Bobby Yip Kin-Sang ပါဝင်သော ဇာတ်ကားများ

အမွှာတွေချည်း စုဖွဲ့ထားတဲ့ အဖွဲ့အစည်းတစ်ခုမှာ ခေါင်းဆောင်အမွှာညီနောင်နှစ်ယောက် ရည်မှန်းချက်မတူကြရာက အဖွဲ့နှစ်ဖွဲ့ ကွဲသွားပါတယ်။ တစ်ဖွဲ့က မကောင်းတဲ့လမ်းကို ရွေးသွားပြီး နောက်တစ်ဖွဲ့ကတော့ တရားမျှတမှုဘက်မှာ ရပ်တည်ကြတယ်။ တစ်နေ့မှာ Lau Hay နဲ့ Uncle Luck တို့က Heaven's Bead လို့ခေါ်တဲ့ အစေ့ကို ဟောင်ကောင်ဆီ သယ်လာရင်း ခြုံခိုတိုက်ခိုက်ခံရလို့ လမ်းမှာပဲ ပျောက်ဆုံးသွားပါတယ်။ ဒီအစေ့မှာ မှော်စွမ်းအင်ရှိပြီး သေဆုံးသူတွေကို ပြန်ခေါ်နိုင်တယ်လို့ ယုံကြည်ကြတာကြောင့် လူဆိုးအမွှာအဖွဲ့က လိုက်ရှာနေပြီး တခြားအဖွဲ့ကတော့ သူတို့ကို တားဆီးဖို့ ကြိုးစားကြတယ်။ တစ်ဖက်မှာ မြို့တော်စီမံကိန်းတွေ လုပ်ဖို့ရှိနေတဲ့ Professor Mok က တူမဖြစ်သူ Li ပိုင်ဆိုင်တဲ့ မြေကွက်တွေကို လိုချင်နေပါတယ်။ သူက Heaven's Bead ကို အသုံးချပြီး အကျပ်ကိုင်ဖို့ လုပ်လာတယ်။ Lau Hay နဲ့ Uncle Luck တို့မှာလည်း ပြိုင်ဘက်ကို ရင်ဆိုင်ဖို့ အင်အားမမျှတာကြောင့် ပျောက်ဆုံးနေတဲ့ အမွှာအဖွဲ့သားတွေဆီ အကူအညီတောင်းရတော့တယ်။ သူတို့ Heaven's Bead ကို ဘယ်လိုပြန်ယူမလဲ၊ Li တို့ညီအစ်မကိုရော ဘယ်လိုကယ်တင်မလဲဆိုတာ ဆက်တွေ့ရမှာပါ။

The God of Cookery ကို ၁၉၉၆ ခုနှစ်မှာ စတီဖင်ချောင်က အခြားဖန်တီးသူတစ်ဦးနဲ့အတူ ဇာတ်ညွှန်းရေး၊ ဒါရိုက်တာလုပ်ပြီး ရိုက်ကူးခဲ့ပါတယ်။ ဒီကားအကြောင်းမပြောခင် ချောင်ရဲ့အနုပညာခရီးကို ပြန်ကြည့်ရင်တော့ အရန်ဇာတ်ကောင်နေရာတွေကနေ သရုပ်ဆောင်၊ နောက်တော့ ကိုယ်တိုင်ရေးပြီး ကိုယ်တိုင်ရိုက်တဲ့သူအဖြစ် တဖြည်းဖြည်း ရောက်လာခဲ့တာပါ။ ချောင်ဟာ အစောပိုင်းမှာ ရုပ်တောင်မပေါ်ဘဲ အသံနဲ့ပဲ ပါဝင်ရတဲ့နေရာမျိုး၊ ခဏလေးပဲ မြင်ရတဲ့ ဇာတ်ကောင်မျိုးတွေကို သရုပ်ဆောင်ခဲ့ရတယ်။ ဘရုစ်လီရဲ့ရုပ်ရှင်တွေကို ကြည့်ပြီး သူ့လိုဖြစ်ချင်ခဲ့သူဖြစ်သလို ဝင်းချွန်းသိုင်းလည်း လေ့ကျင့်ခဲ့ပါတယ်။ ဟောင်ကောင်အက်ရှင်ရုပ်ရှင်တွေ အားကောင်းနေတဲ့ခေတ်မှာ အက်ရှင်သရုပ်ဆောင်အဖြစ် စတင်ခဲ့ပြီး သရုပ်ဆောင်ဆုလည်း ရခဲ့တယ်။ သူ့အစောပိုင်းလက်ရာတွေထဲမှာ Faithfully Yours၊ ဂျွန်ဝူးနဲ့ ရိုက်ခဲ့တဲ့ Just Heroes၊ ဂျက်လီနဲ့ ပါဝင်ခဲ့တဲ့ Dragon Fight တို့ ရှိပါတယ်။ ဟာသဘက်ကို ကူးလာတဲ့ အစပိုင်းမှာတော့ နောက်ပိုင်းလူသိများလာတဲ့ သူ့ရဲ့ပြောင်စပ်စပ်သရုပ်ဆောင်ဟန်က သိပ်မပေါ်သေးပါဘူး။ God of Gamblers II၊ Fight Back to School နဲ့ Tricky Brains တို့လို ကားတွေကနေ သူ့ဟာသဟန် ပိုထင်ရှားလာခဲ့ပြီး ၁၉၉၂ တစ်နှစ်အတွင်းမှာ အဲဒီလိုကားမျိုး ရှစ်ကားလောက် ဆက်ရိုက်ခဲ့တယ်။ ၁၉၉၃ မှာတော့ သုံးကားရိုက်ခဲ့ပြီး အဲဒီကာလရဲ့လက်ရာတွေထဲမှာ Flirting Scholar နဲ့ The Mad Monk တို့ ပါဝင်ပါတယ်။ ၁၉၉၄ မှာ From Beijing with Love ကို တွဲဖက်ဒါရိုက်တာနဲ့ ရိုက်ကူးခဲ့ပြီး ၁၉၉၅ မှာ A Chinese Odyssey နဲ့ Out of the Dark တို့ ထွက်လာခဲ့တယ်။ အဲဒီနောက်မှာ The God of Cookery ကို ဇာတ်ညွှန်းရေးသူနဲ့ ဒါရိုက်တာအဖြစ်ပါ ပါဝင်ဖန်တီးခဲ့တာပါ။ နောက်ပိုင်းမှာလည်း King of Comedy၊ Shaolin Soccer၊ Kung Fu Hustle နဲ့ CJ7 တို့ကို ကိုယ်တိုင်ရေး၊ ကိုယ်တိုင်ရိုက်ပြီး သရုပ်ဆောင်ခဲ့ပါတယ်။ သရုပ်ဆောင်တာ နားသွားပြီးနောက် ဒါရိုက်တာအလုပ်ကို ဆက်လုပ်ခဲ့ရာမှာ Journey to the West: Conquering the Demons၊ The Mermaid နဲ့ The New King of Comedy တို့ကို ရိုက်ကူးခဲ့ပါတယ်။

ဟောင်ကောင်ရုပ်ရှင်လောကရဲ့ ရွှေခေတ်က ထွက်ရှိခဲ့ပြီး... ဂန္ထဝင်မင်းသားကြီး ချောင်ယွန်းဖတ်ရဲ့ ဟောလိဝုဒ်ဘက်ကိုမပြောင်းခင် ဟောင်ကောင်မှာ နောက်ဆုံးရိုက်ကူးခဲ့တဲ့ သမိုင်းဝင် အမိုက်စား Action / Western / Drama ရုပ်ရှင်ကားဖြစ်ပါတယ်။ လွန်ခဲ့တဲ့ ဆယ်စုနှစ်တစ်ခုက တရုတ်ပြည်မြောက်ပိုင်းမှာ ရက်စက်ကြမ်းကြုတ်ပြီး လူပေါင်းများစွာကို သတ်ဖြတ်ခဲ့တဲ့ "လူသတ်ဘုရင်"လို့ နာမည်ကြီးတဲ့ လူအကြောင်းကနေ စတင်ထားပါတယ်။ သူဟာ အတိတ်က သွေးစွန်းခဲ့တဲ့ ဘဝကို နောင်တရပြီးနောက်... လောကဓံဒဏ်ကြောင့် ပြေးလွှားနေရတဲ့ လေလွင့်သူတွေ၊ အမှားအယွင်းရှိခဲ့တဲ့လူတွေကိုဘေးကင်းရာ ပုန်းအောင်းနိုင်ဖို့အတွက် "ငြိမ်းချမ်းရေးဟိုတယ်"ဆိုတဲ့ နေရာတစ်ခုကို တည်ထောင်ခဲ့ပါတယ်။ သူက "ဒီဟိုတယ်ထဲကို ခြေချလိုက်တဲ့ ဘယ်သူ့ကိုမဆို ဘယ်ရန်သူကမှ လာရောက်မဖမ်းဆီးရ၊ မသတ်ဖြတ်ရ" ဆိုပြီး စည်းကမ်းထုတ်ကာ ကာကွယ်ပေးထားခဲ့ပါတယ်။ ဒီလိုနဲ့ ဟိုတယ်ကြီးဟာ ဆယ်နှစ်တိုင်တိုင် ငြိမ်းချမ်းနေခဲ့ပေမဲ့... တစ်နေ့မှာတော့ လူဆိုးဂိုဏ်းကြီးတစ်ခုရဲ့ အသည်းအသန် အမဲလိုက်ခြင်း ခံနေရတဲ့မိန်းကလေးတစ်ယောက်ဟိုတယ်ဆီကို ထွက်ပြေးခိုလှုံဖို့ ရောက်ရှိလာပါတော့တယ်။ သူမကြောင့်ပဲ အပြင်က လက်နက်ကိုင်ဂိုဏ်းစတားအဖွဲ့ကြီးဟာ ဟိုတယ်ကို ဝိုင်းရံပိတ်ဆို့ပြီး လွှဲပြောင်းပေးဖို့ တောင်းဆိုပါတော့တယ်။ ဟိုတယ်ပိုင်ရှင်က မိမိရဲ့ ကတိသစ္စာနဲ့ ဟိုတယ်ကို စောင့်ရှောက်ဖို့အတွက်... နှစ်ရှည်လများ သိမ်းဆည်းထားခဲ့တဲ့ သူ့ရဲ့ သေနတ်နဲ့ ဓားမကြီးကို ပြန်လည်ကိုင်ဆောင်ပြီး ရန်သူတွေကို သွေးအေးအေးနဲ့ တစ်ယောက်တည်း ဘယ်လိုမျိုး အမိုက်စား ပြန်လည်ချေမှုန်းမလဲဆိုတာကိုမြင်ရမှာ ဖြစ်ပါတယ်။

ဒီကားလေးကတော့ ဂျက်လီရဲ့ ကားလေးတွေထဲက တစ်ကားဖြစ်ပြီးတော့ ပရိတ်သတ်ကြီးတို့သိတဲ့အတိုင်းပဲ comedy ဆန်ဆန်လေးနဲ့ သိုင်းချတာတွေကိုပါ ရောပြီးပါဝင်ရိုက်ကူးထားတဲ့ ဇာတ်ကားလေးပဲဖြစ်ပါတယ်ဗျ။ ဇာတ်အိမ်လေးကတော့ မင်းသားကြီးဂျက်လီဟာ စစ်တပ်ရဲ့ဗုံးတွေတပ်ဆင်ရေးဌာနမှာ အလုပ်လုပ်နေတဲ့ဗိုလ်ကြီး ကစ်ထ်လီ ဖြစ်ပါတယ်။ တနေ့မှာ သူ့မိန်းမ(ဆရာမ)နဲ့သားလေးဟာ မူကြိုမှာကစားနေတုန်း အကြမ်းဖက်လူတစ်စုဟာ ကလေးတွေကိုဖမ်း ကားပေါ်တင်ပြီး ချိန်ကိုက်ဗုံးတပ်ဆင်ထားပါတော့တယ်။ ကစ်ထ်လီဟာ သူ့အဖွဲ့သားတွေနဲ့အချိန်မီလာနိုင်ခဲ့ပေမဲ့ ဗုံးကိုဖြေရှင်းခဲ့ရာမှာ မှားယွင်းခဲ့ပြီး မိန်းမရော၊သားလေးကိုပါ ဆုံးရှုံးလိုက်ရပါတယ်။ ဒီလိုနဲ့သူဟာ တပ်ကထွက်ပြီး ၂ နှစ်အကြာမှာတော့ ကွန်ဖူးသိုင်းကားတွေရိုက်တဲ့ ဖရန်ကီရဲ့ ကိုယ်စောင့်လူရံတော်အဖြစ်အလုပ်လုပ်နေပါတော့တယ်။ တစ်နေ့မှာ ဖရန်ကီဟာ ဂရန်ဒီဟိုတယ်ဖွင့်ပွဲအခမ်းအနားရဲ့ ရတနာပြပွဲကို ဖိတ်ခေါ်ခံခဲ့ရပြီး ကစ်ထ်လီပါလိုက်ပါသွားခဲ့တယ်။ မထင်မှတ်ထားမိလိုက်တာက ကစ်ထ်လီရဲ့မိသားစုကို သတ်သွားခဲ့တဲ့ အဲ့ဒီအကြမ်းဖက်လူစုဟာ ဒီရတနာပြပွဲရဲ့ ရတနာတွေကိုခိုးယူဖိုကြံနေပါတော့တယ်။ ဒီလိုရှုပ်ထွေးနေတဲ့ ကလဲ့စားချေမှုတွေနဲ့ သန်မာလွန်းတဲ့ရန်သူအကြမ်းဖက်သမားတွေကို ကစ်ထ်လီဟာ ဘယ်လိုပြန်ပြီး လက်စားချေသွားမလဲဆိုတာ အားလုံးပဲကြည့်ရှုလိုက်ကြရအောင်။ File size…(2.3 GB)/(1.4 GB) Quality….Blu-Ray 1080p / 720p Format… mp4 Duration…. 01:41:00 Genre... Action, Comedy, Crime, Thriller Subtitle….Myanmar Subtitle (Hardsub)

ဖဲလောကရဲ့ ဘုရင်ဖြစ်တဲ့ ဖဲနတ်ဘုရား ကိုချန် ဟာ လောင်းကစားလောကကနေ အနားယူပြီး ပြင်သစ်နိုင်ငံက သူ့ရဲ့ကိုယ်ပိုင်အိမ်လေးမှာ ကိုယ်ဝန်ဆောင်ဇနီးသည်နဲ့အတူ ဘဝကိုအေးအေးချမ်းချမ်းပဲ ဖြတ်သန်းနေပါတော့တယ် ​ဒီလိုနဲ့ ဖဲလောကရဲ့ နံပါတ်တစ်နေရာကို လိုချင်ပြီး ကိုချန်ကို စိန်ခေါ်ချင်နေတဲ့ ထိုင်ဝမ်က ရက်စက်ကြမ်းကြုတ်တဲ့ လောင်းကစားသမား ချောင်​ရှောက်ကျီက ကိုချန်မရှိတဲ့အချိန် အိမ်ကို ရောက်လာပြီး ကိုချန်ရဲ့ ဇနီးကို ရက်ရက်စက်စက် သတ်သွားခဲ့ပါတယ် ဇနီးဖြစ်သူက မသေဆုံးခင် ကိုချန်ကို တောင်းဆိုချက်တစ်ခု ကတိတောင်းခဲ့ပါတယ် အဲ့ဒါကတော့ "နောက်ထပ် ၁ နှစ်အတွင်း ဘယ်သူ့ကိုမှ ဖဲနတ်ဘုရားလို ဝန်မခံရသလို ဘယ်သူနဲ့မှ ဖဲမရိုက်ဖို့"ပဲ ဖြစ်ပါတယ် ကလဲ့စားချေချင်စိတ်နဲ့ ချက်ချင်း သွေးရူးသွေးတန်း မဖြစ်သွားစေဖို့ ကတိတောင်းခဲ့တာဖြစ်ပြီး သူကလည်း ကတိပေးခဲ့ပါတယ် ဒါပေမယ့် ရင်ထဲကနာကျင်မှုတွေ အတွက် ပေးထားတဲ့ကတိကိုရော တည်နိုင်ပါ့မလား ရန်သူကို ဘယ်လိုအကွက်ကျကျစီစဥ်ပြီး အလဲထိုးမလဲ ဆိုတာ.... လောင်းကစားပြိုင်ပွဲကြီး အက်ရှင်ခန်း ဟာသအခန်းတွေကို ဒီဇာတ်ကားလေးထဲမှာ ကြည့်ရှုရမှာပါ