Adrian Lester ပါဝင်သော ဇာတ်ကားများ

PONIES (2026) S1 ++++++++ အပိုင်း ( ၁ မှ ၈ ) အထိ စ / ဆုံး IMDb Rating (6.7) / Rotten Tomatoes (95%) ဘီထရစ် ဂရန့်နဲ့ တွိုင်လာဟက်စ်ဘက်ခ်ဆိုတဲ့ အမျိုးသမီးနှစ်ယောက်ဟာ ရှရှားနိုင်ငံ မော်စကိုမြို့က အမေရိကန်သံရုံးမှာ အတွင်းရေးမှူးအဖြစ် လုပ်ကိုင်အသက်မွေးနေကြသူတွေပါ။ ဘာမှ ဆက်စပ်မှုမရှိတဲ့ သူတို့နှစ်ယောက်မှာ တူညီတာတစ်ခုကတော့ သူတို့ရဲ့ ခင်ပွန်းဖြစ်သူတွေဟာ အမေရိကန် ထောက်လှမ်းရေး အေးဂျင့်တွေ ဖြစ်နေတာပါပဲ။ တစ်နေ့မှာတော့ ကံအကြောင်းမလှစွာနဲ့ ဘီနဲ့တွိုင်လာတို့ရဲ့ ခင်ပွန်းသည်နှစ်‌ယောက်လုံး လေယာဉ်ပျက်ကျမှုမှာ သေဆုံးသွားပြီလို့ စီအိုင်အေဘက်က ပြောလာပါတယ်။ စီအိုင်အေဘက်က ဒီလိုပြောပေမဲ့ ခင်ပွန်းဖြစ်သူရဲ့ ကျန်ရစ်ပစ္စည်းတွေထဲမှာ သံသယရှိစရာ ပစ္စည်းတချို့ကို ဘီဟာ တွေ့ရှိခဲ့ပါတယ်။ ဒီလိုနဲ့ သူတို့ခင်ပွန်းသည်တွေ သေဆုံးရတဲ့ အကြောင်းရင်းမှန်ကို သိအောင် အတူကြိုးစားဖို့ ဘီက တွိုင်လာ့ကို စည်းရုံးခဲ့ပါတယ်။ ဒီလိုသိအောင် လုပ်ဖို့ဆိုရင် သူတို့ခင်ပွန်းသည်တွေ အလုပ်လုပ်ခဲ့တဲ့ စီအိုင်အေထဲ ဝင်နိုင်မှ ရမှာပါ။ နဂိုကလည်း အရည်အချင်းရှိတဲ့ အမျိုးသမီးနှစ်ယောက်ဖြစ်သလို စီအိုင်အေဘက်ကလည်း လက်ခံလို့ရတဲ့ အကြောင်းရင်း တချို့ကြောင့် ဘီနဲ့တွိုင်လာဟာ စီအိုင်အေရဲ့ PONIES ဆိုတဲ့ လျှို့ဝှက်ထောက်လှမ်းရေးတွေ ဖြစ်လာပါတော့တယ်။ Size – 851MB Quality –WEB-DL 1080p HEVC Episodes -  8 Eps Duration -  53m Subtitle – Myanmar Hardsub Format – mkv Genre :  Thriller

Mutiny (2026) 4K HEVC +++++ တစ်လောကလုံးနဲ့ တစ်ယောက်တည်းချနေကြမင်းသားရဲ့ တစ်လောကလုံးနဲ့တစ်ယောက်တည်းချတဲ့ နောက်တစ်ကား လာပါပြီ။ ဒီဇာတ်ကားကတော့ Action နဲ့ Thriller အမျိုးအစား ရုပ်ရှင်ဇာတ်ကားပဲ ဖြစ်ပါတယ်။ ဒါရိုက်တာ Jean-François Richet (Plane) က ရိုက်ကူးထားပြီး သရုပ်ဆောင်တွေအဖြစ် Jason Statham, Annabelle Wallis, Roland Møller နဲ့ Jason Wong တို့က ပါဝင်သရုပ်ဆောင်ထားကြပါတယ်။ ကိုယ်ပိုင်လုံခြုံရေး အထူးတပ်ဖွဲ့ဝင်ဟောင်းတစ်ဦးဖြစ်တဲ့ Cole Reed ဟာ သူ့ရဲ့ ဘီလျံနာ သူဌေးဖြစ်သူ အသတ်ခံရမှုမှာ မတရား လူသတ်သမားအဖြစ် အမှုဆင် စွပ်စွဲခံလိုက်ရရာကနေ ဇာတ်လမ်းစတာပါ။ ဥပဒေစိုးမိုးရေး အဖွဲ့အစည်းတွေရော၊ သူ့ကို နှုတ်ပိတ်ချင်နေတဲ့ လျှို့ဝှက်လက်နက်ကိုင် အဖွဲ့တွေရဲ့ အသည်းအသန် လိုက်လံဖမ်းဆီး သတ်ဖြတ်ခြင်းကို ခံရချိန်မှာ Cole ဟာ ထွက်ပြေးတိမ်းရှောင်ရင်း သူ့ရဲ့ နာမည်ကို ပြန်ဆယ်ဖို့ ကြိုးစားရပါတော့တယ်။ အဲဒီနောက်မှာတော့ သူဌေးဖြစ်သူ အသတ်ခံရမှုရဲ့ နောက်ကွယ်မှာ နိုင်ငံတကာ အဆင့်ဆင့် ချိတ်ဆက်နေတဲ့ ကြီးမားလှတဲ့ နိုင်ငံရေးနဲ့ စီးပွားရေး လျှို့ဝှက်ကြံစည်မှုကြီး ရှိနေမှန်း သိရှိသွားတဲ့အခါ အမှန်တရားကို ဖော်ထုတ်ပြီး ရန်သူတွေကို တစ်ယောက်ချင်း ပြန်လည်ရင်ဆိုင် ရှင်းထုတ်ရမယ့် အက်ရှင်ပြကွက်ကြမ်းတွေနဲ့ ပြည့်နှက်နေတဲ့ သည်းထိတ်ရင်ဖို ရုပ်ရှင်ကောင်းတစ်ကားပဲ ဖြစ်ပါတယ်။ File Size… (5.73GB)/(1.88GB) / (939MB) Quality… WEB-DL 4K HEVC/ 1080p HEVC / 720p Format…mkv / mp4 Duration…1h 35m Genre …Action , Crime , Thriller Subtitle….Myanmar Subtitle (Hard Sub)

Renegade ဒီစီးရီးကတော့ လောလောလတ်လတ်က‌မှ Disney plus ကနေ ထွက်ရှိထားတဲ့ British သမိုင်းကြောင်းနောက်ခံ Fantasy Adventure type စီးရီးကောင်း‌လေးတစ်ပုဒ်ပါ။ ၁၈ ရာစုရဲ့ Adventure ဝတ္ထုတွေကို Inspiration ယူပြီး ရိုက်ကူးထားတာဖြစ်ပါတယ်။ နယ်လီဂျက်ခ်ဆန်ဆိုတဲ့ကောင်မလေးဟာ စိတ်လိုက်မာန်ပါလုပ်တတ်ပြီး ရဲစွမ်းသတ္တိပြည့်ဝတဲ့သူတစ်ယောက်ဖြစ်တယ်။ စစ်တပ်မှာအမှုထမ်းပြီး အိမ်ပြန်အလာမှာ လူသတ်မှုတစ်ခုမှာ ထောင်ချောက်ဆင်ခံရတဲ့အခါ သူ့ညီမနှစ်ယောက်နဲ့အတူ ရွာကနေထွက်ပြေးလာရပြီး ၁၈ ရာစု အင်္ဂလန်မှာ နာမည်ဆိုးနဲ့ကျော်ကြားတဲ့ တောပုန်းဝရမ်းပြေးတစ်ယောက်ဖြစ်လာပါတယ်။ ဒါပေမဲ့ သူ့ကို ဘီလီဘလိုင်းလို့ခေါ်တဲ့ မှော်ဝင်သတ္တဝါလေးတစ်ကောင်က သူ့ကိုကာကွယ်ပေးနေတဲ့အခါ စွမ်းအားတွေပေးနေတဲ့အခါ သူ့ရဲ့ဘဝက သူထင်ထားတာထက် ပိုပြီးကြီးမားနေတယ်ဆိုတာ နားလည်လာဝောာ့တယ်။ ဒီစီးရီးက Rating ကောင်းကောင်းရထားပြီး စွန့်စားခန်းတွေ တိုက်ခိုက်ခန်းတွေနဲ့ ကြည့်ရတာမပျင်းမယ့် စီးရီးတစ်ခုပါ။ ၁၈ ရာစုခေတ် အ‌ခြေအနေတွေ အပြင်အဆင်တွေနဲ့ ဇာတ်အိမ်ဖန်တီးထားပြီး ဇာတ်လမ်းအသွားအလာ storyline က တမူထူးခြားပြီး စိတ်ဝင်စားစရာကောင်းတယ်။ ကြည့်တဲ့သူကို ဆွဲဆောင်နိုင်တယ်၊ ဖမ်းစားမှုရှိတယ်။ စိတ်ကူးယဉ်စွန့်စားခန်းဇာတ်လမ်းမျိုးတွေကြိုက်တဲ့သူတွေအတွက်ကတော့ ဒီစီးရီးက လုံးဝလက်လွှတ်မခံသင့်တဲ့ရွှေပါပဲ။

The Undeclared War (2022) Season 02 (Complete) IMDb Rating (7.0) / Rotten Tomatoes (68%) Peacock TVက​ ထုတ်လွှင့်ထားတဲ့ British thrillerစီးရီး​ကောင်းတစ်ခုကို တင်ဆက်​ပေးလိုက်ပါတယ်။ Miniseriesဖြစ်ပြီး Epiက ၆ပိုင်းပဲ ပါဝင်ကာ IMDb 6.6နဲ့ RT 70% ရရှိထားပါတယ်။ ၂၀၂၄ခုနှစ် ဗြိတိန်အ​ထွေ​ထွေ​ရွေး​ကောက်ပွဲကာလကို ဇာတ်အိမ်တည်ထားပြီးအင်အားကြီးနိုင်ငံ​တွေကြားက cold war ပုံစံလို့ ​ပြောနိုင်တဲ့ Cyber warအ​ကြောင်းကို thrillerဆန်ဆန် ကြည့်ရှု ခံစားရမှာပါ။ Cyber ​​လောကနဲ့ သူတို့​ရဲ့ လုပ်ငန်း​ဆောင်ရွက်ပုံ၊ Malwareတိုက်ခိုက်မှုအမျိုးမျိုးနဲ့ ဟက်ခ်ကာ​တွေရဲ့အားပြိုင်မှု​၊ နိုင်ငံခေါင်း​ဆောင်​တွေရဲ့ အားပြိုင်မှု​နဲ့အတူ ဇာတ်အစအဆုံးကို ​လိုတိုရှင်း ခပ်သွက်သွက် ကြည့်ရမှာပါ။ ITပိုင်းနဲ့ hackingပိုင်း​တွေကို စိတ်ဝင်စားသူ​တွေ အကြိုက်​တွေ့မှာ ​​သေချာပါတယ်။ ဆာရာပါဗင်က ယူ​ကေက အစိုးရဆက်သွယ်​ရေးဌာနချုပ်(GCHQ)ကို ထူးချွန်အဆင့်နဲ့ရောက်လာတဲ့ အလုပ်သင်​ကျောင်းသူတစ်ဦးပါ။ ​​ရောက်​​ရောက်ချင်း ​ဆောက်နဲ့ထွင်းဆိုသလို အလုပ်ဆင်းတဲ့​နေ့မှာပဲယူ​ကေရဲ့ဆက်သွယ်​ရေးစနစ်တစ်ခုလုံးနီးပါးကို ပြတ်ကျသွား​​စေတဲ့ Malwareတိုက်ခိုက်မှုကြီး ဖြစ်ခဲ့ပါတယ်။ အာဏာပိုင်​တွေနဲ့GCHQအရာရှိ​တွေက ရုရှားအစိုးရရဲ့တရားမဝင်အဖွဲ့အစည်းက တိုက်ခိုက်ခဲ့တာလို့ တရား​သေယူဆပြီးတန်ပြန် Cyberတိုက်ခိုက်မှု​တွေလုပ်ဖို့ ပြင်ဆင်ကြပါ​တော့တယ်။ ဒါ​ပေမဲ့ အဆိုပါMalwareဟာ သာမန်လို တစ်ဆင့်ပဲ တိုက်ခိုက်တာမျိုးမဟုတ်ဘဲလျှို့ဝှက်ကုတ်တွေနဲ့၂ဆင့် ၃ဆင့်ထိ တိုက်ခိုက်မယ့်malwareဖြစ်​နေတာပါ။ ဒီလျှို့ဝှက်ချက်ကို သိခဲ့သူက အလုပ်သင်​လေး ဆာရာပါဗင် ဖြစ်​နေခဲ့တာပါ။ ပထမအဆင့်တိုက်ခိုက်မှုမှာပဲ အ​တော်​လေးအထိနာသွားတဲ့ ယူ​ကေ အ​နေနဲ့ Cyber Warကိုဆင်နွှဲပြီးသူတပြန်ကိုယ်တပြန် တိုက်ခိုက်ဖို့ ဆုံးဖြတ်ပြီး cyber attack နည်းပေါင်းစုံကို စတင်သုံးလာခဲ့သလိုဆာရာတို့ရဲ့ GCHQဘက်က​လည်း တစ်ဖက်က တိုက်ခိုက်မှု​တွေကို ကာကွယ်ဖို့ ကြိုးစားရပါ​တော့တယ်။ ယူ​ကေကို တိုက်ခိုက်ခဲ့တဲ့သူက တကယ်ပဲရုရှား​တွေဖြစ်​နေမလား၊ ဘယ်လျှို့ဝှက်အဖွဲ့အစည်း​တွေရဲ့ လက်ချက်ဖြစ်​နေမလဲ။ ဆာရာတို့က​​ရော တရားခံအစစ်ကို ​ရှာ​တွေ့သွားမလားဆိုတာ သည်းထိပ်ရင်ဖို ​စောင့်ကြည့်ရမှာပါ။ အညွှန်း နဲ့ ဘာသာပြန်ကတော့ JimX ပဲ ဖြစ်ပါတယ်။ Genre..... War & Politics, Drama, Sci-fi & Fantasy Quality…. 1080p | 720p | 480p File size… 700MB, 350MB Format… mp4 Duration…. 50min Subtitle…. Myanmar Subtitle (Hardsub) Translator ..... JimX Encoder ..... August

~ IMDb - 6.3/10, Rotten Tomatoes - 62% ~ 1500 ပြည့်နှစ်တွေက စကော့တလန်ဘုရင်မ မယ်ရီနဲ့ အင်္ဂလန်ဘုရင်မ အယ်လိဇဘက်တို့အကြောင်းကို ပြန်လည်ပုံဖော်ထားတဲ့ သမိုင်းကားကောင်းတစ်ကားပေါ့။ တိုင်းပြည်နှစ်ခုရဲ့ ကိုးကွယ်တဲ့ဘာသာ အယူအဆတွေ နိုင်ငံရေးရပ်တည်ချက်တွေ ကွဲပြားပုံနဲ့ နှစ်ဖက်ကောင်စီ၀င်၀န်ကြီးတွေရဲ့ နိုင်ငံရေးအရှုပ်အထွေးတွေကြားက ၀မ်းကွဲတော်စပ်တဲ့ ဘုရင်မ၂ဦးအကြောင်းကို ရိုက်ထားတာပါ။ မယ်ရီက ကက်သလစ်ကိုးကွယ်သူဖြစ်ပြီး အယ်လိဇဘက်က ရိုမန်ကက်သလစ်ကိုးကွယ်သူဖြစ်ပါတယ်။ အဲဒီတုန်းက ဘာသာရေးကွဲလွဲချက်တွေပြင်းထန်တဲ့အတွက် ၂နိုင်ငံအမြင်မတူဘဲ စစ်ဖြစ်နိုင်တဲ့အခြေအနေပါ။ ဒါကို မယ်ရီက ၀မ်းကွဲအမ အယ်လိဇဘက်ဆီကနေ ဆက်ခံသူအဖြစ်တောင်းဆိုတဲ့အခါ ဒီအချက်က နိုင်ငံ၂ခုကြားက တင်းမာတဲ့အခြေအနေကို ပိုလှုံ့ဆော်လိုက်တာပါ။ မယ်ရီက အသက်၁၅နှစ်မှာ ပြင်သစ်သားနဲ့ အိမ်ထောင်ကျခဲ့ပြီး မုဆိုးမအဖြစ်နဲ့ စကော့တလန်ကိုပြန်လာတာပါ။ အယ်လိဇဘက်က အိမ်ထောင်မရှိ ဆက်ခံသူမရှိတဲ့အတွက် မယ်ရီရဲ့ဖြစ်တည်မှုက အယ်လိဇဘက်ရဲ့အာဏာနဲ့ ထီးနန်းကို ခြိမ်းခြောက်နေခဲ့ပါတယ်။ သံတမန်တွေနဲ့ တွေ့ဆုံပြီး မယ်ရီကို သူတို့ကြိုးကိုင်လို့ရမယ့် အင်္ဂလိပ်လူမျိုးမင်းမျိုးနွယ်နဲ့ လက်ဆက်ပေးဖို့ စီစဉ်ပါတယ်။ မယ်ရီကလည်း သူ့တွက်ကိန်းနဲ့သူ လက်ခံခဲ့ပါတယ်။ မယ်ရီဘုရင်မဖြစ်တာကို ရိုမန်ကက်သလစ်တွေက မုန်းတီးပြီး သွေးထိုးလှုံ့ဆော်ကြပါတယ်။ ပြည်သူတွေကြားမှာ သူက အိမ်ထောင်ရေးဖောက်ပြန်တဲ့ ပြည့်တန်ဆာသာသာပဲ ရှိပါတယ်။ မယ်ရီနဲ့ လက်ထပ်ရသူက သခင်ဒန်လီဖြစ်ပြီး မယ်ရီအတွက် မျိုးဆက်ဆောင်ယူပေးဖို့နဲ့ ဘုရင်ရာထူးမယူပါဘူးဆိုပြီး ကတိပေးထားပါတယ်။ ဒန်လီကိုလည်း ယောကျာ်းချင်းစိတ်၀င်စားသူအနေနဲ့ ထည့်သွင်းထားပါတယ်။ ဒါပေမဲ့ ဒန်လီလည်း သက်ဆိုးမရှည်လှပါဘူး။ ကောင်စီ၀င်တွေရဲ့ နိုင်ငံရေးလှည့်ကွက်ကြားမှာ လုပ်ကြံခံလိုက်ရပါတယ်။ မယ်ရီက သူမသားတော်ရဲ့ ကံကြမ္မာအတွက်ထီးနန်းစွန့်ခဲ့ရပြီး နောက်ဆုံးမှာ အသက်ပါစွန့်ခဲ့ရတဲ့ထိ ပေးဆပ်ခဲ့ရတာကို သံဝေဂရဖွယ် ရှုစားရမှာပါ။ ဒီရုပ်ရှင်ကို ပြဇာတ်ဒါရိုက်တာတစ်ဦးဖြစ်တဲ့ Josie Rourke က ရိုက်ထားပြီး ထိတ်ထိတ်ကြဲ မင်းသမီး ၂ယောက်က မယ်ရီနဲ့ အယ်လီဇဘက် ဘုရင်မနှစ်ပါးအဖြစ် အပြိုင်သရုပ်ဆောင်ထားသေးပါတယ်။ အဲဒီ၂ယောက်ကတော့ ရုပ်ရှင်ပရိသတ်တွေအားလုံးချစ်ကြတဲ့ Saoirse Ronan နဲ့ Margot Robbie ပါပဲ။ Tag Line ကိုက Bow To No One ဆိုတော့ သူတို့၂ယောက် အားပြိုင်တာကို ကောင်းကောင်းကြီးမြင်ကြရမှာပါ။ အော်စကာဆန်ခါတင်လည်း ၂ဆုဝင်ထားပါသေးတယ်။ အဆစ်အနေနဲ့ Guy Pearce နဲ့ Gemma Chan ပါ ပါထားပါသေးတယ်။ John Guy ရဲ့ Queen of Scots: The True Life of Mary Stuart ဆိုတဲ့ နာမည်ကြီးစာအုပ်ကို ပြန်ရိုက်ထားတာဆိုတော့ ‌အင်္ဂလန်နန်းတွင်းကားတွေ အလယ်ခေတ်ကားတွေကြိုက်တဲ့လူတွေအတွက် သရုပ်ဆောင်ရော ဇာတ်လမ်းရော ဘာမှမပြောစရာမရှိအောင် ကြည့်ကောင်းမယ့်ဇာတ်ကားပါပဲ။ (ဒီဇာတ်ကားနဲ့အညွှန်းကို Shune Lai KK မှ ပြန်ဆို ရေးသားထားပါတယ်) Size - 1.95GB, 670MB Quality - 1080p, 720p IMDb Rating - 6.3/10 Format - mp4 Duration - 2H 4Min Genre - Biography, Drama, History Subtitle - Myanmar Subtitle (Hardsub) Translated by Shune Lai KK Encoded by Y

Emily ဟာ ကလေးတွေကို ကူညီပေးတဲ့အဖွဲ့တစ်ခုမှာ အလုပ်လုပ်ပါတယ်။ ကလေးတွေ မိသားစုထဲမှာ ကောင်းကောင်းနေရရဲ့လား၊ မိဘတွေက ကောင်းကောင်းဆက်ဆံရဲ့လားဆိုတာ စစ်ဆေးပေးရတဲ့ သူ့အလုပ်မှာ ၃၉ ယောက်မြောက်အဖြစ် ပါလာသူက အသက် ၁၀ နှစ်အရွယ် Lily ပါ။ Lily ရဲ့မိဘတွေက သမီးကို သတ်ဖို့ကြိုးစားနေတာ သိလိုက်ရတဲ့အခါ Emily က ကယ်တင်ပေးခဲ့တယ်။ မိဘတွေ ထောင်ကျသွားတော့ Lily လည်း Emily ဆီမှာ လိုက်နေဖြစ်ပါတယ်။ အစပိုင်းမှာ အရာရာအဆင်ပြေနေပေမယ့် တဖြည်းဖြည်းနဲ့ Lily ရဲ့ပတ်ဝန်းကျင်မှာ ထူးဆန်းတဲ့အဖြစ်တွေ ပေါ်လာတော့တယ်။ ကိုယ်ကယ်တင်ပြီး ခေါ်ထားတဲ့ကလေးအနားမှာ ဒီလိုတွေ ဖြစ်လာတဲ့အခါ Emily ဘယ်လိုလုပ်မလဲဆိုတာကို ဆက်ပြထားတဲ့ ထိတ်လန့်သည်းဖိုဇာတ်ကားဖြစ်ပြီး Bradley Cooper နဲ့ Renée Zellweger တို့ ပါဝင်သရုပ်ဆောင်ထားပါတယ်။

Doomsday (2008) IMDb Rating (5.9) / Rotten Tomatoes (50%) အကောင်းအဆိုးဒွန်တွဲမှုတွေရှိနေပေမယ့် Action/Sci-Fi တွေထဲတော့ ဒီရုပ်ရှင်ကားက မှတ်မိစရာဇာတ်ကားတစ်ကားပါပဲ။ Mad max တို့၊ Escape from New York နဲ့ 28 days later တို့လို ဂန္ထဝင်ဇာတ်ကားကြီးတွေကို မှီငြမ်းအတုယူ၊ အနာဂတ်စစ်သားနဲ့ အလယ်ခေတ် မြင်းစီးချပ်ဝတ်စ်သည်တော်နဲ့ ယှဉ်ပြိုင်တယ်ဆိုတဲ့ စိတ်ကူးကို တစ်စိတ်တစ်ပိုင်း အကောင်အထည်ဖော်၊ ဒါရိုက်တာကြီးကို သူ့ရဲ့အရင် ဇာတ်ကားနှစ်ကားမှာရခဲ့တဲ့ ရုပ်ရှင်ရိုက်ကူးရေးဘက်ဂျက်တွေရဲ့ သုံးဆအထိ ထုတ်ပေးပြီး အားပါးတရ ရိုက်ကူးခိုင်းလိုက်တဲ့အခါ rating တွေထိုးကျ၊ ခရမ်းချဉ်သီးပုပ်တွေ ဟိုတစ ဒီတစနဲ့ ရုံတင်ဝင်ငွေ အရှုံးပေါ်သွားတဲ့ Hollywood Bomb သောက်တလွဲကားကြီး ဖြစ်လာပါတော့တယ်။ စိတ်မပျက်ပါနဲ့ လူကြီးမင်း။ ဘာမှ မခိုင်မာ၊ ယုတ္တိမရှိတဲ့ဇာတ်အိမ်၊ မခိုင်မာ မပြောင်မြောက်တဲ့ ဇာတ်ကောင်စရိုက် ဖော်ကျူးမှု၊ ဟိုမရောက် ဒီမရောက်၊ ဘာကိုကြည့်ရမယ်မှန်းမသိတဲ့ တည်းဖြတ်မှု၊ မလိုအပ်ဘဲ သွေးသံရဲရဲလုပ်ပြနေတာတွေကြောင့် ပျစ်ပျစ်နှစ်နှစ် ဝေဖန်ခံရတဲ့ ဇာတ်ကားလည်း ဖြစ်နေပါသေးတယ်။ ချီးကျူးခံရတဲ့ အရာလေးတွေလည်း ရှိပါသေးတယ်။ ဥပမာ သရုပ်ဆောင်ရွေးချယ်ရေးက အံဝင်ခွင်ကျဖြစ်တာ၊ ဇာတ်ကြောင်းကို အစဉ်လိုက် လှလှပပ ပြနိုင်တာ၊ မှီငြမ်းထားတဲ့ ဇာတ်ကားတွေကို လွမ်းမောဖွယ်လုပ်ပြနိုင်တာ ဘာညာတွေမှာလည်း မဆိုးဘူး ဂွတ်တယ် အပြောခံရပါသတဲ့။ ဇာတ်လမ်းအတွက် စိတ်ကူးကတော့ သိပ်ကိုလှပပြီး ဆန်းကြယ်တာကိုတော့ ဝန်ခံရမယ်ဗျ။ လူသတ်ဗိုင်းရက်စ်ရောဂါပိုး ပြန့်ပွားလာတဲ့ကမ္ဘာမှာ survive လုပ်ရတဲ့ survival ဇာတ်ကားဖြစ်ပါတယ်။ ဒါပေမဲ့ ရှေးက နောင်တော်ဇာတ်ကားကြီးတွေမှာ ရောဂါမဖြစ်တဲ့သူက တံတိုင်းတွေနောက်မှာ ပုန်းအောင်းကြရတာပါ။ ဒါပေမဲ့ ဒီဇာတ်ကားမှာတော့ စဖြစ်တဲ့ zero patients တွေကို တံတိုင်းထဲတည့်ပိတ်ပြီး သေပါစေပစ်ထားလိုက်တဲ့ မဟာကရုဏာရှင်တွေအကြောင်းဖြစ်လို့ မတူတဲ့စိတ်ကူးတော့ ဖြစ်နေပါပြီ။ နောက်ပြီး အန္တရာယ်မြေဖြစ်သွားတဲ့ စကော့တလန်မှာ တံတိုင်းခတ်ခံရပြီး အစွန့်ပစ်ခံလိုက်ရတဲ့ ရှင်သန်ကျန်ရစ်သူတွေမှာ အဖွဲ့နှစ်ဖွဲ့ ကွဲသွားပါတယ်။ မရောက်ဒါး လို့ခေါ်တဲ့ လှည့်လည်ကျက်စား သားရဲများ အဖွဲ့ကတစ်ဖွဲ့။ အလယ်ခေတ် သံချပ်ဝတ်မြင်းစီးစစ်သည်တော်တွေကတစ်ဖွဲ့။ သိပ္ပံခေတ်မှာ လေးမြားဓားလှံတွေနဲ့ လူရာဝင်နေကြသူတွေပေါ့။ တံတိုင်းပြင်ပ ရောဂါမဖြစ်သူတို့မြေမှာ သေမင်းတမန်‌ဗိုင်းရက်စ်က ခေါင်းပြန်ထောင်လာတော့ တံတိုင်းတွင်းက သေရမယ့်လူတွေ မသေတဲ့အဖြစ်ကို သူတို့စိတ်ဝင်စားသွားတယ်။ ‌ဗိုင်းရက်စ်ပေါက်ဖွားဖို့ သိပ်ကောင်းတဲ့ ရေမြေဖြစ်ပြီး ဖင်ချင်းပေါက် ကြပ်ညပ်နေတဲ့ နေရာကျဉ်းကျဉ်း တံတိုင်းထဲမှာ ဒီလူတွေ မသေတာ ကုသနည်းရှိလို့ပဲဆိုပြီး အလန်းစား အမိုက်စား သောက်ကြမ်းကြီး အထူးတပ်ဖွဲ့ဝင် အမျိုးသမီးကို အဖွဲ့တစ်ဖွဲ့ဦးဆောင်စေပြီး တံတိုင်းထဲကို လွှတ်လိုက်တာက ဇာတ်လမ်းစပါတယ်။ ဒီတော့ တံတိုင်းပြင်ပက သူတို့ကိုသေပါစေ ပစ်ထားခဲ့သူတွေအပေါ် တံတိုင်းတွင်းကလူတွေ ဘယ်လိုသဘောထားမလဲ စိတ်ကူးကြည့်ပေါ့။ ဒီလက်တစ်ဆုပ်စာအဖွဲ့လေးက ရှင်သန်သူ နှစ်ဖွဲ့ကြားမှာ သွေးသံရဲရဲသေကုန်တာကလည်း ‌ကြည့်လို့ကောင်းတဲ့ဇာတ်ကွက်တွေပါပဲ။ စားစရာ ရိက္ခာပြတ်လို့ လူသားအချင်းချင်း ပြန်စားနေရပါတယ်ဆိုတဲ့ တံတိုင်းအတွင်းမှာ နွားမအုပ်ကြီးကြားက မင်းသမီးတို့အဖွဲ့ ဖြတ်လာတဲ့အခန်းကိုကြည့်ရတော့ ကိုယ်ပဲဉာဏ်မမီတာလား မပြောတတ်တော့ဘူး။ ရှင်သန်သူတွေက အမဲသားမစားကြတဲ့သူတွေမလို့ဖြစ်မှာပါလေ။ လျှပ်စစ်စွမ်းအင် မရှိတော့လို့ အလယ်ခေတ် မြင်းစီးစစ်သည်တိုင်းပြည်ထူထောင်ကြသူတွေနားက စစ်စခန်းတစ်ခုမှာ အရံမီးစက်တွေ၊ လောင်စာတွေအပြည့်ရှိနေတာ။ သေတ္တာကြီးထဲက ကားအကောင်းစားတစ်စင်းထုတ်ယူလာပြီး ဆီအပြည့်ထည့် မောင်းထွက်သွားတဲ့ မင်းသမီးတို့အဖွဲ့ကိုတွေ့ရတော့ ဟိုရှင်သန်သူအဖွဲ့က လိုအပ်ရင်သုံးမလို့ ဥထားတာပါလို့ပဲ တွေးမိပါတယ်။ ဒါပေမဲ့ နှစ်အစိတ်လောက်သက်တမ်းရှိတဲ့ဓာတ်ဆီက ကားထဲထည့်မောင်းလို့ရသေးတယ်ဗျ။ တော်တော်ကောင်းတဲ့ ဓာတ်ဆီတွေပါဗျာ။ အင်္ဂလန်ထုတ် ဖြစ်နေလို့နဲ့တူပါရဲ့။ ဒါပေမဲ့ ဒီအချက်တွေကို ဇာတ်ကားကို ဇာတ်ကားလိုပဲကြည့်ဟဲ့ဆိုပြီး သည်းခံလိုက်ရင်တော့ CGI အမိုက်စား၊ သရုပ်ဆောင်ကောင်းကောင်း၊ အရင်က ဂန္တဝင်ဇာတ်ကားကြီးတွေရဲ့ အငွေ့အသက်တွေ၊ အလန်းစား ဖိုက်တင်ကတ်တွေနဲ့ ရင်ကိုထိတဲ့ဇာတ်ကားဖြစ်ပါကြောင်း။ (ရုပ်ရှင်အညွှန်းနဲ့ဘာသာပြန်ကို Arr Khun Winchester မှ တင်ဆက်ထားပါတယ်။) File size - (3.1 GB)/(1.5 GB) Quality - BluRay HEVC 1080p / 720p Format - mkv / mp4 Duration - 01:53:43 Subtitle - Myanmar Subtitle (Hardsub) Encoder - Benjamin Translated by Arr Khun Winchester

"Dream will come true အိပ်မက်တွေ အကောင်အထည်ပေါ်လာမှာပါ " လူမျိုးမတူ လာခဲ့နေရာမတူတဲ့ မိဘမဲ့မွေးကင်းစ ကလေးမလေး သုံးယောက်ကို Sylviaရဲ့ဦးလေးဖြစ်သူက Sylvia ဆီကို ခေါ်လာပါတယ် Sylvia ကိုယ်တိုင်ကလည်း မိဘမဲ့တစ်ယောက်ပါ တစ်ချိန်လုံးခရီးထွက်နေတက်တဲ့ ကျောက်ဖြစ်ရုပ်ကြွင်း ပညာရှင်ဦးလေးဖြစ်သူရဲ့ အိမ်ကြီးမှာ ကလေးထိန်းNana နဲ့အတူ နေရတာပါ သူမလည်း သူမ ဦးလေးလိုမျိုး ကျောက်ဖြစ်ရုပ်ကြွင်းဗေဒနဲ့ ဘွဲ့ရခဲ့ပေမယ့် ကလေးတွေကြောင့် ရည်မှန်းချက်တွေကို စွန့်လွှတ်ထားရပါတယ် အငယ်ဆုံးကလေးPosy Fossil လေးကို ဘဲလေးဖိနပ်တစ်ရံနဲ့အတူ ပါဆယ်နဲ့ထည့်ပေးလိုက်တဲ့ အချိန်ကတည်းကနေ ဦးလေးပြန်မလာတာ ၁၂နှစ်ရှိပြီ ဘဏ်မှာ ဦးလေးထားခဲ့ပေးတဲ့ ၅နှစ်စာငွေကလည်း ကုန်ပြီ အိမ်မှာ အဆောင်ငှားထားပေမယ့် အိမ်အိုကြီးကို ပြင်ရတဲ့ စရိတ်က မကာမိဘူး ကလေးတွေကလည်း ရည်မှန်းချက်တွေကိုယ်စီနဲ့ အရွယ်ရောက်လာခဲ့တယ် Sylvia က ကလေးတွေနဲ့ ဝင်ငွေတွက် ကျောင်းတက်ရင်း ဝင်ငွေရမယ့် အနုပညာ ကျောင်းကို ညီအစ်မတွေကို ပို့လိုက်ပါတယ် သူတို့လေးတွေရဲ့ ရည်မှန်းချက်တွေက မြင့်မားလွန်းတာမို့ ရည်မှန်းချက်တွေ အကောင်အထည်ဖော်ပေးဖို့ Sylvia တစ်ယောက် ဦးနှောက်စားရပါတော့တယ် ငွေရေးကြေးရေး အခက်အခဲတွေရယ် ကြီးမားတဲ့ အိပ်မက်တွေရယ် မိသားစုချစ်မေတ္တာတွေရယ်ကို အေးချမ်းစွာကြည့်ရှုရမယ့် မိသားစုဇာတ်လမ်းကောင်းလေးဖြစ်ပါတယ် ။ "အိပ်မက်တွေကို ဘယ်အရာကမှ မတားဆီးနိုင်ဘူး ပါရမီနဲ့ စိတ်အားထက်သန်ဖို့ပဲလိုတာ " ( အညွှန်းရေးသားထားသူကတော့ Oleander ပါ ) File Size__1.5 GB, 800 MB Quality__1080p, 720p IMDb Rating__6.6/10 Format__mp4 Duration__01:30:00 Type__Drama , Family Subtitle__Myanmar Subtitle (Hardsub) Translated by Oleander Encoded by Naing Aung Latt

IMDb rating 6.5/10 ရရှိထားပြီး 2004 ခုနှစ်က ထွက်ရှိခဲ့တဲ့ ဇာတ်ကားကောင်းလေးတစ်ကားကိုတင်ပေးလိုက်ပါတယ်။ အာတိတ်ဒေသမှာသုတေသနလုပ်နေတဲ့ ပါမောက္ခ ဂျက်(ခ်)ဟော(လ်) နဲ့အဖွဲ့ဟာ ရာသီဥတု ဖောက်ပြန်ပျက်စီး မှု တစ်ခုကို အမှတ်မထင် ကြုံတွေ့ခဲ့ရတယ်။ ဒါကို နယူးဒေလီ မှာပြုလုပ်တဲ့ ကမ္ဘာကြီး ပူနွေးလာမှုနဲ့ ပတ်သက်တဲ့ နှီးနှော ဖလှယ်ပွဲတစ်ခုမှာ ဂျက်(ခ်) ကိုယ်တိုင်ပြောပြခဲ့ပေမဲ့ ဘယ်သူကမှ အလေးမထားခဲ့ကြပါဘူး။ နောက်ပိုင်းမှာ ရေကြောင်းပြ ဗော်ရာ တွေမှာ အပူချိန်ကျဆင်းလာတာကြောင့် ပါမောက္ခ ရပ်ဆန် လည်း သတိထားမိခဲ့ပြီး ဂျက်(ခ်) နဲ့အတူ ပူးပေါင်းလုပ်ဆောင်ခဲ့ကြပါတယ်။ ရာသီဥတု ဖောက်ပြန်ပျက်စီးမှုက တစတစ ပိုမိုဆိုးရွားလာခဲ့ပေမဲ့ ဂျက်(ခ်) ရဲ့ သတိပေးမှုတွေကို တာဝန်ရှိသူတွေက လျစ်လျူရှုခဲ့ကြပါတယ်။ နောက်ဆုံးမှာတော့ မြောက်ကမ္ဘာခြမ်းတစ်ခုလုံးကို ရေခဲအတိ ဖုံးလွှမ်းသွားစေခဲ့တဲ့ တစ်ခါမှ မကြုံခဲ့ဖူးတဲ့ ကုန်းတွင်းပိုင်း ဟာရီကိန်း မုန်တိုင်းဒဏ်ကို ပြည်သူတွေအလူးအလဲ ခံစားခဲ့ပါတယ်။ အခက်အခဲ အမျိုးမျိုးရှိနေတဲ့ကြားထဲမှ ဂျက်(ခ်) တစ်ယောက် နယူး ယောက်(ခ်) မှာ ရှိနေတဲ့ သူ့ရဲ့သားကို ကယ်တင်ဖို့ ကြိုးစားခဲ့ပုံသူတတ်စွမ်းသမျှ ပြည်သူတွေကို ကယ်တင်ပေးခဲ့ပုံတွေကိုရှုစားကြရမှာဖြစ်ပါတယ်။ (ဇာတ်လမ်းအညွှန်းရေးသားပေးသူကတော့ Carey Nyein ပဲဖြစ်ပါတယ်။) File size…(5.5 GB)/(2 GB)/(1 GB) Quality….Blu-Ray/BrRip 4K HEVC/1080p / 720p Format… mp4 Duration…. 02:04:00 Genre... Disaster, Survival, Action, Adventure, Sci-Fi, Thrilller Subtitle….Myanmar Subtitle (Hardsub) Encoder….Garfield Translated by Myo Min Aung (MMA)

Primary Colors (1998) ~ IMDb - 6.7/10, Rotten Tomatoes - 80% ~ 70s, 80s ခုနှစ်ပိုင်းက Icon တစ်ယောက်ဖြစ်တဲ့ ဂျွန်ထရာဗိုတာအပြင် Emma Thompson နဲ့ Kathy Bates တို့လို ဝါရင့်သမ္ဘာရင့်မင်းသမီးကြီးတွေလည်း ပါ၀င်ထားပြီး အော်စကာဆုအတွက်ပါ ဆန်ခါတင် ဆုနှစ်ခု၀င်ခဲ့တဲ့ ၁၉၉၈ ခုနှစ်ထွက် Comedy, Drama အမျိုးအစား အဟောင်းအကောင်းဇာတ်ကားတစ်ကားပါ။ အမေရိကန်နိုင်ငံရဲ့ သမ္မတရွေးကောက်ပွဲအကြောင်းနဲ့ မဲဆွယ်ပုံတွေအကြောင်းကို အသားပေးပြီး ရိုက်ကူးထားတာပါ။ 1996 မှာထွက်ခဲ့တဲ့ အမည်မသိဆောင်းပါးရှင်ရဲ့ နိုင်ငံရေး၀တ္ထုဖြစ်တဲ့ "Primary Colours: A Novel of Politics" ကို ပြန်ရိုက်ထားတာဖြစ်ပြီး အဲဒီ၀တ္ထုကလည်း အမေရိကန်သမ္မတဟောင်း ဘီလ်ကလင်တန်ရဲ့ ၁၉၉၂ ခုနှစ် ရွေးကောက်ပွဲမဲဆွယ်မှုအကြောင်းရေးသားထားတယ်လို့ဆိုကြပါတယ်။ ဇာတ်ကားထဲမှာတော့ ရွေးကောက်ခံအမတ်လောင်းတွေကြားက ညစ်ပတ်တဲ့ကစားကွက်တွေ၊ အချင်းချင်းချောက်ချတာတွေ ပါဝင်ပြီး နိုင်ငံရေးဆိုတာ ဒီလိုပါလားဆိုတာသဘောပေါက်စေမယ့်၊ မဲပေးသူတွေကို မျက်စိပွင့်နားပွင့်ဖြစ်စေမယ့် ဇာတ်ကားကောင်းပါပဲ။ ၁၉၉၈ ခုနှစ်ကကားဖြစ်ပေမဲ့ အခုထိကိုခေတ်မီနေဆဲကားဖြစ်တယ်လို့ပြောလို့ရတဲ့ ကားကောင်းလေးမလို့ ကြည့်ရှုခံစားလိုက်ကြပါဦး။ (ဒီဇာတ်ကားနဲ့အညွှန်းကို Soe Thiri Swe မှ ပြန်ဆို ရေးသားထားပါတယ်) Size - 2.45GB, 1.05GB Quality - 1080p, 720p IMDb Rating - 6.7/10 Format - mp4 Duration - 2H 23Min Genre - Comedy, Drama Subtitle - Myanmar Subtitle (Hardsub) Translated by Soe Thiri Swe Encoded by Y