First Love
Jim က ရှက်တတ်ပြီး တစ်ယောက်တည်း နေရတာကို ပိုနှစ်သက်တဲ့ အထက်တန်းကျောင်းသားလေးပါ။ လူတွေနဲ့ သိပ်မရောသလို သူငယ်ချင်းတွေရဲ့ ပါတီပွဲတွေကိုလည်း တက်လေ့မရှိဘူး။ ဒါပေမယ့် တစ်နေ့မှာတော့ သူနဲ့ စရိုက်ချင်း လုံးဝမတူတဲ့ Ann ကို စိတ်ဝင်စားသွားပါတယ်။ Ann က သူငယ်ချင်းအပေါင်းအသင်းများပြီး ပျော်ပျော်နေတတ်သူပါ။ ပျော်ရွှင်မှုဆိုတာ ထိုင်စောင့်နေရုံနဲ့ မရဘဲ ကိုယ်တိုင်ဖန်တီးယူရမယ်လို့ ယုံကြည်ထားတဲ့သူလည်း ဖြစ်တယ်။ ဒီလိုနဲ့ နှစ်ယောက်သား နီးစပ်လာပြီး ချစ်သူတွေ ဖြစ်သွားကြပါတယ်။ ဒါဟာ Jim ရဲ့ အချစ်ဦးပါပဲ။ ဒါပေမယ့် ရည်မှန်းချက်တွေကနေ အကျင့်စရိုက်အထိ ကွာခြားနေကြတဲ့ သူတို့နှစ်ယောက်ရဲ့ အချစ်ရေးမှာ အဖုအထစ်တွေ ရှိလာတယ်။ တစ်ဖက်မှာ Jim ရဲ့ မိဘတွေဖြစ်တဲ့ Greg နဲ့ Kay တို့ကတော့ အသက် ၁၇ နှစ်ကတည်းက သိကျွမ်းချစ်ကြိုက်ခဲ့ပြီး အချစ်ဦးနဲ့ပဲ လက်ထပ်ခဲ့ကြသူတွေပါ။ Greg က သားသမီးတွေနဲ့အတူ ဖြတ်သန်းရတဲ့ အမှတ်တရကောင်းတွေကို တန်ဖိုးထားသူ ဖြစ်ပေမယ့် လက်ရှိမှာတော့ ၂၀၀၈ ခုနှစ် စီးပွားပျက်ကပ်ကြောင့် အလုပ်ပြုတ်ပြီး စိတ်ဓာတ်ကျနေပါတယ်။ တစ်သက်လုံး ကြိုးစားလာသမျှ ပျက်စီးသွားသလို ခံစားနေရတဲ့ Greg နဲ့ အလုပ်တစ်ခု မဖြစ်မနေရှာပြီး ခင်ပွန်းကို ပံ့ပိုးချင်တဲ့ Kay တို့ကြား အမြင်တွေ ကွဲလာတယ်။ နေ့စဉ်အခက်အခဲတွေနဲ့ ရင်ဆိုင်နေရင်း အချစ်အကြောင်းတောင် မတွေးနိုင်ကြတော့ပါဘူး။ ၂၀၂၂ ခုနှစ်ထွက် ဒီအချစ်ဒရမ်မာမှာ Hero Fiennes Tiffin ပါဝင်ထားပြီး ဆယ်ကျော်သက်တွေရဲ့ အချစ်ဦးနဲ့ အိမ်ထောင်သက်ကြာလာတဲ့ စုံတွဲတစ်တွဲရဲ့ အချစ်ကို ယှဉ်တွဲပြထားပါတယ်။
ဇာတ်လမ်းအကြောင်း
Jim က ရှက်တတ်ပြီး တစ်ယောက်တည်း နေရတာကို ပိုနှစ်သက်တဲ့ အထက်တန်းကျောင်းသားလေးပါ။ လူတွေနဲ့ သိပ်မရောသလို သူငယ်ချင်းတွေရဲ့ ပါတီပွဲတွေကိုလည်း တက်လေ့မရှိဘူး။ ဒါပေမယ့် တစ်နေ့မှာတော့ သူနဲ့ စရိုက်ချင်း လုံးဝမတူတဲ့ Ann ကို စိတ်ဝင်စားသွားပါတယ်။ Ann က သူငယ်ချင်းအပေါင်းအသင်းများပြီး ပျော်ပျော်နေတတ်သူပါ။ ပျော်ရွှင်မှုဆိုတာ ထိုင်စောင့်နေရုံနဲ့ မရဘဲ ကိုယ်တိုင်ဖန်တီးယူရမယ်လို့ ယုံကြည်ထားတဲ့သူလည်း ဖြစ်တယ်။ ဒီလိုနဲ့ နှစ်ယောက်သား နီးစပ်လာပြီး ချစ်သူတွေ ဖြစ်သွားကြပါတယ်။ ဒါဟာ Jim ရဲ့ အချစ်ဦးပါပဲ။ ဒါပေမယ့် ရည်မှန်းချက်တွေကနေ အကျင့်စရိုက်အထိ ကွာခြားနေကြတဲ့ သူတို့နှစ်ယောက်ရဲ့ အချစ်ရေးမှာ အဖုအထစ်တွေ ရှိလာတယ်။ တစ်ဖက်မှာ Jim ရဲ့ မိဘတွေဖြစ်တဲ့ Greg နဲ့ Kay တို့ကတော့ အသက် ၁၇ နှစ်ကတည်းက သိကျွမ်းချစ်ကြိုက်ခဲ့ပြီး အချစ်ဦးနဲ့ပဲ လက်ထပ်ခဲ့ကြသူတွေပါ။ Greg က သားသမီးတွေနဲ့အတူ ဖြတ်သန်းရတဲ့ အမှတ်တရကောင်းတွေကို တန်ဖိုးထားသူ ဖြစ်ပေမယ့် လက်ရှိမှာတော့ ၂၀၀၈ ခုနှစ် စီးပွားပျက်ကပ်ကြောင့် အလုပ်ပြုတ်ပြီး စိတ်ဓာတ်ကျနေပါတယ်။ တစ်သက်လုံး ကြိုးစားလာသမျှ ပျက်စီးသွားသလို ခံစားနေရတဲ့ Greg နဲ့ အလုပ်တစ်ခု မဖြစ်မနေရှာပြီး ခင်ပွန်းကို ပံ့ပိုးချင်တဲ့ Kay တို့ကြား အမြင်တွေ ကွဲလာတယ်။ နေ့စဉ်အခက်အခဲတွေနဲ့ ရင်ဆိုင်နေရင်း အချစ်အကြောင်းတောင် မတွေးနိုင်ကြတော့ပါဘူး။ ၂၀၂၂ ခုနှစ်ထွက် ဒီအချစ်ဒရမ်မာမှာ Hero Fiennes Tiffin ပါဝင်ထားပြီး ဆယ်ကျော်သက်တွေရဲ့ အချစ်ဦးနဲ့ အိမ်ထောင်သက်ကြာလာတဲ့ စုံတွဲတစ်တွဲရဲ့ အချစ်ကို ယှဉ်တွဲပြထားပါတယ်။