Plaha

ဇာတ်လမ်းအကြောင်း

Plaha (2025) Plaha က မော်လ်ဒိုဗာနဲ့ ရိုမေးနီးယား ပူးပေါင်းရိုက်ကူးထားတဲ့ ရာဇဝတ်မှုဇာတ်လမ်းတွဲဖြစ်ပါတယ်။ ဒါရိုက်တာ igor cobileanski မှ တာဝန်ယူရိုက်ကူးထားတာပါ။ ဇာတ်လမ်းအကျဉ်းအရ ၁၉၈၀ ကျော် ဆိုဗီယက်ယူနီယံ ပြိုကွဲခါစအချိန်ကနေ စထားပြီး မော်လ်ဒိုဗာနိုင်ငံ လွတ်လပ်ရေးရပြီး နောက်ပိုင်း ဆယ်စုနှစ် ၃ ခုစာလောက် ကြုံခဲ့ရတဲ့ ဆူပူအုံကြွမှုတွေကို အခြေခံထားပါတယ်။ ဇာတ်လိုက်ကတော့ ငယ်ငယ်ရွယ်ရွယ်နဲ့ ထက်မြက်သလောက် ရက်စက်တတ်တဲ့ ပလာဟာဆိုတဲ့ လူငယ်လေးတစ်ယောက်ပါ။ အစပိုင်းမှာ အကြမ်းဖက်လောကထဲ အရင်ခြေချခဲ့ပေမဲ့ နောက်ပိုင်းမှာတော့ နိုင်ငံရဲ့ နိုင်ငံရေးအသိုင်းအဝိုင်းထဲအထိ သြဇာအာဏာရှိလာအောင် ကြိုးစားခဲ့ပုံကို ပြထားပါတယ်။ ဒီဇာတ်လမ်းတွဲမှာ မော်လ်ဒိုဗာနိုင်ငံရဲ့ စီးပွားရေးပျက်ကပ်၊ အကျင့်ပျက်ခြစားမှုနဲ့ အာဏာလုပွဲတွေကို အရှိအတိုင်း ရိုက်ပြထားပါတယ်။ အဖွဲ့အစည်းတွေ ပျက်စီးနေတဲ့ကြားက အချင်းချင်းအာဏာလုကြတဲ့ အားပြိုင်မှုတွေကို သေချာလေးမြင်ရမှာပေါ့။ လူတစ်ယောက်ရဲ့ လောဘနဲ့ ပရိယာယ်တွေက နိုင်ငံတစ်ခုလုံးအပေါ် ဘယ်လောက်ထိ သက်ရောက်မှုရှိလဲဆိုတာရယ်နဲ့ ဥရောပအရှေ့ပိုင်းရဲ့ အမှောင်ဘက်ခြမ်းနဲ့ အာဏာလုပွဲတွေကို ကြည့်ချင်သူတွေအတွက် လက်မလွှတ်သင့်တဲ့ ဇာတ်လမ်းတွဲတစ်ခုပါပဲ။