Alec Mapa ပါဝင်သော ဇာတ်ကားများ

ClearMind (2024) ~ Rotten Tomatoes - 100% ~ ဒီဇာတ်လမ်းတစ်ခုလုံးရဲ့ ရင်ထိတ်သည်းဖိုအဖြစ်ကတော့ ကလေးတစ်ယောက် ရေကူးကန်ပါတီမှာ ရေထဲပြုတ်ကျသေသွားရာကနေ စတင်ပါတယ်။ ကလေးမနာမည်က ဟန်နာဖြစ်ပြီး သူ့မိဘတွေဖြစ်တဲ့ မိုက်ကယ်နဲ့နိုရာတို့ သူငယ်ချင်းတွေနဲ့အတူ ပါတီလုပ်ရာကနေ မတော်တဆသေသွားတာပါ။ အဲဒီကိစ္စကြီးဖြစ်ပြီး နိုရာကတော့ အလဲလဲအပြိုပြိုဖြစ်လို့ သူငယ်ချင်း Therapist လီလီနဲ့ ပြနေရပါတယ်။ တစ်နှစ်လောက်အကြာမှာ မိုက်ကယ်က ဘ၀အသစ်စပြီး ချစ်သူအသစ်ပါရသွားပါတယ်။ ကျန်တဲ့သူငယ်ချင်းတွေကလည်း ကိုယ့်ကိစ္စမဟုတ်တော့ အရမ်းမခံစားရဘဲ ပုံမှန် ပြန်ဖြစ်သွားတာပေါ့။ ပိတ်ရက်ကို တောထဲက အိမ်မှာ အားလုံးစုပြီး ပါတီလုပ်ဖို့တောင် စီစဉ်နေပါတယ်။ ပူဆွေးနေဆဲဖြစ်တဲ့ နိုရာက Therapist လီလီရဲ့ ClearMind ဆိုတဲ့ Simulation Program ကတစ်ဆင့် သူတို့ပါတီလုပ်တဲ့နေရာထဲ ဝင်သွားတဲ့အခါ... အစက ကုထုံးအတွက် ရည်ရွယ်ပေမဲ့ နိုရာရဲ့ လက်စားချေတဲ့ဂိမ်းဖြစ်သွားတဲ့အခါ... ဒီပရိုဂရမ်ထဲမှာ သူ့သူငယ်ချင်းတွေကို လက်စားချေတာအောင်မြင်မလား... နိုရာပဲ ဘ၀အသစ်စဖို့ အသင့်ဖြစ်သွားမလားဆိုတာ ကိုယ်တိုင်ရှုစားလိုက်ကြပါ။ သူတို့ကြုံတွေ့ရတဲ့ဘဝကို ကျမ်းစာတွေ ဆိုရိုးတွေ ကိုးကားပြောသွားပြီး ဆန်းသစ်ထူးခြားတဲ့ တင်ဆက်ပုံနဲ့ ရိုက်ထားတာမို့ ရသတစ်ခုခုခံစားရမှာပါ။ (ဒီဇာတ်ကားနဲ့အညွှန်းကို Shune Lai KK မှ ပြန်ဆို ရေးသားထားပါတယ်) Size - 1.65GB, 740MB Quality - 1080p, 720p Format - mp4 Duration - 1H 25Min Genre - Comedy, Mystery, Thriller Subtitle - Myanmar Subtitle (Hardsub) Translated by Shune Lai KK Encoded by Y

ရှာပေဟာ သူတို့နယ်မြို့လေးက Country Club မှာ ခွေးလေးဘွိုင်နဲ့အတူ ဖျော်ဖြေနေရာက Broadway ဒါရိုက်တာတစ်ယောက်ရဲ့ သဘောကျမှုကို ရသွားပါတယ်။ လူရွေးပွဲဝင်ဖို့ ကမ်းလှမ်းခံရတဲ့ ဂီတပြဇာတ်အသစ်မှာလည်း သူသိပ်အားကျတဲ့ အမ်ဘာလီအာဒမ်စ်က ပါဝင်မှာတဲ့။ ဒါကြောင့် ရှာပေက သူ့အိပ်မက်ကို အကောင်အထည်ဖော်ဖို့ နယူးယောက်ကို သွားချင်နေပါတယ်။ ဖခင်ဖြစ်သူကတော့ သမီးအဆင်သင့်မဖြစ်သေးမှာ စိုးရိမ်လို့ စိတ်မချဘူး။ ရှာပေက အစီအစဉ်တွေ သေသေချာချာ ချပြပြီး ညှိနှိုင်းတဲ့အခါ အပေးအယူတစ်ခုနဲ့ မိဘတွေရဲ့ခွင့်ပြုချက် ရလာပါတယ်။ သူလုပ်နိုင်ကြောင်း သက်သေပြဖို့ အချိန်တစ်လရမယ်။ အစီအစဉ်မအောင်မြင်ခဲ့ရင်တော့ အိမ်ပြန်လာပြီး အဖေ့အတွက် အလုပ်လုပ်ပေးရမှာပါ။ ဒီလိုနဲ့ Broadway လူရွေးပွဲကို ရောက်သွားချိန်မှာတော့ ဒါရိုက်တာလိုချင်တာက သူ့ကိုမဟုတ်ဘဲ ခွေးလေးဘွိုင်ကို ဖြစ်နေတယ်။ မျှော်လင့်ထားသလို ဖြစ်မလာတဲ့ ရှာပေက ဘွိုင်ကို လူရွေးပွဲဝင်ခွင့် ပေးပါ့မလား။ လူရွေးပွဲမှာ ဘယ်သူနဲ့ အပြိုင်နေရာလုရဦးမလဲ။ သူအားကျရတဲ့ အမ်ဘာလီကရော လက်တွေ့မှာ သူထင်ထားသလို လူမျိုးပဲလား။ ၂၀၁၁ ခုနှစ်ထွက် ဒီရုပ်ရှင်ဟာ High School Musical ထဲက Sharpay Evans ဇာတ်ကောင်ကို မူလသရုပ်ဆောင်နဲ့ပဲ သီးခြားခွဲထုတ်ရိုက်ကူးထားတာပါ။ ပန်းရောင်အပြင်အဆင်တွေနဲ့အတူ Disney ဂီတရုပ်ရှင်ဟန်အတိုင်း သီချင်းတွေ ပါဝင်ပါတယ်။

You Don’t Mess with the Zohan (2008) Adam Sandler ရဲ့ မကြည့်ဖူးသူမရှိလောက်မယ့် ကားဟောင်းကားကောင်းတစ်ကားပါ။ သူကိုယ်တိုင် သရုပ်ဆောင်ရုံတင်မကဘဲ ဇာတ်ညွှန်း‌ကိုလည်း သူပဲ ဝင်ရေးပေးခဲ့ပါသေးတယ်။ ဒါ့အပြင် အခြားနာမည်ကျော် ရုပ်ရှင်မင်းသားမင်းသမီးတွေဖြစ်ကြတဲ့ Emmanuelle Chriqui, John Turturro နဲ့ Buddy Games ဇာတ်ကားထဲက မင်းသားကြီး Nick Swardson ကိုလည်း လူငယ်သရုပ်ဆောင်အနေနဲ့ တွေ့ရမှာဖြစ်လို့ လုံးဝကို လက်ရာမြောက် ဟာသဇာတ်ကားလေးတစ်ကားဖြစ်ပါတယ်။ 442 ဇာတ်ကားကတော့ ဇိုဟန်ဆိုတဲ့ အစ္စရေးနိုင်ငံသား အထူးစစ်သားတစ်ယောက်အပေါ် ဇာတ်အိမ်တည်ပြီးတော့ရိုက်ကူးထားတာပါ။ ဇိုဟန်ဟာ သူလုပ်နေတဲ့အလုပ်မှာ ကျွမ်းကျင်ရုံတင်မကဘဲ အတော်လေးကို နာမည်ကြီးလှတဲ့ အကြမ်းဖက်နှိမ်နင်းရေး တပ်ဖွဲ့ရဲ့ နိုင်ငံကျော်စူပါစတားပဲဖြစ်ပါတယ်။ ဒါပေမဲ့ သူဟာ ဒီအလုပ်ကိုလုပ်နေရင်းနဲ့ ဒီလိုပဲ သူ့ဘဝကြီးက သံသရာလည်တာကို မနှစ်သက်တော့ပါဘူး။ အဲဒီအခါ ဇိုဟန်ဟာ သူ့ရဲ့ ဝါသနာပါရာ စိတ်ကူးအိပ်မက်ကို အကောင်အထည်ဖော်ဖို့အတွက် အမေရိကကို ထူးဆန်းတဲ့နည်းနဲ့ သွားဖို့ဆုံးဖြတ်လိုက်ပါတော့တယ်။ ဇိုဟန်တစ်ယောက် အမေရိကရောက်သွားတော့ ဘာတွေဆက်ဖြစ်မလဲ… ဘယ်လိုဆန်းပြားတဲ့အတွေ့အကြုံသစ်တွေနဲ့ ကြုံတွေ့ရမလဲဆိုတာကို Adam Sandler ထုံးစံ စခွီတစ်သိန်းနဲ့ မြင်ရမှာဖြစ်လို့ ရှုစားလိုက်ကြပါဦး။ (ဒီဇာတ်ကားနဲ့အညွှန်းကို Mark မှ ပြန်ဆို ရေးသားထားပါတယ်) Size – 1GB Quality – 720p IMDb Rating – 5.6/10 Format – mp4 Duration – 1H 53Min Genre – Action, Comedy Subtitle – Myanmar Subtitle (Hardsub) Translated by Mark Encoded by Y

Marley & Me(2008) IMDb - 7.1/10 Rotten - 62% အခုမိတ်ဆက်ပေးမယ့် ဇာတ်ကားကတော့ ခွေးလေးတွေကိုချစ်တတ်တဲ့သူတွေ အကြိုက်တွေ့စေမယ့် Comedy - Drama အမျိုအစားလေးပါ... ဒီကားလေးကတော့ Marley ဆိုတဲ့ခွေးလေးနဲ့ သူ့သခင် John Grogan ရဲ့မိသားစု အကြောင်းကို အဓိကရိုက်ကူးထားတာဖြစ်ပါတယ်..... John နဲ့ Jenny Grogans တို့လင်မယားနှစ်ယောက်လက်ထပ်ပြီး အလုပ်အတွက် မိုင်ယာမီကိုပြောင်းလာတာကနေစတာပဲ..... အိမ်ထောင်သက်အနည်းငယ်ရလာတော့ မိန်းမဖြစ်သူJenny က ကလေးလိုချင်လာတယ်... ဒါကို ကလေးမယူချင်သေးတဲ့John က မိန်းမကိုအာရုံလွှဲတဲ့အနေနဲ့ ခွေးလေးမွေးဖို့ကြံလိုက်တယ်...အဲ့ဒီမှာ John အတွက် ငါးပါးမှောက်တော့တာပဲ.... မွေးထားတဲ့ ခွေးလေး Marley ဟာ  တစ်အိမ်လုံးမှာ ရှိသမျှပစ္စည်းတွေကိုဖျက်ဆီးဖို့ တာဝန်ပေးထားသလား မှတ်ရတယ် ..အကုန် ကိုက် စုတ် ဖြဲ တဲ့ တာဝန်ကိုခန့်ခန့်ကြီးယူထားပါတယ်.. တော်တော်သောင်းကျန်းပြီး  ချစ်လည်းချစ်စရာကောင်း ရယ်လည်းရယ်ချင်စရာလည်းကောင်း အမြင်ကတ်ချင်စရာလည်းကောင်းတဲ့ခွေးလေးတစ်ကောင်ပေါ့... Marley ကသောင်းကျန်းတဲ့ခွေးလေးဖြစ်ပေမယ့် တစ်မိသားစုလုံးက ချစ်တယ် သူကလည်း မိသားစုကိုအရမ်းချစ် တစ်ကားလုံး ရယ်စရာ စိတ်ညစ်စရာ ရသတွေအပြင်Johnတို့ လင်မယား(၂)ယောက်ရဲ့ ပြဿနာတွေဘယ်လောက်ဖြစ်ဖြစ် ပြေလည်အောင်ညှိကြတာတွေကို ဟာသလေးတွေနှောပြီး ပညာပေးထားတဲ့ကားလေးပါ...ကိုင်းခံစားကြည့်လိုက်ပါဦး... Grogan လင်မယားအဖြစ် သရုပ်ဆောင်ထားကြတဲ့သူတွေကတော့ မင်းသားကြီး Owen Wilson နဲ့ Friends series ထဲက ပရိသတ်အချစ်တော် Jennifer Aniston တို့ပဲ ဖြစ်ပါတယ်..... ဇာတ်လမ်းအညွှန်းနဲ့ ဘာသာပြန်သူကတော့ Yoon Wah Wah Theint ပဲ ဖြစ်ပါတယ်.. File Size : (994 MB) Quality : Blu-Ray 720p Format…mp4 Duration…01:55:00 Genre :  Comedy, Drama, Family Subtitle : Myanmar Subtitle (Hard Sub) Translated by Yoon Wah Wah Theint Encoded by Phyo Pyae