Ariyon Bakare ပါဝင်သော ဇာတ်ကားများ

ဒီတစ်ခါမှာတော့ နာမည်ကြီးလူမည်းမင်းသားကြီး Lennie James ပါဝင်သရုပ်ဆောင်ထားတဲ့ ထူးထူးခြားခြား BL Series လေး တစ်ခုကိုတင်ဆက်ပေးလိုက်ပါတယ်။ နာမည်ကတော့ Mr Loverman ဖြစ်ပြီး လက်ရှိ IMDb 7.0 အထိ ရရှိထားတဲ့အတွက် စိတ်ဝင်စားစရာကောင်းမယ်ဆိုတာကတော့ ငြင်းစရာကိုမရှိပါဘူး။အဓိကကတော့ ငယ်ငယ်လေးကတည်းက အချင်းချင်းစိတ်ဝင်စားလာပြီး နှစ်ပေါင်း ၆၀ ကျော်ချစ်ခင်လာခဲ့ကြတဲ့ ယောက်ျားလေးသူငယ်ချင်းနှစ်ယောက်ကြားကဒရာမာစစ်စစ်ကို မိသားစုအရှုပ်အထွေးတွေနဲ့ရှုစားရမှာပဲဖြစ်ပါတယ်။ အဲ့ဒီယောက်ျားလေးသူငယ်ချင်းနှစ်ယောက်ဆိုတာကတော့ ဘာရီနဲ့မောရစ်တို့ဖြစ်ပြီး ငယ်ငယ်လေးကတည်းက ၁၅၀၀ အချစ်နဲ့ကြိတ်ပုန်းလေးချစ်လာ‌ကြတာ အခုဆိုရင် အသက် ၇၅ နှစ်တောင်ရှိပြီးသားသမီးတွေနဲ့မြေးတွေပါရနေပါပြီ။ ၇၅ နှစ်ဆိုတဲ့အသက်အရွယ်ကသူတို့အမြင်မှာတော့လူ့သက်တမ်းရဲ့ ၄ ပုံ ၃ ပုံကျိုးနေပြီဖြစ်တဲ့အတွက် ကျန်တဲ့ ၄ ပုံ ၁ ပုံကို သူတို့ ချစ်သူနှစ်ယောက်တည်းအတူတူပျော်ပျော်ရွှင်ရွှင်ဖြတ်သန်းချင် လာခဲ့ကြပါတယ်။အဲ့ဒါကြောင့်ဘာရီကမိန်းမဖြစ်သူနဲ့ကွာရှင်းဖို့ ပြောမယ်လို့ဆိုရာကနေဇာတ်လမ်းကစတော့တာပါပဲ။ သူ့မိန်းမကိုပြောဖို့လုပ်လိုက်တိုင်းတခြားပြဿနာတွေတက်လို့တက် သမီးတွေကလည်းတစ်ယောက်တစ်မျိုးစီနဲ့တိုင်ပတ်နေတဲ့အပြင်ကိုမှ သူ့ချစ်သူမောရစ်ကလည်း လက်ထပ်ချင်တယ်လို့ပါပြောလာတဲ့ အခါမှာတော့ ဘာရီတစ်ယောက်ခေါင်းတွေရှုပ်ရင်း မိသားစုနှစ်ခု ကြားကသူတို့ရဲ့အချစ်ခရီးကိုဘယ်လိုဖြတ်သန်းသွားကြမလဲဆိုတာကို စိတ်ဝင်စားစရာကောင်းစွာနဲ့ရှုစားရမှာပဲဖြစ်ပါတယ်။ File Size – 497 MB Quality –WEB-DL 1080p HEVC Episodes -  8 Eps Duration -  35 m Subtitle – Myanmar Hardsub Format – mkv / mp4 Genre :   Drama Translator –  Saw Lay Encoder – Min Wai

Season 1 အပိုင်း ( ၁ မှ ၆ ) အထိ စ / ဆုံး ယခုတစ်ခေါက်တင်ဆက်ပေးချင်တဲ့ ဇာတ်လမ်းတွဲလေးကတော့ Comedy/Crime အမျိုးအစားဇာတ်လမ်းတွဲလေးပဲဖြစ်ပါတယ် ဒီဇာတ်လမ်းတွဲလေးဟာဆိုရင် အပိုင်း ၆ ပိုင်းပဲပါဝင်ပြီး အချိန် ပေးရသက်သာလို့ ပေါ့ပေါ့ပါးပါးဟာသကားကြိုက်နှစ်သက် သူပရိသတ်များ သဘောကျနှစ်ခြိုက်မယ့် Mini-series လေးဖြစ်ပါတယ် Dom နဲ့ Kay တို့ဟာ ရဲတပ်ဖွဲ့ဝင်များဖြစ်ကြပြီး အမှုလိုက်တဲ့အလုပ် မလုပ်ရတဲ့ ဌာနအတွင်း ရဲလို့တောင်အသတ်မှတ်မခံရတဲ့ လမ်း‌ဘေးမှာယာဉ်အန္တရာယ်လမ်းအန္တရာယ်များအကြောင်း ပညာပေးစာစောင် ကမ်းရသူရဲများဖြစ်ကြပါတယ်.. Dom ဟာဆိုရင် တက္ကသိုလ် မှုခင်းဗေဒဘာသာရပ်မှာ အဆင့်မြင့်‌မြင့် အမှတ်ကောင်းကောင်းနဲ့ အောင်မြင်ထားသူဖြစ်သော်လည်း လန်ဒန်မြို့‌တော်ရဲဌာနကတော့ ရာထူးတိုးပေးဖို့ ငြင်းဆိုရင်း လမ်းသတိပေးတာဝန်အတွက်သာ Dom ကိုနေရာချထားခဲ့ပါတယ် ထို့ကြောင့်ပဲ Dom ဟာ ရဲဌာနကို စိတ်နာကာ အရွဲ့တိုက်လျက် ရုံးအချိန်မှန်မတက် ယူနီဖောင်းသေချာမဝတ် စည်းကမ်းမလိုက်နာဘဲ ဘေးတစောင်းလိုက်ကာ ရေစုန်မျှောနေသူဖြစ်ပါတယ်... Kay ဟာဆိုရင်တော့ Dom ရဲ့တွဲဘက်ဖြစ်ပြီး ရိုးသားလွန်းသူ တုံးလွန်းသူဖြစ်ကာ ဘာသာရေးအဆုံးအမတွေကို လိုက်နာသူ အခြားသူများကို ဘာသာရေးလုပ်ဖို့ စည်းရုံးသူဖြစ်ပါတယ်.. သို့နှင့် ၎င်းတို့နှစ်ယောက် လမ်း‌မပေါ်မှာ သတိပေးလက်ကမ်း စာစောင်များဝေရင်း ကျရာဇာတ်ရုပ်ကို မကချင်ကချင်ကနေစဉ်မှာပဲ လန်ဒန်မြို့တော်ရဲတပ်ဖွဲ့ဟာ ဘရိုက်မာ့ရှ်နယ်မြေက မူးယစ်ဂိုဏ်းကို ဖမ်းဆီးဖို့ အလုပ်ရှုပ်နေခဲ့ပါတယ်.. ၎င်းမူးယစ်ဂိုဏ်းဟာ လူမဲများရဲ့ ဂိုဏ်းဖြစ်တာကြောင့် အသွင်ယူ ရဲများဟာ လူမဲဖြစ်ဖို့လိုနေခဲ့ပါတယ် သို့သော်လည်း ရဲဌာနမှအကြီး အကဲများဟာ ထိုအမှုအတွက်တာဝန်ရှိသူစုံထောက်ကြီးကို လူဖြူအသွင်ယူရဲများသာ ချပေးရာမှာတော့ အထက်လူကြီးများ ထိုအမှုပေါ်ထားရှိတဲ့ မမှန်ကန်တဲ့သဘောထားကို စုံထောက်ကြီး ရိပ်မိသွားကာ ကိုယ့်နည်းကိုယ့်ဟန်နဲ့ စုံစမ်းစစ်ဆေးရေးလုပ်ဖို့ ဖြစ်လာခဲ့ပါတယ်.. ထိုအခိုက်မှာပဲ လန်ဒန်မြို့တော်ရဲစခန်းရဲ့ လူမဲအရာရှိ ၂ ဦးဖြစ်တဲ့ Dom နဲ့ Kay တို့ အသွင်ယူရဲအဖြစ်နဲ့ ရဲအလုပ်စစ်စစ်ကို လုပ်ဖို့ အခွင့်အရေးရလာပါတယ်.. သို့သော်လည်း ထိုအသွင်ယူစစ်ဆင်ရေးဟာ လျှို့ဝှက်စစ်ဆင်ရေး ဖြစ်လို့ Dom နဲ့ Kay ရယ် စုံထောက်ကြီးရယ်သာ သိရှိထားရာ အသွင်ယူနေစဉ်အတွင်း စုံထောက်ကြီးရဲ့ အသက်မဲ့အလောင်းကို မြေမြှုပ်ပေးဖို့ ဂိုဏ်းသားများက စေခိုင်းလာတဲ့နောက်မှာတော့ Dom နဲ့ Kay တို့ ဦးခေါင်းပြတ်လျက် မျောက်သစ်ကိုင်းလွတ် သလိုဖြစ်ခဲ့ရပါတယ်.. ထိုသို့နှင့် အကာအကွယ်ပေးမည့် စုံထောက်ကြီးလည်း မရှိ ဂိုဏ်းသားများလက်ကလည်း မလွတ်နိုင်တော့တဲ့နောက်မှာတော့ ငုတ်မိသဲတိုင် တိုင်နိုင်ဖျားရောက်ဆိုသလို Dom နဲ့ Kay တို့ ကိုယ့်အားကိုယ်ကိုးလျက် အမှုလိုက်ရတော့မှာပဲဖြစ်ပါတယ်... ဒီဇာတ်ကားလေးဟာဆိုရင် အမှုလိုက်ကျမယ့်အသွင်ယူရဲနှစ်‌ယောက်ရဲ့ အတွဲညီညီကမောက်ကမဖြစ်ကြပုံတို့ကို ကလိထိုးရယ်ရမှာမဟုတ်ဘဲ ပြုံးရွှင်စွာနဲ့ တစိမ့်စိမ့်ရယ်ရမယ့် ဟာသကားလေးဖြစ်တာကြောင့် ရုပ်ရှင်ချစ်သူပရိသတ်များ မြည်းစမ်းကြည့်ရှုသင့်တဲ့ဇာတ်ကားလေး ဖြစ်ကြောင်း ညွှန်းဆိုတင်ဆက်ပေးလိုက်ရပါတယ်ခင်ဗျာ......... File Size –510MB Quality –WEB-DL 1080p HEVC Episodes -  6 Eps Duration -  26 min Subtitle – Myanmar Hardsub Format – mkv Genre :   Drama Translator – Ye Thiha Htet & Saw Lay Encoder – Min Wai

Karen Pirie (2022) Crime, Drama ဇာတ်လမ်းကောင်း ကြိုက်တဲ့သူတွေအတွက် Rotten Tomatoes 91%, IMDb 7.6/10 ရရှိထားတဲ့ စုံထောက်ဇာတ်လမ်းလေး တင်ဆက်ပေးလိုက်ပါတယ်။ အခု Season 1 မှာတော့ အပိုင်း ၃ပိုင်း တည်း ပါဝင်တာမို့ အပိုင်းအများကြီး ကြည့်ရမှာ ပျင်းတဲ့သူတွေအတွက်လည်း အဆင်ပြေမှာပါ။ ဇာတ်အိမ်ခိုင်မာပြီး ကြည့်နေကြ Hollywood production တွေက မဟုတ်ဘဲ UK ကမို့လို့ မတူညီတဲ့ရသကို ခံစားနိုင်မှာပါ။ ဇာတ်လမ်းအကျဉ်းကတော့ ကယ်ရန်ပီရီဟာ ရာဇဝတ်မှုဌာနသို့ ရာထူး တိုးရင်းနဲ့ လွန်ခဲ့တဲ့ ၁၉၉၆ ခုနှစ်က တရားခံ မပေါ်ခဲ့တဲ့ လူသတ်မှုဟောင်း တစ်ခုကို ပြန်လည်စုံစမ်းဖို့ရာ ဖြစ်လာပါတယ်။ အဆိုပါအမှုကတော့ ရိုစီ ဒက်ဖ်ဆိုတဲ့ မိန်းကလေး အသတ်ခံရမှုပါ။ ရိုစီအသတ်ခံရတဲ့ညမှာ အဲလက်စ်၊ တွမ်နဲ့ ဇစ်ကီဆိုတဲ့ ကျောင်းသားလေး သုံးယောက်ဟာ ဒဏ်ရာတွေနဲ့ လဲ နေတဲ့ ရိုစီ့ကို တွေ့ခဲ့ပြီး ရဲတွေကိုအကူအညီတောင်းခဲ့ပါတယ်။ မျက်မြင် သက်သေ သုံးယောက်ကို ရဲတွေက ခေါ်ယူမေးမြန်းခဲ့ပြီး ခိုင်မာတဲ့ သက်သေ မတွေ့တာမို့ ပြန်လွှတ်ပေးလိုက်ရပါတယ်။ ၂၆ နှစ်အကြာမှာ ကယ်ရန်တစ် ယောက်ပြန်စုံစမ်းရင်း ဘာတွေတွေ့လာရမလဲ၊ ကျောင်းသား သုံးယောက် ကတော့ ဘဝတွေ ကိုယ်စီမှာလျှောက်လမ်းရင်း ဒီအမှုကြောင့် ဘာတွေ သက် ရောက်မှုရှိမလဲ ဆိုတာကိုတော့ ဇာတ်လမ်းထဲမှာဆက်လက် ခံစားလိုက်ပါဦး။ (ဒီစီးရီးရဲ့ အညွှန်းနဲ့ဘာသာပြန် ရေးသားပေးသူကတော့ Leonard Lin ဖြစ်ပါတယ်။) File Size.............(400 Mb) / (1.0 GB) Quality...............WEB-DL 720p / 1080p Duration............50Mins(@Episode) Subtitle..............Myanmar Hardsub Format...............MP4 Genre.................Crime, Drama, Mystery Translator..........Leonard Lin Encoder..............SWM

စကားပြောတတ်တဲ့ ကြောင်လေး မော်ရိစ်၊ မိဘမဲ့ကောင်လေး ကိသ်နဲ့ စကားပြောတတ်တဲ့ ကြွက်တစ်စုတို့ဟာ မြို့တကာလှည့်ပြီး လူတွေကို လိမ်လည်ငွေရှာနေကြပါတယ်။ အရင်ဆုံး ကြွက်တွေကို မြို့ထဲလွှတ်ပြီး သောင်းကျန်းခိုင်းလိုက်တယ်။ မြို့ခံတွေက ကြွက်တွေကြောင့် အအိပ်ပျက် အစားပျက်ဖြစ်ကြရသလို ပုလိပ်ရောဂါကူးမှာကိုလည်း စိုးရိမ်လာကြပါတယ်။ အဲဒီအချိန်ရောက်မှ မော်ရိစ်က ကိသ်ကို ပုလွေသမားအဖြစ် ဟန်ဆောင်ခိုင်းပြီး ပုလွေတီးလို့ ကြွက်တွေကို မြို့အပြင် ခေါ်ထုတ်သွားစေတယ်။ ကြွက်တွေကို ရှင်းပေးနိုင်တဲ့သူလို့ ယုံသွားတဲ့ မြို့ခံတွေက ငွေပေးကြတော့ သူတို့အတွက် အလုပ်ဖြစ်နေတဲ့ နည်းလမ်းတစ်ခုပေါ့။ ဒီလိုနဲ့ ဘက်လစ်ဇ်ဆိုတဲ့မြို့ကို ရောက်လာကြပါတယ်။ အချက်အချာကျတဲ့ မြို့ကြီးတစ်မြို့ဖြစ်ပေမယ့် တစ်မြို့လုံးက ထူးထူးဆန်းဆန်း တိတ်ဆိတ်နေတယ်။ စားစရာမှန်သမျှ ပျောက်ဆုံးနေပြီး မြို့ခံတွေ အငတ်ဘေးဆိုက်နေတာပါ။ ဒီအခြေအနေကို တွေ့ရတော့ သူတို့လည်း လိမ်လည်ငွေရှာမယ့် အစီအစဉ်ကို စွန့်လွှတ်ပြီး မြို့တော်ဝန်ရဲ့သမီးနဲ့အတူ စားစရာတွေ ဘာကြောင့်ပျောက်နေရတာလဲဆိုတာ လိုက်ရှာကြပါတော့တယ်။

သိပ္ပံရုပ်ရှင်တွေကြိုက်တဲ့ပရိတ်သတ်တွေအတွက်တော့ခံစားမှုအသစ်ပေးမယ့်ဇာတ်ကားကောင်းလေးပါ။ ယခုနှစ်၂၀၁၇မတ်၂၄ကမှထုတ်လိုက်တဲ့ကားသစ်လေးဖြစ်ပါတယ်။ အမြင်တမျိုးနဲ့ကြည့်ရတာကောင်းတဲ့ကားလေးတကားဖြစ်ပါတယ်။ နိုင်ငံပေါင်းစုံကအာကာသပညာရှင်တစုဟာနိုင်ငံတကအာကာသစခန်းမှာ အတူတူအင်္ဂါဂြိုလ်ကိုလေ့လာရင်းအလုပ်လုပ်နေကြတာပါ။ သမိုင်းမှာအရေးကြီးတဲ့ရှာဖွေမှုဖြစ်တဲ့ကမ္ဘာအပြင်တခြား ဘယ်နေရာတွေမှာသက်ရှိတွေရှိလဲဆိုတာကိုရှာဖွေလေ့လာနေကြတာပါ။ ကံကောင်းစွာပဲအင်္ဂါဂြိုလ်ကယူလာတဲ့မြေနမူနာတွေကိုစမ်းသပ်လိုက်တဲ့အခါ သက်ရှိဖြစ်လာမယ့်ကလပ်စည်းလေးကိုတွေ့ရှိသွားပါတယ် တွေ့ရှိမှုအတွက်အားလုံးဝမ်းသာဝမ်းမြောက်ဖြစ်ကြရပြီးနိုင်ငံတကာကပါအားပေးခဲ့ကြပါတယ်။ ဒါပေမယ့်ရုတ်တရတ်ပဲမတော်တဆအမှားတခုဖြစ်သွားပြီးတဲ့နောက်မှာတော့ အဲဒီသက်ရှိမျိုးစိတ်လေးကလှုပ်ရှားမှုမရှိတော့ပါဘူး။ ဒါပေမယ့်လူသားပေပဲ။ မဖြစ်နိုင်ဘူးဆိုတာကိုဖြစ်အောင်လုပ်တတ်တာလဲလူသားတွေပါပဲ။ အဲဒီဖြစ်လာတဲ့အကျိုးဆက်ကိုခံစားရတာလဲလူပါပဲ။ အဲလိုပဲကယ်ဗင်လို့သူတို့နာမည်ပေးထာတဲ့အင်္ဂါဂြိုလ်ကသက်ရှိလေးကိုပြန်လည် အသက်သွင်းပြီးမူလအခြေအနေနဲ့မတူပဲထူးဆန်းစွာပြုမှုနေတဲ့အခါမှာတော့ အာကာသပညာရှင်ကြီးတွေဘယ်လိုလုပ်ကြမလဲ။ အဲဒီကယ်ဗင်လေးကရောဘယ်လိုတွေကံမကောင်းမှုတွေယူလာမလဲ။ သူ့ရန်ကနေအာကာသပညာရှင်တွေကာကွယ်နိုင်မှာလား။ ကမ္ဘာကြီးကိုကယ်တင်မယ်ဆိုတဲ့သူတို့ဆန္ဒတွေပြည့်ဝမလားဆိုတာတော့ ဇာတ်ကားလေးမှာဆက်ကြည့်လိုက်ပါဦးဗျာ။ စိတ်လှုပ်ရှားမှုတွေပေးမှာဖြစ်ပြီးတကယ်ကြည့်ကောင်းစေမယ့်ကားလေးပါ။ ဇာတ်ကားနောက်ပိုင်းရောက်လေပိုပြီးစိတ်လှုပ်ရှားရလေပါပဲ။ ရုံဝင်ငွေ၉၃.၅သန်းထိဝင်ခဲ့တဲ့ကားလေးလည်းဖြစ်ပါတယ်။ အားလပ်ချိန်ကိုစိတ်အပန်းပြေစေ၊စိတ်ကျေနပ်စေမယ့်ကားလေးဖြစ်ပါတယ်။ (ဇာတ်လမ်းအညွှန်းနဲ.ဘာသာပြန်သူကတော့ Fridays ပဲဖြစ်ပါတယ်) File Size : 751 MB Quality : Bluray 720p Running Time : 1hr 44minutes Format : Mp4 Genre : Horror, Sci-Fi, Thriller Translator : Fridays Encoder :Thanhtike Zaw

Epic Sci-fi အမျိုးအစားဖြစ်တဲ့ Star Wars ဇာတ်လမ်းတွေကို စုစည်းတင်ဆက်ပေးထားပါတယ်။ သိပ္ပံစိတ်ကူးယဉ်ရုပ်ရှင်တွေထဲမှာ သမိုင်းတလျှောက်အအောင်မြင်ဆုံး ရုပ်ရှင်တွဲတွေထဲက တစ်ခုပါပဲ။ နောက်ပိုင်းထွက်သမျှ ရုပ်ရှင်တွေထဲမှာလည်း ဒီရုပ်ရှင်တွေထဲက စကားစုတွေ ကိုးကားချက်တွေကို မကြာခဏတွေ့ရတတ်ပါတယ်။ ပညာရှိ ဆရာဆိုရင် Master Yoda ကိုအမြဲတင်စားကြသလို ဗီလိန်ဆိုရင်လည်း Darth Vader ဟာ ပြောစမှတ်တွင်ကျန်ခဲ့တာပါပဲ။ ဇာတ်လမ်းကတော့ ဟိုးအတိတ်ကာလတစ်ခုတုန်းက ဝေးကွာလှတဲ့ နဂါးငွေ့တန်းကြယ်စုတွေကြားထဲမှာ ဖြစ်ပျက်နေတဲ့အကြောင်းတွေပါ။ အစဦးမှာ ကြယ်စုတွေ ဂြိုလ်တွေဟာ လွှတ်တော်ဖွဲ့စည်းထားပြီး ဒီမိုကရေစီ စနစ်နဲ့ အုပ်ချုပ်မှုအောက်မှ နေထိုင်ကြပါတယ်။ လွှတ်တော်နဲ့အတူ ဂလက်ဆီကြီးတစ်ခုလုံးရဲ့ တရားမျှတမှုနဲ့ ငြိမ်းချမ်းမှုကို ထိန်းသိမ်းပေးတဲ့ သူရဲကောင်းအဖွဲ့တစ်ခုလည်း ရှိနေပါတယ်။ အဲဒီသူတွေကိုတော့ Jedi တွေလို့ ခေါ်ကြပြီး သူတို့မှာ Lightsaber ဆိုတဲ့ အလင်းဓားလက်နက်တွေ ပိုင်ဆိုင်ကြပါတယ်။ ဒါ့အပြင် သူတို့ကို သာမန်လူတွေထဲ ထူးခြားတဲ့ စိတ်စွမ်းအင်တွေနဲ့ ခွန်အားတွေကို Force ဆိုတဲ့ အရာကနေ ယူငင်သုံးစွဲကြပါတယ်။ Force ဆိုတာကတော့ သက်ရှိသက်မဲ့တွေ အားလုံး အတွင်းထဲ အပြင်ထဲမှာ ဝိုင်းရံနေတဲ့ စွမ်းအင်တစ်မျိုးဖြစ်ပြီး Jedi တွေသာ ခံစားနိုင် သုံးစွဲနိုင်ကြပါတယ်။ အဲဒီ Jedi တွေရဲ့ လုံးဝဆန့်ကျင်ဖက်လမ်းစဉ်ကို လိုက်တဲ့သူတွေကိုတော့ Sith တွေလို့ခေါ်ပြီး သူတို့က ဒေါသနဲ့အမုန်းတွေကို အခြေခံတဲ့ အမှောင်ခြမ်းစွမ်းအင် Dark Side of the Force ကို သုံးစွဲကြပါတယ်။ ဒီ star wars ရုပ်ရှင်တွေအတွင်းမှာ Jedi နဲ့ sith တွေရဲ့ အပြန်အလှန်အားပြိုင်မှုတွေ တော်လှန်ရေးအဖွဲ့တွေနဲ့ အင်ပါယာတပ်တွေရဲ့ တိုက်ပွဲတွေအကြောင်းတွေ ခံစားကြည့်ရှုနိုင်ပါလိမ့်မယ်။ စတားဝါးရုပ်ရှင်တွေကို ထုတ်လုပ်ခဲ့တဲ့ခုနှစ်အတိုင်း အစဉ်လိုက်ကြည့်ရှုမယ်ဆိုရင်အောက်ပါအတိုင်းကြည့်ရှုလို့ရပါတယ်။ 1. Star Wars IV : A New Hope (1977) 2. Star Wars V : The Empire strikes back (1980) 3. Star Wars VI : Return of the Jedi (1983) 4. Star Wars I : Phantom Menace (1999) 5. Star Wars II : Attack of The Clones (2002) 6. Star Wars III : Revenge of The Sith (2005) 7. Star Wars VII: The Force Awakens (2015) 8. Rogue One : A Star Wars Story (2016) 9. Star Wars VIII : The Return of the Jedi (2017) 10. Solo : A Star Wars Story (2018) 11. Star Wars IX : The Rise of the Skywalker (2019) တကယ်လို့ Star Wars Timeline အတိုင်းကြည့်မယ်ဆိုရင်တော့ အောက်ပါအတိုင်းကြည့်ရှုလို့ရပါတယ်။ 1. Star Wars I : Phantom Menace (1999) 2. Star Wars II : Attack of The Clones (2002) 3. Star Wars III : Revenge of The Sith (2005) 4. Solo : A Star Wars Story (2018) 5. Rogue One : A Star Wars Story (2016) 6. Star Wars IV : A New Hope (1977) 7. Star Wars V : The Empire strikes back (1980) 8. Star Wars VI : Return of the Jedi (1983) 9. Star Wars VII: The Force Awakens (2015) 10. Star Wars VIII : The Return of the Jedi (2017) 11. Star Wars IX : The Rise of the Skywalker (2019) ( Littleneo မှ ဘာသာပြန်တင်ဆက်ထားပါတယ်။) Star Wars ရုပ်ရှင်အားလုံးကို https://channelmyanmar.org/category/special-package/star-wars/  မှာကြည့်ရှုနိုင်ပါတယ်။ 4K ကိုတော့ www.cmapp.tv မှာ မန်ဘာဝင်ပြီး CM App ကနေ လွယ်ကူစွာတိုက်ရိုက်ကြည့်ရှုနိုင်သလို One Click Download လဲ ပြုလုပ်နိုင်ပါတယ်။ +++++++++++++++++++++++++++++ Rogue One: A Star Wars Story (2106) Rogue One ရဲ့ ကာလကတော့ Star Wars III : Revenge of the Sith နောက်ပိုင်းမှာ Jedi အားလုံးလုပ်ကြံခံရပြီး ဒီမိုကရေစီကနေ အင်ပါယာထူထောင်ခံချိန်၊ အင်ပါယာကို Sith Lord နဲ့ Darth Vader တို့ အုပ်စိုးချိန်မှာ Rebellion တော်လှန်ရေးတပ်ကို စတင်ဖွဲ့စည်းတဲ့ကာလဖြစ်ပါတယ်။ ဒီဇာတ်ကားကို Star Wars IV : A New Hope မတိုင်ခင်ကာလအဖြစ်ကြည့်ရှုရမှာပါ။ A New Hope အစမှာ မင်းသမီးလိုင်ယာ လက်ထဲကို Death Star ရဲ့ ပုံစံနဲ့ အားနည်းချက်တွေ ရောက်လာတာက စခဲ့တာဖြစ်တဲ့အတွက် ဒီကားမှာတော့ အဲဒီ Death Star ရဲ့ ပုံစံနဲ့ အားနည်းချက်ကို အသက်စွန့်ယူဆောင်ပေးကြတဲ့ Rebellion သူရဲကောင်းတွေရဲ့ တိုက်ပွဲတွေကို တွေ့ရပါလိမ့်မယ်။ (ဒီကားထဲမှာ ဘုရင်ခံတာကင်နဲ့ မင်းသမီးလိုင်ယာတို့ရဲ့ ၁၉၇၇ က ဇာတ်ကောင်ပုံစံတွေအတိုင်း တူအောင် digital ပုံရိပ်ဖော်ပြီး ထည့်သွင်းပေးထားတာပါ) File size…(8.1 GB)/(2.1 GB)/(1.2 GB) Quality….BluRay  4K HEVC/1080p HEVC /720p Format…mkv/mp4 Duration….02:13:00 Subtitle….Myanmar Subtitle (Hardsub) Encoder….Ka Naung Translated by Little Neo

Jupiter Ascending (2015) ဒီဇာတ်ကားကတော့ အကာသသိပ္ပံအက်ရှင်ဇာတ်ကားတစ်ကားဖြစ်ပြီး ဒါရိုက်တာ Wachowskis ကရိုက်ကူးထားတာပါ။ သရုပ်ဆောင်တွေအဖြစ် Mila Kunis, Channing Tatun, Sean Bean, Eddie Redmayne, Douglas Booth တို့ပါဝင်ထားပါတယ်။ ဇာတ်လမ်းအကျဉ်း လူသားတွေကို နတ်ဘုရားတွေကအုပ်စိုးတဲ့အနာဂါတ်ကာလမှာဖြစ်ပါတယ်။ Jupiter Jones ဟာကံမကောင်းတဲ့ ရုရှားပြောင်းရွှေ့အခြေချနေထိုင်သူတစ်ဦးဖြစ်ပြီး အလုပ်အကိုင်အဖြစ် အိမ်သာတွေကိုသန့်ရှင်းရေးလုပ်ပြီး အသက်မွေးပါတယ်။ ဂျူပီတာဟာ နက္ခတ်တာရာကြည့်မှန်ပြောင်းဝယ်ဖို့ ငွေလိုသဖြင့် သူ၏အစ်ကိုဝမ်းကွဲ အကြံပေးချက်ကြောင့် မမျိုးဥကို ဆေးခန်းတစ်ခုမှာသွားရောင်းပါတော့တယ်။ ဆေးခန်းမှာ မထင်မှတ်ထားတဲ့တိုက်ခိုက်ခံရမှုတွေကြားမှ ကယ်တင်ရှင်တစ်ဦးပေါ်လာကာ သူမသည် တော်ဝင်သွေးဖြစ်ကြောင်း သိလိုက်ရပါတော့တယ်။ သူမ၏ ဇစ်မြစ်က သူမကို ဘယ်လိုအန္တရယ်ဖြစ်စေနိုင်မလဲ၊ သူမကို ဘာကြောင့်အန္တရာယ်ပြုချင်နေရတာလဲ စသည်တို့ကို ကြည့်ရှုခံစားရမည့် ဇာတ်ကားတစ်ကားဖြစ်ပါတယ်။ (အညွှန်းနဲ့ဘာသာပြန်ကတော့ Eunice ဖြစ်ပါတယ်။) File size…(1.7 GB) / (1 GB) Quality….Blu-Ray 1080p HEVC / 720p Format…. mkv/mp4 Genre….Action, Adventure, Sci-Fi Duration….02:08:26 Subtitle….Myanmar Subtitle (Hardsub) Encoder….Benjamin Translated by Eunice

Gotham မြို့ကို ကာကွယ်ပေးနေတဲ့ Batman က ဒီတစ်ခါမှာတော့ Joker နဲ့ ရင်ဆိုင်ရပါတယ်။ Joker က ငွေကြေးနဲ့ အာဏာရဖို့ ကြိုးစားနေတဲ့ ရန်သူမျိုး မဟုတ်ဘူး။ လူတွေကို ဒုက္ခပေးပြီး မြို့တစ်မြို့လုံး ပျက်စီးရှုပ်ထွေးသွားတာကိုပဲ လိုချင်နေသူပါ။ သူ့ကိုတားဖို့ဆိုတာ Batman အနေနဲ့ ပုံမှန်လုပ်နေကျနည်းတွေနဲ့ မလုံလောက်တော့ပါဘူး။ Joker ရဲ့ အကြံတွေကို ဖော်ထုတ်ဖို့ ကြိုးစားရင်း Batman ရဲ့ စုံထောက်ဉာဏ်နဲ့ တိုက်ခိုက်နိုင်စွမ်း နှစ်မျိုးစလုံးကို မြင်ရမှာပါ။ Heath Ledger သရုပ်ဆောင်ထားတဲ့ Joker က ဘာလိုချင်တာလဲဆိုပြီး ခန့်မှန်းရခက်နေတာက ဇာတ်လမ်းကို ပိုတင်းကျပ်စေတယ်။ Christian Bale ရဲ့ Batman နဲ့ သူတို့နှစ်ယောက် ရင်ဆိုင်ကြပုံကို Christopher Nolan က မှုခင်းနဲ့ အက်ရှင်ဇာတ်လမ်းအဖြစ် ချိတ်ဆက်ထားတာဖြစ်လို့ တိုက်ခိုက်ခန်းတွေကြည့်ရသလို ဘယ်သူက ဘယ်လိုအကွက်ရွှေ့မလဲဆိုတာကိုလည်း စောင့်ကြည့်ရပါတယ်။