Archie Hahn ပါဝင်သော ဇာတ်ကားများ

ဒီဇာတ်ကားက Alvinတို့ ရှဉ့်​လေးသုံး​ကောင်ရဲ့ ဒုတိယ​မြောက် ဇာတ်ကား ဖြစ်ပါတယ်။ ​​​​ ဒေ့ဗ်နဲ့တူတူ နယ်လှည့်​ဖျော်​ဖြေပွဲ​တွေလုပ်​နေရင်း ထုံးစံအတိုင်း အယ်ဗင်​ကြောင့်ပဲ ​ဒေ့ဗ်တစ်​ယောက် မ​တော်တဆဖြစ်ပြီး ​ဆေးရုံရက်ရှည် တက်လိုက်ရတာ​ကြောင့် ​အယ်ဗင်တို့သုံး​ကောင် ဒေ့ဗ်ရဲ့အ​ဒေါ်အိမ်မှာ သွား​နေဖို့ ဖြစ်လာပါတယ်။ ဖြစ်ချင်​တော့ အဲဒီအိမ်မှာ ​ဒေ့ဗ်ရဲ့တူ​တော်​မောင်လည်း ရှိ​နေပြီး သူ့​ကြောင့်ပဲ အဲဒီအ​ဒေါ်ပါ ​ဆေးရုံတက်လိုက်ရချိန်မှာ အယ်ဗင်တို့ဟာ ​ဒေ့ဗ်ရဲ့တူဖြစ်သူနဲ့ တူတူ​နေဖို့ ဖြစ်လာပါတယ်။ ​ဒေ့ဗ်​တောင် ထိန်းမနိုင်တဲ့ ရှဉ့်သုံး​​ကောင်ကို တူ​​ဖြစ်သူကလည်း ထိန်းဖို့ အစီအစဉ်မရှိဘဲ ရှဉ့်သုံး​ကောင်ကို ​ကျောင်းတက်ဖို့ဆိုပြီး အထက်တန်း​ကျောင်းကို သွားတက်ခိုင်းလိုက်ပါတယ်။ ​ကျောင်းမှာလည်း ပြဿနာ​တွေ ရှာခဲ့တာ​ကြောင့် အယ်ဗင်တို့ သုံး​ကောင်သား ​ကျောင်းနားမလား၊ ​ကျောင်းဂီတဌာန ရန်ပုံ​​ငွေ ရဖို့ ​ကျောင်း​​ပေါင်းစုံ အဆိုပြိုင်ပွဲမှာ ဝင်ပြိုင်​ပေးမလားဆိုပြီး အ​ပေးအယူ လုပ်ရတဲ့ အ​ခြေအ​​နေ​တွေ ​ရောက်ကုန်ပါတယ်။ တစ်ဖက်မှာလည်း အယ်ဗင်တို့​ကြောင့် မွဲသွားတဲ့ producer ကြီးက အခွင့်သာတိုင်း အယ်ဗင်တို့ကို လက်​စား​ချေဖို့အတွက် စောင့်​နေရင်း အယ်ဗင်တို့လိုပဲ သီချင်းဆိုတတ်တဲ့ ရှဉ့်မ​လေး သုံး​ကောင်က သူ့ဆီ​ရောက်လာခဲ့ပါတယ်။ သူတို့အဖွဲ့ကို​တော့ချစ်ပက်တ်​လို့ ​ခေါ်ပါတယ်။ Producerကြီး အီယန်က အဲဒီရှဉ့်မ​လေး​တွေကို အသုံးချပြီး အဆိုပြိုင်ပွဲမှာ အယ်ဗင်တို့ကို အနိုင်ရ​ဖို့ ကြံဖန်ပါ​တော့တယ်။ သူကပဲ ပြန်လက်စား​ချေသွားနိုင်မလား၊ အယ်ဗင်တို့ကပဲ အ​ကြွေးထပ်ယူသွားမလားဆိုတာ ကြည့်ရှုရမှာပါ။ File size…   2.6 GB /  621 MB Quality… BluRay 1080p / 720p Format… mp4 Duration…. 1h 32m Genre ..... Comedy/Music Subtitle…. Myanmar Subtitle (Hard Sub) Encoder…. Thit San Khant Translated by JimX

ဒီဇာတ်ကားလေးက ၂၀၀၆ခုနှစ်ကထွက်ခဲ့တဲ့ animationဇာတ်ကားလေးဖြစ်ပြီး DVDခေတ်တုန်းက လေးကားတွဲ၊ရှစ်ကားတွဲ အခွေတွေမှာ အမြဲတမ်းလိုလိုပါခဲ့တာ‌ကြောင့် မကြည့်ဖူးရင်တောင် လူတိုင်းသိနေမယ့် ကာတွန်းကားပဲဖြစ်ပါတယ်။ IMDbကလည်း 5.6 ရထားတာပါ။ အညွန်းကတော့ Banyardလို့ ခေါ်တဲ့ မွေးမြူရေးခြံကြီးမှာ နေတဲ့ အိုတစ်ဆိုတဲ့ နွားလေးတစ်ကာင်က ခြံထဲနေရတဲ့ဘဝကိုငြီးငွေ့နေပြီး အမြဲလိုလို စွန့်စားခန်းနဲ့ ပျော်စရာတွေ ရှာဖို့ကြိုးစားနေတတ်သူပါ။ သူ့ရဲ့အဲဒီလိုနေထိုင်ပုံကို အားမရ ဖြစ်နေသူက သူ့အဖေဖြစ်တဲ့ ခြံရဲ့တိရစ္ဆာန်ခေါင်းဆောင် ဘန်ပဲ ဖြစ်ပါတယ်။ ဘန်က အိုတစ်ကို သူ့လိုဦးဆောင်နိုင်သူတစ်ယောက် ဖြစ်လာစေချင်နေတာပါ။ ဒီလိုနဲ့ တစ်နေ့ မမျှော်လင့်ထားတဲ့ ဘေးအန္တရာယ်တစ်ခု‌ကြောင့် ဘန်ကအသက်ဆုံးရှုံးသွားတဲ့အခါ ခြံကြီးထဲက တိရစ္ဆာန်တွေကိုဦးဆောင်ပြီး အဲဒီဘေးအန္တရာယ်ကို ကာကွယ်ဖို့တာဝန်က အိုတစ်ဆီကို ရောက်လာခဲ့ပါတယ်။ အဲဒီလိုတာဝန်တွေကိုအိုတစ်တစ်ယောက် လက်ခံပြီး သူ့အဖေဖြစ်စေချင်ခဲ့တဲ့ ခေါင်းဆောင်ကောင်းတစ်ယောက် ဖြစ်လာမလားဆိုတာကြည့်ရှုရမယ့် Animationလေးပဲ ဖြစ်ပါတယ်။ File size…    1.74 GB /800 MB Quality… Blu-ray 1080p / 720p Format… mp4 Duration…. 1h 30m Genre ..... Animation, Comedy Subtitle…. Myanmar Subtitle (Hard Sub)

Looney Tunes: Back in Action ( 2003 ) ငယ်ငယ်က ဗီစီဒီနဲ့ အထပ်ထပ်ပြန်ကြည့်ရတဲ့ ရုပ်ရှင်ပေါ့။ Looney Tunesကာတွန်းဇာတ်ကောင်တွေရယ် ဝါနာဘရားသားက လူတွေရယ်ကို Fourth Wall Breakingသလို ပြပြီး ဂျိမ်းစ်ဘွန်းဆန်ဆန်ဇာတ်ကောင်ပါ ပေါင်းထည့်ထားတဲ့ စပိုင်ကားလိုလို ဟာသကားလိုလို စုံပလုံနေအောင် ဇာတ်ကွက်တွေစုံနေတဲ့ ရုပ်ရှင်ကိုး။ နောက် အင်ဒီယာနာဂျုန်းအခန်းတို့ The Psychoဇာတ်ဝင်ခန်းတို့ စတားဝါးတို့ အကုန်နီးပါး လျှောက်ထည့်ထားတယ်။ ဧရိယာ၅၁တွေရော ၅၂တွေရော ပါသလို နာမည်ကြီးပန်းချီဆရာတွေရဲ့ ပန်းချီကားတွေထဲ ဘတ်ဘန်နီနဲ့ ဒတ်ဖီ ဖြတ်ပြေးတဲ့အခန်းတွေလည်းပါတယ်။ ကစ်ဇုန်မှာ ဒီကမ္ဘာကျော်ပန်းချီကားတွေအကြောင်း မဖတ်ဖူးခင် မိုနာလီဇာကို ဒီရုပ်ရှင်ထဲ အရင်တေတွ့ဖူးတာဆိုရင်လည်း မမှားဘူး။ ရယ်လည်းရယ်ရသလို စပိုင်ကားအလန်းစားလိုလည်း ဖြစ်နေမယ့် အလန်းစားကားပါပဲ။ ငယ်ငယ်ကလည်း အထပ်ထပ်မရိုးခဲ့သလို အခုလည်းတော်တော်ကြည့်ကောင်းတဲ့ ရုပ်ရှင်ဖြစ်နေတုန်းပါပဲ။

IMDb - 5.3 မင်းသားကြီး Adam Sandler ကိုယ်တိုင် အသံသရုပ်ဆောင်‌ထားတဲ့ ခရစ္စမတ်ကာလ ကာတွန်းကားလေးကိုတင်ဆက်ပေးလိုက်ပါတယ်။ ဒေဗီ စတုန်း (Adam Sandler) ကတော့ ရာဇဝတ်မှတ်တမ်းများစွာနဲ့ ပျက်စီးနေတဲ့ အရက်သမားတစ်ယောက်ဖြစ်ပြီး ဒူ့စ်ဘယ်ရီမြို့မှာနေပါတယ်။ ငယ်ငယ်ကတော့ လူငယ်ဘက်စကက်ဘောအသင်းရဲ့ကြယ်ပွင့်ဖြစ်ခဲ့ပေမဲ့ အသက် ၁၂ နှစ်သားအရွယ်မှာ ကြုံတွေ့ခဲ့ရတဲ့ ဖြစ်ရပ်ဆိုးကြီးကြောင့် သူ့ရဲ့အနာဂတ်ရော သူကိုယ်တိုင်ပါပျောက်ဆုံးသွားခဲ့တာပါ။ ခရစ္စမတ်မတိုင်ခင် ဟာနူကာပွဲတော်ညမှာလည်း အရက်မူးပြီး မြို့ထဲကရေခဲရုပ်တုတွေကိုဖျက်ဆီးမိလို့ ထောင် ၁၀ နှစ်ထိချခံရတော့မလို ဖြစ်ခဲ့ပါတယ်။ ဒါပေမဲ့လည်း လူငယ်ဘက်စကက်ဘောပွဲဒိုင်လူကြီး ဝှိုက်တီရဲ့‌ ကြားဝင်‌ေဖြာင့်ဖျပေးမှု‌ကြောင့် လူငယ်ဘက်စကက်ဘောပွဲအတွက် အလုပ်သင်ဒိုင်လူကြီးလုပ်ဖို့ ပြစ်ဒဏ်ချခံလိုက်ရပါတယ်။ ဒီလိုနဲ့ သက်ကြီးပု ဝှိုက်တီနဲ့ အရက်သမား စတုန်းတို့နှစ်ယောက်ကြားက ဟာနူကာပွဲညရှစ်ရက်မှာ ဖြစ်ပျက်ခဲ့တာတွေနဲ့ စတုန်းတစ်ယောက်ရော သူ့ရဲ့အကျင့်‌ဟောင်းတွေကို ဖျက်နိုင်ပါ့မလားဆိုတာတွေကို ဟာသဆန်ဆန်ကြည့်ရှုကြရမှာပါ။ လူကြီးဟာသတချို့နဲ့ အသုံးအနှုံးတချို့ကြောင့် ကလေးသူငယ်တွေကြည့်ရှုဖို့မသင့်တော်တဲ့ လူကြီးကာတွန်းကားတစ်ကားပါဗျ။ File size…(1.2 GB)/(573 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Animation, Comedy Subtitle….Myanmar Subtitle (Hardsub) Encoder….Swan Min Htet Translated by TMMT

28 Days (2000) IMDb Rating (6.1) "28 Days" ဇာတ်ကားဟာ ၂၀၀၀ ခုနှစ်က ရိုက်ကူးခဲ့တဲ့ ဒရာမာနဲ့ ဟာသရောစပ်ထားတဲ့ ဇာတ်ကားတစ်ကားဖြစ်ပါတယ်။ ဇာတ်လမ်းထဲမှာ‌တော့ ဂွမ် ဟာ ပါတီပွဲတွေ၊ အရက်တွေနဲ့ ဘဝကို ဖြတ်သန်းနေသူဖြစ်ပါတယ်။ ဒါပေမယ့် တစ်နေ့မှာ သူမဟာ မတော်တဆမှုတစ်ခုကို ဖန်တီးမိပြီး နောက်ဆုံးမှာ ပြန်လည်ထူထောင်ရေးစင်တာကို ရောက်ရှိသွားပါတယ်။ ဒီနေရာမှာ ဂွမ် ဟာ သူမရဲ့ ဘဝကို ပြန်လည်သုံးသပ်ပြီး ကိုယ့်ကိုယ်ကို ပြန်လည်ရှာဖွေရတဲ့ ခရီးကို စတင်ပါတယ်။ ဇာတ်ကားထဲမှာ ဂွမ် ရဲ့ ဇာတ်ရုပ်ဟာ ပြောင်းလဲမှုတွေ၊ စိန်ခေါ်မှုတွေကို ရင်ဆိုင်ရပြီး သူမရဲ့ အားနည်းချက်တွေကို လက်ခံပြီး ကျော်လွှားနိုင်တဲ့ ဇာတ်ကောင်တစ်ယောက်ဖြစ်လာပါတယ်။ သူမရဲ့ ခံစားချက်တွေ၊ ရုန်းကန်မှုတွေကို ဇာတ်ကားက ရိုးရိုးသားသား ဖော်ပြထားပါတယ်။ ဒီဇာတ်ကားဟာ ပြန်လည်ထူထောင်ရေးနဲ့ ကိုယ့်ကိုယ်ကို ပြန်လည်ရှာဖွေတဲ့ ဇာတ်လမ်းကို ရိုးရှင်းစွာနဲ့ စိတ်ဝင်စားဖွယ်ရာ ဖော်ပြထားတဲ့ ဇာတ်ကားတစ်ကားဖြစ်ပါတယ်။ Sandra Bullock ရဲ့ သရုပ်ဆောင်မှုက ဇာတ်ကားကို ပိုမိုအသက်ဝင်စေပြီး ဇာတ်ကားကြည့်ပြီးရင် ကိုယ့်ဘဝကို ပြန်လည်သုံးသပ်မိစေမယ့် အတွေးတွေကို ပေးစွမ်းနိုင်ပါလိမ့်မယ်။ (အညွှန်းနဲ့ဘာသာပြန်ကတော့ Ivy Noe ဖြစ်ပါတယ်။) File size…(2.2 GB) / (1.2 GB) Quality….Blu-Ray 1080p HEVC / 720p Format…. mkv/mp4 Genre….Comedy, Drama Duration….01:44:26 Subtitle….Myanmar Subtitle (Hardsub) Encoder….Benjamin Translated by Ivy Noe

ဒီဇာတ်ကားလေးကြည့်ပြီးခလေးဘဝကို ပြန်ခံစားမိမှာအမှန်ပါပဲဲ ဟိုးအရင်က ကြိုက်ခဲ့ရတဲ့ဇာတ်ကားဆိုလဲမမှားပါဘူး။ Heartland အရုပ်စက်ရုံဟာ ပြိုင်ဆိုင်မှုတွေကြားမှာ နစ်မြုပ်နေတဲ့ အဆင့်မြင့်နည်းပညာတွေ ထုတ်လုပ်တဲ့ ကုမ္ပဏီကြီးတစ်ခုပါ Hearland Play Service ကတော့ အရုပ်တွေထုတ်လုပ်တဲ့စက်ရုံကြီးပေါ့ ကုမ္ပဏီရဲ့ CEO ဖြစ်တဲ့ဂေးမာစ်းတစ်ယောက် သူ့ကုမ္ပဏီကအရုပ်တွေကို သာမန်အရုပ်တွေနဲ့မတူ တမူထူးခြားအောင်လုပ်ချင်တဲ့ ဆန္ဒကိုရှေ့တန်းတင်မိတဲ့အခါမှာတော့ မထင်မှတ်ထားတဲ့ ကလေးကစားစရာအရုပ်လေးတွေဟာ ငိုအားထက်ရယ်အားသန်ဆိုသလို စောင်ဆန်းကြီးတွေ လုပ်လာပါတော့တယ်အရုပ်တွေစောင်ဆန်းအကွက်တွေနင်းလို့ တိုင်ပတ်နေတဲ့လူငယ်လေးအယ်လန်တစ်ယောက် ဒီအရှုပ်တော်ပုံကြီးကို ဘယ်လိုဖြေရှင်းမလဲဆိုတာ ကြည့်ရမှာတော့ စိတ်ဝင်စားစရာပါ။ Small Soldier ဇာတ်ကားဟာ သာမန်အမြင်နဲ့ကြည့်ရင်တော့ ကလေးကြိုက်ကားလို့ထင်ကြေးပေးနိုင်ပေမယ့် သေချာခံစားကြည့်ရှုရင် အတော်လေး ခွီရတဲ့အပြင် မတူညီတဲ့ဒေသနှစ်ခု ကခံစားချက်လေးတွေကို ခံစားရမှာပါကလေးဘဝတုန်းကတော့ အသဲယားစရာကောင်းတဲ့ စစ်သားရုပ်တွေကိုအော်ဂလီဆန်ခဲ့တယ် လူငယ်ဖြစ်လာတော့ ဟာသအထွေအထူးမထည့်ထားပေမယ့် အတော်လေး ဗိုက်အောင့်လောက်အောင်ခွီရတဲ့ကားမှန်းသိလာတယ် ဟုတ်တယ်လေ။ လက်တစ်ဖဝါးစာစစ်သားရုပ်လေးတွေ တကယ့်တိုက်ပွဲဝင်စစ်သားတွေလို အတည်ပေါက်နဲ့အမိန့်တွေပေး mission တွေလုပ်နေတာကိုကြည့်ရတဲ့အရသာက တမျိုးလေးဗျ Long Long ago Spiderman Triology ထဲကမင်းသမီးချောလေးပါတွေ့ရတော့ ကြည့်ရတာ မတန်ဘူးလို့ ငြင်းချက်ထုတ်စရာမရှိပါဘူး။ ကလေးကားပေမယ့် ကလေးတကာ့ကလေးကားတွေထဲက ခွဲထွက်လာတဲ့ လူငယ်တွေကို ရသတမျိုးအထူးဆန်းခံစားစေမယ့် ကားလေးလို့ဆိုလဲ မမှားပါဘူး။ (ဇာတ်လမ်းအညွှန်းနဲ့ ဘာသာပြန်သူကတော့ Hein That Naing ဖြစ်ပြီး Arkar Phyo မှ Encode ပေးထားပါတယ်။) File Size : (1.15 GB) & (450MB) Quality : 1080p.BluRay Running Time :1hr  49min Format : Mp4e Genre    : Action, Adventure, Comedy Subtitle : Myanmar Subtitle (Hard Sub) Translated by Hein That Naing Encoded by Arkar Phyo (Yrfatt)

Dr. Dolittle (1998) နာမည်ကြီးမင်းသားကြီး Eddie Murphy ရဲ့ တော်တော်လေးကျော်ကြားခဲ့တဲ့ Dr. Dolittle ကို တင်ဆက်ပေးလိုက်ပါပြီ။ ငယ်စဉ်ကတည်းက တိရစ္ဆာန်တွေနဲ့ စကားပြောနိုင်ပြီး ထူးထူးဆန်းဆန်း ကြောင်တောင်တောင်ကလေးလေးဖြစ်နေလို့ ပယောဂပါအနှင်ခံရမလိုဖြစ်ခဲ့တဲ့ Dolittle လေးတစ်ယောက် ဆရာဝန်ဖြစ်လာ ခဲ့ပါတယ်။ လူကြီးဖြစ်လာတဲ့ကာလတစ်လျှောက်မှာတော့ တိရစ္ဆာန်တွေရဲ့အသံကို မကြားနိုင်တော့သယောင်ဖြစ်နေခဲ့တာပေါ့။ တစ်နေ့... ကိုယ့်ကားနဲ့တိုက်မိမလို ဖြစ်သွားတဲ့ လမ်းဘေးခွေးက ပြန်ဆဲသွားတာကို ခံလိုက်ရပြီးနောက်မှာတော့ Dolittle ဟာ အရင်ကလို အကောင်ပလောင်တွေပြောသမျှ ပြန်ကြားနိုင်နေ မှန်း ကိုယ့်ကိုယ်ကိုသတိထားမိလာပါတော့တယ်။ ဆရာဝန်အလုပ်စကတည်းက ပိုက်ဆံများများရှာရဖို့ကိုပဲ တစိုက်မတ်မတ်ဦး တည်ပြီး တည်တည်ကြည်ကြည် ကြိုးကြိုးစားစားအလုပ်လုပ်လာပြီးမှ ငယ် ငယ်ကလို လူထူးဆန်းဘဝပြန်ရောက်တော့မယ်ဆိုတော့ မခံချင့်မခံသာတွေ ဖြစ်ပြီး ဦးနှောက်ဓာတ်မှန်ရိုက်လိုက် ဘာလာလာမကြားယောင်ပြုလိုက်နဲ့ အရူးမီးဝိုင်းဖြစ်နေတာပေါ့။ ဒါပေမယ့် စိတ်ရင်းကောင်းတဲ့ Dolittle အတွက် တော့ အကူအညီလိုနေတဲ့ သတ္တဝါလေးတွေကို လျစ်လျူရှုဖို့က ထင်သလောက် လွယ်ကူမနေခဲ့ပါဘူး။ နယ်ရောက်တုန်း ဇီးကွက်တစ်ကောင်ကို ကူညီပေး အပြီးမှာတော့ Dr. Dolittle လည်း တစ်တောလုံးရဲ့ဆယ်လီဖြစ်သွားပါတော့ တယ်။ "ငါတို့ပြောတာတွေ နားလည်တဲ့ဆရာဝန်ဟေ့" ဆိုပြီး အိမ်တိုင်ရာ ရောက် အလုံးလိုက်အရင်းလိုက် အုပ်လိုက်ခဲလိုက်ရောက်ချလာပြီး ဆေးခန်း ထိုင်ခရော စမ်းသပ်ခပါမရတဲ့ လူနာအကောင်ပေါင်းစုံကို စေတနာ့ဆေးခန်း ထိုင်ပေးရတဲ့အထိ ရာထူးတိုးသွားပါတော့တယ်။ တစ်ဘက်မှာလည်း စပ်ပေါင်းဖွင့်ထားတဲ့ဆေးခန်းကို ကုမ္ပဏီကြီးတစ်ခုဆီ အမြတ်များများနဲ့ရောင်းပစ်ဖို့ကိစ္စရှိနေတာမို့ ငွေမျက်နှာပဲကြည့်တဲ့ လုပ်ဖော် ကိုင်ဖက်ကြောင့် အိမ်မွေးမဟုတ်လို့ ဆေးဖိုးလိုက်ပေးမယ့်ပိုင်ရှင်မရှိတဲ့ တိရစ္ဆာန်တွေကို ပရဟိတလုပ်ဖို့က မဖြစ်နိုင်ခဲ့ပါဘူး။ ကံကလည်းထပ်ဆိုး ချင်တော့ ကြွက်ကို CPR ပေးနေချိန် မိန်းမကမြင်ပြီး ရွာသာကြီးရောက် သွားရှာ၊ ရွာသာကြီးကလွတ်လာတဲ့အခါမှာတော့ ခံရတာမတန်လှလေခြင်း ဆိုတဲ့စိတ်နဲ့ ဒွိဟလွန်ဆွဲနေချိန် Dr. Dolittle တစ်ယောက် ကိုယ့်ရဲ့ တမူ ထူးတဲ့အရည်အချင်းနဲ့ အများအကျိုးဆက်ပြုသွားမှာလား၊ ပတ်ဝန်းကျင် က လက်မခံတဲ့ကိစ္စကို အရူးအဖြစ်ခံပြီး ဆက်လုပ်လေမလား ဆိုတာကို မပျင်းရလေအောင် စိတ်ဝင်တစားနဲ့ ကြည့်ရှုသွားရမယ့် Comedy ဇာတ် ကားကောင်းလေးပဲဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Hnin Wut Yi Myaing ဖြစ်ပါတယ်) File Size..........(1.7 GB) / (694 MB) / (446 MB) Quality............BLU-RAY 1080p / 720p / 480p Duration.........1Hr 25Min Subtitle...........Myanmar Hardsub Format............MP4 Genre..............Comedy, Family, Fantasy Translator.......Hnin Wut Yi Myaing Encoder..........SWM

Alien ဆိုတာ ၈၀ပြည့်နှစ်ကျော် ၉၀ဖွားတွေအတွက်တော့ စွဲလန်းခဲ့ရတဲ့ ဂြိုလ်သားကားတွေပါပဲ.....အဲဒီခေတ်အခါတုန်းကတော့ တော်တော်လေးကို လူကြိုက်များခဲ့ပြီး အခုထိလည်းအောင်မြင်နေတုန်းပါ အားလုံးပေါင်း ၆ကားထွက်ရှိထားပြီး ၇ကားမြောက်ကတော့ အခုထိကြည်လင်ပြတ်သားတဲ့ Version မထွက်သေးတာကြောင့် အရင်ထွက်ပြီးသး ၆ကားကို ကြည်လင်ပြတ်သားပြီး စာတန်းထိုးမှန်မှန်နဲ့ ပြန်လည်ပြင်ဆင် တင်ဆက်ပေးလိုက်ပါတယ်.....ထွက်ရှိပြီးသားကားတွေကတော့...... (1) Alien (1979) (2) Aliens (1986) (3) Alien³ (1992) (4) Alien: Resurrection (1997) (5) Prometheus (2012) (6) Alien: Covenant (2017) (7) Alien: Romulus (2024) - အကြည်မထွက်ရှိသေး..... တို့ဖြစ်ပါတယ်......Alien: Romulus (2024) ကလွဲပြီး ကျန်၆ကားလုံးကို CM မှာတင်ဆက်ထားပြီးဖြစ်လို့ ကြည့်ရှုအားပေးနိုင်ပါပြီ..... Alien 3- 1992 ရဲ့ဖြစ်စဉ်အပြီးနှစ်ပေါင်း ၂၀၀ အကြာမှာ စစ်သိပ္ပံပညာရှင်တွေဟာ သေဆုံးသူ Ripley ရဲ့ DNA နမူနာနဲ့ ကိုယ်ပွား Ripley ကိုဖန်တီးခဲ့ပြီး အဲ့ဒီ DNA ထဲမှာ ဂြိုဟ်သားလောင်းလည်းရောပါလာပါတယ်။ သူတို့ရောက်နေတဲ့ Betty စစ်လွန်းပျံပေါ်က အစမ်းသပ်ခံ ဂြိုဟ်မျိုးစိတ်တွေ သောင်းကျန်လာတဲ့အခါ ထွက်ပြေးဖို့ကြိုးစားရင်းနဲ့ ဘာတွေဆက်ဖြစ်မလဲဆိုတာ ဒီရုပ်ရှင်ထဲမှာ ရူစားကြပါ။ ရုပ်ရှင်ကားကို Archi Thang Gyi မှ ဘာသာပြန်ပေးထားပြီး အညွှန်းကိုလဲ ကိုယ်တိုင်ရေးပေးထားပါတယ်။ File size…(2.9 GB)/(1.2 GB) Quality….Webrip 1080p / 720p Format… mp4 Duration…. 01:49:00 Genre... Monster Horror, Sci-fi Epic, Space Sci-fi, Horror, Sci-fi, Thriller Subtitle….Myanmar Subtitle (Hardsub) Encoder….Garfield Translated by Archi Thang Gyi

စာရေးဆရာကြီး Stephen Kingရဲ့ Miseryဝတ္ထုကိုပြန်ရိုက်ထားတဒီရုပ်ရှင်ဟာ Horrorရုပ်ရှင်တွေထဲမှာတော့ပြောစမှတ်တွင်ခဲ့တဲ့ရုပ်ရှင်ပါ။ ဒီဇာတ်ကားထဲက စိတ္တဇအမျိုးသမီးကြီးနေရာကသရုပ်ဆောင်တဲ့မင်းသမီးကြီး Kathy Batesလဲ ဒီဇာတ်ကားနဲ့ပဲ အော်စကာဆု၊ရွှေကမ္ဘာလုံးဆုတွေ ရခဲ့ပါတယ်။ ဇာတ်လမ်းအကျဉ်း စာရေးဆရာ ပေါလ်ရှယ်ဒန်က မစ္စရီဆိုတဲ့အမျိုးသမီးဇာတ်ကောင်အကြောင်း အသားပေးရေးထားတဲ့လုံးချင်းဝတ္ထုတွဲတွေနဲ့ လူကြိုက်များအောင်မြင်တဲ့ စာရေးဆရာကြီးတစ်ယောက်ပေါ့။ ဒါပေမယ့် ကြာလာတော့ မစ္စရီအကြောင်းရေးရတာငြီးငွေ့လာလို့ ပေါလ်ရှယ်ဒန်က သူ့ရဲ့နောက်ဆုံးထွက် မစ္စရီဝတ္ထုမှာ မစ္စရီဇာတ်ကောင်ကို သတ်ပစ်လိုက်တယ်။ ပြီးတော့သူ့ရဲ့ ဝတ္ထုအသစ်ကို လူသူမနီးတဲ့ဟိုတယ်လေးမှာသွားရေးနေတုန်း သူ့သမီးလေးမွေးနေ့အတွက် နယူးယောက်ကိုပြန်အလာမှာ နှင်းမုန်တိုင်းမိပြီးကားမှောက်သွားခဲ့တယ်။ ခြေတွေလက်တွေနံရိုးတွေကျိုးပြီး နှင်းမုန်တိုင်းထဲမှာသတိလစ်ပြီးသေစစဖြစ်နေတဲ့ သူ့ကို အန်နီဝစ်ဆိုတဲ့ မိန်းမကြီးကကယ်ဆယ်ပေးခဲ့ပါတယ်။ သတိရလာတော့ သူ့ကိုကယ်ခဲ့တဲ့အန်နီဝစ်ကသူနာပြုဟောင်းတစ်ယောက်ဖြစ်တဲ့အပြင်သူ့ရဲ့မစ္စရီဝတ္ထုတွေကိုအရူးအမူးစွဲလမ်းအားပေးတဲ့ အကြီးစားပရိတ်သတ်တစ်ယောက် ဖြစ်နေတာကြောင့်စိတ်သက်သာရာရခဲ့ပေမယ့်လဲ.... စာရေးဆရာဟာ တဖြေးဖြေးနဲ့ဆိုသလိုအန်နီဝစ်ရဲ့ပုံမှန်မဟုတ်တဲ့အပြုအမူတွေကို သတိထားမိလာပါတယ်။ ဒါ့အပြင် အန်နီဝစ်ဟာ မစ္စရီဇာတ်ကောင်ကိုပုံမှန်ထက်ပိုပြီးချစ်ခင်စွဲလမ်းနေတာကိုလဲသတိထားမိလာပြီး... နောက်ဆုံးထွက်မစ္စရီစာအုပ်မှာ မစ္စရီသေသွားတာကို အန်နီဝစ်တစ်ယောက်သိသွားချိန်မှာ... ဒီဇာတ်ကားဟာ သွေးသံရဲရဲအခန်းတွေကြမ်းတမ်းတဲ့အသုံးအနှုံးတွေ ပါဝင်တာကြောင့်R ratedသတ်မှတ်ထားပါတယ်။ Horrorရုပ်ရှင်တွေ မကြိုက်ရင်တောင်ဒီကားက Horror,Drama,psycho thrillerအချိုးကျကျပေါင်းစပ်ထားပြီး Kathy Batesရဲ့ လက်ဖျားခါလောက်တဲ့ သရုပ်ဆောင်ပီပြင်မှုတွေကြောင့်ကြည့်ကိုကြည့်သင့်ပါတယ်။ ယုတ္တိမရှိ ပေါပေါပဲပဲ jump scareတွေတစ်ကွက်မှမပါပဲ ကြည့်ရတဲ့သူကို ရင်တလှပ်လှပ်ဖြစ်စေမှာပါ။ ဒါကြောင့် Horrorရုပ်ရှင်တွေကိုမြတ်နိူးသူတွေအဖို့Miseryဟာလုံးဝစိတ်ပျက်စေရမှာမဟုတ်ကြောင်း ကတိပေးလိုက်ရပါတယ် File Size :  14 GB, 3.3 GB, 1.5 GB Quality : WEB-DL HEVC 4K / 1080p / 720p Running Time : 1hr 47min Format : Mkv and Mp4 Audio : AAC and E-AC-3 Genre : Drama, Horror, Thriller Subtitle : Myanmar Subtitle (Hard Sub) Translated by : Kaung Khant Win Encode by : Thit San Khant

ဆင်ခြေဖုံးရပ်ကွက်လေးမှာနေတဲ့ ရေးပီတာဆင်ဟာ အလုပ်ကနေ တစ်ပတ်အားလပ်ရက် ရထားပါတယ်။ အဲဒီအချိန်မှာပဲ ဘေးအိမ်က အိမ်နီးနားချင်းအသစ်တွေဆီကနေ ညဘက်တိုင်းလိုလို ထူးဆန်းတဲ့အသံတွေ ကြားလာရတယ်။ သူတို့ပြောင်းလာတာ တစ်လရှိပြီဖြစ်ပေမယ့် ဘယ်သူမှ သေသေချာချာ မမြင်ဖူးကြသေးပါဘူး။ အပြုအမူတွေကလည်း ထူးဆန်းနေတော့ ရေးနဲ့ သူ့မိတ်ဆွေနှစ်ယောက်ဟာ တဖြည်းဖြည်း မသင်္ကာဖြစ်လာကြတယ်။ နောက်ဆုံး သူတို့သုံးယောက် အဲဒီအိမ်အကြောင်း မရမက စုံစမ်းဖို့လုပ်ရာက ရယ်စရာအလွဲတွေ ဖြစ်လာပါတော့တယ်။ Tom Hanks ပါဝင်ထားတဲ့ ဟာသ၊ လျှို့ဝှက်ဆန်းကြယ်နဲ့ သည်းဖိုအမျိုးအစား ဇာတ်ကားဖြစ်ပါတယ်။ Carrie Fisher၊ Bruce Dern နဲ့ Henry Gibson တို့လည်း ပါဝင်ထားပြီး ဒါရိုက်တာက Joe Dante ပါ။

Rain Man Rain Man ဆိုတာနဲ့ ရုပ်ဖြောင့်ဖြောင့် ခတ်ထက်ထက် လူငယ်တစ်ယောက်နဲ့ Autistic ဖြစ်နေတဲ့ သက်လတ်ပိုင်းလူတစ်ယောက် သူတို့နှစ်ယောက်ကိုပဲကျွန်တော့် မျက်စိထဲ ပြေးမြင်မိပါတယ်။ ဒီကားက 1988 ခုနှစ်မှာထွက်ခဲ့တာပါ။ အခုအချိန်နဲ့ဆို ဇတ်ကားတေထွက်ခဲ့တာ ၃၁ နှစ်ရှိပြီပေါ့ဗျာ။ ဝင်ငွေပိုင်းအရ ၂၅ Million ရင်းပြီး Worldwide ၃၅၄ အထိပြန်ရခဲ့ပါတယ်။ ကျွန်တော် သိသလောက် ပြေးပြေး ဖောရက်စ့် ဆိုတဲ့ Tom Hanks ကားထွက်လာမှပဲ ထိပ်ကနေ အောက်ဆင်းပေးရတဲ့အထိ အောင်မြင်ခဲ့တဲ့ ဇတ်ကားတစ်ခုဖြစ်ပါတယ်။ (1988 ) မှာတုန်းက Rank 1 ချိတ်ခဲ့တဲ့ကားပါ။ Run Time က 133 Mins ရှိပြီးတော့ Tom Cruise နဲ့ သူ့ခေတ်သူ့အခါက Greatest Actor တွေထဲကတစ်ယောက် လို့ပြောကြတဲ့ မင်းသားကြီး Dustin Hoffman ရယ် မင်းသမီး Valeria Golino တို့အဓိကပါဝင်ထားတဲ့ Genre အနေနဲ့ Comedy-Drama ကားတစ်ကားပါ ။ အော်စကာမှာ Best Picture ၊ Best Original Screenplay ၊ Best Director၊ ၊ Best Actor တွေအပြင် စတာတင် လေးဆုအထိဝင်ခဲ့ပါသေးတယ်။ နောက် ဘလင် နိုင်ငံတကာ ရုပ်ရှင်ပွဲတော်မှာ Golden Bear ဆုလဲရခဲ့တယ်လို့ဆိုပါတယ်။ မင်းသားကြီး Dustin Hoffman က လက်ရှိ ၈၂ နှစ်ရှိပါပြီ နောက်ပြီး ဒီကားနဲ့ပဲ Dustin Hoffman ဟာ 1989 မှာ Best Actor ဆုရခဲ့ပါတယ်။ သူဆုရခဲ့တဲ့ ကားတွေ စကာတင်ပါခဲ့တာတွေကတော့ Google ခေါက်လိုက်လို့ပေါ်လာတာတွေနဲ့တင် Screen မဆန့်ပါဘူး ခင်ဗျ အဲ့သလိုမင်းသားကြီးပါ။ သူဘာလို့ရခဲ့တယ်ဆိုတာကိုတော့ ဒီကားကြည့်ဖူးသူတိုင်းနားလည်ကြမှာပါ။ နောက်ထပ် Tom Cruise ၊ သူ့အကြောင်းကတော့ သိပ်ပြောစရာမလိုအောင်သိနေကြပီးသားပါပဲ။ ဇတ်လမ်းအကျဉ်းပြောရရင်တော့ အဲ့ဒီခေတ်အခါက ခေတ်စားလှတဲ့ လန်ဘိုဂီနီတွေကို LA ထဲသွင်းပြီး စီးပွားရှာနေတဲ့ ကားဝယ်ရောင်းသမားလေး ချာလီ (တွမ်) တစ်ယောက် ကြိုပွိုင်နဲ့ကားရောင်းရာမှာ ကားမရောက်လာတဲ့အတွက် အလုပ်ကိစ္စခေါင်းကိုက်နေတုန်းမှာ သူနဲ့တစ်လျှောက်လုံးခပ်တန်းတန်းဖြစ်နေခဲ့တဲ့ သူ့အဖေဆုံးကြောင်း သိလိုက်ရပါတယ်။ ဒါနဲ့ သူ့ကောင်မလေး ဆူဆန် (Valeria ) နဲ့အတူ အိုဟိုင်းယိုးကိုလိုက်သွားပါတယ်။ နောက် သူ့အဖေက ဒေါ်လာသန်းနဲ့ချီတဲ့ အမွေကျန်ရစ်ငွေတွေကို သူ့ကိုမလွှဲပေးခဲ့ဘဲ တွမ် ကိုယ်တိုင်က ရှိမှန်းတောင်မသိခဲ့ရတဲ့ သူ့အစ်ကိုဖြစ်သူဆီကို လွှဲပေးခဲ့ပါတယ်လို့ သိလိုက်ရပါတယ်။ သူ့အစ်ကိုဖြစ်သူ ရေမွန် (ဒက်စတင်) က ဂေဟာတစ်ခုမှာနေနေရတဲ့ Autism ဖြစ်နေသူတစ်ယောာက်ပါ။ အဲ့ဒါအပြင် သူ့မွေးသားဖခင်က သူ့အတွက် သားအဖစကားများခဲ့ရတဲ့ အဓိကအကြောင်းရင်းဖြစ်တဲ့ 1949 ထုတ် Roadmaster ကားတစ်စီးကိုပဲချန်ခဲ့တာကိုပါ သိလိုက်ရတဲ့အခါမှာ သူ့အစ်ကို ကိုစောင့်ရှောက်ခွင့်နဲ့ အမွေတစ်ဝက်ကိုလဲယူဖို့ ဂေဟာက ဆရာနဲ့ညှိပါတယ် အဆင်မပြေခဲ့ပါဘူး။ အခြေအနေအရ ရေမွန်ကို သူတစ်ညခေါ်သိပ်ရတုန်းမှာ ချာလီ ရဲ့ ရေမွန် အပေါ်ဆက်ဆံပုံကို သဘောမကျလို့စကားများကြရင်း ဆူဆန်ထွက်သွားပါတယ်။ နောက်တော့ သူ့အစ်ကိုဖြစ်သူညဏ်ရည်ချို့တဲ့နေတာကို အသုံးချပြီး ငွေတွေကိုသူအပိုင်ရဖို့ ကြံပါတော့တယ်။ ဒီကားမှာကတော့ ရေမွန်နဲ့ ချာလီဆက်ဆံရေးကို ဒရမ်မာကားပီပီ ချပြထားပါတယ်။ နောက် Autism တစ်ယောက် ပေမဲ့ မှတ်ညဏ်ကောင်းလွန်းတဲ့ ရေမွန်ကြောင့် ကြုံရတာလေးတွေက ကျွန်တော့်အတွက် ဒီဇတ်ကားရဲ့ တကယ့်မှတ်မိစရာတွေပါပဲ။ ဒီဇတ်ကားကို စကြည့်ဖူးချိန်က 2000 ပြည့်နှစ် လောက်တုန်းကပါ ဒီဇတ်ကားမှာ တွမ်ခရုစ့် ကိုလုံးဝကြိုက်သွားတာပါပဲ The Last Samurai နဲ့ MI တို့က နောက်မှ ကြည့်ဖြစ်ခဲ့တာပါ ။ နောက်သူတို့ညီအစ်ကိုနှစ်ယောက် ကြားဆက်ဆံရေးကို ပြသွားတာတွေ သွေးသားသံယောဇဉ်တွေကိုထုတ်ပြတာတွေက အဲ့ဒီအချိန်ကြည့်တုန်းမှာတော့ လုံးဝကြည်နူးစရာတွေပါပဲ။ ထပ်ညွှန်းရရင်တော့ဖြင့် သိတဲ့သူတိုင်းက ခဏခဏ တောင်းကြပါတယ်။ ကျွန်တော်လဲကြိုက်ပါတယ်။ ကြည့်ဖူးသူတိုင်းလဲ ကြိုက်ကြပါတယ်။ မကြည့်ရသေးတဲ့လူတွေလဲ မကြည့်ခင်တည်းကကြိုက်ကြမှာပါ။ အဟောင်းထဲက အကောင်းတွေထုတ်ပြရင် တွမ်ဟန့်ကားတွေလိုပဲတန်းဝင်ပါတယ်ခင်ဗျ။ မသေခင်ကြည့်သွားသင့်တဲ့ကားတွေထဲမှာ ဒီကားကိုကျွန်တော် ထည့်ချင်ပါတယ်ခင်ဗျ။ (ဇာတ်လမ်းကို ဘာသာပြန်ပေးထားသူကတော့ ကို ဟေးဒိ့ ဖြစ်ပြီး ငတုံးမျိုးကို မှအညွှန်းရေးပေးထားပါတယ်။ Encoded ပေးထားတာကတော့ ကျနော် Arkar Phyo ပါ။) File Size : (1 GB) Quality : .1080p.BluRay Running Time :2hr  13min Format : Mp4 Genre    : Drama Subtitle : Myanmar Subtitle (Hard Sub) Translated by ဟေးဒိ့ Encoded by Arkar Phyo (Yrfatt)

The Police Academy misfits travel to Miami Beach for Commandant Lassard to be honored with a prestigious lifetime award pending his retirement. Things take a turn when Lassard unknowingly ends up in possession of stolen diamonds from a jewel heist.

လျှို့ဝှက်သိပ္ပံစမ်းသပ်ချက်တစ်ခုရဲ့ မထင်မှတ်ထားတဲ့ အလွဲအချော်တွေကနေ စိတ်လှုပ်ရှားဖွယ် စတင်ခဲ့တဲ့ ဟာသအက်ရှင်ဇာတ်ကားကြီး ဖြစ်ပါတယ်။ ဇာတ်လမ်းအကျဉ်း အမေရိကန်လေတပ်မှူးဟောင်း Tuck Pendelton ဟာ နည်းပညာအသစ်တစ်ခုကို စမ်းသပ်ဖို့အတွက် အဏုမြူအရွယ်အစားအထိ သေးငယ်အောင် ပြုလုပ်ထားတဲ့ ကမ္ဘာ့ပထမဆုံးယာဉ်ငယ်လေးနဲ့အတူ ယုန်တစ်ကောင်ထဲကို ထိုးသွင်းမယ့် စမ်းသပ်မှုမှာ ပါဝင်ခဲ့ပါတယ်။ ဒါပေမဲ့ ဒီနည်းပညာကို လိုချင်နေတဲ့ လူဆိုးဂိုဏ်းတွေရဲ့ ကြားဖြတ်လုယက် တိုက်ခိုက်မှုကြောင့် အခြေအနေတွေ ကမောက်ကမဖြစ်ပြီး Tuck တစ်ယောက် မတော်တဆ စိတ်လှုပ်ရှားလွယ်တဲ့ ကုန်စုံဆိုင်ဝန်ထမ်း Jack Putter ရဲ့ ခန္ဓာကိုယ်ထဲကို ရောက်ရှိသွားပါတော့တယ်။ Jack ဟာ မိမိကိုယ်ထဲမှာ လူတစ်ယောက် ရောက်နေပြီး စကားတွေ လာပြောနေတာကြောင့် ရူးတော့မယ်လို့ ထင်ခဲ့ပေမဲ့ နောက်ဆုံးမှာတော့ Tuck နဲ့ Jack တို့နှစ်ယောက် ပူးပေါင်းပြီး ခန္ဓာကိုယ်ထဲက Tuck အသက်ရှင်လျက် ပြန်ထွက်နိုင်ဖို့နဲ့ လူဆိုးတွေကို နှိမ်နင်းဖို့ လိုက်လံရုန်းကန်ရပါတော့တယ်။ သူတို့နှစ်ယောက် ဒီခက်ခဲလှတဲ့ မစ်ရှင်ကို ဘယ်လိုအလွဲတွေနဲ့ အောင်မြင်အောင် လုပ်ဆောင်သွားမလဲဆိုတာကို ရယ်မောပျော်ရွှင်ဖွယ် ကြည့်ရှုရမှာဖြစ်ပါတယ်။

This Is Spinal Tap 1984 IMDb (7.9/10 ) "This Is Spinal Tap” ရုပ်ရှင်လေးက ၁၉၈၄ ခုနှစ်၊ မတ်လ ၂ ရက် မှာထုတ်လုပ်ထားတဲ့ (Mockumentary - သရော်မှတ်တမ်းရုပ်ရှင်) အမျိုးအစားဖြစ်ပါတယ်။ ဒါရိုက်တာ Rob Reiner ရိုက်ကူးထားပြီး နာမည်ကြီး သရုပ်ဆောင်တွေဖြစ်တဲ့ Christopher Guest, Michael McKean, Harry Shearer, Rob Reiner နဲ့ မှတ်တမ်းရုပ်ရှင် ဒါရိုက်တာအဖြစ် Marty DiBergi တို့က ပါဝင်သရုပ်ဆောင်ထားကြပါတယ်။ This Is Spinal Tap ရုပ်ရှင်လေးဟာ ရော့ခ်ဂီတလောကကို သရော်ထားတဲ့ မှတ်တမ်းရုပ်ရှင်ပုံစံ (Mockumentary) ဟာသကား ဖြစ်ပြီး ယနေ့ခေတ် Mockumentary ရုပ်ရှင်တွေရဲ့ ဖခင်လို့လည်း သတ်မှတ်ခံထားရပါတယ်။ ရုပ်ရှင်မှာ ဇာတ်ညွှန်းကို အကြမ်းဖျင်းသာ ရေးဆွဲထားပြီး၊ သရုပ်ဆောင်အများစုက သူတို့ရဲ့ စကားပြောတွေ(dialogues) နှင့် ဟာသတွေကို (jokes) ကိုယ်တိုင် အမှန်တကယ် သရုပ်ဆောင်ရင်း ဖန်တီးခဲ့ကြတာပဲဖြစ်ပါတယ်။ ရုပ်ရှင်ထွက်ပြီးတဲ့ အစောပိုင်းကားလတွေမှာဆိုရင် လူအချို့ဟာ Spinal Tap အဖွဲ့ကို တကယ်ရှိတဲ့ ဗြိတိသျှ heavy metal ဂီတအဖွဲ့အဖြစ်ပင် အမှန်တကယ် ယုံကြည်ခဲ့ကြပါတယ်။ သရုပ်ဆောင်တွေကလည်း ရုပ်ရှင်ထွက်ပြီးနောက်နှစ်များစွာအထိတိုင် ဖျော်ဖြေပွဲများ (concerts) မှာ Spinal Tap အဖွဲ့ဝင်များအဖြစ် တကယ်ဖျော်ဖြေခဲ့ကြပါသေးတယ်။ 🎬 ဇာတ်လမ်း အကျဉ်းချုပ် (Story Line) This Is Spinal Tap ဟာ ဗြိတိသျှ heavy metal/hard rock အဖွဲ့ဖြစ်တဲ့ "Spinal Tap" ရဲ့ အမေရိကန်ပြည်ထောင်စုမှာ ပြုလုပ်တဲ့"Smell the Glove" ခရီးစဉ်ကို နောက်ခံပြုထားတဲ့ မှတ်တမ်းရုပ်ရှင်ပုံစံ ဇာတ်ကားဖြစ်ပါတယ်။ ရုပ်ရှင်ရိုက်ကူးသူ မာတီ ဒီဘာဂီ (Marty DiBergi) ဟာ အဖွဲ့ကို နီးနီးကပ်ကပ် လိုက်လံရိုက်ကူးခဲ့ပြီး အဖွဲ့ရဲ့ ပေါက်ကရလုပ်ပုံတွေ၊ အမေရိကန်ဈေးကွက်မှာ အဖွဲ့ရဲ့ ရောင်းအားကျဆင်းခဲ့ပုံတွေ၊ ဖျော်ဖြေပွဲတွေမှာ ပရိသတ်မရှိလို့ မီးစင်ကြည့်ကခဲ့ရတာတွေ၊ ရုတ်တရက် ဒရမ်တီးသူတွေ မကြာခဏ ထူးထူးဆန်းဆန်းသေဆုံးခဲ့တာတွေနဲ့ အဖွဲ့ဝင်တွေကြား တစ်လွဲခေါင်းဆောင်မှုတွေနဲ့ ပြဿနာများစွာကို ဟာသမြောက်စွာ ဖော်ထုတ်ပြသထားပါတယ်။ အောင်မြင်လာတာနဲ့အမျှ ဂီတအဖွဲ့ကြီးတွေရဲ့ မာနကြီးလာတာတွေ၊ ပျက်ယွင်းလာတာတွေကိုလည်း ပြောင်ပြောင်မြောက်မြောက် သရော်ထားပါသေးတယ်။ ရော့ခ်ဂီတကို ချစ်မြတ်နိုးတွေအတွက်တော့ ရော့ခ်ဂီတလောကရဲ့ မိုက်မဲမှုတွေနဲ့ လက်တွေ့ကြားက ခြားနားချက်တွေကို ထင်ရှားအောင်ဖော်ပြပေးထားတာမို့ အကြိုက်တွေ့ကြမှာသေချာပါတယ်။

Cannonball! (1976) အမေရိကန် အနောက်ဘက်ကမ်းခြေ လော့စ်အိန်ဂျလိစ်မြို့ကနေ အရှေ့ဘက်ကမ်းခြေ နယူးယောက်မြို့အထိ တစ်နိုင်ငံလုံးကို ဖြတ်ကျော်ပြီး... စည်းကမ်းမဲ့ ဥပဒေပြင်ပကနေအပြင်းမောင်းနှင်ကြတဲ့ ကားပြိုင်ပွဲကြီးအကြောင်းကို ရိုက်ကူးထားတဲ့ အမေရိကန် Action / Comedy / Racing ရုပ်ရှင်ကားဟောင်းဖြစ်ပါတယ်။ ဇာတ်လမ်းကတော့ အမေရိကတိုက်ကြီးကို ဖြတ်ကျော်ပြီး တရားမဝင် လျှို့ဝှက်ကျင်းပတဲ့ "Cannonball Grand Prix" လို့ခေါ်တဲ့ ကားပြိုင်ပွဲကြီးအကြောင်း ဖြစ်ပါတယ်။ ဒီပြိုင်ပွဲရဲ့ စည်းကမ်းက ရိုးရိုးလေးပါပဲ— လော့စ်အိန်ဂျလိစ်မြို့ကနေ နယူးယောက်မြို့အထိဘယ်လမ်းကနေဖြစ်ဖြစ်၊ ဘယ်လိုနည်းလမ်းနဲ့ဖြစ်ဖြစ် အမြန်ဆုံး ရောက်ရှိတဲ့သူဟာ အမေရိကန်ဒေါ်လာ တစ်သိန်း ဆုကြေးငွေကို အပိုင်ရရှိမှာ ဖြစ်ပါတယ်။ ၁ သိန်းဆိုတာ အဲ့ဒီခေတ်က အရမ်းကိုများတဲ့ပမာဏပါ.. ဒီဆုကြေးငွေကြီးကို မျက်စိကျတဲ့ ပြိုင်ပွဲဝင်တွေဟာ ကမ္ဘာ့အဆင့်မြင့် ပြိုင်ကားအဆန်းကြီးတွေကိုယ်စီနဲ့ ဝင်ရောက်ယှဉ်ပြိုင်ကြပါတော့တယ်။ ဇာတ်လိုက်ဖြစ်သူ ကိုယိုတီ ဘိတ်စ်ဟာ ထောင်ကလွတ်လာခါစ ကားမောင်းသမားတစ်ဦးဖြစ်ပြီး ဘဝသစ်စတင်ဖို့ ဒီပြိုင်ပွဲကို ဝင်ပြိုင်တာပါ။ ဒါပေမဲ့ ပြိုင်ပွဲက သာမန်အားကစားပြိုင်ပွဲ မဟုတ်ဘဲ... ပြိုင်ဘက်တွေကတစ်ဆင့် လမ်းမှာ တစ်ယောက်ကိုတစ်ယောက် ထောင်ချောက်ဆင်တာ၊ ကားချင်းတိုက်ပြီး လူသတ်ဖို့အထိ ကြိုးစားတာ၊ ရဲတပ်ဖွဲ့ရဲ့ လိုက်လံဖမ်းဆီးမှုတွေကို ရှောင်ကွင်းရတာတွေကြောင့်... တစ်နိုင်ငံလုံးက လမ်းမတွေပေါ်မှာ ကားအက်ဆီးဒင့်တွေ၊ ကမောက်ကမ ဟာသပြကွက်တွေနဲ့ ဘယ်သူက နောက်ဆုံးပန်းတိုင်ကို အသက်ရှင်လျက် ရောက်သွားမလဲဆိုတာကို စိတ်လှုပ်ရှားစရာ ရိုက်ပြထားပါတယ်။