Austin Pendleton ပါဝင်သော ဇာတ်ကားများ

မျက်လုံးလေး ပြူးပြူးနဲ့ အဖြစ်အပျက်တွေကို ကြာကြာမခံပဲ မေ့တတ်တဲ့ Dory ဟာ တစ်နေ့တော့ အကြောင်းတစ်ခုကြောင့် သူ့အဖေနဲ့ အမေကို ပြန်သတိရလာတာကနေ သူ့သူငယ်ချင်းတွေဖြစ်တဲ့ Merlinနဲ့ Nemo တို့ရဲ့ အကူအညီကို ယူပြီး သူ့မိဘတွေကို ပြန်တွေ့ချင်ဇောနဲ့ ရှာပုံတော်ခရီးဖွင့်ပါတော့တယ်.... ဒီကားဟာ Finding Nemo အပြီး နောင် ဆယ့်သုံးနှစ်ကြာမှ ထွက်လာခဲ့တာ ဖြစ်ပါတယ် ထွက်လာတော့လည်း Finding Nemo လောက်တော့ ဇာတ်လမ်းပိုင်း မကောင်း ထပ်တူကျနေခဲ့ပေမယ့်လည်း Finding Nemo လောက်ကို ခံစားရအောင်လုပ်ပြီး Messageတွေ ပေးသွားခဲ့တယ် ငါးပြာလေး ဒိုရီဟာ သူ့မိဘတွေနဲ့ ပြန်တွေ့နိုင်ပါ့မလား သူ ဒီလောက်မေ့တတ်တာကိုလေ ဖြစ်နိုင်ပါ့မလားဆိုတဲ့ ဒွိဟအတွေးတွေကို Disneyနဲ့ Pixarရဲ့ ရေအောက်ကမ္ဘာ အန်နီမေးရှင်းအလန်းကြီးတွေ တစ်ချက် တစ်ချက်ထဖောက်တဲ့ဟာသလေးတွေ ချစ်စရာ ရယ်စရာကောင်လေးတွေနဲ့ အတူ ဇာတ်လမ်းအဆုံးထိကို ဆွဲခေါ်သွားခဲ့တယ် Ed O' Neill ရဲ့ ရေဘဝဲကြီး Hank ဇာတ်ကောင်ဟာလည်း Disney ကားတွေရဲ့ အကောင်းဆုံးဇာတ်ကောင်အဖြစ်ထည့်ရဖို့ ဖြစ်လာခဲ့တယ် Inside Out နဲ့ နှိုင်းယှဉ်ပြီး ပြောရရင် Hank ဇာတ်ကောင်ဟာ ဒီကားရဲ့ Bing Bong လို့ ပြောလို့ရပါတယ်လေ ဒါပေမယ့် Bing Bong ထက်စာရင်တော့ Hankဟာ ပိုပြီး လက်တွေ့ဆန်ကာ ကိုယ်ချင်းစာဖို့ ကောင်းခဲ့တယ် Inside Out မှာ မထင်မှတ်ပဲပေါ်လာခဲ့တဲ့ Bing Bong ဟာ လူကြိုက်အများဆုံးဖြစ်ခဲ့သလို ဝမ်းနည်းစရာလည်း ကောင်းခဲ့တယ် Hank ကလည်း ထိုနည်းတူစွာပါပဲလေ..... Inside Out က ဘာဝမ်းနည်းလို့ ဝမ်းနည်းရမှန်း မသိရလောက်အောင် ရီဝေဝေခံစားချက်တွေ ပေးခဲ့တယ်ဆိုရင် အခု Finding Dory ဟာ ကြည့်ရှုသူတွေကို အားအင်တွေပေးခဲ့တယ် ဒီဇာတ်ကားရဲ့ စကားတစ်ခွန်းဖြစ်တဲ့ Just Keep Swimming ဆိုတဲ့ စကားဟာ ကျွန်တော်တို့အတွက် မှန်ကန်လွန်းနေခဲ့ပါတယ်လေ... 1. မိဘတွေကို ယုံကြည်ပါ 2. သူတပါးကို ကူညီပါ ကူညီခြင်းကိုလည်း လက်ခံတတ်ပါစေ 3. အခွင့်အရေးကိုလက်မလွတ်ပါနဲ့ မှန်ကန်စွာ အသုံးချတတ်ပါစေ 4. ရဲရင့်ပါ သတ္တိရှိပါ 5. ဇွဲလုံ့လ လုံးဝ မလျော့ပါနဲ့ 6. ကိုယ်ဒုက္ခရောက်နေတဲ့ အချိန် ကိုယ့်နားမှာ ရှိနေတဲ့သူဟာ တကယ့် သူငယ်ချင်းကောင်းပဲ ကျွန်တော်တို့တွေအားလုံးလည်း ဘဝကဘယ်လိုပဲ ထိုးနှက်နေပါစေလေ ငါးပြာမလေး Dory လိုပဲ ဆက်လက်ကူးခတ် ရှေ့ဆက်လိုက်ကြရအောင်ဗျာ " Just Keep Swimming " (ဇာတ်ကား ဘာသာပြန်သူကတော့ Han Htoo Zaw ဖြစ်ပြီး အညွန်းရေးသူကတော့ Ye Khant Minပဲ ဖြစ်ပါတယ်) File size…  7 GB / 2.5 GB /  1.2 GB Quality… BluRay 4k / 1080p / 720p Format… mp4 , mkv Duration…. 1h 37m Genre .....  Animation , Adventure , Comedy Subtitle…. Myanmar Subtitle (Hard Sub) Encoder…. Thit San Khant Translated by Han Htoo Zaw

The Mend (2014) IMDb Rating (5.6) / Rotten Tomatoes (78%) ဒီကားထဲက စကားပြောခန်းတွေ၊ ပြဿနာတွေက ကြည့်ရတာ ရုပ်ရှင်ဆန်မနေဘဲ ကိုယ့်ပတ်ဝန်းကျင်က လူတွေရဲ့ ရန်ပွဲတွေကို ချောင်းကြည့်နေရသလိုမျိုး တကယ့်အရှိအတိုင်း ရှိပါတယ်။ တကယ့်ကို ထူးခြားတဲ့ Indie ဇာတ်ကားတစ်ကားပါ။ ပုံမှန် မြင်နေကျ ဟောလိဝုဒ် ဇာတ်လမ်းတွေလို မဟုတ်ဘဲ လူတွေရဲ့ ပရမ်းပတာဖြစ်နေတဲ့ ဘဝတွေကို အစစ်အတိုင်း ရိုက်ပြထားတာမျိုးပါ။ ဇာတ်လမ်းက ညီအစ်ကိုနှစ်ယောက်အကြောင်းပါ။ တစ်ယောက်ကတော့ ဘဝကို ပုံမှန်အတိုင်း လျှောက်လှမ်းနေတဲ့ Alan၊ နောက်တစ်ယောက်ကတော့ စိတ်ကူးပေါက်ရာ လုပ်တတ်ပြီး ဘဝမှာ ဘာမှ သေချာရေရာမရှိတဲ့ Mat။ Mat က သူ့ရဲ့ ရည်းစားနဲ့ လမ်းခွဲပြီးတဲ့နောက်မှာ အစ်ကိုဖြစ်သူ Alan ရဲ့ အိမ်ကို ရုတ်တရက် ရောက်လာပါတော့တယ်။ အစ်ကိုဖြစ်သူ Alan ကလည်း သူ့ရဲ့ ချစ်သူနဲ့အတူ အေးအေးဆေးဆေး နေချင်နေချိန်မှာပဲ အလိုက်မသိတဲ့ ညီဖြစ်သူ Mat ရောက်လာတော့ အိမ်ထဲမှာ မီးစတောက်ပါတော့တယ်။ သူတို့ညီအစ်ကိုနှစ်ယောက်ကြားက အငြင်းပွားမှုတွေ၊ အရက်မူးပြီး ရန်ဖြစ်ကြတာတွေ၊ ပြီးတော့ တစ်ယောက်ရဲ့ ဘဝထဲကို တစ်ယောက် ဝင်နှောင့်ယှက်မိတာတွေကို အရမ်းသဘာဝကျကျ ရိုက်ပြထားပါတယ်။ ညီအစ်ကိုတွေကြားက အေးစက်စက် ဆက်ဆံရေးတွေအကြောင်း ရိုက်ပြထားတာမို့လို့ ခံစားချက်တစ်ခုခုတော့ ကျန်ခဲ့စေမယ့် ကားမျိုးပါ။ File size… (1.1 GB) / (680 MB) Quality…. WEB-Rip 1080p HEVC / 720p Format…. mkv/mp4 Genre…. Comedy Duration…. 01:49:20 Subtitle…. Myanmar Subtitle (Hardsub)

Wall Street: Money Never Sleeps(2010) Shia LaBeouf နဲ့ Michael Douglas  တို့လို ဆရာကြီးတွေ အဓိကပါဝင်ထားတဲ့ ဇာတ်ကားဖြစ်ပါတယ်... ဒီကားကတော့ 2008 ခုနှစ်တုန်းက ငွေကြေးပြဿနာတွေနဲ့ပတ်သက်ပြီးရိုက်ကူးထားတာပါ Gordon Gekko ဆိုတဲ့လူဟာ အမှုတစ်ခုကြောင့် ချောက်ချခံခဲ့ရပြီး ထောင်ကျခံလိုက်ရပါတယ် ... အဲ့ဒီအတွက်သူဟာ သူ့မိသားစုအပေါ် တာဝန်တွေ လစ်ဟင်းသလိုဖြစ်ခဲ့ပြီး သားကိုလည်း ဆုံးရှုံးခဲ့ရပါသေးတယ်... အဲ့ဒီအတွက်သူ့ရဲ့သမီးဖြစ်သူ Winnie Gekko ဟာ သူ့ကို စိတ်နာနေခဲ့တာပါ... တစ်နေ့ သူထောင်ကထွက်လာတဲ့နေ့မှာပဲ သူထောင်ထဲမှာရေးခဲ့တဲ့ စာအုပ်အတွက် ဟောပြောပွဲတစ်ခုကို လုပ်ခဲ့ပါတယ် ... ထိုပွဲကို သူ့သမီးရဲ့ချစ်သူ Jacob moore လည်း လာရောက်ကြည့်ရှုခဲ့ပါတယ်... အဲ့ဒီကနေတစ်ဆင့် သူ့ရဲ့သမက်လာဖြစ်မယ့် Jacob moore ရဲ့ အကူအညီကို ယူပြီး သူ့သမီးနဲ့ဘယ်လို ပြန်အဆင်ပြေအောင် လုပ်မလဲ... သူ့ကို ချောက်ချခဲ့တဲ့လူကိုရော ဘယ်လိုပြန်လက်စားချေရမလဲဆိုတာကိုပါ ကြည့်ရှုရမှာပါ.... File Size :(3.06GB)(1.01GB) and (378MB) Quality :BLU-RAY1080P5.1Ch,720p Format…mp4 Duration…02:13:00 Genre :  Drama Subtitle : Myanmar Subtitle (Hard Sub) Translated by Eric Encoded by Phyo Pyae

ဇာတ်လမ်းအစမှာတော့ လူသာနဲ့ နိုရာတို့ရဲ့ တစ်ဦးတည်းသောသမီးလေးက တောင်အမေရိကမှာရှိတဲ့ ပီရူးနိုင်ငံကို ခရီးထွက်သွားပါတယ်။ နောက်နှစ်ခရစ်စမတ်မှ ပြန်လာတော့မှာ ဖြစ်ကြောင်းလည်း မိဘနှစ်ပါးကို ပြောခဲ့ပါသေးတယ် အထီးကျန်ပြီးကျန်ခဲ့တဲ့ ခရန့်ခ်တို့လင်မယားက ဒီနှစ် ခရစ်စမတ်မှာ သမီးလေးမရှိတဲ့အတွက် ပါဝင်ဆင်နွှဲခြင်းမပြုတော့ဘူးလို့ ရပ်ကွက်ထဲမှာရော အသိမိတ်ဆွေတွေကိုရော လိုက်လံပြောကြားပါတော့တယ်။ ဒါပေမဲ့ ခရစ်စမတ်နေ့ ရောက်မှ သူတို့ရဲ့ သမီးလေးက အိမ်ပြန်လာတဲ့ လမ်းမှာ ရောက်နေပြီဖြစ်ကြောင်း အကြောင်းကြားပြီး မိဘနှစ်ပါးကို အံ့အားသင့်အောင် လုပ်လိုက်တဲ့အခါ သူတို့လင်မယားနှစ်ယောက် ခရစ်စမတ်ပွဲကို အမြန် ဘယ်လိုစီစဉ်ကြမလဲဆိုတာ ဆက်လက်ကြည့်ရှုရမှာပဲ ဖြစ်ပါတယ်။ မိသားစုဟာသကားဖြစ်တဲ့အလျောက် ပေါ့ပေါ့ပါးပါးကြည့်ရှုလို့ရမယ့် ဇာတ်လမ်းကောင်းလေးတစ်ခုပဲ ဖြစ်ပါတယ်။ အညွှန်းရေးသားသူနဲ့ ဘာသာပြန်သူကတော့ Nway Oo K Zaw ဖြစ်ပါတယ်။ File size…(2.1 GB)/(1.1 GB) Quality….Webrip 1080p / 720p Format…mp4 Duration….01:39:00 Genre... Comedy, Family Subtitle….Myanmar Subtitle (Hardsub) Encoder….Mr. Anderson Translated by Nway Oo K Zaw

Uptown Girls (2003) IMDb Rating (6.3) / Rotten Tomatoes (14%) Dakota Fanning ငယ်ငယ်က ရုပ်ရှင်ပေါ့။ နတ်သမီးပုံပြင်ဆန်ဆန်ပဲ။ ဝက်ကလေးတစ်ကောင်နဲ့ ချမ်းသာလွန်းတဲ့မိဘတွေနဲ့ပေါ့။ မင်းသမီးက နာမည်ကျော် အဆိုတော်ကြီးရဲ့ သမီး။ တစ်နေ့မှာ သူ့အဖေနဲ့အမေက ပွဲသွားဖျော်ဖြေဖို့ သွားတဲ့ခရီးမှာ လေယာဉ်ပျက်ကျပြီး သေသွားတယ်။ ကလေးမလေးက ကိုးနှစ်ပဲရှိသေးတယ်။ ဒါပေမဲ့ အမွေတွေအများကြီးကျန်ခဲ့တော့ မင်းသမီးလေးလိုပဲ ကောင်းကောင်းရှင်သန်နိုင်ခဲ့တယ်။ သူ့အသက်၂၂ပြည့် မွေးနေ့ပွဲကို ခမ်းခမ်းနားနား ကျင်းပအပြီးမှာ သူ့အမွေ ငွေတွေကို သူ့ရှေ့နေက လှည့်ယူသွားတယ်။ ငမွဲဖြစ်သွားတဲ့ မင်းသမီးလေးက တခြားမင်းသမီးပေါက်စလေးဆီမှာ အလုပ်သွားလုပ်ရင်း လူကြီးဖြစ်ပြီး ကလေးဆန်လွန်းတဲ့ မင်းသမီးလေးနဲ့ ကလေးဖြစ်ပြီး လူကြီးဆန်လွန်းတဲ့ မင်းသမီးလေး ၂ယောက် တစ်ယောက် ထရော်မာတွေကို တစ်ယောက်ကုစားပေးသွားတဲ့ ဇာတ်လမ်းပါပဲ။ ၁၀ကျော်သက်ကလေးတွေကို ပြသင့်တဲ့ ဇာတ်လမ်းမျိုးလို့ ပြောလို့ရတယ်။ File size… (2.9 GB) / (1.2 GB) Quality…. Blu-Ray 1080p HEVC / 720p Format…. mkv/mp4 Genre…. Comedy,Drama Duration…. 01:32:45 Subtitle…. Myanmar Subtitle (Hardsub)

အသစ်ဘယ်လောက်ကောင်းကောင်း အဟောင်းလေးကို မမှီဘူးဆိုတဲ့ စကားလေးအတိုင်းပါပဲ ဒီတစ်ခါတော့ CM ပရိတ်သတ်ကြီးအတွက် အဟောင်းထဲက အကောင်းလေး တစ်ကားကို ပြန်လည် တင်ဆက်လိုက်ပါတယ် ... နီမို (Nemo) ဆိုရင် မသိသူမရှိသလောက်ပါပဲ ... အောင်မြင်မှုများစွာကိုလည်း ရရှိခဲ့တဲ့ ရုပ်ရှင်ကားကောင်းတစ်ကားဖြစ်ခဲ့ပါတယ် ... ဇတ်လမ်းအကျဉ်းလေးကတော့ Clown fish လေး ဖြစ်တဲ့ မိတဆိုးသားလေး နီမိုတစ်ကောင် သူနေထိုင်ရာ သမုဒ္ဒရာကြီးထဲကနေ လူတစ်ချို့ဖမ်းဆီးခေါ်ဆောင်သွားခြင်းခံလိုက်ရတဲ့အခါ ဖခင်ဖြစ်သူက လိုက်လံရှာဖွေတဲ့ ဇာတ်လမ်းပဲဖြစ်ပါတယ်... ဒီသားပျောက်ရှာပုံတော်မှာ စွန့်စားခန်းတွေ တစ်လှေကြီးပါဝင်ပြီး ဇာတ်လမ်း ဇာတ်အိမ်ကောင်းကောင်းနဲ့ စိတ်ဝင်စားစရာလည်းကောင်းတာမို့ ပရိတ်သတ်တွေ သဘောကျနှစ်ခြိုက်ကြမှာ အသေအချာပါပဲ ... ဒီတော့ အားပေးကြပါဦး.. ဘာသာပြန်သူနဲ့အညွှန်းရေးသူကတော့ ရဲကျော်ထက်ဖြစ်ပါတယ် File size…  6.5 GB / 2.7 GB / 1.3 GB Quality… BluRay 4k / 1080p / 720p Format… mp4 , mkv Duration…. 1h 40m Genre .....  Animation , Adventure , Comedy Subtitle…. Myanmar Subtitle (Hard Sub) Encoder…. Thit San Khant Translated by Ye Kyaw Htet

A beautiful mind (2001) IMDb rating - 8.2 ဇာတ်လမ်းအညွှန်း ဒီဇာတ်လမ်းလေးကတော့ (Nobel Laureate in Economics) နိုဘယ်ဆုရရှိခဲ့တဲ့ သင်္ချာပညာရှင်ကြီး John Nash ရဲ့ဘဝဇာတ်ကြောင်းကို ရိုက်ကူးထားတာဖြစ်ပါတယ်။ John Nash ရဲ့သီအိုရီတွေက modern economic အတွက် အရမ်းအထောက်အကူပြုခဲ့ပါတယ်။ သူဟာ Princeton University ကနေ ပါရဂူဘွဲ့ရပြီး အဲဒီကျောင်းမှာ ဆရာပြန်လုပ်ခဲ့ပါတယ်။ သူ့ဘဝဇာတ်ကြောင်းကို တက္ကသိုလ်နယ်မြေကအစပြုလို့ နိုဘယ်ဆုချီးမြှင့်ခံရချိန်အထိ နိုဘယ်ဆုနဲ့ထိုက်တန်အောင် သူ ဘယ်လိုမဆုတ်မနစ်ကြိုးစားခဲ့ရလဲ၊ ဘယ်လိုရုန်းကန်ရလဲ၊ အခက်အခဲတွေကို ဘယ်လိုအောင်မြင်အောင် ကျော်ဖြတ်ရလဲဆိုတာတွေကို ရိုက်ကူးထားပါတယ်။ အပိုဆုအနေနဲ့ သူ့ရဲ့မဟေသီ Alicia နဲ့ တွေ့ဆုံချစ်ကြိုက်ခဲ့တဲ့အကြောင်းတွေကို ရိုမန့်တစ်ဆန်ဆန် တင်ဆက်ထားပါတယ်။ John Nash အဖြစ် မင်းသားကြီး Russell Crowe နဲ့ Alicia Nash အဖြစ် (မမသာ အလှဆုံး) မင်းသမီးချောလေး Jennifer Connelly တို့က သရုပ်ဆောင်ထားပါတယ်။ Oscer စကာတင်တွေအများကြီးဝင်ထားပြီး Best Director ၊ Best actress in a supporting role စသဖြင့် အော်စကာဆု လေးဆုသိမ်းပိုက်ရရှိထားပါတယ်။ ဇာတ်လမ်းရဲ့ဇာတ်ရှိန်အတက်အကျတွေနဲ့ သရုပ်ဆောင်တွေရဲ့ ပီပီပြင်ပြင်သရုပ်ဆောင်မှုတွေနဲ့မို့ ကြည့်ပြီးရင် နောင်တမရစေမယ့် ဇာတ်လမ်းကောင်းလေးဖြစ်ပါတယ်။ ပညာရှင်ကြီးတွေရဲ့ကြိုးစားမှုတွေကိုပါ အတုယူနိုင်မယ့် ဇာတ်လမ်းကောင်းလေးကို CM ပရိတ်သတ်ကြီးအတွက် တင်ဆက်ပေးလိုက်ပါပြီ။ File size… 2.7 GB / 1.16 GB Quality… BluRay 1080p / 720p Format… mp4 Duration…. 2h 15m Genre ..... Biography / Drama / Mystery Subtitle…. Myanmar Subtitle (Hard Sub) Encoder…. Thit San Khant Translated by Orika

Amistad (1997) IMDb Rating (7.3) / Rotten Tomatoes (78%) အမေရိကမှာ အမှန်တကယ်ဖြစ်ပွားခဲ့တဲ့ဖြစ်ရပ်များကို အခြေခံထားပြီး 1839 ခုနှစ်မှာ ဖမ်းဆီးထားတဲ့ လူမည်းကျွန်တွေကို သယ်ဆောင်လာတဲ့စပိန်သင်္ဘောအတွင်း ပုန်ကန်မှုဖြစ်တာကနေ ဇာတ်ဖွင့်ထားတယ်။ အဲ့ဒီမှာပါလာခဲ့တဲ့ကျွန်များကို ဆင်ကွယ်ဆိုတဲ့ အာဖရိကသားတစ်ဦးက ဦးစီးပြီး သင်္ဘောကို မိမိတို့နေရပ်ဆီပြန်ဦးတည်ခိုင်းဖို့ကြိုးပမ်းရာမှာ ကလိမ်ကျတဲ့စပိန်တွေကြောင့် အမေရိကရေပိုင်နက်ထဲကို၀င်သွားပြီးနောက်ပိုင်းမှာ ဆက်ဖြစ်လာတဲ့တရား‌ရေးအရှုပ်အရှင်းတွေကို ဇာတ်အိမ်ကောင်းကောင်းနဲ့ကြည့်ရှု့ရမှာပါ ။ File size… (4.3 GB) / (1.8 GB) Quality…. Blu-Ray 1080p HEVC / 720p Format…. mkv/mp4 Genre…. Drama,History,Mystery Duration…. 02:34:58 Subtitle…. Myanmar Subtitle (Hardsub)

အိုလံပစ်အားကစားမယ်တစ်ယောက်ရဲ့ ခင်ပွန်းဟောင်းကို ကြေးစားနှစ်ယောက်က သတ်လိုက်ရာက ဇာတ်လမ်းစပါတယ်။ အဲဒီနောက် ကြေးစားနှစ်ယောက်အချင်းချင်း သဘောထားကွဲပြီး လမ်းခွဲသွားကြတဲ့အခါ တစ်ယောက်တစ်နေရာစီ ပြေးလွှားရင်း ကိုယ်စီအဖြစ်အပျက်တွေနဲ့ ကြုံလာကြတယ်။ ဒီဒုစရိုက်သမားနှစ်ယောက်အပြင် ရဲနှစ်ယောက်နဲ့ သူတို့လေးယောက်ရဲ့ကိစ္စတွေထဲ ဆက်နွယ်လာမယ့် တခြားဇာတ်ကောင်တွေလည်း ပါဝင်ပါတယ်။ သီးခြားဖြစ်နေတဲ့ အဖြစ်အပျက်တွေကို နောက်ဆုံးမှာ ပြန်ချိတ်ဆက်ထားတဲ့ ရာဇဝတ်မှုဟာသကားဖြစ်ပြီး Charlize Theron ငယ်စဉ်က ပါဝင်သရုပ်ဆောင်ထားပါတယ်။

နယူးယောက်က ကောလိပ်ကျောင်းသား ဘီလ်နဲ့ စတန်တို့ သူငယ်ချင်းနှစ်ယောက်ဟာ အယ်လာဘားမားကို ဖြတ်မောင်းလာရင်း ကုန်စုံဆိုင်တစ်ဆိုင်မှာ ဈေးဝင်ဝယ်ကြပါတယ်။ သူတို့ထွက်လာပြီးနောက် ဆိုင်စာရေး လုယက်သတ်ဖြတ်ခံလိုက်ရတာကိုတော့ မသိခဲ့ကြဘူး။ ဘီလ်က ဆိုင်ကနေ တူနားငါးသေတ္တာတစ်ဘူး အလစ်သုတ်လာခဲ့လို့ ရဲတွေလိုက်လာတဲ့အခါ အဲဒီကိစ္စကြောင့်ပဲလို့ ထင်နေတယ်။ ရဲစခန်းမှာ စစ်မေးခံရတဲ့အထိလည်း နှစ်ယောက်စလုံး အဲဒီလိုပဲ နားလည်ထားကြတာပါ။ တကယ်တော့ သူတို့ကို ဆိုင်စာရေးသတ်မှုမှာ ပါဝင်ပတ်သက်တယ်ဆိုပြီး ဖမ်းထားတာ ဖြစ်နေပါတယ်။ နားလည်မှုလွဲပြီး ဝန်ခံမိထားတဲ့အပြင် အထောက်အထားတွေကလည်း သူတို့ဘက်ကိုပဲ ညွှန်နေတယ်။ ပြစ်မှုထင်ရှားရင် သေဒဏ်အထိ ကြုံရနိုင်တဲ့အခြေအနေမှာ ဘီလ်ရဲ့ ဝမ်းကွဲ ဗင်နီဆိုတဲ့ရှေ့နေက အမှုလိုက်ပေးဖို့ ရောက်လာပါတယ်။ ဗင်နီက ရှေ့နေကျောင်းကို ခြောက်နှစ်တက်ခဲ့ပေမယ့် တရားခွင်အတွေ့အကြုံ လုံးဝမရှိသေးသူပါ။ အယ်လာဘားမားအကြောင်းလည်း မသိ၊ သူတို့အမှုအကြောင်းလည်း မသိသေးတဲ့ ဗင်နီတစ်ယောက် ဒီနှစ်ယောက်အတွက် ဘယ်လိုရင်ဆိုင်ပေးမလဲဆိုတာကနေ ဟာသတွေ ဖြစ်လာပါတယ်။ ဗင်နီရဲ့ ဇနီးလောင်းအဖြစ်တော့ Marisa Tomei ပါဝင်သရုပ်ဆောင်ထားပါတယ်။

ဒီတခါတင်ဆက်ပေးမဲ့ ၁၉၈၆ခုနှစ်ထွက် ရိုဘော့ကားလေးကတော့ အတိတ်ဘဝနေ့ရက်တွေကိုပါ ပြန်ပြောင်းသတိရစေမဲ့ကားကောင်းလေးတစ်ကားပါပဲ...... ဒီကားထဲမှာ စမ်းသပ်ခံ နံပါတ်၅စက်ရုပ်လေးဟာ လျှပ်စစ်လျှော့ဖြစ်ပြီး အသိဥာဏ်ရှိသွားတာကြောင့် လွတ်မြောက်သွားရာကနေ စွန့်စားခန်းတွေ ကယ်တင်ရတာတွေ စက်ရုပ်တွေ အသိဥာဏ်ရှိသွားရင် ဘာတွေဖြစ်လာမလဲ ဆိုတာတွေကို ဂန္ဓဝင်ဆန်ဆန်လေးကြည့်ရမှာမို့ ရှုစားလိုက်ကြပါဦးလို့....... File size…(1.5 GB)/(910 Mb) Quality….Brbrip 1080p / 720p Format… mp4 Duration…. 01:38:00 Genre... Artificial Intelligence, Quirky Comedy, Comedy, Family, Sci-Fi Subtitle….Myanmar Subtitle (Hardsub) Encoder….Garfield Translated by Phoo Myat Thwe