The Midnight Maiden War
ရောဂါတွေ ပျံ့နှံ့နေပြီး စီးပွားရေးကျဆင်းမှုကြောင့် လူတွေ အလုပ်ပြုတ်နေကြတဲ့ကာလကို နောက်ခံထားတဲ့ ဇာတ်လမ်းပါ။ Ren Nagase သရုပ်ဆောင်ထားတဲ့ «ကျွန်တော်» ဆိုတဲ့ လူငယ်က ဇာတိတိုကျိုကနေ ခိုဘဲကို ပြောင်းလာခဲ့တယ်။ အစပိုင်းမှာ ကလေးတွေကို စာသင်ပေးတဲ့အလုပ်က ဝင်ငွေကောင်းလို့ စားဝတ်နေရေးအတွက် စိတ်အေးရသလို ကျောင်းလခကိုလည်း အမေ ပေးစရာမလိုတော့ဘူးလို့ ဖုန်းဆက်ပြောနိုင်ခဲ့ပါတယ်။ ဒါပေမယ့် ကုမ္ပဏီရဲ့ မူဝါဒပြောင်းလဲမှုနဲ့အတူ သူပါ အလုပ်ပြုတ်သွားတော့ ကျောင်းလခနဲ့ နေ့စဉ်အသုံးစရိတ်အတွက် ရရာအလုပ် ဝင်လုပ်ရင်း ဆူပူကြိမ်းမောင်းခံရတာတွေကို သည်းခံနေရတယ်။ တက္ကသိုလ်တက်ရတာလည်း စိတ်မဝင်စား၊ အိပ်မက်ရယ်လို့လည်း မရှိတဲ့ သူ့ဘဝက တူတူပုန်းတမ်းကစားတဲ့အဖွဲ့ထဲ ဝင်လိုက်ချိန်မှာ ပြောင်းလဲလာပါတယ်။ အဲဒီမှာ Elaiza Ikeda သရုပ်ဆောင်ထားတဲ့ စီနီယာနဲ့ တွေ့ရတယ်။ ဉာဏ်ပြေးပြီး ထက်မြက်တဲ့ စီနီယာက သူငယ်ချင်းမရှိတဲ့ သူ့ကို စကားပြောပေး၊ အဖော်လုပ်ပေးပြီး LINE အကောင့်ချင်း ဖလှယ်ထားတဲ့ တစ်ဦးတည်းသောသူပါ။ တူတူပုန်းတမ်းကစားရင်း အမှိုက်ကန်ထဲမှာ ညအထိ ပုန်းနေတဲ့သူ့ကို ပြဿနာမဖြစ်အောင် ဆွဲထုတ်ပေးခဲ့သူလည်း ဖြစ်တယ်။ စီနီယာနဲ့ စကားပြောရင်း ကိုယ့်ကိုယ်ကိုယ် ဖျက်ဆီးချင်တဲ့စိတ်အကြောင်းကိုတောင် သူ ဖွင့်ပြောမိခဲ့ပါတယ်။ နောက်ထပ် သူတွေ့လာရသူကတော့ Tasuku Emoto သရုပ်ဆောင်ထားတဲ့ «ဝတ်စုံနက်» ပါ။ အလယ်တန်းကျောင်းသားဘဝကတည်းက အပြာဝက်ဘ်ဆိုက်ထောင်ပြီး ချိန်းတွေ့အက်ပ်တွေ လုပ်ခဲ့တဲ့ ဝတ်စုံနက်ဟာ လက်ရှိဝင်ငွေနဲ့ နောက်ထပ်ရလာမယ့်ငွေတွေကြောင့် တစ်သက်လုံး အလုပ်မလုပ်ဘဲ နေနိုင်လောက်အောင် ချမ်းသာနေတယ်။ ဒါပေမယ့် သူလုပ်နေတာက တက္ကသိုလ်ထဲက နေရာတွေကို မီးရှို့တာလို ဖျက်ဆီးရေးအလုပ်တွေပါ။ အိပ်မက်မရှိတဲ့ လူငယ်လည်း သူနဲ့ပေါင်းမိပြီး ကျောင်းဝက်ဘ်ဆိုက်ကို ဖောက်ထွင်းတာ၊ စက်ဘီးထိုင်ခုံတွေ လိုက်ဖြုတ်တာစတဲ့ အလုပ်တွေမှာ ပါလာတော့တယ်။ တဖြည်းဖြည်းနဲ့ ဝတ်စုံနက်ဘေးမှာ Maiden လို့ခေါ်တဲ့ ရဲဘော်ရဲဘက်တွေ များလာပါတယ်။ ရဲအရာရှိတွေ၊ စီးပွားရေးဝန်ကြီးဌာနက အရာရှိတွေအပါအဝင် နေရာအသီးသီးက လောကကြီးကို အရွဲ့တိုက်ချင်သူတွေ စုမိလာကြတာပါ။ အဲဒီနောက် ဝတ်စုံနက်က ခရစ္စမတ်နေ့မှာ တိုကျိုမြို့ကို မီးတင်ရှို့ဖို့ «သန်းခေါင်ယံအပျိုစင်စစ်ပွဲ» ဆိုတဲ့ အစီအစဉ်ကို ကြံစည်လာတယ်။ လူငယ်က စီနီယာကို ခရစ္စမတ်ညမတိုင်ခင် မြို့က ထွက်သွားဖို့ ပြောပေမယ့် သူက မထွက်သွားတဲ့အခါ ဒီအစီအစဉ်ကို တားဖို့ ကြိုးစားလာပါတယ်။ အကွက်စေ့အောင် ကြံထားတဲ့ ဝတ်စုံနက်က ဘာတွေ ပြင်ဆင်ထားဦးမလဲ။ ဒီဇာတ်ကားရဲ့ အဆုံးသတ်တေးအဖြစ် Billie Eilish ရဲ့ “Happier Than Ever” ကို အသုံးပြုထားပါတယ်။
ဇာတ်လမ်းအကြောင်း
ရောဂါတွေ ပျံ့နှံ့နေပြီး စီးပွားရေးကျဆင်းမှုကြောင့် လူတွေ အလုပ်ပြုတ်နေကြတဲ့ကာလကို နောက်ခံထားတဲ့ ဇာတ်လမ်းပါ။ Ren Nagase သရုပ်ဆောင်ထားတဲ့ «ကျွန်တော်» ဆိုတဲ့ လူငယ်က ဇာတိတိုကျိုကနေ ခိုဘဲကို ပြောင်းလာခဲ့တယ်။ အစပိုင်းမှာ ကလေးတွေကို စာသင်ပေးတဲ့အလုပ်က ဝင်ငွေကောင်းလို့ စားဝတ်နေရေးအတွက် စိတ်အေးရသလို ကျောင်းလခကိုလည်း အမေ ပေးစရာမလိုတော့ဘူးလို့ ဖုန်းဆက်ပြောနိုင်ခဲ့ပါတယ်။ ဒါပေမယ့် ကုမ္ပဏီရဲ့ မူဝါဒပြောင်းလဲမှုနဲ့အတူ သူပါ အလုပ်ပြုတ်သွားတော့ ကျောင်းလခနဲ့ နေ့စဉ်အသုံးစရိတ်အတွက် ရရာအလုပ် ဝင်လုပ်ရင်း ဆူပူကြိမ်းမောင်းခံရတာတွေကို သည်းခံနေရတယ်။ တက္ကသိုလ်တက်ရတာလည်း စိတ်မဝင်စား၊ အိပ်မက်ရယ်လို့လည်း မရှိတဲ့ သူ့ဘဝက တူတူပုန်းတမ်းကစားတဲ့အဖွဲ့ထဲ ဝင်လိုက်ချိန်မှာ ပြောင်းလဲလာပါတယ်။ အဲဒီမှာ Elaiza Ikeda သရုပ်ဆောင်ထားတဲ့ စီနီယာနဲ့ တွေ့ရတယ်။ ဉာဏ်ပြေးပြီး ထက်မြက်တဲ့ စီနီယာက သူငယ်ချင်းမရှိတဲ့ သူ့ကို စကားပြောပေး၊ အဖော်လုပ်ပေးပြီး LINE အကောင့်ချင်း ဖလှယ်ထားတဲ့ တစ်ဦးတည်းသောသူပါ။ တူတူပုန်းတမ်းကစားရင်း အမှိုက်ကန်ထဲမှာ ညအထိ ပုန်းနေတဲ့သူ့ကို ပြဿနာမဖြစ်အောင် ဆွဲထုတ်ပေးခဲ့သူလည်း ဖြစ်တယ်။ စီနီယာနဲ့ စကားပြောရင်း ကိုယ့်ကိုယ်ကိုယ် ဖျက်ဆီးချင်တဲ့စိတ်အကြောင်းကိုတောင် သူ ဖွင့်ပြောမိခဲ့ပါတယ်။ နောက်ထပ် သူတွေ့လာရသူကတော့ Tasuku Emoto သရုပ်ဆောင်ထားတဲ့ «ဝတ်စုံနက်» ပါ။ အလယ်တန်းကျောင်းသားဘဝကတည်းက အပြာဝက်ဘ်ဆိုက်ထောင်ပြီး ချိန်းတွေ့အက်ပ်တွေ လုပ်ခဲ့တဲ့ ဝတ်စုံနက်ဟာ လက်ရှိဝင်ငွေနဲ့ နောက်ထပ်ရလာမယ့်ငွေတွေကြောင့် တစ်သက်လုံး အလုပ်မလုပ်ဘဲ နေနိုင်လောက်အောင် ချမ်းသာနေတယ်။ ဒါပေမယ့် သူလုပ်နေတာက တက္ကသိုလ်ထဲက နေရာတွေကို မီးရှို့တာလို ဖျက်ဆီးရေးအလုပ်တွေပါ။ အိပ်မက်မရှိတဲ့ လူငယ်လည်း သူနဲ့ပေါင်းမိပြီး ကျောင်းဝက်ဘ်ဆိုက်ကို ဖောက်ထွင်းတာ၊ စက်ဘီးထိုင်ခုံတွေ လိုက်ဖြုတ်တာစတဲ့ အလုပ်တွေမှာ ပါလာတော့တယ်။ တဖြည်းဖြည်းနဲ့ ဝတ်စုံနက်ဘေးမှာ Maiden လို့ခေါ်တဲ့ ရဲဘော်ရဲဘက်တွေ များလာပါတယ်။ ရဲအရာရှိတွေ၊ စီးပွားရေးဝန်ကြီးဌာနက အရာရှိတွေအပါအဝင် နေရာအသီးသီးက လောကကြီးကို အရွဲ့တိုက်ချင်သူတွေ စုမိလာကြတာပါ။ အဲဒီနောက် ဝတ်စုံနက်က ခရစ္စမတ်နေ့မှာ တိုကျိုမြို့ကို မီးတင်ရှို့ဖို့ «သန်းခေါင်ယံအပျိုစင်စစ်ပွဲ» ဆိုတဲ့ အစီအစဉ်ကို ကြံစည်လာတယ်။ လူငယ်က စီနီယာကို ခရစ္စမတ်ညမတိုင်ခင် မြို့က ထွက်သွားဖို့ ပြောပေမယ့် သူက မထွက်သွားတဲ့အခါ ဒီအစီအစဉ်ကို တားဖို့ ကြိုးစားလာပါတယ်။ အကွက်စေ့အောင် ကြံထားတဲ့ ဝတ်စုံနက်က ဘာတွေ ပြင်ဆင်ထားဦးမလဲ။ ဒီဇာတ်ကားရဲ့ အဆုံးသတ်တေးအဖြစ် Billie Eilish ရဲ့ “Happier Than Ever” ကို အသုံးပြုထားပါတယ်။