ဇာတ်ကားများ ရွေးရန်

Mutant Ghost Wargirl

"Ghost" (စူပါပါဝါသုံး ဗီဇပြောင်းစစ်သည်တို့ရဲ့ ရှင်သန်ရပ်တည်ရေးနဲ့ တရားမျှတမှုတိုက်ပွဲ) အနာဂတ် ၂၀၇၇ ခုနှစ်ကို အခြေခံထားပြီး သိပ္ပံနည်းပညာ နယ်ပယ်ကျော်လွန်လာမှုနဲ့အတူ လူသားတွေရဲ့ ဗီဇကို ပြောင်းလဲစမ်းသပ်မှုတွေပြုလုပ်ရာမှ ပေါ်ပေါက်လာတဲ့ ဒုစရိုက်ဂိုဏ်းကြီးကို နှိမ်နင်းမယ့် Sci-Fi Action ရုပ်ရှင်ကားကောင်းတစ်ကားဘဲ ဖြစ်ပါတယ်။ မက်ဒူဆာလို့ခေါ်တဲ့ အဖွဲ့အစည်းကြီးဟာ လူသားတွေကို တရားမဝင် ပြန်ပေးဆွဲပြီး ဗီဇပြောင်းလဲစမ်းသပ်မှုတွေ လုပ်ဆောင်ကာ S အဆင့် စူပါပါဝါရ စစ်သည်တော်တွေကို ဖန်တီးခဲ့ကြပါတယ်။ ဒီလို ကြောက်စရာကောင်းတဲ့ တရားမဝင် စမ်းသပ်မှုတွေရဲ့ သားကောင်ဖြစ်ခဲ့ရပေမဲ့ မိမိတို့ရဲ့ ကိုယ်ပိုင်အသိစိတ်နဲ့ တရားမျှတမှုကို လက်ကိုင်ထားပြီး ပြန်လည်တော်လှန်ကြမယ့် အထူးစုံစမ်းရေးမှူး ကျိုးယန်းနဲ့ ဝူချင်းချင်းတို့ရဲ့ သည်းထိတ်ရင်ဖို ပူးပေါင်းတိုက်ပွဲတွေကို စိတ်လှုပ်ရှားဖွယ် ကြည့်ရှုရမှာ ဖြစ်ပါတယ်။ ဒီကားထဲမှာ Action အခန်းတွေတင်မကဘဲ ဇာတ်လိုက်တွေကြားက အပြန်အလှန် ယုံကြည်မှု၊ မေတ္တာတရားနဲ့ စိတ္တဇဆန်ဆန် စိတ်ဒဏ်ရာတွေကို အချင်းချင်း ကုစားပေးကြပုံတွေကိုလည်း သဘာဝကျကျ ရိုက်ကူးပြသထားပါတယ်။ အထူးသဖြင့် နည်းပညာတွေဘယ်လောက်ပဲ တိုးတက်လာပါစေ လူသားဆန်မှုနဲ့ အပြန်အလှန် ဖေးမကူညီမှုတွေဟာ အရေးပါကြောင်းကို ဇာတ်အိမ်ခိုင်ခိုင်မာမာနဲ့ အဆုံးထိ ဆွဲခေါ်သွားနိုင်ခဲ့ပါတယ်။ ထို့အပြင် Action၊ Sci-Fi ရုပ်ရှင်ချစ်သူတွေအတွက် CGIနဲ့ တိုက်ခိုက်ရေးကွက်တွေကလည်း ရင်သပ်ရှုမောဖွယ်ဖြစ်တာမို့ ပရိသတ်တွေ လုံးဝလက်မလွှတ်သင့်တဲ့ ကားကောင်းတစ်ကားပဲ ဖြစ်ပါတယ်။ ဒီရုပ်ရှင်ကားကို ကြည့်ရှုခြင်းအားဖြင့် ရရှိနိုင်မယ့် သင်ခန်းစာကတော့ "လူတစ်ယောက်ရဲ့ အနာဂတ်နဲ့ တန်ဖိုးဆိုတာ ဘယ်လို မွေးဖွားလာသလဲ သို့မဟုတ် မည်သည့်ဗီဇပါလာသလဲဆိုတာပေါ်မှာ မူတည်တာမဟုတ်ဘဲ မိမိကိုယ်တိုင် ဘယ်လိုလမ်းကြောင်းကို ရွေးချယ်မလဲ" ဆိုတာပေါ်မှာပဲ မူတည်ကြောင်း သင်ပြပေးထားပါတယ်။ ဒါ့အပြင် ဘဝမှာ ဘယ်လောက်ပဲ ခက်ခဲတဲ့ အမှောင်ထုနဲ့ ကြုံတွေ့ရပါစေ အမှန်တရားနဲ့ အလင်းရောင်ကို သစ္စာရှိရှိ လိုက်ပါရင်ဆိုင်ရင် အကောင်းဆုံးသော အချိန်ကာလကို မလွဲမသွေ ပိုင်ဆိုင်နိုင်လိမ့်မယ်ဆိုတဲ့ ခွန်အားပေး သင်ခန်းစာကိုပါ ရရှိစေမှာဖြစ်ပါတယ်။ M Sub Movie Channel ရဲ့ ချစ်ပရိသတ်တို့လည်း ဒီတိုက်ပွဲကို အတူတူ ရင်ခုန်ကြည့်ရှုဖို့ ဖိတ်ခေါ်လိုက်ပါတယ်။