Empire of Lust

ဇာတ်လမ်းအကြောင်း

18+ အချို့ပါဝင်သောကြောင့် မိသားစုနှင့်အတူတူမကြည့်သင့်ပါ ဒီဇာတ်ကားဟာ ၁၃၉၈ ခုနှစ် ဂျိုဆွန်းခေတ်က နိုင်ငံရေးပဋိပက္ခတွေကြားက ချစ်ခြင်းမေတ္တာအကြောင်းရိုက်ကူးထားတဲ့ ဇာတ်ကားဖြစ်ပါတယ်။ ဒီဇာတ်လမ်းလေးထဲမှာတော့ ဂင်မင်ဂျယ်၊ အီဘန်ဝန်၊ ဂျင်နဲ့ ဂါဟီးဆိုတဲ့ အဓိကဇာတ်ကောင်၄ယောက် ပါဝင်ပါတယ်။ ဂင်မင်ဂျယ်က ဂျိုဆွန်းတိုင်းပြည်ကိုကာကွယ်နေတဲ့ ထူးချွန်ထက်​မြက်တဲ့ စစ်သူကြီးဖြစ်တဲ့အပြင် ဘုရင့်ရဲ့ယုံကြည်မှုကို ရထားသူလည်းဖြစ်ပါတယ်။ အီဘန်ဝန်ကတော့ ထယ်ဂျိုဘုရင်ရဲ့ ၅ယောက်မြောက်သားတော်ဖြစ်ပြီး ဂျိုဆွန်းတိုင်းပြည်ကို တည်ထောင်ဖို့ ခမည်းတော်ကိုကူညီပေးခဲ့ပေမဲ့ အိမ်ရှေ့စံအဖြစ် တင်မြှောက်ခြင်းမခံခဲ့ရပါဘူး။ ဒါပေမဲ့လည်း တစ်နေ့မှာ ဘုရင်ဖြစ်လာဖို့ ​ကြံစည်နေတဲ့သူလည်း ဖြစ်ပါတယ်။ ဂျင်ကတော့ ဂင်မင်ဂျယ်ရဲ့သားဖြစ်ပြီး ဘုရင့်သမက်တော်လည်းဖြစ်ပါတယ်။ ဘုရင့်သမက်တော်ဖြစ်တဲ့အတွက်ကြောင့် နိုင်ငံရေးကိစ္စတွေကို ဝင်မပါပဲ ပျော်ရွှင်မှုကိုသာ ရှာဖွေနေတဲ့သူဖြစ်ပါတယ်။ ဂါဟီးကတော့ အပျော်မယ်​​ဖြစ်​ပါတယ်။ နောက်ပိုင်းမှာ​တော့ စစ်သူကြီးဂင်မင်ဂျယ်နဲ့ ချစ်ကျွမ်းဝင်ခဲ့ပြီး ကိုယ်လုပ်တော်ဖြစ်လာခဲ့ပါတယ်။ ဒါပေမဲ့ ဂါဟီးက ဂင်မင်ဂျယ်ရဲ့သားဖြစ်တဲ့ ဂျင်နဲ့ဘယ်လိုပတ်သက်နေမလဲ....နိုင်ငံ​​ရေးပဋိပက္ခ​တွေကြားထဲက အချစ်နဲ့သစ္စာဖောက်မှု၊ သစ္စာစောင့်သိမှုနဲ့ လက်စားချေမှုတို့ကို သေချာရိုက်ပြထားတဲ့ ဇာတ်ကားကောင်းလေးတစ်ကားဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Fiona ဖြစ်ပါတယ်