Shanghai Triad
၁၉၃၀ ပြည့်နှစ် ရှန်ဟိုင်းမြို့ရဲ့ ဒုစရိုက်လောကကို မြို့ကို ပထမဆုံးရောက်လာတဲ့ ဆယ်ကျော်သက်ကောင်လေးတစ်ယောက်ရဲ့ အမြင်ကနေ ပြထားပါတယ်။ သူ့ဦးလေးဟာ ရှန်ဟိုင်းကို ချုပ်ကိုင်ထားတဲ့ ဂိုဏ်းခေါင်းဆောင်ကြီးရဲ့ တပည့်တစ်ယောက်ပါ။ ဦးလေးက သူ့ကို ဂိုဏ်းခေါင်းဆောင်ရဲ့ အပျော်မယားဆီမှာ အစေခံအဖြစ် သွင်းပေးလိုက်ရာကနေ ဇာတ်လမ်းစပါတယ်။ အဲဒီအမျိုးသမီးနေရာမှာ ဂေါင်လီက သရုပ်ဆောင်ထားပါတယ်။ ဇာတ်လမ်းတစ်ခုလုံးဟာ ကောင်လေးကြုံတွေ့ရတဲ့ ခုနစ်ရက်တာအကြောင်းပါ။ အခုမှ ရောက်လာသူတစ်ယောက်အနေနဲ့ ဒီရက်ပိုင်းအတွင်း ရှန်ဟိုင်းမြေအောက်လောကကို ဘယ်လောက်အထိ သိလာနိုင်မလဲ။ ခုနစ်ရက်ဆိုတဲ့အချိန်ဟာ လူတစ်ယောက်ရဲ့ဘဝကို ပြောင်းလဲပစ်ဖို့ လုံလောက်နိုင်မလားဆိုတာကို သူ့အတွေ့အကြုံတွေကနေ ဆက်ကြည့်ရမှာပါ။ ဂိုဏ်းတွေရဲ့ စည်းမျဉ်းတွေနဲ့အတူ ရိုးရာဓလေ့ထုံးတမ်းတွေကိုလည်း ဇာတ်လမ်းနဲ့ ယှဉ်တွဲဖော်ပြထားပါတယ်။ Li Xiao ရဲ့ Rules of a Clan ဝတ္ထုကို ကျန်းရိမူက ရုပ်ရှင်အဖြစ် ပြန်လည်ရိုက်ကူးထားတာဖြစ်ပြီး ဂေါင်လီကို အရင်တွဲရိုက်ခဲ့တဲ့ကားတွေထက် ပိုခေတ်မီတဲ့အသွင်နဲ့ တွေ့ရပါတယ်။ Shanghai Triad ဟာ Red Sorghum (1988) ကနေ စတင်လာတဲ့ ကျန်းရိမူနဲ့ ဂေါင်လီတို့ ပထမကာလပူးပေါင်းမှုရဲ့ နောက်ဆုံးရုပ်ရှင်လည်း ဖြစ်ပါတယ်။ အဲဒီနောက် ကျန်းရိမူဟာ ကျန်းကျိရီအပါအဝင် တခြားသရုပ်ဆောင်တွေနဲ့ ရိုက်ကူးခဲ့ပြီး Hero နဲ့ House of Flying Daggers တို့မှာလည်း အရင်လက်ရာတွေနဲ့ ကွဲပြားတဲ့ဟန်ကို တွေ့ရပါတယ်။ ၂၀၀၆ မှာတော့ ဂေါင်လီနဲ့ ပြန်လည်ပူးပေါင်းပြီး ချောင်ယွန်ဖတ်လည်း ပါဝင်တဲ့ Curse of the Golden Flower ကို ရိုက်ကူးခဲ့ပါတယ်။ ၂၀၁၄ မှာ Coming Home ကို ထပ်မံရိုက်ကူးခဲ့ပြီး Red Sorghum ကနေ Shanghai Triad အထိ ခြောက်ကား၊ Curse of the Golden Flower နဲ့ Coming Home တို့ကို စုစည်းထားတဲ့ Collaborations – The Cinema of Zhang Yimou & Gong Li အမည်ရှိ ရှစ်ခွေပါ Box Set ကို ၂၀၂၁ မှာ ထုတ်ဝေခဲ့ပါတယ်။
ဇာတ်လမ်းအကြောင်း
၁၉၃၀ ပြည့်နှစ် ရှန်ဟိုင်းမြို့ရဲ့ ဒုစရိုက်လောကကို မြို့ကို ပထမဆုံးရောက်လာတဲ့ ဆယ်ကျော်သက်ကောင်လေးတစ်ယောက်ရဲ့ အမြင်ကနေ ပြထားပါတယ်။ သူ့ဦးလေးဟာ ရှန်ဟိုင်းကို ချုပ်ကိုင်ထားတဲ့ ဂိုဏ်းခေါင်းဆောင်ကြီးရဲ့ တပည့်တစ်ယောက်ပါ။ ဦးလေးက သူ့ကို ဂိုဏ်းခေါင်းဆောင်ရဲ့ အပျော်မယားဆီမှာ အစေခံအဖြစ် သွင်းပေးလိုက်ရာကနေ ဇာတ်လမ်းစပါတယ်။ အဲဒီအမျိုးသမီးနေရာမှာ ဂေါင်လီက သရုပ်ဆောင်ထားပါတယ်။ ဇာတ်လမ်းတစ်ခုလုံးဟာ ကောင်လေးကြုံတွေ့ရတဲ့ ခုနစ်ရက်တာအကြောင်းပါ။ အခုမှ ရောက်လာသူတစ်ယောက်အနေနဲ့ ဒီရက်ပိုင်းအတွင်း ရှန်ဟိုင်းမြေအောက်လောကကို ဘယ်လောက်အထိ သိလာနိုင်မလဲ။ ခုနစ်ရက်ဆိုတဲ့အချိန်ဟာ လူတစ်ယောက်ရဲ့ဘဝကို ပြောင်းလဲပစ်ဖို့ လုံလောက်နိုင်မလားဆိုတာကို သူ့အတွေ့အကြုံတွေကနေ ဆက်ကြည့်ရမှာပါ။ ဂိုဏ်းတွေရဲ့ စည်းမျဉ်းတွေနဲ့အတူ ရိုးရာဓလေ့ထုံးတမ်းတွေကိုလည်း ဇာတ်လမ်းနဲ့ ယှဉ်တွဲဖော်ပြထားပါတယ်။ Li Xiao ရဲ့ Rules of a Clan ဝတ္ထုကို ကျန်းရိမူက ရုပ်ရှင်အဖြစ် ပြန်လည်ရိုက်ကူးထားတာဖြစ်ပြီး ဂေါင်လီကို အရင်တွဲရိုက်ခဲ့တဲ့ကားတွေထက် ပိုခေတ်မီတဲ့အသွင်နဲ့ တွေ့ရပါတယ်။ Shanghai Triad ဟာ Red Sorghum (1988) ကနေ စတင်လာတဲ့ ကျန်းရိမူနဲ့ ဂေါင်လီတို့ ပထမကာလပူးပေါင်းမှုရဲ့ နောက်ဆုံးရုပ်ရှင်လည်း ဖြစ်ပါတယ်။ အဲဒီနောက် ကျန်းရိမူဟာ ကျန်းကျိရီအပါအဝင် တခြားသရုပ်ဆောင်တွေနဲ့ ရိုက်ကူးခဲ့ပြီး Hero နဲ့ House of Flying Daggers တို့မှာလည်း အရင်လက်ရာတွေနဲ့ ကွဲပြားတဲ့ဟန်ကို တွေ့ရပါတယ်။ ၂၀၀၆ မှာတော့ ဂေါင်လီနဲ့ ပြန်လည်ပူးပေါင်းပြီး ချောင်ယွန်ဖတ်လည်း ပါဝင်တဲ့ Curse of the Golden Flower ကို ရိုက်ကူးခဲ့ပါတယ်။ ၂၀၁၄ မှာ Coming Home ကို ထပ်မံရိုက်ကူးခဲ့ပြီး Red Sorghum ကနေ Shanghai Triad အထိ ခြောက်ကား၊ Curse of the Golden Flower နဲ့ Coming Home တို့ကို စုစည်းထားတဲ့ Collaborations – The Cinema of Zhang Yimou & Gong Li အမည်ရှိ ရှစ်ခွေပါ Box Set ကို ၂၀၂၁ မှာ ထုတ်ဝေခဲ့ပါတယ်။