ဇာတ်ကားများ ရွေးရန်

Akhanda 2 - Thaandavam

တရားဓမ္မနဲ့ အမှားအမှန်ကို စိန်ခေါ်နေတဲ့ ရက်စက်ကြမ်းကြုတ်တဲ့ အင်အားစုတစ်ခုက ဒေသတစ်ခုလုံးကို ခြိမ်းခြောက်လာတဲ့အခါ သာမန်ဥပဒေတွေ၊ သိပ္ပံနည်းပညာတွေက တားဆီးနိုင်စွမ်း မရှိတော့ပါဘူး။ အဲဒီအချိန်မှာပဲ သဘာဝတရားက မွေးဖွားပေးလိုက်တဲ့ ဘုရားသခင်ကိုယ်တိုင် စေလွှတ်လိုက်သလိုမျိုး အစွမ်းထက်တဲ့ ပုဂ္ဂိုလ်တစ်ဦး ပေါ်ထွက်လာပါတယ်။ သာမန်လူသားတစ်ယောက်လို မဟုတ်ဘဲ ကြောက်ခမန်းလိလိ အစွမ်းတွေ၊ ပြင်းထန်တဲ့ ဟိန်းဟောက်သံတွေနဲ့ ရန်သူတွေကို ချေမှုန်းမဲ့ အက်ရှင်ခန်းတွေက ကြည့်ရှုသူကို ရင်သပ်ရှုမောစေမှာပါ။ ဒီဇာတ်လမ်းက ရိုးရှင်းတဲ့ အက်ရှင်ကားတစ်ကား မဟုတ်ဘဲ ယုံကြည်မှု၊ မိသားစုမေတ္တာနဲ့ ဘာသာရေးဆိုင်ရာ ဒဿနတွေကို ပြင်းထန်တဲ့ တိုက်ခိုက်မှုတွေနဲ့ ပေါင်းစပ်ထားတာပါ။ ခေတ်မီလက်နက်တွေနဲ့ ယုတ်မာမှုတွေကို ရှေးဟောင်းယုံကြည်မှုနဲ့ ဝိညာဉ်ရေးရာ အစွမ်းသတ္တိတွေက ဘယ်လိုတုံ့ပြန်မလဲဆိုတာ စိတ်လှုပ်ရှားဖွယ် ကြည့်ရှုရမှာ ဖြစ်ပါတယ်။ အထူးသဖြင့် ဆူပွက်နေတဲ့ သွေးသားသံယောဇဉ်နဲ့အတူ မတရားမှုကို အမြစ်ပြတ်ချေမှုန်းမဲ့ ပွဲကြမ်းဇာတ်ကွက်တွေက ပရိသတ်ကို အဆုံးထိ ဆွဲဆောင်ထားနိုင်မဲ့ ဇာတ်ကားကောင်း တစ်ကားဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်