No-See-Ums

ဇာတ်လမ်းအကြောင်း

"Noseeums" ဇာတ်ကားဟာ ရုတ်တရက် လန့်ဖြန့်သွားစေမယ့် ဇာတ်ကွက်တွေထက် ကြည့်ရှုသူရဲ့စိတ်အာရုံကို တဖြည်းဖြည်းချင်း ခြောက်ခြားလာစေမယ့် ထူးခြားတဲ့ horror ဇာတ်ကားဖြစ်ပါတယ်။ "Get Out" နဲ့ "Candyman" ဇာတ်ကားတွေရဲ့ အငွေ့အသက်မျိုးကို ပေါင်းစပ်ပေးထားပြီး၊ မျက်စိနဲ့မမြင်ရလောက်အောင် သေးငယ်ပေမယ့် အလွန်အန္တရာယ်များတဲ့ 'Noseeums' လို့ခေါ်တဲ့ အင်းဆက်ပိုးကောင်လေးတွေကို အခြေခံပြီး ဇာတ်အိမ်တည်ထားတာပါ။ ဇာတ်လမ်းရဲ့ အဓိကဇာတ်ကောင်ဖြစ်တဲ့ အမ်ဘာ (Ember) ဟာ သူမရဲ့ နေ့စဉ်ဘဝမှာ ကြုံတွေ့နေရတဲ့ လူမှုရေးခွဲခြားဆက်ဆံမှုတွေ၊ မလုံခြုံမှုတွေကြား ရုန်းကန်နေရရင်းကနေ ထိတ်လန့်ဖွယ်ရာ သဘာဝလွန်ဖြစ်ရပ်တွေနဲ့ပါ ရင်ဆိုင်လာရတဲ့အခါ ဘာတွေဆက်ဖြစ်မလဲဆိုတာကို မြင်တွေ့ရမှာပါ။ ဒီဇာတ်ကားမှာ သွေးထွက်သံယို အကြမ်းဖက်ခန်းတွေသက်သက် မဟုတ်ဘဲ၊ လူတွေရဲ့ စိတ်ထဲမှာ ကိန်းအောင်းနေတဲ့ သမိုင်းဝင်အမုန်းတရားတွေနဲ့ အဆိပ်သင့်နေတဲ့ ပတ်ဝန်းကျင်ရဲ့ ဖိအားတွေက ပိုပြီးခြောက်ခြားဖို့ကောင်းနေတာပဲ ဖြစ်ပါတယ်။ ဇာတ်လမ်းအစကတည်းက စိတ်ကျဉ်းကျပ်မှုတွေ၊ သံသယတွေနဲ့အတူ ဆွဲခေါ်သွားပြီး၊ အချိန်ကြာလာတာနဲ့အမျှ ကိုယ်တိုင်ပါ အဲဒီမွန်းကြပ်တဲ့အခြေအနေထဲ ရောက်နေသလို ခံစားရအောင် အသက်ဝင်ဝင် တင်ဆက်ထားပါတယ်။ "Noseeums" ဟာ ပြီးသွားတဲ့တိုင်အောင် စိတ်ထဲမှာ လေးလံတဲ့ခံစားချက်တစ်ခု ကျန်ရစ်ခဲ့ပြီး ဆက်လက်ခြောက်ခြားနေစေမယ့် Psychological Horror အမျိုးအစားကို သဘောကျသူတွေ လက်မလွှတ်သင့်တဲ့ ဇာတ်ကားတစ်ကား ဖြစ်ပါတယ်။ ထိတ်လန့်စရာကောင်းတဲ့ သဘာဝလွန်အဖြစ်အပျက်တွေရဲ့ နောက်ကွယ်က တကယ့်အမှန်တရားဟာ ဘာများဖြစ်မလဲဆိုတာကိုတော့ ကိုယ်တိုင်ပဲ ရင်ခုန်စွာနဲ့ ခံစားကြည့်လိုက်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ edrikk ဖြစ်ပါတယ်