Adam Pally ပါဝင်သော ဇာတ်ကားများ

GOAT (2026) 4K +++++++++ IMDb Rating (6.9) / Rotten Tomatoes (84%) GOAT (2026) ကတော့ Spider-Verse ကားတွေကို ဖန်တီးခဲ့တဲ့ Sony Pictures Animation ကနေ အသစ်ထွက်ထားတဲ့ animation ကားသစ်လေးပါ။ ဒီကားလေးက ဝေးလ် (Will) လို့ခေါ်တဲ့ ဆိတ်ကလေးတစ်ကောင်အကြောင်းကို ရိုက်ကူးထားတာပါ။ ဒီဆိတ်လေးက 'Roarball' လို့ခေါ်တဲ့ အကြမ်းပတမ်းဆော့ရတဲ့ ဘတ်စကတ်ဘောနဲ့ ရပ်ဘီ ပေါင်းထားသလို ကစားနည်းမျိုးမှာ ပရိုကစားသမားတစ်ယောက်ဖြစ်ချင်နေတာပေါ့။ ပြဿနာက Roarball ဆိုတာ ကြံ့တွေ၊ ဂေါ်ရီလာတွေ၊ ကျားသစ်တွေလို အကောင်ကြီးတွေပဲ ဆော့နိုင်တဲ့ အကြမ်းစားအားကစားဖြစ်နေတာပဲ။ ဇာတ်လမ်းကတော့ အကောင်သေးသေးလေးကနေ မဖြစ်နိုင်တာကို ဖြစ်အောင် ကြိုးစားပြသွားမယ့် Underdog ဇာတ်လမ်းမျိုးပါပဲ။ ဝေးလ်က သူ့ရဲ့အိုင်ဒေါဖြစ်တဲ့ ကျားသစ်မကြီး ဂျက် (Jett) ရှိတဲ့ Thorns အသင်းမှာ ဝင်ကစားခွင့်ရသွားတဲ့အခါ ဘာတွေဆက်ဖြစ်မလဲ၊ အသင်းကလူတွေကရော ဆိတ်ဆိုပြီး နှိမ်ထားတဲ့ကြားက သူဘယ်လိုသက်သေပြမလဲဆိုတာကို ရယ်စရာမောစရာလေးတွေနဲ့ ကြည့်ရမှာပါ။ ဒီကားကို NBA က နာမည်ကြီးကစားသမား စတီဖန် ကယ်ရီ (Stephen Curry) ကိုယ်တိုင် ပရိုဂျူဆာလုပ်ပေးထားပြီး သူ့အသံလည်း ပါသေးတယ်။ အဓိကဇာတ်ကောင် ဝေးလ် နေရာမှာ Stranger Things ထဲက Caleb McLaughlin က အသံထည့်ပေးထားပြီး၊ ဂျက် နေရာမှာတော့ Gabrielle Union က ပါဝင်ထားပါတယ်။ Animation အပိုင်းကတော့ Spider-Verse တွေလိုပဲ street art graffiti ပုံစံလေးတွေနဲ့ တော်တော်မိုက်ပါတယ်။ မိသားစုလိုက် ပေါ့ပေါ့ပါးပါး ကြည့်လို့ကောင်းမယ့် ကားလေးတစ်ကားမို့လို့ ဘတ်စကတ်ဘောဝါသနာပါတဲ့သူတွေရော၊ Animation ကားကြိုက်တဲ့သူတွေပါ သဘောကျမှာ သေချာပါတယ်။ File Size… (6.15GB)/ (2.97GB) / (1.26GB) Quality… WEB-DL 4K HEVC / 1080p / 720p Format…mp4 Duration…1h 40m Genre ….Action , Adventrue , Animation , Comedy , Family , Sport Subtitle….Myanmar Subtitle (Hard Sub)

Hell of a Summer (2025) IMDb Rating (5.9) / Rotten Tomatoes (52%) ဒီရုပ်ရှင်က နွေရာသီမှာ သည်းထိတ်ရင်ဖိုနဲ့ ဟာသရောထားတဲ့ ကားလေးတစ်ကားပါ။ ဒီဇာတ်ကားကို Finn Wolfhard နဲ့ Billy Bryk ဆိုတဲ့ လူငယ်နှစ်ယောက်က ရေးသားရိုက်ကူးထားပြီး သူတို့ပဲ သရုပ်ဆောင်ထားသေးပါတယ်။ ဇာတ်လမ်းက Camp Pineway ဆိုတဲ့ နွေရာသီ ကလေးတွေအပန်းဖြေစခန်းမှာ ဖြစ်ပျက်တာပါ။ ဇာတ်လမ်းစတော့ စခန်းပိုင်ရှင်နှစ်ယောက်ဖြစ်တဲ့ John နဲ့ Kathy တို့ဟာ ညတစ်ညမှာ ရုတ်တရက် နတ်ဆိုးမျက်နှာဖုံးနဲ့ လူသတ်သမားတစ်ယောက်ရဲ့ တိုက်ခိုက်ခြင်းကို ခံလိုက်ရပြီး သေဆုံးသွားရာကနေ အစပြုတယ်။ နောက်နေ့မှာ အသက် ၂၄ နှစ်အရွယ် Jason Hochberg ဆိုတဲ့ စခန်းကြီးကြပ်ရေးမှူးတစ်ယောက်က သူ့ရဲ့ ဆယ်ကျော်သက် လုပ်ဖော်ကိုင်ဖက်တွေနဲ့ အဆင်မပြေတာကိုပဲ စိတ်ပူနေရင်း စခန်းကို ရောက်လာတယ်။ ဒါပေမယ့် သူမသိတာက ဒီလူသတ်သမားက စခန်းထဲမှာ လှည့်လည်နေပြီး ကြီးကြပ်ရေးမှူးတွေကို တစ်ယောက်ပြီး တစ်ယောက် ရက်ရက်စက်စက် သတ်ဖြတ်နေတာပဲ။ ဒီရုပ်ရှင်က ၁၉၈၀ ခုနှစ်က Friday the 13th လို ဂန္ထဝင်စခန်းအခြေပြု သည်းထိတ်ရင်ဖိုရုပ်ရှင်တွေကို ဂုဏ်ပြုထားတဲ့ ဟာသပါတဲ့ ဇာတ်လမ်းမျိုးပါ။ သတ်ဖြတ်ခန်းတွေကို ရုပ်ရှင်ထဲမှာ သိပ်ပြတာမဟုတ်ဘဲ မျက်နှာဖုံးနဲ့ လူသတ်သမားရဲ့ လှုပ်ရှားမှုတွေကို ခပ်သွက်သွက်နဲ့ ဟာသလေးနှောပြီး ရိုက်ပြထားတယ်။ Jason နဲ့ သူ့ရဲ့ စခန်းက သူငယ်ချင်းတွေက ဒီလူသတ်သမားကို ဘယ်လိုရင်ဆိုင်မလဲ ဘယ်သူက ဒီမျက်နှာဖုံးနောက်က ဖြစ်နိုင်မလဲဆိုတာကို ကြည့်ရှုရတာ တကယ်ကို စိတ်ဝင်စားဖို့ ကောင်းပါတယ်။ ဒီဇာတ်ကားက အရမ်း ကြောက်စရာမဟုတ်ဘူး ဒါပေမယ့် လူငယ်ဆန်ဆန် ပေါ့ပေါ့ပါးပါး ဟာသတွေနဲ့ စခန်းထဲက ရယ်စရာ အပြန်အလှန်ဆက်ဆံမှုတွေက ကြည့်လို့အတော်ပျော်ဖို့ကောင်းတယ်။ ဂန္ထဝင်သည်းထိတ်ရင်ဖိုကားတွေကို သဘောကျရင် ဒီကားလေးက လက်မလွှတ်သင့်တဲ့ ရွေးချယ်မှုတစ်ခုပါပဲ။ (အညွှန်းနဲ့ဘာသာပြန်ကတော့ Min Khant ဖြစ်ပါတယ်။) File size… (1.1 GB) / (700 MB) Quality…. WEB-DL 1080p HEVC / 720p Format…. mkv/mp4 Genre…. Comedy, Horror, Mystery Duration…. 01:28:28 Subtitle…. Myanmar Subtitle (Hardsub) Encoder…. Benjamin Translated by Min Khant

Knuckles (2024) miniseries Sonic the Hedgehog ထဲက နက်ကယ်လေးရဲ့ spin-off series ဖြစ်ပြီး ဒီနှစ်ကုန်ပိုင်းလောက် ထွက်ရှိမယ့် Sonic 3 မတိုင်ခင် အလွမ်းပြေအနေနဲ့ ကြည့်ရှုနိုင်ဖို့ ပူပူနွေးနွေးတင်ဆက်ပေးလိုက်ပါတယ်။ ဒီ miniseries လေးမှာတော့ Sonic ရဲ့ ဘော်ဒါကြီး ဂွကျသူ အနီရောင် အီခစ်ဒ်နာလေး နက်ကယ်က ဝိတ်ကို အီခစ်ဒ်နာ စစ်သည်တော်ကောင်းတစ်ယောက်ဖြစ်အောင် လေ့ကျင့်ပေးမှာပဲဖြစ်ပါတယ်။ ဝိတ်အဖြစ် Adam Pally နဲ့ နက်ကယ်အဖြစ် Idris Elba ကပဲ အသံသရုပ်ဆောင်ထားတာဖြစ်ပြီး အပိုင်း ၆ ပိုင်းထွက်ရှိထားပါတယ်။ နက်ကယ်က ကမ္ဘာမြေကြီးနဲ့ လိုက်လျောညီထွေဖြစ်အောင် ကြိုးစားနေရင်းနဲ့ ဝိတ်ကို အစ်ခစ်ဒ်နာ စစ်သည်တော်ကောင်းတစ်ယောက်ဖြစ်အောင် လေ့ကျင့်ပေးလိုက်ပါဆိုတဲ့ သူ့အကြီးအကဲရဲ့စကားကို လိုက်နာရင်း မစ်ရှင်အသစ်ကို ပြီးမြောက်အောင် လုပ်ဖို့ ကြိုးစားခဲ့ပါတယ်။ ဒါပေမဲ့ ကိစ္စတွေက ထင်သလိုမဖြစ်ဘဲ နက်ကယ့်ရဲ့အစွမ်းတွေကိုယူပြီး ရောင်းစားချင်တဲ့ အေးဂျင့်အဖွဲ့က သူတို့ကို ဒုက္ခပေးဖို့ ကြိုးစားလာရာမှာတော့.. ၆ ပိုင်းပေမဲ့ တစ်ပိုင်းကို နာရီဝက်လောက်ပဲမို့ ပေါ့ပေါ့ပါးပါးနဲ့ ရှုစားလိုက်ကြပါဦး။ (ဒီဇာတ်ကားရဲ့ အညွှန်းနဲ့ ဘာသာပြန်ကတော့ Emily ပါ)

Sonic the Hedgehog 3 (2024) IMDb Rating (7.2) / Rotten Tomatoes (88%) ပထမကားအောင်မြင်ပြီးတော့ ဒုတိယကား တတိယကားတွေမှာ ညံ့သွားတတ်တဲ့ ရုပ်ရှင်တွဲတွေထဲမှာ Sonic 3 မပါခဲ့ပါဘူး။ Sonic ကတော့ တစ်ကားပြီးတစ်ကားကောင်းနေတုန်းပါပဲ။ IMDb 7.2 ရထားပြီး အရင် ဆိုးနစ် ၂ ကားရဲ့ ဒါရိုက်တာ Jeff Fowler ကပဲ ရိုက်ကူးထားတာပါ။ ဗီလိန်ရိုဘော့နစ် နေရာမှာ ဂျင်ကာရေးကြီးပဲ သရုပ်ဆောင်ထားပါတယ်။ အသစ်ပေါ်လာတဲ့ ပါဝါဖြူကောင်အသစ် ရှဲဒိုးနေရာမှာတော့ အားလုံးရဲ့အချစ်တော် မင်းသားကြီး ကီရာနူးရိဗ် သရုပ်ဆောင်ထားတာပဲ ဖြစ်ပါတယ်။ နက်ကယ် နေရာမှာလဲ အိုင်းဒရစ်အယ်ဘာ ပါပဲ။ ဆိုးနစ်နေရာမှာတော့ ထုံးစံအတိုင်း Ben Schwartz ပါ။ ဇာတ်လမ်းအကျဉ်း ဆိုးနစ်၊ နက်ကယ်၊ တေးစ်တို့ဟာ တွမ်တို့အတွဲနဲ့အတူ မိသားစုလိုက် နားနားနေ‌နေ အပန်းဖြေနေတုန်းမှာ ဂန်းအဖွဲ့ကနေ အကူအညီတောင်းလာပါတယ်။ ဒီတစ်ခါ သူတို့ရင်ဆိုင်ရမှာကတော့ သူတို့လိုပဲ စွမ်းအားရှိဖြူကောင် တစ်ကောင်ဖြစ်နေပြီး သူတို့သုံးယောက်လုံးပေါင်းတာတောင် မနိုင်လောက်အောင်စွမ်းတဲ့ ရှဲဒိုးပဲဖြစ်ပါတယ်။ အဲဒီအတွက် သူတို့ ရိုဘော့နစ်ရဲ့ အကူအညီလိုလာတာကြောင့် မလွှဲမရှောင်သာ ပူးပေါင်းလိုက်ရပါတယ်။ ဆိုးနစ်အဖွဲ့နဲ့ ရိုဘော့နစ်တို့ ရင်ဆိုင်ရမဲ့ ရှဲဒိုးနဲ့အတူ ကြံရာပါကတော့ ရိုဘော့နစ်ရဲ့ မိသားစုဝင်တစ်ယောက်ဖြစ်နေပြီး အဖွဲ့နှစ်ဖွဲ့ဟာ ကမ္ဘာကြီးရဲ့ ကြိုက်တဲ့နေရာကို ဖျက်ဆီးနိုင်တဲ့လက်နက်တစ်ခုကို အပြိုင်လုပ်ဖို့ ဖြစ်လာပါတယ်။ ဒီဇာတ်လမ်းကိုမှ ထုံးစံအတိုင်း ဟာသတွေ အက်ရှင်တွေနဲ့ ကြည့်ရမှာပါ။ အရင် ဆိုးနစ် ၂ ကားလုံးကိုလည်း ချန်နယ်မြန်မာမှာ ကြည့်ရှုနိုင်ပါပြီ။ (အညွှန်းနဲ့ဘာသာပြန်ကတော့ Mr. Anderson ဖြစ်ပါတယ်။) File size…(6.6 GB) / (2.8 GB) / (1.3 GB) Quality….WEB-DL 4K HEVC / 1080p HEVC / 720p Format…. mkv/mp4 Genre….Action,Comedy,Family,Science Fiction Duration….01:50:48 Subtitle….Myanmar Subtitle (Hardsub) Encoder….Ka Naung,Double K Translated by Mr. Anderson

ငယ်ရွယ်တဲ့အချစ်ရဲ့ ရင်ကိုခုန်စေတဲ့ခံစားချက်၊ လူငယ်ဘဝရဲ့ အပူအပင်ကင်းလွတ်လပ်ပေါ့ပါးမှု၊ ချစ်ရတဲ့သူလေးနဲ့ ချိန်းတွေ့ရတဲ့ အခိုက်အတန့်၊ နွေရာသီတစ်ခုရဲ့ အချစ်ဇာတ်လမ်းလေး။ ဇာတ်လမ်းအညွှန်း ရုပ်ရှင်ဝါသနာအိုး ဘရိုင်ရန်ဒေးဗစ် နဲ့ သူ့သူငယ်ချင်းနှစ်ယောက်တို့က အမေရိကန်က အထက်တန်းကျောင်းသားလေးတွေပါ။ ဘရိုင်ရန်ဒေးဗစ်ကတော့ ရုပ်ရှင်တွေကို အရမ်းဝါသနာပါသူဖြစ်ပြီး သူ့မှာ ကြိတ်သဘောကျရတဲ့ မယ်လိုဒီဘားနီးဂတ် ဆိုတဲ့ ခပ်ချောချော ကောင်မလေးတစ်ယောက်ရှိတယ်။ ဇာတ်လမ်းဇာတ်အိမ်ကိုတော့ နွေရာသီအားလပ်ရက် မြို့ငယ်လေးတစ်ခုမှာ ဇာတ်အိမ်တည်ထားပြီး ပေါ့ပေါ့ပါးပါးလေးပဲ ရိုက်ကူးတင်ဆက်ထားပါတယ်။ ဘရိုင်ရန်ဒေးဗစ်က သူကြိတ်သဘောကျရတဲ့ ‌မယ်လိုဒီဘားနီးဂတ် ကို ရုပ်ရှင်အတူတူကြည့်ရင်း ချိန်းတွေ့ဖို့ ဖိတ်ခေါ်တာကနေ ဇာတ်လမ်းလေးကို အစပျိုးထားပါတယ်။ ဒီဇာတ်လမ်းလေးမှာတော့ လူငယ်ဘဝရဲ့ ပေါ့ပါးတဲ့ခံစားချက်၊ သူငယ်ချင်းဆက်ဆံရေးရဲ့ ပျော်ရွှင်စရာအနှစ်သာရတွေ၊ တိတ်တခိုး သဘောကျရသူလေးကြောင့် ခံစားရတဲ့ရင်ခုန်စိတ်လှုပ်ရှားမှုတွေကို ခံစားသက်ဝင်ရင်း အပူအပင်ကင်းပြီး လွတ်လပ်တဲ့ လူငယ်ဘဝကို တစ်ဖန်ပြန်လည်ခံစားကြရမှာပါ။ File size…2.44GB / 937MB Quality…WEB-DL 1080p HEVC / 720p Format…mkv / mp4 Duration….1h 27m Genre ….. Comedy Subtitle….Myanmar Subtitle (Hard Sub) Encoder….Min Wai Translated by Wil

ဂိမ်းလောကက နာမည်ကြီးဖြူကောင်လေး ဆိုးနစ်ရဲ့ ဒုတိယရုပ်ရှင်မှာ ရန်သူဟောင်း ရိုဘော့နစ် ပြန်ရောက်လာပါတယ်။ ကမ္ဘာပေါ်ကနေ အခြားဂြိုဟ်တစ်ခုဆီ ကန်ထုတ်ခံထားရတဲ့ ရိုဘော့နစ်ဟာ ဒီတစ်ခါ တစ်ယောက်တည်း ပြန်လာတာမဟုတ်ဘဲ ဆိုးနစ်ကို တိုက်ခိုက်မယ့် ဂြိုဟ်သားလေး နက်ကယ်ကိုပါ ခေါ်လာတယ်။ ဆိုးနစ်ဘက်မှာလည်း သူ့ကိုလေးစားအားကျနေတဲ့ မြေခွေးလေး တေးလ်စ် ပါလာပါတယ်။ တစ်ဖက်နှစ်ယောက်စီဖြစ်လာတဲ့ ဒီတစ်ကြိမ်မှာ ဘယ်လိုရင်ဆိုင်တိုက်ခိုက်ကြမလဲဆိုတာ ဆက်ကြည့်ရမှာပါ။ ရိုဘော့နစ်အဖြစ်တော့ The Mask နဲ့ လူသိများတဲ့ ဂျင်မ်ကာရေးပဲ ပြန်လည်သရုပ်ဆောင်ထားပါတယ်။

Sonic the Hedgehog (2020) IMDb Rating (6.5) / Rotten Tomatoes (64%) ကျွန်တော်တို့ငယ်ငယ်ကတည်းက ဂိမ်းလောကမှာ နာမည်ကြီးခဲ့တဲ့ ဆိုးနစ် ဖြူကောင်လေး လာပါပြီ။ အခြားဂြိုလ်ကနေလာပြီး အမြန်နှုန်းနဲ့ ပါဝါတွေရှိတဲ့ ဆောနစ်ဆိုတဲ့ ဖြူကောင်လေးဟာ ရန်သူတွေလက်ကနေ ပြေးရင် ကမ္ဘာပေါ်ကို ရောက်လာပါတယ်။ ကမ္ဘာပေါ်မှာ ရဲတစ်ယောက်နဲ့မိတ်ဆွေဖြစ်ပြီး တစ်ချိန်တည်းမှာပဲ သူ့ကို ဖမ်းဖို့လိုက်လာတဲ့ သိပ္ပံပညာရှင် ရိုဘော့နစ် နဲ့ပါ ရင်ဆိုင်လာရပါတော့တယ်။ ဒီတော့ ရဲအရာရှိ သောမက် နဲ့ ဆောနစ်တို့ သူ့လက်ကလွတ်အောင်ပြေးရင် ဘေကင်းတဲ့ ဂြိုလ်တစ်ခုကို ဆောနစ်ကို ပြန်ပို့နိုင်ဖို့ ကြိုးစားရပါတော့တယ်။ ‌ဆောနစ်အဖြစ် ဘန် ရှဝက်က သရုပ်ဆောင်ထားပြီး ဗီလိန်နေရာကတော့ မတွေ့ရတာ ကြာပြီဖြစ်တဲ့ မင်းသားကြီး ဂျင်မ်ကာရေးမို့ ကြည့်လို့သိပ်ကောင်းပါလိမ့်မယ်။ Rating လည်း 6.5 ဆိုတော့ အားလုံးအပမ်းပြေကြမယ်ထင်ပါတယ်။ Sonic ၂ ကားလုံးကို ဒီမှာ https://www.channelmyanmar.to/?s=Sonic+the+Hedgehog  ကြည့်ပါ။ File size…(4.5 GB )/(1.6 GB)/ (1 GB) Quality….BluRay 4K HEVC/1080p HEVC / 720p Format…mkv/mp4 Duration….01:38:53 Subtitle….Myanmar Subtitle (Hardsub) Encoder….Ka Naung Translated by Little Neo

The Little Hours (2017) IMDb - 5.8 ဇာတ်လမ်းအညွှန်း ဒီဇာတ်လမ်းလေးက အလယ်ခေတ်ပိုင်းက အီတလီစာရေးဆရာ Giovanni ရဲ့The Decameron ဆိုတဲ့ စာအုပ်၊ ၁၀ရက်လို့ အဓိပ္ပာယ်ရပြီးပြောရရင် “ဆယ်ရက်ဆယ်ညပုံပြင်များ”ပေါ့၊ ဒီထဲကနေမှ တတိယနေ့က ဇာတ်လမ်းကိုအခြေခံပြီးရိုက်ကူးထားတာ ဖြစ်ပါတယ်။ဆိုတော့ အလယ်ခေတ်ပိုင်း ၁၃၄၇ ခုနှစ်ပိုင်းကို ဇာတ်အိမ်တည်ထားပါတယ်။အဲလက်ဇန်းဒါး၊ ဖာနန်ဒါ၊ ဂျင်နာဗာ ဆိုတဲ့ စစ္စတာလေး သုံးယောက်ဟာသူတို့ကိုယ်ပိုင်စိတ်ကူး၊ရည်ရွယ်ချက်တွေကိုယ်စီနဲ့ဘုရားကျောင်းတစ်ခုမှာ နေနေကြတယ်။ တစ်နေ့တော့ ခရီးသွားရင်း ဖာသာတွမ်မာစ်ဆိုဟာမက်ဆက်စ်တို ဆိုတဲ့ လူငယ်လေးနဲ့ တွေ့ဆုံတယ်။မက်ဆက်စ်တိုဆိုတာက အရှင်ဘရူနိုရဲ့ရဲတိုက်မှာ အမှုထမ်းနေစဉ်အရှင့်ရဲ့မိန်းမနဲ့ဖောက်ပြန်တာမိသွားလို့ ထွက်ပြေးလာခဲ့ရသူပါ။သနားတတ်တဲ့ဖာသာက မက်ဆက််စ်တိုကို ဘုရားကျောင်းကိုခေါ်သွားပေးမယ်၊ ဒါပေမဲ့ အခြေအနေတစ်ခုရှိတယ်၊မက်ဆက်စ်တိုဟာ ဆွံ့အနားမကြား တစ်ယောက်အဖြစ် ဟန်ဆောင်ရမှာဖြစ်ပါတယ်။ဒီလိုနဲ့ ဆွံ့အနားမကြားအဖြစ် မက်ဆက်စ်တိုတစ်ယောက်ဘုရားကျောင်းမှာ စစ္စတာလေးတွေနဲ့ ဘာတွေဆက်ကြုံတွေ့ရမလဲပေါ့။ယောကျ်ားမိန်းမအကြား သဘာဝတရား၊ လိင်ကိစ္စတွေကန့်သတ်ထားတဲ့နယ်ပယ်တစ်ခုမှာ ဖြစ်တတ်တဲ့သဘာဝတွေ၊ပျင်းရိဖွယ်ဘဝကနေ လွတ်မြောက်ဖို့ လူငယ်သဘောသဘာဝလက်တည့်စမ်းမှုလေးတွေကို ဟာသရောပြီးသဘာဝဆန်ဆန်ရိုက်ကူးထားပါတယ်။ စစ္စတာလေးတွေရဲ့ လုပ်ရပ်လေးတွေကို ရယ်ရင်း အံ့ဩရင်းရသစုံခံစားရင်း ကြည့်ရှုရမှာဖြစ်ပါတယ်။ စစ္စတာလေး သုံးယောက်အဖြစ် Alison Brie၊ Aubrey Plaza နဲ့ Kate Micucciမင်းသမီးသုံးလက်က အဓိကပါဝင်သရုပ်ဆောင်ထားပါတယ်။ R rated ဇာတ်ဝင်ခန်းတွေ၊ ဒိုင်ယာလော့တွေလည်းပါဝင်ပါကြောင်း ကြိုတင်သတိပေးလိုက်ပါတယ်။ File size…  1.24 GB /  532 MB Quality… BluRay 1080p / 720p Format… mp4 Duration…. 1h 30m Genre .....  Romance, Comedy Subtitle…. Myanmar Subtitle (Hard Sub) Encoder…. Thit San Khant Translated by Orika

ဒီကားလေးကတော့အမေရိကန်ကနယ်မြို့လေးတမြို့မှာဖြစ်ပွားခဲ့တဲ့ဘဏ်ဓားပြမှုလေးကိုရိုက်ပြထားတာပါ။ အက်ဒ်ကခရိုင်ရဲအရာရှိတယောက်ပါ။ သူ့ရဲ့မြို့လေးကဒေသခံဘဏ်လေးတခုမှာဖောက်ထွင်းမှုဖြစ်ပြီးတဲ့နောက်အဲဒီအမှုကိုလိုက်လံစုံစမ်းနေခဲ့တာပါ။ ပိုပြီးထူးဆန်းတာကအဲဒီအမှုမှာသူ့အစ်ကိုကိုယ်တိုင်ပါဝင်နေတာဖြစ်ပါတယ်။ ဇာတ်ကားတခုလုံးမှာအမှုဖြစ်စဉ်ကိုတပတ်အတွင်းတရက်ချင်းစီနောက်ကြောင်းပြန်ပြီးသေချာပြသွားတာပါ။ ကြည့်ရတာအမြင်တမျိုးဖြစ်စေမယ့်ကားလေးဖြစ်ပါတယ်။ Rating6.2ထိရထားတဲ့၂၀၁၇ထွက်ကားလေးလည်းဖြစ်ပါတယ်။ အစပိုင်းမှာနားမလည်သလိုရှိပေမယ့်အဲဒီအမှုလေးဟာဘယ်လောက်ထိနက်နဲသွားလဲ၊ဘယ်လိုကြံစည်ထားခဲ့တာလဲ၊ဘယ်လိုလုပ်သွားခဲ့တာလဲ၊တရားခံတွေကဘယ်သူလဲ၊ဘယ်လိုလဲဆိုတာကိုဇာတ်လမ်းအဆုံးပိုင်းမှာရုတ်တရတ်သိသွားရမယ့်ကားလေးပါ။ ဇာတ်အေးအေးလေးနဲ့စိတ်ဝင်စားအောင်ဆွဲခေါ်သွားတဲ့ကားလေးပါပဲ။ အဲတော့နောက်ဆုံးဘယ်လိုတွေရလဒ်ထွက်လာမလဲဆိုတာတော့ကြည့်လိုက်ရအောင်ဗျာ။ (ဇာတ်လမ်းအညွှန်း နဲ. ဘာသာပြန်သူကတော့ The Fridays ပဲဖြစ်ပါတယ်) File Size : (600 MB) and (220 MB) Quality : Webrip 720p Running Time : 1hr 23minutes Format : Mp4 Genre : Crime, Drama, Mystery Translated By The Fridays Encode By Thanhtike Zaw

Dirty Grandpa (2016) IMDb Rating (5.9) / Rotten Tomatoes (10%) ဒီဟာသကားမှာ De Niroနဲ့ Zac Efron တို့က မြေးအဘိုးအဖြစ် သရုပ်ဆောင်ထားတယ်။ ဇာတ်ကတော့ သူ့နာမည်အတိုင်းပါပဲ တော်တော်ဆိုးတဲ့ ဘိုးဘိုးနဲ့ သူ့မြေးလေးရဲ့ ဆက်ဆံရေးအကြောင်းပေါ့။ Ratingကတော့ ရုပ်ရှင်ထဲ အောက်လုံးတွေ မဟားဒရားများတာကြောင့် အဓိက ထိုးကျနေခဲ့တယ်။ မင်းသမီးနဲ့ မင်းသားကြားက ကာရိုက်တာ Development ဒီလောက်မကောင်းတာကြောင့်လည်းပါမှာပါ။ မာစတာပိစ်ကားတော့မဟုတ်ပေမဲ့ စုတ်ပြတ်သတ်နေတာပဲဆိုတဲ့အချက်ကိုတော့ ကျွန်တော်တော့ လက်မခံနိုင်ဘူး။ ဇာတ်အပိုင်း ပြန်ဆက်ရရင် De Niroရဲ့ ဇာတ်ကောင် အဘိုးကာရိုက်တာက အဘိုးကာရိုက်တာဆိုတာနဲ့ ဆန့်ကျင်နေအောင်ပဲ မတရားညစ်တီးညစ်ပတ်နိုင် ရိုင်းစိုင်းနိုင်လွန်းတယ်။ မိန်းမက ဒီနေ့သေသွားတယ်။ နောက်နေ့ပဲ ကောလိပ်ကျောင်းသူလေးနဲ့ အိပ်ဖို့ ဂွင်လိုက်ဖန်နေတာတို့ ဆေးချလိုက် အောက်လုံးတွေ လှိုင်လှိုင်သုံးလိုက် လုပ်နေတာတို့ ဘာတို့ပေါ့။ နောက် သူက‌ နောက်တစ်ပတ်လက်ထပ်တော့မယ့် သူ့မြေးကို လက်မထပ်ဖြစ်အောင် တားဖို့ အကြံမျိုးစုံ ထုတ်သုံးနေတာရောပေါ့။ ဒါက မဖြစ်သင့်တဲ့ ကိစ္စတွေလို့ ထင်ရပါတယ်။ ဝေဖန်ရေးဆရာတွေကတော့ " ငါတို့ ကမ္ဘာကြီးက ဘာဖြစ်သွားတာလဲ"ဆိုတဲ့ စကားလုံးမျိုးနဲ့ ဝေဖန်ကြတယ်။ ပြန်ထောက်ရရင်တော့ ဒီဇာတ်က ပြချင်တဲ့အရာနဲ့ ပြန်တိုင်းတာရင် De Niroဇာတ်ကောင်က ဘာမှမမှားနေပါဘူး။ ဒီဇာတ်မှာ ဒီအဘိုးကြီးကလွဲ ကျန်တဲ့ ကာရိုက်တာတော်တော်များများက ယဉ်ကျေးသမှုနဲ ဖုံးကွယ်ထားတဲ့ ကမ္ဘာကြီးရဲ့ တစ်ဘက်ခြမ်းမှာချည်းပါပဲ။ ဒီအဘိုးကြီးကတော့ ဒီကမ္ဘာကြီးကို ဒီလိုမြင်ပုံမရပါဘူး။ ဒါကိုလည်း သူ့ကာရိုက်တာမှာ တည်ဆောက်ပြီးသားပါ။ သူ့ကာရိုက်တာ ဗီယက်နမ်စစ်ပွဲမှာ အထူးတပ်က ဝင်ဆော်ခဲ့တဲ့ဘဲပါပဲ။ အရက်စက်ဆုံးကမ္ဘာကြီးကို မြင်လာပြီးတဲ့နောက် ယဉ်ကျေးမှုနဲ့ဖုံးကွယ်ထားတဲ့ ကမ္ဘာကြီးကို ရွံမှာကတော့ ဗေဒင်ပြေးတွက်နေစရာ မလိုဘူး။ နောက် သူက သူ့မြေး မင်္ဂလာပွဲကို ဖျက်ချင်ရတဲ့အကြောင်းရင်း။ သူက သူ့သားအပေါ် သူတာဝန်မကျေခဲ့ဘူးလို့ ခံစားရတယ်။ ဒါက ကျွန်တော်တို့ ပုံမှန်အမြင်တွေနဲ့ ဆန့်ကျင်ဘက်အမြင်မျိုးပဲ။ တကယ်ဆို သူ့သားက လုပ်ငန်းကြီးထောင်ပြီး သိက္ခာရှိတဲ့ ရှေ့နေအဖြစ် ဘဝကို ကောင်းကောင်းကြီး ဖြတ်သန်းနေတယ်။ ဂုဏ်တောင်ယူကြမယ့်ကိစ္စပါ။ ဒါပေမဲ့ သူကတော့ သူ့သား ဘဝက ဖြစ်ချင်တာတွေထက် ဖြစ်သင့်တာတွေနဲ့ တစ်ဘဝလုံးကုန်သွားတဲ့ သနားစရာ ဘဝကြီးလို့မြင်တယ်။ သူတာဝန်မကျေလို့ သူမပျိုးထောင်နိုင်ခဲ့လို့ ဖြစ်ရပါတယ်ပေါ့။ ဒီတော့ သူ့မြေးကိုတော့ ဒီလိုပဲ သူ့အဖေပေးစားတဲ့သူနဲ့ လက်မထပ်ဖြစ်အောင် ယဉ်ကျေးမှုတွေနဲ့ ဖုံးထားတဲ့ သူ့ကမ္ဘာထဲက အရဆွဲထုတ်ပြီး ကမ္ဘာအစစ်ကြီးမှာ ဖြစ်ချင်တာဖြစ် လုပ်ချင်တာလုပ်ရတဲ့ အရသာကို ပြလိုက်တယ်။ သူ့သီဝရီကတော့ လောကကြီးက ကိုယ့်မျက်ခွက်ကို ပိတ်ထိုးတာကို ရဲရဲသာခံလိုက် ခံပြီးရင် ဘာပဲ ဆက်လုပ်လုပ် ကြောက်စရာမလိုတော့ဘူးဆိုတာမျိုးပဲ။ ဆိုတော့ ဝေဖန်ရေးသမားတွေပြောသလို ငါတို့ကမ္ဘာကြီးက ဘာဖြစ်သွားတာလဲဆိုတဲ့ အပေါက်မျိုးနဲ့ ဒီကားကို ဝေဖန်တာကိုတော့ ကျွန်တော်တော့ လက်မခံပါဘူး။ ကမ္ဘာကြီးကိုက ဒီလိုပါပဲ။ ဒီ၂ခြမ်းလုံးရှိပြီးသား ပဲ။ ဖုံးထားတဲ့ အခြမ်းနဲ့ မဖုံးထားတဲ့အခြမ်းပေါ့။ မဖုံးထားတဲ့အခြမ်းမှာတော့ De Niroလို အဘိုးကြီးတွေရဲ့ စိတ်ထဲမှာလည်း ဒီလိုတဏှာတွေက ရှိနေမှာပါပဲ။ အားလုံးမှာလည်း ရှိတာပါပဲ။ သိက္ခာနဲ့ပညာနဲ့ ထိန်းထားတဲ့ အပိုင်းပဲရှိမယ်။ နည်းနည်းပို အရိုင်းဆန်တဲ့ အသိုင်းအဝိုင်းတွေမှာဆို မြင်ကိုမြင်နေရတဲ့အရာပါပဲ။ ဇာတ်ကတော့ မညံ့လှပေမဲ့ အရမ်းအကောင်းကြီး တည်ဆောက်ထားတာလည်း မဟုတ်ပေမဲ့ ဒီကာရိုက်တာတွေကတော့ သဘောကျစရာကောင်းတယ်။ အဓိကကတော့ De Niroဇာတ်ကောင်ရဲ့ ငါမိဘတာဝန်မကျေခဲ့လို့ ငါ့သား လူလိမ္မာအရေဖုံးကောင်ဖြစ်နေပြီ ဒီကောင့်ဘဝကြီး ပျင်းစရာကြီးဆိုတဲ့ အပိုင်းမျိုးပေါ။ နောက် အဓိကမင်းသမီးဖြစ်တဲ့ Zoey Deutchရဲ့ ပုံစံကလည်း ကျွန်တော်တို့တွေရဲ့ Ideal typeဖြစ်နေတာကိုလည်း သဘောကျတယ်။ နောက် Zac Efronရဲ့ အသံအလန်းကြီးနဲ့ ဆိုသွားတဲ့ ဆီလင်းဒီယွန်ရဲ့ Because You Loved Me ကိုရောပေါ့။ ဟာသကားအနေနဲ့ အောက်လုံးများပေမဲ့ ကာရိုက်တာတွေကောင်းတာကြောင့် တစ်ခါလောက် ကြည့်ကိုကြည့်သင့်တဲ့ကားလို့ မြင်တယ်။ နောက် ဒီကားမှာ လုပ်ချင်တာနဲ့ လုပ်သင့်တာ။ လုပ်ချင်တာနောက်ပဲ လိုက်ဆိုတဲ့ သဘောက အရမ်းကဲပါတယ်။ ကျွန်တော့်အမြင်ကတော့ လုပ်ချင်တာချည်းလုပ်နေတဲ့ ကောင်တွေကိုတော့ လုပ်သင့်တာကို လုပ်ဖို့သက်သက်ပဲ နားချတာကောင်းပါတယ်။ လုပ်ချင်တာကိုတော့ သူတို့ဘာသာလုပ်နေကြဦးမှာမို့ Balanceက မျှသွားပါလိမ့်မယ်။ ဒီကားရဲ့ Conceptကတော့ လုပ်သင့်တာချည်းလုပ်နေတဲ့ လူတွေအတွက်လို့ မြင်တယ်။ လုပ်သင့်တာချည်း လုပ်နေတဲ့လူတွေကို လုပ်ချင်တာလုပ်ဖို့နားချလည်း လုပ်သင့်တာကို သူတို့ဘာသာ လုပ်နေကြဦးမှာမို့ပါပဲ။ အခံဗီဇဆိုတာ ဖျောက်လို့ရတဲ့ အရာမဟုတ်ဘူးကိုး။ File size… (2.8 GB) / (1.1 GB) Quality…. Blu-Ray 1080p HEVC / 720p Format…. mkv/mp4 Genre…. Comedy Duration…. 01:50:05 Subtitle…. Myanmar Subtitle (Hardsub)

Life After Beth (2014) ဒီဇာတ်ကားက Studio A24 ကထုတ်တဲ့ ကြည့်ဖူးသမျှရုပ်ရှင်တွေထဲမှာ အစားဆုံးဇာတ်လမ်းလို့ပြောလို့ပြောလို့ရပါတယ်။ ဒီကားရဲ့ Genre က Horror , Romance , Drama ပါ။ ရှင်းရှင်းပြောရရင်တော့ Zombie ဇာတ်ကားပေါ့။ ဒါပေမဲ့ ကြည့်ဖူးသမျှ Zombie ဇာတ်ကားတွေထဲမှာ အဆန်းဆုံးနဲ့ ကြောင်တောင်တောင်အနိုင်ဆုံးပါ။ ကြောက်ဖို့ကောင်းတာမျိုးမဟုတ်ပေမဲ့ ဇာတ်လမ်းက ရယ်ရခက်ငိုရခက်ပါတယ်။ ဇာတ်လမ်းက ဇာ့ခ်ဆိုတဲ့ ကောင်လေးရဲ့ ရည်းစား ဘက်တ် ဟာ မြွေပေါက်ပြီးတော့ ဆုံးသွားရာကနေ ရက်လည်အပြီးမှာ ပြန်ရှင်လာပြီးတော့ အိမ်ကိုပြန်ရောက်နေပါတော့တယ်။ ဘယ်လိုရောက်နေတာလဲ ရိုးရိုးသားသားပဲလား အနောက်ကွယ်မှာ ဘာတွေရှိနေတာလဲကို ဟာသ ပုံစံနဲ့ အချစ်ဇာတ်လမ်းလေးအဖြစ်ရိုက်ကူးထားပါ။ Studio A24 ကရိုက်တဲ့ ထူးထူးဆန်းဆန်းကားတွေကို ကြည့်ချင်တယ်ဆိုရင်တော့ ဒီကားကို ကြည့်ဖြစ်အောင် ကြည့်ဖို့ တိုက်တွန်းချင်ပါတယ်။ File size…1.5 GB / 750 MB Quality… 1080p BluRay / 720p Format…mp4 Duration….1h 29min Subtitle….Myanmar Subtitle (Hard Sub) Encoder….Thit San Khant Translated by Nikkobaby

Marvel Cinematic Universe: Phase Two ကတော့ Phase One ရဲ့ အောင်မြင်မှုကြောင့် ပရိတ်သတ်အများအပြားရဲ့ယုံကြည်မှုနဲ့ အားပေးမှုကို အရံသင့်ရရှိခဲ့ပြီး ခန့်ညားထည်ဝယ်စွာဆက်လက်တင်ဆက်နိုင်ခဲ့ပါတယ်။Phase 2 မှာတော့ Infinity Stone ခေါ် စကြာဝဠာကျောက်တုံး(၆) တုံးနဲ့ စကြာဝဠာလူကြမ်းကြီး သားနို့စ်အကြောင်းတွေ ပိုမိုပါဝင်လာခဲ့ပါပြီ။ Phase 1 တုန်းက Solo မိတ်ဆက်ခဲ့တဲ့ လူစွမ်းကောင်းတွေကို Phase 2 မှာ ပိုမိုစုစည်းမြင်တွေ့လာရပြီး MCU ရဲ့ ကြီးမားကျယ်ပြန့်တဲ့ Universe ကို ထပ်မံချပြနိုင်ခဲ့ပါတယ်။ MCU Phase 1/2/3 ကို The Infinity Saga လို့ပေါင်းခေါ်ပြီးတော့ MCU Phase 4/5/6 ကိုတော့ The Multiverse Saga လို့ ပေါင်းခေါ်ကြပါတယ်။ Phase 2 မှာတော့ ရုပ်ရှင် ၆ ကားရှိပြီး အောက်ပါအတိုင်း အစဉ်လိုက် ကြည့်ရှုကြရမှာပါ။ Iron Man 3 (2013) Thor: The Dark World (2013) Captain America: The Winter Soldier (2014) Guardians of the Galaxy (2014) Avengers: Age of Ultron (2015) Ant-Man (2015) Marvel Cinematic Universe ဇာတ်ကားအားလုံးကို CM App>>>https://www.cmapp.tv/?share=15957066C1681DF နဲ့  https://www.channelmyanmar.to/category/special-package/mcu/ ဒီလင့်တွေမှာ ကြည့်လို့ရပါတယ်။ ++++++++++++++ Iron Man 3 (2013) IMDb Rating (7.1) / Rotten Tomatoes (79 %) Iron Man 3 ကတော့ Marvel Cinematic Universe (MCU) Phase 2 ကို စတင်ခဲ့တဲ့ ဇာတ်ကားဖြစ်ပြီး Tony Stark (Iron Man) ရဲ့ စိတ်ပိုင်းဆိုင်ရာနဲ့ ရုပ်ပိုင်းဆိုင်ရာ စိန်ခေါ်မှုတွေကို ဗဟိုပြုပြီး Iron Man ဇာတ်ကောင်ကို ပိုမိုနက်ရှိုင်းစွာတွေ့မြင်စေခဲ့တဲ့ဇာတ်ကားဖြစ်ပါတယ်။ The Avengers (2012) ဇာတ်ကားမှာဖြစ်ပွားခဲ့တဲ့ New York တိုက်ပွဲကြောင့် Tony ဟာ PTSD (Post-Traumatic Stress Disorder) ကို ခံစားနေရပြီး၊ သူ့ရဲ့ စိတ်ငြိမ်းချမ်းမှုကို ပြန်လည်ရှာဖွေနေစဉ်မှာပဲ မထင်မှတ်တဲ့အန္တရာယ်တွေကျရောက်လာတဲ့အခါမှာတော့....။ Budget $200 million ကုန်ကျခဲ့ပြီး Box office ဝင်ငွေ $1.266 billion ထိပြန်လည်ရရှိခဲ့ပါတယ်။ File size…(5 GB)/ (2 GB )/(1.3 GB) Quality…BluRay 4K HEVC/1080p HEVC / 720p Format…mkv/mp4 Duration….02:11:00 Subtitle….Myanmar Subtitle (Hardsub) Encoder….Ka Naung

ဘရန်ဒီ ကလက်ခ်က အထက်တန်းကျောင်းပြီးထားခါစ ကျောင်းသူတစ်ယောက်ပါ။ ကျောင်းစာမှာ ထိပ်ဆုံးက ရှိပေမယ့် လိင်ကိစ္စနဲ့ပတ်သက်ရင်တော့ အတွေ့အကြုံမရှိသေးဘူး။ အထက်တန်းဘွဲ့ရပါတီမှာ ကောလိပ်ကျောင်းသား ရပ်စတီဝါးတားစ်နဲ့ တွေ့ပြီး သဘောကျသွားတဲ့အခါ သူငယ်ချင်းတွေက ဘရန်ဒီအနေနဲ့ ရပ်စတီကိုမီဖို့ အတွေ့အကြုံတွေ အများကြီးလိုသေးတယ်လို့ ပြောကြပါတယ်။ ဘရန်ဒီကလည်း ကျောင်းစာလုပ်သလိုပဲ ကိုယ်သိချင်၊ စမ်းကြည့်ချင်တာတွေကို စာရင်းတစ်ခု ပြုစုလိုက်တယ်။ ကောလိပ်မတက်ခင် အဲဒီစာရင်းထဲကအရာတွေကို လက်တွေ့စမ်းကြည့်ဖို့ ရွေးထားတဲ့သူကတော့ သူ့ကို တိတ်တခိုးသဘောကျနေတဲ့ သူငယ်ချင်း ကမ်မရွန်ပါ။ ဒီလိုနဲ့ ကိုယ့်ကိုသဘောကျနေတဲ့ ကမ်မရွန်နဲ့ ကိုယ်ကသဘောကျနေတဲ့ ရပ်စတီကြားမှာ ဘရန်ဒီတစ်ယောက် ဘယ်လိုဗျာများရဦးမလဲဆိုတာကို ဟာသနှောပြီး ပြထားပါတယ်။