Avantika ပါဝင်သော ဇာတ်ကားများ

နာမည်ကြီး ဟာသဇာတ်လမ်းတွဲများစွာ ("The Mindy Project", "The Sex Lives of College Girls") ကို ဖန်တီးခဲ့တဲ့ Mindy Kaling ရဲ့ နောက်ထပ်လက်ရာသစ်ဖြစ်တဲ့ "Not Suitable for Work" ဟာ ၂၀၂၆ ခုနှစ် ဇွန်လမှာ Hulu ကနေ စတင်ထွက်ရှိလာတဲ့ ဟာသ စီးရီးတစ်ခု ဖြစ်ပါတယ်။ ဒီဇာတ်လမ်းတွဲဟာ နယူးယောက်မြို့၊ မက်ဟက်တန် (Manhattan) ရဲ့ နာမည်ကြီး Murray Hill ရပ်ကွက်မှာ နေထိုင်ကြတဲ့ အလုပ်ကြိုးစားလွန်းတဲ့ အသက် (၂၀) ကျော်အရွယ် လူငယ်ငါးဦးရဲ့ ဘဝဖြတ်သန်းမှုတွေကို အဓိကထား ရိုက်ကူးထားတာပါ။ ဇာတ်လမ်းထဲမှာ အခန်းဖော် သူငယ်ချင်းသုံးယောက်ဖြစ်တဲ့ Davis၊ Josh နဲ့ Kel တို့ဟာ အသီးသီးမတူညီတဲ့ ရည်မှန်းချက်တွေ ရှိကြပါတယ်။ Davis က ဂုဏ်သိက္ခာကြီးမားတဲ့ ရင်းနှီးမြှုပ်နှံမှုဘဏ် (Fisher Stassen) တစ်ခုမှာ အလုပ်လုပ်တဲ့ ဘဏ္ဍာရေးလေ့လာဆန်းစစ်သူ (Financial Analyst) ဖြစ်ပြီး၊ Josh ကတော့ မီဒီယာကုမ္ပဏီပိုင်ရှင် သူဌေးကြီးရဲ့သားဖြစ်ပေမယ့် သတင်းထောက်တစ်ယောက်ဖြစ်ဖို့ ကြိုးစားနေသူပါ။ Kel ကတော့ ဆေးကျောင်းတက်နေပေမယ့် သရုပ်ဆောင်တစ်ယောက်ဖြစ်ဖို့ သူ့ရဲ့အိပ်မက်ကို တိတ်တဆိတ် အကောင်အထည်ဖော်နေသူတစ်ဦး ဖြစ်ပါတယ်။ သူတို့ရဲ့ မျက်နှာချင်းဆိုင်အခန်းမှာတော့ နာမည်ကြီး ဖက်ရှင်စတိုင်လစ် (Stylist) တစ်ယောက်ရဲ့ လက်ထောက်ဖြစ်တဲ့ Abby (Avantika) နဲ့၊ Davis အလုပ်လုပ်တဲ့ ဘဏ်မှာပဲ အလုပ်သစ်ရထားတဲ့ အခန်းဖော် AJ (Ella Hunt) တို့ နေထိုင်ကြပါတယ်။ ဒီလူငယ်ငါးယောက်ရဲ့ အလုပ်ခွင်က အခက်အခဲတွေ၊ အချစ်ရေး၊ သူငယ်ချင်း သံယောဇဉ်နဲ့ ကိုယ်ပိုင်ဘဝပျော်ရွှင်မှုတွေကို ရှာဖွေပုံတွေကို ဟာသနှောပြီး ရိုက်ကူးထားတာ ဖြစ်ပါတယ်။ "Not Suitable for Work" ဟာ တက္ကသိုလ်ကျောင်းပြီးခါစ အသက် ၂၀ ကျော် လူငယ်တွေ လက်တွေ့ဘဝထဲ ဝင်ရောက်လာချိန်မှာ ကြုံတွေ့ရတဲ့ အခက်အခဲတွေကို ပေါ့ပေါ့ပါးပါးနဲ့ ထင်ဟပ်ပြထားတဲ့ စီးရီးတစ်ခုပါ။ လုပ်ငန်းခွင်က ဖိအားတွေ၊ မိသားစု မျှော်လင့်ချက်တွေနဲ့ ကိုယ့်ဝါသနာကို ရွေးချယ်ရတဲ့ လမ်းဆုံလမ်းခွတွေကို လူငယ်တွေ သဘောကျမယ့် ဟာသပုံစံမျိုးနဲ့ တင်ဆက်ထားပါတယ်။ ရုံးလုပ်ငန်းခွင်နောက်ခံ ဟာသကားတွေနဲ့ လူငယ်တွေရဲ့ ဘဝရုန်းကန်မှုတွေကို ပေါ့ပေါ့ပါးပါး ကြည့်ရှုချင်သူတွေအတွက် "Not Suitable for Work" ဟာ အပန်းဖြေကြည့်ရှုဖို့ အကောင်းဆုံး စီးရီးတစ်ခု ဖြစ်ပါတယ်။ သင့်အနေနဲ့ နေ့စဉ်အလုပ်ဖိအားတွေကနေ ခဏတာ ရုန်းထွက်ပြီး ရယ်မောချင်တယ်ဆိုရင်တော့ ကြည့်ရှုသင့်တဲ့ ရုပ်သံစီးရီးကောင်းတစ်ခု ဖြစ်ကြောင်း သုံးသပ်လိုက်ရပါတယ်။ File size… 800MB(Appx;)@Episode Quality… WEB DL 1080p Format… mp4 Duration…. 45m @Episode Genre .....Comedy Subtitle…. Myanmar Subtitle (Hard Sub)

Pretty Lethal (2026) ++++++++++++++ IMDb Rating (6.9) / Rotten Tomatoes (63%) ဒီတစ်ခါတော့ Amazon Prime ကနေ အသစ်ထွက်ရှိထားတဲ့ Pretty Lethal ဆိုတဲ့ Action Thriller ကားလေး တင်ပေးထားပါတယ်။ ၂၀၂၆ မတ်လ ၂၅ ရက်နေ့မှာပဲ ပူပူနွေးနွေး ထွက်ထားတာပါ။ အချိန်ကလည်း ၁ နာရီခွဲလောက်ပဲဆိုတော့ ဇာတ်လမ်းက အီမနေဘဲ မြန်မြန်ဆန်ဆန်နဲ့ ကြည့်လို့ကောင်းတဲ့ ကားမျိုးပေါ့။ ဇာတ်လမ်းအကျဉ်း ++++++++++ ဘဲလေးအကမယ် ၅ ယောက်ဟာ သူတို့ရဲ့ အရေးကြီးတဲ့ ပြိုင်ပွဲတစ်ခုအတွက် ဘတ်စ်ကားနဲ့ ခရီးထွက်လာကြတယ်။ လမ်းခုလတ် တောကြိုအုံကြား ရောက်တော့ ကားကပျက်သွားရော။ အဲဒီမှာ သူတို့လည်း ရွေးစရာမရှိတာနဲ့ အနီးနားက Devora Kasimer ဆိုတဲ့ ဘဲလေးအကမယ်ဟောင်း တစ်ယောက် ဖွင့်ထားတဲ့ တည်းခိုခန်းလေးတစ်ခုမှာ ဝင်နားကြရတယ်။တကယ်တော့ အဲဒီတည်းခိုခန်းက ရိုးရိုးတည်းခိုခန်း မဟုတ်ဘဲ ဟန်ဂေရီ ဂိုဏ်းသားတွေ ခိုအောင်းနေတဲ့ နေရာဖြစ်နေတယ်။ သူတို့ရဲ့ ဆရာမဖြစ်သူ အသတ်ခံလိုက်ရပြီးနောက်မှာတော့ ဒီကောင်မလေး ၅ ယောက်ဟာ ဒီလူသတ်သမားတွေ လက်ထဲကနေ လွတ်အောင် ရုန်းကန်ကြရတော့တယ်။ သူတို့သင်ယူထားတဲ့ ဘဲလေးအကရဲ့ ကျွမ်းကျင်မှုတွေ၊ စည်းကမ်းတွေ၊ နောက်ဆုံး သူတို့စီးတဲ့ ဘဲလေးဖိနပ် (Pointe shoes) လေးတွေကိုပါ လက်နက်အဖြစ်ပြောင်းလဲပြီး ဘယ်လို တိုက်ခိုက်မလဲဆိုတာကို ရင်ခုန်စရာ ကြည့်ရမယ့် ကားလေးပါ။ သရုပ်ဆောင်တွေက Maddie Ziegler, Lana Condor, Avantika, Millicent Simmonds နဲ့ Iris Apatow တို့က အကမယ်တွေအဖြစ် ပါဝင်ထားပြီး၊ ဗီလိန်နေရာမှာတော့ နာမည်ကြီး မင်းသမီးကြီး Uma Thurman က သရုပ်ဆောင်ထားပါတယ်။ John Wick လို အက်ရှင်ကားတွေကို ရိုက်ကူးတဲ့ 87North Productions အဖွဲ့က စတန့်တွေ လုပ်ပေးထားတာဆိုတော့ အက်ရှင်ခန်းတွေက တော်တော်လေး မိုက်တယ်။ ဘဲလေးအကကွက်တွေနဲ့ တိုက်ခိုက်ရေး အက်ရှင်ခန်းတွေကို ပေါင်းစပ်ထားတာဆိုတော့ ကြည့်ရတာ တစ်မျိုးလေး ဆန်းသစ်နေမှာပါ။ File Size… (1.38GB) / (699MB) Quality… WEB-DL 1080p HEVC /720p Format…mkv / mp4 Duration…1h 28m Genre ….Action , Horror , Thriller Subtitle….Myanmar Subtitle (Hard Sub)

Big Girls Don't Cry 2024 စားဆော်ကြီးများကျောင်းတော် Imdb 6.5 တက်သစ်စလေးတွေပေါပေါများများသုံးထားတဲ့ ဒရာမာစီးရီးလေးတင်ဆက်ပေးထားပါတယ် ဗန်ဒနာဗယ်လီကျောင်းတော်ဆိုတဲ့ မိန်းကလေးသီးသန့်သင်တန်းကျောင်း ကျောင်းသူပေါင်းရာကျော်ရှိပြီး စရိုက်တွေလည်းမျိုးစုံပေါ့ ကျောင်းအုပ်ကလည်းစည်းကမ်းကြီးပြီး အချိန်အတိအကျမှကြိုက်တတ်တဲ့အပျိုကြီး ဘယ်အချိန်ဘာလုပ်ရမယ် ဘယ်နှစ်နာရီအပြီးဆိုတဲ့ဇယားက နေ့စဉ်အချိန်စာရင်းပါပဲ ဖုန်းမသုံးရ ချောကလက်မစားရ ပီကေမဝါးရဆိုတဲ့ 'မ'တစ်လုံးဆောင်ကျောင်းတော်ကြီးကနေ ဖိအားများပြီး နံရံကျော်ပြေးကြတဲ့လူတွေလည်းရှိပါသေးတယ် မိန်းကလေးတွေပဲနေတဲ့နေရာဆိုပေမဲ့လို့ အမှောင်ကမ္ဘာတွေအကြောင်းလည်းပေါပေါများများပါပဲ အထူးသဖြင့်ဒီကျောင်းက ပညာသင်ရုံသာမက စက်ရုပ်သတို့သမီးမွေးထုတ်ပေးတယ်လို့ပါ နာမည်ကြီးတဲ့ကျောင်း ကျောင်းအုပ်ကိုယ်တိုင်က အောင်သွယ်တော်ဖြစ်နေပြီး မိန်းမငယ်လေးတွေကို လူအိုတွေနဲ့ချိတ်ပေးတတ်တော့ ၁၇နှစ်အရွယ်ကျောင်းသူလေးတွေက သက်တူရွယ်တူကောင်လေးတွေနဲ့ ဆရာမတွေကျောင်းအုပ်တွေမသိအောင် သက်စွန့်ဆံဖျားစွန့်စားချိန်းတွေ့ကြပုံတွေ သူတို့ဖြတ်သန်းရမဲ့အခက်အခဲတွေကို ကြည့်ရှုရမှာပဲဖြစ်ပါတယ် ( အညွှန်းနဲ့ ဘာသာပြန်တွေကတော့ Yunni ~ V ~ Alex ~ Linn ~ Thaw ~ KKKZ တို့ပဲဖြစ်ပါတယ် ) File Size – 800 MB (Appx;)@Episode Quality – 1080p WEB DL Duration –50 minute (@Episode) Total Episodes:7Eps Subtitle – Myanmar Hardsub Format – Mp4 Genre : Drama Translator – Yunni ~ V ~ Alex ~ Linn ~ Thaw ~ KKKZ Encoder – YK

နာမည်ကြီးနေတဲ့ တားရော့ သရဲကား လာပါပြီ။ ဒီကားကတော့ Final Destination ဆန်ပါတယ်။ သူငယ်ချင်းတစ်စု တောထဲကို အလည်ထွက်ရင်း အိမ်ဟောင်းကြီးထဲမှာ တားရော့ကတ်ထပ် အဟောင်းကြီးတစ်ခုကိုတွေ့သွားပါတယ်။ အဲဒီကတ်တွေက လက်နဲ့ ကိုယ်တိုင်ပုံဆွဲထားတဲ့ ကြောက်စရာပုံတွေနဲ့ ဖြစ်နေပါတယ်။ သူငယ်ချင်းအုပ်ထဲကတစ်ယောက်က တားရော့ ဟောတတ်တဲ့သူဆိုတော့ အားလုံးကို အပျော်တမ်းဟောပေးလိုက်ပါတယ်။ ဟောတဲ့အချိန်မှာ ရာသီခွင်တွေနဲ့ ကတ်တွေဆက်စပ်ပြီးဟောပေးလိုက်တာပါ။ မကြာခင်မှာပဲ ဟောကိန်းထဲကအတိုင်း ကတ်ထဲက ပုံတွေအတိုင်း ကြောက်စရာတွေ တစ်ခုခုပြီးတစ်ခုဖြစ်လာပြီး သူငယ်ချင်းတွေ တစ်ယောက်ပြီးတစ်ယောက် သေလာတဲ့အချိန်မှာ အသက်ရှင်ကျန်နေတဲ့ သူငယ်ချင်းတစ်အုပ်က အဖြေရှာဖို့ကြိုးစားရင်း အသက်ရှင်အောင်လုပ်ရပါတော့တယ်.... ဒီဟော်ရာကားက ဇာတ်လမ်းစိတ်ဝင်စားဖို့ကောင်းသလို ဝုန်းခနဲခြောက်တာတွေလည်း ပါတာကြောင့် ဟော်ရာပရိသတ်တွေကြိုက်ကြမှာပါ။ ကတ်တွေရဲ့ကျိန်စာကို ပြန်ဖျက်ရတာကလည်း မိုက်ပါတယ်။ ကြည့်ကြည့်လိုက်ကြပါ။ File size…(2.2 GB) / (1.1 GB)/(550 MB) Quality….Webrip 4K HEVC / Webrip 1080p / 720p Format…mp4 Duration….01:32:00 Genre... Horror, Thriller Subtitle….Myanmar Subtitle (Hardsub) Encoder….Mr. Anderson and Thit San Khant Translated by Mr. Anderson

အားလုံးပဲစောင့်မျှော်နေကြမယ့် Mean Girls (2024) ဇာတ်ကားသစ်လေးလာပါပြီ။ အားလုံးသိကြမယ့်အတိုင်း ဒီဇာတ်ကားလေးကတော့ ၂၀၀၄ တုန်းက ထွက်ရှိခဲ့ပြီးအားလုံးရဲ့ မှတ်ဉာဏ်ထဲမှာ မှတ်မှတ်ရရဖြစ်ခဲ့ကြတဲ့ နာမည်ကြီး Mean Girls ဇာတ်ကားလေးကိုမှ adapation သဘောမျိုး ပြန်လည်ရိုက်ကူးထားတာပါ။ ဒီတစ်ခေါက် ဇာတ်ကားလေးမှာ ထူးခြားတာကတော့ အရင်ဇာတ်လမ်းကျောရိုးကိုမှ Gen-Z အသုံးအနှုန်း၊ စတိုင်လ်တွေ ထပ်မံအားဖြည့်ထားပြီး Musical ဘက်သွားထားတဲ့အတွက် သစ်လွင်တဲ့ခံစားချက်မျိုးနဲ့ အတိတ်ကို ပြန်တမ်းတပြီး ရယ်ရယ်မောမော ပေါ့ပေါ့ပါးပါး ကြည့်ရှုရမှာပါ။ ဇာတ်လမ်းအကျဉ်း ကေဒီဟာ ကန်ညာမှာ သုတေသနလုပ်နေတဲ့မိဘတွေနဲ့ အတူနေရာကနေ ကျောင်းပြောင်းလာတဲ့အခါမှာတော့ မကြုံဖူးတာတွေ ကြုံရပါတော့တယ်။ ကျောင်းမှာ သူ့အဖွဲ့အုပ်စုနဲ့ သူရှိတာ၊ တစ်ယောက်နဲ့ တစ်ယောက်ပြိုင်ဆိုင်ကြတာ၊ သမီးရည်းစားကိစ္စတွေ၊ အတင်းအုပ်တာတွေကို ကြုံတွေ့ရတဲ့အခါမှာ အထူးအဆန်းဖြစ်နေပါတော့တယ်။ ဒီလိုနဲ့ သူတို့ကျောင်းမှာ နာမည်ကြီးတဲ့ အလှပဂေး ပလတ်စတစ်မလေး သုံးယောက်က သူ့ကိုသတိထားမိသွားပြီး သူတို့အဖွဲ့ထဲပါဖို့ ဖိတ်ခေါ်ပါတော့တယ်။ ဒီလိုနဲ့ ဘုမသိ ဘမသိ ကေဒီတစ်ယောက် သူတို့အဖွဲ့ထဲပါသွားပြီး သူတို့လို ဝတ်တတ်စားတတ် သမီးရည်းစားကိစ္စ စိတ်ဝင်စားလာပြီး ကောင်လေးတစ်ယောက်ကို စကြိုက်မိရာကနေ ဘယ်လိုတွေ ဇာတ်လမ်းရှုပ်ကြမလဲဆိုတဲ့ ကျောင်းတွင်းအရှုပ်တော်ပုံကို ဟာသဇာတ်မြူးအနေနဲ့ ကြည့်ရှုရမှာဖြစ်ပါတယ်။ File size…(3.1 GB)/(1.5 GB) Quality….Webrip 1080p / 720p Format…mp4 Duration….01:52:00 Genre...Comedy, Musical Subtitle….Myanmar Subtitle (Hardsub) Encoder….Mr.Anderson Translated by Act Molemy and Matteo

ဘဝမှာ ကိုယ့်ပတ်ဝန်းကျင်ကလူတွေနဲ့ မဝင်ဆန့်ဘူး ကိုယ်တစ်ယောက်တည်း ကွဲထွက်နေတယ်ဆိုပြီး ကိုယ့်ကိုယ်ကို တခြားလူတွေနဲ့နှိုင်းယှဉ်မိပြီး သိမ်ငယ်မိဖူးပါသလား စတက်ဖနီကလည်း အဲဒီလိုကောင်မလေးပါပဲ။ ဆယ်ကျော်သက်အရွယ်အစောပိုင်းမှာ အမေရိကကိုပြောင်းလာတဲ့ ဩစတြေးလျသူလေး စတက်ဖနီဟာ ယဉ်ကျေးမှုမတူတဲ့ အသိုင်းအဝိုင်းကြားမှာ သူ့ကိုယ်သူအပယ်ခံလေးတစ်ယောက်လို ခံစားခဲ့ရရှာပါတယ်။ ကျောင်းက နာမည်ကြီးကလေးတွေဆို အပေါင်းအသင်းတွေလည်းအများကြီး၊ သွားလေရာမှာ ဖူးဖူးမှုတ်ခံရတာတွေကို အားကျပြီး သူကိုယ်တိုင်လည်း နာမည်ကြီးလာအောင်လုပ်မယ်ဆိုပြီး ကျောင်း cheerleader အဖွဲ့ထဲဝင်ဖို့ ဆုံးဖြတ်လိုက်ပါတယ်။ ဒီလိုနဲ့ ၂၀၀၂ ခုနှစ် ဟားဒင်းအထက်တန်းကျောင်းရဲ့ ကျောင်းကပွဲဘုရင်မ prom queen ဖြစ်လာဖို့ကြိုးစားရင်း မမျှော်လင့်တဲ့အဖြစ်တစ်ခုနဲ့ ကြုံရပြီး သူ့ဘဝဟာ ချက်ချင်းဆိုသလို သူ့ဘဝရဲ့ နှစ်‌ပေါင်း၂၀ တာကာလဟာ မျက်စိတစ်မှိတ်အတွင်း ပြီးဆုံးသွားပါတယ်။ ဆယ်စုနှစ်၂စုအကြာ ၂၀၂၂ခုနှစ် အသက်၃၇ခုနှစ်အရွယ်ထိ အထက်တန်းကျောင်းသူတစ်ဦးဖြစ်နေဆဲ စတက်ဖနီဟာ ကျောင်းကပွဲဘုရင်မ သရဖူကိုခူးဆွတ်ရဖို့ လက်မလျှော့နိုင်သေးပါဘူး။ သူ့ဘဝရဲ့ရည်မှန်းချက်ဟာ ကျောင်းကပွဲဘုရင်မရာထူးပဲဖြစ်နေပြီး အဲဒီအတွက်နဲ့ သူ့ဘဝရဲ့အရေးကြီးတဲ့အရာတွေကို မေ့လျော့နေခဲ့တာပါ။ ကျောင်းပြီးဖို့တစ်လအလို စီနီယာနှစ်မှာမှ စတက်ဖနီတစ်ယောက် ဘယ်လိုတွေကြုံတွေ့ခဲ့ရလို့များ ၃၇နှစ်အရွယ်အထိ အထက်တန်းကျောင်းသူအဖြစ် သံသရာလည်နေခဲ့ရလဲဆိုတာကို အဖြေရှာရင်း ပေါ့ပေါ့ပါးပါး comedy teenage ဇာတ်လမ်းလေးကို ကြည့်ရှုလိုက်ကြပါဦး Pitch Perfect ထဲက Fat Amy အဖြစ် သရုပ်ဆောင်ခဲ့တဲ့ Rebel Wilson က old Stephannie အဖြစ် သရုပ်ဆောင်ထားပါတယ် အညွှန်း နဲ့ ဘာသာပြန်ကတော့ MTA ပဲ ဖြစ်ပါတယ် Genre.....Comedy Quality….1080p | 720p| 480p File size…1.8GB | 800MB | 290MB Format…mp4 Duration….1h 51min Subtitle….Myanmar Subtitle (Hardsub) Translator ..... MTA Encoder .....August

Boomika (2021) အိမ်ရာစီမံကိန်းပရောဂျက်တစ်ခုကိုရေးဆွဲဖို့အတွက် ၁၀နှစ်တာလောက် စွန့်ပစ်ထားခြင်းခံထားရတဲ့ ဗြိတိသျှခေတ်က ရဲတိုက်ကြီးတစ်ခုဆီကို မိသားစုတစ်စုထွက်လာကြတယ်... ရဲတိုက်ကြီးက ဟိန်းနေပြီး ခြံဝန်းကြီးကလည်း အကျယ်ကြီး... ရဲတိုက်ကြီးဆီရောက်ပြီး သူတို့တွေ ခဏတထောက်နားကြရင်း ခရစ်ရှနားဆိုတဲ့ သူငယ်ချင်းကောင်လေးတစ်ယောက်နဲ့ စာပို့စကားပြောနေကြတယ်... သိပ်မကြာခင်မှာပဲ အဲ့ဒီကောင်လေးဟာ လွန်ခဲ့တဲ့ ၁နာရီလောက်ကတည်းက ယာဉ်တိုက်မှုကြောင့် သေဆုံးသွားပြီဆိုတာ သိလိုက်ရတဲ့အခါ.. တဖြည်းဖြည်းနဲ့ ရဲတိုက်ကြီးအတွင်းမှာလည်း သဘာဝလွန်ဖြစ်ရပ်တွေ ဖြစ်ပေါ်လာပါတော့တယ်... သူတို့ အဲ့ဒီရဲတိုက်ကြီးကနေ ထွက်ပြေးလေလေ ပိုအချုပ်ကျလေလေ ဖြစ်လာတဲ့အခါ... ရှေ့ဆက်ဘယ်လိုရင်ဆိုင်ကြမလဲဆိုတာတော့....။ Review by : May Zin Oo Translated by : May Zin Oo and Mya File size…2.33 GB and 1.5 GB and 487MB Quality….WEB-DL 1080p 5.1CH and 720p and 480p Format…mp4 Duration…. 2h 3min Subtitle….Myanmar Subtitle (Hardsub) Translator ..... May Zin Oo and Mya Encoder ..... August

အိန္ဒိယအမေရိကန်ကပြားတစ်ယောက် အဓိကဇာတ်ကောင်အနေနဲ့ပါတဲ့ Disney Channel ရဲ့ပထမဆုံးဇာတ်ကားဖြစ်ပါတယ်။ တစ်ကားလုံး အင်္ဂလိပ်စကားပြောတာမို့ အိန္ဒိယကားမဟုတ်တဲ့အတွက် အကတွေအဆိုတွေဟာ ဇာတ်လမ်းအရ ယုတ္တိရှိရှိပဲ ပါတာမျိုးဖြစ်ပါတယ်။ ရီယာဟာ အဖေဖြစ်သူရဲ့ဆန္ဒအရ ကွန်ပြူတာကုတ်ရေးပညာကို ကျောင်းမှာသင်ယူရင်း မိသားစုစားသောက်ဆိုင်အလုပ်ကိုကူညီနေရသူပါ။ သူဟာ ကျောင်းပွဲတော်မှာဖျော်ဖြေမယ့် ဒီဂျေသမားကောင်လေး မက်စ်ကို သဘောကျရာကနေ ဒီဂျေသင်ယူဖို့ကြိုးစားရင်း Beat တွေဖန်တီးတဲ့နေရာမှာ ပါရမီပါတာ သိလိုက်ရပါတယ်။ မက်စ်စပ်ထားတဲ့ သီချင်းကို ကျောင်းပွဲတော်စီစဉ်သူက သဘောမကျတဲ့အခါ ရီယာဟာ ပညာရေးနဲ့ မိသားစုအလုပ်တွေကြားက လုံးပမ်းရင်း သူ့အတွေးအမြင်သစ်တွေ ခံစားချက်သစ်တွေနဲ့ ဆန်းသစ်တဲ့တီးလုံးတွေဖန်တီးဖို့ မက်စ်ကိုကူညီပေးပါတော့တယ်။ အိန္ဒိယမင်းသမီးဇာတ်ကောင်နဲ့ အမေရိကန်ဇာတ်ကားတစ်ကားဖြစ်ပြီး အိန္ဒိယရိုးရာနဲ့ အနောက်တိုင်း DJ ကို ရောစပ်ပြသထားတဲ့ musical အမျိုးအစားမို့ ဆန်းသစ်တဲ့မြူးမြူးကြွကြွကားမျိုးကြိုက်သူတွေအတွက်တင်မကပဲ DJ တီးလုံးဖန်တီးမှုတွေပါ အသားပေးဖော်ပြထားတဲ့ကားမို့ သာမန်မဟုတ်ပဲ စိတ်ဝင်စားစရာကောင်း ရသပေါင်းစုံရစေတဲ့ ဇာတ်ကားတစ်ကားဖြစ်ပါတယ်။ ဘာသာပြန်ပေးထားသူတွေကတော့ JimX , JoJoVa , Pyi T Nyein , Yoon Sandi Aung တို့ ဖြစ်ပြီး Thit San Khant မှ Encode တင်ဆက်ပေးထားပါတယ် Quality - 1080P & 720P Web Dl Subtitle - Burmese Duration -  01:34:15 Format - MP4 File Size - 1.45 GB & 808 MB Encoder - Thit San Khant Translator - CM Team

Agnyaathavaasi (2018) "နန်းပြင်က အိမ်ရှေ့မင်းသား" 2018 က ထွက်ရှိခဲ့တဲ့ နာမည်ကြီး တေလဂူး Action/Thriller ကားလေးကို CM ပရိသတ်ကြီးအတွက် တင်ဆက်ပေးလိုက်ပါတယ် အိန္ဒိယရဲ့ အချမ်းသာဆုံးမင်းသားတွေထဲက တစ်ယောက်ဖြစ်တဲ့ မင်းသား Pawan Kalyan နဲ့ မင်းသမီးချောလေး Keerthy Suresh တို့ ပါဝင်ထားကြပါတယ် "Revenge is the best dish best-served cold" "လက်စားချေခြင်းဆိုတာ အေးမှ စားလို့ကောင်းတဲ့ ဟင်းလျာတစ်ခွက်ပါပဲ" တစ်ခုမတူတာကတော့ ဒီကားထဲက မင်းသားက လက်စားချေခြင်းကို အေးမှ စားသုံးမယ့်လူမျိုးမဟုတ်ပဲ... မြန်နိုင်သမျှအမြန်ဆုံး သူ့ရဲ့အဖေနဲ့ ညီလေးကို သတ်သွားတဲ့သူတွေကို လက်စားချေလိုစိတ်ဖြစ်နေသူပါ သူ့ရဲ့ ဝသီအရ "သစ်ပင်တွေကို အထပ်ထပ်ညှင်းပန်းပြီးမှ သက်တောင့်သက်သာ ထိုင်လို့ရတဲ့ ကုလားထိုင်တစ်လုံးဖြစ်သလိုမျိုးပဲ ... သူ့ရဲ့ ရင်ထဲက အာဃာတရန်ငြှိုးတွေ ချုပ်ငြိမ်းပြီး သက်တောင့်သက်သာ နေနိုင်ဖို့ လက်စားချေခြင်းကို အမြန်ဆုံးလုပ်နိုင်မှ အေးမယ်လို့ တွေးထားသူပါ ဇာတ်လမ်းအစမှာ ဗင်ဒါဆိုတဲ့ AB လုပ်ငန်းစုပိုင်ရှင်တစ်ယောက်နဲ့ သူရဲ့သားအငယ် လုပ်ကြံခံလိုက်ရပါတယ် သူ့ရဲ့နောက်မိန်းမဖြစ်သူ အင်ဒါရာနီက ဗင်ဒါကို သတ်တဲ့လူတွေရဲ့ အသံဖိုင်ကို သိထားပြီး လူတစ်ယောက်ကို ခေါ်ခိုင်းလိုက်ပါတယ် အဲဒီလူကတော့ နယ်မှာနေထိုင်နေတဲ့ ဗင်ဒါရဲ့ သားအကြီး အာဘီပါပဲ... တနည်းပြောရရင် နန်းပြင်က အိမ်ရှေ့မင်းသားပေါ့ သတင်းကြားချင်းချင်း မြို့တက်လာပြီးတော့ သူ့ရဲ့ အဖေကို သတ်သွားတဲ့ ဗာမာနဲ့ ရှာမာရ်ကို ရအောင် လက်စားချေဖို့ အစီအစဥ်ဆွဲပါတော့တယ် သူတို့ရဲ့ ကုမ္ပဏီကို ဝန်ထမ်းအသစ်တစ်ယောက်အနေနဲ့ နာမည်အတုနဲ့ ဝင်ရောက်ပြီး တစ်နေ့မှာတော့ ချောမောလှပလွန်းတဲ့ ဗာမာရဲ့ သမီးဖြစ်သူနဲ့ ရင်းနှီးကျွမ်းဝင်ဖြစ်ပါတယ် သူ့ရဲ့ သမီးကို အသုံးချပြီး အာဘီတစ်ယောက် သူ့ရဲ့ ရည်ရွယ်ချက်ဖြစ်တဲ့ အဖေနဲ့ညီဖြစ်သူအတွက် လက်စားချေနိုင်မှာလားဆိုတာကိုတော့ ... ကျန်တာမကြည့်ပဲ မင်းသမီးလေးနဲ့တင် တန်နေပြီမို့လို့ CM ပရိသတ်ကြီးအတွက် ညွှန်းပေးလိုက်ရပါတယ် အညွှန်းနဲ့ဘာသာပြန်ကတော့ V ~ Zwe Yan ~ ToMo ~ KKKZ တို့ ဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…1.4GB Quality…WEB DL 1080p /720p Format…mp4 Duration….2h 38m Subtitle….Myanmar Subtitle (Hard Sub) Encoder….YK Translated by CM Bollywood Team