Basil Harris ပါဝင်သော ဇာတ်ကားများ

Jeff Chang ရဲ့ ၂၁ နှစ်ပြည့်မွေးနေ့မှာ သူငယ်ချင်းနှစ်ယောက်ဖြစ်တဲ့ Casey နဲ့ Miller တို့က သူ့ကို အံ့ဩဝမ်းသာသွားအောင် လာတွေ့ကြပါတယ်။ မွေးနေ့ရှင်ကို အပြင်ခေါ်ထုတ်ပြီး ပျော်ကြဖို့ ရည်ရွယ်ထားပေမယ့် Jeff Chang မှာ နောက်တစ်နေ့ မနက် ၇ နာရီ ဆေးကျောင်းဝင်ခွင့်အင်တာဗျူး ရှိနေတယ်။ ဒါကြောင့် သူငယ်ချင်းတွေနဲ့ လျှောက်လည်ဖို့ အဆင်မပြေပါဘူး။ Casey နဲ့ Miller ကတော့ လက်မလျှော့ဘဲ သူ့ကို အတင်းခေါ်ထုတ်လိုက်ကြတယ်။ နောက်နေ့မနက် အရေးကြီးတဲ့အင်တာဗျူး ရှိနေတဲ့ Jeff Chang နဲ့ မွေးနေ့မှာ ပျော်ချင်နေကြတဲ့ သူငယ်ချင်းတွေကြား ဘယ်လိုအလွဲတွေ ဆက်ဖြစ်လာမလဲဆိုတာကို ဟာသအဖြစ် တင်ဆက်ထားပါတယ်။

ဂျိုး၊ အဲရစ်နဲ့ ဟန်းတို့ဟာ အတူနေကြတဲ့ အချစ်ဆုံးသူငယ်ချင်းတွေပါ။ အဲရစ်နဲ့ ဟန်းက ဂန္ထဝင်စာအုပ်တွေ၊ ဂိမ်းတွေနဲ့ ကစားစရာတွေကို ဝါသနာပါကြပေမဲ့ ဂျိုးအတွက်တော့ ရည်းစားနဲ့ ဂီတက သူ့ဘဝပါပဲ။ တစ်နေ့ ချစ်သူက လမ်းခွဲသွားတဲ့အခါ ဂျိုးတစ်ယောက် အကြီးအကျယ် ခံစားနေရတော့ သူငယ်ချင်းနှစ်ယောက်က စိတ်သက်သာရာရစေဖို့ ဆေးတိုက်ပြီး ကူညီကြပါတယ်။ ဂျိုး ပြန်နိုးလာချိန်မှာတော့ အဲရစ်နဲ့ ဟန်းတို့ ပိတ်ရက်တိုင်း သွားကစားနေကျ စစ်မြေပြင်ဂိမ်းထဲကို ရောက်နေပြီ။ ရောက်လက်စနဲ့ သူလည်း ကစားပွဲထဲ ဝင်ပါလိုက်တယ်။ အဲဒီနောက် အဆန်းထွင်ချင်တဲ့ အဲရစ်က ဘယ်ကရလာမှန်းမသိတဲ့ မှော်စာအုပ်ကြီးကို ထုတ်ပြီး ရွတ်ပါတော့တယ်။ သူ မသိတာက အဲဒီစာအုပ်ဟာ ကစားစရာမဟုတ်ဘဲ နတ်ဆိုးဆင့်ခေါ်တဲ့ စာအုပ်အစစ်ဖြစ်နေတာပါ။ မတော်တဆ နတ်ဆိုးတစ်ကောင်ကို ဆင့်ခေါ်မိလိုက်တဲ့အခါ အားလပ်ရက်မှာ ပျော်ဖို့လာကြတဲ့ လူတစ်စုဟာ တကယ့်အန္တရာယ်နဲ့ ရင်ဆိုင်ရပါတော့တယ်။ သူတို့ ဘယ်လိုစွန့်စားပြီး နတ်ဆိုးကို နှိမ်နင်းကြမလဲဆိုတာ ဆက်ပြထားတဲ့ ဟာသစွန့်စားခန်းမှာ Peter Dinklage လည်း ပါဝင်ထားပါတယ်။

IMDb - 6.9/10 , RT - 91% > Calls , From Up on Poppy Hill, Monsters Inc. 2, The Legend of Korra, Legion, Dirty Grandpa အစရှိတဲ့ ဇာတ်လမ်းကောင်းတွေမှာ ပါဝင်သရုပ်ဆောင်ဖူးတဲ့ Aubrey Plaza နဲ့  Creep 1,2,3ထဲက ဘဲကြီး Mark Duplassတို့ ၂ယောက်က ယခုဇာတ်လမ်းကို ဦးဆောင်ထားပြီး Spider-Man: Into the Spider-Verse, Spider-Man: Across the Spider-Verse, Let's be Cops, Tag, Jurassic World အစရှိတဲ့ ရုပ်ရှင်ကောင်းတွေမှာ ပါဝင်ထားဖူးတဲ့ Jake Johnsonကနေပြီးတော့ ဝန်းရံကာ ဒီဇာတ်လမ်းကို ပုံဖော်ထားကြပါတယ်။ ကျွန်တော့်ရဲ့ ထုံးစံအတိုင်း reviewကို မေးခွန်းလေးတွေနဲ့ စတင်ချင်ပါတယ်။ အချိန်ခရီးသွားခြင်းကို ဘယ်လိုထင်ပါသလဲ၊ အချိန်ခရီးသွားခြင်းက တကယ်ပဲဖြစ်နိုင်ရဲ့လား။ အကယ်၍ သင်က အချိန်ခရီးသွားဖို့အဖော်ရှာနေတဲ့ကြော်ငြာကို တွေ့ရင် သင့်အနေနဲ့စိတ်ဝင်စားမလား ဒါမှမဟုတ် Scamလို့ပဲသတ်မှတ်ပြီး ကျော်သွားမလား။ .... ဇတ်လမ်းအကြောင်းပြောရရင် ဒဲလ်ရီးယက်စ်ဆိုတဲ့ မိန်းကလေးငယ်လေးက ဆီယက်တဲလ် မဂ္ဂဇင်းတိုက်မှာ အလုပ်သင်ဆင်းနေသူဖြစ်ပါတယ်။ တစ်နေ့မှာ မဂ္ဂဇင်းအတွက် ဆောင်းပါးရေးဖို့အတွက် အစည်းဝေးလုပ်နေတုန်း အချိန်ခရီးသွားဖို့အတွက် လူခေါ်နေတဲ့ကြော်ငြာအကြောင်း ပြောမိရာကနေ ဆောင်းပါးရေးဖို့ဖြစ်လာပါလေရော။ ဒီလိုနဲ့ ဒဲလ်ရီးယက်စ်က စီနီယာ စာရေးဆရာ ဂျက်ဖ်နဲ့ နောက်ထပ် အလုပ်သင် အာနိုးနဲ့အတူတူ ထိုကြော်ငြာခေါ်ထားတဲ့နေရာဆီကို သွားပြီး စုံစမ်းကြတော့ ကက်နက် ကယ်လိုဝေးလို့ခေါ်တဲ့ လူကို ရှာတွေ့ပါလေရော။ ထိုလူက ဘယ်လိုလူလဲ၊ ဘယ်လိုမျိုးကြောင့် အချိန်ခရီးသွားဖို့ အဖော်ရှာနေရတာလဲ၊ အချိန်ခရီးသွားတာက တကယ်ရောဖြစ်နိုင်ရဲ့လား၊ သူက အတည်ပေါက်ပြောနေတာ ရွှီးနေတာလားဆိုတာကို စိတ်ဝင်စားဖို့ကောင်းစွာနဲ့ ကြည့်ရှု့ရမှာဖြစ်ပါတယ်။ ပုံမှန်ဆိုရင် ဒီလိုရုပ်ရှင်မျိုးက ပျင်းစရာကောင်းပေမယ့် ဒီဇာတ်လမ်းကတော့ မတူညီဘဲ ကွဲပြားလွန်းနေပါတယ်။ အတိတ်နဲ့ ပစ္စုပ္ပန်ရယ်ကို အချစ်မေတ္တာနဲ့ နှောင်ဖွဲ့ထားပြီးတော့ ဇာတ်လမ်းကို ရင်ထဲရောက်အောင် ပေးစွမ်းနိုင်တဲ့ ရုပ်ရှင်တစ်ကားလို့ ပြောရင်း reviewကို နိဂုံးချုပ်ပရစေ။ အညွှန်းနဲ့ ဘာသာပြန်က Minn Khant Kyi Win ဖြစ်ပါတယ်။