ်ရှင်ဇာတ်လမ်းဟာ တိုရွန်တိုမြို့ရဲ့ ထူးခြားတဲ့ အလှပပုံရိပ်နောက်ခံမှာ၊ အီရန်ယဉ်ကျေးမှုနဲ့ အနောက်တိုင်း ဘဝတွေကြားက ပဋိပက္ခတွေကို ပြသထားတဲ့ အချစ်ဇာတ်လမ်းတစ်ပုဒ်ဖြစ်ပါတယ်။ ဘာဒီးက နဲ့ ဟန်နာ တို့က ဘာသာစကား၊ ယဉ်ကျေးမှုနဲ့ မျိုးဆက်အဆက်ကြား ကွာဟမှုတွေကြားက အချစ်တစ်ခုကို ဖော်ဆောင်သွားကြတာ ဖြစ်ပါတယ်။ ဇာတ်လမ်းထဲမှာ သဘာဝကျတဲ့ ဟာသတွေနဲ့ အလှအပလှုံ့ဆော်မှုတွေ ပါဝင်ပြီး၊ ခေတ်သစ်နဲ့ ရိုးရာကြား ပေါင်းစည်းမှုတွေကို ရိုမန့်တစ်ဆန်ဆန် ရှုစားရမှာ ဖြစ်ပါတယ်။ Tehranto ဟာ အချစ်နဲ့ ကိုယ့်ကိုယ်ကို ရှာဖွေဖို့ လမ်းစဉ်တစ်ခုကို ပရိသတ်တွေအတွက် ဖော်ဆောင်လာပေးနိုင်တဲ့ ဇာတ်ကားကောင်းတစ်ခုဖြစ်ပါတယ်။ (အညွှန်းနဲ့ဘာသာပြန်ကတော့ Pyae Aung Kyaw ဖြစ်ပါတယ်။) File size…(1.2 GB) / (520 MB) Quality….WEB-Rip 1080p HEVC / 720p Format…. mkv/mp4 Genre….Comedy,Drama,Romance Duration….01:25:18 Subtitle….Myanmar Subtitle (Hardsub) Encoder….Double K Translated by Pyae Aung Kyaw

တက်ကြွဖျတ်လတ်သော တေးထုတ်လုပ်သူတစ်ဦးဖြစ်တဲ့ အိုလီထရင်ကီ ဆိုတဲ့လူငယ်လေးက အလုပ်ကြိုးစားသောဝန်ထမ်းတစ်ဦးဖြစ်သလို မိခင်ဆုံးပါးသွားတဲ့သမီးလေးကို စောင့်ရှောက်နေရသော ဖခင်တစ်ဦးလည်းဖြစ်ပါတယ်။ လုပ်ငန်းခွင်အတွင်း အဆင်မပြေမှုတွေ၊မိသားစုရေးပြသနာတွေ ကြုံတွေ့ရချိန်မှာတော့ ဖိအားပေါင်းများစွာရဲ့ ဒဏ်တွေကြောင့် အလုပ်ကိုဆုံးရှုံးခဲ့ရပြီး သမီးလေးအနားမှာ အချိန်ပေးဖို့ ဆုံးဖြတ်ခဲ့ပါတယ်။ သို့သော် အမှတ်မထင် ကြက်ကန်းဆန်အိုးတိုးဆိုတဲ့အတိုင်း အလုပ်အကိုင်အခွင့်အရေးပြန်ရချိန်မှာတော့ သူသိပ်ချစ်ရတဲ့သမီးလေးအတွက် ဘယ်လိုအခက်အခဲတွေရှိလာမလဲ အောင်မြင်မှုနေရာ ပြန်ရနိုင်မလား သူ့ဘဝရဲ့ လက်တွဲဖော်ကိုရော ထပ်တွေ့ခွင့်ရဦးမှာလား ဆိုတာကိုတော့ ဒီဇာတ်လမ်းလေးထဲမှာပဲ ဆက်လက်ကြည့်ရှုပေးကြပါခင်ဗျာ ရုပ်ရှင်ကားကို Kay Khaing Htun မှ ဘာသာပြန်ပေးထားပါတယ်

Someone Like You (2024) IMDb Rating – 5.8/10 ဒါကတော့ ဒါရိုက်တာ Tyler Russell ရိုက်ကူးထားပြီး မင်းသား Jake Allyn နဲ့ မင်းသမီး Sarah Fisher တို့ အဓိကပါဝင်ထားတဲ့ လွမ်းမောဖွယ်ရာ အချစ်ဇာတ်ကားလေးပါ။ ဒေါ်ဆန်နဲ့လန်ဒန်တို့ဟာ ကလေးဘဝတည်းက သူငယ်ချင်းတွေပါ။ ဒေါ်ဆန်က လန်ဒန့်ကိုချစ်နေခဲ့ပေမယ့် friend zoneထဲမှာပိတ်မိနေခဲ့ပါတယ်။ သူဖွင့်ပြောတော့မဲ့အချိန်မှာပဲ လန်ဒန်က မတော်တဆဖြစ်ပြီး သေဆုံးသွားခဲ့ပါတယ်။ နောင်တတွေနဲ့ အချစ်ဦးကိုမေ့မရနိုင်တဲ့ ဒေါ်ဆန်က လန်ဒန်က ဖန်ပြွန်သ‌န္ဓေသားဖြစ်ပြီး အမြွှာညီအစ်မရှိနေတာကို သိလိုက်ရတဲ့အခါ......ရှာပုံတော်ဖွင့်ဖို့ ဖြစ်လာခဲ့ပါတယ်။ အမြွှာ အန်ဒီကလည်း မိဘရင်းတွေရှိသေးမှန်းသိလာတဲ့အခါ ဒေါ်ဆန်နဲ့ ဆက်သွယ်ရဖို့ဖြစ်လာပါတယ်။ အစ်မဖြစ်သူအကြောင်း သိချင်နေတဲ့ အန်ဒီက ဒေါ်ဆန်နဲ့ အစ်မဖြစ်သူ လုပ်ခဲ့ဖူးတာတွေကို လိုက်လုပ်ကြည့်ရင်း သူတို့နှစ်ဦးဟာ နှလုံးသားချင်းနီးစပ်လာကြတဲ့အခါ.....။ (အညွှန်းကို K မှ ရေးသားထားပါတယ်) File size…2.2GB / 820MB Quality… WEB-DL 1080p/ 720p Format…mp4 Duration….2h 06m Genre ….. Romance, Drama Subtitle….Myanmar Subtitle (Hard Sub) Translated by K Encoded by AHtet

Love in the Big City (2024) IMDb... 7.9 Series အနေနဲ့ အရင် ထွက်ရှိခဲ့တဲ့ Love In The Big City ရဲ့ Movie Version ထွက်ရှိလို့ လာပါပြီ။ Movie Version မှာတော့ လောလောလတ်လတ် Exhuma ဇာတ်ကားနဲ့ ဆုတွေ ဆွတ်ခူးရရှိထားတဲ့ မင်းသမီး Kim Go Eun နဲ့ Soundtrack 2, Curtain Cell အစရှိတဲ့ ဇာတ်လမ်းတွဲထဲက မင်းသား Noh Sang Hyunတို့က Main Cast အဖြစ် ပါဝင်ထားပါတယ်။ (ယခုကားနဲ့ပဲ မင်းသား Noh Sang Hyun ဟာ 45th Blue Dragon Film Awards မှာ တက်သစ်စ အမျိုးသားသရုပ်ဆောင်ဆု ကိုရရှိခဲ့ပါသေးတယ်။) -ဇာတ်လမ်းအညွှန်း- ပြင်သစ် ဘာသာ စကားကို အထူးပြုလေ့လာနေတဲ့ ဂူဂျယ်ဟီး (Kim Go Eun) ကတော့ ဘဝကို အပူအပင်မရှိ ပေါ့ပေါ့ပါးပါး ဖြတ်သန်းနေပြီး ရည်းစားထားရတာကို သဘောကျတဲ့ Straight Woman ဖြစ်ပြီး သူ့ရဲ့ ပွင့်လင်းတဲ့စရိုက်ကြောင့် ကျောင်းမှာလည်း မကြာခဏဆိုသလို အတင်းပြောခံရတဲ့ ကောင်မလေးပေါ့။ ဂူဂျယ်ဟီးနဲ့ တစ်ကျောင်းတည်းမှာ အတူတူ တက်နေတဲ့ ဂျန်ဟွန်းဆူကတော့ လိင်တူချင်း သဘောကြသူဖြစ်ပြီး ဂေးဆိုတဲ့ ဖြစ်တည်မှုကို တစ်ဘဝလုံး လျှို့ဝှက်လာခဲ့သူ ဖြစ်ပါတယ်။ အဲဒီလိုနဲ့ တစ်ရက်မှာတော့ မထင်မှတ်ဘဲ ဟွန်းဆူရဲ့ လျှို့ဝှက်ချက်ကို ဂျယ်ဟီးက သိရှိသွားပါတော့တယ်။ ဒါပေမဲ့ ဟွန်းဆူ ကြောက်ရွံ့နေသလိုမျိုး ဂျယ်ဟီးက သူ့ရဲ့ ဖြစ်တည်မှုကို ပြက်ရယ်ပြုတာမျိုး မရှိဘဲ သူ့ကို ကာကွယ်ရပ်တည်ပေးခဲ့ပါသေးတယ်။ ဒီလိုနဲ့ ရင်ဘတ်ချင်းတူလို့ ဘော

ဇာတ်ကားဟာ 1988 ကထွက်ရှိထားတဲ့ Action/Thriller အမျိုးအစား ဖြစ်ပါတယ်။ IMDb 5.2 ရရှိထားပြီးတော့ မင်းသားကြီး Chuck Norris ပါဝင်သရုပ်ဆောင်ထားပါတယ်။ ဇာတ်လမ်းအကျဉ်းကတော့ စုံထောက် အိုဘရိုင်ယန် ဟာ တစ်ယောက်တည်းလှုပ်ရှားတာကိုနှစ်သက်ပြီးလူသတ်မှုတွေကို ဘယ်လိုစုံစမ်းမလဲ၊ ကွင်းဆက်လူသတ်သမား လွတ်မြောက်လာမှုကို ဘယ်လိုပြန်လည်ဖမ်းဆီးမလဲဆိုတာကို ရှုစားရမှာပါ။ 1988 ခုနှစ်ကထွက်ရှိထားပြီး အက်ရှင်ဇာတ်ကားကြိုက်သူတို့အတွက် ဇာတ်လမ်းကောင်းလေးတစ်ပုဒ်ဖြစ်မှာ သေချာပါတယ်။ File Size :  2 GB, 984 MB Quality : WEB-DL 1080p / 720p Running Time : 1hr 40min Format : Mp4 Genre : Action, Crime, Drama, Thriller Subtitle : Myanmar Subtitle (Hard Sub) Translated by : KK Encode by : Thit San Khant

Fly On (2023) Hotsureru IMDb Rating (5.8) ဒရာမာအမျိုးအစား အချစ်ရုပ်ရှင်အိမ်ထောင်ရေး ဇာတ်လမ်းကောင်းလေးတစ်ကားပါ။ ဝါတာကိုဆိုတဲ့ မိန်းကလေးဟာ သူ(မ)ရဲ့ ချစ်ရသူဖြစ်တဲ့ ကီမူရာကို တိုကျိုက အက်ဆီးဒန့်တစ်ခုမှာ ဆုံးရှုံးခဲ့ရတယ်။ ဒီမိန်းကလေးဟာ ဒီဝမ်းနည်းမှုကို မေ့ပျောက်ပြီး ဘဝကို သူ့ယောက်ျားနဲ့ပဲ အေးအေးဆေးဆေး ဖြတ်သန်းတော့မယ်လို့ ဆုံးဖြတ်လိုက်တယ်။ ဒါပေမဲ့ မေ့ချင်ယောင်ဆောင်ပြီးနေခဲ့ပေမဲ့ ကီမူရာကို ဆုံးရှုံးလိုက်ရတာကြီးက သူ့(မ) ဘဝမှာ အမှတ်သားကြီး တစ်ခုအနေနဲ့ထားခဲ့ပြီး သူ့နဲ့အတူရှိခဲ့ဖူးတဲ့ အမှတ်တရတွေဆီက မလွှတ်မြောက်နိုင်တဲ့အခါ.. (အညွှန်းနဲ့ဘာသာပြန်ကတော့ Lin Thurein ဖြစ်ပါတယ်။) File size…(830 MB) / (750 MB) Quality….WEB-DL 1080p HEVC / 720p Format…. mkv/mp4 Genre….Drama, Romance Duration….01:25:11 Subtitle….Myanmar Subtitle (Hardsub) Encoder….Benjamin Translated by Lin Thurein

Dust in the Wind (1986) ~ IMDb - 7.6/10, Rotten Tomatoes - 100% ~ Dust in the Wind ဟာ နာမည်ကျော်ထိုင်ဝမ်နယူးဝေ့ဒါရိုက်တာတွေထဲကတစ်ယောက်ဖြစ်တဲ့ Hou Hsiao-Hsien နဲ့ ဇာတ်ညွှန်းဆရာ Wu Nien-Jen တို့ တွဲလုပ်ထားတဲ့ Hou and Wu's Collaborations Trilogy ထဲက ပထမဆုံးကားပါပဲ။ ထိုင်ဝမ်နယူးဝေ့တွေမှာ အတွေ့ရများတဲ့အတိုင်း တိုးတက်မလာခင် တိုးတက်လာဆဲ ထိုင်ဝမ်ရဲ့ ခေတ်အခြေအနေကို ဇာတ်ကောင်တွေရဲ့ ဖြတ်သန်းကြပုံကို ရိုက်ပြထားတယ်။ Dust in the Wind ထဲက အခြေအနေတွေဟာ Hou တို့တွေ ဖြတ်သန်းခဲ့ရတဲ့ အခြေအနေတွေဖြစ်ပြီး ၁၉၇၀ ထိုင်ဝမ်ရဲ့ မြို့ပြရယ်လို့ တိုးတက်မှုတွေများပြားလာတဲ့ ကာလမှာဇာတ်အိမ်တည်ထားတယ်။ အဲဒီကာလမှာ နယ်မြို့ရွာလေးတွေက လူငယ်တွေဟာ တိုင်ပေမှာ အလုပ်လုပ်ရင်း ကျောင်းဆက်တက်သူတက်ကြတယ်။ အလုပ်ချည်းလုပ်သူက လုပ်ကြတယ်။ အိမ်ကို ငွေတွေပြန်ပို့ကြတယ်။ မြို့ပေါ်ကနေ စစ်မှုထမ်းဝင်သူတွေကလည်း ဝင်ကြတယ်။ ဒီလိုအချိန်မှာ လူငယ်တွေ ကြုံတွေ့ရတဲ့ လုပ်ငန်းခွင်အနိုင်ကျင့်မှုတွေကိုလည်း ပုံဖော်ထားသလို ကောင်းတဲ့အလုပ်ရှင်တွေကိုလည်း ပုံဖော်ထားတယ်။ ပြောရရင် Dust in the Wind ဟာ ခေတ်တစ်ခုရဲ့လူငယ်တွေဘဝကို ပုံဖော်ထားတဲ့ ရုပ်ရှင်သက်သက်ပဲ။ နယူးဝေ့ရုပ်ရှင်စာရင်းတော့ဝင်ပေမဲ့ ထိုင်ဝမ်နယူးဝေ့ဒိုကူမန်ထရီထဲ Hou ပြောဖူးသလိုပဲ အသစ်ဘာမှမရှိပါဘူး။ အရာတိုင်းက ရိုက်ပြပြီးသားချည်းပဲ။ ကိုယ့်ရှေ့ကခေတ်ရဲ့ အခြေအနေကို ရိုက်ပြထားတဲ့ရုပ်ရှင်တစ်ကားပါပဲ။ Hou ဟာ Ozu ရ

The Backup Plan (2010) မမကြီး Jennifer Lopez နဲ့ Hawaii Five-0 မင်းသား Alex O'Loughlin တို့ပါဝင်သရုပ်ဆောင်ထားတဲ့ အချစ်ဟာသရုပ်ရှင်ကားကောင်းလေးတစ်ကားကို တင်ဆက်ပေးလိုက်ပါတယ်။ ဇာတ်လမ်းအကျဉ်းကတော့ ဇိုဝီဟာ ဘယ်ယောက်ျားကိုမှ အလွယ်တကူမယုံတတ်တဲ့ပြဿနာရှိတဲ့အပြင် သူနဲ့အရမ်းနီးစပ်လာရင်လည်း ပြန်ပထုတ်တတ်တဲ့အကျင့်ရှိသူပါ။ ယောက်ျားတော့မလိုချင်ပေမဲ့ ကလေးတော့လိုချင်ပြီး မိသားစုတစ်ခုလိုချင်တဲ့အတွက် သုက်ရည်ဘဏ်ကနေ အလှူရှင်ရှာပြီး သန္ဓေတည်အောင်လုပ်ခဲ့ပါတယ်။ ဒီလိုလုပ်ခဲ့တဲ့နေ့မှာတင် စတန်နဲ့ တွေ့ခဲ့ပြီး ဇိုဝီရဲ့အချစ်အပေါ်ခံစားချက်တွေပြောင်းလဲလာခဲ့ပါတယ်။ ဒါပေမဲ့ သိပ်မကြာခင်မှာပဲ သူ့မှာကိုယ်ဝန်ရှိနေတာသိလိုက်ရပြီး ဇိုဝီကဒီကိစ္စကို စတန်ကိုပြောပြမလား စတန်ကရော ဒီအကြောင်းကိုသိရင် ဆက်နေမှာလားဆိုတာ..။ Comedy Romance ဇာတ်ကားလေးမလို့ အပျင်းပြေကြည့်လို့ကောင်းပါတယ်။ File size…(2.1 GB )/(1 GB)  Quality….BluRay 1080p HEVC / 720p Format…mkv/mp4 Duration….01:45:00 Subtitle….Myanmar Subtitle (Hardsub) Encoder….Ka Naung Trasnlated by TMMT

အချစ်ဟာ နူးည့ံတယ် သိမ်မွေ ့တယ်..နှစ်လိုဖွယ်အတိနဲ ့သူ ့အကြောင်းလေး တွေးနေရရင်ကို အိပ်မပျော်တဲ့ညတွေ...အရာရာကို မေ့လျော့သွားတဲ့ အခိုက်အတန် ့တွေ ရှိတယ်။ အချစ်ဦးဆိုရင် ပိုလို ့တောင် ရင်ဖိုဖို ့ကောင်းသေး၊ဒါကြောင့်လည်း ရှေးလူကြီးတွေက "အချစ်ဦးကို မြေးဦးရတဲ့အထိ မမေ့ဘူး"လို ့ဆိုရိုး ထားခဲ့ပုံပါပဲ....။ ဒါက ဒီကားထဲက ဇာတ်ကောင်ဖြစ်တဲ့ဆီဗာ့ကိုယ်စား ကျွန်တော် ခံစားမိတာလေးပေါ့။ တစ်ဖက်က ကြည့်တော့ကိုယ့်ဘက်က ဘယ်လောက်ပဲ ချစ်ချစ်အချစ်ဆိုတာ ခဏတာအထိအတွေ ့ကို ယစ်မူးရုံလောက်သာ သဘောထားပြီး ယောက်ျားဆိုတာ သူ ့အတွက် ကစားစရာလို ့ သတ်မှတ်ထားတဲ့အင်ဒူးလို မိန်းကလေးတွေလည်း ရှိနေသေးတယ်။ ဘယ်ယောက်ျားကို ဘယ်လိုပဲ ကစားကစားပြသနာမရှိပေမယ့် သူ ့ကို ရူးခါနေအောင် ချစ်နေတဲ့ဆီဗာလို အချစ်ရူးတစ်ယောက်နဲ ့တွေ ့တော့အချစ်ဟာ အပျက်အပျက်နဲ ့နှာခေါင်းသွေး ထွက်လာနိုင်တဲ့အနေအထားကို ရုတ်ချည်း ပြောင်းလဲသွားတယ်။ အများကြီး မညွှန်းလိုတော့ပါဘူး၊ကျွန်တော်ကတော့ ဒီကားကို လူငယ်တွေရဲ ့အချစ်ရေးနဲ ့ပက်သက်ပြီးပညာယူသင့်တဲ့ကားလို ့မြင်မိပါတယ်။ ကျွန်တော့်ရင်ဘတ်ကို တည့်တည့်ကြီး ထိမှန်သွားတဲ့အချစ်ရူးတစ်ယောက်ရဲ ့ အတ္ထုပတ္တိဆိုရင်လည်း မမှားဘူးပေါ့။ (Telugu စကားပြော ဇာတ်ကားရဲ ့English စာဖိုင်ကို ဘာသာပြန်ဆိုခြင်း ဖြစ်တဲ့အတွက်လိုအပ်ချက်များ ရှိခဲ့ပါက ဘာသာပြန်ဆိုသူရဲ ့လိုအပ်ချက်သာ ဖြစ်ပါကြောင်း....) (ဇာတ်လမ်းအညွှန်းနဲ့ဘာသာပြန်သူကတော့ MLMC Team မှ ကိုမြင့်သ

I Still Believe (2020) IMDb Rating (6.5) အချစ်ဇာတ်လမ်းတွေထဲမှာ ဖြစ်ရပ်မှန်ဇာတ်လမ်းလေးတွေက ပိုလို့ထိရှဆွေးရပါတယ်။ အချစ်ကို စိတ်ကူးယဉ်နေတာလို့ ပြောလို့မရတဲ့ ဖြစ်ရပ်မှန်ထဲက အချစ်ရဲ့တန်ဖိုးတွေ စံနှုန်းတွေက လူသားတွေရှင်သန်နေကြတဲ့ အကြောင်းချင်းရာထဲက တစ်ခုပါပဲ။ အမေရိကန်အဆိုတော် တေးရေးဆရာ Jeremy Camp နဲ့ သူ့ချစ်သူ Mellisa Lynn Henning-Camp တို့ရဲ့ ဘဝဇာတ်ကြောင်းကို ကျောရိုးထားပြီး ရိုက်ကူးပုံဖော်ထားတဲ့ ဒီရုပ်ရှင်ကားကလဲ ဖြစ်ရပ်မှန်တခုမလို့ သိပ်ကောင်းတဲ့အချစ်ဇာတ်လမ်းတပုဒ်ဖြစ်ခဲ့ပါတယ်။ မင်းသားချော KJ Apa နဲ့ မင်းသမီးချော Britt Robertson တို့အဓိကပါဝင်ထားပြီး Musical Romance ဇာတ်လမ်းလေးမလို့ နူးနူးညံ့ညံ့ကြိုက်တတ်တဲ့ပရိတ်သတ်တွေ သေချာပေါက်အကြိုက်တွေ့မယ့်ဇာတ်ကားလေးဖြစ်ပါတယ်။ File size…(1.7 GB )/(1 GB)  Quality….BluRay 1080p HEVC / 720p Format…mkv/mp4 Duration….01:56:00 Subtitle….Myanmar Subtitle (Hardsub) Encoder….Ka Naung Trasnlated by Night Fury

I Love You, Beth Cooper (2009) မင်းသမီးချော Hayden Panettiere ရဲ့အလန်းစားပုံစံကိုမြင်တွေ့ရမယ့် ကျောင်းသားဘဝ အချစ်ဟာသ ဇာတ်ကားလေးပါ။ မင်းသား Paul Rust ရဲ့ အူကြောင်ကြားစတိုင်တွေကလဲ ဒီကားကို ပိုလို့ရယ်ရစေပါတယ်။ ဇာတ်လမ်းကတော့... စာဂျပိုး FA လေး ဒန်းနစ်ဟာ သူ့ရဲ့အူကြောင်ကြားရုပ်မှအားမနာ ကျောင်းမှာ အချောဆုံး အလှဆုံး အလန်းဆုံးဖြစ်တဲ့ Cheerleader Team ခေါင်းဆောင် ဘတ်ကူးပါးကို ကြိတ်ကြိုက်နေတာကြာပါပြီ။ ဖွင့်မပြောရဲ ဖွင့်မပြောရဲနဲ့ နေလာရင်းနဲ့ သူ့ဘော်ဒါနဲ့ တိုက်တွန်းချက်နဲ့ နောက်ဆုံးမှာတော့ ဖွင့်ပြောလိုက်ပါတော့တယ်... ဘယ်နေရာမှာလဲဆိုတော့ လူစုံတက်စုံတက်ရောက်တဲ့ ကျောင်းရဲ့ ဘွဲ့နှင်းသဘင်မှာ စင်ပေါ်ကနေ ရည်းစားစကားပြောချလိုက်တာပါ။ ဒါနဲ့တင် အားမရသေးဘဲ တစ်ကျောင်းလုံးက ကျောင်းသားတွေမကောင်းကြောင်းအပြင် ဘတ်ကူးပါးရဲ့ လက်ရှိရည်းစားမကောင်းကြောင်းတွေပါ ပြောချလိုက်ပါတယ်။ ဒီလိုအူကြောင်ကြား အလွဲလွဲအချောချော် ဒန်းနစ်နဲ့ အလန်းစားကောင်မလေး ဘတ်ကူးပါးတို့ ဘယ်လိုရှေ့ဆက်တွေ့ကြမလဲဆိုတာ.... ပေါ့ပေါ့ပါးပါး ဟာသနှောပြီး ကြည့်ကြရမယ့် ကျောင်းသားဟာသအချစ်ဇာတ်ကားလေးပဲဖြစ်ပါတယ်။ File size…(3.5 GB )/(1.3 GB)  Quality….BluRay 1080p HEVC / 720p Format…mkv/mp4 Duration….01:45:00 Subtitle….Myanmar Subtitle (Hardsub) Encoder….Ka Naung Trasnlated by Tun Oo Hlaing

ခရစ်စမတ်ရာသီရောက်လာပြီဆိုတော့ ရင်ဘတ်ထဲမှာ နွေးခနဲကျန်ရစ်ခဲ့စေမယ့် ခရစ်စမတ် ကားကောင်းလေးတစ်ကား ညွှန်းပေးချင်ပါတယ်။ တိကုဆရာဝန် Martin ဟာ Single Father တစ်ဦးဖြစ်ပါတယ်။ ဒီနှစ်မှာလည်း သားအဖနှစ်ယောက် ခရစ်စမတ်ကို ထုံးစံအတိုင်းပဲ ဖြတ်သန်းဖိုပြင်ဆင်နေတုန်း Mrs.Lay ဆိုတဲ့ အိမ်မွေးကြက်မလေးတစ်ကောင် နေမကောင်းလို ဆေးခန်းလာပြရာကနေ Robin တို သားအမိနဲ့ ဆုံစည်းဖိုဖန်လာ ပါတယ်။ အဲ့နောက်မှာ ကလေးအချင်းချင်း ခင်မင်သွားကြပြီး ဘဝခရီးသွားဖော်မဲ့နေတဲ့ သူတိုနှစ်ယောက်လည်း မြန်မြန်ဆန်ဆန်ပဲ ရင်းနှီးသွားကြပါတယ်။ ဒါပေမယ့် ရင်းနှီးတာကနေ နီးစပ်ဖို့ဆိုတာတော့ အိမ်ထောင်ပျက်စီးထားရသူအတွက် အတားအဆီးတွေ မာနတွေနဲ့ အထင်သေးမခံလိုစိတ်တွေက ကာရန်တားဆီးထားပါတယ်။ အကြီးဆုံးအတားအဆီးကတော့ မိဘဖြစ်လာပြီဆိုရင် သားသမီးက တစ် သားသမီးက နှစ်ဖြစ်လာတဲ့အတွက် ကိုယ့်ဘဝနဲ့ ပျော်ရွှင်မှုကို ဦးစားမပေးနိုင်တော့တာပါပဲ။ ဒီကားလေးမှာလဲ နှလုံးသားနဲ့ နှလုံးသွေးကဖြစ်လာတဲ့ ရင်နှစ်သည်းချာအတွက်ဆိုတဲ့ကိစ္စတွေအကြား လွန်ဆွဲပွဲနဲ့ ဒါကိုဘယ်လို တွေးခေါ်ခံယူပြီး ဖြေရှင်းသွားမလဲဆိုတာကို ခံစားကြည့်ရှုရမှာဖြစ်ပါတယ်။ File size… (1.12GB) / (661MB ) Quality… WEB-DL 1080p HEVC / 720p Format…mkv / mp4 Duration….1h 34m Genre ….. Family Subtitle….Myanmar Subtitle (Hard Sub) Encoder….Min Wai Translated by Mona

One Second Ahead, One Second Behind (2023) IMDb Rating (6.4) ကမ္ဘာမှာ သူများထက် အရာရာခြေတစ်လှမ်းသာနေသူတွေရှိသလို သူများထက် အရာရာနောက်ကျနေသူတွေလည်းရှိတယ်။ ဒီဇာတ်လမ်းက အဲဒီလိုလူ(၂)မျိုးလုံးရဲ့ ဇာတ်လမ်းပေါ့။ ကမ္ဘာကြီးထက် အရှိန်လွန်သူတွေ, ကမ္ဘာကြီးရဲ့အရှိန်ကို လိုက်မမီနိုင်သူတွေ များသောအားဖြင့်တော့ ကျွန်တော်တို့က ဒီနှစ်မျိုးနှစ်စားထဲကပါပဲ။ ကမ္ဘာကြီးနဲ့ထပ်တူညီတဲ့အရှိန်မျိုးဆိုတာတော့ ကမ္ဘာကလွတ်မြောက်သူတွေ ကမ္ဘာကိုရလိုက်သူတွေမှာပဲရှိလိမ့်မယ်။ ခင်ဖုန်းသက်ဝေထဲကလို " တဒင်္ဂဆင်းသက်လာတဲ့ နေမင်းရောင်ခြည်ဆီကို တရွေ့ရွေ့ကျောက်တုံးတွေရဲ့အားကိုးယုံကြည်မှုမျိုးနဲ့ ရှေ့ကိုချီတက်လာသူ"တွေထဲမှာ ကျွန်တော်တို့များပါနေမလား။ အချစ်ဆိုတာရော စောစောလာလာ နောက်ကျမှလာလာ အချစ်က အချစ်ပဲဖြစ်တတ်လား။ အချိန်အခါလွဲမှားတဲ့ အချစ်ဇာတ်တွေဟာ ဝမ်းနည်းစရာကောင်းတတ်လား။ ကမ္ဘာကြီးထက် အရှိန်လွန်သူတစ်ယောက်နဲ့ အရာရာမှာနောက်ကျတတ်တဲ့သူတို့က နီးစပ်ဖို့ရော အခွင့်ရှိလား။ အဖြေမရှိပါဘူး၊ အမေးတွေချည်းပဲ ဒီရုပ်ရှင်လည်း ဒီလိုပဲ။ ကျွန်တော်တော့ အရာရာမှာ အဖြေတွေရှိတယ်လို့ ဘယ်တော့မှ မယုံပါဘူး။ အဖြေတွေပေးခဲ့ရင်လည်း အဖြေတွေဖြစ်မလာတတ်ဘူး။ ခံစားချက်ဆိုတာတွေကလည်း မေးခွန်းသက်သက်နဲ့ လည်ပတ်နေတဲ့အရာတွေလို့ ယတိပြတ်သေချာတယ်။ ရုပ်ရှင်လည်း ဒီလိုသာပဲ ဒီရုပ်ရှင်ဟာ အမေးတွေတော့ ထွက်လာမယ့် ရုပ်ရှင်ပါပဲ။ (အညွှန်းနဲ့ဘာသာပြန်ကတော့ WiRa Aung ဖြစ်ပါတယ်။) Fi

Only Lovers Left Alive(2013) ဒီကားလေးကတော့ IMDb 7.3/10 Rotten Tomatoes 85% များတောင် ရထားတဲ့ drama/fantasy ဇာတ်ကားလေးပဲ ဖြစ်ပါတယ်. .. အဓိက သရုပ်ဆောင်ကတော့ Marvel‌ fan‌ တွေရဲ့ အသည်းစွဲTom Hiddleston (Loki) ဖြစ်ပြီး မင်းသမီးကတော့ Tilda Swinton ဖြစ်တာကြောင့် ဇာတ်ကားကောင်း တစ်ခုဖြစ်မှာ ပြောနေစရာမလိုတော့ပါဘူးနော်... မင်းသားနဲ့မင်းသမီးကို ကြည့်ရတာ သာမန်လူတွေနဲ့ကွဲပြားနေကြတယ်.... ပိုက်ဆံတွေအများကြီးကိုင်ထားနိုင်သလို စကားပြောရင်လည်း ဟိုးနှစ်ပေါင်းများစွာက သေဆုံးတဲ့လူတွေကို မျက်နှာချင်းဆိုင်ခဲ့ရသလိုလို အသက်ရာကျော်နေရတဲ့ပုံစံလိုလို တွေနဲ့.... ပြီးတော့ သူတို့တွေဟာ ဆေးရုံကနေ သွေးတွေဝယ်ယူနေတာလည်းတွေ့ရတယ်.... သူတို့ဟာ လူသားတွေရောဟုတ်ရဲ့လား.... လူသားတွေနဲ့ရောနှောပြီး ဘာကြောင့်ဒီလောက်ကြာအောင်နေနိုင်တာလဲ.... spoiler ဖြစ်မယ်စိုးလို့ ဒီလောက်ပဲပြောပါရစေ...ခံစားကြည့်ကြပါ... ဇာတ်လမ်းအညွှန်းနဲ့ဘာသာပြန်သူကတော့ YK ပဲဖြစ်ပါတယ်.,.. File Size :((1.04 GB) Quality :Blu-Ray 720p Format…mp4 Duration…02:03:00 Genre : Comedy , Drama, Fantasy Subtitle : Myanmar Subtitle (Hard Sub) Translated by YK Encoded by Phyo Pyae

2017 တုန်းက ထွက်ခဲ့တဲ့ Hello ဆိုတဲ့ အချစ်အက်ရှင်ကားလေးကို မှတ်မိကြဦးမယ် ထင်ပါတယ်။ ကြည့်တဲ့သူတိုင်းကို မျက်ရည်ဝိုင်းစေတဲ့ ဇာတ်ကားကောင်းလေးပေါ့။ လာပါပြီ နောက်တစ်ကား.... ဒီကားလေးက တောင်ပိုင်းမင်းသားချော Ram ရဲ့ အသစ်စက်စက် ထွက်ရှိလာတဲ့ အချစ်ဟာသကားလေးပါ။ ထူးခြားတာက. . .အိန္ဒိယကား တော်တော်များများမှာ လူဆိုး လူမိုက် လူတွင်ကျယ်အဖြစ် ခေါက်ရိုးကျိုးအောင် သရုပ်ဆောင်ခဲ့ရတဲ့ လူကြမ်းသရုပ်ဆောင်Prakash Raj ရဲ့ အားရစရာကောင်းတဲ့ သရုပ်ဆောင်ဟန်ပါ။ မင်းသားချော Ram က အချစ်အက်ရှင်ကားတွေနဲ့ထိုးဖောက်နေသလို လူကြမ်းသရုပ်ဆောင်ကြီး Prakash ကဒီကားမှာ သမီးဖြစ်သူကို စိတ်မချတဲ့ ဖအေတစ်ယောက်အနေနဲ့ သရုပ်ဆောင်ထားတာပါ။ လူကြမ်းဇာတ်ရုပ်ကို လူအများ ရွံစရာဖြစ်အောင်အမြင်ကပ်စရာဖြစ်အောင် သရုပ်ဆောင်တတ်သလိုဒီလို တမူထူးခြားတဲ့ ဇာတ်ရုပ်မှလည်း Prakash ဟာ ဆရာကျနေဆဲဖြစ်ပါတယ်။ ကျွန်တော်တော့ ဒီကားမှာ မင်းသားမင်းသမီးထက်Prakashကို တအားကြိုက်သွားပါတယ်။ " ဇာတ်လမ်းအကျဉ်း " ဆန်ဂျူးဆိုတာက မိဘနှစ်ပါးက အလိုလိုက်ထားလို့ရပ်ကျော်ရွာကျော်လုပ်နေတဲ့ ခပ်ဆိုးဆိုး ခပ်ပေပေ လူငယ်လေးဖြစ်ပါတယ်။ တစ်နေ့တော့ မိဘတွေရဲ့ဆန္ဒအရ အလုပ်လုပ်ဖို့အတွက် ဟိုက်ဒရာဘတ်က Prakash တို့အိမ်မှာ သွားနေရပါတယ်။ Prakashနဲ့ သူ့အမေက ငယ်သူငယ်ချင်းတွေမို့Prakash အိမ်မှာ နေရင်း အလုပ်လုပ်ရင်းပေါ့။ Prakash ရဲ့ဇာတ်ကောင်နာမည်က ဗစ်ရှ်ဝါနာ့သ်တဲ့။ ဗစ်ရှ်ဝါက လူတစ်မျိုးဗျ။ သူ ပေးထား

Beauty and Beast (1991) IMDB : 8 Rottern Tomatoes : 95% Genre : Family/Fantasy ကိုယ်တွေ ကလေးဘဝတုန်းက ဘုမသိဘမသိနဲ့ ကာတွန်းကားဆိုပြီးတော့ ကြည့်ခဲ့ကြတဲ့ ဇာတ်လမ်းလေးတွေကို အသက်အရွယ်တစ်ခုရောက်လို့ သိတတ်တွေးတတ်တဲ့ အချိန်မှာ ပြန်ကြည့်မိရင် ရတဲ့ ခံစားချက်က ကလေးဘဝတုန်းက ရိုက်ခဲ့တဲ့ ဓာတ်ပုံတွေကို အိမ်ပြန်တဲ့တစ်ရက်မှာ စိမ်ပြေနပြေ အယ်လ်ဘမ်ကို ပြန်ဖွင့်ပြီး ထိုင်ကြည့်ရတဲ့ ခံစားချက်နဲ့တောင် ခပ်ဆင်ဆင်လို့ ပြောလို့ရတယ်။ တချို့သော ကာတွန်းကားလေးတွေက ဆယ်ကျော်သက်မကလို့ နှစ်ဆယ်ကျော်သွားတောင် ကြည့်ရတဲ့ အရသာပြောင်းလဲမသွားတဲ့ ဘယ်တော့ပြန်ကြည့်ကြည့် အဓိပ္ပါယ်ရှိနေမယ့် ဇာတ်ကားလေးတွေလို့တောင် ပြောလို့ရပါတယ်။ အန်နီမေးရှင်းအရုပ်လေးတွေကို မြင်ရင်ပဲ သဘောကျနေတတ်တဲ့ ကလေးလေးတွေကနေစပြီးတော့ အသက်အရွယ်တစ်ခု ရောက်သွားတဲ့အချိန်ထိတောင် ကျွန်တော်တို့ သဘောတကျနဲ့ ပြန်ကြည့်မိမယ့် အယ်လ်ဘမ်လေးထဲက ဇာတ်ကားလေးတွေကို ရွေးကြည့်စမ်းပါလို့ဆိုရင် (၁၉၉၁)တုန်းက ထွက်ခဲ့တဲ့ “Beauty and the Beast” ဆိုတဲ့ ဒစ်စနေးရဲ့ ဇာတ်ကားလေးကလည်း မပါမဖြစ်ပါလောက်ပါတယ်။ “Beauty and the Beast”(1991)ဆိုတဲ့ ဇာတ်ကားလေးမှာတော့ မြတ်နိုးတန်ဖိုးထားခံရတဲ့ ဘဲလ်ဆိုတဲ့ ဇာတ်ကောင်နဲ့ သွင်ပြင်ဆိုးဆိုး သားရဲကောင်ကြီးတို့ကြားက (သေချာလေး ကြည့်ကြည့်မိရင် သတိထားမိရင်) အဓိပ္ပါယ်တွေများစွာရှိတဲ့ အချစ်ဇာတ်လမ်းလေးတစ်ပုဒ်ပေါ့။ စာဂျပိုးလေးလို့ ပြောလို့ရတဲ့ ဘဲလ်ဟာ

New York Stories (1989) ~ IMDb - 6.4/10, Rotten Tomatoes - 76% ~ New York Stories ကို အမေရိကရဲ့ ထိတ်ထိတ်ကြဲ ဒါရိုက်တာတွေဖြစ်တဲ့ Martin Scorsese, Francis Ford Coppola နဲ့ Woody Allen တို့ သုံးယောက်တွဲ ရိုက်ထားတယ်။ ဒီ Anthology Film မှာ Life Lessons, Life Without Zoë, Oedipus Wrecks ဆိုတဲ့ ဇာတ်လမ်း၃ခုပါတယ်။ ဒီသုံးခုလုံးမှာ တူညီတာဆိုလို့ နယူးယောက်မှာ ဇာတ်အိမ်တည်ထားတဲ့အချက်ပဲရှိတယ်။ ထိတ်ထိတ်ကြဲဒါရိုက်တာကြီးတွေချည်း ရိုက်တာပေမဲ့ အများကြီးတော့ မမျှော်လင့်ထားစေချင်ဘူး။ ပထမဆုံးဇာတ်လမ်းဖြစ်တဲ့ Life Lessons ကိုတော့ Martin Scorsese က ရိုက်ထားတယ်။ ဇာတ်လမ်းကိုတော့ ဒီမတိုင်ခင် သူ့ကို The Color of Money (1986) မှာ ဇာတ်ညွှန်းရေးပေးခဲ့တဲ့ Richard Price က ရေးပေးထားတယ်။ သူတို့၂ယောက်က The Color of Money မှာ အတွဲညီသလို ဒီမှာလည်းညီတယ်ပြောရမယ်။ တကယ်လို့သာဆို ဒီဇာတ်နဲ့ ဒီဇာတ်ကောင်တွေက စကောဆေးစိထက် ကော်ပိုလာ့ဟန်နဲ့ သွားတူမယ်။ ဇာတ်အကြောင်းအရာကတော့ ဂျက်ဆန်ပေါလော့လို Abstract Expressionism ပန်းချီဆရာတစ်ယောက်ရဲ့ နယူးယောက်က ဘဝနဲ့ သူ့ရူးသွပ်မှုအကြောင်း ရိုက်ပြထားရုံပဲ။ မင်းသားကိုတော့ Nick Nolte ကို သုံးထားတယ်။ ဒီကားပြီးတဲ့နောက်ထွက်တဲ့ Cape Fear မှာလည်း သူ့ကို ထပ်ထည့်ရိုက်ခဲ့သေးတယ်။ နယူး‌ယောက်စတိုရီဆိုတာနဲ့ အလိုက်ဖက်ဆုံးဇာတ်လမ်းလည်းဟုတ်တယ်။ Life Without Zoë ကတော့‌ ကော်ပိုလာနဲ့ သူ့သမီးဆိုဖီယာကော်ပိုလာက ဇာတ်ညွှ

The Count of Monte-Cristo (2024) IMDb Rating (7.7) / Rotten Tomatoes (100%) ကမ္ဘာကျော်ပြင်သစ်စာရေးဆရာကြီး အဲလက်ဇ်ဇန်ဒရာဒူးမတ်စ်ရဲ့ နာမည်ကျော်၀တ္ထုကို ပြင်သစ်တွေ ပြန်လည်ရိုက်ကူးထားတဲ့ ဇာတ်လမ်းကောင်းတစ်ပုဒ်ပါပဲ။ လွန်ခဲ့တဲ့နှစ်ပေါင်း ၁၈၀ လောက်က၀တ္ထုဆိုပေမယ့်လည်း ကမ္ဘာတစ်ဝှမ်းမှာ ဘာသာစကားပေါင်းများစွာနဲ့ ဘာသာပြန်ဆိုခံခဲ့ရပြီး adaptation များစွာရှိတဲ့ အလွန်အောင်မြင််ခဲ့တဲ့၀တ္ထုပါ။ TV series တွေ Movie တွေ Musical တွေ များစွာရှိတဲ့အပြင် ဂျပန်မှာအရမ်းလူကြိုက်များတာကြောင့် Manga နဲ့ Anime တွေပါထွက်ရှိထားပါတယ်။ ဒီ၀တ္ထုကတော့ ပြင်သစ်စစ်ဘုရင်ကြီးနပိုလီယမ် အယ်လာဗ်ကျွန်းကို ပထမအကြိမ်ပြည်နှင်ဒဏ်ပေးခံရချိန် ၁၈၁၅ ၀န်းကျင်မှာဇာတ်အိမ်တည်ထားပါတယ်။ နပိုလိုယမ် ကျွန်းကထွက်ပြေးလာချိန်မှာ အပ်ဒ်မွန်ဒန်းတစ်စ်ဆိုတဲ့ လူငယ်လေးက ဆုံးခါနီးသူ့ကပ္ပတိန်ရဲ့စေခိုင်းမှုအရ နပိုလီယမ်နဲ့အတူပြည်နှင်ခံရတဲ့ ဗိုလ်ချုပ်ကြီးဘာထရန်ဆီ အထုပ်တစ်ခုပို့ဆောင်ပေးလိုက်ပါတယ်။ ဒီဗားရှင်းမှာတော့ ဒန်တစ်စ်က ရေနစ်‌နေတဲ့ အမျိုးသမီးတစ်ယောက်ကို ကပ္ပတိန်အမိန့်ကိုဆန့်ကျင်ပြီး ကယ်တင်လိုက်ရာက စပါတယ်။ ဖြစ်ချင်တော့ အဲ့အမျိုးသမီးဆီမှာ နပိုလီယမ်ရဲ့စာတစ်စောင်ရှိနေပြီး သင်္ဘောကပ္ပတိန်ဒန်ဂလာစ်က အဲ့တာကိုသိသွားပါတယ်။ သူတို့မာဆေးကိုပြန်ရောက်တော့ ဒန်ဂလာစ်က သင်္ဘောပိုင်ရှင်ကို ဒန်တစ်စ်ရဲ့ အမိန့်မနာခံမှုအကြောင်း ပြောတော့ ပိုင်ရှင်က အမျိုးသမီးငယ်ကိုကယ်ခဲ

Krishnam Pranaya Sakhi 2024 (ခရစ်ရှနာရဲ့ အချစ်ခရီးလမ်း) ခရစ်ရှနာလို့ခေါ်တဲ့ကောင်လေးဟာ ပိုက်ဆံချမ်းသာတဲ့အသိုင်းအဝိုင်းမှာ မွေးဖွားလာခဲ့ပြီးတော့ မိသားစုက ဖူးဖူးမှုတ်မတတ်ချစ်တာကို ခံရတဲ့ကောင်လေးတစ်ယောက်ပေါ့။ ခရစ်ရှနာတစ်ယောက် အရွယ်ရောက်လာတော့ မိဘတွေက အိမ်ထောင်ချပေးဖို့ အိမ်ထောင်ဖက်ရှာပေးတဲ့အချိန်မှာတော့ အဖေကသဘောကျရင် အမေက သဘောမကျ၊ ဦးလေးက သဘောကျရင် အဒေါ်က သဘောမကျနဲ့ သူ့မှာ အိမ်ထောင်ဖက်ပေါင်းများစွာကို ပွဲစားအများကြီးနဲ့ရှာခဲ့ပေမယ့် လူကြီးတွေအကုန်လုံး လက်ခံနိုင်တဲ့ သတို့သမီးလောင်းလျာလေးကို ရှာမတွေ့တဲ့အတွက် အချိန်တော်ကြာရင် လူပျိုသိုးကြီးအဖြစ်ကို ရောက်ရပါတော့မယ်။ ဒီလိုနဲ့ အိမ်က လူကြီးတွေကို အားမကိုးတော့ပဲ ကိုယ်တိုင် အိမ်ထောင်ဖက်ကို ရှာဖွေဖို့ လုပ်တဲ့အခါမှာတော့ ........ ကောင်မလေးတစ်ယောက်နဲ့ တွေ့ပြီးတော့ အဲဒီကောင်မလေးကို မြင်မြင်ချင်း ချစ်မိလို့သွားပါတော့တယ်။ ကောင်မလေးရဲ့ နောက်ခံကို စုံစမ်းကြည့်လိုက်တဲ့အချိန်မှာတော့ ကောင်မလေးနာမည်က ပရာနယာဖြစ်ပြီး မိဘမဲ့ကျောင်းလေးကို ဖွင့်ထားတယ်ဆိုတာကို သိလိုက်ရတဲ့နောက်မှာတော့ ဒီကောင်မလေးရဲ့ အချစ်ကို ကြိုးစားဖို့အတွက် ခရစ်ရှနာတစ်ယောက် ဘယ်လိုတွေ ကြိုးစားသွားမလဲ ........ ခရစ်ရှနားရဲ့ အချစ်ရေးလမ်းကြောင်းမှာ ဘယ်လို အတားအဆီးတွေ ကြုံပြီးတော့ ဘယ်လိုတွေဖြတ်ကျော်သွားမလဲ.... ဆိုတာကို ကြည့်ရှုရမယ့် အချစ်ဟာသဇာတ်မြူးကားလေးဖြစ်ပါတယ်။ (အညွှန်းနဲ့ ဘာသာပြန်ကတော့ CM Bo

~ IMDb rating - 6.1/10 ~ မိန်းကလေးတွေ သူတို့ ဆွေမျိုးသူငယ်ချင်းတွေအတွက် သတို့သမီးအရံလုပ်ပေးတယ်ဆိုတာ ဆန်းတဲ့ကိစ္စမဟုတ်ပါဘူး။ ဒီဇာတ်လမ်းထဲက ဂျိန်းကတော့ သတို့သမီးအရံအဖြစ် 27 ကြိမ်တောင် လုပ်ပေးခဲ့ပါတယ်။ ဂျိန်းငယ်ငယ်က အမ၀မ်းကွဲရဲ့မင်္ဂလာပွဲမှာ သတို့သမီးကို အကူအညီပေးလိုက်နိုင်တာကစပြီး မင်္ဂလာပွဲတွေကို သဘောကျခဲ့တာပါ။ ဂျိန်းအသက်ကြီးလာတော့ သူ့သူငယ်ချင်းတွေရဲ့ မင်္ဂလာပွဲတွေမှာ အစအဆုံးမညည်းမညူပဲ အကူအညီတောင်းသမျှ အကုန် လုပ်ပေးခဲ့ပါတယ်။ ဥပမာ တစ်ရက်တည်းမှာ နှစ်ပွဲတစ်ပြိုင်နက်တက်ပြီး အရံလုပ်ပေးရတာမျိုးပေါ့။ ဂျိန်းက သူ၀တ်ခဲ့ရတဲ့ အရံ၀တ်စုံတွေအားလုံးကိုလည်း ဗီရိုကြီးတစ်လုံးနဲ့အပြည့် သိမ်းဆည်းထားပြီး သူ့ရဲ့ ကိုယ်ပိုင်လက်ထပ်ပွဲရောက်လာမယ့်နေ့ကို စောင့်ဆိုင်းနေသူပါ။ ဂျာနယ်ထဲက သူ့အကြိုက်ဆုံးစာရေးဆရာရေးတဲ့ မင်္ဂလာပွဲအကြောင်း ဆောင်းပါးတွေကိုလည်း သိမ်းထားခဲ့ပါတယ်။ အချစ်ရေးမှာတော့ အလုပ်က ဘော့စ် ဂျော့ကို တိတ်တခိုးချစ်နေခဲ့ပြီး ဘာမဆိုအကုန်လုပ်ပေးခဲ့ပါတယ်။ ဂျိန်းမှာ ညီမတစ်ယောက်နဲ့ ဖခင်ပဲရှိပြီး ညီမဖြစ်သူ တက်စ်ကို အရမ်းအလိုလိုက်အကြိုက်ဆောင်ပေးခဲ့ပါတယ်။ မထင်မှတ်ဘဲ အလုပ်ပါတီကို တက်စ်ကို ‌လာခိုင်းရာကနေ တက်စ်နဲ့ ဂျော့တို့အကြည်ဆိုက်ပြီးလက်ထပ်ဖို့အထိဖြစ်လာတဲ့အခါ ဂျိန်းက အစစအရာရာ အကုန်စီစဉ်ပေးရပါတော့တယ်။ တက်စ်ကို သူတို့မင်္ဂလာပွဲအတွက် ကော်လံရေးပေးဖို့ စာရေးဆရာ မယ်လ်ကွိုင်းက ဆက်သွယ်လာတဲ့အခါ... စာရေးဆရာက ဂျိန်းအကြိုက်

The Other Woman (2014) IMDb Rating (6.0) ညှို့အားပြင်း မင်းသမီး ကင်မရွန်းဒီယာ့ဇ် (Cameron Diaz) ၊ နှုတ်ခမ်းဖျားကမှဲ့လေးနဲ့ ချစ်စဖွယ် အလှပိုင်ရှင် Vogue Model ကိတ်အပ်(ပ)တန် (Kate Upton) ၊ 17 Again, This is 40 စတဲ့ဇာတ်လမ်းတွေထဲကမင်းသမီး လက်(ဇ)လီမန်း (Leslie Mann) တို့အပြင် bonus အနေနဲ့ ရပ်(ပ်) အဆိုတော် Nicki Minaj စတဲ့ မင်းသမီးအလန်းတွေချည်း တစုတစည်းတည်း သောင်းကျန်းထားတဲ့ အချစ်ဟာသရုပ်ရှင်ကားကြီးပါ။ အဲ့လို မင်းသမီးအလန်းတွေကို တပြိုင်တည်းဆော့ကစားမယ့် ဘဲကြီးကတော့ Game Of Thrones ရဲ့ အချစ်သူရဲကောင်းကြီး ဂျိမ်းလန်နစ်စတာအဖြစ် လူသိများသူ မင်းသား Nicolaj Coster-Waldau ပဲ ဖြစ်ပါတယ်... အချစ်သူရဲကောင်းကြီးကိုတော့ ဒီဇာတ်ကားထဲမှာလဲ အချစ်တွေများနေတဲ့ သူရဲကောင်းအဖြစ် မြင်တွေ့ရဦးမှာပါ။ ဇာတ်လမ်းကတော့.... ထက်မြက်ပြီးချောမောလှပတဲ့ ကာလီတယောက် သူတွဲနေတဲ့ သူ့ ချစ်သူ မက်ခ်ဟာ အိမ်ထောင်ကျပြီးသားဖြစ်ပြီး သူက ရာထူးနိမ့်နေတာကို သိသွားပါတယ်။ အဲဒီနောက် ကာလီဟာ မက်ခ်ရဲ့ မိန်းမ ကိတ်နဲ့တွေ့ပြီး သူတို့နှစ်ယောက် မထင်မှတ်ဘဲ သူငယ်ချင်းတွေ ဖြစ်သွားပါတယ်။ ဒါပေမဲ့ ဖြစ်ချင်တော့ မက်ခ်မှာ သူတို့နှစ်ယောက်အပြင် နောက်ထပ် မိန်းမချောလေးတစ်ယောက် ရှိသေးတယ်ဆိုတာကိုပါ ထပ်သိသွားပါတော့တယ်။ ဒီလို ဆော် ၃ ပွေကို တပြိုင်တည်းတွဲနေတဲ့ မက်ခ်ဆိုတဲ့ ဘဲကြီးဟာ စီးပွားရေးလောကမှာပါ လိမ်လည်ကောက်ကျစ်လှည့်ဖျားတတ်တဲ့သူဖြစ်ပြီး မိန်းမမြင်ရင် ခြေရှုပ်

Whispery (2021) In Soapta ခေတ်အဆက်ဆက်ကြာပြီးနောက်ပိုင်း အရှေ့ပိုင်းတွေမှာ တစ်အိမ်ထောင်၊ တစ်လင်တစ်မယားစနစ်ကို ကျင့်သုံးလာကြပါတယ်။ သိုပေမယ့်လည်း အနောက်အလယ်ပိုင်း အထူးသဖြင့် ဥရောပတစ်ခွင်မှာတော့ ဒါမျိုတွေက ရှေးရိုးစွဲလိုဖြစ်ဆဲပါပဲ။ ဒီဇာတ်ကားထဲမှာတော့ အချစ်စံအိမ်မှာ အချစ်တွေဖော်ပေမယ့်လည်း လိုအင်ရမ္မက်မပြည့်စုံနိုင်တဲ့ အမျိုးသမီး ဘယန်ကာကို ဇာတ်အိမ်တည်ထားတာပါ။ ဘယန်ကာက ချစ်ပြီးရင်း ချစ်ရည်လူးနေပေမယ့်လည်း လိုအင်ဆန္ဒတွေ မပြည့်ဝခဲ့ပါဘူး။ ဒီလိုနဲ့ သူ့ရဲကောင်လေးကို ငြိငြင်စပြုလာပါတယ်။ နားလည်ပေးတတ်တဲ့ ကောင်လေးကလည်း အရမ်းမချုပ်ခြယ်ပဲ တတ်နိုင်သလောက်လိုက်လျောပေးပါတယ်။ ဒါပေမဲ့လည်း ကတောက်ကစလေးတွေ ရှိစမြဲပါပဲ။ တစ်နေ့မှာတော့ ပါတီတစ်ခုတက်ရင်း သူတို့လို ရမ္မက်ကြီး လိုအင်မပြည့်နိုင်တဲ့ အတွဲနဲ့ တွေ့သွားတဲ့အခါမှတော့ အပြန်အလှန်ခြံခုန်ကြရင်ပျော်ပွဲနွှဲပါတော့တယ်။ ***18+ အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။*** (အညွှန်းနဲ့ဘာသာပြန်ကတော့ SM ဖြစ်ပါတယ်။) File size…(1.3 GB) / (730 MB) Quality….WEB-Rip 1080p HEVC / 720p Format…. mkv/mp4 Genre….Drama, Romance Duration….01:39:21 Subtitle….Myanmar Subtitle (Hardsub) Encoder….Benjamin Translated by SM

Madame Claude (2021) မဒမ်ကလောက် ဒါမှမဟုတ် ဖာနန်ဒီဘရူနက်လို့ ၂၀ ရာစုနှောင်းပိုင်းက အာဏာရှင်သဖွယ်ဖြစ်သွားတဲ့ အမျိုးသမီးတစ်ယောက်အကြောင်းကို ဖြစ်ရပ်မှန်ဇာတ်လမ်ပေါ် အခြေခံပြီးရိုက်ကူးထားတာဖြစ်ပါတယ်။ အခု ဒီ ၂၀၂၁ ထဲမှာ ထွက်ရှိထားတဲ့ ဇာတ်ကားကတော့ နောက်ဆုံး ပြန်လည်အသက်သွင်းထားတဲ့ ဇာတ်လမ်းဖြစ်ပြီတော့ ၂၀၀၀ ခုနှစ်မပြည့်ခင်တုန်းက ထွက်ခဲ့တဲ့ OG ဇာတ်ကားလည်းရှိပါသေးတယ်။ ဇာတ်အိမ်အကျဉ်း မဒမ်ကလောက်ဟာ ၁၉၆၀ နှောင်းပိုင်းမှာ ပြည့်တန်ဆာခေါင်အဖြစ်နာမည်ကြီးခဲ့သူတစ်ယောက်ပါ။ ဘယ်လောက်တောင် အာဏာရှိခဲ့လဲဆိုရင် ကျင့်ဝတ်အရ အောက်တန်းကျတယ်လို့ ဆိုနိုင်တဲ့အလုပ်ကိုလုပ်နေပေမယ့် အစိုးရပိုင်းလူကြီတွေနဲ့ပေါင်းသင်းဆက်ဆံရပြီး နောက်ကွယ်က ဖြစ်ရပ်တချို့ကို ကြိုးကိုင်ခြယ်လှယ်နိုင်တဲ့အထိ အာဏာရှိခဲ့သူတစ်ယောက်ဖြစ်ပါတယ်။ ငယ်စဉ်က ဖြစ်ရပ်ဆိုးရှိခဲ့တဲ့ မဒမ်ကလောက်ဟာ ငယ်ငယ်ရွယ်ရွယ်နဲ့ လမ်းပေါ်ရောက်သွားခဲ့တဲ့အချိန် ခေတ်ကာလရေစီးကြောင်းအရလည်း ကမ္ဘာစစ်ဖြစ်ပြီး သွေးအေးစစ်ပွဲ ဒါမှမဟုတ် တိုင်းပြည်တွေပြည်လည်နာလည်ထူခါစ စစ်အေးကာလမှာ ယောက်ျားသားတွေရဲ့ ရမ္မက်ကြီးပုံကို အရသာတွေ့သွားပြီ အဲဒီကနေ အမြတ်ထုတ်ရာကနေ အာဏာတဖြည်းဖြည်းရလာခဲ့ပါတယ်။ ဒီဇာတ်လမ်းထဲမှတော့ သူရဲ့ ဘဝအစ သူ့ရဲ့သက်တမ်းတစ်လျှောက် နောက်ကွယ်နေ ပြည့်တန်ဆာလောကကို ဘယ်လိုကြိုးကိုင်ခြယ်လှယ်ခဲ့လဲ၊ ဒါ့အပြင်နောက်ဆုံးမှာ ရာဇဝတ်မှုကြီးတွေရဲ့ ဖြစ်မြဲဓလေ့အတိုင်း ဘယ်လိုလုံးပါးပါးသွားလဲဆိုတာကို

MILF (2018) လူကြီးဇာတ်ဝင်ခန်းတွေ ပါပေမယ့်လည်း ဟာသဆန်တဲ့ ရသမျိုးပေးနိုင်တဲ့ ဇာတ်ကားကိုပြောပါဆိုရင် ဒီ MILF ကိုပဲ ညွှန်းရမှာပါ။ တစ်နေ့မှာ သူငယ်ချင်းသုံယောက် ခရီးသွားလေသတဲ့။ ဒီလိုနဲ့ ဥရောပသားတွေနဲ့နောက်မီးလင်းတဲ့ ထုံးစံအတိုင်း ရရာအချိန်ကို အမြတ်ထုတ်ကြတဲ့ သက်လတ်ပိုင်း အမျိုးသမီးတစ်သိုက်ဟာ ကမ်းခြေရှိရာမြို့တစ်မြို့ကို ရောက်လာခဲ့ပါတယ်။ ဘော်ဘော်သုံးယောက်ထဲက စီစလီဟာ အဲဒီမှာ အိမ်ရှိတဲ့ကြောင်းပြချက်နဲ့ သူ့အရင်ယောက်ျားနဲ့ဝယ်ခဲ့တဲ့ အိမ်ကိုရောင်းဖို့ဆိုပြီး သန့်ရှင်းလုပ်၊ စာချုပ်တွေချုပ်မယ်ဆိုပြီး အကြောင်းပြရင်း ရောက်လာခဲ့တာပေါ့။​ ရောက်ရောက်ချင်းမှာတော့ ဟုတ်သလိုလိုနဲ့ အိမ်ကိုသန့်ရှင်းရေးလုပ်သေသေသပ်သပ်ဖြစအောင်လုပ်ဖို့ ရွယ်ခဲ့ကြပါတယ်။ ဒါပေမဲ့ တစ်ဖြတ်အနား ကမ်းခြေကို အလည်သွားခဲ့ကြတဲ့ အချိန်မှာ မော်တော်လှေစီးရင်း ကိုယ်တော်ချောတစ်သိုက်နဲ့ ဆုံခဲ့ပါတယ်။ ညဘက်ကျတော့လည်း သူငယ်ချင်းသုံးယောက်ထဲက နှစ်ယောက်ကလပ်သွားတဲ့အချိန် ဝင်ခွင့်မရတဲ့အခါမှာ နေ့လည်က ချာတိတ်တွေကပဲ သူတို့ကိုကူညီပေးခဲ့ပြန်ပါတယ်။ ဒီလိုနဲ့ပဲ တိုးပြီးရင်း တိုးတဲ့အခါမှာတော့ ငြိပြီးရင်းငြိဖို့ ဖြစ်လာကြပါတော့တယ်။ ***18+ အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။*** (အညွှန်းနဲ့ဘာသာပြန်ကတော့ SM ဖြစ်ပါတယ်။) File size…(1.8 GB) / (1.1 GB) Quality….WEB-DL 1080p HEVC / 720p Format…. mkv/mp4 Genre….Comedy, Roman