ဇာတ်ကားများ ရွေးရန်

Swordsman III: The East Is Red

တုံးဖန်းပုပိုင်ဆိုသူဟာ သိုင်းပညာမြင့်မားပြီး ရန်သူဒတ်ခ်ျစစ်သင်္ဘောတစ်စီးကို မြှုပ်ပစ်နိုင်သူ။ သူဟာ နာမည်ဆိုးနဲ့ကျော်ကြားနေတဲ့နတ်ဆိုး။ ချောက်ကမ်းပါးနက်ဆိုတာဟာ သူ့ပိုက်နက်ဖြစ်ပြီး‌ တော်ရုံလူမလာရဲ။ ဒါပေမဲ့ တုံးဖန်းပုပိုင်ဟာ ချောက်ကမ်းပါးနက်ပေါ်ကနေ ပြုတ်ကျသေဆုံးခဲ့လေပြီ။ သူသေသွားခဲ့ပေမဲ့ သူ့နာမည်က ရှင်သန်နေဆဲဖြစ်ပြီး နေရာတိုင်းမှာ တုံးဖန်းပုပိုင်‌ေတွ ပေါ်လာကြ တချို့တွေဆို သူ့ကိုနတ်ဘုရားလိုကိုးကွယ်နေကြတယ်။ သေချင်ယောင်ဆောင်ပြီး ကိုယ်ယောင်ဖျောက်နေတဲ့ တုံးဖန်းပုပိုင်ကို နန်းတွင်းအရာရှိတစ်ယောက်ဖြစ်တဲ့ကူးချန်းဖုန်းက အပြင်မှာ သူ့နာမည်ကိုသုံးပြီး အပြစ်မဲ့သူတွေကိုအန္တရာယ်ပြုနေကြကြောင်းပြောကာ ရှင်းပေးဖို့အတွက် တုံးဖန်းပုပိုင်ကို သိုင်းလောကထဲပြန်လည်ဆွဲခေါ်လာတော့ ဘယ်လိုမျိုးတွေ ဆက်ဖြစ်မလဲ။ တုံးဖန်းပုပိုင်ဆိုတာက စာရေးဆရာ Jing Yong ဖန်တီးထားတဲ့ဇာတ်ကောင်ဖြစ်ပြီး အထီးအမ သေချာသတ်မှတ်မထားလို့ ဇာတ်ကားကြည့်ရင်းစိတ်ရှုပ်မသွားကြပါနဲ့။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်