ဇာတ်ကားများ ရွေးရန်

The Great Hypnotist

"ဒီကမ္ဘာပေါ်မှာ သရဲဆိုတာ မရှိဘူး... ဒါပေမဲ့ လူတွေရဲ့ စိတ်အမှောင်ဇုန်ထဲက အပြစ်ရှိစိတ်တွေကတော့ တကယ့်ကို ကြောက်ဖို့ကောင်းတယ်" စိတ်ပညာနဲ့ Thriller ဇာတ်ကားကောင်းတွေကိုမှ ကြိုက်ပါတယ်ဆိုတဲ့ ပရိသတ်တွေအတွက် M Sub Movie Channel ကနေ မလွတ်တမ်းကြည့်ရမယ့် ရုပ်ရှင်ကားကောင်းတစ်ကားကို မိတ်ဆက်ပေးလိုက်ပါတယ်။ ဒါကတော့ Plot Twist အလန်းစားနဲ့ ပရိသတ်ကို ဇာတ်သိမ်းအထိ အသက်ရှူမှားအောင် ဆွဲခေါ်သွားမယ့် "The Great Hypnotist" ပဲ ဖြစ်ပါတယ်။ ဇာတ်လမ်းအကျဉ်း ဒေါက်တာ Xu Ruining ဆိုတာ နှုတ်လှည့်ကုထုံး (Hypnosis) လောကမှာ အတော်ဆုံးနဲ့ နာမည်အကြီးဆုံး စိတ်ကျန်းမာရေးဆရာဝန်တစ်ယောက်ပါ။ တစ်နေ့မှာတော့ သူ့ရဲ့ဆရာဖြစ်သူက ထူးဆန်းတဲ့ မိန်းကလေးတစ်ယောက်ကို ကုသပေးဖို့ သူ့ဆီ လွှတ်လိုက်ပါတယ်။ အဲဒီမိန်းကလေးနာမည်က Ren Xiaoyan တဲ့။ သူက တခြားလူတွေမမြင်ရတဲ့ "သရဲ" တွေကို မြင်နေရတယ်လို့ အခိုင်အမာ ပြောနေသူပါ။ သိပ္ပံနည်းကျပဲ လက်ခံပြီး အတ္တကြီးတဲ့ ဒေါက်တာက ဒါကို စိတ်ရောဂါတစ်ခုလို့ပဲ သတ်မှတ်ပြီး သူမရဲ့စိတ်ကို ထိန်းချုပ်ဖို့ နှုတ်လှည့်ကုထုံးကို သုံးပါတော့တယ်။ ဒါပေမဲ့ ကုထုံးအချိန် ကြာလာတာနဲ့အမျှ အခြေအနေတွေက ပြောင်းပြန်ဖြစ်လာပြီး ရန်ရှောင်ယန်ရဲ့ စကားတွေ၊ သူမ ပြောပြတဲ့ သရဲဇာတ်လမ်းတွေက ဒေါက်တာဖုံးကွယ်ထားတဲ့ အတိတ်က အမှောင်ဆုံး လျှို့ဝှက်ချက်တွေကို တဖြည်းဖြည်း ဆွဲထုတ်လာတဲ့အခါမှာတော့... ဘယ်သူက ဆရာဝန်၊ ဘယ်သူက လူနာလဲဆိုတာ ခွဲခြားရခက်တဲ့ စိတ်ပညာကစားပွဲကြီး စတင်ပါတော့တယ်။ ဒါက စိတ္တဇရုပ်ရှင်သက်သက် မဟုတ်ပါဘူး။ လူတစ်ယောက်ရဲ့ အပြစ်ရှိစိတ်၊ နောင်တနဲ့ မိမိကိုယ်ကို ခွင့်လွှတ်ခြင်းအကြောင်းကို အသည်းခိုက်မတတ် ခံစားရအောင် ရိုက်ကူးထားတာဖြစ်လို့ ဇာတ်သိမ်းမှာ မျက်ရည်ပါ ဝဲရမှာ သေချာပါတယ်။ "လူတစ်ယောက်ကို ဘယ်သူကမှ ခွင့်မလွှတ်နိုင်ဘူး... မိမိကိုယ်တိုင်ကလွဲလို့ပေါ့" ဆိုတဲ့ စကားအတိုင်း စိတ်ဒဏ်ရာတွေကို ဘယ်လို နှုတ်လှည့်ကုစားမလဲဆိုတာ M Sub Movie Channel မှာ အခုပဲ ခံစားကြည့်ရှုလိုက်ကြပါဦးဗျာ။