David Bush ဟာ လူတွေ ရည်းစားရဖို့၊ အိပ်ဖော်ရဖို့အတွက် လိမ်ညာပြီး ဟန်ဆောင်နေကြတာတွေကို ရိုက်ကူးဖော်ထုတ်ချင်နေသူပါ။ ကိုယ်တိုင်ရိုက်ကူးဖို့ ကြိုးစားပေမယ့် မိန်းကလေးတွေရဲ့ ငြင်းပယ်မှုကိုပဲ ကြုံနေရတာကြောင့် မြာပွေတတ်တဲ့ သူငယ်ချင်း ဂျော့ရှ်ကို မင်းသားလုပ်ပေးဖို့ အကူအညီတောင်းရပါတော့တယ်။ အဲဒီသူငယ်ချင်းဆီကနေပဲ ချစ်သူရှာတဲ့ကိစ္စနဲ့ ပတ်သက်တဲ့ သင်ခန်းစာတွေလည်း အများကြီးရလာပါတယ်။ ဂျော့ရှ်ကတော့ dating app ပေါ်က မိန်းကလေးတွေရဲ့ ပရိုဖိုင်စာသားတွေကို သူ့နည်းသူ့ဟန်နဲ့ အဓိပ္ပာယ်ကောက်တတ်သူပါ။ “မိသားစုသာ အရေးကြီးဆုံးပါ” လို့ ရေးထားရင် အဲဒီမိန်းကလေးမှာ ကလေးရှိနေတယ်လို့ သူကဆိုပါတယ်။ ဒါက ဂျော့ရှ်ရဲ့ အဆိုဖြစ်ပြီး ဇာတ်ကားထဲမှာ ဒီလို သူသိသမျှကို ပြောပြပို့ချတဲ့ ပုံစံတွေနဲ့ လူတွေရဲ့ အငုံစိတ်တွေကို သရော်ထားပါတယ်။ ဒီဇာတ်ကားက Found Footage ပုံစံနဲ့ ရိုက်ထားတဲ့ ဒရာမာပါ။ လက်ကိုင်ကင်မရာနဲ့ CCTV မှတ်တမ်းတွေလို ရိုက်ချက်တွေကို အသုံးပြုတဲ့ ပုံစံဖြစ်တာကြောင့် ဒီလိုကားမျိုးနဲ့ မရင်းနှီးသေးသူတွေအတွက် အစပိုင်းမှာ ရှုပ်ထွေးသလို ခံစားရနိုင်ပါတယ်။ ကင်မရာလှုပ်ရှားမှု မငြိမ်တဲ့ရိုက်ချက်တွေ ပါသလို ဇာတ်ကြောင်းအလှည့်အပြောင်း နှစ်ခုလည်း ထည့်ထားပါတယ်။ မူရင်းသုံးသပ်ချက်မှာတော့ ဇာတ်ကြောင်းကို အတော်အသင့် လက်ခံထားပေမယ့် ပြောပြချင်တဲ့အကြောင်းတွေ များနေပြီး အလှည့်အပြောင်းနှစ်ခု ထည့်ထားပုံကို အားနည်းချက်အဖြစ် ထောက်ပြထားပါတယ်။
ဇာတ်ကားကြည့်ရန်
