Bruce Gray ပါဝင်သော ဇာတ်ကားများ

သရဲကား (သည်းထိတ်ရင်ဖိုရုပ်ရှင်လို့ခေါ်ရင်ပိုကောင်းမလား) တွေကြည့်ရင် တည်နေရာနောက်ခံကလည်း အများကြီးစကားပြောပါတယ်။ အိပ်ခန်းထဲမှာသရဲခြောက်တာ (The Ring) ဆင်ခြေဖုံးကတိုက်ခန်းမှာသရဲခြောက်တာ (Paranormal Activities) သစ်တောထဲမှာ သရဲခြောက်တာ (Blairwitch Project) စသဖြင့်အမျိုးမျိုးပေါ့။ ခေတ်ကာလနောက်ခံကလည်း အရေးပါသေးတယ်ဗျ။ ထိတ်လန့်သည်းဖိုရုပ်ရှင်အများစုဟာ ရှေးခေတ်ကာလတွေမှာဇာတ်အိမ်တည်လေလေ ပိုကြောက်ဖို့ကောင်းလေပဲ။ အဲ့ဒီထဲမှာမှ ၁၉ရာစုနှောင်းပိုင်းကနေ ၂၀ရာစုအစောပိုင်း ဝန်းကျင်မှာဇာတ်အိမ်တည်ရင် ကြည့်ရတာအရသာအရှိဆုံးပဲ။ နောက်ဆုံးကြည့်ဖြစ်တဲ့ The Woman in Black လို ဂေါ့သစ်ဆန်ဆန်ဇာတ်လမ်းမျိုးတွေပေါ့။ အဲ့ဒီခေတ်ကာလ အင်္ဂလန်နိုင်ငံရဲ့ အခြေအနေ၊ အမြဲတမ်းမှုန်မှိုင်းအေးစက်နေတတ်တဲ့ ကျေးလက်ပိုင်းရာသီဥတု၊ ဇာတ်ကောင်တွေဝတ်တဲ့အဝတ်အစားကအစ ထိတ်လန့်သည်းဖိုဇာတ်လမ်းကို ပိုအရသာရှိစေတယ်၊ အနောက်တိုင်းသားတွေရဲ့ အေးတိအေးစက်မျက်နှာထားတွေကြောင့် ရုပ်ရှင်ကပိုပြီးကျောချမ်းစရာဖြစ်လာတယ်။ခုလည်းအဲ့လိုဇာတ်ကားတစ်မျိုးလာပြန်ပါပြီ။ ဗစ်တိုးရီးယားခေတ် (၁၉ရာစု) ကိုနောက်ခံထားပြီး၊ အင်္ဂလန်နိုင်ငံမြောက်ပိုင်း Cumbria မြို့လေးမှာဇာတ်အိမ်တည်ထားပါတယ်။ ဝမ်းသာစရာက ဒီနှစ်အောက်တိုဘာ ၁၆ရက် USAမှာ စထွက်မှာဆိုတော့သိပ်ကြာကြာမစောင့်ရတော့တာပဲ (မြန်မာနိုင်ငံရောက်ဖို့ဆို ၈လကနေ ၉လအတွင်းလောက်ပေါ့)။ ဇာတ်လမ်း၊ ဒါရိုက်တာ Guillermo del Toro ဖြစ်ပြီး Legendary Pictures နဲ့ Universal တို့ပူးပေါင်းမှုဆိုတော့စောင့်ကြည့်သင့်တဲ့စာရင်းမှာပါပါတယ်။ အဓိကဇာတ်ဆောင်တွေက Tom Hiddleston, Jessica Chastain, Mia Wasicowska, Charlie Hunnum ဆိုတော့ပိုစိတ်ဝင်စားစရာကောင်းလာတယ်။ ဇာတ်လမ်းအညွှန်းကတော့ - Edith Cushing (Wasikowska) ကစာရေးဆရာမလေးဖြစ်ပြီး အတိတ်က သူ့မိဘတွေရဲ့ ကြေကွဲစရာဇာတ်သိမ်းကို မေ့ပျောက်ဖို့ကြိုးစားနေရသူ။ သူ့ရဲ့အသစ်စက်စက်ခင်ပွန်း Thomas Sharpe (Hiddleston) ကခန့်ညားပြီးဆွဲဆောင်မှုရှိပေမယ့် လျှို့ဝှက်တတ်ပြီး လူတွေနဲ့ခပ်ကင်းကင်းနေတတ်သူတစ်ဦးပါ။ သူ့ခင်ပွန်းရဲ့အစ်မ Lucille Sharpe (Chastain) ကလည်းသူ့ကိုသိပ်မကြိုဆိုပြန်ဘူး။ တစ်ချိန်တည်းမှာပဲ သူ့ရဲ့ငယ်ရည်းစား Alan McMichael (Hunnum) ကိုလည်းစိတ်ထဲကမပြတ်မသားဖြစ်နေမိပြန်တယ်။ Edith ဟာသူ့ခင်ပွန်းရဲ့ခန်းနားတဲ့အိမ်ကြီးမှာနေထိုင်ရင်း အဲ့ဒီအိမ်ကြီးရဲ့ထိတ်လန့်စရာကောင်းတဲ့အတိတ်ကို တဖြည်းဖြည်းတူးဆွဖော်ထုတ်လာမိတဲ့အခါမှာတော့.....။ မက္ကဆီကန်ဒါရိုက်တာ Del Toro ရဲ့ပြောစကားအရတော့ R အဆင့်တောင်သတ်မှတ်ခံရနိုင်တဲ့ရုပ်ရှင်ဆိုပဲ။ သူဇာတ်ညွှန်းရေး သူဒါရိုက်တာလုပ်ရိုက်တဲ့ကားတွေထဲမှာ Hell Boy I, II လောက်ကိုပဲသဘောကျတယ်။ Pan's Labyrinth ရဲ့ဇာတ်လမ်းကသိပ်မဆိုးပေမယ့် Pacific Rim ကိုတော့မကြိုက်ဘူး။ ကျနော်ကပဲ Alien theme တွေမကြိုက်လို့လားတော့မသိဘူး။ The Hobbit Trilogy ကိုဇာတ်ညွှန်းရေးပေးခဲ့တဲ့အတွက် သူ့ကိုဇာတ်ညွှန်းအရေးကောင်းသူလို့ပဲ မြင်မိတယ်။ ဒီဇာတ်ကားကလည်းသိပ်မဆိုးလောက်ပါဘူး၊ teaser နဲ့တင်တော်တော်ကြည့်ချင်စရာကောင်းနေပြီ။ တစ်ခုပဲ.. သူဇာတ်ညွှန်း၊ သူဒါရိုက်တာဆိုတော့ သွေးသံရဲရဲနဲ့ရွံစရာ animation ကြီးတွေမပါပါစေနဲ့ပဲဆုတောင်းရမယ်။ ဇာတ်ဆောင်ပိုင်းနဲ့ပတ်သက်လို့ကတော့ Edith Cushing ရဲ့နေရာမှာ အရင်က Emma Stone ကိုလျာထားပြီး နောက်မှ Wasikowska နဲ့ပြောင်းလိုက်တာပါတဲ့။ Wasikowska ကပိုကောင်းတဲ့ရွေးချယ်မှုလို့ထင်တယ်။ Stoker ထဲကအေးတိအေးစက်ကောင်မလေးပုံစံကို ထပ်မြင်ချင်သေးတာကိုး။ Thomas Sharpe ရဲ့နေရာမှာလည်း အရင်က Benedict Cumberbatch ကိုရွေးထားပြီးမှ Hiddleston နဲ့လဲလိုက်ပါတယ်။ သူတို့ ၂ယောက်စလုံးက အေးစက်စက်မျက်နှာတွေနဲ့ဆိုတော့ ဘယ်သူဖြစ်ဖြစ် ဇာတ်လမ်းနဲ့လိုက်ဖက်မှာပါပဲ။ ပြီးတော့ Hiddleston ကအပြင်မှာလည်း သူ့ရဲ့သူငယ်ချင်းကောင်းဖြစ်တဲ့ Cumberbatch ကို ဒီရုပ်ရှင်အောင်မြင်ပါစေလို့ ဆုတောင်းပေးပါလို့ပြောသေးတယ်ဆိုပဲ (yeah, bromance!)။ ဘာပဲပြောပြော ဒါရိုက်တာကောင်း သရုပ်ဆောင်ကောင်းတွေနဲ့ရိုက်ထားတဲ့ဒီကားက စောင့်ကြည့်သင့်တဲ့ရုပ်ရှင်တစ်ကားပါ။ YouTube teaser ထဲကနောက်ခံသီချင်း Red Right Hand ကို PJ Harvey ပြန်ဆိုထားတာဖြစ်ပြီး ဇာတ်ကားရဲ့ အဓိကနောက်ခံသီချင်းလည်းဖြစ်ပါတယ်။ (ဇာတ်လမ်းအညွှန်းကိုတော့ Nay Thiha Facebook Acc(https://www.facebook.com/nay.thih) မှကူးယူဖော်ပြထားတာဖြစ်ပါတယ်) File size…(7 GB)/(2.1 GB)/(1.1 GB) Quality….Blu-Ray 4K HEVC/1080p / 720p Format… mp4 Duration…. 01:59:00 Genre... Drama, Horror, Mystery, Romance, Thriller Subtitle….Myanmar Subtitle (Hardsub) Encoder….Garfield

ပိုလန်ကနေ ပြောင်းရွှေ့လာတဲ့ မိသားစုက သားဖြစ်သူ ဂျေကော့ ဂျန်ကော့စကီးဟာ တိရစ္ဆာန်ဆေးကုဆရာဝန်ဖြစ်ဖို့ နောက်ဆုံးစာမေးပွဲ ဖြေနေပါတယ်။ အဲဒီအချိန်မှာပဲ ဘဝအလှည့်အပြောင်းတစ်ခု ကြုံလာရပြီး စီစဉ်ထားသမျှ ပျက်သွားကာ လေလွင့်တဲ့ဘဝကို ရောက်သွားတယ်။ ဦးတည်ရာမရှိ လမ်းတွေပေါ် လျှောက်သွားနေရင်း ရထားတစ်စီးကို မြင်တော့ ပြေးတက်လိုက်ပါတယ်။ အဲဒီကစပြီး ဘာတွေ ဆက်ကြုံရမလဲ၊ ရှင်သန်ဖို့ မျှော်လင့်ချက်တွေ ဘယ်လိုပြန်ရလာမလဲဆိုတာကို ဆပ်ကပ်အဖွဲ့သားတွေရဲ့ ဘဝတွေနဲ့အတူ ပြထားပါတယ်။ Robert Pattinson၊ Christoph Waltz နဲ့ Reese Witherspoon တို့ ပါဝင်ထားတဲ့ အချစ်ဒရာမာကားပါ။ ဖြစ်ရပ်မှန်တချို့ကို စိတ်ကူးယဉ်ဇာတ်လမ်းနဲ့ ပေါင်းစပ်ထားပြီး ဆပ်ကပ်လောကအကြောင်း ရိုက်ထားပေမယ့် ဂီတဇာတ်ကားတော့ မဟုတ်ပါဘူး။ ရုံဝင်ငွေအရလည်း အောင်မြင်ခဲ့တဲ့ ဇာတ်ကားဖြစ်ပါတယ်။

ကမ္ဘာဦးအစမှာ အဖြစ်အပျက်တစ်ခု ဘုရားသခင်လက်ထက်မှာ ဖြစ်ပေါ်ခဲ့ဖူးတယ်လို့ ခရစ်ယာန် သမ္မာကျမ်းကဆိုပါတယ်။ အကျင့်ပျက် အကုသိုလ်တွေနဲ့ ဆိုးသွမ်းလာတဲ့ လူသားတွေအပေါ် ဘုရားသခင်က ကြီးမားတဲ့အပြစ်ပေးခဲ့တယ်။ လူသားတွေဟာ ကြီးမားတဲ့ရေလွှမ်းမိုးမှုကြီးအောက်မှာ သေကြေပျက်ဆီးသွားပြီး လူသားမျိုးနွယ် ချုပ်ငြိမ်းရမယ့်အဖြစ်ကို ရင်ဆိုင်ခဲ့ရတာပေါ့။ ဒါပေမယ့် နောဧဆိုတဲ့ လူသားတစ်ယောက်ကိုတော့ ဘုရားသခင်က အခွင့်အရေးတစ်ခုပေးခဲ့ပါတယ် ကမ္ဘာကြီးကို restart ချတဲ့ပုံစံနဲ့ ရွေးချယ်ခံရတဲ့ လူသားတွေ တိရိစ္ဆာန်မျိုးစိတ်တွေကို ကယ်တင်နိုင်ဖို့ ကြီးမားတဲ့ အာ့ခ် လှေကြီးတစ်စင်း တည်ဆောက်ရန်အတွက် နောဧကို ဘုရားသခင်က သတိပေးခဲ့တယ်။ နောဧက ဇနီးတစ်ယောက် သားသုံးယောက်နဲ့ လှေကြီးကိုတည်ဆောက်ပြီး လူသားများနဲ့ တိရိစ္ဆာန်မျိုးစိတ်တစ်ခုမှာ အဖိုအမ တစ်စုံစီကို ရေလွှမ်းမိုးမှုကြီးကနေ ကယ်တင်နိုင်ခဲ့တယ်။ အဲဒီလိုအဖြစ်မျိုး ယနေ့ကာလမှာ ထပ်မံပေါ်ပေါက်လာဖို့ အကြောင်းဖန်လာပါတယ်။ ဒါပေမယ့် ဒီတစ်ခါမှာတော့ ရေလွှမ်းမိုးမှုကြီးက ဘုရားသခင်ရဲ့ အမျက်ကြောင့်ဖြစ်ပေါ်လာတာမဟုတ်ဘဲ လူသားတွေရဲ့ အမှားကြောင့်ဖြစ်ပေါ်လာတာပါ။ ကမ္ဘာကြီးကို ပြောင်းလဲပစ်ချင်တဲ့ ပူပူနွေးနွေး အမေရိကန် ကွန်ဂရက်လွှတ်တော်အမတ်လေး အီဗန် ဘတ်စ်တာကို ခေတ်သစ် နောဧအဖြစ် ဘုရားသခင်က ရွေးချယ်လိုက်တဲ့အခါမှာတော့ ပေါက်ကရ ရယ်စရာအဖြစ်တွေ ပေါ်ပေါက်လာပါတော့တယ်။ မိသားစုကြည့် ရယ်စရာ ပညာပေးကားတစ်ကားဖြစ်ပြီး ဝါးလုံးကွဲရယ်ရတာမျိုးမဟုတ်ဘဲ တပြုံးပြုံးနဲ့ ဇာတ်ကားဆုံးတဲ့အထိ ထိုင်ကြည့်ရမယ့်ကားလေးပါ ပေးချင်တဲ့ သင်ခန်းစာလေးကလည်း လောကကြီးမှာ အမှန်တကယ်လိုအပ်နေတဲ့ အရာဖြစ်တယ်ဆိုတာကို ကြည့်ရှုခံစားပြီး ဆင်ခြင်သုံးသပ်လိုက်ကြပါဦး။ Size - 1.8GB, 1.2GB Quality - 1080p, 720p IMDb Rating - 5.4/10 Format - mp4 Duration - 1H 36Min Type - Comedy, Family Subtitle - Myanmar Subtitle (Hardsub) Translated by Arr Khun Winchester Encoded by Y

ရဲဌာနလက်အောက်က SWAT အဖွဲ့ဟာ အန္တရာယ်များတဲ့ အခြေအနေတွေကို ထိန်းသိမ်းဖို့နဲ့ ဓားစာခံတွေကို ကယ်ထုတ်ဖို့ ဖွဲ့စည်းထားတဲ့ အထူးစစ်ဆင်ရေးအဖွဲ့ပါ။ တစ်နေ့မှာ လော့စ်အိန်ဂျယ်လ်ရဲဌာနက မူးယစ်ဆေးကုန်ကူးမှု၊ မှောင်ခိုမှုနဲ့ လူသတ်မှုတွေအတွက် နိုင်ငံ ၁၂ နိုင်ငံကျော်မှာ အလိုရှိနေတဲ့ ရာဇဝတ်သားတစ်ယောက်ကို မမျှော်လင့်ဘဲ ဖမ်းမိလိုက်ပါတယ်။ ဖမ်းခံထားရပေမယ့် အဲဒီလူက မီဒီယာတွေရှေ့မှာ သူ့ကို ကယ်ထုတ်ပေးနိုင်သူ ဘယ်သူ့ကိုမဆို အမေရိကန်ဒေါ်လာ သန်းတစ်ရာ ပေးမယ်လို့ အတိအလင်း ကြေညာလိုက်တယ်။ လော့စ်အိန်ဂျယ်လ် SWAT အဖွဲ့က သူ့ကို ဗဟိုအကျဉ်းထောင်ဆီ လွှဲပြောင်းပို့ဆောင်ရတဲ့အခါ ဆုကြေးလိုချင်လို့ အပြိုင်အဆိုင် ကယ်ထုတ်ဖို့ ကြိုးစားသူတွေနဲ့ ရင်ဆိုင်ရပါတော့တယ်။ အကျဉ်းသားကို ပို့ဆောင်နိုင်ဖို့ သူတို့ ဘယ်လိုနည်းဗျူဟာတွေ သုံးပြီး စစ်ဆင်ရေးဆောင်ရွက်ကြမလဲဆိုတာ ဆက်တွေ့ရမှာပါ။

Cube ကားတွေရဲ့ ဒုတိယမြောက်ကားပဲဖြစ်ပါတယ် Cube 2: Hypercube Cube ဇာတ်ကားတွေရဲ့ဒုတိယမြောက်ဇာတ်ကားဖြစ်ပါတယ် ပထမဇာတ်ကားကြည့်ပြီးရင် cube ဆိုတာကိုနည်းနည်းသိကြမယ် ထင်တယ် မှတ်ဉာဏ်တွေဖျက်ဆီးခံထားရတဲ့လူတွေကို cube ပုံစံအခန်းထဲထည့်ပြီးစမ်းသပ်ကြတာပါ ဒီကားမှာ တော့ မက်စ် ကိတ် မစ္စပယ်လီ ဆိုင်မွန် ဂျုလီယာ ဂျယ်ရီ မျက်မမြင်မလေးဆာရှာ တို့ရဲ့ မှတ်ဉာဏ်တွေကိုဖျက်ဆီးပြီး hypercube ထဲကိုထည့်ပြီးတော့စောင့်ကြည့်တာပါ စတုန်းရန်းပုံစံအခန်းချင်းချိတ်ဆက်ထားတဲ့ ဝင်္ကပါ Hypercube ထဲမှာ လွတ်လမ်းကိုရှာဖွေရင်း ဘယ်လိုတွေအချင်းချင်းတိုက်ခိုက်ကြတယ် အချင်းချင်းဘယ်လိုသံသယတွေဝင်ကြတာလဲ ဆိုတာကို စိတ်ဝင်တစားကြည့်ရမှာဖြစ်ပါတယ် Translated & Review By Tin Myo Lwin Encoded By LK

ဒီတစ်ခါမိတ်ဆက်ပေးချင်တာကတော့ IMDB 6.6/10 ရရှိထားတဲ့ Comedy/Romance ဇာတ်ကားလေးပါ။ ဂရိမျိုးနွယ်သူဖြစ်တဲ့ တူလာက အသက် ၃၀အရွယ်ထိ အိမ်ထောင်မကျသေးတဲ့၊ ဘဝရည်မှန်းချက် ပျောက်ဆုံးနေတဲ့သူပါ။ သူတို့ဂရိလူမျိုးတွေက ယူရင်လည်း ဂရိအချင်းချင်းပဲယူကြပြီး ကလေးတွေလည်း အများကြီးမွေးကြကာ မျိုးဆက်ပြန့်ပွားရေးကို အလေးထားကြသူများလည်း ဖြစ်ပါတယ်။ တူလာ့ရဲ့အဖေဖြစ်သူက အရေပြားပြဿနာကနေ ဓာတ်မတည့်တာအဆုံး Windex ဆိုတဲ့ မှန်သုတ်ဆေးထည့်ရင်ပျောက်တယ်လို့ ယုံကြည်သူပါ။ (ဘာမဆို ဆရာခိုနဲ့ပျောက် ဆိုတာမျိုးနဲ့ ခပ်ဆင်ဆင်ပေါ့လေ။) ဂရိဖြစ်ရတာကို အလွန်ဂုဏ်ယူတဲ့ အဖေဖြစ်သူက ဂရိမျိုးနွယ်ဂုဏ်ကို ထိန်းသိမ်းတဲ့သူမို့ သူ့သမီးကို ဂရိတစ်ယောက်နဲ့ အမြန်ဆုံး အိမ်ထောင်ချပေးဖို့ နည်းမျိုးစုံနဲ့ကြံနေခဲ့တာပေါ့လေ။ တူလာက တခြားမိန်းကလေးတွေနဲ့မတူဘဲ ဘဝကို သမားရိုးကျ မဖြတ်သန်းချင်သူဖြစ်တာနဲ့အညီ ဂရိမဟုတ်တဲ့ တခြားအမေရိကန်ကောင်လေး အီယန်ကို ချစ်မိသွားရာမှာတော့ မျိုးရိုးဂုဏ်စောင့်ထိန်းချင်တဲ့ သူ့အဖေနဲ့ တူလာ့ကြား ပဋိပက္ခတွေ ပေါ်လာပါတော့တယ်။ ချစ်သူကိုလည်း အင်မတန်ချစ်ပေမဲ့ အဖေ့စကားကို လွန်ဆန်ရခက်တဲ့ တူလာ့အတွက် ဘယ်လိုအခက်အခဲတွေနဲ့ ရင်ဆိုင်ရမလဲ၊ အီယန်ကရော တူလာ့ရဲ့အဖေဆီက မျက်နှာသာရဖို့လုပ်ရာမှာ ဘယ်လိုအလွဲတွေနဲ့ ကြုံရမလဲ၊ နောက်ဆုံးမှာ သူတို့နှစ်ယောက် ရွှေလက်တွဲမြဲနိုင်ပါ့မလားဆိုတာကိုတော့ ဇာတ်ကားထဲမှာပဲ ရှုစားလိုက်ကြပါဦး။ (ဒီဇာတ်ကားရဲ့ အညွှန်းနဲ့ ဘာသာပြန်ကတော့ Emily ပါ။) File size…(1.8 GB)/(933 MB) Quality….Webrip 1080p / 720p Format…mp4 Duration….01:39:00 Genre... Comedy, Romance, Drama  Subtitle….Myanmar Subtitle (Hardsub) Encoder….Mr. Anderson Translated by Emily File size…(1.8 GB)/(933 MB) Quality….Webrip 1080p / 720p Format…mp4 Duration….01:39:00 Genre... Comedy, Romance, Drama  Subtitle….Myanmar Subtitle (Hardsub) Encoder….Mr. Anderson Translated by Emily

Action/Thrillerကောင်းကောင်းငတ်နေသူများအတွက် ဂန္တဝင်မင်းသားကြီး " George Clooney "အထာကျမှုစတိုင်မိမိုက်နေမှုနဲ့ မင်းသမီးကြီး " Nicole Kidman " လှသွေးကြွယ်မှုတို့ကို အရည်အသွေးမြင့်သရုပ်ဆောင်ချက်များနဲ့အတူ စိတ်လှုပ်ရှားစွာကြည့်ရှုနိုင်မှာပဲဖြစ်ပါတယ် ရုရှားကဒေသတစ်ခုမှာ နျူးကလီးယားလက်နက်တွေတင်ဆောင်လာတဲ့ ရထားတစ်စင်းနဲ့ ခရီးသည်တွေတင်ဆောင်လာတဲ့ ရထားတစ်စင်းတို့ တိုက်မိရာကနေစပြီးတော့ဖြစ်ပေါ်လာမယ့် အကြီးကျယ်ဆုံးသောဒုစရိုက်မှုများကိုအချိန်မီတားဆီးကြမယ့် ဒေါက်တာဂျူလီယာကယ်လီနဲ့ အရာရှိ ဒဗို့တို့ရဲ့ စွန့်စားခန်းများကို မိမိုက်သောအက်ရှင်ခန်းများနဲ့ စိတ်ဝင်စားဖွယ်ကြည့်ရှုနိုင်မှာပဲဖြစ်ပါတယ် File size…(2.2 GB)/(1.1 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

ကျွန်တော်တို့ ၉၀ ခုနှစ်ကျော်က Sci-fi ကားကောင်းတွေအကြောင်း ပြောမယ်ဆိုရင် Star Wars တွေ Star Trek တွေ Alien တို့လောက်နဲ့ မပြီးဘူးဗျ ဒီ Starship Trooper ကို ဇာတ်ကားနာမည်သာ မသိမယ် ဓားခုတ်ကောင်ကြီးတွေနဲ့ ချတယ်ဆိုပြီး လူတိုင်းငယ်ဘဝက ကြည့်ခဲ့ဖူးကြမယ် ထင်ပါတယ် (တချို့အခန်းတွေအကြောင်းလည်း ပါမယ်ပေါ့လေ)။ ထားပါ ပြောချင်တာက သူကတော့ Franchise အနေနဲ့ ၃ ကားထိ ထွက်ရှိထားတာ ဖြစ်ပါတယ် အကုန်လုံး တင်ဆက်ပေးသွားမှာပဲ ဖြစ်ပါတယ်။ ဒါရိုက်တာဖြစ်တဲ့ Paul Verhoeven ဆိုရင်လည်း တခြား Robocop တို့ Hollow Man တို့ကို ရိုက်ကူးထားတဲ့လူပါ။ နောက်ပြီး ၁၉၉၈ ခုနှစ် အော်စကာဆုပေးပွဲမှာ Best Visual Effect စကာတင်လည်း ဝင်ခဲ့ပါသေးတယ် (Titanic နဲ့ Jurassic World ဆိုတော့ ယှဉ်မရဘူးပေါ့လေ) ဇာတ်လမ်းအကျဉ်းကတော့ နောင်အနာဂတ်တွေမှာ ကမ္ဘာကြီးတစ်ခုလုံးက နိုင်ငံတွေအနေနဲ့ ရှိမနေတော့ပဲ ဖက်ဒရယ်အစိုးရနဲ့ ဖက်ဒရယ် ပြည်ထောင်စုလိုက်ကြီး ဖြစ်နေပါပြီ။ ရန်စွယ်အနေနဲ့ကလည်း ကလန်ဒတ်သူဂြိုလ်က အယ်ရာခနစ်ဆိုတဲ့ ပိုးကောင်တွေဖြစ်ပြီး သူတို့ကလည်း ဥက္ကာခဲတွေ လွှတ်ပြီး တိုက်ခိုက်တယ်ပေါ့လေ။ အဲဒီအချိန် ဖက်ဒရယ်ပညာရေးကျောင်းမှာ သူငယ်ချင်း ၃ ယောက်ရှိကြတယ် ရီကိုရယ် ကားလ်ရယ် ကာမန်ရယ်ပေါ့၊ ရီကိုနဲ့ ကာမန်က အတွဲ၊ ရီကို့ကို ခိုးကြိုက်နေတဲ့ ကောင်မလေး ဒစ်ဇီဆိုတာလည်းရှိတယ်။ ကားလ်နဲ့ ကာမန်ကတော့ ဖက်ဒရယ်စစ်တာဝန် ထမ်းဆောင်ချင်ကြသူတွေပေါ့၊ ရီကိုကတော့ သူဌေးသား စိတ်ကသိပ်မပါပေမယ့် ကောင်မလေး ကာမန်သဘောကျအောင် မိဘတွေ တားနေရက်နဲ့ စစ်ထဲဝင်ချင်တဲ့ကောင်ပေါ့လေ။ ဖြစ်ချင်တော့ ဖက်ဒရယ်စနစ်မှာ အမျိုးအစားက ၃ နေရာရှိတယ် ပထမ ဉာဏ်အတော်ဆုံး ဆရာကြီးဌာနက ထောက်လှမ်းရေးပေါ့လေ (စိတ်စွမ်းအားရှိတဲ့လူတွေကို ပျိုးထောင်ပေးတဲ့နေရာ) အဲဒီကို ကားလ်က ရောက်သွားခဲ့တယ်၊ ဒုတိယကတော့ ယာဉ်တန်းစု တပ်ဖွဲ့ကြီး၊ ယာဉ်အမျိုးအစားပေါင်းစုံ မောင်းနှင်ရတာပေါ့၊ အဲဒီမှာက ပိုင်းလော့ဖြစ်ချင်တဲ့ ကာမန်ရောက်သွားတယ်၊ တတိယအနေနဲ့ကတော့ သချာၤနဲ့ အမျိုးအစားခွဲပါတယ်ဆိုမှ အမှတ်အနည်းဆုံးရရင် သွားရတဲ့ ခြေလျင်တပ်ရင်း ဖြစ်ပါတယ် ရီကိုတစ်ကောင် ဒီကိုရောက်သွားတာပေါ့၊ သူ့ကို ကြိုက်နေတဲ့ ဒစ်ဇီကလည်း ဒီကိုရောက်လာပါတယ်။ ဒီလိုနဲ့ ကိုယ်စီ ကြိုးစားလေ့ကျင့်နေကြတုန်း ရန်သူတွေဖြစ်တဲ့ အယ်ရာခနစ်တွေ ခြေလှမ်းစလှမ်းလိုက်တဲ့အခါမှာတော့……….။ ရုပ်ရှင်တစ်ကားများ ကောင်းပြီဆို ဘယ်နှခုနှစ်ကထွက်တာဖြစ်ဖြစ် ကြည့်လို့ကောင်းနေဆဲပဲ။ တစ်ခုရှိတာက အပေါ်ပိုင်းတွေ လွတ်လပ်စွာ တင်ဆက်ထားတဲ့ R Rated ကားဖြစ်တဲ့အတွက် ကြည့်ရှုမယ်ဆို သတိပြုစေလိုပါတယ် သွေးသံရဲရဲ သတ်ဖြတ်မှုတွေလည်း ပါဝင်ပါတယ်။ ကဲ Old School တွေ ပြန်ခံစားလိုက်ကြရအောင်ဗျာ File size…  3.2 GB /  1.7 GB Quality… BluRay 1080p / 720p Format… mp4 Duration…. 2h  9m Genre .....  Action , Adventure Subtitle…. Myanmar Subtitle (Hard Sub) Encoder…. Thit San Khant Translated by Thura Aung