Barry Pepper ပါဝင်သော ဇာတ်ကားများ

Newborn (2026) +++++++++++ psychological thriller ဇာတ်ကားကောင်းတွေကြိုက်တတ်တဲ့ သူအတွက် ရင်တမမနဲ့ ကြည့်ရမယ့် ရုပ်ရှင်ကားသစ်တစ်ကားကို တင်ဆက်ပေးလိုက်ချင်ပါတယ်။ ဇာတ်လမ်းအကျဉ်းကတော့ ညီငယ်ဖြစ်သူရဲ့ ကားတိုက်မှုကို ကိုယ်စားဝင်ထောင်ကျခံပေးရာကနေ ထောင်ထဲမှာ လူသတ်မှုနဲ့ မတရားစွပ်စွဲခံရကာ ခုနစ်နှစ်ကြာတိုက်ပိတ်အကျဉ်းချခံခဲ့ရပြီး ပြန်လွတ်လာတဲ့ ခရစ်စနယူးဘွန်းဆိုသူရဲ့ ဘဝအကြောင်းကို ရိုက်ကူးထားတာပါ။ ခရစ်တစ်ယောက် အပြင်လောကကို ပြန်ရောက်လာတဲ့အခါ မိသားစုနဲ့ ပြန်အဆင်ပြေအောင် ကြိုးစားရင်း၊ တစ်ဖက်မှာလည်း အထီးကျန်ဆန်လှတဲ့ တိုက်ပိတ်အကျဉ်းထောင်ရဲ့ စိတ်ဒဏ်ရာတွေကြောင့် သူကြုံတွေ့နေရတဲ့ အမှန်တရားနဲ့ ထင်ယောင်ထင်မှား ဖြစ်ရပ်တွေကြားထဲမှာ စိတ်လှုပ်ရှားဖွယ် ရုန်းကန်ရပုံတွေကို ခံစားကြည့်ရှုရမှာ ဖြစ်ပါတယ်။ လွတ်မြောက်လာပေမယ့် ရင်ဆိုင်နေရတဲ့ စိတ်ပိုင်းဆိုင်ရာ ပိတ်လှောင်မှုတွေက ပရိသတ်ကို ဇာတ်ရှိန်အပြည့်နဲ့ ဆွဲခေါ်သွားမှာပါ။ မင်းသားကြီး David Oyelowoရဲ့ ပြောင်မြောက်လှတဲ့ သရုပ်ဆောင်ချက်တွေကြောင့် ဇာတ်ကောင်ရဲ့ မွန်းကြပ်ဖွယ်ရာ စိတ်ခံစားချက်တွေကို ကိုယ်တိုင်ကိုယ်ကျ စီးမျောခံစားရမှာဖြစ်လို့ မလွတ်တမ်းကြည့်ရှုသင့်တဲ့ ဇာတ်ကားကောင်းတစ်ကားအဖြစ် ညွှန်းဆိုပေးလိုက်ချင်ပါတယ်။ File Size… (1.01GB) / (632MB) Quality… WEB-DL 1080p HEVC / 720p Format…mkv / mp4 Duration…1h 42m Genre ….Drama , Thriller Subtitle….Myanmar Subtitle (Hard Sub)

IMDb Rating - 7.6/10 History , Drama , Crime ကျွန်ဘဝကနေ လွတ်မြောက်လာပြီး အမေရိကန်ရဲ့ ပထမဆုံး လူမည်း ရဲအရာရှိဖြစ်လာတဲ့ ဘက်စ်ရိစ်ရဲ့ အကြောင်းကိုရိုက် ကူးထားတဲ့ western ဇာတ်လမ်းတွဲကောင်းဖြစ်ပါတယ်။ Rating 7.6 နဲ့ အတော်လေးကောင်းပြီး ရှားပါးတဲ့ သမိုင်းနောက်ခံဇာတ် လမ်းလည်းဖြစ်ပါတယ်။ အမေရိကန်ပြည်တွင်းစစ်ပွဲမှာ ကူတိုက်ခဲ့ပြီး ...စစ်ပွဲအပြီး မိမိ သခင်ကို သတ်ပြီးထွက်ပြေးလာခဲ့တဲ့ လူမည်းကျွန် ဘက်စ်ရိဗ် ဟာ အင်ဒီးယန်းလူနီတွေရှိရာ အရပ်မှာ ဇာတ်မြှုပ်နေခဲ့ပါတယ်။ တစ်နေ့သူတာဝန်ထမ်းဆောင်ခဲ့တဲ့ စစ်တပ်ထဲက လူဖြူအရာရှိ တစ်ယောက်ကို သံကြိုးတွေနဲ့တွေ့လိုက်ရတာကြောင့် အံ့အား သင့်ပြီး မေးလိုက်မှ အမေရိကန်သမိုင်းကြောင်းပြောင်းလဲသွား တာ သူသိလိုက်ရတယ်။ သမ္မတလင်ကွန်းအနိုင်ရသွားပြီး လူမည်း ကျွန်တွေအားလုံး လွတ်မြောက်ခဲ့ပြီဆိုတာ သိလိုက်တာကြောင့် သူ့မိန်းမရှိရာ မစ္စစပီ အနောက်ဘက် မြစ်ကမ်းဒေသကို ပြန်လာ ခဲ့ပါတယ်။ မိန်းမဖြစ်သူနဲ့ ပေါင်းဖက်ပြီးအေးချမ်းတဲ့ ဘဝလေး ကိုဖြတ်သန်းနေရင်း ဘက်စ်ရဲ့ ဘဝထဲကို အပြောင်းအလဲတွေ ဝင်လာပါတယ်။ နိုင်ငံကို ပြုပြင်ပြောင်းလဲနေချိန်မှာ ရဲဝန်ထမ်း လိုအပ်ချက်အရ ဘက်စ်နဲ့ စစ်ပွဲမှာသိခဲ့တဲ့ လူဖြူရဲတစ်ယောက်နဲ့ ရာဇဝတ်ကောင်တွေကိုကူညီလိုက်လံနှိမ်နင်းရင်း ရဲမှူးတစ်ယောက် ဖြစ်လာပြီး ဘက်စ်ရိဗ်ရဲ့ စွန့်စားခန်းတွေကို ရိုက်ပြထားတဲ့ ဇာတ် လမ်းကောင်းလေးဖြစ်ပါတယ်။ (ဒီစီးရီးရဲ့ အညွှန်းနဲ့ဘာသာပြန် ရေးသားပေးသူကတော့ Thiha Yan Naing ဖြစ်ပါတယ်။) File Size.............(300 MB) / (600 MB) Quality...............WEB-DL 720p / 1080p Total Episodes...... 8 Duration............50Mins(@Episode) Subtitle..............Myanmar Hardsub Format...............MP4 Genre.................History , Drama , Crime Translator..........Thiha Yan Naing Encoder..............SWM

ဒီဇာတ်လမ်းကတော့ ဓားပြတိုက်မှုမှာပါခဲ့တဲ့ ဒါရိုက်ဘာတစ်ယောက် သူ့သူဌေးဆီကနေ ထူးခြားတဲ့အမိန့်တစ်ခုကိုရခဲ့တယ်။ အဲဒါကတော့ ဓားပြတိုက်တဲ့ လူနှစ်ယောက်ထဲက လူသစ်ကောင်လေးက ပိုက်ဆံခိုး ခဲ့တယ်ဆိုတဲ့ သံသယဝင်မှုနဲ့ စစ်မေးပြီးသတ်ဖို့ သူတို့ဆီခေါ်လာခိုင်းတာ ဖြစ်ပါတယ်။ အဲဒီမှာ ရိုးသားပွင့်လင်းတဲ့ကောင်လေးကို အသတ်ခံရဖို့ ခေါ်ခဲ့ရမလား ဒါမှမဟုတ် သူ့ကိုအမှန်အတိုင်းဖွင့်ပြောပြီး လွှတ်ပေးရ မလားဆိုတာကို ဒါရိုက်ဘာလုပ်သူက စဥ်းစားရပါတော့တယ်။ ဒီဇာတ်လမ်းက သစ္စာရှိမှုနဲ့ ကိုယ်ကျင့်တရားကို အဓိကပုံဖော်ထားပြီး ကြည့်နေရင်းရင်ထဲခံစားသွားရစေမဲ့ဇာတ်လမ်းကောင်းတစ်ပုဒ်ဖြစ်ပါ တယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thwal Htoo zin ဖြစ်ပါတယ်) File Size..........(1.44 GB) / (553 MB) Quality............WEB-DL 1080p / 720p Duration.........1Hr 36Min Subtitle...........Myanmar Hardsub Format............MP4 Genre..............Crime, Thriller Translator.......Thwal Htoo zin Encoder..........Zin Phyo Aung

စတားလုံး ပါဝင်ခဲ့တဲ့ လက်ဝှေ့ရုပ်ရှင်တွေရဲ့ နောက်ဆက်တွဲအဖြစ် မျိုးဆက်သစ်လက်ဝှေ့သမားကို အဓိကထား ရိုက်ကူးထားတဲ့ ခရိဇာတ်လမ်းရဲ့ တတိယကားပါ။ မိုက်ကယ်ဘီဂျော်ဒန် သရုပ်ဆောင်ထားတဲ့ ခရိဟာ ဒီဇာတ်ကားအစမှာ ဟဲဗီးဝိတ်ကမ္ဘာ့ချန်ပီယံဆုတွေ အကြိမ်ကြိမ် ရခဲ့ပြီး လက်ဝှေ့လောကကနေ အနားယူထားပါပြီ။ လက်ချောင်းအရိုးအက်တာ၊ မျက်ခုံးကွဲတာတွေကအစ ဒဏ်ရာဟောင်းတွေလည်း အများကြီး ကျန်နေခဲ့တယ်။ အခုတော့ မိသားစုနဲ့အတူ အေးအေးချမ်းချမ်း နေထိုင်ရင်း လက်ဝှေ့သမားလေးတွေကို ပျိုးထောင်ပေးနေပါတယ်။ တစ်နေ့မှာ သူ့ထက်အသက်ကြီးတဲ့ ငယ်သူငယ်ချင်း ဒိမ်းနဲ့ ပြန်ဆုံဖြစ်တယ်။ ဒိမ်းက ထောင်ထဲမှာ ၁၈ နှစ်လောက် နေခဲ့ရပြီးမှ ပြန်လွတ်လာသူပါ။ နှစ်ယောက်ကြားမှာ အတိတ်က အကြောင်းတွေလည်း ရှိခဲ့ကြတယ်။ အသက်ကြီးလာပေမယ့် လက်ဝှေ့အပေါ် စိတ်မကုန်သေးတဲ့ ဒိမ်းက ခရိလို ချန်ပီယံတစ်ယောက် ဖြစ်ချင်နေဆဲမို့ သူ့ကို ကူညီပေးဖို့ ခရိဆီ တောင်းဆိုလာပါတယ်။

နက်ဖလစ်ရဲ့ နောက်ထပ်ရုပ်ရှင်သစ်တစ်ကားထွက်လာပါပြီ။ ဒါကလည်း ကမ္ဘာပျက်တဲ့ကားပါပဲ။ ဒီတစ်ခါ အရင်နဲ့မတူအောင်ပျက်ရမှာပေါ့။ ထူးခြားတဲ့ အဖြစ်အပျက်တစ်ခုကြောင့် တစ်ကမ္ဘာလုံးက လျှပ်စစ်တွေအကုန် ပြတ်တောက်သွွားပြီး လူတွေအကုန်လုံး အိပ်နိုင်စွမ်းကို ဆုံးရှုံးသွားပါတယ်။ မေ့ဆေးပေးတောင် အိပ်လို့မရတော့ပါဘူး။ သေတာနဲ့နိုးနေတာ နှစ်မျိုးပဲ ကျန်ပတော့တယ်။ လူတွေဟာ မအိပ်ဘဲနေနိုင်တဲ့ ရက်အကန့်အသတ်ရှိပါတယ်။ ရက်ကြာလာတာနဲ့အမျှ တွေးခေါ်နိုင်စွမ်းတွေ ပျောက်လာတယ်၊ ထင်ယောင်ထင်မှားတွေ မြင်လာတယ် ၊ ချိနဲ့လာတယ် စသည်ဖြင့်ပေါ့။ ဒီတော့ ရက်ပိုင်းအတွင်းမှာ မလွှဲမရှောင်သာ ကမ္ဘာပျက်ပါတော့မယ်။ အဲဒီအချိန်မှာပဲ အိပ်လို့ရနေတဲ့ ကလေးမလေးတစ်ယောက်ကို တွေ့သွားကြတဲ့အခါ သူ့ကိုစမ်းသပ်ပြီး အချိန်မီ ကုထုံးကိုရှာဖို့ ကြိုးစားကြပါတော့တယ်။ ဒါပေမယ့် ကလေးမလေးရဲ့အမေကလည်း သူ့ကလေးကို ကာကွယ်ဖို့အတွက် အစွမ်းကုန်ကြိုးစားလာတဲ့အခါ... File size…(1.7 GB) and (1 GB) Quality….web 1080p and 720p Format…mp4 Duration….02:36:00 Subtitle….Myanmar Subtitle (Hardsub) Encoder….Mr. Anderson Translated by Mr. Anderson

Trigger Point (2021) IMDb Rating - 4.8/10 Action, Thriller လူး၀စ်ဆိုတဲ့ လူတစ်ယောက်ဟာ အမေရိကန် မြို့လေးတစ်မြို့မှာ နေထိုင်တယ်၊ သူဟာ ဒီမြို့ရဲ့ သာမန်လူတွေထဲက တစ်ယောက်တော့ မဟုတ်ဘူး သူဟာ အတိတ်မေ့နေတဲ့ လူတစ်ယောက် နောက်ပြီး အတိတ်ဘ၀ကို မလိုချင်တော့တဲ့ သူတစ်ယောက်၊ သူဘာကြောင့် ဒီဘ၀ကို ပြန်မလိုချင်ရတာလဲဆို သူဟာ အရင်က နီကိုးလပ်စ်ရှောလို့ အမည်ရတဲ့ ပြဿနာတွေ ဒုက္ခတွေကြုံခဲ့ရတဲ့သူ ဖြစ်နေလို့ပါပဲ၊ သူအတိတ်မေ့ရခြင်းရဲ့ အကြောင်းရင်းကြီးပေါ့ ဒါပေမယ့် တစ်နေ့မှာ အလိုက်စ် ကိန်းဆိုတဲ့ လူတစ်ယောက် လူး၀စ်ဆီ ရောက်လာပြီး သူပြန်မလိုချင်တဲ့ ဘ၀ထဲကို ပြန်ဆွဲခေါ်ပါတော့တယ်။ အကြောင်းရင်းကတော့ သူ နီကိုးလပ်စ်ဘ၀က တာ၀န်ထမ်းဆောင်ခဲ့တဲ့ နေရာက မိတ်ဆွေတွေ တစ်ယောက်ပြီးတစ်ယောက် အသတ်ခံရပြီး အလိုက်စ်ရဲ့ သမီးဖြစ်သူ မော်နီကာဟာလည်း ပျောက်ဆုံးသွားပါတယ်။ ဒီတော့ နီးကိုးလပ်စ်နဲ့ အလိုက်စ်တို့ ၂ ယောက် ပူးပေါင်းပြီး ပျောက်သွားတဲ့ မော်နီကာကို ရှာရင်း အဖြေမပေါ်သေးတဲ့ ပြဿနာတွေကို အဖြေရှာဖို့ ကြိုးစားပါတော့တယ် .... ဒီဇာတ်လမ်းထဲမှာ မင်းသားကြီး Barry Pepper က နီကိုးလပ်အဖြစ် သရုပ်ဆောင်ထားပြီး အက်ရှင်တွေ စိတ်လှုပ်ရှားဖွယ် အခန်းတွေပါ၀င်တာကြောင့် အတိုက်အခိုက်ကြိုက်သူတို့အတွက် အပန်းပြေစေမယ့် ဇာတ်လမ်းတစ်ပုဒ်ဖြစ်ပါတယ်။ (ဒီဇာတ်လမ်းရဲ့ အညွှန်းကို Yoon Sandi Aung မှရေးသားပေးပြီး၊ ဘာသာပြန်ရေးသားပေးသူများကတော့ Yoon Sandi Aung, Jerrica, Amelia တို့ပဲ ဖြစ်ပါတယ်။) Quality – 1080p, 720p BluRay 5.1CH Duration - 1h 25min Subtitle – Myanmar Hardsub Format – Mp4 Genre : Action, Thriller Source : 1080p.BluRay.5.1CH Translator – Yoon Sandi Aung, Jerrica, Amelia Encoder – SWM

ရုံမှာ ရင်တထိတ်ထိတ်နဲ့ ကြည့်ခဲ့ရတဲ့ ဟော်ရာ ကားကောင်းတစ်ခုကို တင်ပေးထားပါတယ်။ အရမ်းလန့်တတ်တဲ့ သူတွေတော့ သတိထားကြည့်သင့်ပါတယ် ဇာတ်လမ်းအကျဉ်းကတော့ ရေကူးအားကစားမယ် တစ်ယောက်ဖြစ်တဲ့ ဟေလီဟာ သူနဲ့ စိတ်ဆိုးပြီး စကားမပြောဖြစ်တဲ့ အဖေ့ဆီကို သွားဖို့ အကြောင်းဖန်လာပါတယ်။ အကြောင်းကတော့ အင်အားကြီး ဟာရီကိန်းမုန်တိုင်းတစ်ခု တိုက်မယ့်နယ်မြေထဲမှာ ဟေလီရဲ့ အဖေဟာ အဆက်အသွယ်ပြတ်ပြီး ပျောက်နေလိုူ့ပါပဲ။ သူ့အဖေဆီကို ရောက်သွားတဲ့အချိန်မှာ အဖေဖြစ်သူ ဘာလို့ ရောက်မလာနိုင်လဲ ဆိုတဲ့အကြောင်းရင်းကို သူကိုူယ်တိုင် တွေ့လိုူက်ရပါတော့တယ်။ ရေလျှံပြီး ရောက်နေတဲ့ မိကျောင်းတစ်ကောင် ကြောင့်ပါပဲ။ ရေထဲမှာ ပြိုင်ဘက်ကင်းသားရဲလိုူ့ ပြောလိုူ့ရတဲ့ မိကျောင်းနဲ့ ငါးတစ်ကောင်လို ရေကူး ကျွမ်းကျင်သူတို့ ရေထဲမှာ ရင်ဆိုင်ကြရတ့အခါ ဘယ်လိုတွေ ဖြစ်လာမလဲဆိုတာ ကြည့်ရမှာပါပဲ။

Maze Runner: The Death Cure (2018) IMDb.....6.3 ဒီ Maze Runner 3 မှာတော့  ​ပထမ၂ကားထဲက လွတ်​​မြောက်​လာကြတဲ့​​ ကောင်​​လေးတွေထဲက သောမတ်စ်က လွတ်​​မြောက်​လာတဲ့ လူ​တွေကို စုစည်းပြီး သူ့သူငယ်​ချင်း​တွေကို ကယ်​ဆယ်​ဖို့ ရည်ရွယ်ကာ အဖွဲ့တစ်ဖွဲ့ကို တည်ထောင်ခဲ့ပါတယ်။ ဒီလိုနဲ့ တစ်​ရက်​မှာ မလွတ်​​သေးဘဲ ကျန်​​နေခဲ့​သေးတဲ့ သူ့သူငယ်​ချင်းတွေကို တင်​​ဆောင်​လာတဲ့ ရထားကို ဖြတ်​တိုက်​ပြီး​တော့ ကယ်​ဖို့ကြိုးစားရင်း မ​အောင်​မြင်​ဘဲ သောမတ်စ်တစ်ယောက် သူ့ရဲ့ အဖွဲ့နဲ့အတူ Cranks(Zombie)​ တွေရှိနေတဲ့ လိုဏ်ခေါင်းထဲကို ရောက်သွားပြီး အန္တာရယ်တွေနဲ့ ရင်​ဆိုင်​ကြရပြန်ပါတော့တယ်.. သူတို့ထဲကမှ ဒီဖုတ်​​ကောင်​ကူးစက်​တဲ့​ရောဂါကို ခံနိုင်​ရည်​ရှိတာက​တော့ မင်​ဟိုဆိုတဲ့ ​ကောင်​​လေးပါ.. ဒီလိုနဲ့ မင်​ဟိုကို ​ဖြေ​ဆေး​ဖော်​ဖို့ The Last City မြို့က လူ​တွေက လိုက်​ဖမ်းရင်း ​နောက်​ဆုံးမှာ သူတို့ ဘယ်​လို​တွေဖြစ်​ကြမလဲ.. ဖုတ်​​ကောင်​​တွေရန်​က​ရော ကာကွယ်​နိုင်​ပါ့မလား.. Maze ထဲကလွတ်​​မြောက်​လာတဲ့ ပထမဆုံး Runner ​တွေက​ရော ဘာအတွက်​ ​ထွက်​​ပြေး​နေရတာလဲ.. ဆိုတာကို​တော့ ကိုယ်တိုင်ကိုယ်ကျပဲ ဆက်​လက်ရှုစားလိုက်ပါဦး.. (ဘာသာပြန်သူကတော့ ကို အာကာဖြိုး ပါ) File Size : 2.65GB/ 1.29GB Quality : Blu-Ray 1080p 5.1 CH/720p Format…mp4 Duration…02:24:00 Genre : Action, Mystery, Sci-Fi Subtitle : Myanmar Subtitle (Hard Sub) Translated by Arkar Phyo Encoded by Tiff

မွန်းစတားလေးတွေနဲ့ စွန့်စားခန့်ဖွင့်တဲ့ စိတ်ကူးယဉ်ကားတွေကို နှစ်သက်ပါသလား။ ဒါဆိုရင် ဒီကားဟာ သင်တို့အတွက်ပါ။ ဇာတ်လမ်းအကျဉ်းမှာတော့ ရေနံကုမ္မဏီကြီးတစ်ခုဟာ ရေနံတူးရင်းနဲ့ မြေအောက်နက်တစ်နေရာက ရှေးဦးကုန်းနေရေနေသတ္တဝါဆန်းတွေ နေတဲ့နေရာကို တူးမိသွားပြီး အကောင်ဆန်းအချို့ မြေပေါ်ကို လွတ်လာခဲ့ပါတယ်။ ဒါပေမယ့် ရေနံတူးခွင့်ပိတ်သွားပြီ စီးပွားရေးထိခိုက်မခံနိုင်တာကြောင့် မြေအောက်က သက်ရှိတွေရှိတဲ့အကြောင်းကို ဘယ်သူမှမသိနိုင်အောင် အဲဒီ သတ္တဝါဆန်းကြီးတွေကို နှုတ်ပိတ်ရှင်းလင်းဖို့ကြိုးစားပါတော့တယ်။ လွတ်သားတဲ့ အကောင်လေးဟာ ကားဝါသနာအိုး ထရစ် နဲ့တွေ့ပြီး မိတ်ဆွေတွေဖြစ်လာခဲ့ပါတယ်။ ထရစ်ရဲ့ ကားအစုတ်ဟာလည်း သတ္တဝါလေးရဲ့ ထူးဆန်းတဲ့အစွမ်းကြောင့် ဘယ်ကားနဲ့မှ မတူတဲ့ ကားတစ်စီးဖြစ်လာခဲ့ပြီး သူတို့တွေ ပူးပေါင်းပြီး ရေနံကုမ္မဏီကဖမ်းထားတဲ့ အကောင်တွေကို ကယ်ဖို့နဲ့ သူတို့အားလုံး အိမ်ကိုပြန်နိုင်ဖို့ ကြိုးစားကြပုံလေးပါ။ File Size       :   751 MB Duration      :   1 hr 44 min Quality         :   Bluray rip Translator    :  Littleneo Encoder        :  Littleneo

Maze Runner: The Scorch Trials (2015) IMDb.....6.3 အားလုံးပဲစောင့်မျှော်နေကြတဲ့ Maze Runner 2 လာပါပြီ.. ဒီ Maze Runner 2 မှာတော့ သောမတ်စ် ဆိုတဲ့ကောင်လေးကို WCKD အဖွဲ့က အဖွဲ့ဝင်တွေ ခေါ်ဆောင်သွားတာနဲ့ အစပျိုးထားပါတယ်... နှစ်တွေကြာလာတဲ့ အချိန်မှာတော့ သောမတ်စ်နဲ့အတူ ကျန်ရှိနေသေးတဲ့ ဂလိတ် အဖွဲ့ဝင်တွေကို မစ္စတာ ဂျန်ဆန်က ကယ်တင်ခဲ့တယ်.. သူကတော့ WCKD အဖွဲ့ဝင်တွေရဲ့ ရန်ကနေ ကယ်တင်ပေးဖို့လို့ ပြောပေမဲ့ သောမတ်စ်က မသင်္ကာလို့ စုံစမ်းလာတဲ့ အခါမှာတော့ မစ္စတာ ဂျန်ဆန်ကလည်း WCKD အဖွဲ့နဲ့ ပူးပေါင်းလုပ်ကိုင်နေတယ်ဆိုတာကို သူ သိလာခဲ့ရပါတယ်.. ဒီနောက်ပိုင်းမှာတော့ သူတို့တွေ ဘယ်လိုကြိုးစားရုန်းကန်ကြမလဲဆိုတာကိုတော့ ရုပ်ရှင်ထဲမှာ ဆက်လက်ရှုစားလိုက်ပါဦး.. (ဇာတ်ကားအညွန်းရေးသူကတော့ Carey Nyein ပဲဖြစ်ပါတယ်) File Size : 1.89GB/ 980MB Quality : Blu-Ray 1080p 5.1 CH/720p Format…mp4 Duration…02:12:00 Genre : Action, Mystery, Sci-Fi Subtitle : Myanmar Subtitle (Hard Sub) Translated by  ကျော်ကျော် (CU-Mdy) Encoded by Tiff

Broken City (2013) IMDb Rating - 6.1/10 မင်းသားကြီး Russell Crowe  နဲ့ Mark Wahlberg တို့ပါဝင်တဲ့ သည်းထိပ်ရင်ဖို မှုခင်းဇာတ်ကားကောင်းပါ လူသတ်မှုတခုအတွက် စွပ်စွဲခံခဲ့ရပေမယ့် မြို့တော်ဝန်ရဲ့ တာဝန်ခံမှုနဲ့ တရားရုံးပေါ်ကို သက်သေတွေ မရောက်လာမှုတို့ကြောင့် လွတ်မြောက်ခဲ့တဲ့ ရဲဖြစ်သူ ဘီလီဟာ အလုပ်ကထွက်ပြီး အလွတ်စုံထောက်အဖြစ် အသက်မွေးဝမ်းကြောင်းပြုနေပါတယ်.... မြို့တော်ဝန်ဟာ ဘာမဆိုလက်ရဲဇက်ရဲ လက်သိပ်ထိုးဖြေရှင်းပြီး ကွက်ကျော်ရိုက်သူဆိုတာ သူအဲ့ကတည်းက ရိပ်မိနေခဲ့ပါတယ်။ နှစ်တွေကြာခဲ့ပြီးနောက်မှာတော့ မြို့တော်ဝန်က သူ့ကိုအလုပ်တစ်ခုအပ်ဖို့ ခေါ်ခဲ့ပါတယ်.... ဒါကတော့ မြို့တော်ဝန်က သူ့မိန်းမက ဖောက်ပြန်နေတယ်လို့ ယူဆပြီး ဘီလီ့ကို သတင်းလိုက်နှိုက်ခိုင်းပြီး စုံစမ်းခိုင်းတာပါ။ ဒီလိုနဲ့ ကိစ္စတွေဆက်စပ်မိရင်း မြို့တော်ဝန်ဟာ ရွေးကောက်ခံဖို့ကိစ္စတွေ လာဘ်စားဖို့ကိစ္စတွေကအစ မိသားစုကိစ္စအဆုံး အကုန်လုံးမှာ ကလိမ်ကကျစ်ကျထားတာကို ဘီလီတယောက် အနံ့ရသွားတဲ့အခါမှာတော့....သူကိုယ်တိုင်ဒီပြသနာတွေထဲမှာ ဓားခုတ်ရာ လက်ဝင်လျှိုမိသွားပြီဆိုတာ သိတဲ့အခါမှာတော့...။ File size…(1.9 GB )/(920 MB) Quality….BluRay 1080p HEVC / 720p Format…mkv/mp4 Duration….01:49:00 Subtitle….Myanmar Subtitle (Hardsub) Encoder….Ka Naung Trasnlated by Ei Ei Mar

IMDb - 6.4/10 Pirates of the Caribbean ဇာတ်ကား ဖန်တီးရှင် ထုတ်လုပ်သူ Jerry Bruckheimer နဲ့ ဒါရိုက်တာ Gore Verbinski တို့ရဲ့ လက်ရာ ဖြစ်ပြီး Tonto အဖြစ် မင်းသား Johnny Depp ၊ Lone Ranger ခေါ် John Reid အဖြစ် Armie Hammer ၊ Latham Cole အဖြစ် Tom Wilkinson Butch Cavendish အဖြစ် William Fichtner ၊ Red Harrington အဖြစ် Helena Bonham Carter ၊ Dan Reid အဖြစ် James Badge Dale နဲ့ Rebecca အဖြစ် Ruth Wilson တို့ ပါဝင်ထားတဲ့ ဇာတ်ကားပါ………ဇာတ်လမ်းကတော့….. ၁၉၃၃ ခုနှစ် ကာနေဗယ်တော် ကျင်းပနေသည့် ရက်တွင် ဖြစ်သည်။ ဆန်ဖရန်စစ္စကိုတွင် Golden Gate တံတားကြီး စတင်ဆောက်လုပ်နေဆဲ ကာလဖြစ်သဖြင့် ထိုနေရာတွင် လူစည်ကားနေသည်။ Will ဟု အမည်ရသော ချာတိတ်တစ်ယောက်က က ရာဇဝင်ထဲက လူစွမ်းကောင်း Lone Ranger (တစ်ကိုယ်တော် လူစွမ်းကောင်း) ပုံစံ ကောင်းဘွိုင်ဝတ်စုံ ဝတ်ဆင်ပြီး ကာနေဗယ်ပွဲတော်ကျင်းပရာ နေရာကို လှည့်လည် ကြည့်ရှုနေသည်။ ထိုနေရာတွင် Tonto ဟု အမည်ရသော ကိုမန်ချီ အင်ဒီယန်းလူမျိုး တစ်ဦးနှင့် တွေ့ဆုံမိသည်။ Will သတိရလိုက်သည်က Lone Ranger ရဲ့ မိတ်ဆွေ Tonto ကလည်း ကိုမန်ချီ အင်ဒီယန်းဖြစ်သည် ဆိုတာကိုပင်။Tonto က သူနဲ့ Lone Ranger တို့ အနောက်ခြမ်းက ကန္တာရမှာ စွန့်စားခဲ့ကြောင်း၊ မျက်နှာဖုံးစွပ် Lone Range နဲ့ သူနဲ့ နှစ်ယောက်အတူ ဘဏ်ကို ဓားပြတိုက်ခဲ့ကြောင်း ပြောပြသည်။ သို့သော် Will လက်မခံနိုင်။ သူသိထားသည့် Lone Ranger က တရားဥပဒေ စိုးမိုးရေး စွမ်းဆောင်ခဲ့သည့် သူရဲကောင်း၊ ဘဏ် ဓားပြမဟုတ်……….. အဲဒီတော့မှ Tonto က ၁၈၆၉ ခုနှစ်မှာ သူနဲ့ အတူတူ တက္ကဆပ်ပြည်နယ် ကော်ဘီမှာ သောင်းကျန်းခဲ့ဖူးသည့် လူတစ်ယောက်အကြောင်း ပြန်ပြောပြသည်။ ၁၈၇၉ တွင် အမေရိကန်နိုင်ငံရဲ့ အရှေ့ဖက်နဲ့ အနောက်ဖက်ကို ဆက်သွယ်ဖို့ ပြည်နယ်အများအပြားကို ဖြတ်ပြီး ရထားလမ်းဖောက်လုပ်နေသည်။ ရထားလမ်းကို Latham Cole ဆိုသည့် သူဌေးတစ်ဦးက ထိန်းချုပ်ထားသည်။ John Reid ဆိုသည့် လူငယ်လေးက ဒီရထားကို စီးပြီး ဇာတိသို့ ပြန်လာသည်။ John Reid စီးတဲ့ ရထားပေါ်မှာ Texas Ranger တစ်ဦးဖြစ်တဲ့ သူ့အစ်ကို Dan Reid ဖမ်းလာသည့် လူဆိုးကြီး Butch Cavendish လည်း ပါလာသည်။ Tonto ကလည်း အဲဒီရထားကိုပဲ စီးလာသည်ပေါ့………..သို့ပေမယ့် အခြေအနေက အစိုးမရသည်မို့ Butch လွတ်သွားပြီး သူ့ကို ဖမ်းလာသည့် Texas Ranger တွေ အသတ်ခံရသည်။ Tonto က ဒီလူသတ်မှုမှာ ကြားက ဓားစာခံဖြစ်ပြီး ရထားကို အပိုင်စီးခံရသည်။ ဒါပေမယ့် John နဲ့ Dan တို့က ပြန်လည်တိုက်ခိုက်ပြီး Tonto ကို Butch ရဲ့ အဖွဲ့ကလို့ ထင်သွားကြသည်။ အကျိုးဆက်အနေနဲ့ Tonto ကို Dan က ဖမ်းဆီးထားလိုက်ပြီး Butch ကတော့ လွတ်မြောက်သွားသည်။Dan က John ကို Texas Ranger တွေနဲ့အတူ Butch ကို လိုက်လံဖမ်းဆီးဖို့ အကူအညီတောင်းသည်။ တောင်ကြားတစ်ခုတွင် Dan ၊ John နဲ့ Ranger တွေ ပိတ်မိနေစဉ် Ranger တွေ အကုန်အသတ်ခံရပြီး Butch က John ရဲ့ ရှေ့မှာတင် Dan ရဲ့ နှလုံးကို ထုတ်ပြီး စားပြသည်။ John လည်း ဒဏ်ရာကြောင့် မျောသွားပြီး ကိုမန်ချီအင်ဒီယန်းတွေ ယုံကြည်ကြတဲ့ Silver အမည်ရှိ ဝိဉာဏ်မြင်းတစ်ကောင်က သူ့ကို ပြန်အသက်သွင်းပေးလိုက်သည်။ ထောင်က ထွက်ပြေးလာတဲ့ Tonto က ဒီအကြောင်းကို ပြောပြပြီး John တစ်ယောက် တိုက်ပွဲမှာ သူများသတ်လို့ မသေနိုင်တော့ဟု ရှင်းပြသည်။ဒါ့အပြင် တိုက်ပွဲမဖြစ်ခင် ပျောက်ဆုံးသွားသည့် Collins အမည်ရှိ Ranger က သစ္စာဖောက်လို့ Dan သေဆုံးရတာ ဖြစ်ကြောင်း Tonto က သတင်းပေးသည်။ Collins မကြာခင်ကမှ ရောက်ခဲ့သည့် ပြည့်တန်ဆာအိမ်သို့ သွားရှာကြရင်း Red Harrington နဲ့ တွေ့ဆုံမိပြီး Dan နဲ့ Collins တို့ ရန်ဖြစ်သည့်အကြောင်းကို သိရသည်။ အဲဒီအချိန်မှာ ကိုမန်ချီ အင်ဒီယန်းယောင်ဆောင်ထားသည့် Butch ရဲ့ အဖွဲ့ဝင်တွေက ကိုမန်ချီနဲ့ အမေရိကန်တွေရဲ့ နယ်စပ်ကို ဝင်ရောက်တိုက်ခိုက်ကြသည်။ဒီလို ဝင်ရောက်တိုက်ခိုက်တာကြောင့် Dan ရဲ့ မိန်းမ Rebecca နဲ့ သား Danny တို့ ပိတ်မိသွားကြသည်။ သို့သော် မီးရထားလမ်းပိုင်ရှင် Latham Cole က ဝင်ရောက်ကယ်ဆယ်ပြီး Collins ကို ပစ်သတ်လိုက်သည်။ ဒါ့အပြင် ရထားလမ်း ဆက်လက်ဖောက်လုပ်ဖို့နဲ့ ကိုမန်ချီအင်ဒီယန်းတွေကို တိုက်ခိုက်ဖို့ အမေရိကန် မြင်းတပ်ဗိုလ်ကြီး Jay Fullerကို အကူအညီတောင်းသည်။တကယ်တော့ Cole ရော Butch ကပါ ကိုမန်ချီ တွေ ပိုင်ဆိုင်တဲ့ ငွေသတ္ထုတွင်းကို လိုချင်လို့ ဒီဒေသကို ထိုးဖောက်ဝင်ရောက်လာခြင်း ဖြစ်သည်။ ဒီအကြောင်းကို သိသွားရတဲ့ တရားခံဟာ အင်ဒီယန်းကြီး Tonto ဖြစ်သည့်အကြောင်း John သိသွားသည့်အခါ …… File Size : 1 GB Quality : HD 1080p Running Time : 2h 30min Format : Mp4 Genre : Action, Adventure, Western Subtitle : mmsubtitle Encoder : Tariq L Walker

True Gritတဲ့ တစိုက်မတ်မတ်ပြီးဆုံးတဲ့ထိ လုပ်တဲ့လူပေါ့ ဒီရုပ်ရှင်ဟာ ၁၉၆၉ ကထွက်ပြီးသားရုပ်ရှင်ကို ကိုအန်ညီအစ်ကိုနှစ်ယောက်က ၂၀၁၀မှာ remakeပြန်ရိုက်ထားတာ ကိုအန်ညီအစ်ကိုဆိုတာလည်း No Country for old men တို့လို မာစတာပိစ်တွေရိုက်တာဆိုတော့ ထူးထူးထွေထွေ ညွှန်းမနေချင်ဘူး ပါတဲ့လူတွေပြောမယ်ဗျာ Hawkeye မင်းသမီး ဟေလီစတိန်းဖီးလ် နောက်မက်ဒေမွန် Hell or High Water ထဲက ဂျက်ဘရစ်ဂျက်စ် နောက်ဗီလိန်က မောင်သားနို့စ် ဂျို့ရှ်ဘရိုလင် ဇာတ်လမ်းကတော့ ပေါ့ပေါ့ပါးပါးပါပဲ ၁၈၇၀ဝန်းကျင် အမေရိကန်မှာ ကောင်းဘွိုင်တွေ ရိန်းဂျားတွေ မာရှယ်တွေ အခြေချနေထိုင်သူတွေ အင်ဒီးယန်း အတိုအရှည်မျိုးစုံနဲ့ မြင်းတွေစီး လူသတ်ဓါးပြတိုက် တဖောင်းတဒိုင်းဒိုင်းကာလပေါ့ ကောင်မလေးက အပျိုဖြန်းလေးတန်မဲ့ ကြမ်းကြမ်းရမ်းရမ်း တစ်ယောက်နဲ့ တစ်ယောက်ကလည်း အစေးမကပ်တဲ့ လူနှစ်ယောက်နဲ့ အဖေကိုသတ်တဲ့လူနောက် လိုက်တဲ့ စွန့်စားခန်းပါ ခရီးအတူသွားချင်း သံယောဇဉ်နဲ့ စာနာမှုတွေ လူကြမ်းပေမယ့် နှလုံးသားနုတာ အလွမ်းအဆွေး အပစ်အခတ်ပေါင်းစုံပါပဲ IMDB 6.7 ဆိုတော့ မကောင်းမှာတော့ မပူရဘူး ၂၀၁၀ True Grit က အမေရိကန် ကောင်းဘွိုင်စတိုင် မြင်းစီးအပစ်အခတ် ဇာတ်လမ်းတွေ ကြည့်ချင်တဲ့သူအဖို့တော့ မငြီးငွေ့စေရဘူးလို့ပဲ ပြောချင်ပါတယ် File size…(2.2 GB)/(1 GB)/(500 Mb) Quality….Webrip 1080p / 720p / 480p Format…mp4 Duration….01:50:00 Genre...Drama, Western Subtitle….Myanmar Subtitle (Hardsub) Encoder….Mr. Anderson Translated by Brownie

IMDb......7.6 လူတစ်ယောက်ဟာ 911ကို အရေးပေါ်ဖုန်းခေါ်ဆိုရင်း  သူ့ဆီကို လူနာတင်ကားလွှတ်ဖို့ပြောနေတယ်...သူ့မှာမျက်ရည်တွေလည်းရွှဲလို့. . တစ်ဆက်ထဲသူပြောတဲ့စကားတွေက လူတစ်ယောက်အခန်းထဲမှာ သေကြောင်းကြံစည်မှုလုပ်နေလို့  လူနာတင်ယာဉ်ချက်ချင်းလွှတ်ပေးဖို့ရယ် လိပ်စာရယ်ပေါ့... တစ်ဘက်က မေးတယ်  သေကြောင်းကြံတာဘယ်သူလဲတဲ့ ...အဲ့ဒီမှာ ဖုန်းဆက်တဲ့သူက ဖြေတယ်.. ကျွန်တော်ကိုယ်တိုင်ပါပဲတဲ့.... အဲ့ဒီအခန်းပြီးတော့  ဖုန်းဆက်တဲ့သူဟာ လက်ဆွဲအိတ်တစ်လုံး ကားတစ်စီးနဲ့ လူတစ်ချို့ဆီကိုသွားတယ်..အလုပ်နဲ့ပတ်သက်တာပြောတယ်. .ဒါပေမယ့် သူ့မျက်လုံးတွေထဲမှာ ကြေကွဲဝမ်းနည်းမှုတွေ နောင်တတွေပြည့်နှက်နေတယ်. ..တစ်ခါတစ်ရံ ဖုန်းဆက်ပြီး တခြားသူကို အကြောင်းမဲ့ဆဲဆိုတယ်..အချိန်တော်တော်များများမှာတော့ တခြားသူတွေရဲ့လိုအပ်ချက်ကိုလိုက်ရှာပြီးဖြည့်ဆည်းပေးနေတယ်. ..ကြည့်ရတာ သူလုပ်ချင်တာရဲ့ နောက်ဆက်တွဲအကျိုးဆက်ကို ကောင်းတာဖြစ်မလား ဆိုးတာဖြစ်မလား ဝေခွဲရခက်နေတဲ့ပုံပဲ... ဒီဇာတ်ကားက ပြောရရင် ဇာတ်ကားအလည်လောက်ထိ  Will Smith ဘာလုပ်ချင်တာလဲ ...သူဘာဖြစ်နေတာလဲ လိုက်ဖမ်းနေရတယ်.. .နောက်ပြီးတော့ သူ့ရဲ့သရုပ်ဆောင်မှု...ဒီကားဟာ သူတစ်ယောက်ထဲသရုပ်ဆောင်နေသလားတောင်ထင်နေရတယ်... တခြားနာမည်ကြီးသရုပ်ဆောင်တွေပါပေမယ့် သူ့ရဲ့လွမ်းမိုးမှုကြောင့် မြှုတ်နေသလိုဖြစ်နေတယ်. ..ဒါကြောင့်လည်းသူဟာ အကောင်းဆုံးမင်းသားဆုရခဲ့တဲ့အပြင်  BET Award for Best Actor ဆုကိုပါထပ်မံရရှိခဲ့ပါတယ်.. ..သူဟာသေကြောင်းဘာကြောင့်ကြံရတာလဲ...ပြီးတော့လူတွေကိုဘာလို့လိုက်တွေ့ပြီးကူညီပေးနေရတာလဲ ဆိုတာကို ခံစားကြည့်လိုက်ပါဦး... ဇာတ်လမ်းအညွှန်းနဲ့ဘာသာပြန်သူကတော့ Lyric  Lynn  Khant ဖြစ်ပါတယ်... File Size : (850 MB) Quality : Blu-Ray 720p Format…mp4 Duration…02:03:00 Genre : Drama, Romance Subtitle : Myanmar Subtitle (Hard Sub) Translated by  Lyric  Lynn  Khant Encoded by Phyo Pyae

IMDb....7.1,,,Rotten...73% "သူတို့အားလုံးကို ကျွန်တော်အိမ်ပြန်ပို့နိုင်စေရမယ်လို့ ကတိပေးထားတယ်....ဆိုလိုတာက တစ်ဝက်လောက်ကို လိမ်လိုက်ရတဲ့ဆိုတဲ့သဘောပေါ့" ဒီစကားကိုတော့ တပ်ကြပ်ကြီးတစ်ဦးက ဂျပန်ကျွန်းဆွယ်ဖြစ်တဲ့ အီဝိုးဂျီဝါးကျွန်းကို မသိမ်းခင် တပ်ခွဲမှူးအရာရှိကို ပြောနေတဲ့စကားပဲဖြစ်ပါတယ်.။ပြောချင်တာက ဥပမာလူ(၃၀၀)တက်ရင် ၁၅၀သေမယ် ၁၅၀အသက်ရှင်မယ်ပေါ့လေ။ ..ဒီဂျပန်ကျွန်းတက်သိမ်းမယ့် စစ်ဆင်ရေးမှာ သူကိုယ်တိုင်လည်း အသက်ဆုံးရှုံးနိုင်ဖို့ ၇၀ရာနှုန်းလောက်သေချာနေပေမယ့် သူ့ကိုယ်သူထက် လက်အောက်ငယ်သားတွေ အတွက်စိတ်မကောင်းဖြစ်နေပုံပါပဲ.... Flags of Our Fathers ဆိုတာ ဒုတိယကမ္ဘာစစ်အတွင်း အီဝိုးဂျီဝါးကျွန်းကိုတက်သိမ်းစဉ်ဖြစ်ပျက်ခဲ့တဲ့ အကြောင်းကို ရိုက်ကူးထားတဲ့ ဖြစ်ရပ်မှန်မှီငြိမ်းဇာတ်ကားဖြစ်ပါတယ်..... ဒီကျွန်းကိုတက်မသိမ်းခင် ရေတပ်ကအမြှောက်ကြီးတွေက ဗုံးမိုး ရက်(၂၀)လောက်ရွာခဲ့လို့ မြက်ပင်တောင်မရှိတော့ဘူး.... သို့ပေမယ့် ဂျပန်တို့ရဲ မြင့်မြတ်သောကျွန်းအဖြစ်ဦးထိပ်ထားတဲ့ ဒီကျွန်းကိုရဖို့ အမေရိကန်တို့ အရာအားလုံးနီးပါးစတေးခဲ့ရတယ်... ကျွန်တော်ဒါတွေပြောလို့ စပွိုင်လာဖြစ်သွားတယ်လို့မထင်လိုက်ပါနဲ့...တကယ့်ဒီဇာတ်ကားရဲ့ အဓိကအဖြစ်ဆုံးအကြောင်းအရာက အီဝိုးဂျီဝါးကျွန်းရဲ့တောင်ကုန်းပေါ်မှာ စိုက်ထူခဲ့တဲ့အလံဖြစ်ပါတယ်... ဒီအလံရဲ့နောက်ကွယ် ဘာတွေဆက်ဖြစ်မလဲဆိုတာကိုတော့ အကောင်းဆုံးအပိုင်းဖြစ်လို့ ထိန်ချိန်ထားပါရစေ.... ဒီကားက စစ်ကားထဲမှာဆို တကယ့် ဂန္တဝင်စားရင်းထဲကိုထည့်ရလိမ့်မယ်ထင်တယ်..ဒါရိုက်တာက  Clint Eastwood ကြောင့် လို့လည်းမထင်လိုက်ပါနဲ့...ကျွန်းသိမ်းစဉ်မှာ ကြည်း၊ရေ၊လေ (၃)ခုပေါင်းပြီး ထိုးစစ်ဆင်ခဲ့ပုံတွေကို တကယ့်ထိတ်လန့်စရာ စစ်မြေပြင်အတိုင်းရိုက်ပြနိုင်သလို စစ်ရဲ့ဆိုးကျိုးတွေ တိုက်ပွဲဝင်စစ်သည်တွေရဲ့ ခံစားချက်အဖုံဖုံ ခံယူချက်အမျိုးမျိုးတွေကိုလည်း ရိုက်ပြနိုင်ခဲ့တယ်...ဒါ့အပြင် အစိုးရပိုင်း ပြည်သူနဲ့ စစ်သည်တွေကြားရဲ့ ဆက်နွယ်မှုတွေကိုလည်း ခင်ဗျားတို့မြင်ရလိမ့်မယ်... ဒီကားက အော်စကာ ဆန်ကာတင်(၂)ဆုစာရင်းဝင်ခဲ့သလို အခြားဆု(၁၅)ဆုလည်းရရှိခဲ့တယ်... ကျွန်တော်တို့ရဲ့ ဒါရိုက်တာကြီး  Clint Eastwood ကတော့ AARPက ချီးမြင့်တဲ့အကောင်းဆုံးဒါရိုက်တာဆုရရှိခဲ့တယ်.. ကိုင်း စစ်ကားကြိုက်တဲ့ သူတွေအတွက် အကောင်းဆုံးစာရင်းဝင် တစ်ကားတင်ဆက်လိုက်ပါပြီ... ခံစားကြည့်လိုက်ပါဦး..... ဇာတ်လမ်းအညွှန်းနဲ့ ဘာသာပြန်သူကတော့ Ye Pye Sone ပဲဖြစ်ပါတယ်... File Size : (1GB) Quality : Blu-Ray 720p Format…mp4 Duration…02:15:00 Genre :  Drama, History, War Subtitle : Myanmar Subtitle (Hard Sub) Translated by Ye Pye Sone Encoded by Phyo Pyae

Unknown 2006 (IMDB 6.4/10) Thriller ကားကောင်းတွေ ကြိုက်နှစ်သက်တဲ့ CM ပရိသတ်တွေအတွက် ဇာတ်လမ်းတစ်ခုလုံးဘာဖြစ်နေမှန်း သေချာမသိရဘဲ အဆုံးသတ်မှ အထုပ်ဖြေပြတဲ့ The Usual Suspects တို့ Seven တို့လို အထာနဲ့ ဇာတ်ကားကောင်းလေးတစ်ကားကို ပြန်လည်တင်ဆက်ပေးချင်ပါတယ် ဟိုကားတွေလို rating တွေပျံလန်နေပြီး မာစတာပိစ်တွေ မဟုတ်ပေမဲ့ သူ့တန်းသူ့ဘောင်နဲ့တော့ plot twist ဘာညာကတော့ ဟာဟင်ဖြစ်လောက်စရာပါပဲ ဇာတ်လမ်းအကျဉ်းကတော့ ဂိုဒေါင်တစ်ခုထဲမှာ လူငါးယောက်က သတိမေ့နေရာကနေ ရှေ့ဆင့်နောက်ဆင့်နိုးလာပြီးတော့အတိတ်ပါမေ့နေပါတယ် သူတို့ထဲက တစ်ယောက်ကတော့ သေနတ်နဲ့ဖြစ်ပြီး ကျန်တဲ့သူတွေက အဖမ်းခံထားရသူတွေရော ဒဏ်ရာရထားသူတွေရော စုံနေတာပါပဲ ဂိုဒေါင်ကြီးကလဲ အလုံပိတ် အားလုံးကလဲ ကိုယ့်ကိုယ်ကိုဘာဖြစ်နေမှန်း မမှတ်မိတဲ့အခါမှာ အစအဆုံး ပရိသတ်ကိုယ်တိုင်ပဲ အဖြေရှာကြည့်လိုက်ပါလို့….. ပြောကြားရင်း တင်ဆက်ပေးလိုက်ပါတယ် အညွှန်းနဲ့ဘာသာပြန်ကတော့ Sai Thurein Lynn ပဲ ဖြစ်ပါတယ်။ Genre..... Crime, Drama, Mystery Quality…. 1080p | 720p File size… 1.2GB | 557MB Format… mp4 Duration…. 1h 25min Subtitle…. Myanmar Subtitle (Hardsub) Translator ..... Sai Thurein Lynn Encoder ..... Aaron

၂၀၀၃ ခုနှစ်က ထွက်​ရှိခဲ့တဲ့ ကနေဒါရုပ်ရှင်ဖြစ်တဲ့ ဒီဇာတ်ကားက​ ကနေဒါနိုင်ငံအနောက်​မြောက်ပိုင်းက ရာသီဥတု​အေးစက်​ကြမ်း​တမ်းပြီး သစ်ပင်​တောင်ပေါက်ရောက်နိုင်ခြင်းမရှိတဲ့ ကမ္ဘာ့မြောက်ဘက်ခြမ်း​ အအေးပိုင်းစိမ့်မြေတွေကို ကျော်​ဖြတ်​ပြီး အသက်ရှင်သန်ဖို့ကြိုးစားကြတဲ့ လူဖြူ​လေယာဉ်မှူး​နဲ့ ဒေသခံအက်စကီးမိုး မိန်းကလေးတစ်ဦးအကြောင်း ရိုက်​ကူးထားတာဖြစ်ပါတယ်။ ၁၉၅၂ ကာလတွေကို တည်​ထားတာဖြစ်ပြီး ဖြစ်​ရပ်​မှန်​ကို တစိတ်တပိုင်းအခြေခံထားတဲ့ Walk Well Brother​ ဆိုတဲ့​ ဝတ္ထု​တိုကို ရုပ်​ရှင်​အဖြစ်​ အသက်​သွင်း​ထားတာဖြစ်ပါတယ်။ ဇာတ်လမ်း​အကျဉ်းက ချာ​လီ​ဟောလီးဒေးက ဒုတိယ​ကမ္ဘာ​စစ်အတွင်းက ကနေဒါ​လေတပ်မှာ ဗုံးကြဲ​လေယာဥ်​မှူးအဖြစ် ထမ်း​ဆောင်​ခဲ့သူဖြစ်ပြီး စစ်အပြီးမှာ ဒေသခံကုမ္ပဏီတစ်ခုမှာ Bush Pilot အဖြစ်ဆောင်ရွက်နေပါတယ်။ တစ်နေ့မှာ​ အလုပ်​ကိစ္စ​တစ်ခုအတွက် လေယာဥ်​မောင်း​လာရင်း လမ်းခုလတ်မှာ ဒေသခံ​ Inuk အက်​စကီး​မိုး​လူမျိုး​တစ်စုနဲ့တွေ့ပြီး ဖျားနာ​နေတဲ့ ဒေသခံ​မိန်းကလေးတစ်ဦးကို ဆေးရုံ​ပို့ဖို့ Yellowknife မြို့​ကို ပို့ပေးရမဲ့အကြောင်းဖန်လာပါတယ်။ လမ်း​မှာ လေယာဉ်​ပျက်ကျပြီး ကျယ်​ပြောလှတဲ့အအေးပိုင်းစိမ့်မြေလွင်ပြင်ပေါ်မှာ နှစ်ယောက်​သား သောင်​တင်နေပါတော့တယ်။ အင်္ဂလိပ်​စကား​ကောင်းကောင်းမပြောတတ်တဲ့ အက်​စကီး​မိုးမလေး Kanaalaq နဲ့ အကျိုး​အမြတ်​လိုချင်​လို့သာ မိန်း​ကလေး​ကို ဆေးရုံ​ပို့ပေး​ဖို့ဆုံးဖြတ်ခဲ့တဲ့ မောက်​မာရိုင်းစိုင်းပြီး ကျွတ်​ဆတ်ဆတ်နိုင်တဲ့ လူဖြူ​ပိုင်း​လော့​ ချာ​လီတို့​နှစ်ဦး လူသူကင်းမဲ့တဲ့ လွင်တီးခေါင်ကြီးမှာ အသက်​ရှင်​သန်ဖို့ကြိုးစားကြပုံကို တင်​ဆက်ထားတာဖြစ်ပါတယ်။ ဒီရုပ်ရှင်​က Leo Awards ၆ ခု​အပြင်​ တခြား​ဆုများစွာ ဆွတ်​ခူး​ခဲ့ပြီး ဝေဖန်​သူတွေအကြိုက်တွေ့ခဲ့တဲ့ ရုပ်ရှင်​ဖြစ်​ပါတယ်။ အက်စကီးမိုးအမျိုးသမီးငယ်နေရာမှာ သရုပ်ဆောင်​တဲ့ မင်း​သမီးကိုယ်တိုင်ကလည်း ဒေသခံ​ Inuit တိုင်း​ရင်း​သူဖြစ်ပါတယ်။ ဒီရုပ်ရှင်​မှာ နာမည်ကြီး​ Dance​s with Wolves​ လို အငွေ့​အသက်​မျိုးတွေ့ရပြီး Kannalaq နဲ့ ခင်​မင်​ရင်းနှီးလာပြီးနောက် ​ဒေသခံ​တိုင်းရင်း​သားတွေအပေါ် ချာ​လီရဲ့အမြင် တွေပြောင်းလဲလာပုံက Dances with Wolves ရုပ်ရှင်​က ဗိုလ်​လေးဒန်ဘာနဲ့ လူနီအင်​ဒီးယန်း​လူမျိုး​တွေအကြား သံယောဇဉ်​ဖြစ်တည်လာပုံနဲ့ ဆင်တူပါတယ်။ နောက်​ဆုံး​ဇာတ်​သိမ်းလေးကလည်း ဆွတ်​ပျံ့ကြည်နူးဖွယ်ကောင်းပြီး ကြည့်လိုက်​လို့ အရှုံး​မရှိတဲ့ရုပ်ရှင်မျိုးလို့မြင်ပါတယ်။ File size…(1.9 GB)/(1 GB) Quality….Webrip 1080p / 720p Format…mp4 Duration….01:43:00 Genre...Drama Subtitle….Myanmar Subtitle (Hardsub) Encoder….Garfield Translated by Wolfenheim

25th Hour(2002) IMDb...7.6,,,Rotten...78% New Yorkမြို့ပေါ်က မူးယစ်ဆေးရောင်းချသူ မွန်တီဘရိုဂန်လို့ခေါ်တဲ့သူတစ်ယောက်ရှိတယ်... သူဟာ အချိန်အတော်ကြာဒီလောကထဲကျင်လည်ခဲ့ပြီး ပိုက်ဆံတွေတော်တော်များများစုမိဆောင်းလာလို့ပဲလား ချစ်သူတစ်ယောက်ရခဲ့လိုပဲလားမသိ... မူးယစ်ဆေးရောင်းချသူအဖြစ်ကနေ နှုတ်ထွက်ပြီး အေးဆေးပဲနေတော့တယ်... အေးဆေးနေတဲ့အချိန်ရောက်မှ တစ်နေ့တော့ရဲတွေ သူ့အိမ်ကိုရောက်ချလာတယ်.. ဖမ်းဝရမ်းလည်းပါသလို ပိုက်ဆံတွေမူးယစ်ဆေးတွေကို အလွယ်တစ်ကူရှာတွေ့ပြီးဖမ်းဆီးခဲ့တယ်... ကြည့်ရတာ တစ်ယောက်ယောက်ချောက်ချလိုက်ပုံပါပဲ... ထောင်(၇)နှစ်ကျဖို့ အမိန့်ချပြီး မွန်တီအတွက် တစ်ရက်အချိန်ရခဲ့တယ့်.. နောက်နေ့မတိုင်မီဆိုတော့ပြောရရင် ၂၅နာရီပေါ့...ဒီအချိန်အတွင်း သူဘာတွေလုပ်မလဲဆိုတာကိုတော့... ဒီကားထဲက မင်းသားကြီး  Edward Norton ကို အတော်များများသိကြမှာပါ...ဗီလိန်ခန်းဆို ကြည့်နေတဲ့ TVပြေးရိုက်ခွဲချင်လောက်အောင် ပီပြင်လှသလို၊ သနားစရာဇာတ်ရုပ်ဆိုလည်း အပြစ်ကင်းတဲ့ကလေးလေးတစ်ယောက်လို တော်လွန်းလှတာသိကြမှာပါ...ဆုကြီး(၄)ဆုရရှိထားတဲ့ကားမို့ ခံစားကြည့်ကြပါဉီး..... ဇာတ်လမ်းအညွှန်းနဲ့ဘာသာပြန်သူကတော့ Khine Khine Wai ပဲဖြစ်ပါတယ်... File Size :(1.04 GB) and (384 MB) Quality : Blu-Ray 720p Format…mp4 Duration…02:15:00 Genre :  Drama Subtitle : Myanmar Subtitle (Hard Sub) Translated by Khine Khine Wai Encoded by Phyo Pyae

We Were Soldiers (2002) IMDb Rating (7.2)/ Ritten Tomatoes (63%) အကောင်းဆုံး စစ်ပွဲ‌နောက်ခံ ဇာတ်ကားတွေအကြောင်း ပြောကြတဲ့အခါ မင်းသားကြီး Mel Gibsonရဲ့ We were Soldiers ကလည်း မပါမဖြစ်တဲ့ ဇာတ်ကားတစ်ခုပါပဲ။ ဗီယက်နမ်နဲ့ အမေရိကန်တို့ စစ်မက်ဖြစ်ပွားခဲ့တဲ့ ၁၉၆၅ ကာလကို ဇာတ်အိမ်တည်ထားတာဖြစ်ပြီး ဖြစ်ရပ်မှန်ကိုရိုက်ကူးတင်ဆက်ထားတာပဲဖြစ်ပါတယ်။ ဒီဇာတ်ကားအကြောင်းကို ပြောရရင် စစ်ဗျူဟာတွေ၊ အနိဋ္ဌာရုံတွေဦးစားပေးထားတာမျိုး မဟုတ်ဘဲ အမေရိကန်စစ်သားတွေရဲ့ ဘဝနဲ့ခံစားချက်၊ ခေါင်းဆောင်တစ်ဦးရဲ့တာဝန်နဲ့ ဝတ္တရား‌တွေ၊ အမိမြေမှာကျန်ရစ်ခဲ့တဲ့ မိသားစုတွေရဲ့ ပူဆွေးသောကနဲ့ဂုဏ်ယူစိတ်တွေစတဲ့ စိတ်ခံစားချက်တွေကို အသားပေးရိုက်ကူးထားတာပဲ ဖြစ်ပါတယ်။ အကောင်းဆုံးစစ်ကားတွေဆိုတာ စစ်ပွဲအကြောင်းထက် စစ်ဆိုတာကို ကြောက်တတ်လာအောင် ဖန်တီးပေးစမြဲဆိုတဲ့ စကားအတိုင်းပဲ ဒီရုပ်ရှင်ကလည်း စစ်ရဲ့ဆိုးရွားပုံတွေကို ထင်ထင်ရှားရှား ရိုက်ကူးပြထားတဲ့ ဇာတ်ကားကောင်းပဲ ဖြစ်ပါတယ်။ ဇာတ်လမ်းအကျဉ်းကတော့ အမေရိကန်-ဗီယက်နမ်စစ်ပွဲအတွင်း အမှတ်၇ လေသူရဲတပ်ကို ဦးဆောင်ရတဲ့ ဗိုလ်မှူးဟယ်မိုးနဲ့တပ်ဖွဲ့ဟာ မထင်မှတ်ထားဘဲ ဗီယက်နမ်နိုင်ငံရဲ့စစ်တပ်ကြီးတစ်ခုလုံး အခြေစိုက်ထားတဲ့ နယ်မြေထဲကိုဆိုက်ဆိုက်မြိုက်မြိုက် ရောက်သွားခဲ့ပါတယ်။ အဲဒီနေရာကတော့ လွန်ခဲ့တဲ့၁၁နှစ်က ပြင်သစ်စစ်သားတွေ အစုပြုံလိုက် သတ်ဖြတ်ခံခဲ့ရတဲ့ လာဒရောင်ဒေသ ဖြစ်နေတာပါ.. အင်အားချင်းမမျှသလို အဘက်ဘက်က ပိတ်ဆို့ခံရပြီး ညှပ်တိုက်ခံနေရတဲ့ ဗိုလ်မှူးကြီးဟယ်မိုးနဲ့ တပ်ဖွဲ့အနေနဲ့ ဒီလိုအကျပ်အတည်းကနေ ဘယ်လိုလွတ်မြောက်အောင်ရုန်းကန်ကြိုးစားသွားမလဲ၊ အဲဒီတိုက်ပွဲက ဘယ်လောက်ပြင်းထန်ခဲ့လဲဆိုတာ ကြည့်ရှုရမှာပဲဖြစ်ပါတယ်။ (ရုပ်ရှင်အညွှန်းနဲ့ဘာသာပြန်ကို JimX မှ တင်ဆက်ထားပါတယ်။) File size…(9.3 GB)/ (3.5 GB )/(1.9 GB) Quality…BluRay 4K HEVC/1080p HEVC / 720p Format…mkv/mp4 Duration….02:18:00 Subtitle….Myanmar Subtitle (Hardsub) Encoder….Ka Naung Translated by JimX

IMDb raing - 7.7/10 အခုတစ်ခေါက်တင်ဆက်ပေးချင်တာကတော့ M&M boys လို့ဘေ့စ်ဘောသမိုင်းမှာ legendary most valuable players တွေလို့ကိုတင်စားထားတဲ့ Roger Maris နဲ့ Mickey Mantle တို့ သူတို့ရဲ့သမိုင်းမှတ်တိုင်ဖြစ်တဲ့ home run- 61 ခု မှတ်တိုင်ကိုဘယ်လိုစိုက်ထူခဲ့လဲဆိုတာကိုကြည့်ရမယ့် biography, drama ဇာတ်လမ်းလေးပဲဖြစ်ပါတယ်။ တကယ့်ကိုအချိန်ပေးရထိုက်တန်တဲ့ Motivation အပြည့်အဝရနိုင်တဲ့ဇာတ်လမ်းလေးဆိုရင်လည်းမမှားပါဘူး။ ဇာတ်လမ်းလေးရဲ့အကျဉ်းချုပ်ကတော့.... Babe Ruth ဟာ Base Ball Single-season တစ်ခုတည်းနဲ့ home run record မှတ်တမ်းဝင်ထားတဲ့ most valuable player တစ်ယောက်ပါ။ ဒီ record ကိုချိုးဖျက််နိုင်တဲ့သူဟာ အမေရိကန်ပရိတ်သတ်တွေ တစ်ခဲနက်အားပေးကြတဲ့ ထူးချွန်တဲ့ Mickey Mantle ဖြစ်မယ်လို့အားလုံးကယူဆထားကြပါတယ်။ ဒီအချိန်မှာတော့ အသင်းဝင်အသစ်လေး Roger Maris တစ်ယောက်က အသင်းသားတွေနဲ့တွဲဖက်ညီညီဆော့နိုင်တဲ့အပြင် Mickey Mantle ကိုပါ supporting ကောင်းကောင်းပေးနိုင်တဲ့ ကစားသမားကောင်းတစ်ယောက်ဖြစ်လာပါတယ်။ ဒီလိုနဲ့တစ်ဦးကိုတစ်ဦးဖေးမရာကနေ M&M boys ရာဇဝင်လေးစတင်လာခဲ့ပါတယ်။ သူတို့နှစ်ယောက်ထဲက ဘယ်သူက record breaker - most valuable player ဖြစ်လာမလဲဆိုတာကို စိတ်ဝင်စားဖွယ်ကြည့်ရှုရမယ့် ဇာတ်လမ်းကောင်းလေးပဲဖြစ်ပါတယ်။ File size…(3.1 GB)/(1.8 GB) Quality….Blu-Ray 1080p / 720p Format…mp4 Duration….02:09:00 Genre...Biography, Drama, History Subtitle….Myanmar Subtitle (Hardsub) Encoder….Garfield Translated by Swe Yee

ကျမတို့ဂြိုဟ်ကမ္ဘာမှာ တရားသဖြင့် ဆိုတဲ့စကားဟာ တကယ်ရှိရဲ့လား။ လူသားတစ်ယောက်နဲ့တစ်ယောက် နှိပ်စက်သတ်ဖြတ်ကြတာ ၊ အားငယ်သူကို အားကြီးသူက ညှဉ်းပန်းတာ ၊ မတရားမှုမှန်းသိသိကြီးတောင် ဝင်မစွက်ရဲတာ / ဝင်စွက်ဖို့ရာ အင်အားမလုံလောက်တာ ။ ကျမတို့မျက်စိရှေ့လေးတင်မှာပဲ မတရားမှုကို တွန်းလှန်နိုင်တဲ့ အင်အား နည်းပါးလို့ ကျရှုံးခဲ့ရပြီးသူတွေ ဘယ်လောက်လောက် ရှိနေပြီလဲ။ ကျမတို့ တတ်နိုင်သရွေ့ကယ်တင်ခဲ့လား။ မမြင်ချင်ယောင်ဆောင်ခဲ့ကြလား။ ဒါမှမဟုတ် ရှင်ဟာ တစ်ပါးသူနာကျင်မှုုအကြီးစားနဲ့ ညည်းတွားနေတာကို လျှာလေးတသပ်သပ်နဲ့ အရသာခံကြည့်တတ်သူလား။ ကဲ အခု ကျမဇာတ်ကားဟောင်းတစ်ခုအကြောင်း နည်းနည်း ပြန်ပြောပြမယ်လေ။ The Green Mile ဆိုတဲ့ ခြောက်အုပ်တွဲ ဝတ္ထုထဲက ပထမတွဲကို ၁၉၉၆ ခုနှစ် မာ့ချ်လကုန်လောက်မှာ စထုတ်တယ်။ ထုတ်ထုတ်ပြီးချင်းပဲ ဒုတိယတွဲအတွက် လူတွေ အုတ်အော်သောင်းနင်း ရင်ခုန်ကြသတဲ့။ ဒါနဲ့ စာရေးဆရာ Stephen King ရဲ့ The Green Mile အခန်းဆက်ဝတ္ထုရှည်ဟာ ကမ္ဘာကျော်သွားခဲ့တယ်။ ၁၉၉၉ ဒီဇင်ဘာမှာ စကြဝဠာရဲ့အကောင်းဆုံး ဇာတ်လမ်းကောင်းတွေကိုပဲ ထုတ်လုပ်တယ်လိ ့ကြေငြာထားတဲ့ Warner Bros ကနေ The Green Mile အမည်နဲ့ ဇာတ်လမ်းတစ်ပုဒ် စတင်ဖြန့်ချိလာတယ်။ Fantasy crime drama အမျိုးအစားပေါ့။ ဝတ္ထုရော ဇာတ်လမ်းရောက Paul Edgecombe လို့ အမည်ရတဲ့ ထောင်ဝါဒါဟောင်းတစ်ဦးက သူ့ရဲ့မိတ်ဆွေဖြစ်သူကို ၁၉၃၀ ဝန်းကျင် ကာလတွေတုန်းက အမေရိကရဲ့ တရားစီရင်ရေးနဲ့ ချွတ်ချော်တိမ်းပါးမှုတွေ ၊ အမှားအယွင်းနဲ့ အားနည်းချက်တွေအကြောင်းကို ပြန်ပြောပြနေဟန် ဇာတ်လမ်းတည်ထားတယ်။ အင်းစိန်ထောင်ထဲမှာ အပြင်လူတွေ မသိနိုင်တဲ့ အရမ်းစိတ်ဝင်စားဖို့ကောင်းတဲ့ အကြောင်းတွေနဲ့ တချို့ထူးဆန်းအံ့သြဖွယ် ရင်နာဖွယ်အဖြစ်တွေ ၊ တရားရေးနဲ့ဥပဒေရဲ့အားပျော့ကွက်တွေကို တဆင့်ပြန်ကြားနေရပုံနဲ့ ခပ်ဆင်ဆင်ပေါ့။ ပေါလ်ဟာ ၁၉၃၂ခုနှစ်များဆီတုန်းကတော့ ငယ်ရွယ်သန်မာတဲ့ ထောင်ဝါဒါ လူလတ်ပိုင်းတစ်ဦးပေါ့။ သူကြီးကြပ်ရတဲ့ ဝါ့ဒ်က သေဒဏ်ကျ အကျဉ်းသားတွေကို သေဒဏ်မပေးခင် ယာယီချုပ်တဲ့ ဝါ့ဒ်ပေါ့။ အင်မတန် စည်းကမ်းထားရပြီး တင်းကြပ်ထားတဲ့ဥပဒေနဲ့ လူ့နူးညွတ်မှု စိတ်ခံစားချက်နှစ်ခုကြား အလယ်တည့်တည့်မှာ ၊ ဒါမှမဟုတ် ဥပဒေဘက်ခြမ်းမှာ မတ်မတ်နေပေးရတဲ့ နေရာပေါ့။ ဒီနေရာဟာ သေဒဏ်ကျခံ အကျဉ်းသားတွေရဲ့အထီးကျန်ဆန်မှုတွေ၊ နောင်တနဲ့ ညည်းတွားသံတွေ၊ားငယ်စိတ်ပျက်ဟန်တွေကြား ထောင်အုပ်ချုပ်သူတို့ပါလိုက်ပြီး ယိမ်းယိုင်မသွားအောင် ဟန်ချက်လိုက်ညှိနေရတဲ့ နေရာပေါ့။အပြစ်လုပ်ခဲ့ရင်လည်းခံ၊ မလုပ်ခဲ့သည်ရှိသော်မှသက်သေအထောကိအထားခိုင်လုံနေခဲ့ရင်လည်း ခံပေါ့။ ဥပဒေဟာ တကယ့်ကို စာအုပ်ကြီးပဲ။ လူသားချင်း စာနာထောက်ထားစိတ် သူ့မှာမရှိဘူး။ တခါတလေမှာ စစ်မှန်တဲ့ တရားမျှတမှုဆိုတာအကြီးဆုံးဒိုင်ဖြစ်တဲ့ အဲဒီဥပဒေဆိုတဲ့ကောင်ဆီမှာတောင် မရှိဘူး။ ဒါဆို ဘာလို့ဥပဒေထားနေတော့မှာလဲ။ ဘာလို့ဥပဒေထားနေတော့မှာလဲဆိုတော့ အသိဉာဏ်နည်းတဲ့ တိရိစ္ဆန်ထက်စိတ်ဓာတ်အထားအသို ပိုနိမ့်ကျတဲ့လူ့တိရိစ္ဆာန်တွေ ရှိနေလို့ပေါ့။ ဒီတော့လည်း လက်ခံကြရုံပေါ့။ဒီဇာတ်ကားက ဘာသာရေးကိုလည်း အတန်ငယ် တိမ်းညွှတ်ထားတယ်။ low-angel လို့ပဲ ခေါ်ကြစို့ရဲ့။ အဲဒီတယောက်ဟာ သေဒဏ်ကျခံဖို့ရာ တရားခံမှားယွင်းရောက်ရှိလာသူ ။ တန်ဖိုးမြင့် တန်ခိုးအာနုဘော် ရှိသူ၊ထွားကျိုင်းသန်မာပြီး အရပ် ခြောက်ပေ ရှစ်လက်မရှိတဲ့လူမည်းကြီးပေါ့။ ဂျွန်ကော်ဖီတဲ့ ။ John Coffey ပေါ့။ သူ့နံမည်ကလွဲလို့ ကျန်တဲ့စာကို မဖတ်တတ်ရှာသူကြီးပေါ့။ သူ့နံမည်ကိုမေးတိုင်း ''ဂျွန်ကော်ဖှီပါခင်ဗျာ။သောက်တဲ့ ကော်ဖီနဲ့အသံထွက်တူပါတယ်။ စာလုံးပေါင်းတော့မတူပါဘူး။'' လို့လေးတိလေးကန် ယဉ်ယဉ်ကျေးကျေး ပြန်ပြောတတ်သူကြီးပေါ့။ဘဝမှာ တခါဘူးမျှ ရုပ်ရှင်မကြည့်ဖူးသူကြီးပေါ့။ လူတိုင်းကို ချိုချိုသာသာနဲ့မျက်ရည်တွေ ဝိုင်းပြီးသနားကရုဏာသက်ဟန်နဲ့ပြောတတ် ကြည့်တတ်သူကြီးပေါ့။ ကိုယ်တိုင်ကတော့ သူတပါးအခက်အခဲတွေကိုတတ်နိုင်သလောက် အစွမ်းကုန် ကူညီကယ်တင်ခဲ့ပေမဲ့ကိုယ့်အလှည့်မှာတော့ ကူည်ီကယ်တင်သူ မရှိရှာဘဲ ဘုရားသခင်လိုပဲ သူတပါးအပြစ်အတွက်ကိုယ့်ကိုကိုယ် စွန့်ပစ်လိုက်ရသူ သနားစရာ လူထွားကြီးပေါ့။ သေဒဏ်ကျခံဖို့ ရောက်နေတဲ့ တခြားအကျဉ်းသားလေးငါးခြောက်ယောက်လည်း ရှိသပေါ့။ သူတို့လည်း သူတို့အကြောင်းနဲ့သူတို့ပေါ့။ သေဖို့နောက်ဆုံးနေ့ရက်နဲ အချိန်အတိအကျကိုသိသိကြီးနဲ့စောင့်နေကြရတဲ့ အထီးကျန်လူသားများပေါ့။ရဒ်အင်ဒီးယန်းတယောက်ပါတယ်၊ ထောင်ထဲက ကြွက်စုတ်လေးတစ်ကောင်အပေါ် သူ့ရဲ့အဖော်အဖြစ်နောက်ဆုံးထွက်သက်ထိ သံယောဇဉ်တကြီးတွယ်ဖက်သွားတဲ့ လူတစ်ယောက်ပါတယ်၊ ဆေးအမြဲကွဲနေတဲ့ဆေးဘဲတစ်ပွေပါတယ်၊ စသဖြင့်ပေါ့လေ။ သူတို့ရဲ့နောက်ဆုံးချိန်တွေကို သူတို့နဲ့အတူကူစောင့်ပေးရင်း သူတို့ဖြစ်ချင်တဲ့ နောက်ဆုံးဆန္ဒတွေကိုတတ်နိုင်တဲ့ဘက်က ဝိုင်းဖြည့်ပေးနေကြတဲ့ထောင်ဝန်ထမ်း အရာရှိများရဲ့ ဖြစ်တည်မှုပေါ့။ ဇာတ်ကားကြည့်ရင် ငိုတတ်တဲ့အကျင့် ရှင်တို့မှာရှိလား။ ကျမကတော့ တယောက်ထဲ ဇာတ်ကားကြည့်မှစိတ်ကိုလွှတ်ပြီး ကြည့်လေ့ရှိတယ်။ ကိုယ်မျက်ရည်ကျတာကို သူများမလှောင်စေဖို့ပေါ့။ ရှင်ဟာ အကယ်၍ အဲဒီလို ခံစားမှု အားကောင်းသူဆိုရင် ၊ မကြည့်ရသေးဘူးဆိုရင် ကြည့်ဖြစ်အောင် ကြည့်ပေါ့။ ရှင်တို့ကြည်နူးရမယ်။ ဝမ်းနည်းရမယ်။ ငိုကြွေးရမယ်။ အထီးကျန်ဆန်ရမယ်။ သေဒဏ်ကျခံရတဲ့ အကျဉ်းသားတွေကိုကွပ်မျက်တဲ့ပုံစံက လျှပ်စစ်ကုလားထိုင်မှာ တကိုယ်လုံးကို ဝါယာကြိုးတွေနဲ့ စည်းပြီး စီရင်တဲ့ပုံစံပဲ။ သူတို့ကို စီရင်နေချိန်မှာ သူတို့ရဲ့ အသားတွေကိုလျှပ်စစ်ဖြတ်စီးသွားရာကနေ ရလာတဲ့လူသားညှော်နံ့တွေကို ရှင်တို့နှာခေါင်းထဲ ရလာလိမ့်မယ်။ သေခြင်းတရားကို ဘယ်လောက်ပဲ ကြံ့ကြံ့ခံ ရင်ဆိုင်ဖို့တွေးထားထားတကယ့်သေခြင်းတရားဟာ ဗို့အားထောင်ချီပြီးလျှပ်စီးကြောင်းတွေအဖြစ် ကိုယ့်ခန္ဓာကိုယ်ထဲ ဝင်လာချိန်မှာ အသက်ဓာတ်လေးနဲ့ လက်ရှိဖြစ်တည်မှုလေးအပေါ်ဖကိတွယ်ထားသေးချင်စိတ်က ဟုတ်ခနဲ တောက်ကြွလာမယ်။ သူတို့ရဲ့သေခြင်းတရားအပေါ် ရင်ဆိုင်ကြပုံဟာဒီလိုပါလားလို့ ရှင်တို့ အလမ့်တကြားတွေ့ရမယ်။ လောကကြီးရဲ့ တရားမျှတမှုအပေါ်မှာလည်းသံသယဝင်ကောင်း ဝင်လာနိုင်သေးတယ်။ ဇာတ်ညွှန်းသမားနံမည်ကို အရင်မိတ်ဆက်စို့ရဲ့။ ဒီဇာတ်ကားနဲ့အော်စကာရခဲ့တဲ့ ဇာတ်ညွှန်းခွဲသူကတော့Frank Darabont ပါတဲ့။ နံမည်ကျော် ဒါရိုက်တာတစ်ယောက်လည်းဖြစ်တာမို့ဒီဇာတ်ကားကို အစအဆုံး သူပဲဇာတ်ညွှန်းခွဲသူပဲရိုက်ကူးခဲ့တာဖြစ်တယ်။ ပရိုဂျူဆာလည်း သူပဲ။ John Coffey နေရာမှာ Michael Clarke Duncan,supporting roles နေရာတွေမှာDavid Morse, Bonnie Hunt, Jamrs Cromwell နဲ့အသက်ကြီးသွားတဲ့ ပေါလ်အဒ်ချ်ကုမ့်ဘ် နေရာမှာတော့မင်းသားကြီး Dabbs Greer တို့ပါဝင်သရုပ်ဆောင်ထားတယ်။ ကြုံတုန်း ထည့်ပြောရမယ်ဆိုရင် Dabbs Greer ဟာအဲဒီကားမှာ သရုပ်ဆောင်စဉ်အချိန်မှာအသက်ရှစ်ဆယ့်နှစ်နှစ်အရွယ် ရှိနေပြီမို့ ဒါဟာသူနောက်ဆုံးသရုပ်ဆောင်ခဲ့တဲ့ ဇာတ်ကားလည်းဖြစ်တယ်။ တဲ့။ ဒီဇာတ်ကားရဲ့အားကြီးတဲ့ သက်ရောက်မှုကြောင့်အမေရိကရဲ့ တရားစီရင်ရေးစနစ်အချို့ပြောင်းလဲခဲ့တယ်။ ဝတ္ထုမှာတင် အောင်မြင်ပြီးသား....ကမ္ဘာကျော်ပြီးသား The Green Mile ဟာဇာတိလမ်းအနေနဲ့လည်း အကောင်းဆုံးဇာတ်ကားဆု၊အကောင်းဆုံး အသံဆု၊ အကောင်းဆုံး ဇာတ်ညွှန်းဆုနဲ့အကောင်းဆုံး ဇာတ်ပို့ဆုအဖြစ်Michael Clarke Duncan (John Coffey) တို့ ရရှိခဲ့တယ်။ ကန်ဒေါ်လာ သန်း ၆၀ ကုန်ကျခံရိုက်ကူးခဲ့ပြီးဝင်ငွေ ၂၉၀.၇ သန်း ကန်ငွေ ပြန်ရခဲ့တယ်။ မကြည့်ရသေးဘူးဆိုရင် ကြည့်ဖြစ်အောင် ကြည့်စေချင်တယ်။ကြည့်ပြီးရင်လည်း ထပ်ကြည့်ချင်တတ်တဲ့ ကားမျိုးပါ။ ရုပ်ရှင်ကားအညွှန်းကို ဆရာမချိုပိန်းနောင် Facebook မှ ကူးယူဖော်ပြသည် ရုပ်ရှင်ကားကို ဘာသာပြန်ပေးထားသူက Myo Nyunt (August) ဖြစ်ပြီးThit San Khant မှ တင်ဆက်ပေးထားပါတယ်

Saving Private Ryan (1998) IMDb Rating (8.6) / Rotten Tomatoes (94%) အကောင်းဆုံးစစ်ကားတွေအကြောင်းပြောကြရင် Saving Private Ryan က ထိပ်ဆုံးကပါလာတတ်ပါတယ်။ နာမည်ကြီးမင်းသားတွေဖြစ်တဲ့ Tom Hanks , Matt Damon , Vin Diesel တို့ပါဝင်သရုပ်ဆောင်ထားပြီး သရုပ်ဆောင်ချက်၊ ဇာတ်လမ်းပိုင်းတွေမှာ ပြောစရာမရှိကောင်းမွန်လှသလို ဒါရိုက်တာကလည်း နာမည်ကြီး Steven Spielberg ဖြစ်လို့ ပိုလို့တောက်ပြောင်ပါတယ်။ အော်စကာဆု ၅ခုကို ဆွတ်ခူးနိူင်ခဲ့သလို တစ်ခြားဆုပေါင်း ၇၀ကျော်ကိုလဲ ရယူနိူင်ခဲ့ပါတယ်။ IMDBမှာလဲ Rating 8.6 အထိ ရရှိထားတဲ့ ဇာတ်ကားကောင်းတစ်ကားပါ။ ဇာတ်လမ်းကတော့ ဒုတိယကမ္ဘာစစ်ကာလက တကယ့်အဖြစ်အပျက်တချို့ကို ဇာတ်အိမ်တည်လို့ ရိုက်ကူးတင်ဆက်ထားတာဖြစ်ပါတယ်။ ဒုတိယကမ္ဘာစစ်ရဲ့အလှည့်အပြောင်းဖြစ်တဲ့ Normandy ကမ်းခြေ တိုက်ပွဲနဲ့ အစပြုထားပြီး Normandy ကမ်းခြေကို အမေရိကန်တို့ရဲ့ မဟာမိတ်တပ်တွေ ဝင်သိမ်းတဲ့ ရိုက်ကွက်ကိုလည်း ပီပီပြင်ပြင် ရှုစားရမှာဖြစ်တယ်။ ဒီကားအကြောင်းတော်တော်များများကြားဖူး သိဖူးနေလို့ထွေထွေထူးတော့မညွှန်းတော့ပါဘူး။ တကယ့် ဂန္တဝင်ကားမို့ အရည်အသွေးကောင်းကောင်းလေးနဲ့ ခံစားစေချင်တဲ့အတွက် 4K Quality နဲ့ထပ်မံဖြည့်တင်းတင်ဆက်လိုက်ပါတယ်။ File Size : (8.8 GB)/ (3.03GB) / (1.18 GB ) Quality : BluRay 4K HEVC/ 1080p HEVC/ 720p Format…mkv/mp4 Duration…02:50:00 Genre : Drama, War Subtitle : Myanmar Subtitle (Hard Sub) Translated by War Dog Encoded by Phyo Pyae/Ka Naung

IMDb - 7.3/10 Rotten - 72% ဒန်နီယယ်ဇာဗစ်ဟာ အစိုးရရဲ့ထောက်ပံ့ကြေး နဲ့ ကနေဒါငန်း တွေကိုလေ့လာနေသူတစ်ဦးပါ ။ တစ်နေ့ N.S.A အရာရှိတစ်ဦး က လွှတ်တော်ဥက္ကဋ္ဌကို ဥပဒေမူကြမ်းတစ်ခု နဲ့ ပတ်သက်ပြီး လုပ်ကြံသတ်ဖြတ်ခဲ့ပါတယ် အဲဒါကို ဒန်နီ ရဲ့ မှတ်တမ်းတင်ကင်မရာ ကမှတ်တမ်းတင်မိသွားခဲ့တယ်။ N.S.Aကလည်းဒါကိုသိပြီး ဒန်နီယယ် နောက်ကိုလိုက်ပါတော့တယ် ။ ဒင်း ( willsmith) ဟာမိသားစုကို ချစ်ပြီး ဂိုဏ်းတွေနဲ့ ပြသနာတက်နေတဲ့ အလုပ်သမားရှေ့နေ တစ်ဦးပါ ။ ခရစ္စမတ် အတွက်ဈေးဝယ်ထွက်ရင်း ဆိုင်တစ်ခုမှာ ဒန်နီယယ် နဲ့ ဆုံမီကြရာ ကနေ သူ့ဇာတ်လမ်းထဲပါလာခဲ့တယ် ။ ဒန်နီယယ် အသတ်ခံရပြီး တိပ်ခွေကြောင့် N.S.A တွေ ဒင်း နောက်ကိုလိုက်ကြရမှာတော့ နောက်ဆုံး အသတ်ခံရမလား လွတ်မြောက်အောင် ကြိုးစားနိုင်မလား ဆိုတာတော့....... မလွတ်တန်းကြည့်မယ့်အက်ရှင်ကားကောင်း တစ်ကားပဲဖြစ်ပါတယ်။ (ဘာသာပြန်သူကတော့ စည်သူထက် ပါ) File Size : (805 MB) Quality : Bluray 720p Running Time : 2hr 12minutes Format : Mp4 Genre : Action, Crime, Mystery Translated By Sithu Htet Encode By Thanhtike Zaw