Aaron Abrams ပါဝင်သော ဇာတ်ကားများ

The Boulet Brothers' Holiday of Horrors (2025) IMDb Rating (7.5) ဒီဇာတ်ကားလေးကတော့ မိနစ် ၄၀ ပဲကြာမြင့်တဲ့ ထိတ်လန့်သည်းဖို ဇာတ်ကားအမျိုးအစားဖြစ်ပေမဲ့ သာမန် တွေ့နေကျ ပုံစံနဲ့မတူဘဲ ထူးခြားတဲ့ တင်ဆက်ပုံမျိုးနဲ့ ရိုက်ကူးထားတာပါ။ ဇာတ်လမ်းသွားကို ဒရက်ကူလာ နဲ့ သူ့လက်ထောက်နှစ်ယောက်က ထိတ်လန့်သည်းဖို ပုံပြင်တွေကို ပြန်ပြောင်းပြောပြနေသလိုပုံစံမျိုးနဲ့ ရိုက်ကူးထားပြီး အထူးသဖြင့် ခရစ္စမတ်ကာလနဲ့ နှစ်သစ်ကူးကာလကို အခြေခံပြီး တင်ဆက်ထားတာဖြစ်ပါတယ်။ ဒီဇာတ်လမ်းရှည်ကြီးထဲမှာမှ မတူညီတဲ့ ဇာတ်လမ်းငယ် ၄ပုဒ်ပါဝင်ပြီးတော့ တစ်ပုဒ်ချင်းစီတိုင်းက မတူညီတဲ့ ရသတစ်မျိုးစီနဲ့ စဥ်းစားစရာတွေဖြစ်စေတာမို့ တမူထူးခြားတဲ့ပုံစံမျိုးကို မြင်တွေ့ရမှာပါ။ ဇာတ်ကောင်တွေရဲ့ အပြင်အဆင်၊ ဒိုင်ယာလော့ခ်တွေကလည်း ပြောစရာမရှိအောင် အဆင်ပြေချောမွေ့ပြီး အားလပ်ရက်မှာ အေးအေးလူလူကြည့်ရှုသင့်တဲ့ ဇာတ်ကားကောင်းတစ်ပုဒ်ပါပဲ။ File Size : 1.06GB/ 330MB Quality : AMZN WEB-DL 1080p 51.CH/ 720p Format…mp4 Duration…41m Genre : Horror Subtitle : Myanmar Subtitle (Hard Sub)

Clown in a Corn Field (2025) လျို့ဝှက်ဆန်းကြယ်ဆန်ဆန် အသတ်အဖြတ် အကြမ်းအရမ်းဇာတ်ကားတွေကို ကြည့်ချင်ရင်တော့ ၂၀၂၅ ထဲမှာပဲ ပူပူနွေးနွေးထွက်ထားတဲ့ ဒီဇာတ်ကားလေးကို ကြည့်လိုက်ဖို့ အကြံပေးချင်ပါတယ်။ Ginny & Georgia ဇာတ်လမ်းတွဲထဲက အက်ဘီနေရာမှာ သရုပ်ဆောင်တဲ့မင်းသမီး ကေတီလည်း အဓိကပါဝင်ထားပြီး IMDb မှာ 6.1/10 နှင့် Rotten Tomatoes မှာ 74% ရရှိထားလို့ တကယ့် ကြည့်ပျော်ရှုပျော် ရင်ထိတ်စရာ ဇာတ်ကားလေးပါပဲ။ ဇာတ်လမ်းအကျဉ်း ဒေါက်တာ မေဘရွတ်ခ်ဟာ သူ့မိန်းမ ရောဂါနဲ့ ဆုံးသွားပြီးတဲ့နောက်မှာ မဖြည်ဆည်နိုင်လို့ စိတ်ဖြတ်နိုင်အောင် သမီးဖြစ်သူ ကွင်းန်နဲ့အတူ ရှေးရိုးစွဲပြီး ဖုန်းလိုင်းတောင် သိပ်မကောင်းချင်တဲ့ နယ်မြို့ကလေးကို ပြောင်းလာခဲ့ပါတယ်။ ကွင်းန်ကလည်း သူ့အိမ်နှင့် သူ့သူငယ်ချင်းတွေကို ထားခဲ့ရလို့ စိတ်မချမ်းသာပေမဲ့ ဒီမြိုသစ်ကလေးရဲ့ ကျောင်းမှာ ကိုးလ်၊ တပ်ကာ၊ မတ်နဲ့ ရွန်နီ အစရှိတဲ့ လူရမ်းကား ဆယ်ကျော်သက်ကလေးတွေနဲ့ အဖွဲ့ကျသွားပါတော့တယ်။ အဲမြို့မှာ ကိုးလ်က လူချမ်းသာမြို့မျက်နှာဖုံးရဲ့သားဖြစ်ပြီး သူ့ရဲ့အဘေးက ပြောင်းသကြားရည်ကို ဖန်တီးရောင်းချရာက ချမ်းသာလာတာဖြစ်ပါတယ်။ အဲပြောင်းသကြားရည်ရဲ့တံဆိပ်မှာ ထူးဆန်းစွာပဲ ကျောချမ်းစရာ လူပြက်ပုံလည်း ပါပြီးတော့ အဲလူပြက်ကို မြို့ခံတွေက ဖရန်ဒိုလို့ နာမည်ပေးထားပါတယ်။ အဲမှာ သူတို့သူငယ်ချင်းအုပ်စုက ယူကျုမှာ နာမည်ကြီးချင်တဲ့အတွက် ဖရန်ဒိုက တကယ်ရှိကြောင်း၊ လူသတ်တတ်ကြောင်း ဇာတ်လမ်းတွေဆင်ရိုက်ရာကနေ တကယ်ပဲ သူတို့အဖွဲ့ထဲက လူသေလာပါတော့တယ်။ အဲတော့ ဒီဖရန်ဒိုဆိုတဲ့လူပြက်က တကယ်ပဲ သဘာဝလွန်သတ္တဝါလား၊ သာမာန်မျက်နှာဖုံးစွပ် ကွင်းဆက်လူသတ်သမားလား သူတို့သူငယ်ချင်းအုပ်စု အဲလူပြက်ဆီကနေ ဘယ်လိုလွတ်အောင်ရုန်းကန်ကြမလဲဆိုတာကို ရင်တထိတ်ထိတ်နဲ့ ကြည့်ရှုရမှာဖြစ်ပါတယ်။ File size…4.69 GB / 1.3 GB  / 643 MB Quality…WEB DL 4k HEVC / 1080p / 720p Format…mkv/mp4 Duration….1h 36m Subtitle….Myanmar Subtitle (Hard Sub) Encoder….YK Translated by Act Matteo

ကျွန်တော်တို့ရဲ့ ဇာတ်ကောင်မင်းသား Joe တစ်ယောက် သူ့ရှေ့မှာပဲ သူ့ရဲ့ချစ်သူကို ဘယ်သူမှန်းမသိတဲ့ လူတစ်ယောက်က သေနတ်နဲ့ လာပစ်သတ်သွားတဲ့အခါမှာ သူ့ရဲ့ကမ္ဘာတစ်ခုလုံး ကြေမွသွားပါတော့တယ်။ ဝမ်းနည်းပူဆွေးစိတ်နဲ့ လောကကြီးကို အရှုံးပေးဖို့ ကြိုးစားနေတုန်းမှာပဲ မထင်မှတ်ထားတဲ့ သဲလွန်စတွေကနေ လိုက်လံကြိုးစားရှာဖွေရင်း ကမ္ဘာကြီးက သူထင်ထားသလို ဖြစ်မနေတဲ့အကြောင်း သိလာတဲ့အခါ၊ သူ့ရဲ့ချစ်သူအတွက် ဘာတွေ ကြိုးစားဆောင်ရွက်ပြီး အမှန်တရား တရားမျှတမှုကို ပြန်ရှာပေးနိုင် မလားဆိုတာကို ဒီ Scifi ကားလေးမှာ လုံးဝ မမျှော်လင့်စရာတွေကို ကြုံတွေးရင်း ကြည့်ရှုခံစားရမှာပဲ ဖြစ်ပါတယ်... File size… (913MB ) / (536MB) Quality…WEB-DL 1080p HEVC / 720p Format…mkv / mp4 Duration….1h 33m Genre ….. Action , Sci-Fi , Thriller Subtitle….Myanmar Subtitle (Hard Sub) Encoder….Min Wai Translated by Lin Aung

2019 တုန်းက အဲရိုးမင်းသား Stephen Amell နဲ့ သူ့ညီ Robbie Amell တို့ အတူ သရုပ်ဆောင်ပြီး နာမည်ကြီးခဲ့တဲ့ သိပ္ပံစိတ်ကူးယဉ်ဇာတ်ကား Code 8 ရဲ့ နောက်ဆက်တွဲ ဇာတ်ကားလာပါပြီ။ ဒီကားမှာလည်း အရင်မင်းသားနှစ်လက်ပဲအဓိက ပါဝင်ထားပြီး အရင်ဒါရိုက်တာကပဲ ရိုက်ကူးထားတာဖြစ်ပါတယ်။ ဇာတ်လမ်းအကျဉ်း လင်ကွန်းမြို့မှာ စွမ်းအားမျိုးစုံ ကိုယ်စီရှိကြတယ် စွမ်းအားရှင်လူသားတွေ ရှိပါတယ်။ အဲဒီလူသားတွေဟာ အစတုန်းက လုပ်ငန်းမျိုးစုံမှာ အသုံးဝင်လို့ နေရာရခဲ့ကြပေမဲ့ သူတို့နေရာကို စက်တွေနဲ့အစားထိုးလာတဲ့အခါ စွမ်းအားရှင်အလုပ်လက်မဲ့တွေ ပိုများပြားလာပြီး ရာဇဝတ်မှုတွေလည်း များလာပါတယ်။ ဒါတွေကို ရဲတွေက အဆင့်မြင့် စက်ရုပ်တွေနဲ့ အကြမ်းဖက်နှိမ်နင်းနေပြီး တစ်မြို့လုံး ဗြောင်းဆန်နေချိန်လည်းဖြစ်ပါတယ်။ အဲဒီမြို့မှာပဲ ဆိုက်ခ်ဆိုတဲ့ မူးယစ်ဆေးတစ်မျိုး ထိန်းမရအောင် ပြန့်နှံ့နေပြီး အဲဒီဆေးဟာ စွမ်းအားရှင်တွေရဲ့ ကျောရိုးအရည်ကနေ ထုတ်လုပ်တာဖြစ်လို့ အလုပ်လက်မဲ့ စွမ်းအားရှင်တွေအတွက် ငွေရပေါက်တစ်ခုလည်းဖြစ်နေပါတယ်။ ပထမရုပ်ရှင်မှာတော့ အဲဒီ ဆေးထုတ်နေတဲ့ ဂိုဏ်းခေါင်းဆောင်ကို ရှင်းလင်းပစ်ခဲ့ပြီး စွမ်းအားရှင်ဖြစ်တဲ့ ကွန်နာ ဟာ သူ့အပြစ်တွေကိုဝန်ခံပြီး ထောင်ကျခံခဲ့တာပါ။ အခု ဇာတ်ကားမှာတော့ ကွန်နာထောင်ကထွက်လာချိန်မှာ သူ့မိတ်ဆွေဟောင်း ဂဲရက်က ဆိုက်ခ် မူးယစ်ဆေးဂိုဏ်းခေါင်းဆောင်ဖြစ်နေပြီး ကင်းစတန်ဆိုတဲ့ရဲနဲ့ လက်ဝါးချင်းရိုက်ပြီး အလုပ်လုပ်နေပြီ ဖြစ်ပါတယ်။ အဲဒီ မသမာမှုတွေကို တွေ့သွားတဲ့ စွမ်းအားရှင်လူငယ်လေးတစ်ယောက် အသတ်ခံလိုက်ရပြီး သူ့ရဲ့ ညီမလေးဖြစ်သူက ထွက်ပြေးရင်းနဲ့ ကွန်နာ့ဆီရောက်ပြီး စောင့်ရှောက်ထားလိုက်ရပါတယ်။ အဲဒီမျက်မြင်သက်သေကောင်မလေးကို နှုတ်ပိတ်ဖို့ ကြိုးစားနေတဲ့ ရဲတွေ နဲ့ ဂဲရက်ကို ကွန်နာတို့ ဘယ်လိုရင်ဆိုင်ကြသလိုဆိုတာ ဒီရုပ်ရှင်မှာတွေ့ရပါလိမ့်မယ်။ File size…       1.3 GB /  686  MB Quality… BluRay 1080p / 720p Format… mp4 Duration…. 1h 40m Genre ..... Action/Sci-Fi Subtitle…. Myanmar Subtitle (Hard Sub) Encoder…. Thit San Khant Translated by  Mr.Anderson

Eternalsဇာတ်ကားမှာ Bollywood ကိုရောက်နေတဲ့ Eternal Kingoအ‌နေနဲ့သရုပ်ဆောင်ခဲ့တဲ့Kumail Nanjiani (ပိုးဟပ်မှာ ပုံအသုံးခံလိုက်ရလို့နာမည်ကြီးသွားတဲ့ဆရာကြီး)နဲ့ အာသွက်လျှာသွက် Comedy movie အများစုမှာပါ၀င်နေကျဖြစ်တဲ့ Issa Raeတို့ရဲ့ အချစ်ဟာသဇာတ်ကားလေးတခုနဲ့ မိတ်ဆက်ပေးချင်ပါတယ်။ ဂျီဘရန်နဲ့ လီလာနီဆိုတာက တကယ့်ထူးထူးခြားခြားအတွဲ။ ဂျီဘရန်ဆိုတာက ပါကစ္စတန်သား ကမ္ဘာကြီးကိုအဆိုးဘက်ကနေပဲ ကြည့်တတ်သလို ဘ၀ကြီးမှာ ဘာမှမစွန့်စားရဲ ပိုနေမြဲကျားနေမြဲနေတတ်သူ စိတ်လှုပ်ရှားတဲ့အချိန်ဆို ဘာမဟုတ်တဲ့ အကြောင်းအရာတခုကအစ တောင်စဉ်ရေမရလျှောက်ပြောလိုက်ရမှ။ အန္တရာယ်ဆိုတာနဲ့ ပြေးလိုက်ရမှဆိုတဲ့လူမျိုး။ လီလာနီဆိုတာက လူမည်းအမျိူးသမီး အရမ်းလည်းစပ်စု ပါလေရာငပိချက် ပြောချင်တဲ့အကြောင်းအရာတခုကို ကရားရေလွှတ် အဆုံးထိဖြစ်ချင်ရာဖြစ် ပြောထည့်လိုက်ရမှကျေနပ်တဲ့လူမျိုး။ ဒီလိုမျိုးနဲ့ ချိန်းတွေ့မယ့်စားသောက်ဆိုင်ရွေးတာကအစ ရန်တကျက်ကျက်ဖြစ်နေရတဲ့ သူတို့နှစ်ယောက် ‌ တနေ့မှာတော့ လမ်းခွဲဖို့ဆုံးဖြတ်ကြရင်းနဲ့ မတော်မဆ လူသတ်မှုတခုထဲဆွဲထည့်ခံလိုက်ရပါတော့တယ်။ ဒီလူသတ်မှုမှာ အပြစ်မရှိတာကို သက်သေပြနိုင်ဖို့ လီလာနီရဲ့ မဟာအကြံကြီးအတိုင်း စုံစမ်းကြတာကနေ သူတို့ ဘုနဲ့ဘောက်အတွဲ ဘယ်လိုမျိုး တလွဲတွေဖြစ်ဦးမှာလဲ။ သူတို့ရဲ့အပြစ်ကင်းမှုကို သက်သေပြနိုင်မှာလား။ သူတို့ရဲ့အရင်တည်းကဆိုးရွားလာနေတဲ့ realtionship ကိုရော ပြန်အဖတ်ဆယ် ကယ်တင်နိုင်ဦးမလား။ အဆုံး‌မှာဘယ်လိုမျိုး ဒီဇာတ်လမ်းလေးတခု ပြီးဆုံးသွားမလဲဆိုတာကို the lovebirds ဆိုတဲ့ အချစ်ဟာသဇာတ်ကားလေးမှာ ရှုစားအားပေးကြပါဦးခင်ဗျ။

ဒီတစ်ခေါက်တော့ Cast လန်းလန်း၊Rating မြင့်မြင့် Scifi/Fantasy ကားလေးကိုCM ပရိသတ်ကြီးအတွက် တင်ဆက်ပေးလိုက်ပါတယ်။ Green Arrow လို့လူသိများကျော်ကြားတဲ့ Stephen Amell ရယ်၊ Robbie Amell ၊Sung Kang ရယ် အတူတူသရုပ်ဆောင်ထားတာပါ။ Rating တွေအနေနဲ့ကတော့ Rotten Tomatoes 78%တောင်ရရှိထားပါတယ်။ ဇာတ်လမ်းအကျဉ်းလေးကိုတင်ဆက်ပေးလိုပါသေးတယ်။ လင်ကွန်းစီးတီးဆိုတာ အစွမ်းရှိတဲ့သူတွေနဲ့ သာမန်သူတွေနဲ့ အတူတကွငြိမ်းအေးစွာယှဉ်တွဲနေထိုင်ကြတဲ့ မြို့တစ်မြို့ပါ။ သာမန်ထက်ထူးခြားတဲ့လူတွေရဲ့အစွမ်းတွေကို ကုန်ထုတ်လုပ်ရေး ဆောက်လုပ်ရေးတွေများ ကောင်းကောင်းအသုံးချကြပါတယ်။ တဖြည်းဖြည်းနဲ့ စက်ယန္တရားတွေ အစားထိုးဝင်ရောက်လာတဲ့အခါ အစွမ်းရှိတဲ့သူတွေအလုပ်အကိုင်တွေရှားပါးလာပါတော့တယ်။ အလုပ်အကိုင်တွေရှားပါးလာတာနဲ့အမျှ ဒုစရိုက်သမားတွေက အစွမ်းရှိတဲ့လူတွေကို ဆိုက်ခ်ဆိုတဲ့ မူးယစ်ဆေးဝါးတစ်မျိုးထုတ်လုပ်တဲ့နေရာမှာ အသုံးချပါတော့တယ်။ ဒီမူးယစ်ဆေးနဲ့ ပါဝင်ပါတ်သတ်နေတာကြောင့် သာမန်လူတွေကလဲ အစွမ်းရှိလူသားတွေကို အမုန်းပွားကာ ခွဲခြားဆက်ဆံပါတော့တယ်။ အဲတော့ အစွမ်းရှိသူတွေအနေနဲ့ အစွမ်းရှိတယ်ဆိုတာ အားနည်းချက်တစ်ခုလိုပါပဲ။ကော်နာဆိုတော့ကောင်လေးကတော့ အလုပ်မရှိတဲ့ စွမ်းအားရှိလူသားတစ်ယောက်ပါ။ တစ်နေ့မှာတော့ သူ့အမေကိုဆေးကုဖို့အတွက် အလုပ်လိုလာတဲ့အခါမှာ သူဘာဆက်လုပ်မလဲ? ဘယ်လိုတွေဆက်ဖြစ်မယ်ဆိုတာ အရမ်းကိုစိတ်ဝင်စားဖို့ကောင်းပါတယ်။ အဆုံးထိစိတ်ဝင်တစားကြည့်ရှုရမယ့် ဒီကားလေးနာမည်ကတော့ Code 8 (2019) ပါ။ File size…      1.8 GB /  698  MB Quality… BluRay 1080p / 720p Format… mp4 Duration…. 1h 38m Genre ..... Action/Sci-Fi Subtitle…. Myanmar Subtitle (Hard Sub) Encoder…. Thit San Khant Translated by  Aye Mon Kyaw

လျို့ဝှက်သည်းဖို ဇာတ်လမ်းတွေမှ နှစ်ခြိုက်သူတို့ မဖြစ်မနေကြည့်သင့်တဲ့ ဇာတ်လမ်းကောင်းတစ်ပုဒ်ပါ ဇာတ်ကားကြည့်နေတဲ့တောက်လျှောက် ကိုယ်တိုင်ဝင်ပါပြီး စုံစမ်းချင်စိတ်ပေါက်သွားမယ့်ကားမျိုး... ဇာတ်လမ်းအစမှာ အိန်ဂျလာက သူ့အဖေကို အဓမ္မပြုကျင့်ပါတယ်ဆိုပြီး ရဲတိုင်ထားပါတယ် သူ့အဖေက ဝန်ခံပေမယ့် ဘာမှမမှတ်မိဘူးတဲ့ အဲ့ဒီလိုနဲ့ ဇာတ်လမ်းကို စိတ်ဝင်စားစရာကောင်းအောင် အစပျိုးလိုက်ပါတယ် "လူ့စိတ်ဆိုတာ စကြာဝဠာကြီးတစ်ခုလုံးပဲ " မလိုချင်တဲ့ မှတ်ဉာဏ်တွေက အလိုလို တံခါးပိတ်သွားတက်တယ် ဖွင့်ပေးရမယ့် သော့က Regression လို့ခေါ်တဲ့ စိတ်နောက်ပြန်ဆွဲတဲ့ အိပ်မွေ့ချ ကုထုံးပဲ ဘယ်ညာယိမ်းနေတဲ့ ချိန်သီးရဲ့ နောက်မှာ ဘာရှိနေလဲ မကောင်းဆိုးဝါးတွေလား? စေတန်ခေါ် နတ်ဆိုးလား? နတ်ဆိုးဝါဒီတွေလား? တစ်စုံတစ်ဦးကတော့ သူ့ချိန်သီးရဲ့နောက်မှာ မကောင်းဆိုးဝါးတွေရှိနေခဲ့တယ် တစ်စုံတစ်ဦးရဲ့ ချိန်သီးရှေ့ကို စေတန်ဝါဒီတွေရောက်လာတယ် စိတ်ဆိုတဲ့ကျယ်ပြောတဲ့ စကြာဝဠာကြီးထဲမှာ အတွေးကွင်းဆက်တွေနဲ့ စိတ်လှုပ်ရှားဖွယ်ရာ ကြည့်ရှုရမှာပဲ ဖြစ်ပါတယ် ။ File Size__1.8 GB, 1 GB Quality__1080p, 720p IMDb Rating__5.7/10 Format__mp4 Duration__01:45:00 Type__Crime, Drama, Mystery Subtitle__Myanmar Subtitle (Hardsub) Translated by Oleander Encoded by Naing Aung Latt

Take this Waltz (2011) IMDB : 6.5 Rotten Tomatoes : 79% Genre : Romance / Comedy / Drama ဒီကားကို ရိုးရိုးသားသားပြောရရင် Seth Rogen ပါတာကြောင့် ဟာသရုပ်ရှင်တစ်ကားလို့ပဲ မှတ်ခဲ့တယ်။ ဒါပေမဲ့ တကယ်တမ်း အထင်နဲ့အမြင်လွဲပြီး ရင်ထဲ ဟာတာတာနဲ့ ဘာကိုလိုအပ်မှန်းမသိအောင်ဖြစ်သွားခဲ့ရတယ်။ ပြောချင်တာက ဒီကားက နားလည်ရခက်တယ်။ နားလည်ရခက်ပေမဲ့ တကယ်တမ်းလက်တွေ့ဘဝကို ပြန်ကြည့်လိုက်တော့လည်း ဒီလိုကိစ္စမျိုးက ခဏခဏဖြစ်နေတယ်။ အဲတော့ ဒီရုပ်ရှင်က မင်းသားဘက်ကကြည့်ကြည့်၊ မင်းသမီးဘက်ကကြည့်ကြည့် မမှားတဲ့ကိစ္စတစ်ခုဖြစ်နေပြန်တယ်။ ကျွန်တော်ကတော့ယောကျ်ားလေးဖြစ်တာမလို့ ဒီရုပ်ရှင်မှာ မင်းသမီးဘက်က မှားတယ်လို့ ထင်မိပြန်တယ်။ ဒါကတော့ ရှုထောင့်တွေအလိုက်ကွဲသွားမှာပေါ့လေ။ ဇာတ်ညွှန်း ကျွန်တော်တို့ဘဝမှာ အလုပ်တွေလုပ်ကြတယ်။ အသုံးအဆောင်ပစ္စည်းတွေဝယ်ကြတယ်။ ဒါလေးရရင် ဟိုဟာလေးဆိုကောင်းမှာ။ ဟိုဟာလေးရပြန်တော့လည်း စိတ်တိုင်းကမကျပြန်။ ဒါဟာလူ့သဘာဝပါပဲ။ အချစ်ရေးလည်းဒီလိုပါပဲ။ အိမ်ထောင်ရေးမှာဆို ပိုလို့တောင်ဆိုးပါသေးတယ်။ Margot ဟာ အလွတ်တမ်းစာရေးဆရာမတစ်ယောက်ဖြစ်ပါတယ်။ သူဟာ ဝါသနာလောက်လိုက်ရင်းနဲ့ Daniel ဆိုတဲ့ လူငယ်လေးတစ်ယောက်နဲ့ဆုံခဲ့ပါတယ်။ Daniel ကလည်း ရုပ်က မိန်းကလေးကျချင်စရာရုပ်မျိုးဆိုတော့ Margot ဟာလည်း Daniel ဘက်ကို နည်းနည်းလေးတိမ်းညွှတ်ချင်ပါတယ်။ ကံတရားက မျက်နှာသာပေးတော့ Margot နဲ့ Daniel ဟာ အိမ်ချင်း မျက်စောင်းထိုးဖြစ်နေခဲ့ပါတယ်။ ဒါပေမဲ့ ခက်တာက Margot မှာ အိမ်ထောင်ရှိတယ်။ သူ့ခင်ပွန်းသည်က ဟင်းချက်နည်းစာအုပ်တွေရေးတဲ့ သဘောရိုး မနောရိုး ပျော်ပျော်နေတတ်တဲ့ လူတစ်ယောက်။ သူ့နာမည်က Lou။ Margot က Lou ကိုချစ်တယ်။ Lou ကလည်း Margot ကိုချစ်တယ်။ ဒါပေမဲ့ အိမ်ထောင်ရေးတစ်ခုမှာ အချစ်ဆိုတာ အိမ်ကြီးတစ်ခုရဲ့ တံခါးပေါက်သေးသေးလေးတစ်ခုသက်သက်ပါပဲ။ အလွယ်တကူပျက်စီးသွားနိုင်ပါတယ်။ ဒီလိုနဲ့ ဘာတွေဆက်ဖြစ်သွားမှာလဲဆိုတာကိုတော့ ခံစားကြည့်လိုက်ကြပါဦးခင်ဗျာ။ Lou အဖြစ် မင်းသား Seth Rogen Margot အဖြစ် မင်းသမီးချော Michelle Williams Daniel အဖြစ် မင်းသား Luke Kirby တို့က ပါဝင်သရုပ်ဆောင်ထားကြပါတယ်။ File size… 2.2 GB / 1.3 GB Quality… WEB-DL 1080p / 720p Format… mp4 Duration…. 1h 56m Genre ..... Romance / Comedy Subtitle…. Myanmar Subtitle (Hard Sub)

ဒေစီနဲ့ ဟေဇယ်တို့ဟာ ငယ်ငယ်ကတည်းက အချစ်ဆုံးသူငယ်ချင်းတွေဖြစ်ပြီး အခုလည်း အပန်းဖြေစခန်းတစ်ခုမှာ အတူအလုပ်လုပ်နေကြပါတယ်။ သူတို့ကြားမှာ ငယ်စဉ်ကတည်းက သဘောတူထားတဲ့ ကတိတစ်ခုလည်း ရှိတယ်။ ယောက်ျားတစ်ယောက်တည်းကို နှစ်ယောက်လုံး မချစ်မိကြဖို့နဲ့ ယောက်ျားတစ်ယောက်ကြောင့် သူငယ်ချင်းသံယောဇဉ် မပျက်စီးစေဖို့ပါ။ ဒါပေမယ့် ငယ်ဘဝအိပ်မက်တွေနောက်ကို အတူလိုက်ကြရင်း အဲဒီအိပ်မက်တွေကို အကောင်အထည်ဖော်ပေးနိုင်လောက်တဲ့ နိုင်ငံခြားသားတစ်ယောက်နဲ့ တွေ့လာကြတယ်။ အခက်က သူ့ကို နှစ်ယောက်လုံး သဘောကျသွားကြတာပါပဲ။ ဒီလိုနဲ့ အရင်ကပေးထားတဲ့ကတိနဲ့ သူငယ်ချင်းသံယောဇဉ်ကိုပါ ခဏဘေးဖယ်ပြီး အချင်းချင်း အပြိုင်ကြိုးစားလာကြတော့တယ်။ တစ်ယောက်နဲ့တစ်ယောက် အလျှော့မပေးဘဲ ကိုယ်တတ်သမျှနည်းတွေ ထုတ်သုံးကြတဲ့ သူငယ်ချင်းနှစ်ယောက်ရဲ့ အပြိုင်အဆိုင်လုပ်ပုံတွေကို အချစ်ဟာသပုံစံနဲ့ တင်ဆက်ထားပါတယ်။

Dark Side Production မှတင်ဆက်သည်။ IMDb (6.3) ဒီဇာတ်ကားလေးကတော့ လိင်ကိစ္စတက်ကြွနေဆဲဖြစ်တဲ့ လူငယ်လေးတွေရဲ့ သဘာဝကို ဟာသနှောပြီး ရိုက်ပြထားပါတယ် ဇာတ်ကားထဲမှာ စုံတွဲ ၅တွဲပါဝင်ထားပြီး တစ်တွဲနဲ့တစ်တွဲရဲ့ လိင်ဆက်ဆံဖြစ်ပုံလေးတွေကလည်း မတူညီကြပါဘူး ။ ပြီးတော့ ဝမ်းသာစရာက..... ဇာတ်ကားတစ်ကားလုံးကလဲ ကုတင်ပေါ်မှာတင် အဆုံးသတ်သွားတာဆိုတော့ကာ........ ၁)Friends ပထမစုံတွဲက သူငယ်ချင်းတွေပါ ။ငယ်ငယ်တည်းက ရင်းနှီးခဲ့တဲ့ သူငယ်ချင်းတွေဖြစ်ပြီး လိင်ကိစ္စအာသာပြေဖို့ သက်သက်သာ ဆက်ဆံကြမှာပါ။ ၂)Room-mate ဒုတိယအတွဲကတော့ ဆန်းကျယ်စွာပါပဲ လူ ၃ယောက် ဖြစ်နေတာပါ။ သူ့ကောင်မလေးကို သူ့အခန်းဖော်က လိင်ဆက်ဆံတာကို ထိုင်ကြည့်ချင်တာပါတဲ့..... ၃)The couple တတိယစုံတွဲကတော့ လင်မယားတွေပါ။ ဒါပေမယ့် တစ်ယောက်နဲ့တစ်ယောက် မရိုးသွားအောင်လို့တဲ့ ကျွန်တော်တို့ စိတ်ကူးထဲမှာတောင် မယဉ်ဘူးတဲ့ ဆန်းကျယ်လှတဲ့ နည်းလမ်းတစ်မျိုးနဲ့ Sex ကိစ္စလုပ်ကြမှာပါ....... ၄)The exes ဒီ စတုတ္ထအတွဲကတော့ လင်မယားဟောင်းတွေပါ အကြောင်းအမျိုးမျိုးကြောင့် လမ်းခွဲခဲ့ကြပြီးမှ ပြန်တွေ့ကြတဲ့အခါ.....ခံစားချက်ရမ္မက်ကြီးမားစွာနဲ့..........ချစ်ရည်လူးကြမှာပါ.... ၅)The first date ဒီနောက်ဆုံးအတွဲကတော့ ပထမဆုံးအကြိမ်ချိန်းတွေ့ကြတာပါ ပထမဆုံးအကြိမ်ဆိုပေမယ့် ယောကျာၤးလေးရဲ့ မိန်းမတွေနဲ့ ပတ်သက်တဲ့ စကေးကြမ်းမှု ကြောင့်.....ကုတင်ပေါ်ရောက်သွားကြတဲ့အခါ.......။ (ရုပ်ရှင်အညွှန်းနဲ့ဘာသာပြန်ကတော့ Dark Side Production မှ Triple X ဖြစ်ပါတယ်။) File size…(1.7 GB) and (1 GB) Quality…BluRay 1080p and 720p 5.1 CH Format…mp4 Duration….01:27:00 Subtitle….Myanmar Subtitle (Hardsub) Encoder….RGB Translated by Triple X

ဇွန်းမ်ဟာ အရင်က စူပါဟီးရိုးတစ်ယောက် ဖြစ်ခဲ့ပေမယ့် အခုတော့ ဂျက်ဆိုတဲ့အမည်နဲ့ သာမန်လူတစ်ယောက်လို အလုပ်လုပ်ရင်း ဇာတ်မြှုပ်နေပါတယ်။ အတိတ်က ဂမ်မာရောင်ခြည်စမ်းသပ်မှုတစ်ခုမှာ ဇီးနစ်အဖွဲ့ဝင်လည်းဖြစ်၊ သူ့အစ်ကိုလည်းဖြစ်တဲ့ ကွန်ကားရှင်းဟာ စိတ်ရိုင်းဝင်သွားခဲ့တယ်။ အစ်ကိုဖြစ်သူကို တိုက်ခိုက်ရင်း ဇွန်းမ်လည်း သူ့စွမ်းအားတွေ ဆုံးရှုံးခဲ့ရတာပါ။ နှစ်ပေါင်း ၃၀ လောက်အကြာမှာ ကွန်ကားရှင်း ကမ္ဘာမြေဆီ ပြန်ရောက်လာတော့မယ်လို့ ခြေရာခံမိကြတယ်။ သူ့ကို ရင်ဆိုင်ဖို့ စွမ်းအားပိုင်ရှင်ကလေးတွေနဲ့ အဖွဲ့သစ်ဖွဲ့ပြီး အဲဒီကလေးတွေကို လေ့ကျင့်ပေးရမယ့်တာဝန်က ဂျက်ဆီ ရောက်လာပါတယ်။ စွမ်းအားဆုံးရှုံးထားတဲ့ ဟီးရိုးဟောင်းတစ်ယောက်နဲ့ အဖွဲ့ဝင်အသစ်တွေကြား ဘယ်လိုအခက်အခဲတွေ ရှိလာမလဲ၊ သူတို့ရဲ့ကြိုးစားမှု အောင်မြင်နိုင်မလားဆိုတာကို ဟာသနဲ့ တွဲပြထားပါတယ်။ Toy Story ထဲက Buzz Lightyear ရဲ့အသံသရုပ်ဆောင် Tim Allen နဲ့ FRIENDS မှာ Monica အဖြစ် ပါဝင်ခဲ့တဲ့ Courtney Cox တို့က ဦးဆောင်သရုပ်ဆောင်ထားပါတယ်။

ဂျိမ်းစ် ဂျေ ဘရက်ဒေါ့ဟာ ဘာဂန်းမြို့က လက်ဝှေ့သမား ဂျင်မီအဖြစ် လူသိများလာသူပါ။ ဒါပေမယ့် သူ့ငယ်ဘဝကတော့ မပြေလည်ခဲ့ပါဘူး။ အိုင်ယာလန်ကနေ ပြောင်းရွှေ့လာတဲ့ မိသားစုဖြစ်သလို မွေးချင်းစုစုပေါင်း ခုနစ်ယောက်ရှိတာကြောင့် စားဝတ်နေရေးအတွက် ရုန်းကန်ခဲ့ရပါတယ်။ ဘရက်ဒေါ့က သူ့လက်သီးတွေနဲ့ ဘဝကို ရင်ဆိုင်ခဲ့တယ်။ အလစ်အငိုက် တန်ပြန်ထိုးနိုင်တဲ့ လက်သီးချက်တွေ၊ ပြိုင်ဘက်ရဲ့ ထိုးချက်တွေကို ခံနိုင်ရည်ရှိမှုတွေကြောင့် လက်ဝှေ့လောကမှာ တဖြည်းဖြည်း နာမည်ရလာပါတယ်။ ဒါပေမယ့် အောင်မြင်မှုက အမြဲတမ်း သူ့ဘက်မှာ ရှိမနေခဲ့ဘူး။ ထိပ်တန်းလက်ဝှေ့သမားအဖြစ် ရပ်တည်ခဲ့ရာကနေ အနိုင်ရဖို့ မျှော်လင့်ချက်နည်းတဲ့သူအဖြစ် သတ်မှတ်ခံရတဲ့အထိ ကျဆင်းလာပြီး သူ့ဘဝရဲ့ အခက်ခဲဆုံးအချိန်ကို ရောက်လာပါတော့တယ်။

ဒီဇာတ်ကားက Franchiseရဲ့ ဒုတိယ​မြောက်ကားပဲ ဖြစ်ပါတယ်။ ဒီထဲမှာ ဂိမ်းထဲက အဓိကprotagonistတစ်​ယောက်ဖြစ်တဲ့ ​ဂျေး ဗယ်လန်တိုင်း စတင်ပါဝင်လာခဲ့သလို Nemesisဆိုတဲ့ zombie ဗီလိန်ကြီးကိုလည်း မြင်​တွေ့ရမှာဖြစ်ပါတယ်။ ပထမဇာတ်ကားရဲ့ အဆုံးသတ်နဲ့ တိုက်ရိုက်ချိတ်ထားပြီး Hiveက​နေ ပြန်လွတ်လာတဲ့ အဲလစ်နဲ့မတ်ကို အမ်ဘရဲလားကလူ​တွေ ဖမ်းဆီးသွားတာနဲ့ ဇာတ် စဖွင့်ထားပါတယ်။ Hiveထဲမှာ ပျံ့သွားတဲ့ ဗိုင်းရပ်ပိုးက သူ့အ​ပေါ်က ရက်ကွန်မြို့ကို ပျံ့နှံ့သွားခဲ့ပြီး တစ်မြို့လုံးမှာ ဇွန်ဘီကပ်ကြီး ဖြစ်သွားခဲ့ပါတယ်။ အဲဒီမှာ အမ်ဘရဲလားက အ​ထက်လူကြီး​တွေကိုပဲ ကယ်ထုတ်ပြီး ပြည်သူ​တွေကို​တော့ ကွာရန်တင်းသ​​ဘော ပိတ်ဆို့ထားပြီး မြို့ကို ​နူကလီယားဗုံးနဲ့ဖောက်ခွဲကာ ပိုးဆက်မပျံ့​အောင် ထိန်းဖို့ကြိုးစား ခဲ့တာပါ။ အဲဒီအချိန် သမီးဖြစ်သူ အန်ဂျလာအက်ရှ်ဖို့ဒ် မြို့ထဲမှာ ကျန်​နေခဲ့တဲ့အခါ အမ်ဘရဲလားရဲ့သု​တေသနပညာရှင် ​ဒေါက်တာ ချားစ်အက်ရှ်ဖို့ဒ်က ရက်ကွန်းမြို့က​နေ ထွက်နိုင်မယ့်နည်းလမ်းနဲ့ သူ့သမီးကို အလဲအလှယ်လုပ်ဖို့ ​ကမ်းလှမ်းခဲ့ပါတယ်။ အဲလစ်၊ဂျေးလ်နဲ့ ​ကြေးစားစစ်သားတစ်စုဟာ ဇွန်ဘီ​တွေပြည့်​နေတဲ့ ရက်ကွန်မြို့ထဲမှာ အက်ရှ်ဖို့ဒ်ရှာပုံ​တော်ထွက်ရင်း ဘယ်လိုကိစ္စ​တွေ ကြုံရမလဲ၊ အက်ရှ်ဖို့ဒ်ကို ရှာ​တွေ့ပါ့မလား၊ မြို့ကို ရှင်းပစ်ချင်​နေတဲ့ အမ်ဘရဲလားရဲ့လူ​တွေလက်က လွတ်ပါ့မလားဆိုတာ ကြည့်ရှူရမှာ ဖြစ်ပါတယ်။ File size…     2.8 GB / 1.5 GB /    692 MB Quality… BluRay 4K / 1080p / 720p Format… mp4,mkv Duration…. 1h 34m Genre ..... Action/Horror Subtitle…. Myanmar Subtitle (Hard Sub) Encoder…. Thit San Khant Translated by JimX