Benjamin Gilani ပါဝင်သော ဇာတ်ကားများ

The Diplomat 2024 သံအမတ်တစ်ယောက်ရဲ့ဘဝခရီး IMDb - 7.4/10 မင်းသားကြီး John Abraham ရဲ့ positive reviewတွေပိုင်ဆိုင်ထားတဲ့ The Diplomat ဆိုတဲ့ ဇာတ်ကားလေး ထွက်ထွက်လာချင်းမှာပဲ CM Bollywood ပရိသတ်တို့အတွက် ဘာသာပြန်တင်ဆက်ပေးလိုက်ပါပြီဗျ။ ဒီဇာတ်ကားလေးကတော့ မျိုးဆက်ပေါင်းများစွာ အာဃာတတွေထားပြီး အမြဲအင်အားချင်းပြိုင်နေတဲ့ နိုင်ငံနှစ်နိုင်ငံကြားက သံအမတ်တစ်ယောက်ရဲ့ဘဝကို ပုံဖော်ထားတာဖြစ်ပြီး ပါကစ္စတန်ကို ဖျားယောင်းခေါ်ဆောင်သွားခံရတဲ့ အိန္ဒိယနိုင်ငံသူလေးကို အိန္ဒိယကို ပြန်ခေါ်ဆောင်ဖို့ ကြိုးပမ်းခဲ့တဲ့ အိန္ဒိယသံအမတ်ရဲ့ ဖြစ်ရပ်မှန်ဇာတ်လမ်းလေးကို အခြေခံထားတာဖြစ်ပါတယ်။ အိန္ဒိယနဲ့ပါကစ္စတန်လို့ပြောလိုက်ရင် နိုင်ငံချင်းကပ်ရပ်ဖြစ်နေပေမဲ့ ၃ နဲ့ ၄ လိုမျက်နှာချင်းမဆိုင်ကြတာ အားလုံးအသိပါပဲ။ ဒီတော့ ပါကစ္စတန်နိုင်ငံထဲက အိန္ဒိယသံရုံးက သံအမတ်တစ်ယောက်အတွက်တော့ အရာရာဟာ ကြိုးတန်းပေါ်လမ်းလျှောက်နေရတဲ့ဘဝပါ။ ဒီလိုနဲ့တစ်နေ့ သံရုံးထဲကို အုဇ်မာဆိုတဲ့အမျိုးသမီးတစ်ယောက် ရုတ်တရက်ပြေးဝင်လာပြီး ကူညီဖို့ ငိုယိုအကူအညီတောင်းခံပါတော့တယ်။ ပါကစ္စတန်မှာ ဒါမျိုးတွေကြုံနေကြအပြင် စာရွက်စာတမ်းနဲ့တူတာ အိန္ဒိယပတ်စပို့ပဲရှိနေပါသတဲ့။ ဖြစ်နိုင်ခြေနည်းတဲ့ သူ့ရဲ့ထွက်ဆိုချက်တွေကြောင့် သူ့ကို ဘယ်သူမှမယုံကြပေမဲ့ စစ်ဆေးကြည့်တဲ့အခါ ဖျားယောင်းခံရ လိမ်ညာလက်ထပ်ခံရ လိင်အကြမ်းဖက်ခံရတဲ့ သနားစရာမိန်းကလေးမှန်းသိသွားတဲ့နောက် သံအမတ်ကြီးဂျေပီဆင်းဂ်က သူ့ကိုကူညီဖို့ ဆုံးဖြတ်လိုက်ချိန်မှာတော့... နိုင်ငံနှစ်နိုင်ငံကြား သံတမန်ရေးရာကိစ္စတွေ ပဋိပက္ခတွေနဲ့ သူ့ရဲ့ကိုယ်ရေးကိုယ်တာဘဝ မိသားစုရေးရာတွေကြား အုဇ်မာကို သူဘယ်လိုကယ်ထုတ်မလဲဆိုတာ လှလှပပ ပုံဖော်ထားတဲ့ Political drama ‌ကောင်းတစ်ကားကို အခုပဲ CMနဲ့အတူ ရှုစားလိုက်ကြပါဦးစို့။ ( အညွှန်းနဲ့ ဘာသာပြန်ကတော့ Alex ~ Cym ~ ToMo ~ Star ~ Zweတို့ပဲဖြစ်ပါတယ်) File size… 4.8 GB / 1.8 GB / 900 MB Quality…4k HEVC WEB DL / WEB DL 1080p HEVC/ 720p Format…mkv/ mp4 Duration….2h 10min Subtitle….Myanmar Subtitle (Hard Sub) Encoder….YK Translated by Alex ~ Cym ~ ToMo ~ Star ~ Zwe

IMDb-9/10 IMDbကတော့ နိုင်းလောက်ရှိသဗျို့။ the sound of music ဆိုတဲ့ ဂန္တဝင်တေးဂီတကားကြီးကို အခြေခံထားတဲ့ဇာတ်လမ်း။3Idiotsထဲက အဆောင်တွေလက်ဖွဲ့တွေယုံကြည်သူ ရာဂျူး ခေါင်းဆောင်ပါဝင်ထားတဲ့ဇာတ်လမ်း။ ဂီတကားဖြစ်တဲ့အတွက် ဂီတကိုချစ်မြတ်နိုးတဲ့သူတွေ နှစ်သက်သဘောကျစေမှာပါ။ သားသမီးတွေကို ပညာရေးပဲအာရုံစိုက်စေချင်ပြီး အင်ဂျင်နီယာကြီး ဆရာဝန်ကြီးတွေဖြစ်စေချင်ပေမယ့် လူငယ်တွေရဲ့ ရင်ထဲကရူးသွပ်တဲ့ ဂီတအနုပညာကိုနားလည်မပေးကြ။ ငါ့သား ငါ့သမီးလေးက အတန်းထဲမှာ အဆင့်တစ် ထိပ်ဆုံးကဆိုပြီး လက်မထောင်ချင်ကြတဲ့မိဘတွေ။ ဒီလိုမိဘတွေရဲ့ဖိနှိပ်ချုပ်ချယ်မှုတွေကြားကနေပဲ ရင်ထဲကပေါက်ဖွားလာတဲ့အနုပညာကို ပုံဖော်ကြတဲ့ လူငယ်လေးတွေရဲ့ကြိုးစားအားထုတ်မှုတွေ ဖန်တီးတင်ဆက်နိုင်ပုံတွေကို တေးဂီတဆရာမနဲ့ ပြဇာတ်ဆရာတို့က ဦးဆောင်လမ်းပြပြီး ဂန္တဝင်တေးဂီတပြဇာတ်တစ်ပုဒ်ကို ဖန်တီးတင်ဆက်ထားပါတယ်။ စာကြွင်းအနေနဲ့ ကျွန်တော်က နာမည်ကြီးသီချင်းတွေ ဘာတွေကို ဇာတ်ဝင်တေးယူသုံးထားရင် သဘောကျတဲ့ထဲပါပါတယ် တိုက်ဆိုင်သွားတတ်တာပေါ့ ဒီဇာတ်ကားလေးက အိန္ဒိယကားဆိုပေမဲ့ အပိတ်သီချင်းလေးက " so long farewell auf wiedersehen goodbye" ဆိုတဲ့ The sound of music ဂန္တဝင်တေးကိုပဲ အကနဲ့ဖျော်ဖြေထားတဲ့ပုံက ကျွန်တော်သိပ်ကြိုက်ခဲ့တဲ့ Ted Lasso စီးရီးထဲက နည်းပြကြီး Ted Lasso ကို နှုတ်ဆက်ခန်းကို ပြန်သတိရသွားတာမို့ မျက်ရည်လေးများတောင့်စို့မိတဲ့ ပီတိအရသာလေးရတာမို့ ရင်ဘတ်ချင်းတူမဲ့ ဘော်ဒါတွေအတွက် လက်မလွတ်ခံဖို့ ကြိုပြောပြပေးလိုက်ပါတယ် (အညွှန်းနဲ့ဘာသာပြန်သူတွေကတော့ YH~V~Moon~Saiiတို့ပဲဖြစ်ပါတယ်) File size…2.2GB / 1.06GB Quality…1080p WEB DL /720p Format…mp4 Duration….2h 5m Subtitle….Myanmar Subtitle (Hard Sub) Encoder….YK Translated by YH~V~Moon~Saii

Guilty Minds(2022) အပိုင်း (၁ မှ ၁၀) အထိ စ/ဆုံး ဇာတ်လမ်းတွဲအညွှန် း အိန္ဒိယပြည်သူတွေနဲ့ ရုပ်သံဌာနတွေ သတင်းစာမျက်နှာဖုံးတွေထက်မှာသတင်းထူးကြီ:တက်လာတယ်...နာမည်ကြီးမင်းသမီးတစ်ဦးက ဒါရိုက်တာကြီးတစ်ဦးကို မုဒိမ်းမှုနဲ့တရားစွဲလိုက်တာပဲဖြစ်ပါတယ်...သိပ်လည်းလှတဲ့မင်းသမီးဖြစ်သလို ဖန်လည်းတောင့်တဲ့အတွက် သူမဘက်ကဝန်းရံတဲ့သူတွေလည်းအများအပြားပဲ...ဒီမှာပြဿနာကဘာလဲဆိုတော့ ရှေ့နေတွေဖြစ်တယ်... ရှုံးတဲ့သူဘက်က လိုက်တဲ့ရှေ့နေအဖွဲ့ဟာနာမည်အကြီးအကျယ်ပျက်နိုင်သလို နိုင်တဲ့သူကျတော့ ကြေငြာစရာမလိုဘဲ နာမည်တက်မဲ့အနေအထားမျိုးပဲ... တစ်နိုင်ငံလုံးစိတ်ဝင်စားကြသလို တရားခွင်ဟာလည်း နားထောင်တဲ့သူတွေအများအပြားပါပဲ...ဒါ့ကြောင့် နာမည်ကျော်ရှေ့နေတွေဟာ ဒီအမှုအတွက် သတိကြီးကြီးနဲ့ချဉ်းကပ်ကြသလိုဂရုတစ်စိုက်နဲ့ပြင်ဆင်လာကြတယ်...အဲ့ဒီနောက်မှာတော့ တရားခွင်စစ်ရင်းစုံစမ်းရင်းနဲ့ မထင်မှတ်ထားတဲ့ပြဿနာတွေပါဆက်တိုက်ပေါ်လာတဲ့အခါမှာတော့.... ဒီစီးရီး (၁၀) ပိုင်းရှိပြီး  အပိုင်း (၁)မှာကတည်းက ဆွဲဆောင်မှုရှိတယ်..Crime ,Law တွေမှ သဘောကျတဲ့သူတွေအတွက်တော့ ညွှန်းဆိုပါတယ်.. Episodes: 10 Duration: 60 Min Quality :Web-DL 1080p Genres: Action, Adventure , Drama Translated by Alias,May Myat Thu, Zuel Khant Thwin  & Jumper Neysman Encoded by  Phyo Pyae

Laila Majnu (2018) ကိန္ဒရီ ကိန္ဒရာ ဒဏ္ဍာရီ Genre – Drama, Romance IMDB – 7.7/10 ၇ ရာစုလောက်မှာ Layla and Majnun ဆိုတဲ့ အာရေဗျ အချစ်ပုံပြင်လေးတစ်ပုဒ် ရှိခဲ့တယ်။ ခုထက်ထိ ခေတ်အဆက်ဆက် လက်ဆင့်ကမ်းပြီး ပါရှားဒေသ၊ အာရေဗျဒေသနဲ့ အာရှတစ်လွှား လူတိုင်းက ပြောဆိုခဲ့ကြတဲ့ ရှေးဟောင်းရိုးရာ ပုံပြင်လေးတစ်ပုဒ်ပေါ့။ အချစ်ပုံပြင်လေးသာဆိုတာပါ ပျော်ရွှင်စရာအတိချည်းပဲတော့ ဖြစ်မနေပါဘူး ဆရာကြီး ရှိတ်စပီးယားရဲ့ ရိုမီယိုနဲ့ ဂျူးလိယက်ဆန်ဆန်ပဲ ပြောရမှာပေါ့လေ။ ဒါပေမဲ့ ဒီပုံပြင်လေးဟာ ကြီးမားလှတဲ့ အချစ်စွမ်းအားတွေ၊ ကွဲကွာခြင်းရဲ့ သေလုမတတ် နာကျင်ရခြင်းတွေ၊ အသိုင်းအဝိုင်းတွေရဲ့ ကန့်သတ်မှု ပညတ်ချက်တွေကို မီးမောင်းထိုးပြထားတာပါ။ ဒီ ရိုးရာပုံပြင်လေးကိုပဲ အိန္ဒိယနိုင်ငံရဲ့ အေးချမ်းသာယာလှပတဲ့ ကက်ရှမီးယားပြည်နယ်မှာ အခြေပြုပြီး ယနေ့ခေတ်ကာလအတိုင်း ပြန်လည် ဆန်းသစ်ထားတဲ့ အချစ်ရုပ်ရှင်လေး ဖြစ်ပါတယ်။ လိုင်လာဆိုတာက စိတ်ကူးယဉ်ဆန်ဆန် အချစ်ရဲ့အကြောင်းတွေကို တွေးတောမှိန်းမောပြီး ရင်ခုန်နေတဲ့ လှပချောမောတဲ့ မိန်းမပျိုလေးတစ်ယောက်။ ထူးဆန်းတဲ့ အိပ်မက်တစ်ခုကိုလည်း ထပ်ခါတလဲလဲ မက်လို့ပေါ့လေ။ တစ်မြို့လုံးက ကာလသားတွေကလည်း အရူးအမူး ဝိုင်းပိုးပန်းတာခံရပြီး အလှဂုဏ်လေးတဝင့်ဝင့်နဲ့ ရှိနေတဲ့သူ။ ဒီအချိန်မှာ လိုင်လာ့အချစ်ဆိုတဲ့ ပြိုင်ပွဲလေးထဲကို ဝင်ရောက်လာသူက သူများတွေနဲ့ မတူပဲ တစ်မူထူးခြားသူ ဖြစ်နေခဲ့တယ်။ မြို့မျက်နှာဖုံးရဲ့ သားတစ်ယောက်၊ ချမ်းသာကြွယ်ဝပြီး အလိုလိုက်ခံထားလို့ ပျက်စီးနေတယ်၊ မူးယစ်ဆေး မိန်းမ လောင်းကစား အကုန်လုပ်တယ် စသဖြင့် မကောင်းသတင်း ကောလဟာလတွေနဲ့ နာမည်ဆိုး ရထားသူ ကာစီပေါ့။ ဒီလိုနဲ့ ထူးခြားသစ်လွင်တဲ့ အချစ်ဇာတ်လမ်းလေး ဖူးပွင့်လာမယ့်အချိန်မှာ မိဘပတ်ဝန်းကျင် အခြေအနေ အဆင့်အတန်း အာဃာတ ပညတ်ချက် စတဲ့ ဒေဝါမုန်တိုင်းတွေ ဝင်ရောက်လာခဲ့ချိန်မှာတော့…….။ ကက်ရှမီးယားပြည်နယ်ရဲ့ သာယာလှပတဲ့ ရှုခင်းတွေ ရှုမငြီးလှတဲ့ မင်းသား မင်းသမီးလေးတွေကို သာယာနာပျော်ဖွယ် သံစဉ်လေးတွေနဲ့အတူ ချိုခါးခါး ဖျော်စပ်ထားတဲ့ အချစ်တစ်ခွက်ကို သောက်သုံးကြည့်လိုက်ရအောင်ဗျာ။ (အညွန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ်) File size… 2.26GB / 1GB Quality…WEB DL 1080p / 720p Format…mp4 Duration….2h 20m Subtitle….Myanmar Subtitle (Hard Sub) Encoder….YK Translated by CM Bollywood Team

ဘာဂျီရောဝ်ဟာ စစ်ပရိယာယ်ကြွယ်ဝပြီး တိုင်းပြည်က အားထားရသလို ပြည်သူတွေကလည်း ချစ်ခင်ကြတဲ့ စစ်သူရဲကောင်းတစ်ယောက်ပါ။ သူ့မှာ ကာရှီးဆိုတဲ့ဇနီးနဲ့ သားတစ်ယောက် ရှိပါတယ်။ တစ်နေ့မှာတော့ မဟာမိတ်တိုင်းပြည်က မင်းသမီး မာစတီးနီဟာ သူရှိတဲ့ စစ်မြေပြင်ကို ရောက်လာပြီး စစ်ကူပေးဖို့ အကူအညီတောင်းလာခဲ့တယ်။ ဘာဂျီရောဝ်ရဲ့ စစ်ရေးကျွမ်းကျင်မှုကြောင့် မာစတီးနီတို့ဘက်က အနိုင်ရသွားပါတယ်။ အဲဒီနောက် ဘာဂျီရောဝ်ဟာ မာစတီးနီကို ချစ်မိလာပြီး သူမပြန်ခင်မှာ သူ့ဓားမြှောင်ကို ပေးလိုက်တယ်။ မာစတီးနီတို့တိုင်းပြည်မှာတော့ ဓားမြှောင်ပေးတာဟာ လက်ထပ်ခွင့်တောင်းတဲ့ အဓိပ္ပာယ်ဖြစ်ပါတယ်။ ဘာဂျီရောဝ်ကို ချစ်နေတဲ့ မာစတီးနီကလည်း အဲဒီဓားမြှောင်လေးကို တယုတယ သိမ်းထားခဲ့တယ်။ နောက်ပိုင်းမှာ မာစတီးနီဟာ ဘာဂျီရောဝ်နဲ့ ပြန်တွေ့ဖို့ ကြိုးစားလာပါတယ်။ နှစ်ယောက်ကြားက အဓိကကွာခြားချက်က ကိုးကွယ်တဲ့ဘာသာဖြစ်နေပြီး ဘာသာရေးလွှမ်းမိုးမှုကြီးတဲ့ခေတ်မှာ သူတို့အချစ်ရေး ဘယ်လိုရှေ့ဆက်နိုင်မလဲဆိုတာကို ဆက်ပြထားတာပါ။ ဆန်ဂျေးဘန်ဆာလီ ရိုက်ကူးထားတဲ့ သမိုင်းနောက်ခံ အချစ်နဲ့စစ်ဇာတ်ကားဖြစ်ပြီး ရန်ဗီးဆင်း၊ ဒီပီကားနဲ့ ပရီရန်ကားတို့ ပါဝင်ထားပါတယ်။ အိန္ဒိယသမိုင်းကို အခြေခံထားတဲ့ ဒီသုံးပွင့်ဆိုင်ဇာတ်လမ်းမှာ အမျိုးသမီးတွေရဲ့ ခံစားချက်နဲ့ အချစ်အပေါ် ခံယူပုံတွေကို စကားပြောခန်းတွေ၊ အကအလှတွေနဲ့အတူ ဖော်ပြထားပါတယ်။