Anne Lockhart ပါဝင်သော ဇာတ်ကားများ

Buried (2010) IMDb - 7.0/10 Rotten - 87% IMDb Rating 7.0 ထိရရှိထားပြီး သည်းထိပ်ရင်ဖို ကြိုက်နှစ်သက်သူတွေအတွက် အထူး စပါယ်ရှယ် ဇာတ်ကားတစ်ကားကို တင်ပေးလိုက်ပါတယ် ဇာတ်ကားလေးကတော့ ပေါလ်ဟာ အမေရိကန်တယောက်ဖြစ်ပြီး အီရတ်မှာ ထရပ်ကားမောင်းနှင်သူတယောက်ဖြစ်ပြီး တနေ့မှာ အီရတ်သားတစ်စု ရဲ့ တိုက်ခိုက်မှုကိုခံရပြီး မေ့မျောသွားခဲ့ရာမှ သတိရလာသောအခါမှာတော့ မီးခြစ်တစ်လုံး ဆဲလ်ဖုန်းတလုံး ဖြင့် သစ်သားအခေါင်းတစ်ခုထဲမှာ ထည့်မြှုပ်ခံလိုက်ရတဲ့အခါမှာတော့ ပေါလ်တစ်ယောက် ဘယ်လိုများကြံဖန်မလဲ လွတ်ကောလွတ်မြောက်နိုင်ပါ့မလားဆိုတာတွေကို ပရိတ်သတ်ကြီးက ဆက်လက် ကြည့်ရှုရမှာဖြစ်ပါတယ် ဘာသာပြန်သူကတော့ ကို စိုးဇေယျာဝင်းပဲဖြစ်ပါတယ်ဗျ File Size - 820 MB Quality - Blu Ray Rip 720p Format - mp4 Duration - 01:35:00 Translator - Soe ZayarWin Encoder - Kyaw Ye Aung

ဟိုးရှေးရှေးတုန်းက နေ‌ရောင်ခြည်လေးတစ်စက်ဟာ ကောင်းကင်ပေါ်ကနေ လူ့ပြည်ကိုကျလာခဲ့ဖူးသတဲ့ အဲ့ဒီနေစက်လေးကနေ မှော်ဝင်ရွှေရောင်ပန်းလေးတစ်ပွင့်ဖူးပွင့်ခဲ့ပြီ သူ့မှာ ဖျားနာ ဒဏ်ရာ နာကျင်မူတွေကိုကုသပေးနိုင်စွမ်းရှိလေသတဲ့ .... ပြူတင်းပေါက်လေးနေ ဟိုးအဝေးကိုလှမ်းမျှော်ကြည့်ခဲ့ရတဲ့နေ့ရက်တွေ... ဘယ်ဆီကိုမှန်မသိ မှန်းမျှော်ခဲ့ရတဲ့အချိန်တွေ.. အခုတော့ ရည်ရွယ်ရာဆီရောက်ခဲ့ပြီ.. မြူမှုန်တွေ ပင့်တင်လိုက်သလို.. အလင်းရောင်ကိုငါတွေ့ခဲ့ရပြီလေ... ကောင်မလေးက- အမ်မက်တစ်ခုကို လိုလားတောင့်တခဲ့ပြီး အဲ့ဒီတစ်ခုအတွက်ကြိုးစားလျှောက်လှမ်းရင်း တစ်နေ့အဲ့ဒီပန်းတိုင်ကိုရောက်တဲ့အခါမှာကော ပျော်ရွှင်ရပါ့မလား မျှော်မှန်းထားသလိုကော ဖြစ်လာပါ့မလား ဖြစ်လာခဲ့ရင်ကော အဲ့ဒါပြီးရင် ဘာဆက်လုပ်ရမှာလဲ လို့မေးတဲ့အခါ ကောင်လေးက- အဲ့ဒီအတွက် ကောင်းကွက်ကတော့ မင်းနောက်အိမ်မက်တစ်ခုကိုမက်လို့ရပြီပေါ့... ငါ့ရဲ့အိမ်မက်အသစ်ကတော့ မင်းပါပဲ... အိုကေ Tangled ဆိုတာ 2010 တည်းကထွက်ခဲ့တဲ့ Animation Movie တစ်ခုပါ။ ဆံပင်ရှည်ကောင်မလေး နဲ့သူခိုးလေးတစ်ယောက်တို့ရဲ့ ဇတ်လမ်းလေးပေါ့ ဇတ်ကွက် အလှည့်အပြောင်းလေးတွေကတော့အားလုံး အလွတ်တောင်ရနေလောက်ပါပြီ။ ဒီဇတ်ကားလေးကို ဖန်များအကြည်ပြန်သိမ်းနိုင်ဖို့နဲ့ နောက်တစ်ကြိမ်ဟိုးတစ်ချိန်က ဆံပင်ရှည်နဲ့ကောင်မ‌လေးဇတ်ကားကို ပြန်ခံစားနိုင်ဖို့ ချန်နယ်မြန်မာကနေ တစ်ဖန်ပြန်လည်တင်ဆက်ပေးလိုက်ပါတယ်။ ဇတ်ကားက Musical Animation တစ်ခုဖြစ်တာကြောင့် ဇတ်ကားထဲကသီချင်းများကိုလဲ အတတ်နိုင်ဆုံး မူရင်းအရသာမပျက်အောင် ဘာသာပြန်ထားပေးပါတယ်ခင်ဗျ။ "I See the Light" သီချင်းနဲ့ 54th Grammy Awards နဲ့ Best Song Awards ဆုတို့ရရှိခဲ့ပါတယ်။ Nominated များစွာဝင်ခဲ့ပြီး ဇတ်လမ်းတို Tangled Ever After ကို 2012 မှာထပ်ထွက်ခဲ့ပါသေးတယ်။ တကယ်တော့ Tangled က ကျွန်တော်တို့ ပရိတ်သတ်တွေရှေ့ကို 2010 မှာရောက်ရှိလာခဲ့ပေမယ့် Production Process ချည်းပဲ ခြောက်နှစ်ကြာခဲ့တယ်ဗျ။ ခန့်မှန်းခြေ ဒေါ်လာ သန်း 260 လောက်ကုန်ကျခဲ့ပြီး Animated Film သမိုင်းတစ်လျှောက်မှာ အကုန်အကျအများဆုံးသော ရုပ်ရှင်တစ်ခုဖြစ်ပြီး တစ်ကမ္ဘာလုံးရုံဝင်ငွေ 592 သန်းပြန်ရခဲ့ပါ တယ်။ ဇတ်ကားမထွက်ခင်က Tangled ဇတ်ကားရဲ့မူရင်းနာမည်ဟာ Rapunzel ဖြစ်ပါတယ်။ 1812 မှာ Grimm ညီနောင်ရေးသား ထုတ်ဝေခဲ့တဲ့ Children's and Household Tales ထဲက Rapunzel ပုံပြင်ကိုအခြေခံထားတာပါ။ သူကလဲ 1790 တုန်းက Friedrich Schulz ဘာသာပြန်ခဲ့တဲ့ စာအုပ်ထဲကပုံပြင်ကို မွေးစားရေးသားထားတာပါတဲ့ခင်ဗျ။ အားလုံးရဲ့မူရင်းကတော့ 11 ရာစုက ပါရှန်ပုံပြင်များထဲက ကောက်နှုတ်ခဲ့တာဖြစ်ပါတယ်။ ဒီလိုနဲ့ 2001 ခုနှစ် မှာ ရုပ်ရှင်ရိုက်ဖို့အကြံရခဲ့ကြပြီး နည်းပညာအခက်အခဲကြောင့် 2003 မှာ Rapunzel Unbraided နာမည်နဲ့ ရိုက်ကူးရေးစတင်ခဲ့ပါတယ် အဲ့ဒီတုန်းက 2007 မှာထုတ်ဖို့စီစဉ်ထားခဲ့ပေမယ့် မူရင်းဇတ်ကြောရိုးကိုပြန်ဖော်ထုတ်မယ်ဆိုပြီး ထပ်နောက်ဆုတ်ခဲ့ပြန်ပါတယ် 2005 မှာ ထွက်မယ့်ရက်ကို 2009 မှလို့ကြေငြာခဲ့ပြီး အကြောင်းမျိုးစုံကြောင့် 2010 မှထွက်နိုင်ခဲ့ပါတယ်။ အဲ့တော့ 2010 ခုနှစ်က ဆံပင်ရှည်နဲ့ကောင်မလေး ဇတ်ကားကိုပြန်ကြည့်ရင်း အတိတ်ကို ခဏပြန်သွားကြရအောင်ပါ။ File size…  1.4 GB /  700 MB Quality… WEB Rip 1080p / 720p Format… mp4 Duration…. 100 m Genre .....  Animation, Family Subtitle…. Myanmar Subtitle (Hard Sub) Encoder…. Thit San Khant Translated by Myo Myint Maung

၂၀၀၉ ခုနှစ်က ထွက်ရှိခဲ့တဲ့ Comedy, Romance ရုပ်ရှင်ကို ပြန်လည်ကြည့်ရှုရင်း ဟောလီးဝုဒ် ရုပ်ရှင်တွေရဲ့ အရင်ခေတ်ကို ပြန်လည်ခံစားလိုက်ရအောင်ပါ။ ယခုရုပ်ရှင်ဟာ IMDb rating 6.5, Rotten Tomatoes 59% ရရှိထားပါတယ်။ ဇာတ်လမ်းကို ပေါ့ပေါ့ပါးပါးလေး ကြည့်ရင်း အတိတ်နေ့ရက်တွေကို ပြန်ခံစားလိုက်ရအောင်ပါ။ ဇာတ်လမ်းအကျဉ်းကတော့ ဂျိမ်းနဲ့ ဂျိတ်ခ်ဟာ ကွာရှင်းခဲ့တာ ကြာပြီဖြစ်တဲ့ စုံတွဲတစ်တွဲဖြစ်ပါတယ်။ နှစ်တွေလည်း ကြာခဲ့ပြီမို့ သူတို့ကြားမှာ မကျေမနပ်တာတွေ မရှိတော့ဘဲ အဆင်ပြေပြေနဲ့ပဲနေနေကြပါတယ်။ ဂျိတ်ခ်ဟာလည်း အက်ဂ်နက်ဆိုတဲ့ အမျိုးသမီးနဲ့ အိမ်ထောင်ထပ်ပြုထားပါတယ်။ ဒီလိုနဲ့ သူတို့ရဲ့သား လုခ်ရဲ့ ဘွဲ့နှင်းသဘင်ကို တက်ဖို့ နယူးယော့ခ်မြို့ကိုသွားကြပါတယ်။ အဲညမှာ သူတို့နှစ်ယောက် မူးအောင်သောက်ကြပြီး ဇာတ်လမ်းကို ပြန်စမိသွားပါတယ်။ ဂျိမ်းနဲ့ ဂျိတ်ခ်တို့ကြား ဘယ်လိုရှုပ်ထွေးတာတွေ ဖြစ်လာမလဲဆိုတာ ဟာသတွေနဲ့ ပေါ့ပေါ့ပါးပါး ကြည့်လိုက်ကြပါဦး။ အညွှန်းနဲ့ဘာသာပြန်ကတော့ Leonard Lin ပဲ ဖြစ်ပါတယ်။ Genre..... Comedy, Drama, Romance Quality…. 1080p | 720p File size… 2.2GB 1.1GB Format… mp4 Duration…. 2h Subtitle…. Myanmar Subtitle (Hardsub) Translator ..... Leonard Lin Encoder ..... Aaron

Walt Disney Animation Studio ရဲ့ ၂၀၀၈ ခုနှစ်ထွက် Animation ဇာတ်ကားကောင်းလေးနဲ့ မိတ်ဆက်ပေးချင် ပါတယ် ဘို့တ် ဆိုတဲ့ ခွေးလေးနဲ့ ပိုင်ရှင်ဖြစ်သူ ပန်နီတို့ဟာ ထူးခြားတဲ့ဆက်နွယ်မှုနဲ့ တစ်ယောက်ကို တစ်ယောက်ရှာတွေ့ခဲ့ကြသူတွေ ဖြစ်ပါတယ်။ သူ့ရဲ့ ပိုင်ရှင်ဖြစ်သူ ပန်နီရဲ့အဖေပြန်ပေးဆွဲခံရပြီးနောက် ဘို့တ်ဟာလည်း သူ့ရဲ့စွမ်းအားတွေနဲ့ သခင်ဖြစ်သူ ပန်နီကို ကာကွယ်ပေးရတဲ့သူလေး ဖြစ်လာခဲ့ပါတယ်။ ဒါပေမယ့် သူကိုယ်တိုင်ထင်မှတ်ထားသလို မဟုတ်ခဲ့ဘဲ သူ့ဘဝတစ်ခုလုံးကို တီဗီရှိုးတစ်ခုထဲမှာ အချိန်ကုန်ခဲ့ရပြီး သူ့ရဲ့ စူပါပါဝါတွေကလည်း အတုအယောင်တွေသာ ဖြစ်နေခဲ့ပါတယ်။ သူ့ရဲပိုင်ရှင် ပန်နီဖြစ်သူ ပြန်ပေးဆွဲခံရပြီး နောက်မှာတော့ ဘို့တ်ဟာ ရိုက်ကွင်းကနေ ထွက်ပြေးပြီး သခင်ဖြစ်သူကို ကယ်တင်ဖို့ လိုက်လံရှာဖွေနေခဲ့ပါတယ်။ ဆက်တင်ကနေ တစ်ဖဝါးမှ မခွာဖူးသူ ဘို့တ်ဟာ သူ့စူပါပါဝါတွေဟာ အစစ်အမှန်တွေလို့ ယုံကြည်နေပြီး အပြင်လောကကြီးထဲမှာ လိုက်လျောညီထွေနေနိုင်ဖို့ ခက်ခဲလာပါပြီ။ နောက်ဆုံးမှာတော့ လမ်းကြားက ကြောင်လည်လေး မစ်တမ်းစ် နဲ့ သူ့ရဲ့ပရိသတ်အကြီးစားဖြစ်သူ ကြွက်ကလေး ရိုင်နို တို့နဲ့အတူ ပြည်နယ်ကျော်ပြီး အိမ်အပြန်စွန့်စားခန်းထွက်ဖို့ ဖြစ်လာခဲ့ပါတော့တယ်။ ခွေးအစစ်ပီပီသသ မဖြစ်ဖူးသူ ခွေးလေးဘို့တ်ဟာ သူသိထားတဲ့ကမ္ဘာကြီး ပြိုလဲသွားချိန်မှာတော့ အပြင်လောကရဲ့ ခက်ခဲကြမ်းတမ်းမှုတွေကို နဖူးတွေ့ဒူးတွေ့ ရင်ဆိုင်ရပုံ နဲ့ ချစ်ခြင်းမေတ္တာ၊ ယုံကြည်မှု နဲ့ ရဲစွမ်းသတ္တိတို့ရဲ့ စွမ်းအားအစစ်တွေကို ထင်ဟပ်ပြသနိုင်တဲ့ Animation ဇာတ်ကားကောင်းလေးကို CM က ပရိသတ်များ ကြည့်ရှုနိုင်ဖို တင်ဆက်ပေးလိုက်ရပါတယ် File size…  1.74 GB /  784 MB Quality… BluRay 1080p / 720p Format… mp4 Duration…. 1h 36m Genre .....  Adventure, Comedy , Family Subtitle…. Myanmar Subtitle (Hard Sub) Encoder…. Thit San Khant Translated by Sai Sumali

Basic Instinct (1992) IMDb Rating (7.0) ဒီဇာတ်ကားကို ယောက်ျားလေးပရိသတ်ထဲက မသိတဲ့သူ ရှားမယ်ထင်ပါတယ်။ မင်းသမီး ရှာရွန်စတုန်း ခြေထောက်ကို ဘယ်ညာပြောင်းချိတ်ပြတဲ့အခန်းကို သုံးလေးခါလောက် ရှေ့နောက်ရစ်လိုက်၊ ရပ်လိုက်၊ Slow နဲ့ ကြည့်လိုက် ကြည့်ဖူးတဲ့သူတွေထဲမှာ ကျွန်တော်လည်း ပါပါတယ်...ခင်ဗျားတို့လဲပါပါလိမ့်မယ်...မပူပါနဲ့...တစ်ကမ္ဘာလုံးလဲ ခုထိ အဲ့လိုပဲကြည့်နေကြတုန်းပါပဲ။ဘာလို့ဆို Pause ခလုတ်နှိပ်ပြီးရပ်ကြည့်ရတဲ့ ရုပ်ရှင်စာရင်းတွေထဲမှာ ဒီရုပ်ရှင်က ထိပ်ဆုံးမှာ ရပ်တည်နေလို့ပါပဲ။ အခုပြန်ကြည့်မိတော့မှ ဒီဇာတ်ကားက မင်းသမီးကို ငမ်းရတာထက် အများကြီးအနှစ်ရှိပြီး အရမ်းကောင်းတဲ့ Psychological, Crime, Drama ဇာတ်ကားလေးဆိုတာ သိရတော့တာပါပဲ။ ဇာတ်လမ်းအလှည့်အပြောင်းလေးတွေက အရမ်းလှတယ်။ ကြည့်နေရင်း မင်းသားစုံထောက်နဲ့တူတူ ခေါင်းတွေလည်သွားမှာသေချာပါတယ်။ အမှုတစ်မှုကနေ စပြီး တခြားအမှုတွေ တစ်သီတတန်းကြီး ထွက်လာတယ်။ အဲဒီအမှုတွေ အကုန်လုံးကလည်း လူတစ်ယောက်တည်းနဲ့ ဆက်စပ်နေတယ်။ ဒါပေမဲ့လည်း အဲဒီလူက အမှုကျူးလွန်ပါတယ်ဆိုတာကို သက်သေမပြနိုင်ဘူး။ တော်တော်လေးကို အကွက်ရွှေ့တာတွေလှပြီး စိတ်ဝင်စားဖို့ကောင်းတဲ့ ခပ်ရှုပ်ရှုပ် စုံထောက်ဇာတ်ကားလေးပါ။ မင်းသမီး Sharon Stone နဲ့ Jeanne Tripplehorn တို့ရဲ့ အလှအပတွေကိုလည်း ခံစားနိုင်သေးတော့ ကြည့်ဖူးပြီးသားလူတွေလည်း ပြန်ကြည့်သင့်ကြောင်း ညွှန်းလိုက်ပါတယ်။ ရှရွန်စတုန်းကလဲ တကယ့်အဟော့ဆုံးအချိန်ဗျာ...ရိုက်ထားတာကလဲ အကုန်ရှင်းရှင်းလင်းလင်း...ဇာတ်လမ်းကလဲ ရမ္မက်တွေနဲ့ပြစ်မှုတွေအကြောင်းဆိုတော့ ဘာမှဖြတ်တောက်ထားခြင်းမရှိတဲ့ Unrated Version ကိုမှ ကာလာအစုံနဲ့အလန်းဆုံးကြည့်ရှုရမယ့် 4K HDR Quality နဲ့ ထပ်မံတင်ဆက်လိုက်ပါတယ်။ မိသားစုနဲ့တော့ကြည့်ရှုလို့မရပါခင်ဗျာ။ 4K ဖိုင်ကို HDR Version နဲ့တင်ဆက်ထားတာကြောင့် မိမိကြည့်ရှုမယ့် Player မှာ HDR Setting တွေ On ထားပြီးကြည့်ရှုမှသာ ကာလာစုံမြင်ရမှာဖြစ်ပြီး 1080p/720p ကတော့ ရိုးရိုးတမ်းတမ်းကြည့်ရှုလို့ရပါတယ်။ File size…(8.5 GB)/(1.8 GB)/(1 GB) Quality…BluRay Unrated 4K HDR/1080p HEVC/720p Format…mkv/mp4 Duration….02:08:13 Subtitle….Myanmar Subtitle (Hardsub) Encoder….Ka Naung Translated by 666

၁၉၉၁ ခုနှစ်က ထွက်ခဲ့တဲ့ City Slickers ဆိုတာ အခုခေတ်လို "Mid-life crisis" ဖြစ်ပြီး စိတ်ညစ်နေတဲ့သူတွေအတွက်တော့ ကြည့်ကောင်းတဲ့ Comedy ကားတစ်ကားပါပဲ ဒီကားက တကယ့်ကို "ဘဝနေဝင်ချိန် မရောက်ခင် ဘာလုပ်ကြမလဲ" ဆိုတဲ့ မေးခွန်းကို နွားချေးနံ့လေးနဲ့ ဖြေထားတဲ့ကားပါ "မစ်ချ်" (Billy Crystal) နဲ့ သူ့သူငယ်ချင်းနှစ်ယောက်ဟာ အသက် ၃၉ နှစ်ပြည့်တော့မယ့် "လူလတ်ပိုင်း အကြပ်အတည်း" (Mid-life crisis) ကို ခံစားနေရသူတွေပါ။ အလုပ်မှာလည်း ပျင်းစရာ အိမ်မှာလည်း ငြီးငွေ့စရာ ဖြစ်နေချိန်မှာ သူတို့ သုံးယောက်သား အဆန်းထွင်ပြီး နယူးမက္ကဆီကို ကနေ ကော်လိုရာဒို အထိ နွားအုပ်လိုက်မောင်းတဲ့ "နွားကျောင်းသား အားလပ်ရက်" ဆိုပြီး သွားလုပ်ကြပါတယ် ဒီကားထဲမှာ နာမည်ကြီးခဲ့တဲ့ စကားတစ်ခွန်း ရှိပါတယ် "ကာလီ" က "မစ်ချ်"ကို လက်ညှိးတစ်ချောင်း ထောင်ပြပြီး ပြောခဲ့တာက "ဘဝမှာအရေးကြီးဆုံးကတစ်ချက်ပဲရှိတယ် အဲ့တာကို မင်းကိုယ်တိုင်ရှာရမယ်"ဆိုတာပါပဲ "မစ်ချ်" က အဲဒီ "တစ်ချက်" က ဘာလဲဆိုတာကို ဇာတ်လမ်းအဆုံးထိ လိုက်ရှာနေရတာပါပဲ "ကာလီ" ကဒီကားနဲ့ပဲ အော်စကာ ရခဲ့တာပါ City Slickers ဟာ တစ်ကားလုံးခွီရုံတင်မကဘဲ စိတ်ကိုပါ နွေးထွေးစေတဲ့ ကားပါ အထူးသဖြင့်- • အသက်ကြီးလာတာကို ကြောက်နေတဲ့သူတွေ... • အလုပ်မှာ အရမ်း Stress များနေတဲ့သူတွေ... • နွားကလေး တစ်ကောင်နဲ့ လူတစ်ယောက်ရဲ့ သံယောဇဉ်ကို မြင်ချင်သူတွေ... ဒီကားကို ကြည့်ပြီးရင် ပရိသတ်ကြီးကိုယ်တိုင် "ငါရော နွားသွားကျောင်းရင် ကောင်းမလား" လို့တောင်တွေးမိကောင်းတွေးမိသွားနိုင်တာမို့ ကြည့်ဖြစ်အောင်ကြည့်လိုက်ပါဦးနော်......

The Little Mermaid (1989) IMDb - 7.6/10 Won 2 Oscars. Another 10 wins & 8 nominations Rating 7.6 အထိရရှိထားတဲ့ Disney ရဲ့  Animation ကားကောင်းလေးတစ်ကားဖြစ်ပါတယ်.... ဒီကားလေးထဲမှာပါတဲ့ ရေသူမလေးအေရီရယ်ဟာ Disney ကပွဲထုတ်ထားတဲ့ မင်းသမီးလေးတွေထဲကတစ်ယောက်ဆိုရင်လည်းမမှားပါဘူး... ပင်လယ်ပြင်ရေအောက်ရဲ့အလှအပတွေကို ဒီကားလေးထဲမှာတဝကြီးခံစားရမှာလည်းဖြစ်ပါတယ်.... ဒီကားလေးဟာ ကျွန်တော်တို့ငယ်ငယ်လေးတည်းက မိန်းကလေးတိုင်းရဲ့ပါးစပ်ဖျားမှာရေပန်းစားနေတဲ့ ကားလေးတစ်ကားဖြစ်ပါတယ်.. ဒီကားလေးရဲ့ဇာတ်လမ်းအကျဉ်းလေးကိုပြောပြရမယ်ဆိုရင်ဖြင့်ပင်လယ်ပြင်ကိုရွက်လွှင့်လာတဲ့မင်းသားလေးကို ချောမောလှပတဲ့ ရေသူမလေးအေရီရယ်ကမြင်မြင်ချင်းမေတ္တာသက်ဝင်သွားမိပါတယ်.... ဒါကြောင့် ပင်လယ်ပြင်ကိုပိုင်စိုးချင်နေတဲ့ ပင်လယ်စုန်းမကြီးဆီမှာလူသားဖြစ်အောင်ဖန်ဆင်းပေးဖို့ သူမရဲ့အသံနဲ့အပေးအယူလုပ်ခဲ့ပါတယ်.... ဒီကို အချစ်ကြောင့် ဘာကိုမှမမြင်ပဲလုပ်လိုက်မိတဲ့ရေသူမလေးအေရီရယ်တစ်ယောက်တကယ့် အချစ်စစ်ကိုကောရနိုင်ပါ့မလား..... သူမရဲ့သူငယ်ချင်းရေသတ္တဝါလေးတွေကကော သူမကိုဘယ်လိုကူညီပေးကြမလဲ....သူမကို ရက်စက်ကြမ်းကြုတ်လှတဲ့ ပင်လယ်စုန်းမကြီးဆီကနေကယ်တင်လို့ရနိုင်မလားဆိုတာတွေကိုရသစုံလင်စွာ ကြည့်ရှု့အပန်းဖြေလို့ရမယ့် Animation ကားကောင်းလေးတစ်ကားဖြစ်ပါတယ်... Quality…..BluRay 720p Duration…..01:23:00 Format…Mp4 File Size…(593 MB) Encoder…..Moe Myint Lwin Translator…..Myat Ko Ko

ဒီဇာတ်ကားကတော့ ၁၉၈၃ ခုနှစ်က ထွက်ရှိထားတဲ့ မင်းသားကြီးတွမ်ခရုဇ်ရဲ့ Comedy,Drama အမျိုးအစားဇာတ်ကားဖြစ်ပါတယ်။ အိမ်မပိုင်ပဲ ဂေါ်လီလုပ်ချင်တဲ့ တွမ်ခရုစ်တစ်ယောက်......မိဘတွေ ခရီးထွက်သွားပြီး အိမ်မှာတစ်ယောက်ထဲကျန်ခဲ့အခါ..... သူငယ်ချင်းတွေရဲ့ ခြောက်တွန်းမှုနဲ့ အိမ်အရောက်ပို့ စကီလေးများဝန်ဆောင်မှုကို ဆက်သွယ်မိရာကနေ.... အရှုပ်တော်ပုံထဲ ကြားညှပ်ပြီး ဘယ်လိုတွေဖြေရှင်းကြမလဲဆိုတာ.....။ ဒီဇာတ်ကားဟာ IMDb (6.8) နဲ့ Rotten Tomatoes (96%) ထိ ရရှိထားပြီး ၁၉၈၀ ခုနှစ်များရဲ့ အငွေ့အသက်ကို အပြည့်အဝခံစားရမယ့် ဇာတ်ကားပါ။ ဇာတ်ကောင်တွေနဲ့ ဇာတ်ဝင်တေးတွေ ထိမိလှသလို တွမ်ခရုဇ်ကို ငယ်ရုပ်နဲ့ နုပျိုချောမောစွာတွေ့ရတာ နှုတ်ခမ်းနီမလေးတွေအနေနဲ့ မှင်သက်မိစေနိုင်ပါတယ်။ File Size…(740 MB) Quality…BluRay Rip 720p Format…mp4 Duration…01:39:00 Subtitle…Myanmar Subtitle(Hardsub) Encoder…Nyeinsaeya Aung Translated by Htet Myat

၈၀-၉၀ ဖွားတွေအတွက် ဒီရုပ်ရှင်ကိုမြင်တာနဲ့ နားထဲစကြားယောင်မယ့် အသံရှိမယ်ထင်ပါတယ်။ ET Phone Home ဆိုတာပါပဲ။ ဒီရုပ်ရှင်လေးကတော့ ကလေးဘဝ အိပ်မက်လေးတွေဆီကို ပြန်ခေါ်သွားပါလိမ့်မယ်။ သိပ္ပံစိတ်ကူးယဉ် ရုပ်ရှင် ဇာတ်ကားကောင်း တစ်ခုလို့ ဘာတွေနဲ့ ပြောကြမလဲ။ နာမည်ထဲကအတိုင်းပါပဲ သိပ္ပံစိတ်ကူးယဉ် လို့ရေးထားတဲ့အတွက် သိပ္ပံဇာတ်လမ်းဖြစ်ရမယ်၊ ရုပ်ရှင်လို့ရေးထားတဲ့အတွက် ဇာတ်ညွှန်း ဇာတ်ဝင်ခန်း သရုပ်ဆောင် ဂီတ အထူးပြုလုပ်ချက် စတာတွေ ပါရမယ်၊ ဒါတွေအကုန်ပါရင်တောင် သိပ္ပံစိတ်ကူးယဉ်ရုပ်ရှင် လို့ပဲ ပြောလို့ရပါတယ်။ ဇာတ်ကားကောင်းလို့ပြောဖို့ကတော့ ဇာတ်လမ်း ရိုက်ချက် သရုပ်ဆောင် ဂီတ အထူးပြုလုပ်ချက် နေရာတိုင်းမှာ ပြည့်စုံကောင်းမွန်နေဖို့လိုပါတယ်။ Effect လေးတွေထည့် မဖြစ်နိုင်တာတွေ မဖြစ်သေးတာတွေ ရိုက်ပြလိုက်ရုံနဲ့တော့ သိပ္ပံစိတ်ကူးယဉ်ဆိုတာနဲ့ ရပ်နေပြီး ရုပ်ရှင်ကောင်းဆိုတာ ဖြစ်မလာပါဘူး။ ၁၉၈၂ က ထွက်ရှိခဲ့ပြီး ဒါရိုက်တာ စတီဗင်စပီးဘက် ရိုက်ကူးခဲ့တာဖြစ်ပါတယ်။ ရုပ်ရှင်သမိုင်းမှာအအောင်မြင်ဆုံး အဖြစ် ၁၉၉၃ ခုနှစ်အထိ ရပ်တည်နိုင်ခဲ့ပါတယ်။ Box Office ကတော့ ၇၉၂ သန်းပါ။ အဲဒီခေတ်ရဲ့ ဒီငွေပမာဏနဲ့ဆို ဘယ်လောက်များမလဲ မှန်းကြည့်လို့ရပါတယ်။ ၁၉၉၃ မှာတော့ စတီဗင်စပီးဘတ်ကပဲ Jurassic Park နဲ့ သူ့စံချိန်ကိုသူပြန်ချိုးခဲ့လို့ပါ။ အဲဒီနောက်မှာတော့ တိုက်တင်းနစ်နဲ့ အဗာတာတို့က ပြန်ဦးဆောင်သွားခဲ့တာပါ။ ဒီရုပ်ရှင်ကို ၁၉၈၂ မှာ သမ္မတနဲ့ သမ္မတကတော်အတွက် အိမ်ဖြူတော်မှာ သီးသန့်ပြသပေးခဲ့ရပါသေးတယ်။ ဒီတော့ ရခဲ့တဲ့ ဆုလေးတွေကို ကြည့်ရအောင်။ အော်စကာ ဆုပေးပွဲမှာ နောက်ခံဂီတဆု၊ Sound Mixing ဆု၊ Visual Effect ဆု၊ Sound Editing ဆု ဆိုပြီး ၄ ဆု ဆွတ်ခူးခဲ့ပါတယ်။ အကောင်းဆုံးရုပ်ရှင်ဆု၊ ဒါရိုက်တာဆု၊ တည်းဖြတ်ဆု၊ မူလဇာတ်ညွှန်းဆု နဲ့ Cinematography ဆုတွေ ဆန်ကာတင်ပါခဲ့ပါတယ်။ - ပထမဆုံးအနေနဲ့ ဇာတ်ညွှန်းကိုတော့ ဒါရိုက်တာက script ရေးသားခဲ့ပြီး screenplay အဖြစ် ပြန်ရေးဖို့ ဟယ်ရစ်ဆင်ဖို့ဒ်ရဲ့ ဇနီးဖြစ်လာမယ့် Melissa Mathison က ကူညီခဲ့ပါတယ်။ ဇာတ်လမ်းတစ်ခုလုံးက ယုတ္တိကျကျ လုံးဝဆန်းသစ်ပြီး လူတိုင်းရဲ့ စိတ်ထဲမှာ စွဲထင်သွားစေခဲ့ပါတယ်။ အော်စကာလည်း ရခဲ့တယ်လေ။ - သရုပ်ဆောင်အဖြစ်ကတော့ အဲလိယော့အဖြစ်သရုပ်ဆောင်ဖို့ လူတွေ့စစ်ဆေးရွေးချယ်မှုတွေ လုပ်ခဲ့ပါတယ်။ အဲလိယော့ကလေးနေရာမှာ သရုပ်ဆောင်မယ့် ဟင်နရီသောမက်လေးဟာ သူ့ရဲ့ခွေးလေး သေသွားတဲ့နေ့ကို ပြန်တွေးပြီး ငိုတဲ့အခန်းမှာ သရုပ်ဆောင်ပြလိုက်တာ ဒါရိုက်တာကြီးကိုယ်တိုင် မျက်ရည်ကျရပြီးကို ဇာတ်လိုက်နေရာကို ရရှိသွားတာပါ။ - ဒီရုပ်ရှင်ကို အသက်ကြီးမှ ပြန်ကြည့်တဲ့အခါ သိပ်ကို ပီပြင်လွန်းတဲ့ နေရာတစ်ခုရှိပါတယ်။ အဲဒါကတော့ အီးတီကို ဆရာဝန်တွေ အသက်ကယ်ဖို့ အရေးပေါ် ကြိုးစားတဲ့အခန်းပါ။ ဆေးပေးတာ၊ စစ်ဆေးတာ၊ အရေးပေါ်အသက်ကယ်တာ၊ တဖြည်းဖြည်း အခြေအနေဆိုးလာပြီး သေပြီလို့ ထင်သွားရတဲ့အထိ စကားလုံးတွေ လှုပ်ရှားမှုတွေက အရမ်းကို သဘာဝကျပြီး ပီပြင်ပါတယ်။ အံံ့သြလွန်းလို့ ရှာကြည့်လိုက်တော့ ဒါရိုက်တာကြီးက အရေးပေါ်ခန်းက ဆရာဝန်တွေ သူနာပြုတွေကို ခေါ်ပြီး တကယ် အသက်ကယ်နေသလိုကို လုပ်ခိုင်းပြောခိုင်းလိုက်ခဲ့လို့ပါပဲ။ ဆရာဝန်တွေ သူတို့မမြင်ဖူးတဲ့ ဂြိုလ်သားတစ်ကောင်ကို နည်းအမျိုးမျိုးနဲ့ အရေးပေါ် ကုတဲ့အခန်းက အရမ်းကို မှန်ကန်တိကျပါတယ်။ အီးစီဂျီဖတ်ပြီး ကိုယ်ဝန်ရှိတဲ့အကွက်မျိုးတွေ မလာပါဘူး။ နောက်ပြီးတော့ အထူးပြုလုပ်ချက်အနေနဲ့ အီးတီနဲ့အတူ စက်ဘီးလေး မိုးပေါ်ပံျသွားတဲ့အခန်းကတော့ ရုပ်ရှင်လောကရဲ့ မှတ်တိုင်အထိမ်းအမှတ်တစ်ခုလိုတောင် ဖြစ်လာခဲ့တာပါပဲ။ လူတိုင်းမျက်စိထဲမှာလည်း အဲဒီအခန်းကို စွဲနေကြပါတယ်။ ဒါရိုက်တာရဲ့ အရည်အချင်းပါပဲ။ - ရယ်ရတာတစ်ခုကတော့ ဒီရုပ်ရှင်မှာ အီးတီကို မုန့်နဲ့မျှားခေါ်တဲ့အခန်းအတွက် M&M မုန့်လေးတွေကို သုံးဖို့ ကုမ္ပဏီကို ခွင့်တောင်းခဲ့ပါတယ်။ ကုမ္ပဏီက အီးတီဟာ ရုပ်ဆိုးလွန်းလို့ ကလေးတွေ ကြောက်လိမ့်မယ်ဆိုပြီး သုံးခွင့်မပေးခဲ့လို့ Reese’s တံဆိပ်မုန့်တွေကိုပဲ သုံးခဲ့ရပါတယ်။ ဒီရုပ်ရှင်ကြောင့် Reese’s မုန့်ရောင်းရနှုန်းက တရှိန်ထိုးကို ထောင်တက်သွားတာပါပဲ။ - Star wars ဖန်တွေ ပြန်ကြည့်ရင် အကြိုက်တွေ့မယ့် အချက်ကတော့ အီးတီဟာ ဟောလိုးဝင်းမှာ Yoda ဝတ်စုံကို ဝတ်ထားတဲ့ ကလေးကို မှတ်မိနေကြောင်း ပြသခဲ့တာပါပဲ။ အီးတီဟာ Yoda ကို သိပါတယ်ဗျာ။ - အီးတီနေရာမှာတော့ အရပ် ၂ ပေကျော်ပဲ ရှိတဲ့ လူပုလေး ၂ ယောက်ကို သရုပ်ဆောင်စေခဲ့ပြီး မီးဖိုချောင်ခန်းတွေမှာတော့ ၁၂ နှစ်အရွယ် ခြေထောက်မရှိဘဲ လက်နဲ့ပဲ လမ်းလျှောက်တတ်တဲ့ ကလေးက သရုပ်ဆောင်ခဲ့ပါတယ်။ ဒီတော့ ကျွန်တော်တို့ အိုကြီးအိုမတွေလည်း ပြန်ခံစားနိုင်အောင်။ ကလေးတွေလည်း ကြည့်ဖူးသွားအောင် တင်ပေးလိုက်ပါတယ်။ File Size :  10 GB, 2.5 GB, 1 GB Quality : Blu-Ray HEVC 4K / 1080p / 720p Running Time : 1hr 55min Format : Mkv and Mp4 Audio : AAC and E-AC-3 Genre : Adventure, Family, Sci-fi Subtitle : Myanmar Subtitle (Hard Sub) Translated by : Little Neo Encode by : Thit San Khant