Holy Spider
အီရန်နိုင်ငံရဲ့ ဘာသာရေးအထွတ်အမြတ်မြို့တစ်မြို့ဖြစ်တဲ့ Mashhad မှာ လိင်အလုပ်သမား အမျိုးသမီးတွေ တစ်ယောက်ပြီးတစ်ယောက် အသတ်ခံနေရပါတယ်။ သဲလွန်စလည်း မကျန်ခဲ့တာကြောင့် တရားခံက ဘယ်သူလဲဆိုတာ မသိကြဘဲ Spider Killer လို့ပဲ ခေါ်နေကြတယ်။ ဒီအမှုကို စုံစမ်းဖို့ အမျိုးသမီးသတင်းထောက်တစ်ယောက် မြို့ကို ရောက်လာပါတယ်။ သူက ဒီလူသတ်မှုတွေဟာ နိုင်ငံရေးနဲ့ ဆက်နွှယ်နေပြီး နောက်ကွယ်မှာ ကြိုးကိုင်သူတွေ ရှိနေမယ်လို့ ယုံကြည်ထားသူပါ။ လူသတ်သမားကို ဖမ်းနိုင်ဖို့ ကိုယ့်အသက်ကိုပါ စွန့်စားပြီး လိင်အလုပ်သမားတစ်ယောက်အဖြစ် အယောင်ဆောင် စုံစမ်းဖို့ ကြိုးစားတယ်။ ဒီမှုခင်းသည်းထိတ်ရင်ဖိုရုပ်ရှင်ဟာ ၂၀၀၀ ပြည့်နှစ်က အမျိုးသမီး လိင်အလုပ်သမား ၁၆ ယောက်ကို သတ်ခဲ့တဲ့ အီရန်ကွင်းဆက်လူသတ်သမားတစ်ယောက်ရဲ့ ဖြစ်ရပ်မှန်ကို အခြေခံထားပါတယ်။ ဂျော်ဒန်မှာ ရိုက်ကူးပြီး ပြင်သစ်မှာ ဖြန့်ချိခဲ့ကာ အော်စကာအတွက် ဒိန်းမတ်ကိုယ်စားပြု ဝင်ရောက်ခဲ့တယ်။ အီရန်မှာတော့ ရုပ်ရှင်ကို ပိတ်ပင်ခဲ့ပြီး ယဉ်ကျေးမှုနှင့် အစ္စလာမ်လမ်းညွှန်ရေးဝန်ကြီးဌာနကလည်း ဒီရုပ်ရှင်ထဲက မင်းသမီးကို အကောင်းဆုံးမင်းသမီးဆု ပေးခဲ့တဲ့ ကိန်းရုပ်ရှင်ပွဲတော်ကို ကန့်ကွက်ခဲ့ပါတယ်။ မွတ်စလင်တွေရဲ့ ယုံကြည်မှုကို စော်ကားတယ်ဆိုတဲ့ ဝေဖန်မှုတွေ ရှိခဲ့သလို ရိုက်ကူးရေးမှာ ပါဝင်ပတ်သက်တဲ့ အီရန်ပြည်တွင်းက လူတွေရှိရင် ဒဏ်ခတ်မယ်လို့ အီရန်ရုပ်ရှင်အစည်းအရုံးက ကြေညာခဲ့ပါတယ်။
ဇာတ်လမ်းအကြောင်း
အီရန်နိုင်ငံရဲ့ ဘာသာရေးအထွတ်အမြတ်မြို့တစ်မြို့ဖြစ်တဲ့ Mashhad မှာ လိင်အလုပ်သမား အမျိုးသမီးတွေ တစ်ယောက်ပြီးတစ်ယောက် အသတ်ခံနေရပါတယ်။ သဲလွန်စလည်း မကျန်ခဲ့တာကြောင့် တရားခံက ဘယ်သူလဲဆိုတာ မသိကြဘဲ Spider Killer လို့ပဲ ခေါ်နေကြတယ်။ ဒီအမှုကို စုံစမ်းဖို့ အမျိုးသမီးသတင်းထောက်တစ်ယောက် မြို့ကို ရောက်လာပါတယ်။ သူက ဒီလူသတ်မှုတွေဟာ နိုင်ငံရေးနဲ့ ဆက်နွှယ်နေပြီး နောက်ကွယ်မှာ ကြိုးကိုင်သူတွေ ရှိနေမယ်လို့ ယုံကြည်ထားသူပါ။ လူသတ်သမားကို ဖမ်းနိုင်ဖို့ ကိုယ့်အသက်ကိုပါ စွန့်စားပြီး လိင်အလုပ်သမားတစ်ယောက်အဖြစ် အယောင်ဆောင် စုံစမ်းဖို့ ကြိုးစားတယ်။ ဒီမှုခင်းသည်းထိတ်ရင်ဖိုရုပ်ရှင်ဟာ ၂၀၀၀ ပြည့်နှစ်က အမျိုးသမီး လိင်အလုပ်သမား ၁၆ ယောက်ကို သတ်ခဲ့တဲ့ အီရန်ကွင်းဆက်လူသတ်သမားတစ်ယောက်ရဲ့ ဖြစ်ရပ်မှန်ကို အခြေခံထားပါတယ်။ ဂျော်ဒန်မှာ ရိုက်ကူးပြီး ပြင်သစ်မှာ ဖြန့်ချိခဲ့ကာ အော်စကာအတွက် ဒိန်းမတ်ကိုယ်စားပြု ဝင်ရောက်ခဲ့တယ်။ အီရန်မှာတော့ ရုပ်ရှင်ကို ပိတ်ပင်ခဲ့ပြီး ယဉ်ကျေးမှုနှင့် အစ္စလာမ်လမ်းညွှန်ရေးဝန်ကြီးဌာနကလည်း ဒီရုပ်ရှင်ထဲက မင်းသမီးကို အကောင်းဆုံးမင်းသမီးဆု ပေးခဲ့တဲ့ ကိန်းရုပ်ရှင်ပွဲတော်ကို ကန့်ကွက်ခဲ့ပါတယ်။ မွတ်စလင်တွေရဲ့ ယုံကြည်မှုကို စော်ကားတယ်ဆိုတဲ့ ဝေဖန်မှုတွေ ရှိခဲ့သလို ရိုက်ကူးရေးမှာ ပါဝင်ပတ်သက်တဲ့ အီရန်ပြည်တွင်းက လူတွေရှိရင် ဒဏ်ခတ်မယ်လို့ အီရန်ရုပ်ရှင်အစည်းအရုံးက ကြေညာခဲ့ပါတယ်။