Adam Stone ပါဝင်သော ဇာတ်ကားများ

The Misfits (2021) သူခိုးလူလိမ်ကားကြီးတစ်ကား လာပါပြီဗျာ။ ဂျိမ်းစ်ဘွန်းမင်းသားကြီး ပီရာ့စ်ဘရိုနန် ဦးဆောင်ပါဝင်ထားပြီး Jamie Chung တို့ Hermione Corfield တို့လို အချောလေးတွေနဲ့ ဝန်းရံထားတာပါ။ နည်းနည်းဟာသဆန်တော့ အရမ်းကြီးတော့ သဘာဝမကျဘူးပေါ့။ ဒါပေမယ့် ကြည့်ကောင်းပါတယ်။ ဇာတ်လမ်းအကျဉ်းကတော့ ရှော့ဇ်ဆိုတဲ့ ဘဲကြီးက ကမ္ဘာအနှံ့မှာထောင်တွေပိုင်တယ်၊ အဲဒီထောင်တွေထဲကနေ ၄ ခါလောက် ဆက်တိုက်ဖောက်ပြေးဖူးတဲ့ နာမည်ကျော် သူခိုးကြီးကတော့ ပေ့စ် ပေါ့။ ဒီဘဲကြီးက ခိုးတာအရမ်းတော်ပါတယ်။ ခိုးတာတော်ပေမယ့် ခိုးပြီးတိုင်းအဖမ်းခံရတာလည်း တော်ပါတယ်။ ဖမ်းခံပြီးရင် ထောင်ဖောက်ပြေးတာလည်း တော်ပါတယ်။ အစကတည်းက လွတ်အောင်မပြေးတတ်တာလေးတစ်ခုပါပဲ။ သူက ရိုးရိုးပြေးတာမဟုတ်ဘဲ ထောင်ပိုင်ရှင်ရဲ့မိန်းမကို ဂျိမ်းစ်ဘွန်းဘဝတုန်းက ဇ အတိုင်း အင့် သွားတော့ အသေအကြေ အလိုက်ခံရတာပေါ့။ မိရင် သတ်မှာ။ ဒါနဲ့ပဲ သူ့ကို အိုင်ဒေါတင်ထားတဲ့ အခြားသူခိုးလေးတစ်စုက သူခိုးကြီးကို ဆရာတင်ပြီး အဲဒီထောင်တွေထဲမှာ သိမ်းထားတဲ့ တရားမဝင် ရွှေတွေကို ခိုးဖို့ စီစဉ်ကြတဲ့အခါ.... File size…1.8GB and 1.1GB Quality….WEB-DL 1080p and 720p Format…mp4 Duration….1h 34min Subtitle….Myanmar Subtitle (Hardsub) Translator ..... Mr.Anderson Encoder ..... August

ဒီတစ်ခါတော့ ဟာသအက်ရှင်မင်းသားကြီး ဂျက်ကီချန်းရယ် တရုတ်နဲ့အိန္ဒိယကသရုပ်ဆောင်တွေများစွာရယ် ပူးပေါင်းရိုက်ကူးထားတဲ့ ဇာတ်ကားလေးပဲဖြစ်ပါတယ်။ ဇာတ်လမ်းအညွှန်းကတော့ ဂျက်ကီချန်းက တရုတ်နိုင်ငံရဲ့ အရမ်းတော်တဲ့ ရှေးဟောင်းရုပ်ကြွင်းပညာရှင်တစ်ဦးပါ။ တစ်နေ့မှာတော့ သူနဲ့ သူ့တပည့်တွေဆီကို အိန္ဒိယက ပါမောက္ခတစ်ဦးရောက်လာခဲ့ပြီးတော့ လွန်ခဲ့တဲ့နှစ်ပေါင်းထောင်ကျော်က ပျောက်ဆုံးသွားတဲ့ ရတနာတွေရဲ့ သဲလွန်စကိုတွေ့ရပြီဆိုပြီး ဂျက်ကီချန်းဆီကိုအကူအညီလာတောင်းတာပါ။ အဲဒီကနေ ဂျက်ကီချန်းတို့ကလဲ ကူညီဖို့လိုက်သွားခဲ့ပါတယ်။ ဒါပေမဲ့ သူတို့မသိခဲ့တာက ထိုရတနာတွေကိုလိုက်ရှာနေတာက သူတို့တင်မဟုတ်ပဲ နောက်တစ်ဖွဲ့ရှိနေခဲ့တယ်ဆိုတာပါပဲ။ အဲဒီမှာ ထိုအဖွဲ့နဲ့ ဘယ်လိုတွေဆုံပြီး ပြဿနာတွေဖြစ်ကြမလဲဆိုတာကို စွန့်စားခန်းတွေ ဟာသတွေ အက်ရှင်တွေရောနှောထားပြီး ဇာတ်ကားနာမည်အတိုင်း ကွန်ဖူးနဲ့ ယောဂကိုလဲ အသားပေးပြီးရိုက်ကူးထားပါတယ်။ ဒီဇာတ်ကားက 2017ကထွက်ခဲ့တာဆိုပေမဲ့ ကြည့်ပြီးသားသူတွေရှိသလို မကြည့်ရသေးတဲ့သူတွေလဲရှိတဲ့အတွက်ကြောင့် တင်ဆက်ပေးလိုက်ရပါတယ်။ File size…(2.4 GB)/(1.7 GB) Quality….Blu-Ray 1080p / 720p Format…mp4 Duration….01:47:00 Genre... Action, Adventure, Comedy Subtitle….Myanmar Subtitle (Hardsub) Encoder….Garfield Translated by Mastero

ဒီကားက သာမန် သွေးစုပ်ဖုတ်ကောင် ရုပ်ရှင်တွေလို Action တွေ၊ အထူးပြုလုပ်ချက်တွေ အများကြီးသုံးပြီး ရိုက်ကူးထားတာမျိုး မဟုတ်ဘဲ၊ လူ့စိတ်ခံစားမှု၊ အထီးကျန်ဆန်မှုနဲ့ ချစ်ခြင်းမေတ္တာကို အနုစိတ်ပုံဖော်ထားတဲ့ Masterpiece အဆင့်မီ ရုပ်ရှင်တစ်ကား ဖြစ်ပါတယ်။ ဇာတ်လမ်းက ၁၉၈၀ ပြည့်လွန်နှစ်တွေက ဆွီဒင်နိုင်ငံရဲ့ ဆီးနှင်းတွေဖုံးလွှမ်းနေတဲ့ မြို့လေးတစ်မြို့မှာ အခြေတည်ထားပါတယ်။ အဓိကဇာတ်ကောင် Oskar ဟာ အသက် ၁၂ နှစ်အရွယ် ကောင်လေးတစ်ယောက်ဖြစ်ပြီး ကျောင်းမှာ အမြဲတမ်း အနိုင်ကျင့်ခံနေရသူပါ။ သူဟာ အိမ်ပြန်ရောက်ရင်လည်း အထီးကျန်ဆန်ပြီး လက်တုံ့ပြန်ချင်စိတ်တွေနဲ့ မွန်းကြပ်နေရသူ ဖြစ်ပါတယ်။တစ်ရက်မှာတော့ သူ့တိုက်ခန်းရဲ့ ဘေးခန်းကို Eli လို့ခေါ်တဲ့ ထူးဆန်းတဲ့ ကောင်မလေးတစ်ယောက် ပြောင်းလာပါတယ်။ Eli ဟာ ညဘက်တွေမှသာ အပြင်ထွက်လေ့ရှိပြီး အေးစက်တဲ့ ရာသီဥတုမှာတောင် အနွေးထည်မဝတ်ဘဲ နေတတ်သူပါ။ အထီးကျန်နေတဲ့ ကလေးနှစ်ယောက်ကြားမှာ ခင်မင်မှုတစ်ခု တဖြည်းဖြည်း ဖြစ်ပေါ်လာပါတယ်။ ဒါပေမဲ့ Eli မှာ Oskar မသိတဲ့ ကြောက်မက်ဖွယ်ရာ လျှို့ဝှက်ချက်တစ်ခု ရှိနေပြီး၊ မြို့ထဲမှာလည်း လူသတ်မှုတွေ ဆက်တိုက်ဖြစ်ပေါ်လာတဲ့အခါမှာတော့... ဒီကားရဲ့ အကောင်းဆုံးအချက်ကတော့ ရုပ်ရှင်တစ်ခုလုံးကို လွှမ်းခြုံထားတဲ့ အေးစက်ပြီး တိတ်ဆိတ်တဲ့ အငွေ့အသက်ပါပဲ။ ဆွီဒင်နိုင်ငံရဲ့ ဆီးနှင်းတွေ၊ အမှောင်ထုနဲ့ အေးချမ်းမှုတွေကို ဒါရိုက်တာက အကောင်းဆုံး ရိုက်ပြထားပါတယ်။ Horror ကားဆိုပေမဲ့ Jump Scares တွေထက် စိတ်ထဲကို စိမ့်ဝင်သွားစေမယ့် ကြောက်ရွံ့မှုမျိုးကို ပေးစွမ်းပါတယ်။ ကလေးသရုပ်ဆောင်နှစ်ယောက်ဖြစ်တဲ့ Kåre Hedebrant (Oskar) နဲ့ Lina Leandersson (Eli) တို့ရဲ့ သရုပ်ဆောင်ချက်တွေက အရမ်းကို သဘာဝကျပြီး ကောင်းမွန်လွန်းပါတယ်။ သူတို့နှစ်ယောက်ကြားက ဆက်ဆံရေး၊ နားလည်မှုနဲ့ ကာကွယ်ပေးချင်စိတ်တွေကို ကြည့်ရှုသူတွေ ခံစားမိအောင် လုပ်ဆောင်နိုင်ခဲ့ပါတယ်။ "Let the Right One In" ဟာ ဟောလိဝုဒ်ကားတွေလို ဆူညံပွက်လောရိုက်နေတာမျိုး မဟုတ်ဘဲ၊ အေးဆေးတည်ငြိမ်ပြီး ရင်ထဲမှာ စွဲကျန်ရစ်စေမယ့် ရုပ်ရှင်မျိုးပါ။ Horror ကြိုက်သူတွေသာမက၊ ဇာတ်လမ်းကောင်းကောင်းနဲ့ ရိုမန်းတစ်ဆန်တဲ့ Drama ကားတွေကို နှစ်သက်သူတွေပါ မဖြစ်မနေ ကြည့်ရှုသင့်တဲ့ ကားကောင်းတစ်ကား ဖြစ်ပါတယ်။ (နောက်ပိုင်းမှာ "Let Me In" ဆိုပြီး အမေရိကန်က ပြန်ရိုက်ထားပေမဲ့ မူရင်း ဆွီဒင်ကားလောက်တော့ မကောင်းပါဘူး။) File size… 2 GB/ 600MB Quality… Blu- Ray 1080p & 720p Format… mp4 Duration…. 1h 55m Genre ..... Horror / Drama Subtitle…. Myanmar Subtitle (Hard Sub)