Alexandre Brik ပါဝင်သော ဇာတ်ကားများ

လေဆိပ်တစ်ခုကနေ ခြင်္သေ့ပေါက်လေးတစ်ကောင် လွတ်သွားလို့ ရဲတွေ လိုက်ရှာနေကြပါတယ်။ အန္တရာယ်ရှိတာကြောင့် အနားမကပ်ကြဖို့လည်း သတိပေးထားကြတယ်။ အဲဒီခြင်္သေ့လေးကတော့ Inès နဲ့ Alex တို့ မောင်နှမနှစ်ယောက်ရဲ့ အိမ်ထဲကို ရောက်လာပါတယ်။ Inès ဟာ အမေဆုံးသွားပြီးနောက် မိထွေးက ကောင်းကောင်းဆက်ဆံပေးပေမယ့် အထီးကျန်နေတတ်တဲ့ ကလေးမလေးပါ။ မောင်နှမနှစ်ယောက်ထဲမှာ အငယ်ဖြစ်ပေမယ့် တွေးတတ်ခေါ်တတ်ရှိပြီး ထက်မြက်တယ်။ ခြင်္သေ့လေးကို မြင်ကတည်းက ချစ်သွားပြီး King လို့ နာမည်ပေးလိုက်ပါတယ်။ အစ်ကို Alex ကတော့ အကျိုးဆက်ကို မစဉ်းစားဘဲ King နဲ့ ဗီဒီယိုရိုက်ပြီး အွန်လိုင်းတင်လိုက်ရာက လူအများကြား ပျံ့သွားပါတော့တယ်။ အဲဒီနောက် မောင်နှမနှစ်ယောက်က King ကို သူ့သဘာဝအတိုင်း လွတ်လွတ်လပ်လပ် နေနိုင်အောင် တောထဲပြန်လွှတ်ပေးဖို့ ကြိုးစားကြပါတယ်။ ပြင်သစ်ကနေ အာဖရိကအထိ သွားရမယ့် ဒီခရီးမှာ ခြင်္သေ့လေးနဲ့အတူ သူတို့ ဘယ်လိုရုန်းကန်စွန့်စားကြရမလဲဆိုတာကို ပြထားတဲ့ ပြင်သစ်မိသားစုစွန့်စားခန်း ဇာတ်ကားပါ။

It Boy(2013) IMDb: 6.3/10 Rotten Tomatoes: 45% Genre: Comedy/Romance It Boy ဟာ ပြင်သစ်နောက်ခံစကားပြော  ဇာတ်လမ်းတစ်ခုဖြစ်ပါတယ်။ တော်တော်လေးလည်းသဘောကျဖို့ကောင်းတဲ့ ရုပ်ရှင်တစ်ခုဖြစ်ပါတယ်။ ကမ္ဘာပေါ်မှာ ရိုမန်တစ်အဆန်ဆုံး ဘာသာစကားတစ်ခုဖြစ်တဲ့ ပြင်သစ်နောက်ခံစကားပြောဖြစ်တာကြောင့် တော်တော်လေးကို ကြည့်လို့ကောင်းတဲ့ ဇာတ်လမ်းတစ်ခုဖြစ်ပါတယ်။ ပြုံးပြုံးကြီးဘာသာပြန်ရတဲ့ ကားဆိုရင်လည်းမမှားပါဘူး။ ဇာတ်ညွှန်း အဲလစ်ဆိုတာက ရီဘဲလ် စာနယ်ဇင်းက အယ်ဒီတာတစ်ယောက်ဖြစ်ပါတယ်။ ဘရာဇီးမှာအလုပ်လုပ်ရင်း ပြင်သစ်ကိုလေယာဉ်နဲ့ပြန်လာခဲ့ပါတယ်။ ဘဲလ်သက်ဇာ ဆိုတာကတော့ ဗိသုကာအတန်းမှာသင်ကြားနေတဲ့ ဆယ်ကျော်သက်တစ်ယောက်ဖြစ်ပါတယ်။ ဘဲလ်သက်ဇာကလည်း ဘရာဇီးကနေ ပြင်သစ်ကိုပြန်လာတဲ့ လေယာဉ်ပေါ်မှာပါလာခဲ့ပါတယ်။ ဒါပေမယ့် အဲလစ်က ပထမတန်းမှာဖြစ်ပြီး ဘဲလ်သက်ဇာကတော့ ဒုတိယတန်းမှာဖြစ်ပါတယ်။ ကံချင်းအပ်ချင်တော့ ဘဲလ်သက်ဇာဟာ အဲလစ်ဘေးကိုရောက်လာခဲ့ပါတယ်။ လေယာဉ်ပေါ်မှာ တစ်ညတာဖြတ်သန်းပြီး ခွဲခွာချိန်ကိုကြုံလာတဲ့အချိန်မှာ အဲလစ်ရဲ့ USB ဟာလေယာဉ်ပေါ်မှာကျန်ခဲ့ပါတယ်။ အဲဒါကို ဘဲလ်သက်ဇာက ကောက်ပြီးပေးဖို့ကြိုးစားခဲ့ပေမယ့် မမှီခဲ့ပါဘူး။ အသက် ၂၀ တောင်မပြည့်သေးတဲ့ ဘဲလ်သက်ဇာနဲ့အသက် ၄၀ ပြည့်ခါနီး အလုပ်ကလွဲဘာကိုမှ စိတ်မဝင်စားတဲ့ အဲလစ်တို့ရဲ့ ဇာတ်လမ်းကဘယ်လိုများဖြစ်သွားမှာလဲ။ Lucifer Maximoff File size…    1.8 GB /  820 MB Quality… BluRay 1080p / 720p Format… mp4 Duration…. 1h 32m Genre ..... Comedy/Romance Subtitle…. Myanmar Subtitle (Hard Sub) Encoder…. LegoHeart Translated by Lucifer Maximoff

ဒီ Special Forces ဇာတ်ကားကတော့ ရုပ်မြင်သံကြားမှာ ကိုယ့်တွေ့မှတ်တမ်းတွေရိုက်ကူးလေ့ရှိတဲ့ ဒါရိုက်တာ စတီဖင်ရိုင်ဘိုဂျက် က စီစဉ်ရိုက်ကူးထားတဲ့ စိတ်ကူးယဉ် ဇာတ်ကားတစ်ကားဖြစ်ပါတယ်။ ဒါရိုက်တာက ဒီဇာတ်ကားကို ရိုက်ဖြစ်ပုံက သူ့ငယ်စဥ်ကတည်းက ဝါသနာ ဖြစ်တဲ့ ရုပ်ရှင်ရိုက်ကူးမှုတွေလုပ်ရင်းနဲ့ တချို့ဇာတ်ကားတွေ ရိုက်ကူးမှုတွေမှာ ကာကွယ်ရေးဌာနနှင့် ဆက်ဆံလာရပြီး စစ်တပ်အပေါ် ယခင်က စဉ်းစားပုံတွေပြောင်းလာပြီး စစ်သားတွေရဲ့ စုပေါင်းအလုပ်လုပ်ပုံတွေကို စိတ်ဝင်စားလာတာကြောင့် စစ်သားတွေရဲ့ သက်စွန့်ဆံဖျားကြိုးစားကြရပုံကို တင်ပြဖို့ ဒီဇာတ်ကားကို ရိုက်ကူးခဲ့ခြင်းဖြစ်တယ်လို့ ဆိုပါတယ်။ ဇာတ်လမ်း ကတော့ ပြင်သစ်နိုင်ငံသူဖြစ်တဲ့ သတင်းသမား အယ်လ်ဆာခါဆာနိုဗာဟာ အာဖဂန်နစ်စတန်က ငယ်ငယ်ကတည်းကရောင်းစားခံလိုက်ရပြီး တာလီဘန်တွေရဲ့ ဖိနှိပ်အကြမ်းဖက်မှုတွေ ခံရတဲ့ မိန်းကလေးမိုင်နာ ရဲ့ အ‌‌‌ခြေအနေကို လိုက်လံသတင်းယူရင်း တာလီဘန်တွေရဲ့ ဖမ်းဆီးမှုကို ခံရပါတယ်။ ဒီလိုအ‌ခြေအနေမှာ တာလီဘန်တွေက ဓားစာခံ‌တွေရဲ့ အသက်ကို ခြိမ်းခြောက်တာတွေလုပ်လာတာကြောင့် ပြင်သစ်ကာကွယ်ရေးဝန်ကြီးဌာနက အထူးတပ်ဖွဲ့ကို စေလွှတ်ပြီး ပြင်သစ်သူသတင်းသမားကို တာလီဘန်တွေရဲ့ လက်ထဲက ကယ်ထုတ်ဖို့ စေလွှတ်လိုက်ပါတယ်။ ဒါပေမယ့် စီစဉ်ထားသလို ဖြစ်လာမလား ဆိုတာကိုတော့ ဒီဇာတ်ကားမှာ စိတ်ဝင်တစားကြည့်ရှုရမှာပါ။ ဒီဇာတ်ကားမှာ အဓိကဇာတ်ဆောင်အဖြစ် ၁၀ ဦးခန့်ပါဝင်ပြီး နာမည်ကြီးရုပ်ရှင်သရုပ်ဆောင်တွေဖြစ်တဲ့ Benoit Magimelကထစ်ထကခ်အဖြစ်၊ ( နာမည်ကျော်ပြင်သစ်သရုပ်ဆောင် ) ၊ Diane Kruger ( နာမည်ကျော်ဂျာမန်သရုပ်ဆောင်အမျိုးသမီး)က အယ်လ်ဆာအဖြစ် ၊ Djimon Hounsou (နာမည်ကျော် အမေရိကန် - ဘီနစ် လူမျိုးသရုပ်ဆောင်) က အထူးတပ်ခေါင်းဆောင် ကိုဗက်စ်အဖြစ် ၊ Denis Ménochet (နာမည်ကျော်ပြင်သစ် သရုပ်ဆောင်) က လု့ခ် အဖြစ် ၊ Alain Figlarz (နာမည်ကျော်ပြင်သစ်စတန့်မင်းသား )က ဗစ်တာအဖြစ် ၊ Marius (ပြင်သစ်စစ်တပ်က စစ်ရေးနည်းပြ )က မားရီးယက်စ် ၊ Raphaël Personnaz (နာမည်ကျော်ပြင်သစ်သရုပ်ဆောင် )က အဲလိယက်စ်အဖြစ် ပါဝင်တာဖြစ်လို့ သရုပ်ဆောင်တဲ့အပိုင်းမှာတော့ ယုံကြည်စိတ်ချစွာနဲ့ ကြည့်ရှုနိုင်ပါတယ်။ imdb rating 6.3 ရထားပြီးတော့ ၂၀၁၃ ခုနှစ်အတွက် NAACP မှာ ဓာတ်ပုံဆုအတွက် တင်သွင်းခံရတဲ့ဇာတ်ကားဖြစ်လို့ စစ်ကားတွေ ကြည့်ရှူတတ်တဲ့ပရိတ်သတ်တွေ ကြည့်ရှုဖို့သင့်တဲ့ ဇာတ်ကားတစ်ပုဒ်ဖြစ်တယ်လို့ ညွှန်းဆိုလိုက်ပါတယ်။ File size…(2.6 GB)/(1.5 GB) Quality….Webrip 1080p / 720p Format…mp4 Duration….01:49:00 Genre...Action, Drama, War Subtitle….Myanmar Subtitle (Hardsub) Encoder….Mr. Anderson Translated by Thy Santa