Angus Wright ပါဝင်သော ဇာတ်ကားများ

IMDb Rating (7.0) / Rotten Tomatoes (84%) ရထားတဲ့ ဒီဇာတ်ကားထဲမှာလည်း Raynor Winn ရဲ့ ဖြစ်ရပ်မှန်အမှတ်တရစာအုပ်ကို အခြေခံထားပြီး အိုးမဲ့အိမ်မဲ့ဘဝ၊ နာတာရှည်ရောဂါနဲ့ လူမှုရေးအခက်အခဲတွေကို သဘာဝထဲမှာ ကျော်လွှားပုံကို ဖော်ပြထားပါတယ်။ အဓိကသရုပ်ဆောင်နှစ်ယောက်ကလည်း ဟယ်ရီပေါ်တာဇာတ်ကားမှာ Malfoyရဲ့အဖေ Lucius Malfoy အဖြစ်သရုပ်ဆောင်ထားတဲ့ Jason Isaacs နဲ့ Johnny English ဇာတ်ကားမှာ M17 agent အဖြစ်သရုပ်ဆောင်ခဲ့တဲ့ Gillian Andersonတို့ဖြစ်ပါတယ်။ ဘယ်သူမဆို ကိုယ်မစွမ်းသာတော့တဲ့အချိန်မျိုးမှာ ကိုယ့်ဆီက အကျိုးတစ်စုံတစ်ရာမျှော်ကိုးပြီး အနားကပ်နေတဲ့သူတွေက ကိုယ့်ကို ရင်ထဲကစေတနာပါပါနဲ့ ပြုစုစောင့်ရှောက်ချင်ကြမှာမဟုတ်ပါဘူး။ ကိုယ့်ဆီက ရစရာရှိတာရပြီးတဲ့အခါ ကိုယ့်ကိုလည်း ပစ်ထားခဲ့ဖို့ ဝန်လေးမှာမဟုတ်ပါဘူးနော်။ ဒါကြောင့် ဘဝရဲ့လက်တွဲဖော်က ကိုယ့်အတွက် စစ်မှန်တဲ့လက်တွဲဖော်ဖြစ်ဖို့လည်း လိုပါသေးတယ်။ ကိုယ့်ဘဝအတွက် အဆိပ်အတောက်လို လက်တွဲဖော်ဖြစ်နေခဲ့ရင်တော့ ကိုယ့်ဘဝတစ်လျှောက်လုံး ဘဝအဆုံးသတ်ချိန်အထိ ထိုမကောင်းတဲ့လက်တွဲဖော်ရဲ့ ဒဏ်ကို ခံစားသွားရမှာဖြစ်ပါတယ်။ ဇာတ်လမ်းအကျဥ်း ++++++++++ ရေနာဝင်းနဲ့မော့သ် ဝင်းတို့ဟာ ဝေးလ်စ်က သူတို့ရဲ့အိမ်ခြံမြေကို ရင်းနှီးမြှုပ်နှံမှု မအောင်မြင်မှုကြောင့် ပိုင်ဆိုင်သမျှအားလုံးဆုံးရှုံးခဲ့ရပြီး အိုးမဲ့အိမ်မဲ့ ဖြစ်သွားတယ်။ တစ်ချိန်တည်းမှာပဲ မော့သ်မှာ corticobasal degeneration ဆိုတဲ့ သေစေနိုင်တဲ့ အာရုံကြောရောဂါကို ဖြစ်နေတာကို သိလိုက်ရတယ်။ ဒီဒုက္ခတွေကျော်လွှားဖို့ သူတို့ဟာ အင်္ဂလန်ရဲ့ South West Coast Path ၆၃၀ မိုင်ကို လမ်းလျှောက်ခရီးထွက်ဆုံးဖြတ်ခဲ့တယ်။ ငွေကြေးချမ်းသာစည်းစိမ်ပေါများ အခြွေအရံပေါများတဲ့အခြေအနေမျိုးမှာ အတူရှိနေပေးခြင်းက မသိသာပေမယ့် နိမ့်ကျ၊ ဆင်းရဲ၊ ရှုံးနိမ့်ချိန် ဘေးမှာ အတူရှိနေပေးတဲ့ ဘဝလက်တွဲဖော်က ပိုပြီး စစ်မှန်ကြောင်း... သင်အောင်မြင်ချိန်အတူ ဝမ်းသာပေးမယ့်သူဖြစ်သလို၊ သင်နိမ့်ကျချိန်မှာလည်း သင့်လက်ကို ခပ်တင်းတင်းဆုပ်ကိုင်ထားမယ့်သူမျိုးသာဖြစ်တယ်ဆိုတာ ဒီဇာတ်ကားလေးက သက်သေပြပေးသွားမှာပါ။ File Size… (1.78 GB) / (988 MB) Quality… WEB-DL 1080p HEVC /720p Format…mkv / mp4 Duration…1h 55m Genre ….. Drama Subtitle….Myanmar Subtitle (Hard Sub) Encoder….Min Wai Translated by ZWT

ဒီ Here ဆိုတဲ့ရုပ်ရှင်ကတော့ "ဒီနေရာ" ဆိုတဲ့အဓိပ္ပာယ်အတိုင်းပဲ ကင်မရာက နေရာတစ်နေရာတည်းကို Focus ထားပြီး ကမ္ဘာဦးအစကနေ လက်ရှိခေတ်ရောက်တဲ့အချိန်ထိ အဲဒီနေရာလေးမှာ ဖြစ်ပျက်ခဲ့သမျှကို ပုံဖော်ရိုက်ကူးထားတဲ့ ရုပ်ရှင်ဖြစ်ပါတယ်။ ဇာတ်လမ်းအစကနေ တောက်လျှောက် ကင်မရာက အိမ်တစ်အိမ်ရဲ့ဧည့်ခန်း တစ်နေရာတည်းကိုပဲ ဦးတည်ရိုက်ထားခဲ့ပြီး ဇာတ်သိမ်းပိုင်းမှသာ အိမ်ရဲ့အပြင်ဘက်နဲ့ အခြားနေရာတွေကို ခဏတာမြင်ခွင့်ရမှာ ဖြစ်ပါတယ်။ ဒီလိုပြောလိုက်လို့ ပျင်းစရာကြီးနေမှာလို့တော့ မတွေးမိစေချင်ပါဘူး။ ဒီတစ်နေရာတည်းကိုပဲ ဦးတည်ရိုက်ထားခဲ့တဲ့အတွက်ကြောင့် အဲဒီတစ်နေရာမှာ ဖြစ်ပျက်ခဲ့သမျှ အဖြစ်အပျက်တွေကို ဆယ်စုနှစ်၊ ရာစုနှစ်နဲ့ချီပြီးတော့ ပြောင်းလဲသွားတာတွေကို မြင်တွေ့ရမှာပါ။ ရုပ်ရှင်ဆိုတဲ့အတွက် ဖန်တီးရိုက်ကူးထားတာဖြစ်ပေမဲ့ တကယ့် သမိုင်းကြောင်းအချက်အလက်တွေလည်း ပါဝင်နေခဲ့ပါတယ်။ ဥပမာဆိုရင် လက်ရှိရိုက်ကူးနေတဲ့အိမ်ရဲ့ မျက်စောင်းထိုး တစ်ဖက်လမ်းကအိမ်ကြီးက မိုးကြိုးလျှပ်စီးဟာ လျှပ်စစ်ဓာတ် တစ်မျိုးဖြစ်တယ်ဆိုတာကို မိုးသည်းကြီးမည်းကြီးထဲ စွန်လွှတ်ရင်း ရှာဖွေတွေ့ရှိခဲ့တဲ့ ဘန်ဂျမင် ဖရန်ကလင်ရဲ့ တရားမဝင်သား ဝီလီယံ ဖရန်ကလင် နေထိုင်သွားတဲ့အိမ်ဆိုပြီး ပါပါတယ်။ ပြီးတော့လည်း တီဗီရှေ့မှာ ဇိမ်ရှိရှိနဲ့ ထိုင်ကြည့်ဖို့အတွက် ဆိုဖာခုံကို တီထွင်ခဲ့တဲ့သူ... Google မှာ ရိုက်ရှာလိုက်ရင် အဲဒီ La-Z-Boy အမည်ရတဲ့ ဆိုဖာခုံကို တီထွင်ခဲ့တာ မီရှီဂန်က ညီအစ်ကိုနှစ်ယောက်လို့ တွေ့ရပေမဲ့ ဒီထဲမှာတော့ ဘီလီဆိုတဲ့ လူကောင်ကြီးကြီးနဲ့ တစ်ယောက်က အိမ်မှာ အမြဲတမ်းသူ့ထိုင်ခုံကို အဆင့်မြှင့်တင်နေခဲ့ပြီး နောက်ဆုံး မီရှီဂန်ကကောင်လေးနှစ်ယောက်ကို ရောင်းလိုက်တယ် ဆိုတာမျိုး ထည့်ရိုက်ပြထားပါတယ်။ ဒါတွေအကုန် အမှန်ဟုတ်မဟုတ် ဘယ်သိနိုင်ပါ့မလဲနော်... အဲဒီလို ကိုလိုနီခေတ်နဲ့ ခေတ်ဟောင်းကလူတွေအပြင် အဲဒီအိမ်ကြီးကိုဝယ်ပြီး နေထိုင်ခဲ့တဲ့ မစ္စတာနဲ့ မစ္စစ်ယန်း တစ်နည်းအားဖြင့် အဲလ်နဲ့ ရို့စ်တို့လင်မယားရဲ့ သားသမီးတွေ ထွန်းကားလာပုံ အဲဒီသားသမီးတွေကနေ ထပ်ပြီး မိသားစုတိုးပွား လာပုံတွေနဲ့ အဲဒီလိုတိုးပွားလာတာနဲ့အမျှ ကြုံတွေ့လာရတဲ့ လူမှုရေးပြဿနာတွေ၊ မိသားစုဝင်ချင်း ကတောက်ကဆ ဖြစ်မှုတွေ၊ လင်မယားချင်း အဆင်မပြေမှုတွေနဲ့ ကလေးမွေးရာက အစ ကျန်းမာရေးချို့ယွင်းပြီးသေတဲ့အထိ အလုံးစုံကို ရိုက်ကူး ပြထားတာဖြစ်လို့ A Circle of Life လို့ပြောလည်း မှားမယ်မထင်ပါဘူး။ နေ့စဉ်ဘဝ Reality အရှိအတိုင်းကို မြင်တွေ့ရမှာဖြစ်လို့ ကြည့်ရှုသူနဲ့တိုက်ဆိုင်တဲ့ခံစားချက်တွေရှိလာခဲ့ရင် တွေးစရာတွေအများကြီးရစေမယ့် ရုပ်ရှင်တစ်ကားဖြစ်ပါတယ်။ အဲဒီအပြင် နာမည်ကျော်မင်းသားကြီး Tom Hanks ပါဝင်ရိုက်ကူး ထားတာမို့လို့ ရုပ်ရှင်ကောင်းတစ်ခု ဖြစ်မဖြစ်ဆိုတာကို တွေဝေ နေစရာလိုမယ်မထင်ပါဘူး။ အဲဒီတော့ ကိုယ့်ရဲ့အားလပ်ချိန်မှာ ရုပ်ရှင်ကောင်းလေးကြည့်ပြီး Chill ရင်း တွေးစရာလေးတွေရချင်တယ်ဆိုရင်တော့ ဒီရုပ်ရှင်လေးကို Play ခလုတ်နှိပ်လိုက်ပါတော့လို့ ပြောလိုက်ပါရစေ... File size… (1.47GB) / (772MB ) Quality… WEB-DL 1080p HEVC / 720p Format…mkv / mp4 Duration….1h 44m Genre …..Drama Subtitle….Myanmar Subtitle (Hard Sub) Encoder….Min Wai Translated by Chothet_mlmt

ဘန်လေမြို့က ဒေ့ဖစ်ဝစ်ဟာ မြို့ခံတွေရဲ့စီးပွားရေးလုပ်ငန်းတွေကို ထောက်ပံ့ကူညီပေးနေတဲ့ အသေးစားသူဌေးတစ်ယောက်ပါ။ တစ်နေ့မှာတော့ လူတွေကို ကူညီပေးနိုင်ဖို့ ဒေ့ရဲ့ဘဏ်လို့ခေါ်တဲ့ ဘဏ်အသေးစားတစ်ခု ဖွင့်ချင်လာတယ်။ ဒါပေမဲ့ ဘဏ်တစ်ခု ထူထောင်ဖို့ဆိုတာ သူမျှော်လင့်ထားသလောက် မလွယ်ကူပါဘူး။ ယူကေရဲ့ ဘဏ္ဍာရေးစည်းမျဉ်းများဘုတ်အဖွဲ့က ဘဏ်လောကကို လက်ဝါးကြီးအုပ်ထားပြီး ဒေ့ရဲ့အစီအစဉ်ကို တားဆီးဖျက်ဆီးဖို့ လုပ်လာကြတယ်။ ဒေ့တစ်ယောက် ဒီအတားအဆီးတွေကို ကျော်လွှားပြီး ဘဏ်ဖွင့်နိုင်ပါ့မလား။ ချမ်းသာတဲ့နိုင်ငံတစ်ခုထဲက ဘန်လေမြို့လေးကရော ဆင်းရဲတွင်းကနေ လွတ်မြောက်လာနိုင်မလားဆိုတာကို ဖြစ်ရပ်မှန်အခြေခံ ဇာတ်လမ်းအဖြစ် တင်ဆက်ထားပါတယ်။ ဒေ့နေရာမှာ Rory Kinnear၊ သူ့ရှေ့နေ ဟူ့စတော့ဝဲလ်နေရာမှာ Joel Fry နဲ့ သူ့တူမအဖြစ် Phoebe Dynevor တို့ ပါဝင်ထားကြတယ်။ Rory Kinnear ကို No Time to Die၊ Skyfall၊ The Imitation Game နဲ့ Peterloo တို့မှာ တွေ့ဖူးကြမှာဖြစ်သလို Joel Fry ကလည်း Game of Thrones၊ Cruella၊ Paddington 2 နဲ့ A Boy Called Christmas တို့မှာ ပါဝင်ခဲ့သူပါ။ Phoebe Dynevor ကတော့ Bridgerton ထဲက မင်းသမီးဖြစ်ပါတယ်။

သစ်သားရုပ်သေးလေး ပီနိုခီရိုရဲ့ စွန့်စားခန်းတွေကို Disney က ၂၀၂၂ ခုနှစ်မှာ လူသရုပ်ဆောင်တွေနဲ့ ပြန်လည်ဖန်တီးထားတဲ့ ဇာတ်ကားပါ။ Tom Hank ပါဝင်ထားပြီး အန်နီမေးရှင်းအဖြစ် ရင်းနှီးခဲ့ကြတဲ့ ဇာတ်လမ်းကို ပုံစံသစ်နဲ့ ပြန်တင်ဆက်ထားပါတယ်။ ပီနိုခီရိုလေးရဲ့ ခရီးစဉ်တစ်လျှောက်မှာ စွန့်စားခန်း၊ ဟာသနဲ့ ဒရာမာတို့အပြင် ဇာတ်ဝင်တေးတွေလည်း ပါဝင်ပါတယ်။

လန်ဒန်က ပြဇာတ်ရုံကြီးတစ်ခုမှာ အက်ဂ်သာခရစ္စတင်းရဲ့ ကြွက်ထောင်ချောက်ဆိုတဲ့ လူသတ်ပဟေဠိပြဇာတ်ကို ကပြနေပါတယ်။ ပြဇာတ်က အောင်မြင်လွန်းလို့ အကြိမ်တစ်ရာလောက် ပြန်လည်ကပြထားရတဲ့အထိပါပဲ။ အဲဒီပြဇာတ်ကို ရုပ်ရှင်အဖြစ် ရိုက်ကူးချင်တဲ့ အမေရိကန်ဒါရိုက်တာတစ်ယောက်နဲ့ ပရိုဂျူဆာတစ်ယောက်လည်း ပြဇာတ်ရုံကို ရောက်လာကြပါတယ်။ ပြဇာတ်စာရေးဆရာမ၊ ဇာတ်ညွှန်းဆရာ၊ မင်းသားနဲ့ လူမျိုးစုံ ရှိနေချိန်မှာ သူတို့ထဲက တစ်ယောက် အသတ်ခံလိုက်ရတယ်။ ဒီအမှုကို စုံထောက်ကြီး စတော့ပတ်နဲ့ ရဲမေ ကော့တာတို့ လာရောက်စုံစမ်းကြပါတယ်။ သံသယရှိသူတွေကြား လူသတ်သမားကို ရှာဖွေရင်း သူတို့နှစ်ယောက် ဘယ်လိုအလွဲတွေ ကြုံရဦးမလဲ။ လူသတ်ပဟေဠိထဲမှာ ဗြိတိန်ဟာသတွေ ရောစပ်ထားပြီး ဇာတ်ကောင်တွေရဲ့ ဗြိတိန်လေသံကိုလည်း ကြားရမယ့်ကားပါ။

အင်္ဂလန်အလယ်ခေတ်မှာ ဘာဒီလို့ ချစ်စနိုးခေါ်ကြတဲ့ အသက်ဆယ့်လေးနှစ်အရွယ် ကတ်သရင်းဟာ သခင်ရိုလိုနဲ့ လေဒီအက်ရှ်လင်းတို့ရဲ့ တစ်ဦးတည်းသော သမီးပါ။ သူ့မှာ အက်ဒဝပ်နဲ့ ရောဘတ်ဆိုတဲ့ အစ်ကိုနှစ်ယောက်လည်း ရှိပါတယ်။ စီးပွားကျနေတဲ့ စံအိမ်သခင်ရိုလိုက ဘေးစကားတွေကို နားယောင်ပြီး ခေတ်ထုံးစံအတိုင်း သမီးကို သူဌေးတစ်ယောက်နဲ့ ပေးစားဖို့ ကြံနေတယ်။ ကလေးသာသာရှိသေးတဲ့ ဘာဒီကတော့ အိမ်ထောင်ပြု၊ ကလေးမွေးရမယ့်အရေးကို ကြောက်နေသူပါ။ ဒါကြောင့် လာပိုးပန်းသူတွေကို နည်းမျိုးစုံနဲ့ လန့်ပြေးအောင် လုပ်တယ်။ အဖေက ရိုက်နှက်ပေမဲ့လည်း အလျှော့မပေးသလို သူအပျိုဖြစ်လာတာကိုပါ ဖုံးကွယ်ထားခဲ့ပါတယ်။ ဒါပေမဲ့ တစ်နေ့မှာ သူ့အဘိုးအရွယ်လောက်ရှိတဲ့ သခင်ကြီးတစ်ယောက်ကို လက်ထပ်ရမယ့် အခြေအနေ ဖြစ်လာတော့တယ်။ ဦးလေးဂျော့ဂ်ျက သူ့ကို ကယ်ပေးနိုင်မယ်လို့ ဘာဒီ ထင်ထားပေမဲ့ မျှော်လင့်သလို ဖြစ်မလာပါဘူး။ ဘဝအပြောင်းအလဲတွေကို သူဘယ်လိုရင်ဆိုင်မလဲဆိုတဲ့အကြောင်းကနေ အဲဒီခေတ်က ကျားမခွဲခြားမှုနဲ့ မိန်းကလေးတွေကို ရောင်းကုန်လို သဘောထားမှုတွေကို ဟာသ၊ ဒရမ်မာရောပြီး ပြထားပါတယ်။ ဘာဒီအဖြစ် Bella Ramsey သရုပ်ဆောင်ထားပြီး Sherlock စီးရီးမှာ ဂျင်မ်မိုရီရာတီအဖြစ် ပါဝင်ခဲ့တဲ့ Andrew Scott လည်း ဒီကားမှာ ပါဝင်ထားပါတယ်။

CM ပရိသတ်တွေကို ဒီတစ်ခေါက် တင်ဆက်ပေးမှာကတော့ October 22 ကမှ လောလောလတ်လတ်ထွက်ရှိထားတဲ့ ဇာတ်ကားသစ်လေးပါ မင်းသမီးချော Anne Hathaway ပါဝင်သရုပ်ဆောင်ထားပြီး မထွက်ခင်ကတည်းက နာမည်ကြီးနေတဲ့ ဇာတ်ကားဖြစ်ပါတယ် ဇာတ်လမ်းလေးကတော့ စုန်းမတွေက ကလေးတွေကို အရမ်းမုန်းကြပါတယ် အဲ့တာကြောင့်မို့ သူတို့ကို အမြဲဖျက်ဆီးဖို့ ကြံစည်နေကြပါတယ် တစ်နေ့မှာတော့ စုန်းမတွေရဲ့ခေါင်းဆောင် စုန်းမချုပ်ကြီးက ကလေးတွေအကုန်လုံးကို ကြွက်အဖြစ်ပြောင်းဖို့ အကြံရခဲ့ပါတယ် တခြားတစ်ဖက်မှာလည်း မိဘတွေကိုဆုံးရှုံးလိုက်ရပြီး အဖွားနဲ့နေနေတဲ့ကောင်လေးတစ်ယောက်ရှိပါတယ် အဲ့ကောင်လေးက စုန်းမတစ်ယောက်ရဲ့ ပစ်မှတ်ဖြစ်လာတဲ့အခါ ကောင်လေးနဲ့ သူ့အဖွားဘယ်လိုရင်ဆိုင်ကြမလဲ Anne Hathaway ရဲ့ သရုပ်ဆောင်ချက်တွေကလည်း အရမ်းဗီလိန်ပီသလွန်းတယ်လို့ မှတ်ချက်တွေပေးခံနေရတာပါ ကောင်လေးက ကြွက်အဖြစ်ပြောင်းသွားမလား တခြားကလေးတွေကိုရော ဘယ်လိုကယ်တင်မလဲဆိုတာကိုတော့ ဇာတ်လမ်းထဲမှာပဲ ရှုစားလိုက်ကြပါဦးရှင် File Size : (975 MB) and (357 MB) Quality : WEBDL 720p and 480p Running Time : 1 hr 46 min Format : Mp4 Genre : Adventure , Comedy , Family Subtitle : Myanmar Subtitle (Hard Sub) Source : WEBDL 1080p Translated by Alicia Encoded by Moe Myint Lwin

စစ်အေးတိုက်ပွဲကာလ စပိုင်ဖြစ်ရပ်မှန် ရုပ်ရှင်ကို ဘာသာပြန်ပေးထားပါတယ်။ မင်းသားကတော့ ကျွန်တော်တို့ အချစ်တော် ဘီတာဒင်း ကူကမ်းဘားပါ။ သူလျိုသမိုင်းတလျှောက် တန်ဖိုးအကြီးဆုံး သူလျိုနဲ့ သူ့ရဲ့ သတင်းသယ်ပို့သမားတစ်ယောက်အကြောင်းကို ပြထားတာပါပဲ။ စစ်အေးတိုက်ပွဲအတွင်းက စပိုင်ဇာတ်လမ်းတွေဟာ ရသမျိုးစုံပြီး ရိုက်လို့မကုန် ကြည့်လို့မကုန် ဖြစ်တာမို့ ဒီရုပ်ရှင်ကိုလည်း ပရိသတ်တွေ သဘောကျကြဦးမှာပါ ရုပ်ရှင်ကို ဘာသာပြန်ပြီး အညွှန်းရေးပေးထားတာကတော့ CM Admin Little Neo ဖြစ်ပါတယ် File Size : (2 GB) and (1.2 GB) Quality : 1080P, 720p Format…mp4 Duration… 1h 52min Genre : Thriller Subtitle : Myanmar Subtitle (Hard Sub) Translated by Little Neo Encoded by Thit San Khant

လူတွေဟာ ရာထူးနေရာတစ်ခု ရသွားတဲ့အခါ အဲဒီနေရာကိုစွန့်စားပြီး အခြားသူတွေအကျိုးအတွက် အမှန်ကိုထုတ်ပြောရဲဖို့ သတ္တိတွေ ပျောက်ဆုံးသွားတတ်ကြပါတယ်။ ဒီရုပ်ရှင်ကတော့ ဒီလိုသတ္တိရှိခဲ့သူ တစ်ယောက်ရဲ့ အကြောင်း ဖြစ်ရပ်မှန်ကို အခြေခံပြီး ရိုက်ကူးထားတာပါ။ လူတိုင်းတစ်ခေါက်လောက်တော့ ကြည့်ဖူးသင့်တဲ့ အမျိုးအစားပါပဲ။ အကြောင်းအရာကတော့ အီရတ်ကို ဗြိတိန်နဲ့အမေရိကန်တို့ ဝင်တိုက်တော့မယ် ကာလမှာ ဖြစ်ခဲ့တာပါ။ အီရတ်မှာ လူအစုလိုက်အပြုံလိုက် သေစေနိုင်တဲ့လက်နက်တွေ ရှိတယ်လို့ သက်သေမပြနိုင်သေးချိန်။ ကုလသမ္မဂသဘောတူညီချက် မရသေးခင်အချိန်ပဲ ဖြစ်ပါတယ်။ ဒီအချိန်မှာ အီရတ်ကို တရားဝင်ကျူးကျော်ပြီး ဆဒမ်ဟူစိန်ကို ဖြုတ်ချဖို့အတွက်ဆို ကုလရဲ့ သဘောတူညီချက်လိုပါတယ်။ မဟုတ်ရင် အမေရိကန်နဲ့ဗြိတိန်ကို စစ်ရာဇဝတ်မှုနဲ့ တရားစွဲဆိုခံရနိုင်ပါတယ်။ ဒီကာလမှာ ဗြိတိန်ထောက်လှမ်းရေး GCHQ ရဲ့ ဝန်ထမ်း ကတ်သရင်း ထရီဆာ ဂန်းဆီကို အမေရိကန် NSA က စာတိုတစ်စောင်ဝင်လာပါတယ်။ ကုလလုံခြုံရေးကောင်စီအဖွဲ့ဝင်နိုင်ငံငယ်တွေက ကိုယ်စားလှယ်တွေကို အကြပ်ကိုင်ဖို့ပါပဲ။ ဒါကိုလက်မခံနိုင်တဲ့ ကတ်သရင်းက ဒီစာကိုခိုးထုတ်ပြီး ဖြန့်လိုက်ချိန်မှာ ဆက်ဖြစ်လာတဲ့ ပြဿနာတွေကို ဆက်ကြည့်ကြည့်လိုက်ပါ။ အဖွဲ့အစည်းတွေနဲ့ နိုင်ငံရေး အသုံးလေးတွေ မှားတာရှိရင် သည်းခံပေးကြပါ။ အတတ်နိုင်ဆုံး နားလည်အောင် ဘာသာပြန်ပေးထားပါတယ်။ File Size : (1 GB , 396 MB ) Quality :  WEB-DL 720p Running Time : 1 hr 52 min Format : Mp4 Genre : Biography , Drama , Romance Subtitle : Myanmar Subtitle (Hard Sub) Translated by Little Neo Encoded by Moe Myint Lwin

Epic Sci-fi အမျိုးအစားဖြစ်တဲ့ Star Wars ဇာတ်လမ်းတွေကို စုစည်းတင်ဆက်ပေးထားပါတယ်။ သိပ္ပံစိတ်ကူးယဉ်ရုပ်ရှင်တွေထဲမှာ သမိုင်းတလျှောက်အအောင်မြင်ဆုံး ရုပ်ရှင်တွဲတွေထဲက တစ်ခုပါပဲ။ နောက်ပိုင်းထွက်သမျှ ရုပ်ရှင်တွေထဲမှာလည်း ဒီရုပ်ရှင်တွေထဲက စကားစုတွေ ကိုးကားချက်တွေကို မကြာခဏတွေ့ရတတ်ပါတယ်။ ပညာရှိ ဆရာဆိုရင် Master Yoda ကိုအမြဲတင်စားကြသလို ဗီလိန်ဆိုရင်လည်း Darth Vader ဟာ ပြောစမှတ်တွင်ကျန်ခဲ့တာပါပဲ။ ဇာတ်လမ်းကတော့ ဟိုးအတိတ်ကာလတစ်ခုတုန်းက ဝေးကွာလှတဲ့ နဂါးငွေ့တန်းကြယ်စုတွေကြားထဲမှာ ဖြစ်ပျက်နေတဲ့အကြောင်းတွေပါ။ အစဦးမှာ ကြယ်စုတွေ ဂြိုလ်တွေဟာ လွှတ်တော်ဖွဲ့စည်းထားပြီး ဒီမိုကရေစီ စနစ်နဲ့ အုပ်ချုပ်မှုအောက်မှ နေထိုင်ကြပါတယ်။ လွှတ်တော်နဲ့အတူ ဂလက်ဆီကြီးတစ်ခုလုံးရဲ့ တရားမျှတမှုနဲ့ ငြိမ်းချမ်းမှုကို ထိန်းသိမ်းပေးတဲ့ သူရဲကောင်းအဖွဲ့တစ်ခုလည်း ရှိနေပါတယ်။ အဲဒီသူတွေကိုတော့ Jedi တွေလို့ ခေါ်ကြပြီး သူတို့မှာ Lightsaber ဆိုတဲ့ အလင်းဓားလက်နက်တွေ ပိုင်ဆိုင်ကြပါတယ်။ ဒါ့အပြင် သူတို့ကို သာမန်လူတွေထဲ ထူးခြားတဲ့ စိတ်စွမ်းအင်တွေနဲ့ ခွန်အားတွေကို Force ဆိုတဲ့ အရာကနေ ယူငင်သုံးစွဲကြပါတယ်။ Force ဆိုတာကတော့ သက်ရှိသက်မဲ့တွေ အားလုံး အတွင်းထဲ အပြင်ထဲမှာ ဝိုင်းရံနေတဲ့ စွမ်းအင်တစ်မျိုးဖြစ်ပြီး Jedi တွေသာ ခံစားနိုင် သုံးစွဲနိုင်ကြပါတယ်။ အဲဒီ Jedi တွေရဲ့ လုံးဝဆန့်ကျင်ဖက်လမ်းစဉ်ကို လိုက်တဲ့သူတွေကိုတော့ Sith တွေလို့ခေါ်ပြီး သူတို့က ဒေါသနဲ့အမုန်းတွေကို အခြေခံတဲ့ အမှောင်ခြမ်းစွမ်းအင် Dark Side of the Force ကို သုံးစွဲကြပါတယ်။ ဒီ star wars ရုပ်ရှင်တွေအတွင်းမှာ Jedi နဲ့ sith တွေရဲ့ အပြန်အလှန်အားပြိုင်မှုတွေ တော်လှန်ရေးအဖွဲ့တွေနဲ့ အင်ပါယာတပ်တွေရဲ့ တိုက်ပွဲတွေအကြောင်းတွေ ခံစားကြည့်ရှုနိုင်ပါလိမ့်မယ်။ စတားဝါးရုပ်ရှင်တွေကို ထုတ်လုပ်ခဲ့တဲ့ခုနှစ်အတိုင်း အစဉ်လိုက်ကြည့်ရှုမယ်ဆိုရင်အောက်ပါအတိုင်းကြည့်ရှုလို့ရပါတယ်။ 1. Star Wars IV : A New Hope (1977) 2. Star Wars V : The Empire strikes back (1980) 3. Star Wars VI : Return of the Jedi (1983) 4. Star Wars I : Phantom Menace (1999) 5. Star Wars II : Attack of The Clones (2002) 6. Star Wars III : Revenge of The Sith (2005) 7. Star Wars VII: The Force Awakens (2015) 8. Rogue One : A Star Wars Story (2016) 9. Star Wars VIII : The Return of the Jedi (2017) 10. Solo : A Star Wars Story (2018) 11. Star Wars IX : The Rise of the Skywalker (2019) တကယ်လို့ Star Wars Timeline အတိုင်းကြည့်မယ်ဆိုရင်တော့ အောက်ပါအတိုင်းကြည့်ရှုလို့ရပါတယ်။ 1. Star Wars I : Phantom Menace (1999) 2. Star Wars II : Attack of The Clones (2002) 3. Star Wars III : Revenge of The Sith (2005) 4. Solo : A Star Wars Story (2018) 5. Rogue One : A Star Wars Story (2016) 6. Star Wars IV : A New Hope (1977) 7. Star Wars V : The Empire strikes back (1980) 8. Star Wars VI : Return of the Jedi (1983) 9. Star Wars VII: The Force Awakens (2015) 10. Star Wars VIII : The Return of the Jedi (2017) 11. Star Wars IX : The Rise of the Skywalker (2019) ( Littleneo မှ ဘာသာပြန်တင်ဆက်ထားပါတယ်။) Star Wars ရုပ်ရှင်အားလုံးကို https://channelmyanmar.org/category/special-package/star-wars/  မှာကြည့်ရှုနိုင်ပါတယ်။ 4K ကိုတော့ www.cmapp.tv မှာ မန်ဘာဝင်ပြီး CM App ကနေ လွယ်ကူစွာတိုက်ရိုက်ကြည့်ရှုနိုင်သလို One Click Download လဲ ပြုလုပ်နိုင်ပါတယ်။ +++++++++++++++++++++++++++++ Rogue One: A Star Wars Story (2106) Rogue One ရဲ့ ကာလကတော့ Star Wars III : Revenge of the Sith နောက်ပိုင်းမှာ Jedi အားလုံးလုပ်ကြံခံရပြီး ဒီမိုကရေစီကနေ အင်ပါယာထူထောင်ခံချိန်၊ အင်ပါယာကို Sith Lord နဲ့ Darth Vader တို့ အုပ်စိုးချိန်မှာ Rebellion တော်လှန်ရေးတပ်ကို စတင်ဖွဲ့စည်းတဲ့ကာလဖြစ်ပါတယ်။ ဒီဇာတ်ကားကို Star Wars IV : A New Hope မတိုင်ခင်ကာလအဖြစ်ကြည့်ရှုရမှာပါ။ A New Hope အစမှာ မင်းသမီးလိုင်ယာ လက်ထဲကို Death Star ရဲ့ ပုံစံနဲ့ အားနည်းချက်တွေ ရောက်လာတာက စခဲ့တာဖြစ်တဲ့အတွက် ဒီကားမှာတော့ အဲဒီ Death Star ရဲ့ ပုံစံနဲ့ အားနည်းချက်ကို အသက်စွန့်ယူဆောင်ပေးကြတဲ့ Rebellion သူရဲကောင်းတွေရဲ့ တိုက်ပွဲတွေကို တွေ့ရပါလိမ့်မယ်။ (ဒီကားထဲမှာ ဘုရင်ခံတာကင်နဲ့ မင်းသမီးလိုင်ယာတို့ရဲ့ ၁၉၇၇ က ဇာတ်ကောင်ပုံစံတွေအတိုင်း တူအောင် digital ပုံရိပ်ဖော်ပြီး ထည့်သွင်းပေးထားတာပါ) File size…(8.1 GB)/(2.1 GB)/(1.2 GB) Quality….BluRay  4K HEVC/1080p HEVC /720p Format…mkv/mp4 Duration….02:13:00 Subtitle….Myanmar Subtitle (Hardsub) Encoder….Ka Naung Translated by Little Neo

ဒီရုပ်ရှင်ကတော့ ပြင်သစ်ဘုရင်ခေတ်မှာ ဇာတ်အိမ်တည်ပြီးရိုက်ကူးထားတဲ့ ဒရာမရုပ်ရှင်တကားဖြစ်ပါတယ်။ ပြင်သစ်ဘုရင်ကြီး Louis XIV ဟာ ဗာဆိုင်းလ်နန်းတော်ကြီးမှာ ဘုရင့်ဥယျာဉ်တော်တစ်ခု တည်ဆောက်ဖို့အတွက် မိန့်ကြားလိုက်ပါတယ်။ ဆဘင်းဒီဘာရာကတော့ ဥယျာဉ်ခြံအစရှိတဲ့ ဗိသုကာအဆောက်အအုံတွေကို ဆောက်လုပ်ရင်း အသက်မွေးနေတဲ့ အမျိုးသမီးတဦးဖြစ်ပါတယ်။ ဒီဘာရာဟာ ဘုရင်ကြီးလူး၀စ်အတွက် ဥယျာဉ်ကိုဆောက်လုပ်ပေးဖို့ လီနော်ထရာလို့အမည်ရတဲ့ ဗိသုကာပညာရှင်တဦးနဲ့ အတူ တာ၀န်ပေးခံလိုက်ရပါတယ်။ ဘုရင့်ဥယျာဉ်တော်ကို တည်ဆောက်ပေးရင်း ဒီဘာရာနဲ့ လီနော်ထရာတို့ရဲ့ ချစ်သံယောဇဉ်ဟာလည်း ပိုမိုခိုင်မြဲလာခဲ့ပါတယ်။ ဒီဘာရာနဲ့ လီနော်ထရာတို့ရဲ့ ချစ်ဇာတ်လမ်း ၊ ဒီဘာရာရဲ့ အတိတ်က ဒဏ်ရာတွေ အပြင် ရှေးပြင်သစ်တို့ရဲ့ ဘုရင့်တိုင်းပြည်မှာကျင့်သုံးခဲ့တဲ့ အစဉ်ပလာတွေ အထက်တန်းလွှာတွေရဲ့ ယဉ်ကျေးမှုတွေကို ကြည့်ရှုရမှာမလို့ ပြင်သစ်ယဉ်ကျေးမှုကို ချစ်မြတ်နိုးသူတွေအနေနဲ့တော့ ကြည့်ရှုသင့်တဲ့ ရုပ်ရှင်ကားလေးတကားဖြစ်ပါတယ်။ အမျိုးသမီးသရုပ်ဆောင်တွေထဲမှာလည်း ကိတ်ဝင်းစလက်တို့ ကွယ်လွန်သွားပြီဖြစ်တဲ့ ပီကီဘလိုင်ဒါ မင်းသမီးကြီး ဟင်လင်မက်ခရိုရီတို့က ပါ၀င်အားဖြည့် သရုပ်ဆောင်ထားပါတယ်။ File size…(1.8 GB)/(930 Mb) Quality….Webrip 1080p / 720p Format…mp4 Duration….01:57:00 Genre...Drama, Romance Subtitle….Myanmar Subtitle (Hardsub) Encoder….Garfield Translated by Steven Khant

Jack Ryan, as a young covert CIA analyst, uncovers a Russian plot to crash the U.S. economy with a terrorist attack. File Size : (850 MB) Quality : Blu-Ray 720p Running Time : 1hr 45min Format : Mp4 Genre : Action, Drama, Thriller Subtitle : Myanmar Subtitle (Hard Sub) Source : 720p.BluRay.x264-SPARKS Translated by Myat Noe Wutt Yi Encoded by Thanhtike Zaw

IMDb - 7.0/10 Rotten - 54% Maleficent ဆိုတာ Disney ကာတွန်းကား Sleeping Beauty ထဲက မင်းသမီးလေးကို အိပ်မွေ့ချထားတဲ့ မှော်ဆရာမကြီးပါ။ Sleeping Beauty ကိုမသိသေးတဲ့သူတွေအတွက် ကာတွန်း ဇာတ်လမ်းကတော့ မင်းသမီးလေး မွေးပြီး မွေးနေ့ပွဲမှာ ပြည်သူလူထုနဲ့ တကွ နတ်သမီး ၇နှစ်ယောက်ပါ တက်ရောက် ချီးမြှင့်ခဲ့ပါတယ်။ အဲ့ဒီပွဲမှာ နတ်သမီးတွေက မင်းသမီးလေးကို သူတို့ တန်ခိုးနဲ့ ဆုတွေ ပေးနေတုန်း ၅ ယောက်မြောက်နတ်သမီးအပြီးမှာ Maleficent ဆိုတဲ့ မှော်ဆရာမက ဝင်လာပြီး ကျိန်စာတိုက်သွားပါတယ်။ မင်းသမီးလေး ၁၆ နှစ်ပြည့် မွေးနေ့မှာ ယက် ပြီကန်းစဉ်က ချည်လုံး အပ်ဆူးပြီး သေပါစေလို့ ကျိန်စာတိုက်ပြီး ထွက်သွားပါတယ်။ အဲ့ဒီမှာ ကျန်နေတဲ့ နတ်သမီးတစ်ပါးက (ကျိန်စာပျက်အောင်မတတ်နိုင်ပေမယ့်) အပ်စူးမိးမသေပဲ နှစ်တစ်ရာတိုင် အိပ်ပျော်နေပြီး တော်ဝင်သွေးပါတဲ့ မင်းသားတစ်ပါးက နမ်းမှပဲ နိုးမယ်လို့ ဆုတောင်းပေးခဲ့ပါတယ်။ ဒီကားကတော့ Sleeping Beauty ဇာတ်လမ်းကို Maleficent ဆိုတဲ့မှော်ဆရာမ နေရာကနေရိုက်ကူးထားပြီး အပြောင်းအလဲလေးလုပ်ထားပါတယ်။ ဇာတ်လမ်းအစမှ Maleficent ဆိုတဲ့ Faerie (နတ်သမီးလို့ပဲ ဘာသာပြန်ရမယ်ထင်ပါတယ်) တစ်ယောက်က လူငယ်သဘာဝ၊ Stefan ဆိုတဲ့ ကောင်လေးတစ်ယောက်နဲ့ ချစ်ကြိုက်ကြပါ တယ်။ Maleficent က Faerie တစ်ယောက်ဖြစ်တာကြောင့် သူ့ရဲ့ တိုင်းပြည်က နတ်သမီးတွေ၊ တန်ခိုးရှင်တွေ နေတဲ့ နေရာဖြစ်ပြီး၊ တစ်ဖက်မှာက သာမန်လူတွေ နေတဲ့ တိုင်းပြည်ရှိပါ တယ်။ Stefan က သာမာန် လူသားတစ်ယောက်ဖြစ်တာနဲ့ အညီ သူမှာလည်း ရည်မှန်းချက်တစ်ခုရှိပါတယ်။ Stefan ရဲ့ ရည်မှန်းချက်ကတော့ ဘုရင်ဖြစ်ဖို့ ဖြစ်ပြီး တစ်ရက်မှာ Magical Country (Moor) နဲ့ စစ်ဖြစ်ကြရာက လူတွေဘက်က စစ်ရှုံးသွားခဲ့ပါတယ်။ Maleficent က လူတွေဘက်က ဘုရင်ကို အနိုင်တိုက်ပြီးတဲ့နောက်မှာတော့ အဲ့ဒီမှာ ဘုရင်ကြီးက Maleficent ကို အသေသတ်ပေးရင် သူ့နေရာကို အိမ်ရှေ့မင်းသားအရာပေးမယ်လို့ ကြေငြာလိုက်တော့ Stefan က Maleficent ဆီကို အယောင်ဆောင်သွားပြီး သတ်ဖို့ကြိုးစားပါတယ်။ ဒါပေမယ့် မသတ်ရက်ပဲ သူမရဲ့ အတောင်ပံကိုပဲ ဖြတ်ယူခဲ့ပြီး ဘုရင်ကြီးကို သတ်ပြီးပြီလို့ ပြောခဲ့ပါတယ်။အဲ့ဒီနောက်မှာတော့ Stefan ကဘုရင်ဖြစ်လာပြီး သူ့သမီးလေးမွေးနေ့ပွဲလုပ် နေရာမှာ Maleficent က ဝင်လာပြီး ကျိန်စာတိုက်ခဲ့ပါတယ်။ဒီနောက်ပိုင်းကတော့ ကာတွန်းထဲကနဲ့ အနည်းငယ်ဆင်တူသလို တစ်ချို့ဟာတွေလည်း ပြောင်းထားပါတယ်။ ကြည့်ဖို့ကောင်းတဲ့ကားတစ်ကားဖြစ်ပြီး မိသားစုတူတူကြည့်နိုင်ပါတယ်။ ရုပ်ရှင်မိတ်ဆက် Movie Review မှကူးယူဖော်ပြသည်... Quality ; 1080P Bluray HEVC Fize Size ; 1.8GB Translated By : Nyi Than Lwin Encoded By : Thit San Khant

Closed Circuit (2013) IMDb Rating (6.2) လန်ဒန် ရဲ့ အထင်ကရဈေးတခုမှာ ပေါက်ကွဲမှုတခု ဖြစ်ပွဲခဲ့ပြီး လူပေါင်း ၁၂၀ ကျော် သေဆုံးခဲ့ပါတယ်… ဒီဖြစ်ရပ်မှာ သံသယရှိသူ တစ်ဦးကို ဖမ်းဆီးပြီး စစ်ဆေးခဲ့ကြပါတယ်… တရားလိုရှေ့နေအဖြစ်လိုက်ပါဆောင်ရွက်နေတဲ့ ဆိုင်မွန်ဟာ ရုတ်တရတ် သေဆုံးသွားခဲ့ပြီးနောက် ဒီအမှုကိုဆက်လက်စစ်ဆေးဖို့ ရှေ့နေ Martin Rose ကို လွှဲပြောင်းပေးခြင်းခံရသလို တချိန်ထဲမှာပဲ တရားခံဖက်က ရှေ့နေအဖြစ် Claudia Simmons ကို ဆောင်ရွက်စေခဲ့ပါတယ်…ထူးခြားတာက သူတို့ ၂ ဦးဟာ မကြာခင်အချိန်တခုကမှ ပြတ်စဲထားတဲ့ လင်မယားတွေဖြစ်ကြတာကြောင့် ဒီအမှုကို ပေးအပ်လိုက်ချိန်ကစလို့ တဦး နဲ့ တဦး မည်သည့် အကြောင်းနဲ့မှ ပက်သက်ဆက်နွယ်ခွင့်မရှိကြောင်း ကတိပေးထားရပါတယ်.. တရာခံရှေ့နေ Claudia ဟာ MI5 agent Nazrul Sharma ရဲ့ ထိမ်းသိမ်းမှုအောက်မှာသာ လှုပ်ရှားခွင့်ရှိပြီး တရားခံ Farroukh  ရဲ့ မိသားစုကိုလဲ လုံခြုံရေးအရ MI5 မှ ကာကွယ်စောက်ရှောက်ထားပါတယ်… Martin ကတော့ မိတ်ဆွေဖြစ်သူ ရှေ့နေ Devlin နှင့်အတူ အမှုမှန်ပေါ်ပေါက်ဖို့ ထောက်လှမ်းနေခဲ့ပါတယ်… Martin ဟာ သူငှားစီးတဲ့ တက္ကစီကို မသင်္ကာရာမှ တရားခံ Farroukh ဟာ MI5 မှ Agent တယောက်ဆိုတာ သိသွားချိန်မှာ … သတ်မှတ်ထားတဲ့ စည်းကမ်း ကို ချိုးဖောက်ပြီး Claudia ကို ဘောလုံးပွဲမှာ လျို့ဝှက်ချိန်းဆိုခဲ့ပြီး Farroukh ဟာ MI 5 တယောက်ဖြစ်ကြောင်း သတိပေးလိုက်ပါတော့တယ်… နောက်တနေ့ သူတို့လိုက်ပါဆောင်ရွက်နေတဲ့ လန်ဒန်ဗုံးကွဲမှုကို စတင်ရုံးတင် စစ်ဆေးရာမှာလည်း လျှို့ဝှက် စစ်ဆေးစေခဲ့ပြီး တရားလိုဘက်မှ နားထောင်ပြန်ကြားခွင့်မရခဲ့ပါဘူး… ဒီလိုနဲ့ Martin နဲ့ Claudia တို့ဟာ Farroukh ရဲ့ သားဖြစ်သူကို ဆက်လက်စစ်ဆေးရာမှာ အစတစ်စကို ဆွဲထုတ်နိုင်ခဲ့ပြီးတော့ လန်ဒန်ဗုံးကွဲမှုရဲ့ တရားခံအစစ် ကို သိရှိသွားတဲ့အခါမှာတော့...။ မင်းသားကြီး Eric Bana , မင်းသမီး Rebecca Hall  နဲ့ Julia Stiles တို့အဓိကပါဝင်ထားတဲ့ ဒီရုပ်ရှင်ကားက အတူတူလိုက်ပါစီးမျောဖို့ကောင်းတဲ့ စိတ်ဝင်စားစရာရုပ်ရှင်ကားဖြစ်ပါတယ်။ File size…(1.8 GB )/(800 MB) Quality….BluRay 1080p / 720p Format…mkv/mp4 Duration….01:36:01 Subtitle….Myanmar Subtitle (Hardsub) Encoder….Ka Naung

1917 တို့ Munich The Edge of War တို့လို့ စစ်ကားကောင်းတွေနဲ့ နာမည်ကြီးတဲ့ George MacKay ရဲ့ စစ်ကားဟောင်းလေးပါဒီကားက စစ်ကားဆိုပေမဲ့ ဒရမ်မာနဲ့ရောထားတဲ့အတွက် တစ်မျိုးကြည့်ကောင်းပါတယ်..ပထမကမ္ဘာစစ်မှာ ဂျာမန်တွေကိုတိုက်ဖို့ စစ်ထဲမဖြစ်မနေဝင်ခဲ့ရတဲ့ ဗြိတိန်လူငယ် လယ်သမားလေးတွန်မီရဲ့ ဘဝကိုပြထားတယ် Tommo နဲ့ သူ့အစ်ကို Charlie တို့ဟာဆင်းရဲပေမယ့် နွေးထွေးတဲ့ မိသားစုတစ်ခုမှာကြီးပြင်းလာကြသူတွေပါ။ ကလေးဘဝမှာပျော်ရွှင်မှု၊ ဝမ်းနည်းမှု၊ ချစ်ခြင်းမေတ္တာတွေရှိခဲ့သလိုကြီးပြင်းလာတဲ့အခါစစ်ပွဲကြောင့်သူတို့ဘဝတွေ ပြောင်းလဲသွားရပါတယ်။စစ်ထဲရောက်ပြီးနောက်သူတို့ဟာမလိုလားအပ်တဲ့ အမိန့်တွေ၊လူသားဆန်မှုနဲ့ ဆန့်ကျင်တဲ့ ဆုံးဖြတ်ချက်တွေကိုကြုံတွေ့ရပါတော့တယ်။ နောက်ဆုံးမှာTommo သတိရနေတဲ့အရာကစစ်ပွဲဟာသူရဲကောင်းဆန်မှုထက်နာကျင်မှုနဲ့ ဆုံးရှုံးမှုကိုပိုပေးတတ်တယ်ဆိုတဲ့ အမှန်တရားကိုပါပဲ.. File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

The Iron Lady (2011) IMDb - 6.4/10 Rotten - 52% Won 2 Oscars. Another 23 wins & 47 nominations. ဒီရုပ်ရှင်ကား ဇာတ်ကားက တော့ ဖြစ်ရပ်မှန် ကိုပြန်ရိုက်ကူးထားတယ့် ကားဖြစ်ပါတယ်။ ဗြိတိန် သမိုင်း ကိုတစ်ဆစ်ချိုးပြောင်းလဲ ခဲ့ပြီး ရာဇဝင်တွင်ကျန်နေခဲ့တယ့် ဗြိတိန် နိုင်ငံရဲ့ ပထမဆုံး အမျိုးသမီး ဝန်ကြီးချုပ် ဖြစ်ခဲ့တယ့် မာဂရက်သက်ချာ အကြောင်းဖြစ်ပါတယ်။ သက်ချာလို့ပြောလိုက်ရင် လူခွန်တောင်ကောက် တယ့်သူဆိုပြီး တစ်ချို့ ကြားဖူးကြပါလိမ့်မယ်။ ဒီဇာတ်ကားက Biography/Drama အမျိုးအစားဖြစ် ပြီး IMDb Rating 6.4 ၊ Rotten Tomatoes 52% ၊ Roger Ebert 2 /4 ရရှိထားပါတယ်။ တစ်ကားလုံးကြာမြင့်ချိန် ၁၀၄ မိနစ်ရှိ ပြီးတော့ Budget ၈.၂ မီလီယံဒေါ်လာနဲ့ရိုက်ကူး ထားပြီး Box Office မှာ ၁၁၅ မီလီယံပြန်လည် ရှိရှိခဲ့ပါတယ်။ 20th Century Fox က ဖြန့်ချီထားပါတယ်။ အဓီက သရုပ်ဆောင်တွေ က Lead role အနေနဲ့ မာဂရက်သက်ချာ ငယ်ဘဝနေရာ မှာ အစွမ်းပြသရုပ်ဆောင်ထားတယ့် MEryl Streep နဲ့ အသက်ကြီးပိုင်း နေရာမှာသရုပ်ဆောင်ထားတယ့် Alexandar Roach နဲ့ မာဂရက်ခင်ပွန်း ငယ်ဘ၀ အနေနဲ Harry Lloyd ၊ အသက်ကြီးပိုင်းနေရာမှာ Jim Broadbent တို့ က သရုပ်ဆောင်ထားပါတယ်။ ဆုပေးပွဲတွေ မှာ ဆုပေါင်း ၃၁ ဆုအထိ ဇကာ တင်စာရင်းဝင်ထားနိုင်ခဲ့ပြီး ၁၃ ဆုကို ဆွတ်ခူးနိုင် ခဲ့ပါတယ်။ ဒီနေရာမှာ အဓီက က ဇာတ်ကောင် ဖြစ်တယ့် မာဂရက် ငယ်ဘ၀ နေရာမှာ သရုပ်ဆောင်ထားတယ့် မင်းသမီးကြီးက လဲ ခေသူမဟုတ်ပါဘူး။ ၁၇ကြိမ်မြောက် Oscar ဆုပေးပွဲမှာ ဇကာတင်စာ ရင်ဝင်ခဲ့ပြီးနောက်ဆုံး ဆု ကို အရယူသွားနိုင်ခဲ့ တယ့် မင်းသမီးပါ။ ဒီမင်းသမီးကြီး က အရင်က လဲ ဆုတွေ တော်တော်ကိုရထားခဲ့ပြီးသားပါ။ ထိပ်တန်း စာရင်း ဝင်တယ့် ဆုတွေ လဲတော်တော်ပါပါတယ်။ ပြီးတော့ သူမရဲ့ ၃ကြိမ်မြောက် Golden Globe Award For Best Actress Motion Picture Drama ဆုကို ဒီရုပ်ရှင်ကားနဲ့ ခဲ့ပြီး BAFTA ဆုပေးပွဲမှာ လဲ ဒီဇာတ်ကားနဲ့ အကောင်းဆုံးခေါင်းဆောင် မင်းသမီးဆု နောက်ပြီး 84 ကြိမ်မြောက်အကယ် ဒမီပေးပွဲမှာ အကောင်းဆုံး ဇာတ်ဆောင်မင်းသမီး ဆုနဲ့ မိတ်ကပ်ပြင်ဆင်ခြယ်သမှု ဆုကိုပါရရှိထား ခဲ့ပါတယ် ။ တစ်ခြား ဒီဇာတ်ကားနဲ့ ရုပ်ရှင် ဆုပေးပွဲမှာ တော်တော်လေးရယူထားခဲ့ပါသေးတယ်။ ဘာကြောင့် ဒီမင်းသမီးကို ရွှေးလဲ ဆိုရင် သူ့ရဲ့ ရုပ်ရည်ကလဲ မာဂရက်သက်ချာ နဲ့ ဆင်ပြီး သရုပ်ဆောင်စွမ်းရည်က လဲ လက် သန်ပြောင်လှတာကြောင့် ဖြစ်မယ်ထင်ပါတယ်။ ဒီဇာတ်ကားထဲမှာကိုယ်နေဟန်ထား၊ မျက်နှာအကြည့်တွေ ၊ စကားပြောပုံလေသံ ကအစ ပြင်ဆင်ပြီး ရိုက်ကူးထားတာတွေ့ရပါတယ်။ ဒီဇာတ်လမ်းအကြောင်းမပြောခင် ဒီဇာတ်ကား က မာဂရက်သက်ချာအကြောင်းရိုက်ကူးထားတာ ဆိုတော့ သူတို့အကြောင်းကို နည်းနည်းလောက် ပြောချင်ပါတယ်။ မာဂရက် သက်ချာက ဗြိတိန် ရဲ့ သမိုင်းမှာ သာမက အနောက်နိုင်ငံ သမိုင်းမှာ ပထမဆုံးနဲ့ သက်တမ်းအကြာဆုံး အမျိုးသမီး ဝန်ကြီးချုပ်ဖြစ်ခဲ့တယ်သူပါ။ သူဝန်ကြီချုပ်မဖြစ်ခင် အရှေ့တိုင်းမှာ သိရီလကာၤ နဲ့ အိန္ဒိယတို့မှာ မှာ အမျိုးသမီးဝန်ကြီးချုပ်ရှိ နေပါတယ်။ သက်ချာက နာမည်ဆိုးနဲ့ ကျော်ကြားခဲ့တယ့် သူတစ်ယောက်ဆိုလဲမမှားပါဘူး။ သူမရဲ့ပြင်းထန်တယ့် ပေါ်လစီတွေ မှုဝါဒချ မှတ်မှုတွေ ကြောင့်ပြည်သူများရဲ့မေတ္တာပို့ သခြင်းကို လဲ ခံခဲ့ရသူပါ။ သူမရဲ့ဖခင်က ကုန်စုံ ဆိုင် ရောင်းတယ့်သူပါ။ နောက်ပြီး သူတို့ နေတယ့် ဂရစ်သမ် မြို့ တော်ဝန်လဲ ဖြစ်ပါတယ်။ ပညာမှာထူးချွန်ပြီး အောက်စဖို့စ် တက္ကသိုလ် ကို ဓာတုဗေဒ အထူးပြုနဲ့ တက်ရောက်ခွင့်ရခဲ့ပြီး နောက် နိုင်ငံရေးလောက ထဲကို ဝင်ရောက် လာ ခဲ့ပါတယ်။နိုင်ငံရေးလောကမှာ သက်ချာ က ဗြိတိန်ရဲ့ အနုတ်လက္ခာပြနေတယ့် စီးပွားရေး နဲ့ အလုပ်လက်မဲ့ နှုန်း့မြင့်တက်လာမှုကို ဆွဲတင်ပေးနိုင်ခဲ့ပါတယ်။ သက်ချာ ဟာ အလုပ်လက်မဲ့ လျော့ချရေးနဲ့ အသေးစားအလတ်စားလုပ်ငန်းတွေ ကိုလွတ်လပ်စွာလုပ်ကိုင်ခွင့် ပြုလို ပြီး ကုန်သွယ်ရေးအဖွဲ့ အစည်းရဲ့ ထိန်ချုပ် မှု တွေ ကို တက်နိုင်သမျှလျော့ချ မှု လုပ်ဆောင်ချက်နဲ့ နာမည်ကောင်းကို စပြီး ရရှိခဲ့ပါတယ်။ နောက် တစ်ခု က သူမကို နာမည်ပိုပြီး ကြီးသွားစေတာ က ဖောက်ကလန်ကျွန်းစစ်ပွဲပါ။ ဖောက်ကလန် ကျွန်း စစ်ပွဲနဲ့ပက်သက်ပြီး တော့လဲ သူမနဲ့ သူမပါတီဝင်တွေ ကြားမှာ သဘောထား မတူမှု ကြီးမားစွာ ရှိနေခဲ့ပေမယ့် သူမကတစ်ယောက် တည်းဆို လဲလုပ်စရာရှိတာဆက်လုပ်သွားမယ် ဆိုပြီး ပြတ်ပြတ်သားသား ဆုံးဖြတ်ပြီး လုပ် ဆောင်ခဲ့ပါတယ်။ ဖောက်ကလန်ကျွန်းတိုက်ပွဲမှာအနိုင်ရပြီး သူမနာမည်လဲ သြဇာသက် ရောက်မှုပိုကြီးမားလာပါတယ်။ နောက်ပိုင်း လူခွန် ကောက်ခံမယ့် ကိစ္စနဲ့ ပက်သက်ပြီး လူထု နဲ့ရောဝန်ကြီးတွေ နဲ့ပါ သဘောာထားကွဲလွဲမှုဖြစ်ခဲ့ပါတယ်။ သူမကို ခေါင်းနေပိုင်းနေရာ အတွက် Micheal Heseltine ကစိန်ခေါ် ယှဉ်ပြိုင်ခဲ့ပြီးသူမရှုံးနိုမ့်ပြီး ၁၉၉၂ မှာတာဝန်က အနားယူသွားခဲ့ပါတယ်။ နောက်ပြီး သူမက မြောက်အမေရိကနဲ့ အမေရိကမှာ အရပ်သားတွေ ကို ပေးအပ်တယ့် အမြင့်ဆုံးဆုဖြစ်တယ့် သမ္မတ George Herbert Walker Bush ကပေးအပ်ခဲ့တယ့် Presidential Medal of Freedomeကို ၁၉၉၁မှာ ရရှိခဲ့ပါတယ်။ တစ်ခြားဆုတွေ အများကြီးရထားခဲ့ပါသေးတယ်။ အင်္ဂလန်ဘုရင်မကြီး နဲ့လဲ ရင်နီးတယ့် ဆက်ဆံရေးရှိတယ်လို့ဆိုကြပါတယ်။ သူမမှာ သားတစ်ယောက်သမီးတစ်ယောက်ရှိပါတယ်။ သူမက ဆိုဗီယက် ရုရှားအပေါ်ဝေဖန်မှု တစ်ခုပြုလုပ်ခဲ့လို့ ရုရှား သတင်းစာတွေက တုန့်ပြန် သူမကို Iron Lady လို့နာမည်ပြောင်နဲ့သုံးနှုန်းခဲ့ပါတယ်။ အခွန်ကိစ္စနဲ့ပက်သက်ပြီး သူမနဲ့ပါတီကြားမှာ ပြင်းထန်စွာသဘောထားကွဲလွဲပြီး သူမနောက် ဆုံး ဝန်ကြီးချုပ်ရာထူးကနေအနားယူခဲ့ရပါတယ်။ အင်္ဂလန် ဘုရင်မကြီး နဲ့ တောင် စကားက တောက်ကဆ ဖြစ်ခဲ့တယ်လို့ဆိုကြပါတယ်။ သူ မလုပ်ဆောင်ချက်တွေ ကို အင်္ဂလန်ပြည်သူတွေ ကတော့ ပုံရိပ်ဆိုးအနေနဲ့ မှတ်ယူထားကြပါတယ်။ ဒါပေမယ့် သူမလက်ထက် မှာ အင်္ဂလန် စီးပွားရေးနိုင်ငံရေးကို အမြင့်တစ်နေရာရောက် အောင်မြင့်ပေးနိုင်ခဲ့ပါတယ်။ ဆုံးဖြတ်ချက်ချတယ့် နေရာမှာ တိကျပြတ်သားပြီး ကိုယ်မှန်တာကို နောက် မဆုတ်တမ်း လုပ်ရဲတယ့် သတ္တိရှိပါတယ်။ အမျိုးသားအမတ် တွေ အားလုံးကို ချုပ်ကိုင်ချလှယ်ထားပြီး တော်တော်လေးထက် မြတ်ခဲ့တယ့် သူပါ။ သူမ ကျန်းမာရေးချို့တဲ့ လာ ပြီးနောက်ပိုင်းမှာ လေသင်တုန်းဖြတ်တယ့် ရောဂါနဲ့ ဘဲ အသက် ၈၇ နှစ်မှာ ၂၀၁၃ ခုနှစ်မှာ သေဆုံးသွားခဲ့ပါတယ်။သူမရဲ့အမျိုးသား ဒန်းနစ် ဟာဆိုရင် လဲ ၂၀၀၃ ခုနှစ်က ကင်ဆာရောဂါ နဲ့ ဆုံးပါးသွားခဲ့ပါတယ်။ မသေခင်အထိ သူမအပေါ် ပါရမီဖြည့်ဖက်ကောင်းတစ်ယောက် ဖြစ်အောင် နေပေးသွားခဲ့ပါတယ်။ သူမရဲ့ ဈာပန ကို နိုင်ငံတော် အဆင့်သတ်မှတ် လုပ်ဆောင်ခဲ့ပါတယ်။ သူမဟာအင်္ဂလန် သမိုင်းကို တစ်ဆစ် ချိုးပြောင်းလဲ ပေးခဲ့သူ ဖြစ်ပြီး ဗြိတိန်ရဲ့သမိုင်းမှာ သက်တမ်းအကြာဆုံးနဲ့ ပထဆုံးသောအမျိုးသမီး ဝန်ကြီးချုပ် ထူးချွန်ပြီး ဆုံးဖြတ်ချက် ပြတ်သားလွန်းတယ့်သူ တစ်ယောက်ဖြစ်ခဲ့ပါတယ်။ ဒီဇာတ်လမ်းရဲ့ပုံစံက သက်ချာက အငြိမ်းစားယူ ထားပြီး အသက်အရွှယ်ကြီးပိုင် အချိန်မှာ ရှေးတုန်းက ဖြစ်ခဲ့တယ့် အတိတ်ကို မာဂရက် ရဲ့ စိတ်ထဲမှာ ခဏခဏပြန် ရောက်သွားတယ့် ပုံမျိုးရိုက်ကူးထားတာပါ။ သံဝေဂရစရာလို့ပြော မလား အဲ့လို ပုံစံမျိုးရိုက်ကူးထားတာပါ။ တစ်ချိန် တုန်းက မီးဟုန်ဟုတ်တောက်ကျော်ကြားပြီး အာဏာရှိခဲ့ပေမယ့် နောက်ပိုင်းဘဝမှာ ရှိးရှင်းတယ့် ဘဝမှာ ဘဲ နေထိုင်သွားခဲ့ပါတယ်။ သူမရဲ့ ဆုံးဖြတ်ချက်ပြတ်သားမှု ၊ မိန်းမသား အာနွဲ့တယ်ဆိုတယ့် အမည်ကို ရိုက်ချိုးပြခဲ့ပြီး အမျိုးသားတွေ ထက်တောင် ပိုလုပ်ဆောင်နိုင် စွမ်းရှိခဲ့ပါတယ်။ သူမ ရဲ့နိုင်ငံအပေါ်ထားတယ့် စိတ်ဓာတ် ၊ ကျော်ကြားမှု ကို မရရင်နေပါစေ တစ်ဦးတစ်ယောက်မှ သူ့ဘက်မှာမရှိပါစေ နိုင်ငံအတွက် အကျိုးရှိမယ့် အရာဆို အားလုံး နဲ့ ဆန့်ကျင်ပြီးလုပ်ခဲ့တယ့် သူမရဲ့ စိတ်နေ သဘောထားကို ဒီဇာတ်ကားထဲမှာ တွေ့ရပါ လိမ့်မယ်။ သရုပ်ဆောင်ထားတယ့် မင်းသမီး ကြီး ကလဲ သူမရဲ့ အာဏာပါတယ့် အမှုအရာ အထက်စီးဆန်တယ့် ပြီး ရဲရင့်တယ့် အမှုအရာတွေ ကို တော်တော်လေး ဖော်ဆောင်နိုင်စွမ်း ရှိတာကိုတွေ့ရပါတယ်။ ဇာတ်ကားထဲမှာ Shall we dance သီချင်းကို ဆက်ကြားဆက် ကြားမှာသုံးထားပြီး တစ်ချို့ဇာတ်ကွက် တွေ ကို နောက်ခံဂီတ နဲ့ ဇာတ်လမ်းအရှိန်ပိုမြင့် အောင်ပံ့ပိုးထားတာတော့ ရသတစ်မျိုးခံစား ရပါတယ်။ သူဇာတ်ကားက သူမအကြောင်းကို ခြုံပြီး ပြသထားပါတယ်။သူမ ရုန်းကန်လှုပ်ရှား ခဲ့ရပုံတွေ ၊ နိုင်ငံရေး ဘ၀ ကို အချိန်ပေးထား ရတော့မိခင်တစ်ယောက် အိမ်ထောင်ရှင်မ တစ်ယောက် တာဝန်တွေ မလုပ်ပေါ်နိုင်ခဲ့တာတွေ ၊ သူမရဲ့ပြတ်သားတယ့် ဆုံးဖြတ်ချက် နဲ့ သတ္တိ တွေ ၊ယုံကြည့်မှု လွန်သွားတယ့် အဆင့်တွေ ကို အဓီက ပုံဖော်ထားပါတယ်။ ကြည့်ရတာ ရိုလာကိုစတာစီး ရလို ဇာတ်ရှိန့်မြင့် ရာကနေ နိမ့်သွားလိုက် ပြန်တက်သွားလိုက် နဲ့ဇာတ်လမ်းဆင်ထားပါတယ်။ File Size - 748 MB Qty - 720p Bluray Duration - 1hr 45min Gern - Biography/ Drama Subtitle - Myanmar Hardsub Translator - Htet Linn Kyaw Encoder - Kyaw Ye Aung

Bank Job ဒီဇာတ်ကားကတော့ ၂၀၀၈ ခုနှစ်က ထွက်ခဲ့တဲ့ ဖြစ်ရပ်မှန် မှုခင်း သည်းထိပ်ရင်ဖိုဘဏ်ဖောက်ကားတစ်ကားပါ။ ဒီဇာတ်ကားမှာတော့ Jason Statham က အဓိကသရုပ်ဆောင်အဖြစ်ပါဝင်ထားပါတယ်။ ဟာကင်မ်ဆိုတဲ့ မူးယစ်ဆေးမှောင်ခို ဒုစရိုက်သမားတစ်ယောက်ဟာ ဗြိတိသျှတော်ဝင်မင်းသမီးတစ်ယောက်ရဲ့ ညစ်ညမ်းတဲ့ဓာတ်ပုံတချို့ကို မှတ်တမ်းတင်ရိုက်ကူးထားပြီး ခြိမ်းခြောက်အကျပ်ကိုင်နေတယ်။ သူ့ရဲ့ဓာတ်ပုံတွေကို ဘဏ်တစ်ဘဏ်ရဲ့ အလုံပိတ်ခန်းတစ်ခန်းထဲက မီးခံသေတ္တာထဲမှာ သိမ်းထားတယ်လို့ ဗြိတိသျှထောက်လှမ်းရေးက သတင်းရတယ်။ အဲဒီအခါမှာ ဒီဘဏ်ကိုဖောက်ထွင်းဖို့အတွက် အကြောင်းဖန်လာတော့တယ်။ ဒါကြောင့် ဘဏ်ကိုဖောက်ဖို့အတွက် တယ်ရီ( Jason Statham)ဦးဆောင်တဲ့ လူဆိုးတစ်ဖွဲ့ကို ငှားပြီး အကောင်အထည်ဖော်ပါတော့တယ်။ ဒီဇာတ်ကားဟာ တခြားစိတ်ကူးယဉ် ဘဏ်ဖောက်ကားတွေလိုမဟုတ်ဘဲ ဖြစ်ရပ်မှန်ဖြစ်တာကြောင့် လက်တွေ့ဆန်တယ်၊ စိတ်လှုပ်ရှားစရာကောင်းတယ်။ အပိုအလိုတွေမပါဘဲ ထိထိမိမိရိုက်ကူးတင်ဆက်ထားနိုင်တယ်။ အစိုးရအရာရှိကြီး‌တွေရဲ့ ကြိုးကိုင်ခြယ်လှယ်မှုတွေ၊ အကျင့်ပျက်ခြစားမှုတွေနဲ့ အကွက်ချကြံစည်မှုတွေကို အရှိကိုအရှိအတိုင်း မချန်လှပ်ပဲပြသထ

နှစ်ပေါင်း ၂၀၀ ကျော် ကြာမြင့်ခဲ့တဲ့ ခရစ်ယာန်-မူဆလင် ခရူးဆိတ်စစ်ပွဲကြီးတွေအတွင်းက ကာလ တစ်ခုကို အခြေခံထားတဲ့ နာမည်ကျော်ရုပ်ရှင်တစ်ခုဖြစ်ပါတယ်။ သမိုင်းရုပ်ရှင်နဲ့သိပ္ပံစိတ်ကူးယဉ်လောကရဲ့ ဆရာကြီးတစ်ပါးဖြစ်တဲ့ Sir Ridley Scott ရိုက်ကူးထားတာဖြစ်ပါတယ်။ Ridley Scott ရဲ့လက်ရာတွေကိုတော့ လူတိုင်းအနည်းဆုံး တစ်ကားလောက်တော့ ရင်းနှီးကြမှာပါ၊ Blade Runner, Alien, Gladiator, Thelma & Louise, Hannibal, Black Hawk Down, The Martian နဲ့ ယခုရုံတင်နေတဲ့ Napoleon အပါအဝင် နာမည်ကြီးရုပ်ရှင် တစ်ရာကျော်ရိုက်ခဲ့ပါတယ်။ ရုပ်ရှင်လောကမှာရတဲ့အောင်မြင်မှုကြောင့် ဆာဘွဲ့ပါ ရခဲ့တဲ့သူလည်းဖြစ်ပါတယ်။ အဓိက ဇာတ်ဆောင်အဖြစ် အော်လန်ဒိုဘလွန်း၊ အီဗာဂရင်းတို့ပါဝင်ထားပြီး မင်းသားကြီး လီယန်နီဆန်လည်း ဇာတ်ပို့အဖြစ်ပါဝင်ထားပါသေးတယ်။ ဒီရုပ်ရှင်ကို ရုံတင်ဗားရှင်း(Theatrical Version)ကို လုံးဝမကြည့်သင့်ပါဘူး၊ အရေးကြီးတဲ့အချက်တွေ နေရာတွေကို ဖြတ်ပြီး တင်ခဲ့တာမို့၊ အမြတ်အစွန်းနည်းခဲ့တဲ့အပြင် အတော်လည်း အဆဲခံခဲ့ရပါတယ်။ ခရစ်ယာန်တွေကလည်းဆဲ၊ မူဆလင်တွေကလည်း ဆဲနဲ့မို့ မိုရိုကိုဘုရင်က ဒါရိုက်တာ Ridley Scott ကို သက်တော်စောင့် လေးယောက်စီစဉ်ပေးထားလိုက်ရပါသေးတယ်။ Director's Cut Roadshow Version ကို ထုတ်လိုက်မှပဲ တကယ့်ရုပ်ရှင်ကောင်းဆိုတာ လက်ခံသွားကြတာပါ။ ဒါတောင် အတော်ဝေဖန်ခံရပါသေးတယ်။ သမိုင်းလောကရဲ့ အိုစမာဘင်လာဒင်လို့တောင် သမုတ်ခံရဖူးပါတယ်။ ရစ်ဒလီစကော့ကလည်း ရုံတင်ဗားရှင်းဟာ ငါ့လက်ရာမဟုတ်ဘူးလို့တောင် ကြေညာပြီးအပြီးစွန့်လွှတ်လိုက်တာပါ။ ဒါကြောင့် Director's Cut Roadshow Version ဖြစ်တဲ့ ၃ နာရီကျော်ကြာမြင့်တဲ့ Version ကိုပဲ တင်ဆက်လိုက်ပါတယ်။ သမိုင်းနောက်ခံ ခရူးဆိတ်စစ်ပွဲ ( 1095 -1291 ) (အရမ်းရှုပ်ထွေးပြီး နိုင်ငံများစွာ တိုက်ပွဲများစွာရှိလို့ ရှင်းပြဖို့မဖြစ်နိုင်ပါဘူး အကြမ်းတော့ ရေးပြထားပါတယ်) ခရူးဆိတ်စစ်ပွဲဟာ အကြိမ်များစွာဖြစ်ပွားခဲ့ပြီး ပင်မ ခရူးဆိတ်စစ်ပွဲကြီး ၈ ခုရှိခဲ့ပါတယ်။ ကမ္ဘာ့သက်တမ်းအရှည်ဆုံးမြို့ထဲက တစ်ခုဖြစ်တဲ့ အထွတ်အမြတ်မြေ Holy Land ခေါ် ဂျေရုဆလင်ကို တိုက်ခိုက်သိမ်းပိုက်တာတွေကနေ အစပြုခဲ့တာပါ။ ဂျေရုဆလင်ဟာ 3000 BCE လောက်ကတည်းက (လွန်ခဲ့သော နှစ်ပေါင်း 5000) ရှိခဲ့တာဖြစ်ပြီး ဘာသာပေါင်းစုံလူမျိုးပေါင်းစုံ သူတပြန် ကိုယ်တပြန် သိမ်းပိုက်ခဲ့ကြတာ ကြာပါပြီ။ တမန်တော် မိုဟာမက် ပေါ်ပေါက်လာပြီး ၆၂၂ ခုနှစ်နောက်ပိုင်းမှာ မူဆလင်ဘာသာရေးစစ်ပွဲတွေကနေတဆင့် နယ်မြေတွေရရှိလာခဲ့ပြီး ဂျေရုဆလင်ကိုလည်း ဘိုင်ဇန်တိုင်းခရစ်ယာန်တွေလက်ကနေ သိမ်းပိုက်ခဲ့ပါတယ်။ ဂျေရုဆလင်ကို ၆၃ ဘီစီလောက်မှာ ရောမအင်ပါယာက သိမ်းပိုက်ခဲ့ပြီး 30 A.D. လောက်မှာ ခရစ်တော်ကို ကားစင်တင်ခဲ့တာပါ၊ 614 ခုနှစ်မှာ ပါရှန်းတွေက သိမ်းပိုက်ခဲ့ပြီး 629 ခုနှစ်မှာ ဘိုင်ဇန်တိုင်းခရစ်ယာန်တွေ ပြန်သိမ်းပိုက်ခဲ့ပါတယ်။ အဲဒီကမှ မူဆလင်နိုင်ငံတွေလက်အောက်ကိုရောက်သွားခဲ့ပြီး ပထမဆုံးခရူးဆိတ်ဖြစ်တဲ့ (1096–1099) ကာလမှာ ခရစ်ယာန်တွေက သိမ်းပိုက်ထားခဲ့တာပါ။ ခရူးဆိတ်အပြီးမှာ တည်ထောက်ခဲ့တဲ့ County of Edessa ဟာ ဆီးရီးယား Zengid မင်းဆက်လက်အောက်ကို ကျသွားတဲ့နောက် ဒုတိယခရူးဆိတ် (1145–1149) စတင်ခဲ့ပြီး ဂျေရုဆလင်ကို ဆက်သိမ်းပိုက်ထားနိုင်ပေမဲ့ အခြားနယ်တွေမှာခရစ်ယာန်တွေ စစ်ရှုံးခဲ့ပါတယ်။ အဲဒီကနေ ဂျေရုဆလင်ကို အုပ်ချုပ်တဲ့ King Baldwin IV လက်ထက်မှာ ဆီးရီးယားနဲ့ အီဂျစ်ကို စည်းရုံးထားနိုင်တဲ့ ဘုရင် ဆာလာဒင်နဲ့ စစ်ပြေငြိမ်းထားပြီး ယှဉ်တွဲနေထိုင်စေခဲ့ပါတယ်။ ဒီရုပ်ရှင်က ဒီနေရာက ဆက်တာပါ။ ဘုရင် နတ်ရွာစံပြီးနောက် ဆာလာဒင်က ဂျေရုဆလင်ကို သိမ်းပိုက်တဲ့တိုက်ပွဲမှာ မြို့ကိုခုခံခဲ့တဲ့ အစ်ဘလင်မြို့စား ဘေလီရန်အကြောင်းကို ပြသထားတာဖြစ်ပါတယ်။ ဒီဇာတ်လမ်းအဆုံးမှာတော့ တတိယခရူးဆိတ် (1189–1192) ကိုစတင်ဖို့ အင်္ဂလန်၊ ပြင်သစ်၊ ဂျာမန်ဘုရင်တို့ စစ်ချီလာတဲ့သမိုင်းနဲ့ အဆုံးသတ်ပေးခဲ့တာပါ။ တတိယခရူးဆိတ်မှာ အရေးပါတဲ့မြို့တွေကို ခရစ်ယာန်တွေပြန်ရခဲ့ပြီး စစ်နိုင်တယ်လို့ ပြောလို့ရပေမဲ့ ဂျေရုဆလင်ကိုတော့ မရခဲ့ပါဘူး။ ဇာတ်လမ်းအကျဉ်း ဒုတိယခရူးဆိတ်စစ်ပွဲကာလအပြီး တတိယခရူးဆိတ်စစ်ပွဲကို စတင်စေခဲ့တဲ့ သမိုင်းနောက်ခံကို အခြေခံပြီးရိုက်ကူးထားတာဖြစ်ပါတယ်။ ခရူးဆိတ်သူရဲကောင်း နယ်စားကြီး ဂေါ့ဖရေးရဲ့ သားဖြစ်သူ ဘေလီရန်ဟာ ဆာရာဆန်(မူဆလင်) ဘုရင် ဆာလာဒင်လက်ထဲကို ဂျေရုဆလင်မြို့ကြီးမကျဆုံးခင် အစွမ်းကုန်ကာကွယ်ခဲ့ပြီး မြို့ကျပြီးနောက်မှာ မြို့တွင်းက လူတွေကို အသက်ရှင်လျက် ထွက်လာနိုင်အောင် လုပ်နိုင်ခဲ့တဲ့သူလည်းဖြစ်ပါတယ်။ (အသက်ရှင်လျက်ထွက်လာနိုင်အောင်လုပ်တယ်ဆိုတာ မလွယ်ပါဘူး၊ ပထမခရူးဆိတ်စစ်ပွဲမှာ ဂျေရုဆလင်ကို ခရစ်ယာန်တပ်တွေ သိမ်းပိုက်ချိန်မှာ မြို့ထဲကမူဆလင်နဲ့ဂျူးတွေ အားလုံးအသတ်ခံခဲ့ရပါတယ်။ အလယ်ခေတ်စစ်ပွဲတွေမှာ ထုံးစံလိုဖြစ်နေတာမို့ ဒါဟာ အောင်မြင်မှုတစ်ခုပါပဲ)။ ဘေလီရန်ရဲ့ သမိုင်းနောက်ခံနဲ့ ဇာတ်လမ်းဇာတ်ကွက်တွေကတော့ သမိုင်းအတိုင်းမဟုတ်ဘဲ စိတ်ကူးယဉ်ဖန်တီးထားတာပါ။ (ရုပ်ရှင်အညွှန်းနဲ့ဘာသာပြန်ကို Mr.Anderson မှ တင်ဆက်ထားပါတယ်။) File size…(8.2 GB)/(3.6 GB)/(2 GB) Quality….BluRay Director's Cut Roadshow Version 4K HEVC/1080p/720p Format…mkv/mp4 Duration….03:13:54 Subtitle….Myanmar Subtitle(Hardsub) Encoder….Ka Naung Translated by Mr.Anderson

အင်္ဂလိပ် စာရေးဆရာကြီး Charles Dicken ရဲ့ ဝတ္ထုကို ပြန်လည်ရိုက်ကူးထားတဲ့ period comedy-dramaဖြစ်ပြီး နာမည်ကြီးတွေ ဖြစ်တဲ့ Christopher Plummer,Jamie Bell, Anne Hathaway, Charlie Hunnam တို့က အဓိကဇာတ်ဆောင်များအဖြစ် ပါဝင်ထားကြပါတယ်။ ဇာတ်လမ်းက သူ့နာမည်အတိုင်းပဲ Nicholas Nickleby ဆိုတဲ့ လူငယ်လေးရဲ့ ဘဝကို ဖွဲ့နွဲ့ပြီး တင်ဆက်ထားတာပါ။ Nicholas တစ်ယောက်သူ့အဖေသေဆုံးပြီး နောက်ပိုင်းမှာ မိခင်နဲ့ ညီမ ဖြစ်သူကိုခေါ်ပြီး သူတို့ဦးလေးရှိတဲ့ London မြို့ကို အကူအညီရလိုရငြား လာခဲ့ကြပါတယ်။ မောင်နှမ နှစ်ယောက်လုံး ဦးလေးရဲ့အကူအညီနဲ့ အလုပ်ကိုယ်စီ ရသွားကြပါတယ်။ Nicholasဟာ Squeers ဆိုတဲ့ ကျောင်းအုပ်ရဲ့ ကျောင်းမှာ ဆရာအဖြစ် လုပ်ကိုင်ရင်း Squeers မိသားစုရဲ့ ကျောင်းသားကလေးသူငယ်တွေအပေါ် ညှင်းပန်းနှိပ်စက်မှုတွေ၊ Smike ဆိုတဲ့ မသန်စွမ်းကောင်လေးကို ဆိုးဆိုးဝါးဝါး ရိုက်နှက်မှုတွေကို ကိုယ်တွေ့မြင်လာရပါတယ်။ ဒီလိုနဲ့ တစ်နေ့မှာ သူတို့နှစ်ဦးSqueers မိသားစုကျောင်းကနေ ထွက်ပြေးလာကြပြီးနောက်မှာ စွန့်စားမှုမျိုးစုံနဲ့ ကြုံလာကြရပါတယ်။ File size…(2.1 GB)/(1 GB) Quality….Blu-Ray 1080p / 720p Format…mp4 Duration….02:12:00 Genre...Adventure, Drama, Romance Subtitle….Myanmar Subtitle (Hardsub) Encoder….Garfield Translated by Leonie

First Knight (1995) ဒီကားကတော့ ရုပ်ရှင်လောကရဲ့ ဂန္ထဝင်သရုပ်ဆောင်များစွာပါဝင်ခဲ့တဲ့ ဂန္ထဝင်ဇာတ်ကားကြီးတစ်ကားပဲဖြစ်ပါတယ်။ အော်စကာဆုကိုရရှိထားဖူးတဲ့အပြင် ရာစုနှစ်တစ်ဝက်စာလောက် အထူးသဖြင့် 80s' တွေအတွက် ဟိုးလေးတစ်ကျော်ကျော်ဖြစ်ခဲ့တဲ့ James Bond Franchise ကြီးတစ်ခုလုံးကို အသက်သွင်းခဲ့သူ ဂန္ထဝင်မင်းသားကြီး "Sean Connery" ကတော့ ဒီဇာတ်ကားထဲမှာ ဇာတ်ဆောင်မင်းသားအဖြစ် ပါဝင်သရုပ်ဆောင်ထားပါတယ်။ ဒါ့အပြင် အခြားဝါရင့်သရုပ်ဆောင်များဖြစ်ကြတဲ့ Richard Gere နဲ့ Liam Cunningham တို့ကပါ ဇာတ်ပို့အဖြစ်ပါဝင်ခဲ့တာဖြစ်တဲ့အတွက် ဇာတ်လမ်းရဲ့ Entertain နိုင်မှုကတော့ အံ့မခန်းပါပဲ။ ~ ဇာတ်လမ်းအကျဉ်း ~ ဘုရင်ကြီး အာသာဟာ ကမ်းမလော့မြို့အတွက် စစ်ပွဲပေါင်းများစွာတိုက်ပြီး ငြိမ်းချမ်းရေးကိုဖော်ဆောင်နိုင်ခဲ့တဲ့နောက်မှာ လောကကြီးမှာအခြေချဖို့အတွက် အိမ်ထောင်ပြုဖို့စီစဉ်တော့ပါတော့တယ်။ ဒီအချိန်မှာပဲ အာသာနဲ့ တစ်ချိန်က အတူစစ်ပွဲဝင်ခဲ့ဖူးတဲ့ လီယွန်နက်စ်မြို့စားကြီးက ဖြစ်စေချင်ခဲ့တဲ့ သူ့သမီး ဂွီနဗီးယားနဲ့လက်ထပ်ဖို့ကို စဉ်းစားလာပါတယ်။ တစ်ဖက်မှာလည်း ဖခင်သေဆုံးပြီးနောက်ပိုင်း မြို့စားကတော်သခင်မတစ်ယောက်ဖြစ်လာတဲ့ ဂွီနဗီးယားဟာ ကမ်းမလော့ကို တစ်ယောက်ထဲအပိုင်စီးချင်တဲ့အတွက် အာသာရဲ့ The Round Table ကနေ နှုတ်ထွက်သွားတဲ့ မယ်လဂန့်ဆိုသူရဲ့ ခြိမ်းခြောက်မှုတွေနဲ့ရင်ဆိုင်ခဲ့ရပါတယ်။ တစ်ဖက်မှာလည်း လန်းစလော့ဆိုတဲ့ ခြေသလုံးအိမ်တိုင်ဓားရေးကျွမ်းကျင်သူတစ်ယောက်ဟာ ဂွီနဗီးယားနဲ့ အမှတ်မထင်တွေ့ဆုံပြီး ချစ်ကျွမ်းဝင်ခဲ့ပါတယ်။ ဒီလိုနဲ့ပဲ ဘုရင်ကြီးအာသာတစ်ယောက် နောက်ဆုံးမှာသူ့အချစ်အိပ်မက်ကိုအကောင်အထည်ဖော်သွားနိုင်မှာလား... ဂွီးနဗီးယားနဲ့ လန်းစလော့တို့အချစ်ဇာတ်လမ်းကရော ဘယ်လိုတွေဆက်ဖြစ်လာမလဲ... ဒါ့အပြင် တစ်ချိန်ကအတွင်းလူဖြစ်ခဲ့တဲ့မယ်လဂန့်ကရော ဒီလိုဖြစ်နေတဲ့အခြေအနေတွေအပေါ် ဘယ်လိုအခွင့်ကောင်းယူသွားမလဲဆိုတာကို ဒီဇာတ်ကားထဲမှာ အပြည့်အဝရှုမြင်ရမှာပဲဖြစ်ပါတယ်။ (ဒီဇာတ်ကားနဲ့အညွှန်းကို Mark မှ ပြန်ဆို ရေးသားထားပါတယ်) Size - 3.1GB, 1.8GB Quality - 1080p, 720p IMDb Rating - 6/10 Format - mp4 Duration - 2H 14Min Genre - Action, Adventure, Drama Subtitle - Myanmar Subtitle (Hardsub) Translated by Mark Encoded by Y