ဇာတ်ကားများ ရွေးရန်

Uncle Nine: The Curious Case of the Ancient Coffin

ဦးလေး ၉ က ဘိုးဘေးတွေလုပ်ခဲ့တဲ့ ဖုန်းရွှေဆရာအလုပ်ကို ဆက်မလုပ်ဘဲ ဆေးဆရာအဖြစ် အသက်မွေးနေသူပါ။ နေကြတ်တဲ့နေ့တစ်နေ့မှာ ရှေးဟောင်းအလောင်းစားပိုးကောင်တွေ ထကြွလာပြီး အခေါင်းစောင့်မြွေကြီးကလည်း လူတွေကို ထွက်စားနေပါတယ်။ ဦးလေး ၉ နဲ့ တပည့်တွေပါ ဖုတ်ကောင်အုပ်စုရဲ့ တိုက်ခိုက်မှုကို ခံလိုက်ရပြီး မြို့ငယ်လေးမှာ မကောင်းတဲ့ဖြစ်ရပ်တွေ တစ်ခုပြီးတစ်ခု ဆက်ဖြစ်လာတယ်။ ထူးဆန်းတဲ့သေဆုံးမှုတွေကြောင့် ရဲအရာရှိတွေနဲ့ ဦးလေး ၉ တို့ အမှုကို ပူးပေါင်းစုံစမ်းကြပါတယ်။ ထိခိုက်ခံရသူတွေရဲ့ ကိုယ်ပေါ်မှာ အလောင်းအဆိပ်သင့်နေတဲ့ လက္ခဏာတွေ တွေ့ရတယ်။ ဦးလေး ၉ က တိတ်တဆိတ် ဆက်စုံစမ်းနေစဉ် ဂျပန်တွေဘက်က ဆေးကုသပေးဖို့ ဖိတ်ခေါ်လာပါတယ်။ အဲဒီကနေ ဂျပန်တပ်သားတွေရဲ့ သင်္ချိုင်းဖောက်မယ့်အကြံကို သိသွားပြီး သူကိုယ်တိုင် ကွပ်မျက်ခံရလုနီးပါး အန္တရာယ်ထဲ ရောက်သွားတယ်။ ဦးလေး ၉ ဘယ်လိုအသက်လွတ်အောင် လုပ်မလဲ၊ တစ္ဆေတွေကို နှိမ်နင်းပြီး နိုင်ငံရတနာတွေကို ဘယ်လိုစောင့်ရှောက်မလဲဆိုတာအပြင် ဂျပန်သင်္ချိုင်းဖောက်အဖွဲ့က ဘယ်ကိစ္စတွေနဲ့ ပတ်သက်နေသလဲဆိုတာပါ ဆက်ဖော်ထုတ်ရမှာ ဖြစ်ပါတယ်။ ဟောင်ကောင်ရုပ်ရှင် Mr Vampire (၁၉၈၅) လို ဟာသရောစပ်ထားတဲ့ တရုတ်ဖုတ်ကောင်ကားပုံစံနဲ့ ရိုက်ကူးထားပါတယ်။