ဇာတ်ကားများ ရွေးရန်

I Fell, It's Fine

I Fell, It's Fine (2026) ဖိလစ်ပိုင် ရုပ်ရှင်/ဇာတ်လမ်းတွဲ လောကမှာ The Rich Man's Daughter နဲ့ ပရိသတ်အားပေးမှု အခိုင်အမာ ရရှိထားတဲ့ Glaiza နဲ့ Rhian တို့ရဲ့ အတွဲညီညီ သရုပ်ဆောင်ချက်တွေကို ပြန်လည်ကြည့်ရှုရမဲ့ Romance / Drama ရုပ်ရှင်ဖြစ်ပါတယ် ဇာတ်လမ်းကတော့ စည်းကမ်းကြီးပြီး မိမိရဲ့ စိတ်ခံစားချက်တွေကို အမြဲတမ်း ထိန်းချုပ်ကာ လူသူနဲ့ စည်းခြားထားတတ်တဲ့ အပန်းဖြေစခန်းပိုင်ရှင် "အန်း" အကြောင်းကနေ စတင်ထားတာပါ။ အန်းဟာ သူမရဲ့ ဘဝကို အရာရာ စနစ်တကျ ရှိနေအောင် ဖန်တီးထားပေမဲ့... အတွင်းစိတ်မှာတော့ မသိစိတ် ဒဏ်ရာတွေနဲ့ ပြည့်နှက်နေခဲ့ပါတယ်။ ဒါပေမဲ့ တစ်နေ့မှာတော့ သူမရဲ့ အပန်းဖြေစခန်းဆီကို "ချစ်ခ်စ်"လို့ အမည်ရတဲ့ လွတ်လပ်စွာ နေထိုင်တတ်တဲ့ အမျိုးသမီးတစ်ဦး ရောက်ရှိလာခဲ့ပါတယ်။ ချစ်ခ်စ်ရဲ့ ထူးခြားတဲ့ အပြုအမူတွေကြောင့် အန်းရဲ့ ထိန်းချုပ်ထားတဲ့ ဘဝစည်းဝိုင်းတွေဟာ တဖြည်းဖြည်း ပြိုပျက်လာခဲ့ရပါတော့တယ် .. ဒီလိုမျိုး ပြိုလဲသွားခြင်းဟာ အန်းအတွက် နာကျင်စရာ မဟုတ်ဘဲ... အတိတ်က စိတ်ဒဏ်ရာတွေကို ကုစားပေးပြီး စစ်မှန်တဲ့ မေတ္တာတရားနဲ့ မထင်မှတ်ထားတဲ့ ဘဝသစ်ဆီကို ဦးတည်သွားပုံကို ကြည့်ရမှာ ဖြစ်ပါတယ်။