Amrish Puri ပါဝင်သော ဇာတ်ကားများ

Taarzan: The Wonder Car (2004) အခုတစ်ခါတင်ဆက်ပေးမယ့်ကားလေးကတော့ မင်းသားကြီးအဂျေးပါဝင်သရုပ်ဆောင်ထားတဲ့ ကားလေးပဲဖြစ်ပါတယ် ရိုးသားကြိုးစားတဲ့ ကားဒီဇိုင်နာလေး ​​ဒေဗင်ကို ေမာ်တော်ကားထုတ်လုပ်ရေးလုပ်ငန်းတစ်ခုက မကောင်းကြံပြီး သတ်ပစ်လိုက်ကြတယ် အထက်အရာရှိတွေနဲ့ ညှိစားပေါင်းစား ပြီး ဒီအမှုဟာ မတော်တဆမှုအဖြစ် တစ်ခန်းရပ်သွားခဲ့တယ်... 12နှစ်ကြာပြီးတဲ့နောက် ဒီလုပ်ငန်းက ပါတနာတွေ တစ်ယောက်ပြီး တစ်ယောက်အသတ်ခံရလာခဲ့ပါတော့တယ်... မျက် မြင်သက်တွေရဲ့ပြောပြချက်အရ သူတို့ကိုကားတစ်စီးက လိုက်သတ်နေပြီး မောင်းနေတဲ့သူကို သဲသဲကွဲကွဲမမြင်ရပါဘူးတဲ့... ဒါဆို ယာဥ်မောင်းမပါတဲ့ ကားတစ်စီးက လူလိုက်သတ်နေတာလား... ဒီအမှုဟာ ထင်သလို မရိုးရှင်းလာတဲ့အခါ ဘယ်လိုအဖြေရှာဖေါ်ထုတ်ကြမလဲ.... တကယ့်အဖြစ်မှန်နဲ့ လှည့်ကွက်လေးတွေက ဘယ်လိုဖြစ်နေမလဲဆိုတာကိုတော့ ဇာတ်ကားထဲမှာ ဆက်လက်ရှုစားပေးပါ... File size…2.89GB / 1.37GB Quality…1080p WEB DL AAC2.0CH / 720p Format…mp4 Duration….2h 43m Subtitle….Myanmar Subtitle (Hard Sub) Encoder….YK  Translated by T.A.Y.L.O.R

Aitraaz (2004) “ကန့်ကွက်ချက်” Genre – Drama, Romance, Thriller IMDB – 6.6/10 ဟောင်းပေမဲ့ ကောင်းနေဆဲ ဖြစ်တဲ့အပြင် သရုပ်ဆောင်တွေကလည်း ဆရာကြီးတွေဖြစ်ကြတဲ့ Akshay Kumar တို့ Kareena Kapoor တို့ Priyanka Chopra တို့ အုပ်လိုက်အစွမ်းပြထားကြတဲ့ ၂၀၀၄ ခုနှစ်ထွက် အချစ်လျှို့ဝှက်သည်းဖို ဘောလိဝုဒ်ကားကောင်းလေးကို တင်ဆက်ပေးလိုက်ရပါစေဗျာ။ ဒါရိုက်တာဆိုရင်လည်း ဘောလိဝုဒ်ရဲ့ နာမည်ကျော် မင်းသားတွေနဲ့ လက်တွဲလုပ်ကိုင်ဖူးခဲ့တဲ့ Burmawalla ညီအစ်ကိုနှစ်ယောက်ပါ။ သူ့ခေတ်သူ့အခါက ရုံတင်ဝင်ငွေ ၂၆ ကုဋေ ရရှိခဲ့တဲ့ကားလည်း ဖြစ်ပါတယ်။ ၁၉၉၄ ခုနှစ်မှာ ထွက်ရှိခဲ့တဲ့ ဟောလိဝုဒ်ရုပ်ရှင် မိုက်ကယ်ဒေါက်ဂလပ်နဲ့ ဒယ်မီမိုးလ်တို့ရဲ့ Disclosure ကို အနည်းငယ် အခြေခံထားတယ်လို့ဆိုပြီး ဒီရုပ်ရှင်နဲ့ Chopra ရဲ့ သရုပ်ဆောင်ချက်တွေကို ပရိသတ် အသိအမှတ်ပြုခဲ့ကြကာ ဆုပေးပွဲတွေမှာလည်း စကာတင်တွေ ဝင်ခဲ့တာဖြစ်ပါတယ်။ ဇာတ်လမ်းအကျဉ်းလေး ပြောပြရမယ်ဆိုရင်တော့ အစပိုင်းကို ပျော်ရွှင်ဖွယ်ရာ အချစ်ကားဆန်ဆန် အစပျိုးထားပါတယ်။ ဖုန်းကုမ္ပဏီမှာ လုပ်နေတဲ့ ရာ့ဂျ်တစ်ယောက်နဲ့ ရှေ့နေပေါက်စလေး ပရီယာတို့ဟာ ဘုရားသခင် ဖန်ဆင်းပေးတဲ့ ဖူးစာအလွဲလေးကနေ ချစ်သူတွေ ဖြစ်ခဲ့ကြပါတယ်။ ဒီလိုနဲ့ ရည်းစားဘဝကနေ လက်ထပ်ကြပြီးတော့ ရင်သွေးလေးလွယ်ထားတဲ့အချိန် ရာ့ဂျ်တစ်ယောက်လည်း ရာထူးတိုးတော့မယ်အချိန်မှာ ကံဆိုးမှုတွေက အဆင်းမှာဘီးတပ်ဝင်လာပါတော့တယ်။ အဲဒါကတော့ တခြားမဟုတ်ပါဘူး သူတို့ ကုမ္ပဏီပိုင်ရှင်ရဲ့ အသစ်စက်စက်ယူထားတဲ့ ဇနီးချောလေးကြောင့် ဖြစ်ပါတယ်။ ဒီတစ်ယောက်နဲ့ ရာ့ဂျ်ဟာ ဘယ်လိုတွေ သမိုင်းကြောင်းရှိခဲ့တာလဲ၊ လက်ရှိ သူတို့ဆက်ဆံရေးကို ဘယ်လိုမျိုးတွေ ဆူးခင်းလမ်း ဖြစ်လာစေမှာလဲဆိုတာကို အချစ်ဇာတ်လမ်းလေးကနေ လျှို့ဝှက်သည်းဖိုအဖြစ် ကူးပြောင်းပြီး ပရိသတ်တွေကို အာရုံဖမ်းစားသွားမယ့်ကားလေးပဲ ဖြစ်ပါတယ်ဗျာ။ (အညွန်းနဲ့ ဘာသာပြန်ကတော့ CM Bollywood Team ဖြစ်ပါတယ်) File size… / Quality…WEB DL 1080p / 720p Format....mp4 Duration….2h 40m Subtitle….Myanmar Subtitle (Hard Sub) Encoder….YK Translated by CM Bollywood Team

ဒီတစ်ခါတော့ ဘောလီဝုဒ်ဖန်တွေ အတွက် ပေါ့ပေါ့ပါးပါးနဲ့ အချစ်ဟာသဇာတ်ကားကောင်းလေး တစ်ကား တင်ဆက်ပေးလိုက်ပါ။ သရုပ်ဆောင်တွေကလည်း ဒိတ်ဒိတ်ကြဲတွေဖြစ်တဲ့ ဆလ်မန်းခန်း, အက်ရှေးကူမားရ်နှင့် ပရီယန်းကချိုပရာတို့ပဲ ဖြစ်ပါတယ်။ ဇာတ်လမ်းလေးကတော့, မွေးရာပါဇာတာကြောင့် ဒေါသကြီးလွန်းတဲ့ စမီးရ်ဆိုတဲ့ ကောင်လေးဟာ သူ့ဒေါသကြောင့် ပြသနာပေါင်းစုံ တတ်ပြီး နောက်ဆုံးမှာတော့ သူစိတ်ဝင်စားတဲ့ကောင်မလေးနဲ့ပါ ဝေးခဲ့ရပါတယ်။ အသည်းတွေကွဲပြီး ဂိုအာမြို့ကို ပြောင်းရွှေ့သွားခဲ့တဲ့ စမီးရ်ဟာ ရာနီးဆိုတဲ့ ကောင်မလေးနဲ့တွေ့ဆုံပြီး စိတ်ဝင်စားခဲ့ပါတယ်။ ရာနီးနဲ့ နီးစပ်ဖို့ အမျိုးမျိုးကြိုးစားပေမယ့် သူလုပ်သမျှတလွဲတွေဖြစ် ပြသနာတွေတက်ကာ နီးဖို့ကြိုးစားလေ ပိုပိုဝေးလာလေလေ ဖြစ်နေပါတယ်။ ဒီထက်ပိုဆိုးတာကတော့ သူတို့နှစ်ယောက်ကြားကို စန်နီဆိုတဲ့ ပြိုင်ဖက်တစ်ယောက် ဝင်လာတဲ့ အခါမှာတော့ (ဇာတ်လမ်းအညွှန်းနဲ.ဘာသာပြန်သူကတော့ ကိုဇော်ထူးပဲဖြစ်ပါတယ်) File Size : 0.99 GB/600MB Quality : Bluray 720P Running Time : 2hr 43minutes Format : Mp4 Genre : Comedy,Romance Translator :  Zaw Htoo Encoder :Thanhtike Zaw

Lakshya (2004) မြန်မာပြည်ပရိတ်သတ်တွေကြား လက်ပွားမင်းသားရယ်လို့ လူသိများလှတဲ့ ဘောလိ၀ုဒ်မင်းသား Hrithik Roshan နဲ့ Amitabh Bachchan , မင်းသမီးချော Preity Zinta တို့ အဓိက ပါဝင်သရုပ်ဆောင်ထားကြတဲ့ ဒီဇာတ်ကားဟာ War-Drama ဇာတ်ကားအမျိုးအစားဖြစ်ပြီး ၊ ပြသချိန် ၃နာရီကျော် ကြာမြင့်ပါတယ်။ ဇာတ်ကားရဲ့နာမည် Lakshya ဆိုတာ မြန်မာလို "ရည်ရွယ်ချက် ၊ ရည်မှန်းချက်"လို့ အဓိပ္ပာယ်ရပြီး တိုင်းပြည်အနာဂါတ်အတွက် အရေးပါလှတဲ့ လူငယ်တွေရဲ့အခန်းကဏ္ဍကို လူငယ်တစ်ယောက်အကြောင်းနဲ့ ဥပမာထား တင်ပြထားတာပါ။ ကာရန်ရှာဂဲလ်ဆိုတဲ့ လူငယ်တစ်ယောက်ဟာ စီးပွားရေးလုပ်ငန်းရှင်တစ်ယောက်ရဲ့သားဖြစ်ပြီး မိဘက လိုလေသေးမရှိ ဖြည့်ဆည်းပေးထားတဲ့အတွက် ဘ၀ကို ပေါ့ပေါ့ပါးပါးပဲ ဖြတ်သန်းနေသူ ဖြစ်ပါတယ်။ ကျောင်းပြီးသွားရင် သူ့ချစ်သူရိုမီလာအပါအဝင် သူနဲ့ပေါင်းသင်းနေတဲ့ သူငယ်ချင်းတွေကပါ သူတို့ဘ၀တွေအတွက် ဘာလုပ်ကြမယ် ၊ ညာလုပ်ကြမယ်ဆိုပြီး ရည်မှန်းချက်ကိုယ်စီရှိကြပေမယ့် သူ့မှာတော့ ဘာရည်မှန်းချက်မှ မရှိပါဘူး။ ဒီအချိန်မှာပဲ ရည်းစားဖြစ်သူနဲ့ သူတို့ဘ၀ရှေ့ရေးအတွက် တိုင်ပင်ရင်း လူဆိုတာဘ၀မှာရည်မှန်းချက် ရှိသင့်တဲ့အကြောင်းပြောလာလို့ ကာရန်လည်း သူ့သူငယ်ချင်းတစ်ယောက်နဲ့အတူ အိန္ဒိယစစ်တပ်ထဲကို ဝင်ဖို့ ပြင်ဆင်ပါတော့တယ်။ ကံဆိုးချင်တော့ ဝင်ခွင့်လျှောက်လွှာတွေတင်အပြီး လူအရွေးခံရပြီဆိုတော့မှ သူ့သူငယ်ချင်းက အမေရိကားကိုသွားမှာမို့ တပ်ထဲကို မဝင်ဖြစ်တော့ဘူးဆိုတာကို ဖွင့်ပြောလာပါတယ်။ မိဘတွေအရိပ်အောက်မှာတုန်းက ဘာကိုမှ လက်ကြောတင်းအောင်မလုပ်ဖူးတဲ့ သကောင့်သား ကာရန်တစ်ယောက် တပ်ထဲကို ရောက်တော့မှ ဒုက္ခတွေ တသီကြီး ရောက်ရပါတော့တယ်။ ဇာတ်လမ်းအကြောင်းအရာကိုတော့ ဒီမှာတင်ရပ်ပြီး ကျန်တဲ့အပိုင်းကို ပရိတ်သတ်ကိုယ်တိုင် ခံစားကြည့်လိုက်ပါ။ အိန္ဒိယတပ်မတော်ရဲ့ ပြည်သူကချစ်တဲ့ စစ်သားတွေရဲ့ဘ၀ ၊ ခံယူချက် နဲ့ အထက်အမိန့်အတိုင်း ဆောင်ရွက်ရပုံတွေ တိုင်းပြည်ကို ချစ်တဲ့စိတ်တွေ... တိုင်းပြည်အတွက် အနစ်နာခံပုံတွေကတော့.... ပြောလို့တောင် မဆုံးတာမို့... ဇာတ်ကားထဲမှာ ပါဝင်စီးမြောခံစားရင်း ကြည့်ရှုကြဖို့ တိုက်တွန်းချင်ပါတယ် Translated By Myint Thu Encoded by : YK Quality : 1080p WEB Rip and 720p File Size : 1.9 GB and 1.4GB Duration : 3h 6mins

Khushi (2003)"ခူရှီ" မင်းသမီးကြီး ကရီနာကပူးရ်ရဲ့ လှသွေးအကြွယ်ခဲ့ဆုံးအချိန်တုန်းကရိုက်ကူးခဲ့တဲ့ အချစ်ဟာသ ရွမ်ကွမ်ရုပ်ရှင်ကားဟောင်းလေးတစ်ခုကို CM Bollywood Team ကနေ ပြန်လည်တင်ဆက်ပေးချင်ပါတယ်။ ချစ်ခြင်းမေတ္တာဟာ ဆန်းကျယ်ပါတယ်။ မတူညီတဲ့အခြေအနေတွေနဲ့ အဝေးကြီးမှာရှိနေတဲ့လူနှစ်ယောက်ကို စစ်မှန်တဲ့ချစ်ခြင်းမေတ္တာဟာ ပေါင်းဖက်ပေးနိုင်တယ်။ ဒီရုပ်ရှင်ထဲမှာလည်း ကိုလ်ကာတာမြို့သားလေး ကာရန်နဲ့ တခြားပြည်နယ်တစ်ခုရဲ့ ရွာလေးတစ်ရွာက ခူရှီဆိုတဲ့ကောင်မလေးဟာ မတူညီတဲ့အခြေအနေတွေနဲ့ အဝေးကြီးမှာရှိနေတဲ့လူနှစ်ယောက်ပေါ့။ ဒါပေမဲ့ သူတို့နှစ်ယောက်ဟာ မွေးလာတဲ့အချိန်ကတည်းက ဆုံဆည်းဖို့အတွက် ကံကြမ္မာကစီမံပေးတာခံထားရတဲ့သူတွေပါ။ ကနေဒါကိုသွားဖို့လုပ်နေတဲ့ ကာရန်နဲ့ ကိစ္စတစ်ခုကနေ ထွက်ပြေးဖို့ကြိုးစားနေတဲ့ ခူရှီတို့ ဘယ်လိုဆုံဆည်းပြီး ကံကြမ္မာစေရာနောက် ဘယ်လိုလိုက်ကြမလဲဆိုတာကို ဒရာမာနဲ့ ဟာသလေးတွေအချိုးကျရောထားတဲ့ ဒီအချစ်ရုပ်ရှင်လေးထဲမှာ မြင်တွေ့ကြရမှာပဲဖြစ်ပါတယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 3.33 GB / 1.67 GB Quality…WEB DL 1080p HEVC/ 720p Format…mkv/ mp4 Duration….2h 41m Subtitle….Myanmar Subtitle (Hard Sub) Encoder….YK Translated by  CM Bollywood Team

Chori Chori Chupke Chupke 2001 (ချစ်ခြင်းလှည့်ကွက်) CMကနေပြီးတော့ Bollywood ပရိသတ်ကြီးအတွက် အဟောင်းထဲကနေ ကောင်းနေဆဲဖြစ်တဲ့ ဆာလ်မန်ခန် နဲ့ ရာနီမူကာဂျီတို့ရဲ့ ဇာတ်ကားဟောင်းလေးကို တင်ဆက်ပေးလိုက်ပါတယ်။ ရာ့ဂျ်နဲ့ ပရီယာတို့ဟာ လက်ထပ်ထားခါစ ဇနီးမောင်နှံအသစ်စက်စက်လေးပေါ့။ အိမ်ထောင်ရေးအဆင်ပြေခဲ့ပြီး ပရီယာတစ်ယောက် ကိုယ်ဝန်ရခဲ့ပေမဲ့ ကံမကောင်းစွာနဲ့ပဲ ကလေးဟာ ပျက်ကျခဲ့ပြီး ပရီယာတစ်ယောက် ထပ်မံ ကိုယ်ဝန်ဆောင်ဖို့အတွက် မဖြစ်နိုင်တော့ဘူးဖြစ်သွားခဲ့ရပါတယ်။ ဒီလိုနဲ့ မျိုးဆက်လိုချင်တဲ့ ရာ့ဂျ်တို့ဟာ ကလေးလိုချင်လွန်းလှတဲ့အတွက် အငှားကိုယ်ဝန်ဆောင်နဲ့မွေးဖို့အတွက် လုပ်ကြပါတော့တယ်။ ဒီလိုနဲ့ ပြည့်တန်ဆာတစ်ယောက်ဖြစ်တဲ့ မာဒူဘာလာနဲ့ ချိတ်ဆက်မိရင်း ရာ့ဂျ်နဲ့ ပရီယာတို့ရဲ့ ရင်သွေးလေးကို မာဒူဘာလာတစ်ယောက် မွေးဖွားပေးဖို့ ဖြစ်လာခဲ့ပါတော့တယ်။ ဒီလိုနေလာရင်း တဖြည်းဖြည်းနဲ့ ရာ့ဂျ်တစ်ယောက် မာဒူဘာလာ့အပေါ်မှာ သံယောဇဉ်ဖြစ်မိရင်း ချစ်မိသွားရာကနေ ရာ့ဂျ်၊ ပရီယာနဲ့ မာဒူဘာလာ တို့ရဲ့ သုံးပွင့်ဆိုင် ဇာတ်လမ်း ပေါ်ပေါက်လာပါတော့တယ်။ ဒီသုံးပွင့်ဆိုင် အချစ်ဇာတ်လမ်းဟာ ဘယ်လိုများ အဆုံးသတ်သွားမလဲ ....... ရာ့ဂျ်တစ်ယောက် မိန်းမဖြစ်သူနဲ့ သူ့ရင်သွေးကို လွယ်ပေးထားရတဲ့ ချစ်ရသူ ဘယ်သူ့ကိုရွေးချယ်သွားမလဲ ...... ဆိုတာကို ဆက်လက်ကြည့်ရှုပေးပါဦး။ ဇာတ်လမ်းလေးဟာ အချစ်ဒရာမာဟာသ ဇာတ်လမ်းလေးဖြစ်တဲ့အတွက် ကြည်နူးတာလေးတွေကြည့်ရင်း ဟာသလေးတွေနှောရင်း စိတ်အမောပြေစေနိုင်မဲ့ ဇာတ်လမ်းကောင်းလေးတစ်ကားဖြစ်ပါတယ်။ (အညွှန်းနဲ့ ဘာသာပြန်ကတော့ ToMo ~ Yunni ~ Cym ~ KKKZ ~ Zwe Yan တို့ပဲဖြစ်ပါတယ်) File size… 2.9 GB / 1.4 GB Quality…WEB DL 1080p HEVC/ 720p Format…mkv/ mp4 Duration….2h 45m Subtitle….Myanmar Subtitle (Hard Sub) Encoder….YK Translated by ToMo ~ Yunni ~ Cym ~ KKKZ ~ Zwe Yan

Mujhe Kucch Kehna Hai (2001)"ပြောစရာတွေကျန်သေးတယ်" မင်းသမီး ကရီနာကပူးရ်ရဲ့ ၂၀၀၁ ခုနှစ်ကhttps://image.tmdb.org/t/p/original/u2YYZYm5NAKTI4cNfl3dgt3HBfo.jpg ထွက်ရှိခဲ့တဲ့ Rom-com ရုပ်ရှင်လေးကို တင်ဆက်ပေးချင်ပါတယ်။ ကာရန်ဟာ လုပ်ချင်ရာလုပ်ပြီး ပျော်ပျော်နေတတ်တဲ့ ၁၀ ကျော်သက် ကောလိပ်ကျောင်းသားတစ်ယောက်ပါ။ သူဟာ အဲဒီအရွယ် ယောက်ျားလေးတွေရဲ့ထုံးစံအတိုင်းပဲ သူ့ကို အမြဲတမ်း ဆူပူနေတဲ့ အဖေဖြစ်သူနဲ့လည်း မတည့်ပါဘူး။ အဲဒီလို လူပျော်လေး ကာရန်ဟာ ပူဂျားဆိုတဲ့ မိန်းမလှလေးတစ်ယောက်နဲ့ အမှတ်မထင် စုံဆည်းခွင့်ရခဲ့ပြီး အချစ်စိတ်တွေ ပေါက်ဖွားခဲ့ပါတယ်။ ဒါပေမဲ့ စိုးရိမ်စိတ်တွေကြောင့် ချစ်တာကို ချစ်တယ်လို့ ဖွင့်မပြောရသေးခင်မှာပဲ ကံကြမ္မာက သူတို့ကို တစ်မျိုးတဖုံ ကျီစယ်လှည့်စားပုံတွေကို ဒီရုပ်ရှင်လေးထဲမှာ မြင်ကြရမှာဖြစ်ပါတယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 2.89 GB / 1.49 GB Quality…WEB DL 1080p HEVC/ 720p Format…mkv/ mp4 Duration….2h 15m Subtitle….Myanmar Subtitle (Hard Sub) Encoder….YK Translated by CM Bollywood Team

IMDb-7.3/10 ပူပူလောလောထွက်ရှိထားတဲ့ Gadar 2 ကြည့်ရှူပြီးသွားကြတဲ့ပရိသတ်တွေအတွက် 2001 ခုနှစ်ကထွက်ရှိခဲ့တဲ့ ပထမကား Gadar: Ek Prem Katha ကိုလည်း qualityကောင်းကောင်းနဲ့ တင်ဆက်ပေးလိုက်ပါတယ် လွန်ခဲ့တဲ့ နှစ်နှစ်ဆယ်ကျော်ကထွက်ရှိခဲ့တဲ့ကားဆိုပေမဲ့ သူ့ခေတ်သူ့အခါမှာ ဘက်ပေါင်းစုံကအောင်မြင်ခဲ့တဲ့ကားပါ ရုံတင်ငွေ 1.33 ဘီလီယံထိရရှိခဲ့ပြီး အမီးရ်ခန်းရဲ့ Lagaan နဲ့ ခေတ်ပြိုင်ရုပ်ရှင်တစ်ခုလည်းဖြစ်ပါတယ် 1990 နှောင်းပိုင်းရုပ်ရှင်တွေထဲမှာ ကြည့်ရှုမှုဒုတိယအများဆုံးအနေနဲ့ စံချိန်တင်ခဲ့တဲ့ကား ၊ ပါဝင်တဲ့သရုပ်ဆောင်တွေကို ထူးချွန်ဆုတွေရရှိပြီး Nomination ပေါင်းများစွာဝင်စေခဲ့တဲ့ကားပါ ဇာတ်လမ်းအညွှန်း 1947 အိန္ဒိယနဲ့ ပါကစ္စတန်ရယ်လို့ နှစ်နိုင်ငံခွဲခွဲပြီးချင်းအချိန်မှာတော့ ပြည်သူတွေကို ဘယ်မှာမဆိုစိတ်ကြိုက်နေထိုင်နိုင်ကြောင်း ခွင့်ပြုခဲ့ကြတယ် ဒါပေမဲ့ မတူညီတဲ့ ဘာသာရေးအယူအဆတွေနဲ့ လူသန်းပေါင်းများစွာရဲ့ သဘောထားကွဲလွဲမှူကနေ အဓိကရုဏ်းတွေဖြစ် သွေးချောင်းစီးခဲ့ရတယ် ဒီအဖြစ်ဆိုးတွေမတိုင်ခင် 1947 အစောပိုင်းမှာ အဆိုရူးလေးတာရာနဲ့ ဆာကီနာ‌တို့ဟာ ကျောင်းပွဲတစ်ခုကိုအကြောင်းပြုပြီးနီးစပ်ခဲ့ကြသူတွေ... ရှုပ်ထွေးလွန်းတဲ့ အဓိကရုဏ်းနဲ့ နှစ်နိုင်ငံမတည်ငြိမ်မှုတွေကြားက လူတွေရဲ့ခက်ခဲတဲ့ဘဝတွေ ဒီဖြစ်ရပ်ဆိုးတွေကြားက ပေါ်ထွက်လာာတဲ့ အချစ် ၊ မေတ္တာ ၊ စွန့်လွှတ်အနစ်နာခံ စတေးမှုတွေကို ရှုစားရမှာဖြစ်ပါတယ် အညွှန်းနှင့် ဘာသာပြန်သူတွေကတော့ BpL ~ ToMo ~ Zwe Yan ~ Yunni တို့ပဲဖြစ်ပါတယ် (CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>Click Here ) File size…10GB/ 3.8GB / 1.7GB Quality…4K ZEE5 WEBDL /1080p ZEE5 WEB DL /720p Format…mp4 Duration….2h 50m Subtitle….Myanmar Subtitle (Hard Sub) Encoder….YK Translated by BpL ~ ToMo ~ Zwe Yan ~ Yunni

ကျောင်းသူကျောင်းသားတွေ အချင်းချင်း ချစ်ကြိုက်တာနဲ့ အချစ်ရေးအပြုအမူတွေကို တားမြစ်ထားတဲ့ စည်းကမ်းတင်းကျပ်လှသူ ကျောင်းအုပ်ကြီးတစ်ယောက် ရှိပါတယ်။ သူ့သမီးက ကောင်လေးတစ်ယောက်နဲ့ ချစ်ကြိုက်နေကြောင်း သိသွားတဲ့အခါမှာတော့ အဲဒီတားမြစ်ချက်က သူ့မိသားစုအထိ ရောက်လာတယ်။ ချစ်သူနှစ်ယောက်ကို ခွဲဖို့လုပ်ကြတဲ့ အတ္တမာနတွေကြားမှာ သူတို့ရဲ့အချစ်ဇာတ်လမ်းဟာ ဝမ်းနည်းစရာ ဖြစ်ခဲ့ရပါတယ်။ နှစ်အနည်းငယ်ကြာတော့ အဲဒီကောင်လေးက ကျောင်းအုပ်ကြီးကို လက်စားချေဖို့ ဂီတဆရာအဖြစ် ကျောင်းကို ပြန်ရောက်လာပါတယ်။ အချစ်ကို အယုံအကြည်မရှိဘဲ စည်းကမ်းကိုပဲ အလေးထားတဲ့ ကျောင်းအုပ်ကြီးနဲ့ အချစ်ကို အပြည့်အဝယုံကြည်တဲ့ လူငယ်တို့ကြား အားပြိုင်မှုတွေ စလာတော့တယ်။ အမီတာဘချမ်း၊ ရှရွတ်ခန်းနဲ့ Aishwarya Rai တို့ ပါဝင်ထားတဲ့ ဂီတ၊ အချစ်နဲ့ ဒရာမာဇာတ်ကားဖြစ်ပြီး Mohabbatein ဆိုတဲ့ ဟင်ဒီခေါင်းစဉ်ကို မြန်မာလို အချစ်ပုံပြင်လို့ ပြန်ဆိုနိုင်ပါတယ်။

Baadshah (1999) ရှာရွတ်ခန်းရဲ့Action/Comedyဇာတ်ကားတစ်ကားဖြစ်ပြီး IMDB rating 6.9 ရရှိထားပါတယ်။ ဇာတ်လမ်းအကျဉ်း ဘာဒေရှာကိုသူ့ရဲ့အမေကသူ့အဖေလိုမျိုး ရဲဝန်ထမ်းတစ်ယောက်ဖြစ်စေချင်ပေမယ့် သူကတော့ရဲဝန်ထမ်းအလုပ်ကိုလုံးဝစိတ်မဝင်စားဘဲ သူရဲ့သူငယ်ချင်းတစ်ဖွဲ့နဲ့ စုပြီးတော့ ဘာဒေရှာလျှို့ဝှက်ထောက်လှမ်းရေးအေဂျင်စီဆိုပြီးရုံးတစ်ရုံးဖွင့်ထားပါတယ်။ လျှို့ဝှက်ထောက်လှမ်းရေးအနေနဲ့ သူ့ကိုအလုပ်အပ်ထားတဲ့ မဟင်ဒရာဆိုတဲ့သူရဲ့စိန်တွေကို ပြန်အရယူနိုင်ပေးခဲ့ပါတယ်။ တစ်နေ့မှာတော့ အဲ့ဒီမစ္စတာမဟင်ဒရာရဲ့သမီးလေး ကိုဂိုအာမြို့မှာ ပြန်ပေးဆွဲခံရတဲ့အတွက် သူ့သမီးကိုကယ်တင်ပေးဖို့ ဘာဒေရှာကို လှမ်းအကူအညီတောင်းပြန်ပါတယ်။ ဘာဒေရှာက ဂိုအာထိသွားရမှာဖြစ်တဲ့အတွက်ကြောင့် သူ့ကို မဟင်ဒရာက လေယာဉ်လက်မှတ်ဖြတ်ပေးလိုက်ပြီး။ ဘာဒေရှာ ဂိုအာကိုသွားမယ့်နေ့မှာပဲ CBI အဖွဲ့ကလည်း ဘာဒေရှာဆိုတဲ့နာမည်နဲ့ တခြားစုံထောက်တစ်ယောက်ကို အမှုကိစ္စတစ်ခု ဖြေရှင်းဖို့အတွက် တာဝန်ပေးလိုက်ပါတယ်။ ဘာဒေရှာဆိုတဲ့ နာမည်နှစ်ခု တူနေကြတဲ့အတွက် ဘယ်လိုအရှုပ်အထွေးတွေနဲ့ကြုံ ကြမှာလဲ.... ကလေးကိုရောဘယ်လိုကယ်ကြမလဲ.... ဘောလိဝုဒ်ဖန်တိုင်း လက်မလွှတ်သင့်တဲ့ ကားတစ်ကား ဖြစ်ပါကြောင်း.... ဘာသာပြန်သူကတော့ Thaik San ပဲဖြစ်ပါတယ်။ File Size : (1.8 GB) / (560 MB) Quality : 720p-WebDL, 480-WebDL Format…mp4 Duration…2h 55min Genre : Action, Comedy, Crime Subtitle : Myanmar Subtitle (Hard Sub) Translated by Thaik San Encoded by Phyo Pyae,Nyeinsaeya Aung

မင်းသမီး Aishwarya Rai အဓိကပါဝင်ထားပြီး Anil Kapoor နဲ့ Akshaye Khanna တို့လို မင်းသားကြီးတွေနဲ့ ဒီရုပ်ရှင်ကားက အချစ်ရိုမန့် အလွမ်းအဆွေးရသစုံတဲ့ ရုပ်ရှင်ကားကြီးပါ။ "Taal" ဆိုတာ သိပ်ကိုနူးညံ့တဲ့စကားလုံးလေး "ဂီတသံစဉ်" တစ်နည်းအားဖြင့် "နှောင်ကြိုး" လူသားရဲ့စိတ်ဖြေရာ အချစ်တို့မွေးဖွားရာ ခံစားချက်တွေ ပေါင်းဆုံရာကို ဂီတလို့ခေါ်နိုင်မလား... ဂီတငြိစွန်းလာတဲ့အခါ လူ့ရဲ့စိတ်ကနူးညံ့လာပြီး နှလုံးသားချင်း စကားပြောလာတတ်ပါတယ် အဲ့ဒီစကားလုံးတွေကပဲ နှလုံးသားကို အချစ်လမ်းသွယ်လေးဆီ ခေါ်ဆောင်လာတတ်တယ်... ဟုတ်ပါတယ် ဒီနှောင်ကြိုးလေးက မာနဗ် မာန်ဆီ ဗစ်ကရန်းဆိုတဲ့ ဘဝသုံးခုနဲ့ ချိတ်တွယ်ထားပါတယ် ဘဝရဲ့လမ်းသွယ်လေးတွေမှာ ကျွန်မတို့ လူတော်တော်များများနဲ့ ဆုံဖြစ်ကြပါလိမ့်မယ် ကိုယ့်စိတ်နဲ့ ထပ်တူမကျတာရှိနိုင်သလို ကိုယ့်နှလုံးသားနဲ့ အဲ့ဒီလူကို ငြိတွယ်သွားတာလည်း ဖြစ်နိုင်ပါတယ် နိုင်ငံခြားပြန် မြေပြန့်သားလေး မာနဗ်ဟာ ဖခင်ဖြစ်သူရဲ့ အလုပ်ကိစ္စနဲ့ တောင်ပေါ်ဒေသကို အလည်လာရင်း ရိုးသားတဲ့တောင်ပေါ်သူလေး မာန်ဆီနဲ့ သံယောဇဉ်ငြိတွယ်ခဲ့ပါတယ်... အခြေအနေအချင်းက အရမ်းကွာဟတာကြောင့် ဒီနှောင်ကြိုးကို မြဲအောင်မထားနိုင်ခဲ့ပါဘူး... ဘဝရဲ့အခန်းကဏ္ဍတစ်ခုပြီးဆုံးသွားတဲ့အခါ တခြားကဏ္ဍတစ်ခုက ပေါ်လာတတ်စမြဲပဲဆိုတာ ကြားဖူးကြတယ်မလား... အဲ့ဒီအခန်းကဏ္ဍနဲ့အတူ မာန်ဆီရဲ့ဘဝထဲကို ထပ်မံဝင်ရောက်လာသူကတော့ အောင်မြင်ကျော်ကြားတဲ့ သီချင်းဒါရိုက်တာကြီး..ထုတ်လုပ်သူကြီး ဗစ်ကရန်းကပူရ်ပါပဲ "လက်ထပ်တယ်ဆိုတာ ဘဝနှစ်ခု ပေါင်းဆုံဆည်းတာ" "လက်ထပ်တယ်ဆိုတာ နှလုံးသားနှစ်ခု ထပ်တူကြတာ" "အတူတူသေမယ် အတူတူရှင်သန်မယ်" တဲ့...။ ကဲ..သူတို့သုံးဦးရဲ့ဘဝနှောင်ကြိုးတွေက ဘယ်ကိုဦးတည်သွားမလဲ ဒီနှောင်ကြိုးလွန်ဆွဲပွဲမှာ ဘယ်သူ့အချစ်က အနိုင်ရပြီး ဘယ်သူနဲ့ဆုံဆည်းရမလဲဆိုတာကိုစောင့်မျှော်ကြည့်ရှုပြီး လူသားတိုင်း အချစ်နဲ့ဘဝထပ်တူကျပါစေလို့ တောင်းဆိုပေးလိုက်ပါတယ်...။ (ရုပ်ရှင်အညွှန်းနဲ့ဘာသာပြန်ကို Taylor မှ ခံစားတင်ဆက်ထားပါတယ်။) File size…(3.3 GB)/(1.8 GB) Quality….WEB-DL 1080p HEVC / 720p Format…mkv/mp4 Duration….02:58:00 Subtitle….Myanmar Subtitle (Hardsub) Encoder….Nyeinsaeya Aung Translated by Taylor

Koyla 1997 IMDb 6.2 Bollywood ရွှေခေတ်ရဲ့ Old but Gold လို့ပြောလို့ရတဲ့ ရှာရွတ်ခန်းကို လူတိုင်းသိစေခဲ့တဲ့ ဒီရုပ်ရှင်လေးကို တော်တော်များများကြည့်ဖူးကြမှာပါ။ ဘယ်တော့ဖြစ်ဖြစ်မရိုးသွားစေနိုင်တဲ့ Bollywood ကားကောင်းတကားဖြစ်လို့ မကြည့်ဖူးသေးရင်လည်း အခုသာကြည့်လိုက်ပါ။ ဇာတ်လမ်းလေးကတော့ ရှန်ကာဆိုတဲ့ စကားမပြောနိုင်တဲ့အအ လေးဟာ ရာဂျာဆပ် ဆိုတဲ့သူဌေးကြီးရဲ့အိမ်က ကျွန်တယောက်ပေါ့။ ရာဂျာဆပ်က လူအများအမြင်မှာ သူတော်ကောင်းတယောက်ပုံဖမ်းထားပေမဲ့ နောက်ကွယ်မှာတော့ မကောင်းတာမျိုးစုံလုပ်တဲ့ ဘီလူးခေါင်းဆောင်းထားတဲ့သူဖြစ်ပါတယ်။ ရာဂျာနဲ့ သူ့ညီတို့ရဲ့ ညှင်းပန်းနှိပ်စက်မှုတွေကို ခါးစည်းခံပြီးနေလာရတဲ့ ရှန်ကာဟာ ရာဂျာ လိမ်ညာယူထားတဲ့ သနားစရာမိန်းကလေးတယောက်ကိုကူညီဖို့ ကြိုးစားလာခဲ့တဲ့အခါမှာတော့....... ခေတ်ဟောင်း Bollywood ရိုးမန့်စ်အက်ရှင်ကားကောင်းကောင်းကြည့်ချင်တဲ့ ပရိတ်သတ်တွေအတွက် တကယ် လက်လွှတ်မခံသင့်တဲ့ ရုပ်ရှင်ကောင်းလေးပဲဖြစ်ပါတယ်။ File size… 5.9 GB / 2 GB / 1.4 GB Quality…4K HEVC / 1080p HEVC / 720p Format…mkv/ mp4 Duration….2h 46m Subtitle….Myanmar Subtitle (Hard Sub)

Pardes (1997) IMDb Rating (7.0) / Rotten Tomatoes (72%) Pardes (နယ်မြေရပ်ခြားနိုင်ငံခြား) ဟာ ၁၉၉၇ ၊ ဩဂုတ်လ ၊ (၈)ရက် မှာ အိန္ဒိယနဲ့ နိုင်ငံတကာမှာ ရုံတင်ပြသခဲ့တဲ့ဇာတ်ကားဖြစ်ပါတယ် ။ ဘောလီးဝုဒ်ဒါရိုက်တာ ဆရာကြီး ဆူဘတ်ရ်ှဂိုင်း ၊ ဇာတ်လမ်းဇာတ်ညွှန်း ဆူဘတ်ရ်ှဂိုင်း ၊ နီရတ်ဂ်ျပသစ်ခ် ၊ ဂျာဗေ့ဒ်ဆစ်ဒီကီးတို့မှရေးသားကာ ဒါရိုက်တာဆူဘတ်ရ်ှဂိုင်းရိုက်ကူးပြီး ၊ အမ်မရစ်ရ်ှပူရီး ၊ အာလိုခ်နတ် ၊ ရှာရွတ်ခန်၊ မာဟီမားကျောင်ဒရီး ၊ အပူရ်ဗားတို့မှ ခေါင်းဆောင်ပါဝင်သရုပ်ဆောင်ထားကြပါတယ် ။ ဇာတ်လမ်းအကျဉ်း ကစ်ရှိုးလားဂျီးဟာ အမေရိမှာ အခြေတကျအောင်မြင်နေတဲ့ စီးပွားရေးလုပ်ငန်းရှင်ကြီးတစ်ယောက် ။ အမေရိကမှာနေပေမဲ့ ကိုယ့်နိုင်ငံရိုးရာ ၊ ယဉ်ကျေးမှု၊ ဓလေ့ထုံးတမ်းအစဉ်အလာတွေကို ချစ်မြတ်နိုးသူတစ်ယောက် ဖြစ်သလို သူ့ရဲ့တစ်ဦးတည်းသောချစ်သားလေးရာဂျစ်အတွက် ချွေးမလောင်းလေးဟာလဲ ရိုးရာဓလေ့နဲ့လူ့ကြီးသူမကို လေးစားရိုသေ အလုပ်အကျွေးပြုတတ်သူ အလိမ္မာအိမ်ပါ အိန္ဒိယသူစစ်စစ်ဖြစ်ရမယ်ရယ်လို့ ခံယူထားသူ ။ ကစ်ရှိုးလားဂျီးရဲ့စိတ်ကူးထဲက ချွေးမအလိမ္မာလေးဟာ အိန္ဒိယကိုအလည်သွားတုန်းက အိန္ဒိယရှိမွေးရပိမြေရွာမှ ငယ်သူငယ်ချင်း ဆူရတ်ဂျီးရဲ့သမီး ဂင်္ဂါကိုတွေ့ကတည်းက သူမလေးဟာ ရာဂျစ်ဗ်ရဲ့ဇနီးလောင်းရယ်လို့ကို အတည်ပြုလိုက်ခဲ့ပြီးပြီ ။ ဒါပေမဲ့ အမေရိကမှာမွေး ၊ အမေရိကမှာကြီးတဲ့ သူ့သားရာဂျစ်ဗ်လက်ခံလာအောင် စည်းရုံးသိမ်းသွင်းဖို့တာဝန်ကို အာဂျွန်(ရှာရွတ်ခန်) ကို ပေးအပ်လိုက်တော့တယ် ။ အာဂျွန်ဆိုတာ ကစ်ရှိုးလားဂျီးနဲ့ သွေးစပ်ရင်တော်ရုံဆွေးမျိုးသာသာရယ် ။ အိန္ဒိယကနေ အမေရိကကို အလုပ်လာလုပ်... တက္ကစီမောင်း ဘာမောင်း စသည်ဖြင့်ရုန်းကန်နေတုန်း ကစ်ရှိုးလားဂျီးနဲ့ဆုံတွေ့ခဲ့လေတော့ ရိုးးသားကြိုးစားတဲ့အာရ်ဂျွန်ကို ကားဝပ်ရှော့တစ်ခုထောင်ပြီးဦးစီးစေကာ သူ့ရဲလူယုံတစ်ဖြစ်လဲ ညာလက်ရုံးတစ်ဆူဖြစ်လာတော့တယ် ။ အာရ်ဂျွန်က လူငယ်ပီပီ အနုပညာဘက်လဲ ဝါသနာပါလေတော့ အလုပ်တွေတစ်ဖက်နဲ့ တီးဝိုင်းလေးထောင်ပြီး သီချင်းကလဲဆိုသေးတာ....လောလောဆယ် ထွက်ရှိထားတဲ့ "I Love My India " သီချင်းဟာ အမေရိကနဲ့ အိန္ဒိယ နဲ့ အာရှနိုင်ငံအချို့ရဲ့ Music Chart တွေမှာ Top ဝင်ခဲ့တယ် ။ ဘယ်လောက်ပဲ အောင်မြင်နေပါစေ....သူ့ဘဝကိုဒီနေရာထိရောက်အောင် ဖေးမပေးခဲ့တဲ့ ကျေးဇူးရှင်ကစ်ရှိုးလားဂျီးအတွက်ဆို ဘာပဲပေးဆပ်ရပေးဆပ်ရ ပေးဆပ်ဖို့ အသင့်ရှိနေတဲ့ အာရ်ဂျွန် ။ အမေရိကန်မှာမွေး ၊ အနောက်တိုင်းအယူအဆ ၊ အလေ့အထ ၊ လူမှုဝန်းကျင် ၊ အနောက်တိုင်းယဉ်ကျေးမှုမှာ အသားကျနေပြီဖြစ်တဲ့ ရာဂျစ်ဗ်နဲ့ ရိုးရာယဉ်ကျေးမှု မြင့်မားလှပြီး ၊ ကိုယ့်ကျင့်သိက္ခာနဲ့ကျင့်ဝတ်ကို တန်ဖိုးထားမြတ်နိုးတဲ့ အိန္ဒိယမိန်းကလေး ဂင်္ဂါတို့ကို နီးစပ်အောင် အာရ်ဂျွန်တစ်ယောက် အောင်သွယ်ပေးရတဲ့အခါမတော့ ............. 👉 "ဂင်္ဂါ"နေရာအတွက် ဒါရိုက်တာဆူဘတ်ရ်ှဂိုင်းဟာ မာဒူရီးဒစ်ရှစ်ကို ချဉ်းကပ်ခဲ့တာပါ ။ အဲ့ဒီခေတ်ဟာ မာဒူရီးခေတ်ဆိုတော့ ရိုက်ရက်ကြပ်နေတာနဲ့ မရခဲ့ဘူး ။ 👉 "ဂင်္ဂါ " ဇာတ်ကောင်နေရာအတွက် မာဟီမားကျောင်ဒရီးဟာ အော်ဒီရှင်း (၃၀၀၀) ပေးခဲ့ပြီးမှ ရွေးချယ်ခံခဲ့ရတာပါ ။ 👉 တကယ်တော့ မာဟီမားကျောင်ဒရီး ရဲ့နာမည်အရင်းက "ရီတူးကျောင်ဒရီး "ပါ ။ ဒါရိုက်တာဆူဘတ်ရ်ှဂိုင်းဟာ "M"အက္ခရာအစွဲရှိသူမို့ "မာဟီမားကျောင်ဒရီး "လို့ပြောင်းလိုက်ရတာပါ ။ ဒါရိုက်တာဆူဘတ်ရ်ှဂိုင်းဟာ ဘယ်လောက် "M"အက္ခရာအစွဲရှိသလဲဆိုရင် သူလက်တွဲအလုပ်လုပ်ခဲ့တဲ့ဇာတ်ကားတွေမှာ မင်းသမီးတွေဟာ မာဒူရီးဒစ်ရှစ် ၊ မီနာခ်ရှီဟာဒရီ ၊ မနီရှားကွိုင်လာရာတို့နဲ့ အများဆုံးဖြစ်တာတွေ့ရမှာပါ ။ 👉တေးဂီတအတွက် ဂီတမှူး A.R.Rahman ကိုအရင်ချဉ်းကပ်ခဲ့ပေမဲ့ ဇာတ်ကားတွေလက်ခံထားတာများပြားလှတာကြောင့် နောက်ဇာတ်ကား(Taal) မှာ မဖြစ်မနေ လက်ခံပါ့မယ်ဆိုလို့ လက်လျှော့ခဲ့ရပြီး ၊ ဂီတမှုး Nadeem-Sharvan တို့ကို ရွေးချယ်ခဲ့ရတယ် ။ "Pardes " တေးဂီတအယ်လ်ဘမ်ဟာ အဲ့ဒီနှစ်ရဲ့ ဒုတိယအရောင်းကောင်းဆုံးအယ်လ်ဘမ်ဖြစ်ခဲ့တယ် ။ အရောင်းကောင်းဆုံး ပထမချိတိသွားတဲ့အယ်လ်ဘမ်ကတော့ "Dil Ti Pagal Hai "ဖြစ်ပါတယ် ။ 😘😘😘 👉 "Pardes "ဟာ "2nd highest grossing Film of 1997 in overseas "ဖြစ်ခဲ့ပါတယ် ။ (Highest Grossing Film of 1997 in Overseas ကတော့ "Dil To Pagal Hai "ဖြစ်ပါတယ် 😍😍😍) 👉 ဂန္ဓဝင်တေးရေးဆရာကြီး အာနန်းဘက်ခ်ရှီးနဲ့ ဂီတမှူး Nadeem-Sharvan တို့ ပထမဆုံးတွဲဖက်အလုပ်လုပ်ခဲ့တဲ ဇာတ်ကားဖြစ်ခဲ့ပါတယ် ။ 👉 ဒီဇာတ်ကားကို ဗန်ကူဗာ(ကနေဒါ) ၊ လပ်စ်ဗီးဂပ်စ်(အမေရိက) ၊ အိန္ဒိယရှိ ဂင်္ဂါမြစ် ၊ အာဂရာ ၊ တာ့ဂ်ျမဟာလ် ၊ ဆစ်ခ်ကျောင်းတော်နဲ့ အထင်ကရနေရာ အတော်များများမှာ ရိုက်ကူးခဲ့ပါတယ် ။ 👉 ဒီဇာတ်ကားကို ၁၉၉၈မှာ တောလီးဝုဒ် (တီလဂူရုပ်ရှင်) မှ"Peli Kanuka "အဖြစ် Remake ပြန်လည်ရိုက်ကူးခဲ့တယ် ။ 👉 မြန်မာ့ရုပ်ရှင်ကတော့ ဒွေး ၊ ရာဇာနေဝင်း ၊ ထက်ထက်မိုးဦးတို့ပါဝင်တဲ့ "လျို့ဝှက်ရင်ခုန်သံ "အဖြစ်ပြန်လည်ရိုက်ကူးခဲ့တယ် ။ (ရုပ်ရှင်အညွှန်းကို SRK Universe Myanmar မှ ကူးယူဖော်ပြပါသည်။) File size…(3.2 GB) / (1.8 GB)/ (600 MB) Quality…WEB-DL 1080p / 720p / 480p Format…mp4 Duration….03:11:00 Subtitle….Myanmar Subtitle (Hardsub) Encoder….Nyeinsaeya Aung Translated by Rashida & Thaik San

Kamali from Nadukkaveri (2021) IMDB 7.7./ 10 User 904 တမီးလ် ဒရာမာလေးပါ.ကမလီဆိုတဲ့ အမျိုးသမီးကျောင်းသူလေးကို အဓိကဇာတ်ကောင်အဖြစ်ရိုက်ကူးထားပါတယ်. ကမလီက ပုံမှန်ရွာသူလေးတစ်ယောက်. တနေ့ သူ့အိမ်မှာမိသားစုနဲ့အတူ တီဗီကြည့်ရင်း တနိုင်ငံလုံးအဆင့် ၁ရတဲ့ ကျောင်းသားတစ်ယောက်ကို တိတ်တခိုး သဘောကျမိတယ်. သူ့အချစ်က အဲ့လောက်နဲ့ရပ်မသွားခဲ့ပါဘူး. သူချစ်တဲ့ ကောင်လေးနဲ့ ကျောင်းအတူတက်ရပြီး ချစ်သူဖြစ်တဲ့ထိ သူက ရည်ရွယ်လိုက်ပါတယ်. အဲ့နေ့ကစပြီး ကမလီလေးက စာကိုတစိုက်မတ်မတ်ကြိုးစားပါတော့တယ်.သူ့ရဲ့ကြိုးစားမှုတွေက ဖြစ်လာမှာလား? အချစ်စိတ်တစ်ခုထဲနဲ့ ကမလီလေး သူရဲ့ ဖြစ်ချင်တဲ့ ဆန္ဒတွေ တကယ် ဖြစ်လာမလား?? ကြုံတွေ့လာရတဲ့ စိန်ခေါ်မှုတွေကို အောင်မြင်စွာနဲ့ ဘယ်လိုကျော်လွှားခဲ့လဲဆိုတာကို စိတ်၀င်စားဖွယ် ရိုက်ကူးထားတဲ့ ဇာတ်ကားလေး ဖြစ်ပါတယ်. လူငယ်ဆန်ဆန် ကျောင်းသားကားလေးမလို့ ပေါ့ပေါ့ပါးပါးနဲ့ ကြည့်ကောင်းတာမလို့ ညွှန်းချင်ပါတယ်. File size…2.31GB and 1.2GB and 591MB Quality…1080p TRUE WebDl DDP5.1 and 720p and 480p Format…Mp4 Duration….2h 27min Genre….Drama Subtitle….Myanmar Subtitle(Hard Sub) Encoder….YK Translated by Ida Reviewed by Ida And Yk

ဒူရ်ဂါဆင်းဂ်ဟာ ဆင်းရဲပေမယ့် ရိုးသားတည်ကြည်တဲ့ မုဆိုးမတစ်ယောက်ပါ။ သားနှစ်ယောက်ဖြစ်တဲ့ ကရန်နဲ့ အာဂျွန်ကို သူတစ်ယောက်တည်း ပြုစုပျိုးထောင်လာခဲ့တယ်။ တစ်နေ့မှာတော့ ယောက္ခထီးဖြစ်သူ သာကူးရ်ရဲ့ နောက်ဆုံးအချိန် ရောက်နေပြီဆိုတဲ့ သတင်းကို လူတစ်ယောက် လာပြောရာက သားနှစ်ယောက်လည်း သူတို့မသိခဲ့တဲ့ မိသားစုအကြောင်းကို ကြားသွားကြပါတယ်။ သာကူးရ်ဟာ မြေယာအများအပြား ပိုင်ဆိုင်တဲ့ သူဌေးကြီးဖြစ်ပြီး ကရန်နဲ့ အာဂျွန်တို့ရဲ့ အဘိုးပါ။ သူ့သားက သူသဘောမတူတဲ့ကြားက ဒူရ်ဂါကို လက်ထပ်ခဲ့လို့ အမွေပြတ်စွန့်လွှတ်ထားခဲ့တာ ဖြစ်တယ်။ အခုတော့ မသေခင် မြေးနှစ်ယောက်ကို အမွေလွှဲပေးချင်လို့ လာခေါ်ခိုင်းတာပါ။ ဒါပေမယ့် သာကူးရ်ရဲ့ ဆွေမျိုးတစ်ယောက်ဖြစ်တဲ့ ဒူရ်ဂျန်းက ဒီစည်းစိမ်တွေကို တစ်ယောက်တည်း ရချင်နေတယ်။ မြေးတွေကို စောင့်နေတဲ့ သာကူးရ်ရှေ့မှာ ဒူရ်ဂျန်းက လွန်ခဲ့တဲ့နှစ်တွေက သူ့သားကို သတ်ခဲ့သူဟာ မိမိပဲဖြစ်ကြောင်း ဖွင့်ပြောပြီး သာကူးရ်ကိုပါ သတ်ပစ်လိုက်ပါတယ်။ ရောက်လာတဲ့ ကရန်နဲ့ အာဂျွန်လည်း မလွတ်ကြဘူး။ ဒူရ်ဂျန်းနဲ့ သူ့လူတွေက ညီအစ်ကိုနှစ်ယောက်ကို မိခင်ရှေ့မှာပဲ ညှဉ်းပန်းသတ်ဖြတ်လိုက်ကြတယ်။ သားနှစ်ယောက်လုံးကို ဆုံးရှုံးလိုက်ရတဲ့ ဒူရ်ဂါက ကာလီမယ်တော်ဆီ တိုင်တည်ပြီး သားတွေ လူပြန်ဝင်စားလာကာ ဒီလူတွေကို လက်စားချေနိုင်ပါစေလို့ ဆုတောင်းကျိန်ဆိုပါတော့တယ်။ သူ့ကျိန်ဆိုမှုက ဒူရ်ဂျန်းအပေါ် သက်ရောက်လာမလား၊ ကရန်နဲ့ အာဂျွန်တို့ တစ်ဖန်ပြန်မွေးဖွားလာကြဦးမလား။ ၁၉၉၅ ခုနှစ် ဇန်နဝါရီ ၁၃ ရက်မှာ ရုံတင်ခဲ့တဲ့ ဒီအက်ရှင်၊ ဒရမ်မာနဲ့ သည်းထိတ်ရင်ဖိုဇာတ်ကားကို ရာကေ့ရှ်ရိုရှန်က ရိုက်ကူးထားပါတယ်။ ကရန်အဖြစ် ဆယ်လ်မားန်ခန်း၊ အာဂျွန်အဖြစ် ရှာရွတ်ခန်၊ ဒူရ်ဂါအဖြစ် ရာခီးနဲ့ ဒူရ်ဂျန်းအဖြစ် အမ်းမရစ်ရှ်ပူရီးတို့ ပါဝင်ပြီး ကာဂျိုးနဲ့ Mamta Kulkarni တို့လည်း သရုပ်ဆောင်ထားကြတယ်။ ရာကေ့ရှ်ရိုရှန်ဟာ Hrithik Roshan ရဲ့ ဖခင်ဖြစ်ပြီး သူ့ဇာတ်ကားတွေမှာ အက်ရှင်နဲ့ စွန့်စားခန်းတွေအပြင် ကျေးလက်ဒေသနဲ့ သစ်တောရှုခင်းတွေကို အသုံးများတတ်သလို အမည်ကိုလည်း အင်္ဂလိပ်အက္ခရာ K နဲ့ စထားတာ များပါတယ်။ ရူပီ ၆ ကုဋေ အကုန်အကျခံထားတဲ့ ဒီကားဟာ ရူပီ ၅၃.၅၈ ကုဋေ ပြန်လည်ရရှိခဲ့ပြီး ၁၉၉၅ ခုနှစ်မှာ DDLJ ပြီးရင် ဒုတိယဝင်ငွေအကောင်းဆုံး အိန္ဒိယရုပ်ရှင် ဖြစ်ခဲ့ပါတယ်။ ရာဂျစ်စတန်မှာ ရိုက်ကူးထားပြီး ရွာထဲက ဇာတ်ဝင်ခန်းတွေကို အယ်လ်ဝါခရိုင်ရှိ ဘန်ဂါ့သ်ရွာမှာ ရိုက်ထားတာပါ။ Filmfare ရဲ့ အကောင်းဆုံးအက်ရှင်ဆုနဲ့ အကောင်းဆုံးတည်းဖြတ်ဆုတို့ကိုလည်း ရရှိခဲ့တယ်။ ဇာတ်ဝင်တေးတွေကို ဒါရိုက်တာရဲ့ညီ Rajesh Roshan က ရေးဖွဲ့ထားပြီး သီချင်းမူပိုင်ခွင့်တွေကို Times Magnetic က ဝယ်ယူထားခဲ့ပါတယ်။

Deewana (1992) IMDB : 6.7 Rotten Tomatoes : 62% Genre : Romance / Action ရှာရွတ်ခန်း (Shah Rukh Khan) ပရိသတ်တွေအတွက်တော့ ဒီကားက မဖြစ်မနေ သိထားသင့်တဲ့ ကားလေးတစ်ကားပေါ့။ ဘာလို့လဲဆိုတော့ ဒါက အခုချိန်မှာ ဘောလိဝုဒ်ကို လွှမ်းမိုးထားတဲ့ မင်းသားကြီးရဲ့ ပထမဆုံး ပွဲဦးထွက် (Debut) ရုပ်ရှင်ကား ဖြစ်နေလို့ပါပဲ။ ၉၀ ခုနှစ်တွေတုန်းက အိန္ဒိယရုပ်ရှင်တွေရဲ့ ထုံးစံအတိုင်း သီချင်းကောင်းကောင်း၊ အချစ်၊ အလွမ်း၊ အကြမ်း အကုန်ပါတဲ့ ကလပ်စစ် (Classic) ကားဟောင်းလေး တစ်ကားလို့ ဆိုရမှာပါ။ ဇာတ်ညွှန်း ကာဂျယ် (Divya Bharti) ဆိုတဲ့ ကောင်မလေးနဲ့ နာမည်ကြီး အဆိုတော် ရာဗီ (Rishi Kapoor) တို့ ချစ်ကြိုက်ပြီး လက်ထပ်လိုက်ရာကနေ စပါတယ်။ ဒါပေမယ့် ရာဗီ့ရဲ့ ဦးလေးဖြစ်သူက လောဘတကြီးနဲ့ ပိုင်ဆိုင်မှုတွေကို လိုချင်လို့ ရာဗီ့ကို လုပ်ကြံပါတော့တယ်။ မနာလိုမှုတွေ အမွေလိုချင်တာတွေကစလို့ ဘာတွေဆက်ဖြစ်လာမလဲဆိုတာကို ခံစားကြည့်လိုက်ကြပါခင်ဗျာ။ File size… 2.5 GB/ 1.3 GB Quality… WEB DL 1080p/ 720p Format… mp4 Duration…. 3h 1m Genre ..... Romance / Action Subtitle…. Myanmar Subtitle (Hard Sub)

Indiana Jones and the Temple of Doom (1984) IMDb Rating (7.5) / Rotten Tomatoes (77%) +++++++++++++++++++++++++ Indiana Jones Franchise (1981-2023) George Lucas လို့ပြောလိုက်တာနဲ့ ရုပ်ရှင်ပရိသတ်တော်တော်များများက Star Wars ကို ပြေးမြင်မိကြလိမ့်မယ်။ ဟုတ်တော့လည်း ဟုတ်ပါတယ်။ လူးကပ်စ်ရဲ့ အပေါက်ဆုံးကား‌တွေဟာ ကြယ်တာရာစစ်ပွဲတွေ ဖြစ်ခဲ့တာကိုး။ ဒါပေမဲ့ Steven Spielberg လို့ပြောရင်ကျ ပြေးမြင်မိစရာ ဇာတ်ကားအများကြီးရှိပါလိမ့်မယ်။ အဲဒီလို ဇာတ်ကားအများကြီးတွေထဲကမှ Jaws ဟာ စပီးဘာ့ဂ်အတွက် ရိုက်ရတာ ဒုက္ခအရောက်ဆုံးဖြစ်ခဲ့သလို လူးကပ်စ်အတွက်လည်း Star Wars Ep IV: A New Hope ကို လွယ်လွယ်နဲ့ ရိုက်ခွင့်ရခဲ့တာ မဟုတ်ဘူး။ ဒါပေမဲ့ အဲဒီလို ပင်ပင်ပန်းပန်းကာလတွေအလွန်မှာ သူတို့နှစ်ယောက်ဟာ အပျင်းလည်းပြေ စိတ်ပေါ့ပေါ့ပါးပါးဖြစ်အောင် ဇာတ်ကားတစ်ကားပေါင်းရိုက်ဖို့ စိတ်ကူးမိခဲ့ကြတယ်။ Indiana Jones ပေါ့။ စပီးဘာ့ဂ်နဲ့ လူးကပ်စ်တို့ ငယ်ငယ်က ကြည့်ခဲ့ရတဲ့ ဖန်တစ်ရာတေ ဇာတ်လမ်းဇာတ်ကွက်တွေနဲ့ ဗီလိန်ကလည်း တစ်ခါလာလည်း ဒီလိုပုံစံ၊ နောက်တစ်ယောက်လာလည်းဒီလိုပုံစံ၊ ဘယ်လိုလာလာ မင်းသားပဲနိုင်သွားလေသတည်းဆိုတဲ့ B အဆင့် ဇာတ်ကားတွေကို မှီးပြီး Indiana Jones ကို ဖန်တီးခဲ့ကြပေမဲ့ Raiders of the Lost Ark (1981) ဟာ အကြီးအကျယ်ပေါက်သွားခဲ့တယ်။ အော်စကာဆုတွေထိပါ ရသွားခဲ့တယ်။ ဒါရိုက်တာ စပီးဘာ့ဂ်အတွက်လည်း လက်နဲ့ထိရင် ရွှေဖြစ်တဲ့ကာလ လို့တောင် ပြောစမှတ်ပြုခဲ့ရတယ်။ Indiana ရဲ့ နာမည်ကိုလည်း တစ်ကမ္ဘာလုံးသိသွားခဲ့ပါတယ်။ The Temple of Doom (1984) ကိုတော့ Raiders မတိုင်ခင် တစ်နှစ်အလိုမှာ ဇာတ်အိမ်တည်ထားလိုက်တယ်။ ဗီလိန်တွေက နာဇီတွေပဲ ထပ်မဖြစ်စေချင်တဲ့အကြောင်းအရင်းကြောင့်ပေါ့။ Temple of Doom ဟာ Raiders လောက်တော့ ဂန္ထဝင်တွင်လောက်အောင်ပေါက်တဲ့ကား မဟုတ်ခဲ့ပေမဲ့ အထိုက်အလျောက်တော့ အောင်မြင်မှုရခဲ့ပြီး‌ အော်စကာပါရခဲ့ပါတယ်။ ပထမကားနဲ့ ဘယ်လိုမှမတူ၊ နောက်လာမယ့်ကားတွေနဲ့လည်း ဘယ်လိုမှမတူအောင် Deep Dark ပြီး သွေးထွက်သံယိုတွေအများဆုံးကားတစ်ကားအဖြစ် Indiana Jones Franchise ထဲမှာ ကွဲအထွက်ဆုံးကားတစ်ကားဖြစ်ခဲ့တယ်။ လူမျိုးရေးခွဲခြားမှုပြဿနာတွေ ကျွန်သဘောက်ပြဿနာတွေလည်း မီးမောင်းထိုးပြခဲ့တဲ့ကား ဖြစ်ခဲ့တယ်။ နှစ်ကြာလာလေ ပိုကောင်းလာလေဆိုပြီး နှစ်ချို့ဝိုင်လိုဖြစ်ခဲ့ပေမဲ့ Temple of Doom ဟာ သူ့နှစ်မှာတော့ ဝေဖန်ရေးသမားတွေ အတော်များများအကြိုက်တွေ့ခဲ့ကြတဲ့ ရုပ်ရှင်တစ်ကားတော့ မဟုတ်ခဲ့ဘူး။ အဲဒီအတွက် လူးကပ်စ်ဟာ ဒီပြဿနာကို ‌Sean Connery နဲ့ Holy Grail ကို ပေါင်းထည့်‌ပြီး‌ ဖြေရှင်းပေးလိုက်တယ်။ ခုနေ အင်ဒီယာနာဂျုံးစ်ကြည့်ဖူးတဲ့ ဘယ်သူ့ကိုမဆို "အကြိုက်ဆုံးက ဘာကားလဲ" လို့ သွားမေးလိုက်ရင် ဖန်အတော်များများ‌ဖြေကြမှာက The Last Crusade (1989) ပဲ ဖြစ်လိမ့်မယ်။ Raiders အလွန်မှာ အပြီးပြည့်စုံဆုံးဖြစ်ခဲ့တဲ့ ဇာတ်ကားတစ်ကားပါပဲ။ အစအဆုံးကို မှတ်မှတ်ရရ ရှိနေလောက်အောင်ကို ကောင်းလွန်းခဲ့တဲ့ ဇာတ်ကားတစ်ကားပေါ့။ ကွန်နရီနဲ့ဖို့ဒ်တို့ရဲ့ သားအဖ Moments တွေ၊ ပြန်ပါလာတဲ့ အချစ်တော်ကြီး ဆာလာ၊ ရင်လည်းဖိုရသလို ခွီလည်းခွီရတဲ့ Action ခန်းတွေ၊ ဂျုံးစ်နဲ့ ဟစ်တလာ၊ ဂျုံးစ်ရဲ့ ငယ်ဘဝ တစေ့တစောင်း၊ နောက်ဆုံး ဘုရားသခင်ရဲ့ သောက်တော်ရေခွက်။ သိပ်ကို လှပလွန်းခဲ့တဲ့ ရုပ်ရှင်တစ်ကားပါပဲ။ Original Trilogy အပြီးမှာတော့ အင်ဒီယာနာဂျုံးစ်ဆိုတဲ့ နာမည်နဲ့ ဇာတ်ကောင်ဟာ တစ်ကမ္ဘာလုံးစာ လွှမ်းမိုးသွားခဲ့တယ်။ သူ့ရဲ့ Trademark ဖြစ်တဲ့ ကျာပွတ် လယ်သာဂျက်ကတ် သက္ကလပ်ဦးထုပ်ပျော့ စတဲ့ဟာတွေကလည်း Lightsaber တွေနည်းတူ ရောင်းအားထိပ်ဆုံးရောက်ခဲ့တယ်။ Canon မဟုတ်တဲ့ အင်ဒီယာနာဂျုံးစ် ဂိမ်းတွေ ဝတ္ထုတွေ ကောမစ်တွေကလည်း အဆက်မပြတ်ထွက်လာခဲ့တယ်။ Indiana Jones ဇာတ်ကားတွေကလည်း နောင်လာမယ့် စွန့်စားခန်းရုပ်ရှင်တွေရဲ့ မီးရှူးတိုင် ပြဌာန်းစာအုပ်တွေ ဖြစ်သွားသလို One of the World's Greatest Action Heroes အနေနဲ့လည်း အသိအမှတ်ပြုခံခဲ့ရတယ်။ Paramount နဲ့ ငါးကားစာ စာချုပ်ချုပ်ပြီးသားဖြစ်လို့ နောက်တစ်ကားအတွက် လူးကပ်စ်က ဇာတ်လမ်းရှာနေတဲ့အချိန်မှာ ဇာတ်လမ်းလည်းစဉ်းစား အပျင်းလည်းပြေ တစ်ချက်ခုတ် နှစ်ချက်ပြတ်အနေနဲ့ The Young Indiana Jones Chronicles စီးရီးကြီးကို ရိုက်ဖြစ်သွားတယ်။ ပရိသတ်တွေ သိချင်လှပါချည်ရဲ့ဆိုတဲ့ ဂျုံးစ်ရဲ့ ငယ်ဘဝ လူငယ်ဘဝ အဖြစ်အပျက်အကုန်ကို လူးကပ်စ်က ချပြခဲ့တယ်။ Star Wars ထဲမှာ Princess Leia အနေနဲ့ သရုပ်ဆောင်ခဲ့တဲ့ Carrie Fisher တောင် တစ်ပိုင်းအတွက် ဇာတ်ညွှန်းဝင်ရေးပေးခဲ့သလို Harrison Ford ကိုယ်တိုင်လည်း အင်ဒီယာနာအနေနဲ့ တစ်ပိုင်း ဝင်ပါခဲ့ပါသေးတယ်။ ခရူးဆိတ်အလွန် 19 နှစ်အကြာမှာတော့ အင်ဒီယာနာဟာ ပိတ်ကားပေါ် ပြန်ရောက်လာခဲ့တယ်။ ဖို့ဒ်လည်း အိုနေပြီဖြစ်သလို ဂျုံးစ်လည်း အိုနေပြီ၊ စပီးဘာ့ဂ်နဲ့ လူးကပ်စ်ရောပေါ့။ ဒါပေမဲ့ The Kingdom of the Crystal Skull (2008) ဟာ ပရိသတ်အချစ်တော် ရှေးသုပညာရှင်ကြီးနဲ့ မာရီယွန်ရေဗန်ဝုဒ်တို့ကို ပြန်ပေါင်းစည်းစေပြီး ခုခေတ်ရဲ့ တိုးတက်လာတဲ့ နည်းပညာတွေသုံးပြီး အရင်ကားတွေရဲ့ အရသာ ပြန်ရစေ‌ဖို့ အတတ်နိုင်ဆုံးကြိုးစားထားတဲ့ ကားကောင်းတစ်ကားဖြစ်ခဲ့ပါတယ်။ ဇရာထောင်းလာပြီဖြစ်တဲ့ ဟယ်ရီဆင်ဖို့ဒ်အတွက် ဂျုံးစ်ဇာတ်ကောင်ကနေ အနားယူနိုင်အောင်လို့ လှလှပပသိမ်းထားတဲ့ ဇာတ်သိမ်းခန်းလေးနဲ့ပေါ့။ ဒါပေမဲ့ Shia LaBeouf ကြောင့် ဒီပလန် အလုပ်ဖြစ်မသွားဘူး။ 2012 မှာ Lucasfilm ကို ဒစ်စနေးက ဝယ်လိုက်လို့ Star Wars နဲ့ Indiana Jones ဟာ ဒစ်စနေးပိုင်ဆိုင်မှုအောက် ရောက်သွားတယ်။ အဲဒီနောက်မှာတော့ Star Wars တွေပဲ ပေါပေါလောလောထွက်လာပေမဲ့ အင်ဒီယာနာအတွက်တော့ ဇာတ်လမ်းရှာနေတာနဲ့တင် ဆယ်နှစ်ကြာသွားတယ်။ ကားအသစ်မှာသုံးဖို့ ဇာတ်ချိတ်ပစ္စည်း MacGuffin ကို လူးကပ်က စဉ်းစားထားပြီးပေမဲ့ ဇာတ်လမ်းကိုတော့ သူမရေးတော့ဘူး။ စပီးဘာ့ဂ်ကလည်း Kingdom of Crystal Skull အလွန်မှာ လူသစ်ဒါရိုက်တာတစ်ယောက်ယောက် ပြောင်းကိုင်စေချင်တယ်။ ဒီလိုနဲ့ပဲ အင်ဒီယာနာ ကားသစ်ဟာ Walk the Line, Logan နဲ့ Ford v Ferrari စတဲ့ ကားကောင်းတွေရိုက်ခဲ့တဲ့ James Mangold လက် ရောက်သွားတယ်။ The Dial of Destiny (2023) ဟာ Indiana Jones Franchise ကြီးအတွက် နောက်ဆုံးပိတ်ကားဖြစ်လာတယ်။ ပါရာမောင့်နဲ့ ငါးကား စာချုပ်ကလည်း ပြည့်ပြီကိုး။ Disney က လူပြောင်းပြီး ထပ်ညှစ်ထုတ်ရင် ထုတ်နိုင်လောက်သေးပေမဲ့ ဒီကားက Harrison Ford ရဲ့ Indiana Jones အတွက် ဇာတ်သိမ်းခန်းတစ်ခုခုကို ယူဆောင်ပေးရတော့မယ့်ကားတစ်ကားပါပဲ။ မထွက်သေးခင် Trailer အနေနဲ့ရော၊ ထွက်တဲ့အချိန်မှာရော Mixed Reviews တွေ အများကြီးရှိခဲ့တဲ့ နောက်ဆုံးကားဟာ ကောင်းမကောင်းဆိုတာ ကြည့်တဲ့သူအပေါ်အများကြီး မူတည်သွားပါလိမ့်မယ်။ သမိုင်းကြီးခဲ့တဲ့ ဇာတ်ကောင်တစ်ကောင်ရဲ့ ဇာတ်သိမ်းဟာ ဒီအတိုင်းပဲ ဖြစ်သင့်လား ဆိုတာက ကြည့်ပြီးရင်ဖြစ်လာမယ့် မေးခွန်းတစ်ခု‌ပေါ့။ ဘယ်လိုပဲဆိုဆိုပါ George Lucas, Steven Spielberg, John Williams နဲ့ Harrison Ford တို့ ဖန်တီးခဲ့ကြတဲ့ Indiana Jones Franchise ကြီးဟာ နှစ်ပေါင်း 40 ကျော်အကြာမှာ ရုပ်ရှင်ငါးကား စီးရီးတစ်ခုနဲ့ ဇာတ်သိမ်းသွားပါပြီ။ ဒါပေမဲ့ ကျွန်‌တော်တို့ အချစ်တော် ရှေးသုပညာရှင်ကြီးနဲ့ သူ့ရဲ့ စွန့်စားခန်းတွေကတော့ ဘယ်တော့မှ တိမ်ကော‌ပျောက်ပျက်မသွားမယ့် သမိုင်းတစ်ပုဒ်ပါပဲ။ "I am like a bad penny, I always turn up." - Indiana Jones (Harrison Ford) ~ Y ~ Indiana Jones ဇာတ်ကားများကို https://channelmyanmar.org/?s=indiana+jones  မှာကြည့်လို့ရပါတယ်။ File size…(12 GB)/(3 GB)/ (1.4 GB) Quality….BluRay 4K HEVC/1080p HEVC/720p Format…mkv/mp4 Duration….01:58:26 Subtitle….Myanmar Subtitle(Hardsub) Encoder….Ka Naung

IMDb Rating - 8.0/10 ခေတ်သစ် Civil Disobidence အယူအဆကို ဖန်တီး‌ဖော်ထုတ်ခဲ့တာကတော့ အိန္ဒိယလွတ်လပ်ရေးဖခင်ကြီး မဟတ္တမဂန္ဒီ လို့ဆိုပါတယ်။၊Civil Disobedience Movementရဲ့ သက်ရောက်မှုကို သိပ်အယုံအကြည်မရှိတဲ့လူတွေ ရှိကောင်းရှိပါလိမ့်မယ်။ ဂန္ဒီလုပ်ခဲ့တဲ့ CDMရဲ့ သက်ရောက်မှုဟာ တစ်စတစ်စနဲ့ ဗြိတိသျှတို့ရဲ့ ကြီးမားလှတဲ့ အင်ပါယာကြီးကိုတောင် အတော်လေး အထိနာစေခဲ့ပါတယ်။ သူရဲ့ဝါဒကတော့ ရှင်းပါတယ်။ အကြမ်းမဖက်ဘူး မပူးပေါင်း မနာခံဘူး။ အကြမ်းမဖက်တာက အ‌ပြောတော့လွယ်ပါတယ် တစ်ဖက်က အကြမ်းဖက်လို့ ကိုယ့်အသားနာလာရင် သွေးရူးသွေးတန်းနဲ့ ပြန်အကြမ်းဖက်မိနိုင်‌ခြေသိပ်များပါတယ်။ အထူးသဖြင့် အကြမ်းမဖက်လို့ ရနိုင်မယ့် အကျိုးကျေးဇူးကို မသိရင်ပေါ့။ပြောရရင် CDMရဲ့ နောက်ဆက်တွဲအကျိူးကျေးဇူးကို မသိရင်ပေါ့။ ဂန္ဒီလက်ကိုင်ထားခဲ့တဲ့ဝါဒဟာ Civil Disobidenceပါပဲ။ CDMနဲ့ ပက်သက်ပြီး ဒီရုပ်ရှင်မှာ ဖြစ်ရပ်မှန် သာဓကတွေအများကြီးပါပါတယ်။ CDMကို ဒီရုပ်ရှင်သာမကြည့်ခဲ့မိရင် ဒီလောက်အထိစွမ်းမယ်လို့ လုံး၀ဥဿုံ ထင်ချင်မှလည်းထင်မိမှာပါ။ မိတ်ဆွေတို့ကိုတော့ မဆိုလိုဘူးပေါ့။ ဒါကျွန်တော့်ရဲ့တုံးအမှုပါပဲ။ ဂန္ဒီပြောသလိုပါပဲ "သူတို့ ကျုပ်တို့ကို ကြိုက်တာလုပ်လို့ရပါတယ်။ ဒါပေမဲ့ ကျုပ်ရဲ့ နာခံမှုကိုတော့ ကျုပ်မပေး မချင်းသူတို့မရနိုင်ပါဘူး"CDMဟာ အင်အားချင်းမတုံ့ပြန်နိုင်တဲ့လူတွေအတွက် အကောင်းဆုံးလက်နက်ပါပဲ။မိတ်ဆွေ ဒီထက်နားလည်သွားမှာတွေအများကြီး ပိုပါပါသေးတယ်။ ဒါပေမဲ့ ကျွန်တော် မပြောပြတတ်ပါဘူး။ မပြောချင်တာ မဟုတ်ပါဘူး။ နိုင်ငံရေးနဲ့ပက်သက်ပြီး ကျွန်တော် ဘာမှနားလည်တဲ့လူတော့ မဟုတ်ပါဘူး ဒါပေမဲ့ သေချာတာက ခင်ဗျား ဒီရုပ်ရှင်ကိုကြည့်ပြီး CDMအစစ်ရဲ့ သက်ရောက်မှုကို ကောင်းကောင်းကြီးသိသွားမှာပါ။ ဒါပါပဲ။ CDMနဲ့တစ်နိုင်ငံလုံး ပက်သက်နေတဲ့အချိန်မှာ ဒီရုပ်ရှင်ကို ကြည့်ဖြစ်အောင်ကြည့်လိုက်ကြပါ။ ကြည့်ကြစေချင်ပါတယ်။ ဒါကျွန်တော့်ရဲ့ စိတ်‌စေတနာအမှန်ပါပဲ။ တစ်ခါတလေကျ ဒီကမ္ဘာကြီးမှာ ကျွန်တော်တို့ ဘာမှမတတ်နိုင်ပါဘူးလို့ ထင်ကောင်းထင်ရတဲ့ နေ့တွေရှိမယ်။ ကိုယ့်ဖြစ်တည်မှုရဲ့ သိမ်ဖျင်းသေးနုပ်မှုကို စိတ်ပျက်အားငယ်မိတဲ့နေ့တွေရှိမယ်။ တစ်ခါတလေ ဒီကမ္ဘာကြီးက အဓိပ္ပာယ်မရှိပါဘူးလို့တွေးမိတဲ့ အခါတွေများမှာ အဓိပ္ပာယ်ရှိခဲ့တဲ့လူတစ်ယောက်ရဲ့ ဘ၀အကြောင်းကို သိထားတာဟာ ကျွန်တော်တို့ ဘာမှမတတ်နိုင်ဘူးထင်ရတဲ ကမ္ဘာကြီးမှာ မျှော်လင့်စရာကလေးတွေ ကျန်သေးကြောင်း အသိပေးကောင်းပေး နိုင်ပါလိမ့်မယ်။ တကယ်လို့်များ မိတ်ဆွေစိတ်ပျက်အားငယ်မိရင် ဂန္ဒီပြောဖူးတဲ့စကားလေးတစ်ခုကို သတိရလိုက်ပါ။ " ကျုပ်စိတ်ပျက်အားငယ်တဲ့အခါ အမှန်တရားနဲ့ ချစ်ခြင်းမေတ္တာရဲ့ လမ်းစဉ်က အမြဲအောင်နိုင်ခဲ့တယ်ဆိုတာကို သတိရမိတယ်။ ကမ္ဘာကြီးမှာ မင်းဆိုးမင်းညစ် အာဏာရှင်တွေ လူသတ်သမားတွေ ရှိခဲ့ကြပြီးပြီ အချိန်တစ်ခုထိတော့ သူတို့လိုလူတွေက မကျရှုံးနိုင်ဘူးထင်ရတယ်။ အဆုံးမှာတော့ သူတို့ အမြဲကျရှုံးရတာပါပဲ ဒါကိုအမြဲတွေးပါ" (ဒီဇာတ်လမ်းရဲ့ အညွှန်း နဲ့ ဘာသာပြန်ရေးသားပေးသူကတော့ WiRa Aung ပဲဖြစ်ပါတယ်။) Quality – 1080p, 720p WebRip Duration - 3h 11min Subtitle – Myanmar Hardsub Format – Mp4 Genre : Biography, Drama, History Source : 1080p.WebRip Translator – WiRa Aung Encoder – SWM