Mr. Fanboy

ဇာတ်လမ်းအကြောင်း

"ကိုယ့်ရဲ့ ဖန်ဘွိုင်းလေး" "တစ်ခါတလေကျရင် ကိုယ်အရမ်းအားကျရတဲ့ Idol ထက်... ကိုယ့်ဘေးနားမှာ အမြဲရှိနေပေးတဲ့သူက ပိုပြီး ရင်ခုန်စရာကောင်းနေတတ်ပါတယ်..." ကဲ... Y series ပရိသတ်တွေအတွက် One 31 ကနေ အပတ်စဉ် စနေနေ့တိုင်း ထုတ်လွှင့်ပြသမယ့် ဇာတ်ကားသစ်လေးကို တင်ဆက်ပေးလိုက်ပါပြီ။ ဇာတ်လမ်းလေးကတော့ ဝမ်ဆိုတဲ့ ကောင်လေးက နိုင်းဆိုတဲ့ မင်းသားကို အရူးအမူးအားပေးတဲ့ ဖန်ဘွိုင်းလေးပါ။ တစ်နေ့မှာတော့ နိုင်းရဲ့ တွဲဖက်သရုပ်ဆောင်ဖြစ်တဲ့ သာ့ဒ်က ဝမ်ကို အစွန်းရောက် ဆားစိမ်ဖန်ဆိုပြီး အထင်လွဲသွားရာကနေ ပြဿနာစပါတော့တယ်။ ဒီလိုနဲ့ အထင်လွဲရုံတင်မကဘဲ မထင်မှတ်ထားတဲ့ အလှည့်အပြောင်းအနေနဲ့ ဝမ်တစ်ယောက် သာ့ဒ်နဲ့ နိုင်းတို့ သရုပ်ဆောင်မယ့် Y series မှာပဲ လူရွေးပွဲဝင်ပြီး ပါဝင်သရုပ်ဆောင်ဖို့ အခွင့်အရေး ရသွားတဲ့အခါ... ကိုယ်လုံးဝမသိသေးတဲ့ အနုပညာလောကအသစ်ထဲကို ဝင်ရောက်လာရတဲ့ ဝမ် တစ်ယောက် သူ့ရဲ့ ရှုပ်ထွေးလာတဲ့ ခံစားချက်တွေကို ဘယ်လို ဖြေရှင်းမလဲ။ ထူးခြားတာက သူအရင်က မုန်းခဲ့တဲ့ သာ့ဒ်က လိုအပ်ချိန်တိုင်း သူ့ဘေးနားမှာ အမြဲကူညီပေးတဲ့သူ ဖြစ်လာပြီး၊ သူ အရမ်းအားကျခဲ့ရတဲ့ နိုင်းကကျတော့ သူထင်ထားသလိုမျိုး မဟုတ်ဘဲ တခြားပုံစံတစ်မျိုး ဖြစ်နေတဲ့အခါ... ဝမ်းရဲ့ နှလုံးသားလေး ဘယ်သူ့ဆီ ပါသွားမလဲဆိုတာကတော့... မင်းသားချောလေးတွေ ပါဝင်ထားပြီး အချစ်၊ ဟာသ နဲ့ အနုပညာလောကရဲ့ နောက်ကွယ်က အလွဲလေးတွေကို ပေါ့ပေါ့ပါးပါး ခံစားချင်တဲ့ ပရိသတ်တွေအတွက် ဒီဇာတ်ကားလေးကို လက်မလွတ်တမ်း ရှုစားလိုက်ကြပါဦးလို့ ညွှန်းဆိုပေးလိုက်ပါတယ်။