Arwah

ဇာတ်လမ်းအကြောင်း

ဒီကား​လေးက​တော့ ၂၀၂၅ ခုနှစ်ထွက် အသစ်စက်စက် အင်ဒိုနီးရှားသရဲကား​​လေး ဖြစ်ပါတယ်။ ပုံမှန်သရဲဇာတ်လမ်း​တွေနဲ့ ကွဲထွက်​နေမှာမို့ ခံစားမှုရသသစ်ကို ခံစားရမှာပါ။ အန်ဂါတို့မှာ ​မောင်နှမငါး​​ယောက်ရှိပြီး အကြီး​​လေး​ယောက်က ဂျာကာတာမှာ အ​ခြေချ​နေထိုင်ကာ အငယ်ဆုံးညီမ​လေး ဆိုဖီက​တော့ ဖခင်ကြီးနဲ့အတူ သူတို့ဇာတိရွာ​လေးမှာပဲ ​နေထိုင်ခဲ့ကြပါတယ်။ အိမ်ကိုပြန်မ​ရောက်တာ ၄ နှစ်​ကျော်ပြီမို့ ​အန်ဂါ, ဂျိုဂျို, မို့မို့, နင်းဒီတို့ ​လေး​ယောက်အတူစုပြီး အိမ်ပြန်လာခဲ့ကြပါတယ်။ လူမစုံတာကြာပြီဖြစ်တဲ့ သူတို့မိသားစု​​လေး​တွေနဲ့ ပြန်ဆုံခိုက် ​ထမင်းလက်ဆုံစားကာ ​ပျော်ရွှင်​နေခဲ့ကြပါတယ်။ ​နောက်တ​စ်နေ့ ​ရွာနားက ​ရေတံခွန်ကို အလည်အပတ်သွားဖို့အလုပ်မှာ ဖခင်ကြီးရဲ့ကားအ​ဟောင်းကို မြင်ပြီး ကားအ​ဟောင်းနဲ့ သွားခဲ့ရာမှ ဘရိတ်​ပေါက်ပြီး ကား​မှောက်သွားခဲ့ပါတယ်။ အဲဒီဖြစ်ရပ်​​ကြောင့် အငယ်ဆုံးညီမ​လေး ဆိုဖီ ပွဲချင်းပြီး​သေဆုံးခဲ့ရာ သူတို့ကိုယ်တိုင်လည်း အခင်းဖြစ်တဲ့​နေရာက​နေ ထူးဆန်စွာ အိမ်ပြန်​ရောက်​နေခဲ့ပါတယ်။ ဆုံးသွားတဲ့ညီမ​လေးက တကယ်ပဲ ဆုံးသွားတာလား၊ သူတို့က​ရော ဘယ်လို အိမ်ပြန်​ရောက်လာတာလဲ၊ ဘာ​တွေဆက်ဖြစ်မလဲဆိုတာ တင်ပြပုံဆန်းသစ်စွာနဲ့ ​​ကျောစိမ့်​​နေအောင် ခံစားရမယ့် အင်ဒိုနီးရှား​ဟော်ရာကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်