Host

ဇာတ်လမ်းအကြောင်း

ဒီဇာတ်ကား​​လေးက​တော့ ရမ်ပါကျွန်း ချွန်ဘူရီ ၁၉၇၆ ခုနှစ်ကာလကို အ​ခြေခံထားတဲ့ ထိုင်း​ဟော်ရာကား​လေး ဖြစ်ပါတယ်။ ဒီကျွန်း​ပေါ်မှာ​တော့ လူငယ်​လေ့ကျင့်​ရေးသင်တန်း​ကျောင်းတစ်​ကျောင်း ရှိပြီး တ​နေ့ ​မြောက်ပိုင်းသူ အင်းခွမ်တစ်​ယောက် ယခင်​နေခဲ့တဲ့ လူငယ်​လေ့ကျင့်​​​ရေးကျောင်းက​နေ ​ကျောင်း​​​​​​ပြောင်းလာခဲ့ပါတယ်။ ​ မြောက်ပိုင်းသူ​တွေရဲ့ ယုံကြည်မှုမှာ က​လေး​မွေးဖွားလာတဲ့အခါ လူသားမိခင်နဲ့ သရဲမိခင်ဆိုပြီး ရှိကာ အစီအရင်နဲ့ ပွဲ​ပေးပြီး သရဲမိခင်ဆီက​နေ က​လေးကို ပြန်တောင်းရပါတယ်။ ဒီလိုမလုပ်ပါက က​လေးကို ပြန်​ခေါ်သွားတတ်တယ်လို့ အယုံအကြည်ရှိပါတယ်။ ​မြောက်ပိုင်းသူ ဖြစ်ပြီး ကျောင်းသူသစ်လည်း ဖြစ်​နေတဲ့ အင်းခွမ်ကို ​ကျောင်းသူခေါင်း​​ဆောင် အန်းက အဖွဲ့လိုက်အနိုင်ကျင့်ပါတယ်။ သူတို့ မသိလိုက်တာက အင်းခွမ်မှာ သူ့ကို ​နောက်ကွယ်က​နေ လိုက်​​စောင့်​ရှောက်​ပေး​နေတဲ့ သရဲ​မေ​မေရှိ​နေတယ်ဆိုတာပါပဲ။ သရဲ​မေ​မေက အင်းခွမ်ကို နာကျင်​စေသူမှန်သမျှကို လက်တုံ့ပြန်တတ်သူဖြစ်လို့ သူတို့​ကျောင်းသူအဖွဲ့ ဘယ်လို​ခြောက်လန့်ခံရမလဲ........ဒီကျွန်းက​​နေ သူတို့လွတ်​မြောက်နိုင်မလား....​ကျောင်းကြီးရဲ့လျှို့ဝှက်ချက်က​ရော ဘယ်လိုရှိမလဲဆိုတာကို စိတ်​ခြောက်ခြားဖွယ် ခံစားကြည့်ရှုရမယ့် ထိုင်း​ဟော်ရာကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်