ဇာတ်ကားများ ရွေးရန်

Poupelle of Chimney Town

မီးခိုးခေါင်းတိုင်တွေက ထွက်လာတဲ့ မီးခိုးတွေနဲ့ အမြဲဖုံးအုပ်နေတဲ့ Chimney Town ဟာ အပြင်လောကနဲ့ လုံးဝအဆက်အသွယ်ပြတ်နေတဲ့ မြို့လေးတစ်မြို့ပါ။ အဲဒီမြို့မှာနေတဲ့ လုဘိချိရဲ့အဖေ ဘရူနိုက ကောင်းကင်မှာ ကြယ်တွေရှိတယ်လို့ လူတွေကို ပြောလေ့ရှိပေမယ့် ဘယ်သူမှ မယုံကြဘူး။ သူ့ကို ရူးနေတယ်လို့တောင် ထင်ကြတယ်။ လုဘိချိကတော့ အဖေပြောတဲ့ကြယ်တွေကို ကိုယ်တိုင်မြင်ဖူးချင်နေပါတယ်။ တစ်နှစ်လောက်ကြာတဲ့အခါ ဟောလိုးဝင်းနေ့တစ်နေ့မှာ တစ်ကိုယ်လုံး အမှိုက်တွေနဲ့ ဖွဲ့စည်းထားတဲ့ ပိုပဲ့လု မြို့ထဲရောက်လာတယ်။ လူတွေက ဟောလိုးဝင်းဝတ်စုံ ဝတ်ထားသူလို့ ထင်ပြီး သူ့ဝတ်စုံကို ချီးကျူးကြပေမယ့် တကယ်လူမဟုတ်မှန်း သိသွားတဲ့အခါ သက်ဆိုင်ရာတွေက လိုက်ဖမ်းကြတော့တယ်။ ပိုပဲ့လု ထွက်ပြေးရင်း လုဘိချိနဲ့ တွေ့မိရာက သူတို့နှစ်ယောက်ရဲ့ စွန့်စားခန်း စတင်လာပါတယ်။ ဒီရုပ်ရှင်က နာမည်တူရုပ်ပြစာအုပ်ကို anime အဖြစ် ပြန်ပုံဖော်ထားတဲ့ မိသားစုစိတ်ကူးယဉ်ဇာတ်လမ်းပါ။