Andrea Libman ပါဝင်သော ဇာတ်ကားများ

Strawberry Shortcake's Spring Spectacular က ကလေးတွေနဲ့ မိသားစုများအတွက် ပျော်စရာကောင်းပြီး စိတ်ဝင်စားဖွယ် ကာတွန်းဇာတ်လမ်းဖြစ်ပါတယ်။ ဒီဇာတ်လမ်းကို MGA Entertainment နှင့် Iconix Entertainment တို့က ထုတ်လုပ်ပြီး animation ကို DHX Media (အခု WildBrain) မှ တာဝန်ယူထားတာဖြစ်ပါတယ်..... ဇာတ်လမ်းလေးကတော့ Strawberry Shortcake နဲ့ သူငယ်ချင်းတသိုက် နွေဦးပွဲတော်အတွက် ဘယ်လိုပေါင်းစည်းစုရုံးပြီး ပြင်ဆင်ကြလဲဆိုတာကို ရိုက်ပြတင်ဆက်ပေးထားတာဖြစ်ပါတယ်။ အရောင်အသွေးစုံ animation များ စိတ်ဖိစီးမှုမရှိတာတွေ သီချင်းတွေကတော့ ပိုမိုထူးခြားစေပါတယ် ကလေးများအတွက် အထူးသင့်တော်ပါတယ်။ မိသားစုနှင့်အတူ ပျော်ရွှင်စွာကြည့်ရှုနိုင်ပြီး Strawberry Shortcake ချစ်သူများအတွက် အကြိုက်တွေ့စေမယ့် ဇာတ်လမ်းကောင်းလေးတစ်ခုပါ! File size…(820 Mb)/(450 Mb) Quality….Webrip 1080p / 720p Format… mp4 Duration…. 00:45:00 Genre... Animation Subtitle….Myanmar Subtitle (Hardsub) Encoder….Garfield Translated by Banyar Aung

IMDb - 7/10 ဟိုးရှေးရှေးတုန်းကပေါ့ ပိုနီလို့ ခေါ်ကြတဲ့ မြင်းပုမျိုးနွယ်စုလေး သုံးခုရှိကြတယ်။ အာသ့်ပိုနီလို့ ခေါ်တဲ့မြေလျှောက်မြင်းပုလေးတွေရယ် ယူနီကွန်း လို့ ခေါ်တဲ့ မှော်စွမ်းအား သုံးနိုင်တဲ့ ဦးချိုတစ်ချောင်း မြင်းပုလေးတွေရယ် ပဲဂစိုက် လို့ခေါ်တဲ့ မြင်းပုပျံလေးတွေ ရယ်ပေ့ါ သူတို့ဟာ လက်ရှိကာလမှာတော့ မျိုးနွယ်စုတွေက တစ်ခုနဲ့ တစ်ခု မတည့်ကြဘဲ အချင်းချင်း ကြောက်ရွံ့နေကြတယ်။ ဘာအကြောင်းကြောင့် စည်းလုံးမှု ပြိုကွဲပြီး အချင်းချင်း ကြောက်နေကြမှန်း မသိရပေမဲ့ အတိတ်ကာလတုန်းက သိပ်စည်းလုံးပြီး မိတ်ဆွေကောင်းတွေ ဖြစ် ဆက်ဆံရေးခိုင်မာကြတယ်လို့ ယုံကြည်တဲ့ အာ့သ်ပိုနီ ကတော့ ရှိနေခဲ့တယ်။ သူ့ရဲ့ ယုံကြည်မှုကို သူ့သမီးဖြစ်တဲ့ ဆန်နီ လေးကို လက်ဆင့်ကမ်းရင်း ည အိပ်ယာဝင်ပုံပြင်တွေ အဖြစ် ပြောပြခဲ့တယ်။ အဲဒီ ပုံပြင်တွေ အပေါ် ယုံကြည်သက်ဝင်တဲ့ ဆန်နီလေးတစ်ယောက် အခြားမျိုးနွယ်စု‌တွေကို လိုက်ရှာရင်း သူ့အဖေ ယုံကြည်ခဲ့တဲ့ ပြန်လည်ပေါင်းစည်းရေး အတွက်ကြိုးပမ်းရင်း ဒီစွန့်စားခန်းလေး ဖြစ်ပေါ်လာတော့တာပါပဲ။ Netflix က ဇာတ်လမ်း ဖြစ်တာကြောင့် ကျန်တဲ့ အပိုင်းကို သိပ်မညွှန်းတော့ပါဘူး။ မမေ့မလျော့ ပြောချင်တာက သီချင်းတွေ အရမ်းကောင်းတာပါ။ ခံစားကြည့်ကြပါဦး။ အညွှန်း နဲ့ ဘာသာပြန်ကတော့ Charm Wave ပဲ ဖြစ်ပါတယ်။ Quality….WEB-DL 1080p and 720p and 480p File size…1.6GB and 1GB and 467MB Format…mp4 Duration….1h 30mmin Subtitle….Myanmar Subtitle (Hardsub) Translator ..... Charm Wave Encoder ..... August

ဒါက ၂၀၂၀မှာမှအသစ်ထွက်ရှိထားတဲ့ Cats and Dogs 3 paw unite ပါ ပြီးခဲ့တဲ့ 1 နဲ့ 2မှာခွေးနဲ့ကြောင်တွေဟာအချင်းချင်းခိုက်ရန်ဖြစ်ပွားကြပြီး FART ဆိုတဲ့ငြိမ်းချမ်းရေးအဖွဲ့အစည်းကိုတည်ထောင်ပီးနောက် မှာ သူတိူ့တစ်ကောင်နဲ့တစ်ကောင် သင့်သင့်မြတ်မြတ်ရှိခဲ့ကြပါတယ် တစ်နေ့မှာသူတို့သင့်မြတ်နေတာကိုမနာလိုတဲ့ သာမညအိမ်မွေးတိရစ္ဆာန်တွေဟာ သူတို့အခြေစခန်းကကုဒ်တွေကို ဟက်ခ်ပြီး တစ်ကမ္ဘာလုံးကခွေးတွေနဲ့ကြောင်တွေကိုအရင်ကလိုမတည့်မရှုဖြစ်စေမဲ့ အသံလှိုင်းတွေကိုထုတ်လွှင့်ပြီး ပဋိပက္ခတွေကိုဖန်တီးလိုက်ပါတယ် ဒီပြဿနာကို​ဖြေရှင်းရမှာက ရော်ဂျာဦးဆောင်တဲ့အေးဂျင့်အဖွဲ့ပါ သူတို့ဒီပြဿနာကို ဘယ်လို​ရင်ဆိုင်ဖြေရှင်းကြမလဲ ပြဿနာကအလိုလိုပြေလည်သွားမလားဆိုတာ စောင့်ကြည့်ရမှာဖြစ်ပါတယ် File Size : 900 Mb Quality : webrip 720p Format…mp4 Duration…1hr 24min Genre :  Action, Comedy, Family Subtitle : Myanmar Subtitle (Hard Sub) Translated by Nyein Lai Wai Encoded by Littleneo

ဇာတ်လမ်းကတော့ Canterlot High ကျောင်းမှာ ထူးဆန်းတဲ့ အဖြစ်အပျက်တစ်ခု ကြုံတွေ့ရရာကနေ စတင်ပါတယ်။ အဓိက ဇာတ်ကောင်ဖြစ်တဲ့ ဆန်းဆက် ရှီမာ (Sunset Shimmer) ရဲ့ အချစ်ဆုံး သူငယ်ချင်းတွေဟာ သူမနဲ့ ပတ်သက်တဲ့ ကောင်းမွန်တဲ့ မှတ်ဉာဏ်တွေ အားလုံးကို ရုတ်တရက် မေ့သွားကြပါတယ်။ သူတို့ရဲ့ မှတ်ဉာဏ်ထဲမှာ Sunset Shimmer ဟာ အရင်တုန်းက ကျောင်းမှာ အနိုင်ကျင့်ဗိုလ်ကျတတ်တဲ့ ကောင်မလေးဆိုး တစ်ယောက်အနေနဲ့ပဲ ကျန်ရစ်နေခဲ့တာပါ။ ဘယ်သူက သူတို့ရဲ့ မှတ်ဉာဏ်တွေကို ဖျောက်ဖျက်ပစ်လိုက်တာလဲ ဆိုတာကို ရှာဖွေဖို့အတွက်၊ Sunset ဟာ Equestria က မင်းသမီး Twilight Sparkle ဆီကို အကူအညီတောင်းရပါတော့တယ်။ အဲဒီနောက်မှာတော့ သူမနဲ့ အရင်က သိပ်အဆင်မပြေခဲ့တဲ့ Trixie နဲ့ပါ မထင်မှတ်ဘဲ ပူးပေါင်းမိသွားပြီး မှတ်ဉာဏ်ဖျောက် ကျောက်တုံး (Memory Stone) ကို အသုံးပြုနေတဲ့ တရားခံကို ဘယ်လို စုံစမ်းဖော်ထုတ်ကြမလဲ ဆိုတာကို စိတ်ဝင်စားဖွယ် တင်ဆက်ထားပါတယ်။ ဒီဇာတ်ကားဟာ Sunset Shimmer ရဲ့ ဇာတ်ကောင်စရိုက် အပြောင်းအလဲကို အကောင်းဆုံးနဲ့ အနက်ရှိုင်းဆုံး ပုံဖော်ပြသထားတဲ့ ဇာတ်ကားလို့ ပြောလို့ရပါတယ်။ အတိတ်က အမှားတွေအတွက် နောင်တရပြီး သူငယ်ချင်းတွေအတွက် ဘယ်လောက်အထိ အနစ်နာခံ ကြိုးစားပေးတယ် ဆိုတာကို ကြည့်ရှုသူတွေ ရင်ထဲထိအောင် ရိုက်ကူးထားပါတယ်။ အမြဲတမ်း ပြိုင်ဘက်လို ဖြစ်နေတဲ့ Trixie နဲ့ Sunset Shimmer တို့ နှစ်ယောက် အတူတူ ပြဿနာကို ဖြေရှင်းကြတဲ့ အခန်းတွေက ဇာတ်ကားရဲ့ အသက်ပါပဲ။ သူတို့နှစ်ယောက်ကြားက အလွဲလွဲအချော်ချော် အခန်းတွေက ရယ်မောစရာ ကောင်းသလို၊ တစ်ယောက်နဲ့တစ်ယောက် နားလည်မှု တည်ဆောက်သွားပုံကလည်း ကြည့်ရှုရတာ သဘောကျစရာ ကောင်းပါတယ်။ လူတစ်ယောက်ကို အတိတ်က အမှားတွေနဲ့ချည်း အကဲမဖြတ်ဘဲ၊ လက်ရှိ ပြုပြင်ပြောင်းလဲနေတဲ့ အရာတွေကို အသိအမှတ်ပြု ခွင့်လွှတ်ပေးဖို့ ဆိုတဲ့ အရေးကြီးတဲ့ မက်ဆေ့ချ်ကို ပေးစွမ်းနိုင်ပါတယ်။ မှတ်ဉာဏ်တွေ ပျောက်ဆုံးသွားရင်တောင်မှ အစစ်အမှန် ချစ်ခင်ရတဲ့ သူငယ်ချင်းမေတ္တာက အရာအားလုံးကို ပြန်လည် တည်ဆောက်နိုင်တယ် ဆိုတာကို လှလှပပ တင်ဆက်ထားပါတယ်။ File size…    700 MB / 360 MB Quality… WEB-DL 1080p / 720p Format… mp4 Duration…. 44m Genre ..... Animation , Family Fantasy Subtitle…. Myanmar Subtitle (Hard Sub)

Canterlot High ကျောင်းက ကျောင်းသားကျောင်းသူတွေဟာ နွေရာသီ ကျောင်းပိတ်ရက်မှာ 'Camp Everfree' ဆိုတဲ့ စခန်းသွင်းခရီးစဉ်တစ်ခုကို သွားရောက်ခဲ့ကြပါတယ်။ သဘာဝတောတောင်တွေကြားမှာ ပျော်ပျော်ရွှင်ရွှင် ဖြတ်သန်းရမယ့်အစား စခန်းမှာ ထူးဆန်းတဲ့ အဖြစ်အပျက်တွေ ဆက်တိုက်ကြုံတွေ့လာရပါတယ်။ စခန်းရဲ့ ဒဏ္ဍာရီလာ သစ်တောစောင့်နတ်သမီး "Gaea Everfree" ကြောင့်လား၊ ဒါမှမဟုတ် တခြားလျှို့ဝှက်ချက် တစ်ခုခု ရှိနေသလား ဆိုတာကို သူငယ်ချင်းတစ်စု စုံစမ်းကြပါတော့တယ်။ တစ်ဖက်မှာလည်း Sci-Twi (Twilight Sparkle) ဟာ သူမရဲ့ အတွင်းစိတ်ထဲက မကောင်းဆိုးဝါး စွမ်းအင်ဟောင်းဖြစ်တဲ့ Midnight Sparkle ရဲ့ ခြောက်လှန့်မှုတွေကို အကြောက်တရားနဲ့ ရင်ဆိုင်နေရချိန် ဖြစ်ပါတယ်။ ဒီဇာတ်ကားရဲ့ အမိုက်ဆုံးအပိုင်းကတော့ အဓိက ဇာတ်ကောင် ၇ ယောက်စလုံးက မှော်ကျောက်မျက် (Geodes) တွေကတစ်ဆင့် ကိုယ်ပိုင် စူပါဟီးရိုးစွမ်းအားတွေ အသီးသီး ရရှိသွားကြတာပါပဲ။ သူငယ်ချင်းတွေ စည်းလုံးပြီး စွမ်းအားသစ်တွေကို အသုံးပြုကာ အခက်အခဲတွေကို ဖြေရှင်းသွားပုံက ဟီးရိုး အန်နီမေးရှင်း ဇာတ်ကားတွေ ကြည့်ရသလိုမျိုး ရင်ခုန်စရာကောင်းပါတယ်။ စခန်းသွင်းခရီးစဉ်ရဲ့ ညဘက် မီးပုံပွဲပုံပြင်တွေ၊ ထူးဆန်းတဲ့ ဖြစ်ရပ်မှန်တွေကို စုံစမ်းရတာတွေက Scooby-Doo ဇာတ်ကားတွေလို လျှို့ဝှက်ဆန်းကြယ်တဲ့ (Mystery) အရသာမျိုးကို ပေးစွမ်းနိုင်ပါတယ်။ ဒါ့အပြင် Sunset Shimmer ရဲ့ ခေါင်းဆောင်ကောင်းပီသစွာ သူငယ်ချင်းတွေကို ကူညီပေးမှုနဲ့ Twilight Sparkle ရဲ့ ကိုယ့်ကိုယ်ကိုယ် ယုံကြည်မှု ပြန်လည်တည်ဆောက်ပုံတွေကို အကောင်းဆုံး ပုံဖော်ထားပါတယ်။ "Legend of Everfree" ဟာ ရိုးရှင်းတဲ့ သူငယ်ချင်းမေတ္တာဖွဲ့ ဇာတ်လမ်းကနေ တစ်ဆင့်တက်ပြီး၊ ကိုယ့်ရဲ့ အားနည်းချက်နဲ့ ကြောက်ရွံ့မှုတွေကို ဘယ်လိုကျော်လွှားရမလဲ ဆိုတာကို အဓိပ္ပာယ်ရှိရှိ တင်ဆက်ထားတဲ့ အန်နီမေးရှင်း ဇာတ်ကားကောင်း တစ်ကားဖြစ်ပါတယ်။ မိသားစုနဲ့အတူတူ ဖြစ်ဖြစ်၊ ကိုယ်တိုင် အပန်းဖြေချင်လို့ပဲဖြစ်ဖြစ် အချိန်ပေးပြီး ကြည့်ရှုဖို့ အထူးပဲ ညွှန်းဆိုပေးလိုက်ပါတယ်။ File size…    1.1 GB / 500 MB Quality… Blu-Ray 1080p / 720p Format… mp4 Duration…. 1h 13m Genre ..... Animation , Family , Music Subtitle…. Myanmar Subtitle (Hard Sub)

Canterlot High ကျောင်းနဲ့ ပြိုင်ဘက် Crystal Prep Academy ကျောင်းတို့ကြားက ရိုးရာအားကစားပြိုင်ပွဲဖြစ်တဲ့ "Friendship Games" (ချစ်ကြည်ရေး အားကစားပွဲ) ကို ကျင်းပဖို့ ပြင်ဆင်နေချိန်ကနေ ဇာတ်လမ်းစထားပါတယ်။ Canterlot High ဘက်က Sunset Shimmer နဲ့ သူမရဲ့ သူငယ်ချင်းတွေဟာ ကျောင်းရဲ့ ဂုဏ်သိက္ခာအတွက် အစွမ်းကုန် ကြိုးစားဖို့ ပြင်ဆင်နေကြပါတယ်။ ဒါပေမယ့် ဒီတစ်ခေါက်မှာတော့ အခြားကမ္ဘာက Twilight Sparkle မဟုတ်ဘဲ၊ လူသားကမ္ဘာက သိပ္ပံပညာကို အရူးအမူးဝါသနာပါတဲ့ ကျောင်းသူလေး Twilight Sparkle (Sci-Twi) ဟာ ပြိုင်ဘက် Crystal Prep ကျောင်းဘက်ကနေ ပါဝင်လာပါတယ်။ Sci-Twi ဟာ Canterlot High က ထူးဆန်းတဲ့ မှော်စွမ်းအင်တွေကို စူးစမ်းလေ့လာရင်းနဲ့ မတော်တဆ မှော်အစွမ်းတွေကို စုပ်ယူမိရာကနေ ပြိုင်ပွဲကြီးမှာ မထင်မှတ်ထားတဲ့ ပြဿနာတွေနဲ့ ရင်ဆိုင်လာရပါတော့တယ်။ "Equestria Girls – Friendship Games" ဟာ My Little Pony ပရိသတ်တွေအတွက်ရော၊ အန်နီမေးရှင်း ဇာတ်ကားကောင်းတွေကို ရှာဖွေကြည့်ရှုချင်သူတွေအတွက်ပါ စိတ်ကျေနပ်မှု အပြည့်အဝပေးနိုင်မယ့် ဇာတ်ကားကောင်း တစ်ကားဖြစ်ပါတယ်။ မိသားစုနဲ့အတူတူ အပန်းဖြေရင်း ကြည့်ရှုဖို့အတွက် အထူးပဲ ညွှန်းဆိုပေးလိုက်ပါတယ်။ File size…    1.1 GB / 500 MB Quality… Blu-Ray 1080p / 720p Format… mp4 Duration…. 1h 12m Genre ..... Animation , Family , Music Subtitle…. Myanmar Subtitle (Hard Sub)

Barbie and the Secret Door (2014) ဘာဘီနှင့် လျှို့ဝှက်တံခါးနောက်ကွယ်မှစွန့်စားခန်း ဇာတ်လမ်းကတော့ ရှက်ရွံ့တတ်ပြီး စာအုပ်ဖတ်ရတာကိုပဲ ဝါသနာပါတဲ့ မင်းသမီးလေး "အလက်ဇာ"အကြောင်းကနေ စတင်ထားတာပါ။ သူမဟာ နန်းတွင်းက ကပွဲတွေ၊ မင်းသမီးတာဝန်တွေကို မကျေပွန်ဘဲ စာအုပ်တွေကြားထဲမှာပဲ အချိန်ကုန်လွန်စေလိုသူ ဖြစ်ပါတယ်။ တစ်နေ့မှာတော့ သူမဟာ နန်းတော် ဥယျာဉ်ထဲမှာ ဝှက်ထားတဲ့ ဆန်းကြယ်လှတဲ့ လျှို့ဝှက် တံခါးတစ်ချပ်ကို တွေ့ရှိသွားခဲ့ပါတော့တယ်။ အဲ့ဒီ တံခါးကို ဖွင့်လိုက်တဲ့အခါမှာတော့ ဆန်းကြယ်တဲ့ မော်သတ္တဝါတွေ၊ နတ်သမီးလေးတွေနဲ့ ရေနဂါးမလေးတွေ နေထိုင်ရာကမ္ဘာကြီးဆီ ရောက်ရှိသွားခဲ့ပါတယ်။ ဒါပေမဲ့ အဲ့ဒီ ကမ္ဘာကြီးကို ရက်စက်ပြီး အတ္တကြီးတဲ့ မင်းသမီးလေး "မလူစီယာ" က အုပ်ချုပ်နေပြီး... တိုင်းသူပြည်သားတွေရဲ့ မော်အစွမ်းတွေကို လိုက်လံ လုယူနေတာကို သိလိုက်ရတဲ့အခါ... အလက်ဇာဟာ သူမရဲ့ သတ္တိနဲ့ မော်တုတ်ကောက်လေးကို အသုံးပြုပြီး ဒီကမ္ဘာကြီးကို ကယ်တင်ဖို့ ဘယ်လိုမျိုး ရဲရင့်စွာ ရုန်းကန်သွားမလဲဆိုတာကို ရှုစားကြရမှာ ဖြစ်ပါတယ်။

My Little Pony: Equestria Girls - Rainbow Rocks (2014) Equestria Girls စီးရီးတွေထဲမှာ အကောင်းဆုံးနဲ့ အအောင်မြင်ဆုံးလို့ သတ်မှတ်ခံထားရတဲ့ ကာတွန်းကားဖြစ်ပြီး အရောင်အသွေး စုံလင်လှပါတယ် ဇာတ်လမ်းကတော့ သာမန် အထက်တန်းကျောင်းသားလေးတွေအဖြစ် ပြောင်းလဲနေထိုင်နေကြတဲ့ Sunset Shimmer နဲ့ သူမရဲ့ သူငယ်ချင်းအဖွဲ့ဆီကို... Equestria ပြည်နယ်ကနေ နယ်နှင်ဒဏ်ပေးခြင်း ခံထားရတဲ့ Sirens သုံးကောင် ဖြစ်တဲ့ Adagio, Aria နဲ့ Sonata တို့ ရောက်ရှိလာရာကနေ စတင်ထားတာပါ။ ဒီ Sirens သုံးကောင်ဟာ Canterlot High ကျောင်းမှာ ရှိနေတဲ့ မော်ဂျစ်စွမ်းအားတွေကို ရရှိသွားပြီးနောက် ကျောင်းသားတွေကြားထဲမှာ အချင်းချင်း စည်းဝမ်းကွဲပြားအောင် သွေးခွဲကာ... ကျောင်းရဲ့ ရိုးရိုးဂီတပွဲတော်ကို အချင်းချင်း ရန်ဖြစ်စိန်ခေါ်ကြရတဲ့ ဂီတတိုက်ပွဲ အဖြစ် ပြောင်းလဲပစ်ခဲ့ပါတယ် ဒါကို သိရှိသွားတဲ့အခါ Twilight Sparkle တစ်ယောက် Equestria ကနေ လူ့ကမ္ဘာဆီ ပြန်လည်ရောက်ရှိလာပြီး... သူမရဲ့ သူငယ်ချင်းတွေဖြစ်တဲ့ Applejack, Rainbow Dash, Pinkie Pie, Rarity, Fluttershy တို့နဲ့အတူ "The Rainbooms" ဆိုတဲ့ တီးဝိုင်းဖွဲ့ကာ ဂီတစွမ်းအားဖြင့် သွေးခွဲနတ်ဆိုးတွေကို စည်းလုံးစွာ ပြန်လည်တိုက်ခိုက်သွားကြရပုံကို မိသားစုနဲ့ကြည့်လို့ရမယ့် animation ကောင်းလေး ဖြစ်ပါတယ်။

Barbie in A Mermaid Tale (2010) IMDb Rating - 6.3/10 Barbie in a mermaid tale ဆိုရင်တော့ Barbie fan မှန်ရင် အများကြီး ညွှန်းနေစရာမလိုမယ့် ကားကောင်းလေးပါနော်။ ၂၀၁၀ ထွက် Barbie Movie တွေထဲမှာမှ Fan တွေ အရူးအမူးဖြစ်ခဲ့ရတဲ့ ဇာတ်ကားဆိုရင်လည်း မမှားပါဘူး။ ကြည့်ဖူးသူတော်တော်များများကို ဆံပင်အရောင်ပြောင်းချင်စေ ခဲ့တဲ့ လွှမ်းမိုးမှုအကောင်းဆုံးဇာတ်လမ်းလေးကတော့ ... Merliah Summers လို့ဆိုလိုက်ရင် Malibu ရဲ့ Celebrity အကျော်အမော် ရေလွှာလျှောစီးသူတွေထဲကတစ်ယောက်လို့ ပြေးမြင်ကြပါလိမ့်မယ်။ လှိုင်းစီး တဲ့ Stunt တွေလှလွန်းလို့ "Queen of the waves" လို့တောင် တင်စားရတဲ့ ကစားသမားတစ်ဦးပါ။ နာမည်လေးလည်း ရနေပြီးသားဖြစ်လို့ Merliah တစ် ယောက် အကောင်းဆုံးကစားသမားနေရာကို မှန်းထားခဲ့ပါတယ်။ ပြိုင်ပွဲနေ့မှာ လှိုင်းလုံးအမြင့်ကြီးကိုမှ ရွေးပြီးစီးလို့ Merliah လူစိတ်ဝင်စားခံနေရချိန်မှာပေါ့။ ရုတ်တရက်ဆိုသလို လူစိတ်ဝင်စားရတဲ့ အကြောင်းအရင်းက ပြောင်မြောက်တဲ့ စတန့်ကွက်တွေကနေ ရေစင်တာနဲ့အမျှ တဖြည်းဖြည်းပန်းရောင်ပြောင်းလာတဲ့ Merliah ဆံပင်တွေဖြစ်သွားပါတော့တယ်။ နာမည်လည်းကြီး Hightlight လည်း အလကားဖောက်လိုက်ရသလို ဖြစ်သွား ပေမယ့် Merliah ပျော်မနေခဲ့ပါဘူး။ ဆံပင်တင်ဆန်းတာမဟုတ်ဘဲ ခန္ဓာကိုယ် ကပါ တမူထူးပြီး ရေအောက်ထဲမှာ အသက်ရှူနိုင်နေတဲ့အပြင် လင်းပိုင်တစ်ကောင် ကပါ စကားလာပြောသွားလို့ပါပဲ။ လူထူးလူဆန်းဆိုတဲ့ ခေါင်းစဉ်ကြီးအောက်ကနေ နာမည်မကြီးချင်လို့ အဘိုးလုပ်သူကို မေးကြည့်လိုက်တဲ့အခါမှာတော့ ဘဝရဲ့အကြီး မားဆုံး Surprise နဲ့ ကြုံလိုက်ရပါတော့တယ်။ ဒီကားလေးက Barbie in a Fashion Fairytale နဲ့ တစ်နှစ်တည်းထွက်ခဲ့တာဖြစ်ပြီး သူ့ရဲ့အဆက်ဖြစ်တဲ့ Movie ကတော့ ၂၀၁၁ မှာထွက်ရှိခဲ့ပြီး CM ကနေလည်း ဆက်လက်ဘာသာပြန်တင်ဆက်ပေးသွားဦး မှာမို့ စောင့်မျှော်အားပေးကြပါဦးနော်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Hnin Wut Yi ဖြစ်ပါတယ်) File Size..........(2.11 GB) / (985 MB) Quality............WEB-DL 1080p / 720p Duration.........1Hr 15Min Subtitle...........Myanmar Hardsub Format............MP4 Genre..............Animation, Family, Fantasy Translator.......Hnin Wut Yi Encoder..........SWM

Barbie and the Magic of Pegasus (2005) ဘာဘီ အန်နီမေးရှင်း ကားတွေထဲမှာ အောင်မြင်မှု အများဆုံး ရရှိခဲ့တဲ့ ၂၀၀၀ ပြည့်လွန်နှစ်များက ဂန္ထဝင် စွန့်စားခန်း ရုပ်ရှင်ကားကြီး ဖြစ်ပါတယ်။ ဇာတ်လမ်းကတော့ ရေခဲပြင် ကစားရတာကို နှစ်သက်တဲ့ မင်းသမီးလေး "အန်နီကာ" အကြောင်းကနေ စတင်ထားတာပါ။ တစ်နေ့မှာတော့ တိုင်းပြည်ဆီ မကောင်းဆိုးဝါး မှော်ဆရာ "ဝှန်လော့ခ်"ရောက်ရှိလာပြီး အန်နီကာ ကို သူ့ကို လက်ထပ်ဖို့ အတင်းအကျပ် တောင်းဆိုပါတော့တယ်။ အန်နီကာ က ငြင်းဆန်လိုက်တဲ့အခါ မှော်ဆရာ ဟာ ဒေါသထွက်ပြီး အန်နီကာ ရဲ့ မိဘတွေနဲ့ တိုင်းသူပြည်သား အားလုံးကို ကျောက်ရုပ် ဖြစ်သွားအောင် ကျိန်စာ တိုက်ပစ်လိုက်ပါတော့တယ်။ ဒီကျိန်စာကို ဖြေရှင်းဖို့အတွက် အန်နီကာဟာ မထင်မှတ်ဘဲ ပေါ်ထွက်လာတဲ့မြင်းပျံလေး "ဘရီယက်တာ"ရဲ့ ကူညီမှုနဲ့အတူ တိမ်တိုက်နိုင်ငံတော်ဆီကို ခရီးထွက်ခဲ့ပါတော့တယ်။ မိသားစုနဲ့ တိုင်းပြည်ကို ကယ်တင်ဖို့အတွက် "အလင်းကျိန်တံကို ဖန်တီးပြီး မှော်ဆရာကို ပြန်လည်တိုက်ခိုက်မယ့် အန်နီကာ ရဲ့ စွန့်စားခန်းကို ကြည့်ရမယ့် ဘာဘီကာတွန်းကားကောင်းလေးဖြစ်ပါတယ်

ခရစ်ယာန် သမ္မာကျမ်းစာရဲ့ ကမ္ဘာဦးကျမ်းမှာ ပြောထားတာတစ်ခုရှိတယ်။ လူသားတွေကို ဘုရားသခင်က သူ့ရဲ့အသွင်အပြင်အတိုင်း ဆဌမမြောက်နေ့မှာ ဖန်ဆင်းခဲ့သတဲ့။ လူသားတွေဟာ အသိပညာ အတတ်ပညာတွေမှာ တစ်ခေတ်ပြီးတစ်ခေတ် ကြောက်ခမန်းလိလိ တိုးတက်လာပြီး မျိုးရိုးဗီဇပြုပြင်ပြောင်းလဲတုပခြင်းကို တတ်ကျွမ်းလာတဲ့ အနာဂတ်က အချိန်တစ်ခုမှာပေါ့။ လူသားတွေ မွေးထားတဲ့ အိမ်‌မွေးတိရစ္ဆာန်လေးတွေ အိုမင်းလို့ နေမကောင်းလို့ သေကြရတဲ့အခါ သိပ္ပံပညာရှင်တွေက သူတို့ကို ပုံကြမ်းထည်ကနေ ဆဲလ်ပွားခြင်းနည်းပညာနဲ့ မွေးမြူယူလိုက်ပြီး သေသွားတဲ့ တိလေးတွေနဲ့ ပုံစံတူအောင်လုပ်ကြတယ်။ နောက်ဆုံးအဆင့်အနေနဲ့ တိလေးတွေရဲ့ ဦးနှောက်က မျိုးရိုးဗီဇနဲ့ မှတ်ဉာဏ်ကိုကူးယူပြီး အသစ်မွေးထားတဲ့ကိုယ်ခန္ဓာထဲ ထည့်သွင်းလိုက်တော့ ကျန်းမာပြီးပြည့်စုံတဲ့ အိမ်မွေးတိကလေးကို ပြန်ရတယ်။ သူတို့က ပိုင်ရှင်သင်ထားတဲ့ အကွက်လေးတွေကို အကုန်ပြန်လုပ်တတ်ကြပြီး သူတို့မြှုပ်ထားတဲ့ အရိုးတွေကိုတောင် ပြန်ဖော်စားတတ်ပါသတဲ့။ လူတွေဟာ ဒီလောက်နဲ့ ရပ်တန့်မသွားပါဘူး။ လူသားတွေကိုပါ ပုံတူကူးဖို့ ကြိုးစားပါတော့တယ်။ ဒါပေမဲ့ ပထမဆုံးစမ်းသပ်ချက်က မအောင်မြင်ခဲ့ပါဘူး။ ဒီတော့ နိုင်ငံရေးသမားတွေက လူသားပုံတူကူးခြင်းကို ဥပဒေအရ တားမြစ်ခဲ့ပြီး ကိုယ်ပွားဆိုတာရှိလာရင် ဥပဒေအရ ပိုင်ဆိုင်ခွင့်တွေ နေထိုင်ခွင့်တွေမရှိဘဲ ဖျက်ဆီးသတ်ဖြတ်တာခံကြရမှာပါ။ ဥပဒေကို လက်တစ်လုံးခြားလုပ်လိုသူ သူဌေးကြီးတစ်ဦးနဲ့ လူသားပုံတူကူးခြင်းကို အပြည့်အဝ လုပ်ဆောင်နိုင်သူ သိပ္ပံပညာရှင်တစ်ယောက်တို့ ပူးပေါင်းပြီး ဇာတ်ရှုပ်ကြီး လုပ်လိုက်တဲ့အခါ အဒမ် ဂစ်ဘ်ဆင် (အာနိုး) နှစ်ယောက်ဖြစ်လာတဲ့အကြောင်းတွေကို ကြည့်ရှုရမယ့် Old but Gold တစ်ကားဖြစ်ပါကြောင်း။

အမေရိကန်စာရေးဆရာမကြီး Louisa May Alcott ရဲ့ ဂန္ထဝင်လက်ရာ Little Women Novel ကို ရုပ်ရှင်အဖြစ် အကြိမ်ကြိမ်အသက်သွင်းခဲ့ဖူးပါတယ်။ ပြန်လည်ရိုက်ကူးထားတဲ့ ရုပ်ရှင်တွေထဲကမှ ပရိတ်သတ်ကြီးတို့နဲ့ ရင်းနှီးနေလောက်မှာကတော့ ၂၀၁၉တုန်းကထွက်ခဲ့တဲ့ Timothée Chalamet တို့၊ Emma Watsonတို့ပါတဲ့ကားပေါ့။ အဲ့တုန်းကလည်း CM မှာ တင်ပေးပြီးပါပြီ။ အခုဒါကတော့ အဲ့ရှေ့က ၁၉၉၄ခုနှစ်မှာထွက်ခဲ့တဲ့ Little Women ပါ။ Little Women Movie တွေထဲမှာ ဒီတစ်ခုကလည်းတကယ်ထိတ်ထိတ်ကြဲပါ။ IMDb 7.3နဲ့ Rotten Tomatoes 93%ရထားတဲ့အပြင် Cast တွေကိုပြေးကြည့်လိုက်ရင်လည်း ဘတ်မန်းမင်းသား Christian Baleက လော်ရီနေရာက၊ Stranger Things ထဲမှာJoyce Byersအဖြစ်ပါခဲ့တဲ့ မင်းသမီးWinona Ryderက ဂျို၊ စပိုက်ဒါမန်းထဲက MJ အဖြစ်သရုပ်ဆောင်ခဲ့တဲ့ Kirsten Dunstက အေမီနေရာက သရုပ်ဆောင်ထားတာပါ။ ဒီကားထဲမှာ သူတို့အကုန်ငယ်ကြပါသေးတယ်။ တခြားသရုပ်ဆောင်ကောင်းတွေအများကြီးလည်း ပါပါတယ်။ ဇာတ်လမ်းကတော့ မက်ဂ်၊ဂျို၊ဘက်သ်၊ အေမီတို့ ညီအစ်မလေးယောက်ရဲ့ဘဝကို ရိုက်ပြသွားတာပါ။ 1860ကာလကို အခြေတည်ထားတာဖြစ်တဲ့အတွက် အဲ့ဘက်ခေတ်လူနေမှုပုံစံကို ကြိုက်တဲ့သူတွေအတွက် တကယ်စီးမျောလို့ကောင်းမဲ့ကားလေးဖြစ်ပါတယ်။ လူမှုရေး၊ ခံယူချက်၊ အချစ်၊ မိသားစုဘဝ စုံစုံလင်လင်ပါပဲ။ ၂၀၁၉ကားကို အရင်ကြည့်ဖူးထားတဲ့ ကျွန်တော့်အမြင်မှာတော့ နှစ်ကားလုံးက တစ်မျိုးစီကြည့်ကောင်းကြတာဗျ။ ရိုက်တဲ့ခေတ် ကွာလို့ပဲလားမသိ၊ အပြင်အဆင်နဲ့ မတူတဲ့ဇာတ်ကွက်တွေကြောင့် ဝတ္ထုတစ်ခုတည်းဖြစ်နေတာတောင် မရိုးတာထင်ပါတယ်။ အဲတော့ Little Women မကြည့်ဖူးသေးတဲ့သူတွေ အခု၁၉၉၄ကားကိုကြည့်ပြီးသွားရင်လည်း ၂၀၁၉ကကားကို ထပ်ကြည့်လို့ရပါတယ်။ ကြည့်ရှုခံစားလိုက်ပါဦး။ File size…(2.4 GB)/(1.2 GB) Quality….Blu-Ray 1080p / 720p Format…mp4 Duration….01:55:00 Genre...Drama, Family, Romance Subtitle….Myanmar Subtitle (Hardsub) Encoder….Garfield Translated by Ngwe Zin