Cate Fowler ပါဝင်သော ဇာတ်ကားများ

ဂျွန်ကာတာက အမေရိကန်ပြည်တွင်းစစ်မှာ ပါဝင်ခဲ့ဖူးတဲ့ စစ်မှုထမ်းဟောင်းတစ်ယောက်ပါ။ အတိတ်က ဖြစ်ရပ်ဆိုးတစ်ခုကြောင့် အခုတော့ ဘာအပူမှ မရှာဘဲ အေးအေးဆေးဆေးပဲ နေချင်တော့တယ်။ ဒါပေမယ့် သူ့ကို စစ်မှုပြန်ထမ်းခိုင်းရာကနေ သူ့ဘဝကို လုံးဝပြောင်းသွားစေမယ့် အဖြစ်အပျက်တစ်ခုနဲ့ ကြုံရပါတယ်။ တိုက်ပွဲအတွင်း အမေရိကန်တိုင်းရင်းသားတွေရဲ့ လက်က လွတ်ဖို့ ပုန်းအောင်းရင်း ဂူတစ်ခုထဲမှာ ထူးဆန်းတဲ့လူတစ်ယောက်ကို တွေ့တယ်။ အဲဒီလူ ရွတ်နေတဲ့ ဂါထာကို သူပါ လိုက်ရွတ်လိုက်တဲ့အခါ ရုတ်တရက် မေ့မျောသွားပါတော့တယ်။ ပြန်သတိရလာချိန်မှာတော့ သူ မသိတဲ့နေရာတစ်ခုကို ရောက်နေပြီ။ ပတ်ဝန်းကျင်က ထူးဆန်းတဲ့ သတ္တဝါတွေနဲ့ မျိုးနွယ်စုတွေကို တွေ့လာရတော့ ကိုယ်ရောက်နေတာ ကမ္ဘာမြေပေါ် မဟုတ်တော့ဘူးဆိုတာ သိလိုက်ရပါတယ်။ မားစ်ဂြိုဟ်ပေါ် ရောက်လာတဲ့ ကာတာဟာ အဲဒီက မျိုးနွယ်စုတွေအတွက်လည်း ထူးဆန်းတဲ့လူတစ်ယောက် ဖြစ်နေတယ်။ သူတို့ကြားက အရှုပ်အထွေးတွေထဲ ညပ်ပါသွားပြီး ပြဿနာတွေကို ထိပ်တိုက်ရင်ဆိုင်ရတော့မှာပါ။ Andrew Stanton ရိုက်ကူးပြီး Walt Disney က ထုတ်လုပ်ထားတဲ့ ဒီသရုပ်ဆောင်ရုပ်ရှင်မှာ အက်ရှင်ခန်းတွေနဲ့အတူ မားစ်ဂြိုဟ်ရဲ့ ရှုခင်းတွေနဲ့ ထူးခြားတဲ့သတ္တဝါတွေကို ပုံဖော်ထားပါတယ်။ အိမ်ကိုလည်းချစ်၊ ရွှေကိုလည်း မက်တဲ့ ကာတာတစ်ယောက် ကမ္ဘာမြေကို ဘယ်လိုပြန်မလဲ၊ ပြန်ချင်စိတ်ရော ရှိနေဦးမလား။

ကောလင်န်ဘရစ်စ်ဟာ ထောင်ဒဏ်နှစ်ရှည် ကျခံနေရတဲ့ အကျဉ်းသားတစ်ယောက်ပါ။ နှစ်အတော်ကြာတဲ့အခါ အပြုအမူကောင်းတဲ့အတွက် လုံခြုံရေးလျှော့ပေါ့ထားတဲ့ open prison စနစ်နဲ့ အကျဉ်းထောင်တစ်ခုဆီ ပြောင်းရွှေ့ခွင့်ရလာတယ်။ အဲဒီမှာ လူအမျိုးမျိုးနဲ့ တွေ့ရပေမယ့် သူ့အတွက် အထူးခြားဆုံးသူကတော့ အခန်းဖော်အဘိုးကြီး ဖားဂတ်စ်ပါပဲ။ ဖားဂတ်စ်ကြောင့် ကောလင်န်နဲ့ အကျဉ်းသားတစ်စုဟာ ဥယျာဉ်စိုက်ပျိုးတဲ့အလုပ်ထဲ ရောက်လာကြတယ်။ အဲဒီအလုပ်က သူတို့ကို ပြောင်းလဲစေပြီး ဘဝမှာ ရည်မှန်းစရာတစ်ခုလည်း ရှိလာစေပါတယ်။ ဒါပေမယ့် အကျဉ်းသားတွေအပေါ် လူတွေ အထင်သေးကြတဲ့အတွက် သူတို့သွားချင်တဲ့လမ်းက မဖြောင့်ဖြူးပါဘူး။ ဥယျာဉ်မှူးတွေအဖြစ် ရပ်တည်လာတဲ့ ကောလင်န်တို့လူစုဟာ အဲဒီအမြင်တွေနဲ့ အနှောင့်အယှက်တွေကို ရင်ဆိုင်ကြရပါတယ်။ ၂၀၀၀ ပြည့်နှစ်က အင်္ဂလိပ်ဟာသဒရာမာဖြစ်ပြီး ဖြစ်ရပ်မှန်ကို အခြေခံထားပါတယ်။ Greenfinger ဆိုတာ သစ်ပင်စိုက်ပျိုးရာမှာ လက်ဆိပ်ရှိတဲ့ ဥယျာဉ်မှူးတွေကို တင်စားခေါ်တဲ့ စကားပါ။ အကျဉ်းထောင်နောက်ခံဇာတ်လမ်းထဲမှာ လူ့သဘာဝအကြောင်း၊ အချစ်ရေးအခန်းတွေနဲ့ ဟာသအနည်းငယ်ကို တွဲဖက်ထားပါတယ်။

မင်းသားကြီး Bill Murray ဦးဆောင်ပါဝင်ထားတဲ့ ဟာသကားလေးတစ်ကားနဲ့ မိတ်ဆက်ပေးချင်ပါတယ်။ Wallace Ritchie တစ်ယောက် သူ့ညီရှိတဲ့ လန်ဒန်ကို အလည်ရောက်လာခဲ့ပါတယ်။ သူ့မွေးနေ့ကို ညီဖြစ်သူနဲ့ ဖြတ်သန်းဖို့ပါ။ ညီဖြစ်သူ James Ritchie က ဘဏ်မန်နေဂျာတစ်ယောက်ဖြစ်ပြီး တိုက်တိုက်ဆိုင်ဆိုင် အဲ့ဒီနေ့မှာပဲ သူ့ရဲ့ မိတ်ဆွေတွေနဲ့ ညစာစားပွဲ ကျင်းပဖို့ စီစဥ်ထားတာပါ။ အစ်ကိုဖြစ်သူက ပေါ့ပေါ့ပါးပါးနေတတ်ပြီး ဟာသတွေ ဖြစ်သလိုလျှောက်ပြောတတ်တာကြောင့် သူ့ရဲ့ ဧည့်ကောင်းဆောင်ကောင်းတွေကြားမှာ အနှောင့်အယှက်ဖြစ်မှာ စိုးနေပါတယ်။ လန်ဒန်ရဲ့ ကိုယ်တိုင်ပါဝင်သရုပ်ဆောင်ရတဲ့ ဘဝရဲ့ဇာတ်ခုံ ပြဇာတ်မှာ ပါဝင်ဖို့ အစ်ကိုဖြစ်သူကို ခေါ်သွားခဲ့ပါတယ်။ အဲ့ဒီပြဇာတ်ဟာ တိုက်ခန်းအစစ် လမ်းအစစ် နေရာအစစ်တွေမှာ တကယ် သရုပ်ဆောင်နေသလိုမျိုး ပါဝင်ရတာ ဖြစ်ပါတယ်။ James နဲ့ Wallace တို့ ညီအစ်ကို နှစ်ယောက် လမ်းဘေးကဖုန်းရုံနားမှာ ပြဇာတ်အဖွဲ့က ဖုန်းခေါ်လာမှာကို စောင့်နေချိန်မှာ ဖုန်းဝင်လာပြီး တစ်ဖက်ကလူတစ်ယောက်က Spenser ဆိုတဲ့လူကို လိပ်စာတစ်ခုပေးပြီး အဲ့ဒီလိပ်စာရောက်ရင် အပေါ်ထပ်မှာ ရှိတဲ့ အမျိုးသမီးငယ် တစ်ယောက်ကို သတ်ပြီး အလောင်းဖျောက်ဖို့ တာဝန်ပေးပါတယ်။ James က သူ့အစ်ကိုကို ဖုန်းခေါ်လာသူဟာ ပြဇာတ်အဖွဲ့ကဖြစ်ကြောင်းပြောပြီး ထိုသူပေးတဲ့ လိပ်စာကိုခေါ်သွားပေးခဲ့ပါတယ်။ တကယ်က လူသတ်သမားရဲ့ ဖုန်းနဲ့ မှားဆက်သွယ်မိပြီး Wallace တစ်ယောက်အလွဲလွဲအချော်ချော်ဖြစ်ရပုံကိုကြည့်ရမှာပါ။ ဇာတ်လမ်းဇာတ်အိမ်ကောင်းတဲ့ ဟာသကားကောင်းမို့လို့ ခံစားကြည့်ရှုဖို့ တိုက်တွန်းပါတယ်။ File size…(1.7 GB)/(962 MB) Quality….Webrip 1080p / 720p Format…mp4 Duration….01:40:00 Subtitle….Myanmar Subtitle (Hardsub)