Anom Perkasa ပါဝင်သော ဇာတ်ကားများ

Dance of the Damned (2026) IMDb Rating (7.1) ဒီဇာတ်ကားကတော့ အင်ဒိုနီးရှားရဲ့ နာမည်ကျော် Franchise တစ်ခုဖြစ်တဲ့ Qodrat Cinematic Universe ထဲကဗီလိန်တစ်ယောက်စတင်ဖြစ်ပေါ်လာပုံအကြောင်းဖြစ်ပြီး Qodrat စီးရီးရဲ့ Prequel လည်းဖြစ်ပါတယ်။ ဇာတ်လမ်းကတော့ ဒါဆိုဟာ ကိုယ်ဝန်ဆောင်ဇနီးသည် ဒါဆီနဲ့အတူအင်ဒိုနီးရှား ရိုးရာလူရွှင်တော်ဝတ်စုံဝတ်ပြီးလမ်းဘေးမှာဖျော်ဖြေအသက်မွေးရတဲ့ ဆင်းရဲသားအနုပညာရှင်တစ်ယောက်ပါ။ တစ်ညအိမ်အပြန် ရထားလမ်းဘေးကလူမိုက်တွေဟာ ဇနီးသည် ဒါဆီနဲ့ဗိုက်ထဲက ကလေးကိုရက်ရက်စက်စက်သတ်ဖြတ်လိုက်ကြပါတယ်။ ဖြေဆည်မရနိုင်တဲ့ပူဆွေးမှုတွေနဲ့အရူးတစ်ပိုင်းဖြစ်သွားတဲ့ ဒါဆို ဟာ သူ့ရွာကိုပြန်သွားတဲ့အချိန်မှာ မသမာတဲ့ကုမ္ပဏီတစ်ခုက ရွာသားတွေရဲ့မြေကိုသိမ်းယူဖို့ကြိုးစားရင်း ရိုးရာပွဲတော်တစ်ခုကိုနှောင့်ယှက်ဖျက်ဆီးခဲ့တာကြောင့် ရုတ်ရုတ်သဲသဲဖြစ်ပြီး ကျိန်စာတစ်ခုအသက်ဝင်လာရာကနေသူဟာ လက်စားချေချင်တဲ့ အမှောင်အင်အားစုတစ်ခုရဲ့ကြောက်စရာစွမ်းအင်တစ်ခုအဖြစ်ပြောင်းလဲသွားပါတော့တယ်။ ဇာတ်လမ်းက သာမန်သရဲခြောက်၊ ကျိန်စာတိုက်အစရှိတဲ့ ဇာတ်လမ်းတွေနဲ့ကွဲထွက်နေပြီး ရိုးရာသိုင်းပညာဖြစ်တဲ့ ဆီလတ်အသုံးပြုတိုက်ခိုက်တဲ့ အက်ရှင်ခန်းတွေ Slasher စတိုင်ကြမ်းတမ်းတဲ့ အထိုးအခုတ်အသက်အဖြတ်တွေနဲ့ဖွဲ့စည်းထားတာပါ။ Qodrat ဇာတ်ကားတွေကိုမကြည့်ဖူးပဲကြည့်လို့ရပေမယ့် ကြည့်ဖူးမယ်ဆိုရင်တော့ Post-credits တွေကိုပိုနားလည်နိုင်ပါလိမ့်မယ်။ ဟော်ရာကြိုက်သူတွေရော အက်ရှင်ပရိသတ်တွေပါ လက်မလွတ်သင့်တဲ့ ဇာတ်ကားကောင်းတစ်ကားဖြစ်ပါတယ်။ File size… (1.3 GB) / (880 MB) Quality…. WEB-DL 1080p HEVC / 720p Format…. mkv/mp4 Genre…. Action,Drama,Fantasy,Horror,Thriller Duration…. 01:41:14 Subtitle…. Myanmar Subtitle (Hardsub)

Kang Solah (From Kang Mak) x Nenek Gayung (2025) IMDb Rating (7.0) အင်ဒိုသရဲကားကောင်းလေးပါ။ သရဲကားကိုမှ ဟာသ Romance ရောထားတဲ့အတွက် အတော်လေးကြည့်ကောင်းပါတယ်။ ဇာတ်လမ်းက Kang Mak စစ်ထွက်ပြီး အိမ်ပြန်လာတဲ့အချိန်က စတင်ပါတယ်။ သူ့မိန်းမ Kang Solah က အိမ်မှာ သူ့ကို နွေးထွေးစွာ ကြိုဆိုနေမှာပဲလို့မျှော်လင့်ပြီးတော့ပေါ့။ ဒါပေမယ့် ရွာသားတွေကတော့ သူ့မိန်းမဟာ လူမဟုတ်တော့ဘူး သရဲဖြစ်နေပြီ လို့ ပြောကြတယ်။ အကြောင်းက Kang Mak စစ်ထွက်နေချိန် Solah ဟာကိုယ်ဝန်နဲ့ တစ်ယောက်တည်းကျန်ခဲ့ပြီး အခက်ခဲတွေကြားမှာ သေဆုံးသွားခဲ့တာ ဖြစ်ပါတယ်။ ဒါပေမယ့် သူမရဲ့စိတ်အစွဲကြောင့် ဝိညာဉ်က အိမ်ကနေ မခွာနိုင်ဘဲ Kang Mak ကို စောင့်နေခဲ့တာပါ။ ဇာတ်လမ်းတစ်လျှောက် Solah ဟာ လူသားလိုပဲ နေထိုင်ပေမယ့် တခါတလေ သူမရဲ့ ဝိဉာာဉ်ပုံစံတွေ ပေါ်လာပါတယ်။ နောက်ဆုံး Kang Mak က အမှန်ကို သိသွားတဲ့အခါ လူသားနဲ့ ဝိဉာာဉ်ကြားက မပြီးပြတ်နိုင်သေးတဲ့ ချစ်ခြင်းမေတ္တာကြားမှာ အနှောင့်အယှက်အတားအဆီးတွေကို ဘယ်လိုကျော်ဖြတ်ပြီး ပေါင်းထုတ်သွားနိုင်မှာလားဆိုတာ ကြည့်ရမှာဖြစ်ပါတယ်။ File size… (1.4 GB) / (850 MB) Quality…. WEB-DL 1080p HEVC / 720p Format…. mkv/mp4 Genre…. Comedy,Fantasy,Horror Duration…. 01:56:15 Subtitle…. Myanmar Subtitle (Hardsub)

Sri Asih(2022) Sri Ashi ဇာတ်ကားဟာ အင်ဒိုနီးရှားစူပါဟီးရိုးဇာတ်ကားတစ်ကားဖြစ်ပါတယ်။ ဒီဇာတ်ကားကို R.A Kosasih ရေးသားထားတဲ့ Sri Ashi၊ ဂန္တဝင်အင်ဒိုနီးရှားရုပ်ပြစာအုပ်ကိုပြင်ဆင်ပြီး live-action ရိုက်ကူးထားခြင်းဖြစ်ပါတယ်။ ဒီဇာတ်ကားဟာဆိုရင် BCU(Bumilangit Cinema Universe) ရဲ့ Gundala(2019) အပြီး ဒုတိယမြောက်ထွက်ရှိလာတဲ့ကားပဲဖြစ်ပါတယ်။ IMDB 7.3/10 အထိရရှိထားတယ်။ ဇာတ်လမ်းအကျဉ်းလေးကတော့ အယ်လ်လန်နာဟာ သူမရဲ့အဖေနဲ့ အမေကိုသေဆုံးစေခဲ့တဲ့ မီးတောင်ပေါက်ကွဲမှုအတွင်းမှာ မွေးဖွားလာခဲ့ပါတယ်။ သူမဟာ သူမရဲ့ ဒေါသစိတ်ကြောင့် အမြဲ အခက်အခဲတွေကို အမြဲကျော်လွှားနိုင်ခဲ့တယ် အောင်နိုင်ခဲ့တယ်ဆိုတာကို နားမလည်ခဲ့ပေမယ့် အဲ့ဒီ့ဒေါသစိတ်ကို အမြဲတိုက်ထုတ်ဖို့ ကြိုးစားခဲ့ပါတယ်။ အဲ့နောက်မှာတော့ ချမ်းသာတဲ့ အမျိုးသမီးတစ်ယောက်ဟာ သူမကို သာမန်ဘဝလေးမှာပဲ နေထိုင်နိုင်ဖို့အတွက် မွေးစားခဲ့ပါတယ်။ ဒါပေမယ့် အယ်လ်လန်နာ အရွယ်ရောက်လာတဲ့အခါ သူမဟာ သာမန်လူသားတစ်ယောက်မဟုတ်ကြောင်း သူမရဲ့ မူလဇာစ်မြစ် အမှန်တရားကို ရှာဖွေတွေ့ရှိသွားခဲ့ပါတယ်။ ဒီနောက်မှာတော့ ရန်သူတွေ အများကြီးပေါ်ပေါက်လာသလို သူဘယ်လို ရင်ဆိုင်ဖြေရှင်းမလဲဆိုတာကိုတော့... ဇာတ်လမ်းအညွှန်းနဲ့ ဘာသာပြန်တင်ဆက်သူကတော့ PROXY ဖြစ်ပါတယ် File Size :(1.9GB) and (870MB) Quality :WEB-DL1080P, 720p Format…mp4 Duration…02:15:00 Genre : Action, Adventure, Drama Subtitle : Myanmar Subtitle (Hard Sub) Translated by PROXY Encoded by Phyo Pyae

Pocong the Origin (2019) IMDb Rating (5.4) Pocong.the.Origin.2019 ဟာ ၂၀၀၆ တုန်းက အကြောင်းကြောင်းကြောင့် ပိတ်ပင်ခံခဲ့ရတဲ့ မူလဇာတ်ကားကိုအခြေခံပြီး မူလဒါရိုက်တာကိုယ်တိုင်ပြန်လည်ဆန်းသစ်ထားတာဖြစ်ပါတယ်။ အဲ့ဒီအချိန်ဆင်ဆာအဖွဲ့ရဲ့အဆိုအရဇာတ်ကားထဲက ခြောက်လှန့်ခန်းတွေနဲ့သွေးထွက်သံယိုအခန်းတွေဟာ ပရိသတ်တွေအတွက်စိတ်ဒုက္ခဖြစ်စေနိုင်ပြီးလူမဆန်တဲ့ရက်စက်မှုတွေပါဝင်နေတယ်လို့ယူဆခဲ့ကြပါတယ်။ ဒါတင်မက ၁၉၉၈ အဓိကရုဏ်းကိုအခြေခံထားတာဖြစ်လို့နိုင်ငံသားတွေရဲ့စိတ်ဒဏ်ရာကိုပြန်လည်နှိုးဆွသလိုဖြစ်မှာစိုးရိမ်တာကလည်း အကြောင်းတရားတစ်ခုဖြစ်ခဲ့ပါသေးတယ်။ ဒါပေမယ့်လည်း ဇွဲမလျှော့တဲ့ ဒါရိုက်တာက အဲ့ဒီနှစ်မှာပဲ ဇာတ်လမ်းအသစ်နဲ့Pocong 2 ကိုရိုက်ကူးပြသခွင့်ရပြီးအောင်မြင်ခဲ့သလို အခု ဇာတ်ကားကတော့ ပိတ်ပင်ခံခဲ့ရတဲ့ မူရင်းကားကိုခေတ်နဲ့အညီပြန်လည်ဆန်းသစ်ထားတာဖြစ်ပါတယ်။ ဇာတ်လမ်းအကျဉ်းကတော့ လူသတ်မှုပေါင်းများစွာနဲ့သေဒဏ်ပေးပေမယ့် မသေနိုင်တဲ့ နှစ်ကြိမ်တိုင်ပြန်ပြီးသေဒဏ်ပေးခဲ့ရတဲ့အကျဉ်းသား အာနန်တာနဲ့စတင်ပါတယ်။ သူက မသေခင်မှာ သူ့သမီးဖြစ်သူ ဆပ်စ်သီကို ဇာတိရွာမှာပဲ သူ့အလောင်းကိုပြန်လည်မြုပ်နှံပေးဖို့တောင်းဆိုခဲ့ပါသေးတယ်။ အဲ့ဒီလိုနဲ့ ဆပ်စ်သီတစ်ယောက်အကျဉ်းထောင်အစောင့်တစ်ဦးနဲ့အတူဖခင်ဖြစ်သူရဲ့အလောင်းကိုသယ်ဆောင်ပြီး ခရီးထွက်လာချိန် လမ်းခရီးမှာ ထူးဆန်းတဲ့အနှောင့်အယှက်တွေသဘာ၀လွန်ဖြစ်ရပ်တွေနဲ့ကြုံတွေ့ရပုံကိုတွေ့မြင်ကြရမှာပါ။ အာနန်တာက ဘယ်သူလဲ? ဘာကြောင့် သူ့ကိုလူတွေဖိမ့်ဖိမ့်တုန်အောင်ကြောက်လန့်ကြသလဲ? သေပြီးတဲ့နောက်မှာတောင် သူ့ဆီမှာ ဘယ်လိုအစွမ်းတွေရှိနေသေးလဲ? ဆက်လက်ရှုစားကြပါ။ File size… (590 MB) / (480 MB) Quality…. WEB-DL 1080p HEVC / 720p Format…. mkv/mp4 Genre…. Horror Duration…. 01:31:03 Subtitle…. Myanmar Subtitle (Hardsub)

MatiAnak (2019) IMDb Rating (6.0) ဇာတ်လမ်းရဲ့အဖွင့်ကို တစ်မိသားစုလုံးရက်ရက်စက်စက်အသတ်ခံလိုက်ရတဲ့ ဖြစ်ရပ်နဲ့စဖွင့်ထားပါတယ်။ ဇာတ်လမ်းတစ်ခုလုံးကိုတော့ ၁၉၉၀ နှစ်တွေမှာအခြေခံထားတာဖြစ်ပါတယ်။ အီနာက မိဘမဲ့ဂေဟာတစ်ခုမှာကလေးတွေကိုပြုစုစောင့်ရှောက်ရတဲ့ ဆရာမလေးတစ်ယောက်ဖြစ်ပြီး သူကိုယ်တိုင်တစ်ကောင်ကြွက်ဖြစ်တဲ့အတွက်ကလေးတွေဘ၀ဟာ သူ့ဘ၀လို့စိတ်နှစ်ထားခဲ့တဲ့သူပါ။ ဒါပေမယ့်လည်း သူတို့ဂေဟာလေးဟာ လှူဒါန်းသူနည်းပါးတဲ့အတွက်ရှေ့ဆက်ရပ်တည်ဖို့တောင်အခက်အခဲဖြစ်နေရပါတယ်။ အဲ့ဒီအခြေအနေကြားက အန်ဒီဆိုတဲ့ ကလေးငယ်တစ်ယောက်ထပ်ရောက်လာချိန်မှာ ဂေဟာမှူးက လက်မခံတော့ချင်ပေမယ့် အီနာက အတိုက်အခံလုပ်ပြီးရအောင်ပြောပေးခဲ့ပါတယ်။ ပြဿနာက အဲ့ဒီ အန်ဒီ ရောက်လာတဲ့ညကစလို့ တစ္ဆေပုံပြင်ဆိုတာ ယုံတမ်းအဖြစ်သာ ရှိခဲ့တဲ့ သူတို့ရဲ့ဂေဟာမှာထူးခြားဆန်းကြယ်တဲ့ ခြောက်လှန့်မှုတွေ ကိုယ်ထင်ပြမှုတွေစတင်ဖြစ်ပေါ်လာပါတော့တယ်။ ဒီအချိန်ဟာ သူ့အတွက် အားလုံးနဲ့ဆန့်ကျင်ပြီး အန်ဒီကိုဆက်ခေါ်ထားမလား? တစ်ခုခုစီစဉ်ရမလားဆိုတာကိုရွေးရမယ့်အချိန်ပါပဲ။ နတ်ဆိုးကိုးကွယ်မှုတွေ အယူလွဲဂိုဏ်းတွေကိုအခြေခံတဲ့ ဇာတ်ကားတွေကြားမှာအစကနေ အဆုံးထိ ပုံစံတစ်မျိုးနဲ့ထူးခြားဆန်းသစ်ပြီးကြည့်ကောင်းတဲ့ ဇာတ်ကားတစ်ကားပါပဲ။ File size… (880 MB) / (550 MB) Quality…. WEB-DL 1080p HEVC / 720p Format…. mkv/mp4 Genre…. Horror Duration…. 01:25:20 Subtitle…. Myanmar Subtitle (Hardsub)

The Raid 2 (2014) Berandal IMDb Rating (7.9) / Rotten Tomatoes (83%) 2011 ကထွက်ထားတဲ့ The Raid: Redemption ရဲ့အဆက်ဖြစ်ပြီး တခြားအဆက်ကားတွေနဲ့မတူ Rating တွေတောင် ပိုလို့ကောင်းလာတဲ့ Sequel ကားဖြစ်ပါတယ်။ အာရှဇာတ်ကားတွေထဲမှာတော့ တော်တော်လေးကောင်းတဲ့ အက်ရှင်ဇာတ်ကားဆိုတာ ငြင်းလို့မရပါဘူး။ ဇာတ်လမ်းအကျဉ်းကတော့ ………. လူဆိုးဂိုဏ်း ခေါင်းဆောင်တွေ၊ စိတ္တဇ ဝေဒနာသည်တွေနဲ့ ပြည့်နေတဲ့ အဆောက်အဦကြီးထဲမှာ တိုက်ခိုက်ပြီး ထွက်ခွာလာတဲ့နောက်ပိုင်း ဂျာကာတာ ရဲသား ရမ်ဟာ အရာအားလုံးဟာ ပြီး ဆုံးသွားခဲ့ပြီ၊ သူဟာ သာမန်ဘဝမှာ နေထိုင်နိုင်ပြီလို့ စဉ်းစားပါတယ်။ သူကြုံခဲ့ရတဲ့ တိုက်ခိုက်မှုကြီးမှာက ရဲနဲ့ လူဆိုးတွေရဲ့ အလောင်းတွေဟာ အခန်းတစ်ခုလုံး ပြည့်မတတ်ပါပဲ။ ဒီလိုအခြေအနေကို ကြုံတွေ့ခဲ့ရတော့ ရမ့်အနေနဲ့ ထပ်ပြီး အမှားတွေ မလုပ်ချင်တော့ဘူး။ သူ့ရဲ့ ပြိုင်ဘက်တွေဟာ ဖြုံလောက်တယ်ဆိုပေမဲ့ ဒီအဆောက်အဦထဲမှာတော့ ကြမ္မာငင်သွားခဲ့ရပါတယ်။ ဒါပေမဲ့ သူ့မိသားစုကတော့ အန္တရာယ်ရှိနေပါပြီ။ ရမ့်အနေနဲ့ သူ့ဇနီးနဲ့ မွေးကင်းစအရွယ် သားငယ်ကို ကာကွယ်ဖို့သာ ရွေးချယ်စရာ ရှိပါတော့တယ်။ ဒါကြောင့် သူဟာ ဒုစရိုက်လောကကို လျှို့ဝှက်ဝင်ရောက်ရ ပါမယ်။ ခြစားနေတဲ့ နိုင်ငံရေးသမားတွေနဲ့ ရဲတွေဆီကို ပြိုင်ဆိုင်နေတဲ့ အင်အားစုတွေကို အဆင့်ဆင့် ဝင်ရောက်ရမှာပါ။ ရောက်ပြီဆိုမှ သူတို့ရဲ့ အပြုအမူတွေကို ရပ်တန့်ဖို့ လုပ်ဆောင်ရမှာ ဖြစ်ပါတယ်။ ဒီလိုနဲ့ ရမ်ရဲ့ ရှည်လျားတဲ့ ခရီးကြမ်းကြီးကို စတင်ခဲ့ပါတယ်။ ဒီခရီးဟာ သူ့ရဲ့ ကိုယ်ပိုင်ဘဝကနေ ကွဲထွက်ပြီး အကြမ်းဖက်မှုတွေ ကျူးလွန်တဲ့ ယုဒါ့အဖြစ် တာဝန်ပေးအပ်ခံရတယ်။ ထောင်ထဲမှာတော့ သူဟာ နာမည်ကြီး လူဆိုးဂိုဏ်းမှာ အခရာတစ်ဦးရဲ့သား ယူကိုရဲ့ ယုံကြည်မှုကိုရရှိခဲ့ပြီး လူဆိုးဂိုဏ်းနဲ့ ဆက်သွယ်ဝင်ရောက်တယ်။ နောက်ပိုင်းမှာတော့ ဆိုးဆိုးရွားရွား အခြေအနေမှာ ရောက်ရှိနေတဲ့ အဖွဲ့အစည်းကြီးကို အဆုံးသတ်သွားစေဖို့ ဘဝတစ်ခုလုံး ပုံအောပြီးကြမ်းကြမ်းရမ်းရမ်း ဆောင်ရွက်သွားတာတွေကို တွေ့မြင်ရမှာ ဖြစ်ပါတယ်။ ဇာတ်ကားကောင်းလေးအဖြစ် တော်တော်များများက ရွေးချယ်မှတ်ချက်ပေးထားတာကို တွေ့ရလို့အက်ရှင်ကားတွေကြိုက်တဲ့ ပရိတ်သတ်ကြီးအတွက် ဖော်ပြလိုက်ပါတယ်။ (ရုပ်ရှင်အညွှန်းကို peoplemm website မှကူးယူဖော်ပြပါသည်။) File size…(7.2 GB) / (2 GB )/ (1.3 GB) Quality…BluRay Uncut Version 4K HEVC/ 1080p HEVC / 720p Format…mkv/mp4 Duration….02:30:00 Subtitle….Myanmar Subtitle (Hardsub) Encoder….Ka Naung Translated by Alias