Alan Napier ပါဝင်သော ဇာတ်ကားများ

2019 မှာ Mary Poppins ပြန်လာမယ်ဆိုပဲ။ Mary Poppins ဆိုတာဘယ်သူလဲ။ နတ်သမီးလေးလား။ ကဝေမလေးလား။ သူက ထူးခြားမှော်ဆန်တဲ့ ကလေးထိန်းမလေးပါ။ Mary Poppins(1964) ကတော့ Comedy, Family, Fantasy ဇာတ်ကားလေးပါ။ Disney ဇာတ်ကားတို့ရဲ့ ထုံးစံအတိုင်း သီချင်းလေးတွေဆို ရယ်စရာလေးတွေပဲပါတယ်ထင်ရင်တော့မှားသွားပါမယ်။ သူပေးချင်တဲ့ ဘဝနဲ့ပတ်သက်တဲ့ Message တွေကလည်း အရမ်းကို ရိုးရှင်းကောင်းမွန်ပါတယ်။ ကလေးတွေအတွက်လည်း အသိတိုးသလို လူကြီးတွေအတွက်လည်း သတိရလာအောင် သတိပေးမယ့် ချစ်စရာ Message လေးတွေကိုမြင်ရမှာပါ။ သီချင်းလေးတွေကလည်း ချစ်စရာပါ။ မိသားစုအတူတူပေါ့ပေါ့ပါးပါးရယ်ရစေမယ့် ဇာတ်ကားလေးတစ်ကားပါ။ ဇာတ်လမ်းအကျဉ်းကတော့ ရှင်းပါတယ်။ မိဘတွေရဲ့ ဂရုစိုက်ခြင်းမခံရဘဲ နာနီတွေနဲ့ပဲ အချိန်ကုန်နေရတဲ့ ကလေးတွေဟာ ကလေးဆိုးလေးတွေလိုဖြစ်လာကြပါတယ်။ ကလေးထိန်းတွေတစ်ယောက်ပြီး တစ်ယောက်ပြောင်းနေရတဲ့အချိန်မှာ Mary Poppins က ကလေးတွေရဲ့ အလုပ်ခေါ်စာကိုတွေ့ပြီး ကလေးထိန်းအလုပ်လုပ်ရင်း သူတို့မိသားစုကြားမှာ နွေးထွေးမှုဆိုတာကို ခံစားမိအောင် ထူးခြားတဲ့နည်းလမ်းတွေနဲ့ ကူညီပေးခဲ့ပြီးတော့ သူနေခဲ့တဲ့နေရာကိုပြန်သွားပါတယ်။ IMDB Rating ကတော့ 7 အထိရထားပေမဲ့ ကောင်းမကောင်းဆိုတာ ကိုယ့်အမြင်နဲ့ဆုံးဖြတ်ကြည့်ကြပါဦး။ File Size : (999 MB) and (450 MB) Quality : Blu-Ray 720p Running Time : 2hr 19min Format : Mp4 Genre : Comedy, Family, Fantasy Subtitle : Myanmar Subtitle (Hard Sub) Source : 1080p.BluRay.X264-AMIABLE

My Fair Lady (1964) Genre: Musical, Romance, Drama  IMDB-  7.7/10  Rotten Tomatoes - 94%    အခုစာဖတ်နေတဲ့သူတွေထဲမှာ English စာကိုလေ့လာနေတာကြာနေပြီဆိုပေမဲ့ တချို့စကားလုံးတွေကို အသံထွက်မှန်မှန်မထွက်နိုင်တဲ့သူတွေရှိလား ။ အခုပြောပြမယ့်ကားလေးက ၁၉၆၅ ခုနှစ် Academy Awards (Oscars) မှာ My Fair Lady ဇာတ်ကားက ဆု ၈ ဆု အောင်ရရှိခဲ့တဲ့ကားလေးဖြစ်ပါတယ်။ လန်ဒန်မြို့မှာ ပန်းရောင်းတဲ့ စကားပြောလေသံမမှန်တဲ့ Eliza Doolittle ဆိုတဲ့ကောင်မလေးရဲ့ ဘဝအကြောင်းကိုရိုက်ပြထားတာ။ သူကလည်း ကျွန်မတို့လိုပဲ စကားပြောတဲ့အချိန်တွေမှာ English Pronunciation အသံမှန်မှန်မထွက်နိုင်တဲ့ကောင်မလေးတစ်‌ယောက်ပေါ့။ ပြောရမယ်ဆိုရင် ဆင်းရဲတဲ့မိသားစုကမို့ ပညာရေးကောင်းကောင်းသင်ကြားမလာခဲ့ရတဲ့သူပေါ့။  စာမတတ်ပေမတတ်လေးတစ်ယောက်မို့ လန်ဒန်မြို့တစ်ခွင် ‌လမ်းမဘေးမှာပန်းလှည့်ရောင်းနေရတဲ့သူ တစ်နေ့ သူ‌ပန်းရောင်းနေတုန်း သူ့အသံထွက်မမှန်တာကိုလိုက်မှတ်နေတဲ့ လူတစ်ယောက်နဲ့တွေ့ခဲ့တယ်။ အဲ့လူကတော့ ဘာသာစကားကျွမ်းကျင်တဲ့ ပါမောက္ခ Henry Higgins ဆိုတဲ့လူပဲ။ သူကအဲမှာ လူတွေရဲ့ စကားပြောလေသံမှန်မမှန်ကိုလိုက်လေ့လာပြီး ဝေဖန်နေတဲ့သူပေါ့ ။ အဲနေ့မှာပဲ Eliza က Colonel Pickering ဆိုတဲ့ အိန္ဒိယဘာသာစကားမှာ‌ ကျွမ်းကျင်တတ်မြောက်တဲ့သူတစ်ယောက်နဲ့တွေ့တယ်။  Higgins က Eliza ကို လေသံမမှန်တော့ အဲတာကြောင့်ဆင်းရဲနေတယ်ဘာညာ နှိမ့်ချဝေဖန်ပြောနေတာ ၊ အဲ့အချိန် Pickering က Eliza ဘက်ကနေ ကူညီပြီးပြန်ပြောပေးခဲ့တာ ။ အဲလိုနဲ့သူတို့သုံးယောက်ဆုံကြတာ နောက်ကျတော့ Higgins က Eliza ကို လေသံမှန်မှန်ထွက်နိုင်ရင် အသံထွက်မှန်ရင် ဘယ်လိုကောင်းတဲ့ဘဝရနိုင်တယ် ၊ အဆင့်ရှိတဲ့မိန်းကလေးတစ်ယောက်ဖြစ်အောင် ပြောင်းလဲနိုင်တယ်ဆိုပြီး ပြောပြတယ် ။ အဲလိုတကယ်ဖြစ်မဖြစ်ကို စမ်းသပ်ဖို့ Higgins နဲ့ Pickering က လောင်းကြေးထပ်ခဲ့ကြတယ်။ အဲအချိန်ကစပြီး Eliza က Higgins အိမ်မှာလိုက်နေရပြီး အဝတ်အစား ဝတ်ပုံ၊ နေပုံ ထိုင်ပုံ ပြောပုံဆိုပုံ၊ အဓိကကတော့ သူရဲ့ အင်္ဂလိပ်စကားပြောစွမ်းရည်တွေတိုးတက်‌အောင်လေ့လာသင်ယူခဲ့ရတယ်။ Eliza ကဆင်းရဲတဲ့သူဆိုပေမဲ့ ဂျစ်ကန်ကန်ကောင်မလေးတစ်ယောက်ဆိုလည်းဟုတ်တယ်။ သူက Higgins သင်ပြပေးတာတွေကိုမနာခံချင်တဲ့အချိန်တွေလည်းရှိပေမဲ့ သူအတတ်နိုင်ဆုံးကြိုးစားလုပ်ခဲ့တယ်။ ‌  Eliza အနေနဲ့ရော ဘယ်လိုစိတ်ခံစားချက်တွေဖြစ်ပေါ်လာနိုင်မလဲ၊ သူရဲ့ရလာတဲ့ ဘဝအသစ်ကိုရောကျေနပ်ပါ့မလား၊ သူရဲ့ အချစ်ပုံပြင်လေးကရော ဘယ်လ်ိုဖြစ်လာမလဲဆိုတာကစိတ်ဝင်စားစရာကောင်းတယ်။ နောက်ပိုင်းမှာတော့  Eliza ကသူတို့လောင်းထားတဲ့အတိုင်း အင်္ဂလိပ်စကားပြောတိုးတက်လာရုံနဲ့ လူဝင်ဆန့်တဲ့သူဖြစ်လာမလား ၊ သူတို့ရဲ့အစီအစဉ်အောင်နိုင်မလားဆိုတာကို စိတ်ဝင်စားဖွယ်ဆက်ပြီးကြည့်ရမှာပါ။ ဒီကားကပေးချင်တဲ့ အဓိကအကြောင်းအရာကတော့ ဘာသာစကားတစ်ခုကို ကျွမ်းကျွမ်းကျင်ကျင်တတ်မြောက်ရင် လူတွေကအထင်ကြီးပြီး နေရာတစ်ခုရနိုင်ကြောင်းကို ဖော်ပြချင်တယ်လို့မြင်မိတယ်။ ဘယ်လိုပဲဖြစ်ဖြစ် ကြည့်ရတာတန်တာမို့ Classic Movie ကြိုက်တဲ့ CM ပရိတ်တွေ‌တော့အကြိုက်တွေ့မယ်လို့ထင်တယ် Eliza Doolittleအဖြစ်  Audrey Hepburnကသရုပ်ဆောင်ထားပြီး Professor Henry Higgins အဖြစ် Rex Harrisonကသရုပ်ဆောင်ထားပါတယ်  ၁၉၆၅ ခုနှစ် Academy Awards (Oscars) မှာ My Fair Lady ဇာတ်ကားက ဆု ၈ ဆုရရှိခဲ့တဲ့ ဆုတွေကိုဖော််ပြပေးလိုက်ပါတယ် 1 . Best Picture Award 2. Best Director (အကောင်းဆုံးဒါရိုက်တာဆု) – George Cukor 3. Best Actor (အကောင်းဆုံးအမျိုးသားသရုပ်ဆောင်ဆု) – Rex Harrison (Professor Higgins အဖြစ်) 4. Best Cinematography award – Harry Stradling 5. Best Art Direction – Color (အနုပညာအပြင်ဆင်အကောင်းဆုံးဆု) 6. Best Costume Design – Color (ဝတ်စုံဒီဇိုင်းအကောင်းဆုံးဆု) – Cecil Beaton 7. Best Sound award 8.Best Score – Adaptation or Treatment (ဂီတဖန်တီးမှုအကောင်းဆုံးဆု) – André Previn ဒီဆုတွေကြောင့် My Fair Lady ဟာ ရုပ်ရှင်သမိုင်းမှာ ထင်ရှားပြီး ထိပ်တန်းဂီတရုပ်ရှင်တစ်ကားအဖြစ် နာမည်ကျော်ခဲ့ပါတယ်။

၁၉၆၄ ခုနှစ်မှာ ထွက်ရှိခဲ့တဲ့ Marnie ရုပ်ရှင်ဇာတ်ကားကြီးမှာဆိုရင် မင်းသမီးကြီး ‘Tippi’ Hedren နဲ့ မင်းသားကြီး Sean Connery တို့က အဓိကပါဝင်သရုပ်ဆောင်ထားပါတယ်။ မာနီက ဆွဲဆောင်မှုရှိတဲ့အပြင်ငယ်ရွယ်တဲ့အမျိုးသမီးလေးဖြစ်ပြီး နာမည်တုတွေအများကြီးနဲ့ ကုမ္ပဏီကြီးတွေမှာ အချိန်တစ်ခုလောက်အထိ အလုပ်လုပ်ကာ အဲ့ဒီအလုပ်မှာရှိတဲ့ ပိုက်ဆံတွေကို ခိုးယူတတ်တဲ့ သူခိုးတစ်ယောက် လူလိမ်တစ်ယောက်ပဲ ဖြစ်ပါတယ်။ တစ်နေ့ သူမအလုပ်သွားလျှောက်တဲ့ ရတ်ထ်လန်ကုမ္ပဏီရဲ့ သူဋ္ဌေး မက်ခ်ရတ်ထ်လန်က သူမကို မျက်စိကျပြီး အလုပ်ခန့်လိုက်ပြီးနောက် သူမရဲ့ လျှို့ဝှက်ချက်ကို သိသွားပြီး သူမကို အကြပ်ကိုင်ကာ သူ့ကို အတင်းအဓမ္မ လက်ထပ်စေပါတော့တယ်။ လက်ထပ်ပြီးသွားမှ သိလိုက်ရတာကတော့ မာနီက သူမကို ဘယ်ယောက်ျားသားကမှ ထိတွေ့တာကို မနှစ်သက်ပါဘူး။ မုန်တိုင်းတွေထန်တဲ့ညတွေမှာဆိုရင်လည်း အရူးတစ်ယောက်လို အော်ဟစ်ငိုကြွေးနေတတ်ပါသေးတယ်။ ညဖက်တိုင်းလိုလို အိပ်မက်ဆိုးတွေ မက်နေတတ်တဲ့ မာနီ၊ မက်ခ်ကို သဘောကျပေမယ့် မက်ခ်ရဲ့ အထိအတွေ့ကို မနှစ်သက်တဲ့ မာနီ သူမဘာကြောင့် ဒီလိုတွေဖြစ်နေရတာလဲ။ မာနီကို ချစ်လွန်းလို့ သူခိုးတစ်ယောက် လူလိမ်တစ်ယောက်မှန်း သိလျက်နဲ့ လက်ထပ်ယူထားတဲ့ မက်ခ်ကရော သူမကို ကူညီပေးနိုင်ပါ့မလား စတာတွေကို ဆက်လက်ကြည့်ရှုရမှာပဲ ဖြစ်ပါတယ်။ ဇာတ်လမ်းအမျိုးအစားကတော့ Psychological thriller အမျိုးအစားဖြစ်ပါတယ်။ အညွှန်းရေးသားသူနဲ့ ဘာသာပြန်သူကတော့ Nway Oo K Zaw ဖြစ်ပါတယ်။ File size…(3.4 GB)/(2.1 GB) Quality….Blu-Ray 1080p / 720p Format…mp4 Duration….02:10:00 Genre... Crime, Drama, Mystery Subtitle….Myanmar Subtitle (Hardsub) Encoder….Garfield Translated by Nway Oo K Zaw

The Sword in the Stone (1963) IMDb - 7.2/10 Rotten - 66% Old but Gold ထဲကနေ ကာတွန်းကားလေးတစ်ကားတင်ဆက်ပေးလိုက်ပါတယ်။၁၉၆၃ခုနှစ်ကထွက်ရှိခဲ့တဲ့ "The Sword in the Stone" ဆိုတဲ့ကားလေးပါ။ဟိုး ယခင်တိတ်ခွေခေတ်တုန်းကတည်းက ဖန်တစ်ရာတေအောင် ကြည့်ခဲ့ပြီး မကြည့်ရသေးတဲ့ သူတွေကိုလည်း ကားကောင်းလေးဖြစ်ကြောင်း လမ်းညွှန်ခဲ့ရတဲ့ Animation ကားလေးပါ...။ အခုပြန်ကြည့်ပြန်တော့လည်း ကျွန်တော်တို့ နှလုံးအိမ်ကို ဆွဲဆောင်နိုင်စွမ်းရှိနေတုန်းပါပဲ။ ၁၉၆၃ ကထွက်ခဲ့တဲ့ကားဆိုပေမယ့် လက်ရာကတော့ အတော်လေးကိုသေသပ်ကောင်းမွန်ပါတယ်။ ဇာတ်လမ်းလေးကတော့ တော်တော်များများသိကြမယ့် အာသာဘုရင်ကြီးနဲ့ မှော်ဆရာကြီးမာလင်တို့ရဲ့ဇာတ်လမ်းလေးတစ်ပုဒ်ပါ။ အင်္ဂလန်ပြည်မှာ ဘုရင်အဖြစ်ဆက်ခံမယ့်သူမရှိတော့တဲ့အတွက်ကြောင့် သူတစ်လူငါတစ်မင်းခေတ်ပျက်ကာလဖြစ်နေပါတယ်.. အဲ့လိုအချိန်မှာ ကျောက်တုံးတစ်တုံးအပေါ်မှာစိုက်ထားတဲ့ ဓါးတစ်ချောင်းထူးခြားစွာပေါ်လာခဲ့ပါတယ်။ အဲ့ဓါးကိုဆွဲထုတ်နိုင်သူသည် အင်္ဂလန်ရဲ့ဘုရင်ဖြစ်မည်ဆိုပြီးဓါးပေါ်မှာစာထွင်းထားတယ်ပေါ့။ တစ်ယောက်ပြီးတစ်ယောက်လာဆွဲနှုတ်ကြတယ် ဘယ်သူမှမရခဲ့ကြဘူး အဲ့လိုနဲ့နှစ်ပေါင်းများစွာကြာလာတော့ လူတွေကလဲ ဓါးကိုမေ့မေ့ပျောက်ပျောက်ဖြစ်လာတယ်ပေ့ါ။ အဲ့အချိန်မှာ အာသာက ၁၂နှစ်အရွယ်ကလေးပဲရှိသေးတယ်။ ဇာတ်လမ်းက အာသာကဘုရင်ဖြစ်ရမှာပဲ သူပဲဓါးဆွဲနှုတ်နိုင်မှာပေါ့(အာသာ၊ မာလင်ဇာတ်ကားတော်တော်များများ အဲ့အတိုင်းနီးနီးပါပဲ)။ ဒါပေမယ့် မာလင်တစ်ယောက် အာသာနဲ့ဘယ်လိုတွေ့သွားမှာလဲ။ မာလင်ကိုဘယ်လိုများ နည်းပေးလမ်းပြပေးမလဲ။ အာသာကရော ဓါးဆီဘယ်လိုရောက်သွားမလဲဆိုတာတော့ Disney ရဲ့ Classic လက်ရာလေးကို ခံစားရင်းကြည့်လိုက်ပါဦးဗျ.... မှတ်ချက်။ ။မာလင်ရဲ့မှော်ပညာတွေကိုစိတ်ဝင်စားသူများအတွက် မာလင်ရွတ်ထားတဲ့ဂါထာတိုင်းကို မြန်မာလိုအတိအကျဘာသာပြန်ပေးထားပါကြောင်း။ ဇာတ်လမ်းအညွှန်းနဲ့ ဘာသာပြန်သူကတော့  Ko Hein Min Tun ပဲဖြစ်ပါတယ်... File Size : (809 MB) Quality : Blu-Ray 720p Format…mp4 Duration…01:19:00 Genre : Animation , Adventure , Comedy  Subtitle : Myanmar Subtitle (Hard Sub) Translated by Hein Min Tun Encoded by Phyo Pyae