Ava Bogle ပါဝင်သော ဇာတ်ကားများ

လီလီဟာ အရာရာကို သေချာစီစဉ်တတ်တဲ့ စီးပွားရေးလုပ်ငန်းရှင်အမျိုးသမီးတစ်ယောက်ပါ။ ဒါပေမယ့် ပြင်သစ်လူမျိုး ယောက်ျားပိုင်းလုံး ဖီလစ်နဲ့ မမျှော်လင့်ဘဲ ကိုယ်ဝန်ရသွားတဲ့အခါ ကလေးကို ဘယ်လိုရှေ့ဆက်ပျိုးထောင်ကြမလဲဆိုတာ ဆုံးဖြတ်ရဖို့ ဖြစ်လာပါတယ်။ အဲဒီအတွက် အကြံပေးပညာရှင်တစ်ယောက်ဆီ သွားတိုင်ပင်ကြတော့ သူက မှော်သေတ္တာတစ်လုံး ထုတ်ပြလာတယ်။ မှော်သေတ္တာရဲ့ ညွှန်ကြားချက်အတိုင်း လီလီနဲ့ ဖီလစ်တို့ဟာ တောထဲက အပန်းဖြေအိမ်တစ်အိမ်မှာ တစ်ပတ်သွားနေကြရပါတယ်။ တစ်ယောက်အကြောင်း တစ်ယောက် ပိုသိလာဖို့နဲ့ ကလေးရဲ့ရှေ့ရေးကို ဆုံးဖြတ်နိုင်ဖို့ ရည်ရွယ်ထားတဲ့ခရီးပါ။ ဒါပေမယ့် မထင်မှတ်ဘဲ မှော်သေတ္တာက သူတို့နှစ်ယောက်ကို ခန္ဓာကိုယ်ချင်း လဲပေးလိုက်တဲ့အခါ ဘာတွေဆက်ဖြစ်လာမလဲ။

အစိုးရနဲ့ ကော်ပိုရေးရှင်းကြီးတွေက ပြည်သူတွေနဲ့ သဘာဝပတ်ဝန်းကျင်ထက် ကိုယ့်အကျိုးအမြတ်ကိုပဲ ရှေ့တန်းတင်နေတာကို မကျေနပ်တဲ့ လူငယ်တစ်စု ရှိပါတယ်။ နယ်ပယ်အသီးသီးက ဒီမင်းမဲ့ဝါဒီလူငယ်တွေ စုစည်းပြီး The East လို့ခေါ်တဲ့ မြေအောက်အဖွဲ့ကို ဖွဲ့ထားကြတယ်။ သူတို့က သဘာဝပတ်ဝန်းကျင်ကို ထိခိုက်စေတဲ့ လုပ်ငန်းကြီးတွေကို တန်ပြန်တိုက်ခိုက်နေကြတာပါ။ ပုဂ္ဂလိကထောက်လှမ်းရေးကုမ္ပဏီက အေးဂျင့် ဂျိန်းဟာ ဒီအဖွဲ့ကို စုံစမ်းဖော်ထုတ်ဖို့ တာဝန်ပေးခံရပါတယ်။ အရပ်ဝတ်နဲ့ လမ်းတွေပေါ်မှာ သတင်းလိုက်စုရင်း မြေအောက်လောကထဲ ဝင်ရောက်နေရာက မထင်မှတ်ဘဲ The East အဖွဲ့ထဲ ရောက်သွားတယ်။ အဖွဲ့သားတွေက ကော်ပိုရေးရှင်းတွေကို တိုက်ခိုက်တဲ့ လှုပ်ရှားမှုတွေကို “Jam” လို့ ခေါ်ကြပါတယ်။ အရေးကြီးတဲ့ Jam တွေမှာ ဂျိန်းပါ ပါဝင်လာရတဲ့အခါ သူ့အလုပ်နဲ့ ကိုယ်ပိုင်ဘဝကြား ဘယ်လိုရှေ့ဆက်ရမလဲဆိုတာ ဝေခွဲရခက်လာတယ်။ အဖွဲ့ခေါင်းဆောင်အဖြစ် Alexander Skarsgård ပါဝင်ထားပြီး Elliot Page ကတော့ အဖွဲ့ဝင်တစ်ယောက်အဖြစ် သရုပ်ဆောင်ထားပါတယ်။

ကမ္ဘာမြေပေါ်ကို ဂြိုဟ်သားတွေ ကျူးကျော်လာတဲ့အခါ အမေရိကန်စစ်တပ်က ပြန်လည်ခုခံတိုက်ခိုက်ရပါတယ်။ ဒါပေမဲ့ ရင်ဆိုင်နေရတဲ့ ရန်သူက သာမန်ထက်လွန်ကဲတဲ့ သတ္တဝါတွေဖြစ်နေတော့ ခေတ်မီလက်နက်တွေ တပ်ဆင်ထားတဲ့ စစ်တပ်တောင် ဆုံးရှုံးမှုတွေ များလာတယ်။ စစ်ပွဲကြားမှာ ပြည်သူတွေ ထိခိုက်ကြရသလို သူတို့ကို ကာကွယ်ဖို့ တာဝန်ယူထားတဲ့ စစ်သားတွေလည်း အသက်နဲ့ရင်းပြီး တိုက်နေကြရပါတယ်။ အဲဒီအချိန်မှာ တပ်စုတစ်စုဟာ အန္တရာယ်ကြားက ပြည်သူတွေကို ကယ်ထုတ်ဖို့ အမိန့်ရလာတယ်။ ကယ်ဆယ်ရေးအတွက် သွားကြပေမယ့် သူတို့ကိုယ်တိုင်ပါ ရန်သူရဲ့ သတ်ကွင်းထဲမှာ ပိတ်မိသွားပါတယ်။ ဘာအမျိုးအစားမှန်း မသိရတဲ့ ဒီသတ္တဝါတွေက ကျည်ဆန်အချက်ပေါင်းများစွာ ထိတာတောင် မသေကြဘူး။ ကိုယ်တိုင်လည်း ပိတ်မိနေတဲ့ တပ်စုလေးက ပြည်သူတွေကို အသက်ရှင်လျက် ကယ်ထုတ်နိုင်ပါ့မလား၊ ဒီတိုက်ပွဲမှာ ဘယ်လောက်အထိ ပေးဆပ်ရဦးမလဲဆိုတာ ဆက်ကြည့်ရမှာပါ။