Al Mulock ပါဝင်သော ဇာတ်ကားများ

Once Upon a Time in the West ဟာ ပဟေဠိဆန်တဲ့ ကောင်းဘွိုင်သေနတ်သမားတစ်ယောက်ကို အဓိကထားပြီး Sergio Leone ရိုက်ကူးထားတဲ့ Western ဇာတ်ကားပါ။ Henry Fonda၊ Charles Bronson နဲ့ Claudia Cardinale တို့ ပါဝင်သရုပ်ဆောင်ထားပြီး Henry Fonda ကိုတော့ ဗီလိန်နေရာမှာ တွေ့ရမှာဖြစ်ပါတယ်။ Leone ရဲ့ ရိုက်ကူးဟန်မှာ အနီးကပ်ရိုက်ချက်တွေနဲ့ အချိန်ကြာကြာ ဆက်တိုက်ရိုက်ထားတဲ့ အခန်းတွေကို အသုံးများပါတယ်။ သေနတ်မပစ်ခင် အချိန်ယူပြီး ဇာတ်ကောင်တစ်ယောက်ချင်းစီရဲ့ အနေအထားကို ပြတယ်။ ချွေးစိုနေတဲ့မျက်နှာတွေ၊ မမှိတ်မသုန် စိုက်ကြည့်နေတဲ့ မျက်လုံးတွေကို အနီးကပ်ပြရင်း ဘာဆက်ဖြစ်လာမလဲဆိုတဲ့ ခံစားချက်ကို တည်ဆောက်ထားတာပါ။ ဒီကားမှာလည်း အဲဒီလို အသေးစိတ်ပုံဖော်တဲ့ ရိုက်ကူးဟန်ကို တွေ့ရပါတယ်။ Leone ရဲ့လက်ရာတွေထဲမှာ Dollars Trilogy နဲ့ Once Upon a Time in America တို့လည်း ပါဝင်ပါတယ်။ Once Upon a Time in America၊ Once Upon a Time in the West နဲ့ Duck, You Sucker! တို့ကို Once Upon a Time Trilogy လို့ စုစည်းခေါ်ဝေါ်ကြပါတယ်။ အဲဒီသုံးကားနဲ့ Dollars သုံးကားထဲမှာ Once Upon a Time in America ကလွဲရင် ကျန်ငါးကားဟာ Spaghetti Western တွေပါ။ အကြမ်းဖျင်းပြောရရင် အီတလီရုပ်ရှင်သမားတွေ ရိုက်ကူးတဲ့ Western ကားတွေကို ဝေဖန်ရေးသမားတွေက အဲဒီလို နာမည်ပေးထားကြတာဖြစ်ပါတယ်။ ရုပ်ရှင်ထဲက Once Upon a Time in the West အမည်ရ တေးသွားကိုတော့ Ennio Morricone က ရေးစပ်ထားပါတယ်။

The Good, the Bad and the Ugly (1966) IMDb - 8.8/10 Rotten - 97% "The Good, the Bad and the Ugly" ဆိုရင် မကြည့်ဖူးရင်နေမည် မကြားဖူးသူရှိမည်မထင်။ ဇာတ်ကားစစချင်း မိတ်ဆက်ပေးလိုက်တာကတော့... The Good - ပိုက်ဆံများများရဖို့ ကြိုးစားနေတဲ့ လက်ဖြောင့်သေနတ်သမား Blondie The Bad - ပိုက်ဆံလက်ခံပြီးရင် ပြီးဆုံးအောင်တာဝန်ယူမယ့် ကြေးစားသူသတ်သမား Angel Eyes The Ugly - Wanted စာရင်းမှာ ပါတဲ့ ဥပဒေပြင်ပက သောက်ကျင့်မကောင်းတဲ့ တစ်ကိုယ်ကောင်းသမား Tuco Blondie နဲ့ Tuco က ဂွင်ဖန်နေကြ ပါတနာတွေ။ Blondie လုပ်ရမှာက Tuco ကိုဖမ်းမယ် ရဲလက်အပ်မယ် ဆုငွေထုတ်မယ် ကြိုးစင်တင်တဲ့အချိန် နောက်ကွယ်ကနေ ကြိုးကို သေနတ်နဲ့ပစ်ပေးမယ် အဆင်သင့်ပြင်ထားတဲ့ မြင်းနဲ့ထွက်ပြေးမယ် ပြီးတော့ ငွေခွဲယူကြမယ် ဒါပဲ။ ဒါပေမယ့် Blondie က Tuco ကိုဘယ်တော့မှ ဆုငွေရဲ့ တစ်ဝက်အပြည့်မပေးဘူး။ ဒီတစ်ခါ Tuco အတင်းတောင်းတာကြောင့် သူ့ကို သဲကန္တာရထဲမှာ ပစ်ထားခဲ့တယ်။ နောက်တစ်ခါမှာ Tuco ဂလဲ့စားချေပြီပေါ့။ Blondie ကိုအကွက်ဆင်ဖမ်းပြီး ကန္တာရထဲ ကြိုးတုပ်ခေါ်လာတဲ့အချိန်မှာ လူသေတွေနဲ့ လှည်းတစ်စီးကိုတွေ့လိုက်ရတယ်။ ဒီထဲမှာ ငွေတွေဘယ်မှာမှန်းသိတဲ့ Bill Carson ဆိုတဲ့ တစ်ယောက်ကတော့ မျောနေတယ်ဗျ။ Tuco ပြေးသွားပြီး ငွေအကြောင်းအတင်းသွားမေးတော့ ဟိုလူက ငွေတွေဝှက်ထားတဲ့ သင်္ချိုင်းနာမည်ဘဲအရင်ပြောပြီး ရေ ရေ လို့ဘဲအော်နေတယ် အုတ်ဂူနာမည်မပြောဘူး။ Tuco ရေပြန်လာယူပြီး လှည်းဆီပြန်အရောက်မှာ Blondie က Bill Carson ကိုရေတိုက်မေးပြီး သတ်လိုက်ပြီပေါ့။ ငွေမြှုပ်ထားတဲ့ အုတ်ဂူသိချင်ရင်တော့ Blondie ကိုသတ်လို့မရတော့ဘူး။ Blondie လဲသင်္ချိုင်းနာမည်သိပေမယ့် အဲဒီသင်္ချိုင်းဘယ်မှန်ရှိမှန်း မသိတော့ Tuco ကိုအသက်ရှင်အောင်ထားမှဘဲ ရမှာပေါ့။ ဒီအချိန်မှာ Angel Eyes ကလဲ Bill Carson နဲ့ပတ်သက်ပြီး ငွေတွေဝှက်ထားတဲ့နေရာ လိုက်စုံစမ်းနေတာမို့ သူတို့နှစ်ယောက်ငွေရှိနေတဲ့နေရာ သိနေမှန်း သိသွားတယ်။ နောက်ဆုံး The Good ရယ် The Bad ရယ် The Ugly ရယ်သုံးယောက်သား ရွှေဒင်္ဂါးနှစ်သိန်း ရဖို့အတွက် သင်္ချိုင်းရောက်လာကြပြီ။ တစ်ယောက်အပေါ်တစ်ယောက် ဒီလောက်ခေါင်းပုံဖြတ် ဖျံကျနေပုံအရတော့ သုံးယောက်စလုံးက တစ်ယောက်နဲ့တစ်ယောက်ယုံလို့ရပါ့မလား... ဒီဇာတ်ကားက ရှည်တာမှန်ပါတယ်။ ဒါပေမယ့် ပျင်းစရာတစ်ကွက်မှ မပါတာကတော့ အာမခံတယ်။ သုံးယောက်စလုံးဟာ စရိုက်တစ်မျိုးစီနဲ့ တစ်လမ်းတည်း အတူသွားနေကြတာမို့ ရှေ့ဆက်ဘာဖြစ်မယ်ဆိုတာ အခန်းတိုင်းက ဆွဲဆောင်နေမှာပါ။ ဇာတ်လမ်းပိုင်း ဓာတ်ပုံပိုင်း သရုပ်ဆောင်ပိုင်း ဇာတ်ဝင်တေးပိုင်းတွေမှာလဲ အပြစ်ပြောစရာမရှိအောင်ကိုကောင်းပါတယ်။ Blondie အဖြစ် Client Eastwood၊ Angel Eyes အဖြစ် Lee Van Cleef နဲ့ Tuco အဖြစ် Eli Wallach တို့ကသရုပ်ဆောင်ထားတာပြီး Western Director Sergio Leone ကရိုက်ထားတာပါ။ စစထွက်ချင်းမှာ ဒီလို အီတလီမှာရိုက်တဲ့ ကောင်းဘွိုင်ကားစတိုင် ဇာတ်ကားတွေက ခေတ်မရှိတာကြောင့် ဝေဖန်ရေးတွေကြားမှာ အကြိုက်မတွေ့ခဲ့ကြပေမယ့် နောက်ပိုင်းနှစ်တွေမှာမှ ဒီဇာတ်ကားကို တအားအကြိုက်တွေ့လာကြတာပါ။ အဲဒါကြောင့် OSCAR မှာလဲ ဆန်ကာတင်တစ်ဆုမှ မပါခဲ့လိုက်ရပါဘူး။ “လောကကြီးမှာ လူနှစ်မျိုးနှစ်စားဘဲ ရှိတယ် သူငယ်ချင်း၊ တစ်ယောက်က..... နဲ့ တစ်ယောက်က.....” ဆိုတဲ့ စကားကို ဒီကားထဲမှာ ခဏခဏကြားရမှာပါ။ ပြောလိုက်ရတယ့် အချိန်မှာတော့ တော်တော် feel ရှိမယ့်စကားပါဘဲ။ ဟာသဆိုပေမယ့် ဝါးလုံးကွဲရီနေရမှာ မဟုတ်ဘဲနဲ့ အထာကျတဲ့ dialogues တွေကြောင့် ပြုံးစိစိဖြစ်နေမှာတော့ အမှန်ပါ။ အကောင်းဆုံး ကောင်းဘွိုင်ကားတွေထဲက တစ်ကားအဖြစ် သတ်မှတ်ခံရုံတင်မက အကောင်းဆုံးဇာတ်ကားတစ်ကား အနေနဲ့ပါ အသတ်မှတ်ခံခဲ့ရတဲ့ ဇာတ်ကားပါ။ မကြည့်သေးဘူးဆိုရင်တော့ ကြည့်လိုက်ဖို့ မမေ့နဲ့နော်။ (ရုပ်ရှင်အညွှန်းကို Movie Movies Facebook Page မှကူးယူဖော်ပြပါသည်။) File size…(1.5 GB) Quality…Blu-Ray Rip 720p Format…mp4 Duration….03:06:00 Subtitle….Myanmar Subtitle (Hardsub) Encoder….Nyeinsaeya Aung Translated by Myo Myint Oo