Amandla Stenberg ပါဝင်သော ဇာတ်ကားများ

ဒစ္စနေးကနေ ထုတ်လုပ်တဲ့ စတားဝေါ ဇာတ်လမ်းတွဲအသစ်လာပါပြီ။ ဒီဇာတ်လမ်းကတော့ The High Republic ဆိုတဲ့ ဂျဒိုင်းတွေ ဘုန်းမီးနေလ တောက်ပနေတဲ့ ပြည်ထောင်စုခေတ်ကို အခြေတည်ထားတာပါ။ Skywalker Saga ဆိုတဲ့ ပင်မ စတားဝေါ ရုပ်ရှင်တွေ မစခင် နှစ် ၅၀-၁၀၀ လောက်က ခေတ်ပဲဖြစ်ပါတယ်။ အက်ရှင်အသားပေးဖြစ်ပြီး ရိုက်ချက်နဲ့ဇာတ်လမ်းတွေ စိတ်ဝင်စားဖို့ကောင်းပါတယ်။ မာစတာယိုးဒါးကတော့ Skywalker Saga မှာ အသက် ၉၀၀ ကျော်နေပြီမို့ The High Republic ခေတ်မှာလည်း ရှိနေတာ သေချာပါတယ်။ ဘယ်လိုပုံနဲ့ပါလာမလဲတော့မသိသေးပါဘူး။ ဇာတ်လမ်းအကျဉ်း ဂျဒိုင်းအဖွဲ့ကနေ နုတ်ထွက်ခဲ့ပြီး စက်ပြင်ဆရာလုပ်နေတဲ့ အိုရှာဆိုတဲ့မိန်းကလေးဟာ တစ်နေ့မှာ မာစတာ အင်ဒါရာကို လုပ်ကြံမှုနဲ့အဖမ်းခံခဲ့ရပါတယ်။ ဒါပေမဲ့ သူလုပ်ခဲ့တာမဟုတ်ဘဲ သူ့ရဲ့ သေသွားပြီးထင်တဲ့ အမွှာအစ်မက လုပ်တာဖြစ်နေပါတယ်။ အဲဒီလုပ်ကြံမှုရဲ့နောက်ကွယ်က အကြံကြီးတွေကို ဘယ်လိုဆက်ဖြေရှင်းကြမလဲ ကြည့်ရမှာပါ။ စီစန် ၁ မှာတော့ အပိုင်း ၈ ပိုင်းပါဝင်မှာဖြစ်ပြီး ပထမအပတ်မှာ ၂ပိုင်းနဲ့ ကျန်အပိုင်းတွေက တစ်ပတ်ကိုတစ်ပိုင်းနှုန်းထွက်မှာဖြစ်ပါတယ်.... ကျန်အပိုင်းများကိုလည်း အချိန်နဲ့တပြေးညီဆက်လက်တင်ဆက်ပေးသွားပါ့မယ်...... File size…(580 Mb)/(220 Mb) Quality….Webrip 1080p / 720p Format…mp4 Duration….00:40:00 Genre... Action, Adventure, Drama Subtitle….Myanmar Subtitle (Hardsub) Encoder….Garfield Translated by Mr. Anderson

မိုင်းစ်မိုရားလစ်စ်ဟာ အပြိုင်စကြဝဠာတွေက သူငယ်ချင်းတွေနဲ့ ခွဲခွာပြီးနောက် မတွေ့ရတာ ကြာနေပါပြီ။ သူက သတိရနေပေမယ့် တစ်ယောက်မှ လာမတွေ့ဖြစ်ကြဘူး။ တစ်နေ့မှာ အပြိုင်စကြဝဠာတွေကြား ခရီးသွားနိုင်တဲ့ စပေါ့ဆိုတဲ့ ဗီလိန်နဲ့ ရင်ဆိုင်ရဖို့ ဖြစ်လာပါတယ်။ အဲဒီအချိန်မှာပဲ စပိုက်ဒါဂွမ်နဲ့ ပီတာပါကာတို့ကို ပြန်တွေ့ရပြီး အပြိုင်စကြဝဠာတွေကို စောင့်ရှောက်တဲ့အဖွဲ့ခေါင်းဆောင် မီဂဲဆီ ရောက်သွားတယ်။ အဲဒီမှာ စကြဝဠာပေါင်းစုံက စပိုက်ဒါမန်းတွေ ရာထောင်ချီ တွေ့လာရတော့မှာပါ။ ၂၀၁၈ ခုနှစ် Spider-Man: Into the Spider-Verse ရဲ့ အဆက်ဖြစ်ပြီး မိုင်းစ်ရဲ့ စကြဝဠာစုံခရီးကို ဆက်တင်ဆက်ထားပါတယ်။

ချမ်းသာတဲ့ သူငယ်ချင်းတစ်စုဟာ လူသူနဲ့ဝေးတဲ့ စံအိမ်ကြီးတစ်ခုမှာ ပါတီလုပ်ကြပါတယ်။ တစ်ယောက်နဲ့တစ်ယောက်ကြားမှာ နောက်ကြောင်းကိုယ်စီ ရှိနေကြတဲ့ သူတို့ဟာ ပျော်ပါးရင်း ဆော့နေကျ Bodies Bodies Bodies ဆိုတဲ့ဂိမ်းကို စကစားကြတယ်။ ဂိမ်းထဲမှာ မဲပေါက်တဲ့သူက လူသတ်သမားလုပ်ရပါတယ်။ မီးခဏပိတ်ထားချိန် တစ်ယောက်ယောက်ရဲ့ကျောကို ထိလိုက်ရင် အဲဒီလူက သေချင်ယောင်ဆောင်ပေးရပြီး အလောင်းကို စတွေ့သူက အော်အသိပေးရတယ်။ အဲဒီအခါမှ အားလုံးပြန်စုကြပြီး မေးခွန်းတွေမေးရင်း လူသတ်သမား ဘယ်သူလဲဆိုတာ အဖြေရှာကြရတာပါ။ ဒါပေမယ့် မုန်တိုင်းဝင်လာပြီး မိုးသည်းထန်ရာက မီးတကယ်ပျက်သွားပါတယ်။ သိပ်မကြာခင်မှာပဲ သူတို့တွေ့လိုက်ရတာက သေချင်ယောင်ဆောင်နေသူ မဟုတ်တော့ဘဲ အလောင်းအစစ်တစ်လောင်း ဖြစ်နေတယ်။ တရားခံကို လိုက်ရှာနေကြရင်း နောက်ထပ်တစ်ယောက်ပြီးတစ်ယောက် သေဆုံးလာတဲ့အခါ ကစားပွဲကနေ စခဲ့တဲ့ညဟာ ဟာသနဲ့ ထိတ်လန့်စရာတွေ ရောနေတဲ့ အခြေအနေတစ်ခု ဖြစ်လာပါတော့တယ်။

Dear Evan Hansen (2021) "ဘယ်သူမှ အနားမှာ မရှိဘူးလို့ ခံစားနေရပါသလား ..... ဘယ်မှာရှိမှန်းမသိဘဲ အမေ့ခံဘဝလို့ ခံစားရဖူးပါသလား ..... ပျောက်ကွယ်သွားရင် ကောင်းမယ်လို့ ခံစားခဲ့ရဖူးပါသလား ..... ငါသာ လဲကျသွားရင် ဘယ်သူမှ ကြားမှာ သိမှာ မဟုတ်ဘူး ဆိုတာမျိုးပေါ့" အဲဒီလို ခံစားနေရပြီ ဆိုရင် ဒီ Musical Drama လေးကို ကြည့်လိုက်ပါ။ ကိုယ်က တစ်ယောက်ထဲ မဟုတ်ဘူးဆိုတဲ့ ခံစားချက် ကို ရလာမှာပါ။ အထီးကျန်တယ်ဆိုတဲ့ ခံစားချက်ကို ဟိုးဝေးဝေးထိ လွင့်ဖျောက်နိုင်မှာပါ။ ဇာတ်လမ်းအစကတော့ ချစ်သော အယ်ဗန် ဟန်ဆန် ..... ဆိုပြီး ဒီလိုမျိုး စထားပါတယ်။ Movie တွေထဲမှာ ရှားရှားပါးပါး Musical Genre ပဲ ဖြစ်ပါတယ်။ အယ်ဗန် ဟန်ဆန် ဆိုတာကတော့ ..... လူမှုရေးအားနည်းသူ တစ်ယောက် ဖြစ်ပြီး လူတွေနဲ့ စကားပြောရမှာကို ကြောက်တဲ့လူတစ်ယောက် ဖြစ်ပါတယ်။ ဒီတော့ စိတ်ရောဂါကုဆရာဝန် နဲ့ ပြသပြီးတော့ သူ့ကိုယ်သူ စာပြန်ရေးတဲ့ အိမ်စာကို လုပ်ရပါတယ်။ အစမှာ ရေးထားခဲ့သလို "ချစ်သော အယ်ဗန် ဟန်ဆန် ...." ဆိုပြီး အစချီပြီးတော့ပေါ့။ ကျောင်းပိတ်ရက်မှာလည်း သစ်သီးခြံကို သွားတုန်း လက်ကျိုးပြီး ကျောက်ပတ်တီး စည်းထားခဲ့ရပါတယ်။ ကျောင်းမှာဆိုလည်း တစ်ယောက်ထဲပဲ နေတဲ့ အယ်ဗန် သူငယ်ချင်းဆိုလို့ ရှားရှားပါးပါး တစ်ယောက်ထဲပဲရှိတဲ့ အယ်ဗန် တစ်နေ့မှာတော့ ကျောင်းက လူဆိုးလေး ကော်နာ နဲ့ ဆုံပါတော့တယ်။ ကော်နာက သူ့ရဲ့ကျောက်ပတ်တီးမှာ "ကော်နာ" ဆိုပြီး လက်မှတ်ထိုပေးခဲ့ပါတယ်။ "ချစ်သော အယ်ဗန် ဟန်ဆန်" ဆိုတဲ့ စာကိုလည်း ယူသွားခဲ့ပါတယ်။ မထင်မှတ်ထားတာတွေ ဖြစ်လာတာကတော့ "ကော်နာ" တစ်ယောက် ကိုယ့်ကိုယ်ကို သတ်သေသွားခဲ့တာပါပဲ။ ကော်နာရဲ့မိဘတွေက အဲဒီစာနဲ့ အယ်ဗန့်ဆီကို ရောက်လာပြီးတော့ အယ်ဗန့်လက်က ကျောက်ပတ်တီးပေါ်က နာမည်ကိုပါ တွေ့သွားတဲ့အချိန်မှာတော့ ...... Musical Drama ဖြစ်တဲ့အတွက် အဓိပ္ပါယ်ရှိတဲ့ သီချင်းတွေအများကြီးကို တစ်ကားထဲမှာ နားထောင်ရမှာပါ။ တေးရေးတွေကတော့ နာမည်ကြီးရုပ်ရှင်တွေဖြစ်တဲ့ "La La Land" နဲ့ "The Greatest Showman" ရဲ့ တေးရေးဆရာတွေပဲ ဖြစ်ပါတယ်။ သီချင်းတိုင်းက ရသအဖုံဖုံကို ပေးပေမယ့် ကျွန်တော် အကြိုက်ဆုံးသီချင်းတစ်ပုဒ်တော့ ရှိပါတယ်။ "You will be found" (မင်းကို ရှာတွေ့ပါလိမ့်မယ်) ဆိုတဲ့ သီချင်းပါ။ ကိုယ့်ကိုယ်ကို တစ်ယောက်တည်းလို့ မထင်ပါနဲ့။ လူတွေနဲ့ စကားပြောကြည့်ပါ။ လူတွေနဲ့ ရင်းရင်းနှီးနှီးနေကြည့်ပါ။ တစ်နေ့နေ့မှာ ကိုယ့်ကို ချစ်တဲ့ခင်တဲ့လူတွေက ကိုယ့်ကို တွေ့လာမှာပါ။ ဘယ်သူမှ တစ်ယောက်ထဲ မဟုတ်ပါဘူး။ ဒီဇာတ်ကားကတော့ ၂၀၁၅ တုန်းက Broadway Project တစ်ခုကို Adaptation လုပ်ထားတာပဲ ဖြစ်ပါတယ်။ Pitch Perfect ဇာတ်ကားတွေမှာ ပါဝင်ခဲ့ဖူးတဲ့ အဆိုတော် Ben Platt က ခေါင်းဆောင်ပြီးတော့ ပါဝင်ထားတာပဲ ဖြစ်ပါတယ်။ မင်းသမီးကြီး Julian Moore ကလည်း မိခင်တစ်ယောက်အနေနဲ့ အားဖြည့်ပါဝင်ထားပါတယ်။ စိတ်ဒဏ်ရာတွေ ပြေပျောက်စေမယ့် ရုပ်ရှင်ကားကောင်း တစ်ကားပဲ ဖြစ်ပါတယ်။ အညွှန်းကိုတော့ "ဝါခေါင်" က ရေးပေးထားပြီးတော့ ဘာသာပြန်တွေကတော့ F&R Gurls ပဲ ဖြစ်ပါတယ်။ Quality…. Bluray 1080p HEVC, WEB-SCREENER 720p and 480p File size… 1.6GB, 1.7GB and 491MB Format…mp4 Duration….2h 17min Subtitle….Myanmar Subtitle (Hardsub) Translator ..... Shwe pyae, Thwal Yadi, Jerrica, MTA Encoder ..... August

မြို့တစ်မြို့မှာ ကလေးတွေ အကြောင်းရင်းမရှိ အရုပ်ကြိုးပြတ်လဲကျသေဆုံးရာကနေ ဒီဇာတ်လမ်းဟာ စတင်ပါတယ်… ရောဂါရှာမရ ဘာကြောင့်ရယ်မှန်းမသိ သေဆုံးသွားတဲ့ ကလေးအရေအတွက်ဟာများသထက်များလာပေမယ့် တစ်ဖက်မှာတော့အသက်ရှင်ကျန်ခဲ့တဲ့ကလေးတွေလဲရှိနေပါသေးတယ်။ မိဘများရဲ့ပူဆွေးသောကတွေကိုလျစ်လျူရှုပြီး အစိုးရကအာရုံစိုက်တာကတော့ ရှင်ကျန်ခဲ့တဲ့ကလေးတွေရဲ့ခံနိုင်ရည်နဲ့ ထူးခြားတဲ့စွမ်းရည်တွေကိုပါပဲ။ ရှင်ကျန်ခဲ့တဲ့ကလေးတွေမှာ စွမ်းရည်တွေရှိတယ်လို့ အစိုးရကသိပြီးတဲ့နောက် ကလေးတွေကို ကုသကာကွယ်ဆေးပေးခန်း အမည်ခံ အကျဉ်းစခန်းတွေမှာဖမ်းဆီးချုပ်နှောင်ထားပါတော့တယ်။ ဒီအကျဉ်းစခန်းကို အသက်၁၀နှစ်ပြည့်မွေးနေ့ပြီးနောက်တစ်ရက်မှာပဲ အဖမ်းဆီးခံလိုက်ရတဲ့ ကလေးလေးနာမည်ကတော့ ရူဘီ ဒေလီပါပဲ။ သူမတူရှားပါးလှတဲ့ စွမ်းရည်ကိုပိုင်ဆိုင်ထားပြီး အစွမ်းကြီးမားသူဆိုရင် သတ်ပစ်တဲ့အကျဉ်းစခန်းမှာ သူဘယ်လိုရုန်းကန်အသက်ရှင်မလဲ? အဲ့ဒီစခန်းကနေထွက်ပြေးဖို့ကြိုးစားပေမယ့် အောင်မြင်ပါ့မလား? အကျဉ်းစခန်းမှာလဲ ကလေးတွေချုပ်နှောင်ခံထားရပေမယ့်အပြင်လောကမှာရော ဘာတွေဖြစ်ပျက်ကုန်ပြီလဲ? အသက်ငယ်ငယ်ရူဘီလေး ဒီအခက်အခဲတွေကို သူမရဲ့သူမတူတဲ့စွမ်းရည်တွေနဲ့ကျော်ဖြတ်လို့ရောအောင်မြင်နိုင်ပါ့မလား? ဆိုတာ စိတ်ဝင်တစားဇာတ်လမ်းရဲ့အဟုန်မှာလိုက်ပါစီးမျောအဖြေရှာကြည့်ပါ။ ဒီလို စွမ်းအားတွေပိုင်ဆိုင်ထားတဲ့လူငယ်လေးတွေတစ်ယောက်ဆီမှာ ကိုယ်ပိုင်အဆင့်သတ်မှတ်ချက်ဆိုတာရှိပါတယ်…. အဲဒါတွေကတော့ အပြာရောင် အစိမ်းရောင် အဝါရောင်ဟာ သာမာန်စွမ်းအားသာရှိကြပြီးတော့ အနီရောင်နဲ့လိမ္မော်ရောင်ကတော့ ရှားပါးလွန်းတဲ့ စွမ်းအားမျိုးဖြစ်ပြီးတော့ အန္တရာယ်အရှိဆုံး သတ်မှတ်ချက်တွေဖြစ်ပါတယ်.. ဒါပေမယ့် ရူဘီလေးကတော့ လိမ္မော်ရောင်အစွမ်းကို ပိုင်ဆိုင်ထားသူပဲဖြစ်ပါတယ်… ဒီကားဟာ X Men ကားနဲ့ဆင်တူပုံစံဖြစ်ပြီးတော့ စွမ်းအားရှင်ကလေးငယ်တွေရဲ့အစွမ်းတွေကိုလည်း စိတ်ဝင်စားဖွယ်မြင်ရမှာဖြစ်ပြီးတော့ ဇာတ်လမ်းပြီးတဲ့အထိ မငြီးမငွေ့ကြည့်ရှုရမှာတော့အာမခံပါတယ်။ သဲထိတ်ရင်ဖို ဇာတ်လမ်းဆန်းဆန်းလေးတွေကိုကြိုက်နှစ်သက်တတ်တဲ့ ပရိသတ်တွေအတွက်ကတော့ အကြိုက်ဖြစ်စေမှာပါ။ ဇာတ်လမ်းကိုပေါ့သွားမှာစိုးရိမ်ကာ အညွှန်းကိုတတ်နိုင်သမျှ အကျဉ်းချုံးထားတဲ့အတွက် အညွှန်းဖတ်ကြည့်ရုံနဲ့မသိနိုင်တဲ့ဇာတ်လမ်းဇာတ်ကွက်တွေကို ဒေါင်းလော့ဆွဲကြည့်ရှုနိုင်ဖို့အတွက် The Darkest Minds (2018)ဆိုတဲ့ကားလေးကိုတင်ဆက်ပေးလိုက်ပါတယ်။ Quality : BluRay 1080p 5.1 CH , 720p Format…mp4 Duration…1 hr 44 min Genre : Sci-Fi , Thriller Subtitle : Myanmar Subtitle (Hard Sub) Translated by  Aye Mon Kyaw Encoded by Moe Myint Lwin

ဒီတစ်ခါ CM ပရိတ်သတ်ကြီးအတွက် တင်ဆက်ပေးမှာကတော့ Rating 7.4 ရရှိထားတဲ့ The Hate U Give ဆိုတဲ့ လူမဲတွေအကြောင်း ဇာတ်ကားလေးဖြစ်ပါတယ် ဟိုက်စ်ဥယျာဉ်ဆိုတဲ့ လူမဲတွေအများဆုံးနေထိုင်တဲ့ နယ်မြေမှာ စတားဆိုတဲ့ လူမဲကောင်မလေးတို့ မိသားစုနေထိုင်ကြပါတယ် သူ့အမေက သူတို့ မောင်နှမတွေကို လူမဲတွေရဲ့ပြသနာတွေထဲပါမှာစိုးလို့ လူဖြူတွေပဲတက်တဲ့ မြို့ကကိုယ်ပိုင်ကျောင်းမှာပဲ ထားခဲ့ပါတယ် တစ်နေ့တော့ စတားနဲ့ သူ့ငယ်သူငယ်ချင်းကယ်လီတို့ ပါတီတစ်ခုကပြန်အလာ လမ်းမှာလမ်းစည်းကမ်းဖောက်လို့ ရဲကတားခဲ့ပါတယ် အဲ့မှာရဲနဲ့ကတောက်ကစဖြစ်ပြီး ရဲကကယ်လီမှာ သေနတ်ရှိတယ်အထင်နဲ့ သေနတ်နဲ့ပစ်လိုက်တာ ကယ်လီသေသွားခဲ့ပါတယ် စတားက ဒီအမှုရဲ့တစ်ဦးတည်းသော မျက်မြင်သက်သေဖြစ်နေတဲ့အခါ... သတ်လိုက်တဲ့ရဲက လူဖြူဖြစ်နေတဲ့အပြင် အပြစ်ပေးမခံရတဲ့အတွက် လူမျိုးရေးအဓိကရုဏ်းဖြစ်တဲ့အထိ ရှုပ်ထွေးသွားတဲ့အခါ... စတားက အမှုအကြောင်းပြောရင်း မူးယစ်ရာဇာကင်းအကြောင်းကိုပါ ဖော်ထုတ်မိသွားတဲ့အခါ... ဘာတွေဆက်ဖြစ်ပြီး ဘယ်လိုတွေ ဆက်ဖြေရှင်းသွားမယ်ဆိုတာကို ကြည့်ရှုလိုက်ပါဦး ဒီကားမှာဆိုရင် လူမဲတွေကဘယ်လိုတွေ ခွဲခြားဆက်ဆံခံခဲ့ရတယ်ဆိုတာတွေကို တွေ့မြင်ရမှာပါ ဇာတ်လမ်းဆုံးသွားရင်တော့ ရင်ထဲမှာ တစ်ခုခုကျန်နေခဲ့မှာသေချာပါတယ်နော်... File Size : (1 GB)  Quality : Web Rip 720p Running Time :2hr 13 min Format : Mp4 Genre : Crime , Drama Subtitle : Myanmar Subtitle (Hard Sub) Translated by HMO Encoded by Moe Myint Lwin

ဒုတိယကမ္ဘာစစ်ကာလ ၁၉၄၄ ဂျာမနီမှာ အခြေတည်ထားတဲ့ ဇာတ်လမ်း တစ်ပုဒ်ပါ။ Layna ဟာ ဂျာမန်လူဖြူအမေနဲ့ ပြင်သစ်လူမည်း အဖေတို့ ပေါင်းစပ်ပြီး မွေးလာတဲ့ (၁၆)နှစ်အရွယ် ကလေးမလေးပါ။ Rhineland မှာ မွေးဖွားကြီးပြင်းခဲ့ပြီး ဟစ်တလာရဲ့ နာဇီတပ်ဖွဲ့တွေက Leyna လို သွေး နှောလူမည်း ကလေးတွေကို ရှင်းလင်းပစ်ဖို့ ကြိုးစားနေတာကြောင့် ဘာ လင်မှာများ အန္တရာယ်ကင်းနိုင်မလားဆိုပြီး Leyna ရဲ့ အမေ Kerstin တစ်ယောက် သားနဲ့သမီးကို လက်ဆွဲပြီး ဘာလင်ကို ထွက်လာခဲ့ပါတယ်။ ပိုကောင်းတဲ့ ဘဝတစ်ခု ရနိုင်ဖို့ Leyna ကို ကျောင်းပို့ပြီး စာသင်ပေးခဲ့ပေမဲ့ နီဂရိုးတစ်ယောက် စာသင်ဖို့ မလိုဘူးဆိုပြီး ကျောင်းကနေဆွဲထုတ်ပြီး စက်ရုံ မှာ အလုပ်လုပ်ဖို့ ပို့လိုက်ကြပါတယ်။ အဲဒီနောက်မှာတော့ Leyna တစ်ယောက် ထင်ရှားတဲ့ SSအရာရှိတစ်ဦးရဲ့ သားဖြစ်ပြီး ကိုယ်တိုင်လည်း လူငယ်တပ်ဖွဲ့ဝင် တစ်ဦးဖြစ်တဲ့ Lutz နဲ့ တွေ့ပြီး အချစ်ဇာတ်လမ်း အစပျိုးမိပါတော့တယ်။ ဟစ်တလာဟာ Gestapo လို့ ခေါ်တဲ့ လျှို့ဝှက်ရဲတွေကို အမိန့်ပေးပြီး Rhineland ဒေသက ဂျာမန်-လူမည်း သွေးနှောကလေးတွေကို နောက်ထပ်ဂျာမန်တွေနဲ့ သွေးမနှောနိုင်အောင် သားကြောဖြတ်ဖို့ လျှို့ဝှက်အမိန့်ပေးခဲ့ပါတယ်။ မှတ်တမ်း တွေအရ ကလေးပေါင်း ၈၀၀ ကျော် ရှိတယ်လို့ ဆိုကြပါတယ်။ ဒီရုပ်ရှင်မှာ ဂျာမန်- လူမည်း မိန်းကလေးတစ်ယောက် ဂျာမန်အလုပ်ကြမ်း စခန်းတွေမှာ အသက်ရှင်ဖို့ ရုန်းကန်ရပုံတွေ၊ ကြုံတွေခဲ့ရတဲ့ ဖိနှိပ်မှုတွေကို တွေ့မြင်ရမှာပါ။ ဖျောက်ဖျက်ခံခဲ့ရတဲ့ တကယ့်ဖြစ်ရပ်မှန်တွေကို အခြေခံထားတဲ့ ဇာတ်ကားကောင်း တစ်ကားဖြစ်တာ ကြောင့် ခံစားကြည့်လိုက်ကြပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Phu Myat Thwe မှဖြစ်ပါတယ်) File Size..........(1.42 GB) / (588 MB) / (343 MB) Quality............WEB-DL 1080p / 720p / 480p Duration.........2Hr 2Min Subtitle...........Myanmar Hardsub Format............MP4 Genre..............Drama, Romance, War Translator.......Phu Myat Thwe Encoder..........SWM

IMDb - 6.3/10 Rio 2 (2014) အညွှန်း Rio 2 မှာတော့ အရှေ့ကားထက်ပိုကောင်းအောင် ရုပ်ပိုင်းရော အသံ‌ပိုင်းမှာပါ အဆင့်မြှင့်ထားပါတယ်။ သီချင်းတွေလည်းကောင်းတဲ့အပြင် အသံသရုပ်ဆောင်အသစ်တွေကိုလည်း ဂရမ်မီဆုရ အဆိုတော်တွေကို ခေါ်ထားပါတယ်။ ဒီကားမှာ ဘလူး ဟာ ကလေး ၃ ယောက်အဖေ ဖြစ်နေပြီးတော့ သူတို့မိသားစုက အမေဇုန်တောထဲကို စွန့်စားပြီး ခရီးထွက်ကြမှာပါ။ ပိုလှပတဲ့ရှုခင်းတွေ၊ ပိုစုံလင်တဲ့တိရစ္ဆာန်တွေနဲ့ သီချင်းအသစ်တွေလည်း အများကြီးပါလာမှာ ဖြစ်ပါတယ်။ ရုပ်ရှင်ကားကို Htet Wai Lwin က ဘာသာပြန်ပေးထားပြီး Thit San Khant မှ တင်ဆက်ပေးထားပါတယ်

The Hunger Games (2012) IMDb Rating (7.2) / Rotten Tomatoes (84%) The Hunger Games (2012) Review *** Spoiler Alert *** နာမည်ကျော်သရုပ်ဆောင် Jennifer Lawrence သရုပ်ဆောင်ထားတဲ့ Adventure , Drama , Sci-Fi ဇာတ်ကားတစ်ကားဖြစ်ပါတယ်။ ဒီဇာတ်ကားကတော့ ပရိသတ်တွေနဲ့စိမ်းမယ်မထင်ပါဘူး။ ဇာတ်လမ်းအကျဉ်း : The Hunger Games ရဲ့ဇာတ်လမ်းကတော့ Districts တစ်ခုချင်းစီကနေ တစ်နှစ်ကို အသက် 12-18 ကြား ယောက်ကျားလေး တစ်ယောက်နဲ့ မိန်းကလေးတစ်ယောက်ကိုရွေးချယ်ပါတယ်။ အရွေးချယ်ခံရတဲ့ လူတွေကို Tributes လို့ ခေါ်ပါတယ်။ အဲ့ဒီလိုရွေးချယ်ပြီး Capitol လို့ခေါ်တဲ့ အစိုးရမြို့မှာ နှစ်စဉ်ကျင်းပတဲ့ Hunger Game မှာသွားရောက်ယှဉ်ပြိုင်စေပါတယ်။ Hunger Game မှာပါတဲ့ Tributes တွေအနေနဲ့ တစ်ယောက်နဲ့တစ်ယောက် သေသည်အထိ တိုက်ခိုက်ရပြီး နောက်ဆုံး တစ်ယောက်ပဲကျန်ရပါမယ်။ အဲ့ဒီနောက်ဆုံး ကျန်တဲ့တစ်ယောက်က Hunger Game မှာအနိုင်ရရှိတဲ့လူပဲဖြစ်ပါတယ်။ အဲ့ဒီလိုတစ်ယောက်နဲ့ တစ်ယောက်သတ်နေတာကို အပြင်က လူချမ်းသာတွေနဲ့ အစိုးရအဖွဲ့ဝင်တွေက အားရပါးရ ကြည့်ရှုအားပေးနေကြတာပါ။ ဘာဖြစ်လို့ အဲ့ဒီလို နှစ်စဉ်သတ်ခိုင်းနေတာလဲဆိုရင် အရင်တုန်းက တိုင်းပြည်မှာဆူပူအုံကြွမှုတွေဖြစ်ပြီး အစိုးရကိုပုန်ကန်တယ်။အဲ့ဒီအချိန်မှာ Capitol ပဲကျန်ခဲ့တယ်။ အဲ့ဒါကို Capitol ကအစိုးရက သူတို့ကိုနောက်ထပ် ပုန်ကန်မှုတွေမပြုလုပ်အောင် ၊ သူတို့ပုန်ကန်မှုတွေပြုလုပ်တုန်းက ဘယ်လိုနှိမ်နင်းခဲ့တယ်ဆိုတာတွေပြန်မှတ်မိအောင် ၊ အပြစ်ပေးတဲ့အနေနဲ့ နောက်ထပ် ပုန်ကန်မှုတွေမလုပ်အောင် တစ်နှစ်တစ်ကြိမ် Capitol မှာ Hunger Game ကိုကျင်းပပေးရတာပဲဖြစ်ပါတယ်။ Hunger Game အတွက် လူရွေးတဲ့အခါမှာ Katniss Everdeen (Lawrence) ရဲ့ ညီမလေးက အရွေးခံလိုက်ရတယ်။ ဒါပေမဲ့ သူမက ငယ်သေးလို့ သူမအစား Katniss Everdeen က Volunteer လုပ်မယ်ဆိုပြီး အရွေးချယ်ခံလိုက်ပါတယ်။ နောက်ထပ် ယောက်ကျားလေးတစ်ယောက်ကတော့ Peeta လို့ခေါ်တဲ့ ကောင်လေးတစ်ယောက်ကို ရွေးချယ်သွားပါတယ်။ ဒီလိုနဲ့သူတို့ Hunger Game မှာယှဉ်ပြိုင်ဖို့အတွက် Capitol ကိုရောက်လာတယ်။ သူတို့ နှစ်ယောက်က District 12 ကနေဝင်ရောက်ယှဉ်ပြိုင်ကြမှာပါ။ သူတို့ရဲ့ အဖွဲ့တိုင်းမှာလဲ သူတို့ရဲ့ နည်းပြကိုယ်စီရှိပါတယ်။ Capitol ကလူတွေရဲ့ ဝတ်စားဆင်ယင်မှုတွေကတော့ အရောင်စုံတွေနဲ့ ခပ်ကြောင်ကြောင် အဝတ်အစားတွေနဲ့ပါ။ ဒီလိုနဲ့သူတို့ Hunger Game မှာယှဉ်ပြိုင်ကြပါတယ်။ ယှဉ်ပြိုင်တဲ့အခါမှာ အခြားပြိုင်ဘက်ကတွေက အချင်းချင်း Allies ဖွဲ့ကြပါတယ်။ Katniss ကတော့ ဒါတွေမသိတဲ့အတွက်ကြောင့် တစ်ယောက်ထဲပဲပြိုင်ပြီး သူတို့တွေနဲ့ ဝေးသမျှဝေးအောင် ပြေးပါတယ်။ Katniss ရဲ့ အားသာချက်က မြှားပစ်ကျွမ်းကျင်တာပါ။ဒီလိုနဲ့ Hunger Game ကိုခက်ခက်ခဲခဲယှဉ်ပြိုင်ကြပါတယ်။ Hunger Game က စည်းကမ်းကိုက နောက်ဆုံးတစ်ယောက်ပဲကျန်ရမှာပါ။ ဒါကို Katniss အနေနဲ့ Peeta ပေါင်းပြီး အချစ်ဇာတ်လမ်းအတုတွေဖန်တီးပြီး နှစ်ယောက်လုံးအသက်ရှင်ကျန်ရစ်အောင် လုပ်ပါတယ်။ Hunger Game ကို ကြည့်ရှုနေကြတဲ့ ပရိသတ်တွေကို အထင်ကြီးအောင်လုပ်နိုင်လေ …. အနိုင်ရဖို့အခွင့်လမ်းများလေပါပဲ။ ဒါကိုသိအောင် Katniss တို့ နည်းပြကပြောပြထားတဲ့အတွက်ကြောင့် လူအများအထင်ကြီးအောင် သိပ်ချစ်ကြတဲ့ စုံတွဲအဖြစ်ဟန်ဆောင်ပြီး District 12 အတွက် ၂ ယောက်လုံးအနိုင်ရပြီး အသက်ရှင်ကျန်ရစ်ပြီး အနိုင်ရသွားတာပါ။ Review : The Hunger Games (2012) ကိုကြည့်ရတာ Divergent တို့ .. The Maze Runner တို့နဲ့ ခပ်ဆင်ဆင်တွေပါပဲ။ ဒီဇာတ်ကားထဲမှာ ကြည့်ရတာသိပ်အဆင်မပြေတာကတော့ Capitol ကလူတွေဝတ်တဲ့ အဝတ်အစားတွေနဲ့ ဆံပင်အရောင်တွေ ၊ ဆံပင်ပုံစံတွေပါ။ ခပ်ကြောင်ကြောင် အရောင်တွေနဲ့ . အရောင်စုံတွေသုံးထားတာကတော့ တော်တော်လေးကြည့်ရဆိုးပါတယ်။ ဇာတ်ကားက စိတ်ကူးယဉ်ဆန်တဲ့ဇာတ်ကားတစ်ကားပါ။ စိတ်ကူးယဉ်ဆန်တဲ့ဇာတ်ကားမို့လို့လဲ အဲ့ဒီလိုအရောင်တွေသုံးထားတာဖြစ်မယ်ထင်တယ်။ ဒါပေမဲ့ ဇာတ်ကားက ကြည့်လို့တော့ကောင်းပါတယ်။သူ့ဇာတ်လမ်းနဲ့ သူ့ဇာတ်အိမ်နဲ့ ရိုက်ပြသွားတာလဲကောင်းပါတယ်။ Hunger Game ဇာတ်ကားက Divergent တို့ .. The Maze Runner တို့ကြိုက်တဲ့လူတွေအတွက်တော့ ကြည့်သင့်တဲ့ဇာတ်ကားတစ်ကားပါ။ Hunger Game ရဲ့ Budget ကတော့ $78 Million အသုံးပြုခဲ့ပြီး Box Office ဝင်ငွေကတော့ $694.4 Million ပြန်ဝင်တဲ့အတွက် တော်တော်အောင်မြင်တဲ့ဇာတ်ကားတစ်ကားလို့ပြောလို့ရပါတယ်။ (ရုပ်ရှင်အညွှန်းကို DatShin Page မှ ကူးယူဖော်ပြပါသည်။) The Hunger Games ဇာတ်ကားအားလုံးကို ဒီမှာ https://channelmyanmar.org/?s=the+hunger+games ကြည့်ပါ။ File size…(7.3 GB)/(2.1 GB)/(1.4 GB) Quality…BluRay 4K HEVC/1080p HEVC /720p Format…mkv/mp4 Duration….02:22:30 Subtitle….Myanmar Subtitle (Hardsub) Encoder….Ka Naung Translated by Aye Chan Su

Colombiana (2011) IMDb - 6.4/10 ခုတလော ရေပန်းစားပြီး တောင်းဆိုသူတွေများလာတဲ့ ဇာတ်ကြမ်းကားလေးပါ။ Marvel Universe ထဲက ဂါမိုရာလို့ လူသိများတဲ့ မင်းသမီး Zoe Saldana ရဲ့ နာမည်ကျော်ဇာတ်ကားပါ။ မျက်စိရှေ့မှာ သတ်ခံလိုက်ရတဲ့ မိဘနှစ်ပါးကြောင့် ကလေးအရွယ်ပဲရှိသေးတဲ့ ကောင်မလေးရဲ့ ရင်ထဲဘယ်လောက်ထိ ဒဏ်ရာတွေ ပြင်းထန်ခဲ့မလဲ... ဒီကလေးမလေး အရွယ်ရောက်လာတော့ ဒဏ်ရာတွေကို ကိုယ့်ဖာသာ ကုစားတာတွေက ပြင်းချက်တွေ.... သွေးအေးရက်စက်တဲ့ လူ့အသိုင်းအဝိုင်းထဲ သူမ ဘယ်လိုတွေ ရုန်းကန်လှုပ်ရှားမလဲဆိုတာ...။ တခါတလေမှာ လက်စားချေတာ ခါးသီးတဲ့ ရသဆိုပေမယ့် အခါးကြိုက်တတ်တဲ့ လူအဖို့မှာတော့....။ File size…(1 GB) Quality…BluRay 720p Format…mp4 Duration….01:52:00 Subtitle….Myanmar Subtitle (Hardsub) Encoder….Nyeinsaeya Aung