Bi Wenjun ပါဝင်သော ဇာတ်ကားများ

ဒီတလော ဇာတ်လမ်းတွေထဲမှာပဲ မြင်ဖူးကြားဖူးခဲ့ရတဲ့ တစ်ကိုယ်ရေလုံခြုံရေး၊ မိသားစုလုံခြုံရေး၊ နေအိမ်ဖောက်ထွင်းခိုးယူခံရမှု စတဲ့ သတင်းတွေကို အများကြီးကြားနေရမယ်ထင်ပါတယ်။ ဒါကြောင့် အားလုံးလည်း သတိနဲ့နေကြဖို့ စကားလက်ဆောင်ပေးရင်း၊ ဒီအကြောင်းအရာတွေနဲ့ တိုက်ဆိုင်ပြီး စဉ်းစားစရာတွေ အများကြီးပေးမယ့် ဇာတ်ကားကောင်းလေးတစ်ကားကို ဘာသာပြန်တင်ဆက်ပေးလိုက်ပါတယ်နော်...ဒီကားလေးမှာတော့... သမာရိုးကျအလုပ်လုပ်ပြီး သမာအာဇီဝနဲ့ ဝင်ငွေရှာရတာ သူဌေးဖြစ်ဖို့ နှေးလွန်းတယ်လို့ထင်ပြီး လောင်းကစားနဲ့ အမြန်ချမ်းသာချင်တဲ့ လူတစ်ယောက်...။ နောက်ဆုံးမှာတော့ မိန်းမကလည်း ကွာရှင်းသွား၊ ကလေးကလည်း စွန့်ခွာသွားပြီး အဖေကြီးရဲ့ ပင်စင်လစာကိုတောင် ပြန်မှီခိုစားသောက်ဖို့ ကြိုးစားနေရတဲ့ လောင်းကစားသမားတစ်ယောက်ရဲ့ ဘဝကို မြင်တွေ့ရမှာပါ။ တစ်ဖက်မှာလည်း လုံခြုံရေးထက် ကုန်ကျစရိတ်ကိုပဲ ဦးစားပေးပြီး ဈေးပေါတဲ့ CCTV တပ်ဆင်ထားတဲ့အတွက် လှေကားအတက်အဆင်း ၂-၃ မိနစ်အတွင်း ပျောက်ဆုံးသွားတဲ့ ကလေးတစ်ယောက်ကိုတောင် ဘယ်လိုမှ ခြေရာမခံနိုင်ခဲ့တဲ့ သားပျောက်မိဘနှစ်ပါးရဲ့ ရင်နာစရာအဖြစ်ကိုလည်း တွေ့ရမှာပါ။ နောက်ထပ် တစ်ခုကတော့... တစ်ယောက်တည်း ရဲရဲတင်းတင်း တိုက်ခန်းမှာ နေထိုင်နေတဲ့ မိန်းကလေးတစ်ယောက်ဟာ ညဘက်မှာ ဘယ်သူမှန်းမသိတဲ့သူရဲ့ မေ့ဆေးအတိုက်ခံရပြီး၊ မိန်းမသားတစ်ယောက်အတွက် အဖိုးတန်ဆုံး အသွေးအသားဂုဏ်သိက္ခာကို အဓမ္မလုယူခံခဲ့ရပါတယ်။ ဒါပေမယ့် "ရဲတိုင်လိုက်ရင် လူသိသွားပြီး ညီမလေးရဲ့ သိက္ခာကျသွားမယ်" ဆိုတဲ့ ရေးရိုးစွဲအတွေးနဲ့ ရုန်းကန်နေတဲ့ မောင်နှမနှစ်ယောက်ရဲ့ အဖြစ်ကလည်း ရင်ထဲထိစေမှာပါ။ဒီဇာတ်ကားရဲ့ စိတ်ဝင်စားစရာအကောင်းဆုံးအချက်ကတော့... ဇာတ်ကောင်တစ်ယောက်ချင်းစီရဲ့ ဘဝတွေဟာ မြှုပ်ကွက်လေးတွေနဲ့ တစ်ဖြည်းဖြည်း ချိတ်ဆက်လာပြီး၊ အဆုံးမှာ အရာအားလုံးဟာ အဓိပ္ပာယ်ရှိရှိ ဆုံစည်းသွားတာပါပဲ။ ဇာတ်လမ်းထဲက အဖြစ်အပျက်တွေဟာလည်း အဝေးကြီးက စိတ်ကူးယဉ်ဇာတ်လမ်းတွေ မဟုတ်ဘဲ၊ ပတ်ဝန်းကျင်မှာ ကြုံတွေ့နေရတဲ့ လူတချို့ရဲ့ ဘဝအစစ်အမှန်တွေကို ဇာတ်ခုံပေါ်တင်ထားသလို ခံစားရတာမို့ ကြည့်နေချိန်တစ်လျှောက် စိတ်ဝင်စားမှုမလျော့စေဘဲ အတွေးပေါင်းများစွာ ကျန်ရစ်စေမယ့် ဇာတ်ကားကောင်းတစ်ကားလို့ ပြောချင်ပါတယ်။ ဒါ့အပြင် တရုတ် Running Man ရဲ့ Season 1 ကတည်းက အခုချိန်ထိ ရှိနေဆဲဖြစ်တဲ့ Member နှစ်ယောက်ဖြစ်တဲ့ Zheng Kai နဲ့ Li Chen တို့ကို မင်းသားတွေအဖြစ် မြင်တွေ့ရမှာဖြစ်ပြီး၊ Liu Haocun, Bi Wenjun, Roy Chiu, Li Meng တို့လို နာမည်ကြီး သရုပ်ဆောင်တွေလည်း ပါဝင်ထားတာကြောင့် ရုပ်ရည်ပိုင်းရော သရုပ်ဆောင်ချက်ပိုင်းရော ပြောစရာမလိုအောင် အရည်အသွေးပြည့်ဝတဲ့ကားလေးပါ။ဘဝအမောတွေ ပြေပျောက်စေမယ့် ဖျော်ဖြေမှုတစ်ခုရသလို၊ မိမိကိုယ်ကိုရော မိသားစုကိုပါ ပိုပြီးသတိထားကာကွယ်ဖို့ သတိပေးသွားမယ့် ဇာတ်ကားကောင်းလေးမို့ အားလုံးကို ကြည့်ရှုဖို့ အကြံပြုရင်း... ပျော်ရွှင်စွာ ကြည့်ရှုခံစားနိုင်ကြပါစေလို့ ဆုတောင်းပေးလိုက်ပါတယ်နော်... Filesize : 6.01 GB / 1.16 GB / 720 MB Quality : WEB-DL 4K HEVC , 1080p HEVC , 720p HEVC Format : mp4 Genres : Mystery, Thriller, and Crime Runtime : 2h 20 min Subtitle : Myanmar Subtitle ( Hardsub )

ဒီတစ်ခါ ပရိသတ်ကြီးကို စစ်သူကြီးရဲ့ နောက်ကားသစ်တစ်ကားနဲ့ မိတ်ဆက်ပေးချင်ပါတယ် ထိုက်ကျင့်ကမိန်းကလေးစစ်သူကြီးတစ်ယောက်ဖြစ်တဲ့ Li Shaung ဟာ ရဲရင့်ပြီးတော့ တိုက်ခိုက် ရေးမှာ တော်တဲ့အတွက် သူလျှိုလုပ်ဖို့စေခိုင်းခံခဲ့ရတယ်။ တစ်နေ့မှာ သူက ဒဏ်ရာအပြင်းအထန်ရကာ သတိမေ့ပြီးတော့ အတိတ် မေ့နေတဲ့လူတစ် ယောက်ကို သူ့ရဲ့စစ်စခန်းဆီ ပြန်ခေါ်လာခဲ့တယ်။ အဲဒီလူဟာ သူ့ကိုခေါ်သွားဖို့တောင်းဆိုပြီး လီရွှမ်းနဲ့အတူ စစ်မြေပြင်ဆီ ခြေချခဲ့တယ်။ လီရွှမ်းက သူ့ကို ကျင့်မင်းဆက် ရေရှည်ခိုင်မာပြီးတာ့ တည်ငြိမ်စေမယ့် အဓိပ္ပာယ်နဲ့ ကျင့်အန်းလို့ နာမည်ပေးခဲ့တယ်။ နှစ်ယောက်က ဖုံးကွယ်ရင်း သူလျှိုလုပ်ကာ စုံစမ်းထုတ်ဖော်ခဲ့ကြတယ်။ စုံစမ်းရင်းနဲ့ ကြီးကြပ်ရေးမှူးတစ်ယောက်ရဲ့ တမင်သက်သက်လာဘ်စားမှုနဲ့ အိမ်နီးချင်းနိုင်ငံသာ့ယောင်က ထပ်ခါတလဲလဲ ပြစ်မှုတွေကို  သိရှိခဲ့ကြတယ်။ ကျင့်အန်းက သူ့ရဲ့ ထူးကဲများပြားတဲ့ အရင်းအမြစ်တွေကို အသုံးချကာ လီရွှမ်းကို အန္တရာယ်တွေကနေ လွတ်မြောက်စေဖို့ ကူညီပေးရင်း တိတ်တဆိတ် ချစ်မိသွားခဲ့တယ်။ ကျင့်အန်းကလည်း တဖြည်းဖြည်းနဲ့ သူ့ရဲ့သရုပ်မှန်က သာ့ယောင်ပြည်ရဲ့ ကျန့်ရှီးဘုရင်ဖြစ်နေကြောင်းကို မှတ်မိလာတယ်။ ဒါပေမယ့် အဲဒီအချိန်မှာက စစ်ပွဲက မဖြစ်မနေဖြစ်ရတော့မှာမို့ သူတို့နှစ်ယောက်ဟာလည်း အချင်းချင်းပြန်တိုက်ခဲ့ကြရတယ်။ စစ်ပွဲကို ပင်ပန်းစိတ်ကုန်လာတဲ့ သူတို့နှစ်ယောက်က သူတို့နိုင်ငံရဲ့ ပဋိပက္ခကို ဖြေရှင်းကာ ပြည်သူတွေဘဝ တည်ငြိမ်စေဖို့အတွက် ပူးပေါင်းလက်တွဲခဲ့ကြတယ်။ ဒီဇာတ်ကားမှာတော့ လီရွှမ်းအဖြစ် မတွေ့ရတာကြာတဲ့ ကျဲကျဲစုန့်ယီကို ပြန်တွေ့ရမှာဖြစ်သလို စစ်သူကြီးဖုန့်ယွင်ကိုလည်း အတိတ်မေ့လူငယ်လေးအဖြစ် ထပ်မံတွေ့ဆုံရမှာပါ။ မကြာသေးခင်က ပြီးသွားတဲ့ Deep Affection Eyes ထဲက မမရဲ့မောင်လေး Bi Wen Jun ကလည်း supporting role အဖြစ်ပါဝင်တာမို့ လက်မလွှတ်တမ်း စောင့်မျှော်ကြည့်ရှုသင့်တဲ့ ကားလေးပါနော် ~ Quality : WEB-DL 1080p, 720p  Total Episodes : 38 Format : mp4 Genres : Romance, Wuxia, War Runtime : 45 min Subtitle : Myanmar Subtitle ( Hardsub )

မမZhang Yu Xi နဲ့ Bi Wen Jun တို့ရဲ့ ထိပ်တန်းVisual တွေနဲ့ Healing Drama လေးကို CM ကနေတင်ဆက်ပေးလိုက်ပါတယ်။ ဇာတ်လမ်းအကျဉ်းကတော့...... အသက်သုံးဆယ်ကျော်မိန်းကလေးတစ်ယောက်ဖြစ်တဲ့ယဲ့မုံက လုပ်ငန်းခွင်မှာအဆင်မပြေတာကြောင့်အလုပ်ထွက်လိုက်ပြီး ကိုယ်စုဆောင်းထားတဲ့ပိုက်ဆံလေးနဲ့ လှပတဲ့မြို့ငယ်လေးမှာ ဘဝအသစ်စဖွင့်လိုက်တယ်။ အေးချမ်းပျော်ရွှင်တဲ့နေ့ရက်တွေကိုခံစားနေချိန်မှာပဲ နက်ရှိုင်းတဲ့မျက်ဝန်းတွေရှိတဲ့ လီကျင်ယွီဆုံတွေ့ခဲ့တယ်။ သူ့ရဲ့လျှိ့ဝှက်ပြီးအေးစက်တဲ့အပြုအမှုတွေကယဲ့မုံကို စွဲဆောင်သွားခဲ့တယ်။ အဖော်မဲ့တဲ့သူစိမ်းနှစ်ယောက်ဟာ တဖြည်းဖြည်းနဲ့စိတ်ချင်းနီးစပ်လာကြတယ်။ ယဲ့မုံကလီကျင်ယွီရဲ့ခက်ခဲတဲ့ဘဝကိုသနားကြင်နာပြီး သူ့ကိုအကူအညီတွေပေးခဲ့တယ်။ လီကျင်ယွီလည်း ယဲ့မုံပံ့ပိုးမှုတွေကြောင့် စိတ်တံခါးကိုဖွင့်လာနိုင်ခဲ့တယ်။ အရင်ကအေးစက်ခဲ့သူဟာ အခုချိန်မှာယုံကြည်မှုတွေနဲ့ပွင့်လန်းလာခဲ့တယ်။ သူတို့ကအချင်းချင်းနွေးထွေးမှုတွေနဲ့ အတူကုစားပြီး ရခဲလှတဲ့အချစ်ကိုပျိုးထောင်ကြတယ်။ ဒါပေမယ့်… တစ်နေ့မှာ လက်စွပ်တစ်ကွင်းက သူတို့နှစ်ဦးအကြားကအေးချမ်းမှုလေးကိုဖျက်ဆီးလိုက်တယ်။ ယဲ့မုံအမေသေဆုံးမှုနဲ့ပတ်သက်တဲ့ နောက်ကွယ်ကအဖြေတွေကတဖြည်းဖြည်းပေါ်လာခဲ့တဲ့အတွက် ယဲ့မုံကရက်စက်တဲ့အမှန်တရားကိုမဖြစ်မနေရင်ဆိုင်ရပါတယ်။ တကယ်တော့ ယဲ့မုံရဲ့အမေသေဆုံးမှုက လီကျင်ယွီရဲ့မိသားစုနဲ့ပတ်သက်နေခဲ့တယ်။ ဒီအချိန်မှာ လီကျင်ယွီရဲ့စိတ်ကတော့ ယဲ့မုံဘက်မှာပဲရှိနေပါပြီ။ ယဲ့မုံကလီကျင်ယွီဘဝထဲကို နေရောင်ခြည်လိုအလင်းပေးခဲ့တယ်။ အခု ယဲ့မုံရဲ့ဝမ်းနည်းမှုတွေကို ဖယ်ရှားပေးဖို့ လီကျင်ယွီအလှည့်ရောက်လာခဲ့တယ်။ နောက်ဆုံးမှာ သူတို့နှစ်ယောက်က အတိတ်ကပြဿနာတွေကိုရင်ဆိုင်ဖြေရှင်းပြီး နောင်တကင်းပြီး လှပတဲ့မနက်ဖြန်ဆီချီတက်လိုက်ပါတယ်။ Quality : WEB-DL 1080p , 720p Total Episodes : 24 Format : mp4 Genres : Romance Runtime : 45 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

မင်းသားလေးတစ်ပါးနဲ့ မိသားစုအတွက်လက်စားချေဖို့ကြိုးစားနေတဲ့ မိန်းမလှလေးတစ်ယောက်တို့ရဲ့ အကွေ့အကောက်တွေကြားက ခက်ခက်ခဲခဲချစ်မိသွားတဲ့ ချစ်ဇာတ်လမ်းလေးဖြစ်ပါတယ်။ ဘုရင့်သားတော်တစ်ပါးဖြစ်တဲ့ မုရုံကျင်ဟယ် - ချင်းကျိုးကိုပြန်သိမ်းနိုင်ဖို့စစ်ချီခဲ့တယ်။ စစ်အောင်နိုင်လို့ချင်းကျိုးမြို့ထဲကိုဝင်တဲ့အခါ မီးကြီးဟာရုတ်တရက်လောင်နေခဲ့တယ်။ အားလုံးကတော့ ဒါဟာမင်းသားကပြည်သူတွေအပေါ်အငြိုးမပြေပဲပြုမူတဲ့ ရက်စက်တဲ့လုပ်ရပ်လို့ထင်ကြတယ်။ ဒီလိုနဲ့သူဟာဖြောင့်မတ်တဲ့စစ်သူကြီးအဖြစ်ကနေ ရက်စက်တဲ့လူသတ်သမားစစ်သူကြီးဖြစ်သွားခဲ့တယ်။ အဲဒီမီးကြီးထဲမှာ မေလင်ဆိုတဲ့မိန်းကလေးရဲ့မိသားစုဟာ အသက်ဆုံးရှုံးလိုက်ရတယ်။ အဲ့ဒါကြောင့် မေလင်ဟာ မိသားစုအတွက်လက်စားချေဖို့ရာ လျှို့ဝှက်အဖွဲ့အစည်းတစ်ခုထဲဝင်ခဲ့တယ်။ အပြင်းအထန်လေ့ကျင့်ပြီးတဲ့အခါမှာတော့ အဆိပ်ရည်ကိုသောက်ပြီး လူသတ်သမားတစ်ယောက်ဖြစ်လာခဲ့တယ်။ မေလင်ဟာ နောက်ဆုံးမှာတော့ သူ့ရဲ့ရည်မှန်းချက်ဖြစ်တဲ့ သူ့မိသားစုကိုသတ်သွားတဲ့ရန်သူ မင်းသားမုရုံကျင်ဟယ်ကိုသတ်ဖို့ တာဝန်ပေးခံရတယ်။ ဒါပေမယ့် သူမသိလိုက်တာကတော့ ဒီအရာအားလုံးက မုရုံကျင်ဟယ်ရဲ့ အစီအစဉ်ဖြစ်နေတယ်ဆိုတာကိုပါပဲ။ မိန်းကလေးရဲ့ လက်စားချေတဲ့ခရီးမှာ ဘယ်လိုအခက်အခဲတွေနဲ့ကြုံရမလဲ…… တကယ့်နောက်ကွယ်ကတရားခံကရော ဘယ်သူဖြစ်နေမလဲ…… မင်းသားလေးနဲ့မိန်းကလေးရဲ့အချစ်ခရီးကရော ချောမွေ့နိုင်ပါ့မလားဆိုတာ စောင့်ကြည့်လိုက်ရအောင်နော်။ Quality : WEB-DL 4K HEVC , 1080p , 720p Total Episodes : 32 Format : mkv / mp4 Genres :  Romance, Drama, Historical Runtime : 45 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

CM တရုတ်ကားဖန်တို့ သတိထားမိမှာပါ တရုတ်ကားတွေက အချိန်ခရီးသွားလိုက် အမေနဲ့ပြန်ဆုံလိုက် အဖေနဲ့ပြန်ဆုံလိုက် အစုံကို ဇာတ်လမ်းမျိုးစုံရေးပြီး ရိုက်ကူးလာတာများတယ်.. ဒီနေ့မှာတော့... အမေတစ်ခု သမီးတစ်ခု ဘဝမို့ အမေကို ပိုချစ်တာတော့မဟုတ်ဘဲ... ဒီအမေကို မလိုချင်ဘူး.. ဒီအမေရဲ့သမီးဖြစ်မယ့်အစား ဒီလူ့ဘဝကြီးထဲ မရောက်လာရင်ပိုကောင်းဦးမယ်ဆိုတဲ့ လီကျင့်ပုတစ်ယောက် အမေနဲ့ စကားများကြီး အိမ်ကဆင်းသွားတဲ့အကြောင်းပေါ့... အားလုံးအပြိုင်လောကအကြောင်းသိကြမှာပါ... ဒီကားလေးကတော့ အိမ်ပေါ်ကဆင်းသွားတဲ့ လီကျင့်ပုတစ်ယောက် အပြိုင်လောကရောက်ပြီး သူ့အမေငယ်ဘဝနဲ့ ဆုံတဲ့အကြောင်းရိုက်ကူးထားတာပေါ့... လီကျင့်ပုလေးက ငယ်ငယ်တည်းက အဖေဘယ်သူဆိုတာ မမြင်ဖူးဘူးသလို နာမည်တောင် အမေမပြောပြလို့ ကွာရှင်းစာချုပ်မှာ ခိုးကြည့်ခဲ့ရသူပေါ့... တစ်ကိုယ်တော် အမေ၊ အလုပ်အတည်တကျမရှိတဲ့ အမေ၊ နေ့နေ့ညည အရက်နာကျနေတဲ့အမေကြောင့်... ငယ်ငယ်တည်းက ကျောင်းတွေခဏခဏပြောင်းပြီး သူငယ်ချင်းဆိုပြီး မူးလို့ရှူစရာတောင်မရှိခဲ့သူပေါ့... ဒါပေမယ့် သန္ဓေကောင်းလို့ စာတော်ပြီး ပညာသင်ဆုနဲ့ သူ့အမေဆီက ထွက်ပြေးမယ်လုပ်ခဲ့တဲ့အစီစဉ်ပါ ပျက်စီးသွားလို့... အိမ်ပေါ်က ဆင်းဖို့အထိဖြစ်သွားတာပေါ့... အမေငယ်ဘဝနဲ့ဆုံချိန်မှာပဲ သူ့အမေကွာရှင်းစာချုပ်ထဲက အဖေဆိုသူပါ ဆုံခဲ့ရတယ်... ဒီလိုနဲ့ပဲ လီကျင့်ပုတစ်ယောက် သူ့ရဲ့ အမေနဲ့အဖေ မေတ္တာမမျှဖို့နဲ့ သူမမွေးလာနိုင်ဖို့အတွက် မဟာစီမံကိန်းကြီး ဆောင်ရွက်တော့တာပေါ့... ကဲ လီကျင့်ပုတစ်ယောက် အောင်မြင်မှာလား... ဘယ်လို အဆုံးသတ်တွေ့ရမလဲ... ကြားထဲ ဘယ်လို လှည့်ကွက်တွေရှိနေမလဲ... လီကျင့်ပု တစ်ယောက်မသိတဲ့ ဘာအကြောင်းတွေရှိနေဦးမလဲ.... ဇာတ်လမ်းလေးက ဖြေပေးသွားပါလိမ့်မယ်. Filesize : 1.27 GB / 888 MB Quality : WEB-DL 1080p , 720p Format : mp4 Genres : Drama , Comedy Runtime : 1h 54 min Subtitle : Myanmar Subtitle ( Hardsub ) Translated by CM Team Reviewed By Chu Chu  Encoded by LK

အခုတစ်ခေါက် CMကတင်ဆက်ပေးသွားမယ့် ဇာတ်လမ်းလေးကတော့ ထူးခြားဆန်းပြားတဲ့ လူသတ်မှုကိစ္စတစ်ခုမှာ အေးစက်တဲ့ Qian မြိုတော်က အမျိုးသမီးရဲအရာရှိ Su Jiu'erနဲ့ နွေးထွေးတဲ့ Qi မျိုးနွယ်က သခင်လေး Han Zheng တိုပါဝင်ကြပါတယ်။ အအေးနဲ့အပူရဲ့လိုက်ဖက်ညီလှတဲ့တွဲဖက်မှုနဲ့အတူလျှိဝှက်ပူးပေါင်းကြံစည်မှုမြူတွေကြား သူတိုပြိုင်ဘက်မျိုးနွယ်စုတွေနဲ့ပက်သက်တဲ့အမှန်တရားကိုရှာဖွေတွေ့ရှိနိုင်ဖို သူတိုနှစ်ဦးဘယ်လိုပူးပေါင်းလုပ်ဆောင်ကြမလဲဆိုတာကိုစိတ်ဝင်စားဖွယ်ကြည့်ရှုရမှာဖြစ်ပါတယ်။ ပါဝင်သရုပ်ဆောင်ထားတဲ့သူတွေကတော့ Qianမြိုတော်ကအမျိုးသမီးအရာရှိ Su Jiu'erအဖြစ် Li Ri Tongဆိုတဲ့အဆို‌တော်သရုပ်ဆောင်မင်းသမီးချောလေးကပါဝင်သရုပ်ဆောင်ထားပါတယ်။ 2018ကထွက်ရှိခဲ့တဲ့Bloody Romance ဆိုတဲ့ဇာတ်လမ်းတွဲမှာလည်း Wan Meiအနေနဲ့သရုပ်ဆောင်ခဲ့သလို The Legend of the Condor Heroesဆိုတဲ့နာမည်ကြီးဇာတ်လမ်းတွဲမှာလည်း Huang Rongအနေနဲ့လူကြိုက်များခဲ့သူဖြစ်ပါတယ်။ Qiမျိုးနွယ်ကသခင်လေး Han Zheng ဆိုသူအနေနဲ့ပါဝင်သရုပ်ဆောင်ထားတဲ့သူကတော့ အဆိုတော်သရုပ်ဆောင်မင်းသားချောလေး Bi Wen Junပဲဖြစ်ပါတယ်။ သူကလည်း တရုတ်နာမည်ကြီးအဆိုတော်အဖွဲတစ်ခုဖြစ်တဲ့ NEXTရဲ့အဖွဲဝင်တစ်ယောက်လဲဖြစ်ပါတယ်။ (အညွှန်းရေးသားထားသူကတော့ Kim Seok Jin ဖြစ်ပါတယ်) Quality : WEB-DL 1080p Total Episodes : 36 Format : mp4 Genres : Historical, Action, Mystery, Romance Duration : 45 min per Episode Subtitle : Myanmar Subtitle ( Hardsub ) Translated by CM Team Encoded by LK