Cha Min-jee ပါဝင်သော ဇာတ်ကားများ

Love In Sync (2026) အပိုင်း 1 မှ 8 စဆုံး INFINITE အဖွဲ့ဝင်တစ်ယောက်လည်း ဖြစ်သလို Angel's Last Mission ရဲ့ မင်းသား L (Kim Myung Soo) နဲ့ Gaus Electronics မင်းသမီး Kang Min Ah တို့ရဲ့ Rom-com Fantasy ကားသစ်လေး ဖြစ်ပါတယ်။ ယူဂျီအန်းဟာ တစ်ချိန်က အင်မတန် အောင်မြင်ခဲ့တဲ့ အိုင်ဒေါအဖွဲ့ဝင်ဟောင်းတစ်ဦးဖြစ်ခဲ့ပြီး လက်ရှိမှာတော့ သရုပ်ဆောင်တစ်ဦးဖြစ်ပါတယ်။ ငယ်စဉ်ကတည်းက မိခင်ဖြစ်သူရဲ့ တင်းကျပ်တဲ့ ထိန်းချုပ်မှုအောက်မှာ စိတ်ခံစားချက်တွေကို ဖိနှိပ်ပြီး ကြီးပြင်းလာခဲ့သူဖြစ်လို့ သူတပါးအပေါ် ကိုယ်ချင်းစာစိတ် ကင်းမဲ့နေသူပါ။ အဲဒါကြောင့်လည်း သူမရဲ့ သရုပ်ဆောင် အရည်အချင်းအပေါ် ဝေဖန်တိုက်ခိုက်မှုတွေနဲ့ ကြုံတွေ့နေရသူပေါ့...။ တစ်ဖက်မှာလည်း ချာအွန်းဟွမ်ဟာ သူတပါးရဲ့ ခံစားချက်တွေကို အလွန်အကျွံ လိုက်ခံစားတတ်သူတစ်ဦးဖြစ်ပြီး၊ ထူးခြားတဲ့ ဆွေးနွေးအကြံပေးမှု နည်းလမ်းတွေကြောင့် နာမည်ကျော်ကြားနေတဲ့ စိတ်ပညာအကြံပေး ကျွမ်းကျင်ပညာရှင်တစ်ဦးဖြစ်ပါတယ်။ ဒါပေမဲ့ မျှော်လင့်မထားတဲ့ မတော်တဆမှုကြောင့် သူ့ရဲ့ဘဝနဲ့ စိတ်အခြေအနေတွေ ပြိုကွဲသွားခဲ့ရပြီး အပြောင်းအလဲတွေဖြစ်လာခဲ့ပါတယ်။ ဒီလိုနဲ့ ကိုယ်ချင်းစာစိတ်မရှိတဲ့ ယူဂျီအန်းနဲ့ သူတပါးရဲ့ ခံစားချက်တွေကို အလွန်အကျွံ ခံစားပေးတတ်တဲ့ ချာအွန်းဟွမ်တို့နှစ်ဦး အပြန်အလှန် ခံစားချက်တွေ ဝေမျှမိရာကနေ ဘယ်လိုအချစ်ဇာတ်လမ်းလေး ဖြစ်ပေါ်လာမလဲဆိုတာကို အပတ်စဉ် စနေ/တနင်္ဂနွေနေ့တိုင်း စောင့်မျှော်ကြည့်ရှုနိုင်ပါပြီ။ Episodes: 8 Aired: Jul 4, 2026 - Jul 26, 2026 Aired On: Saturday, Sunday Original Network: U+ Mobile TV Duration: 60 min Genres: Comedy, Romance, Drama, Fantasy

၁၉၈၀ခုနှစ် - ဂုံဂျီချော(Jang Ki-Yong) ရဲ့ အဖေက ကွင်းဆက်လူသတ်သမားတစ်ယောက်ဖြစ်ပြီး သူကတော့ အဖေလိုမဖြစ်ဖို့ ကြိုးစားခဲ့သူပါ ၊ ဂျောင်ဟာအွန်း (Jin Se-Yun) ကတော့ စာအုပ်အဟောင်းဆိုင်ပိုင်ရှင်ဖြစ်ပြီး နှလုံးရောဂါသည်လည်းဖြစ်ပါတယ် ။ သူမရဲ့ ချစ်သူ ချာယောင်းဘင်း (Lee Soo-Hyuk) ကတော့ အလုပ်ကြိုးစားတဲ့ စုံထောက်ဖြစ်ပါတယ် ။ ဘုရားကျောင်းကို လာရင်း ဂုံဂျီချောတစ်ယောက် ဂျောင်ဟာအွန်းကို သဘောကျသွားခဲ့ပါတယ် ဒါပေမယ့် ဂုံဂျီချောဟာလည်း ကွင်းဆက်လူသတ်သမားတစ်ယောက်ဖြစ်လာတဲ့အခါ... စုံထောက် ချာယောင်းဘင်းနဲ့ သူတို့ရဲ့ သုံးပွင့်ဆိုင်ဇာတ်လမ်းက မပြီးဆုံးပဲ နောက်ဘဝလူဝင်စားအဖြစ်နဲ့ ပြန်လည်ဆုံတွေ့ကြမှာပါ ၊ ပထမ ဘဝမှာ သူတို့တွေ ဘယ်လိုကံကြမ္မာတွေနဲ့ ရင်ဆိုင်ကြရမှာလဲ... လူပြန်ဝင်စားတဲ့ နောက်ဘဝမှာကော သူတို့ရဲ့ကံကြမ္မာကို ပြောင်းလဲနိုင်ပါ့မလားဆိုတာ Born Again ဆိုတဲ့ ဒီဇာတ်လမ်းလေးမှာ ဆက်လက်အားပေးကြပါနော်... ( အညွှန်းနဲ့ဘာသာပြန်သူတွေကတော့ Hay Thar Oo & Htet ဖြစ်ပါတယ် )

Go Back Couple (2017) အပိုင်း ၁ မှ ၁၂ (စ/ဆုံး) ဒိတ်ဒိတ်ကြဲ နာမည်ကြီး သရုပ်ဆောင်တွေဖြစ်တဲ့ My Happy Ending ထဲက မင်းသား Son Ho Jun နဲ့ မင်းသမီး Jang Nara, Marry My Husband ထဲက အချစ်တော် Lee Yi Kyung, Gumiho ထဲက Jang Ki Yong, Heavenly idol ထဲက မင်းသမီး Go Bo Gyeol တို့ အဓိက ပါဝင်ထားတဲ့ အချိန်ခရီးသွားကားလေးကို CMပရိသတ်ကြီးအတွက် တင်ဆက်ပေးလိုက်ပါတယ် ချွဲဘန်းဒို(Son Ho Jun)နဲ့ မာဂျင်းဂျူ(Jang Na Ra)တို့ဟာ ၃၈နှစ်အရွယ် လက်ထပ်ထားတဲ့ဇနီးမောင်နှံ‌တွေပါ သူတို့နှစ်‌ယောက်ဟာ အသက်ငယ်ရွယ်တုန်းမှာ အိမ်ထောင်ကျခဲ့ကြတဲ့အတွက် လူငယ်ဘဝကို အပြည့်အဝမခံစားခဲ့ရဘဲ အိမ်ထောင်ရှင်ဘဝရဲ့ဝန်ထုပ်ဝန်ပိုးတွေကိုပဲ ခံစားနေရပါတယ် ဒါကြောင့် ချစ်လို့လက်ထပ်ယူခဲ့ကြပေမဲ့ တစ်ယောက်ကိုတစ်ယောက် တဖြည်းဖြည်း မုန်းလာကြပြီး လက်ထပ်ခဲ့တာကို နောင်တရလာကြပါတယ် အဲဒီလိုနဲ့ ကွာရှင်းမယ့်နေ့မှာပဲ အချိန်ခရီးသွားပြီး သူတို့ပထမဆုံးစတွေ့ခဲ့ကြတဲ့ အသက်၂၀အရွယ် တက္ကသိုလ်ကျောင်းသားဘဝကို ပြန်ရောက်သွားတဲ့အခါ.... ...သူတို့ ဘယ်လိုအခွီအလွဲလေးတွေဖြစ်ကြမလဲ နောက်တစ်ကြိမ်ပြန်ရလာတဲ့လူငယ်ဘဝကို ဘယ်လိုဖြတ်သန်းကြမလဲဆိုတာ စိတ်ဝင်စားဖွယ် ကြည့်ရှုရမှာဖြစ်ပါတယ် အညွှန်းကို  Toe Toe Aung မှ ရေးသားပေးထားပါတယ် Episodes: 12 Aired: Oct 13, 2017 - Nov 18, 2017 Aired On: Friday, Saturday Original Network:  KBS2 Duration: 1 hr. 10 min. Genres: Comedy, Romance, Life, Fantasy Subtitle__Myanmar Subtitle (Hardsub) Translated by Toe Toe Aung, Ester, Thin, Thet Hnin & Kit  Encoded by AHtet

The Princess' Man (2011) ဒီတစ်ခေါက်မှာတော့ CM ပရိသတ်ကြီးတိုအတွက် ဂျိုဆွန်းခေတ်ရဲ့ ရိုမီယိုနဲ့ဂျူးလီယက်ဇာတ်လမ်းလေး တစ်ပုဒ်ကို တင်ဆက်ပေးလိုက်ပါတယ်။ ဒီဇာတ်လမ်းတွဲလေးမှာတော့ ဂင်ဆွန်းယူအဖြစ် My Golden Life, Local Hero ထဲမှ မင်းသားချော Park Si-Hoo ၊ တော်ဝင်မင်းသမီးလေး ဆယ်ယောင်းအဖြစ် The Innocent Man , Flower Of Evil ထဲမှ မင်းသမီးချော Moon Chae-Won ၊ တပ်မှူးလေးရှင်းမြောင်းအဖြစ် Was It Love? ထဲမှ Song Jong-Ho မင်းသမီးဂယောင်ဟယ်အဖြစ် Hong Soo-Hyun ၊ ဂျောင်ဂျုံအဖြစ် Lee Min-Woo တိုမှအဓိကပါဝင်ထားပြီး IMDb Rating 8.1 အထိရရှိထားပြီးတော့ ဆုပေါင်းများစွာ သိမ်းပိုက်ထားတဲ့ ဇာတ်လမ်းတွဲလေးလည်း ဖြစ်ပါတယ်။ ဇာတ်လမ်းအညွှန်း ၁၄၅၃ ခုနှစ်မှာ မင်းသားကြီးဆုယန်းဟာ တူတော်ဖြစ်သူထံမှ ထီးနန်းကို လုယူခဲ့ပြီးနောက် ဘုရင်ဆယ်ဂျိုဖြစ်လာခဲ့ပါတယ် ။ ထီနန်း မလုယူရသေးခင် တစ်နှစ်အလိုမှာတော့ ဆယ်ဂျုံးဘုရင်လက်ထက်မှစပြီး အမှုထမ်းခဲ့တဲ့ အမတ်မင်းဂင်ဂျုံဆောဟာ လက်ရှိ ဘုရင်မွန်းဂျုံရဲ့ အားအထားရဆုံး အယုံကြည်ရဆုံးအမတ်တစ်ယောက် ဖြစ်နေခဲ့ပါတယ် ။ နာမကျန်းဖြစ်နေတဲ့ ဘုရင်မွန်းဂျုံဟာ နတ်ရွာမစံခင်မှာ အိမ်‌ရှေ့စံကို နန်းတင်ပြီး တခြားတော်ဝင်မျိုးနွယ်တွေ ထီးနန်းကို မထိပါးနိုင်အောင် ကာကွယ်ဖို့ ဂင်ဂျုံဆောကို အထူးတာဝန်ပေးအပ်ခဲ့ပါတယ် ။ ဒီလိုနဲ့ပဲ ထီးနန်းကို ကာကွယ်ရမဲ့ အမတ်ဂင်ဂျုံဆောနဲ့ ထီးနန်းကိုလိုချင်နေတဲ့ မင်းသားကြီးဆုယန်းတို့ဟာ ထာဝရရန်သူတော် ဖြစ်လာပါတော့တယ် ။ အမတ်မင်းဂင်ဂျုံဆောရဲ့သားဖြစ်သူ ဂင်ဆွန်းယူဟာ မျိုးရိုးမြင့်မိသားစုကြီးမှ ဆင်းသက်လာသူပီပီ ထက်မြက်ပြီး ဉာဏ်ကောင်းတာကြောင့် နန်းတော်တွင်းမှာ မင်းသမီးဂယောင်ဟယ်ရဲ့ ဆရာဖြစ်လာခဲ့ပါတယ်။ မင်းသမီးဆယ်ယောင်းကတော့ မင်းသားကြီးဆုယန်းရဲ့သမီးတော်ဖြစ်ပြီး ကံကြမ္မာရဲ့လှည့်စားမှုကြောင့် ဂင်ဆွန်းဟိုနဲ့ တွေ့ဆုံရပြီး ချစ်ကြိုးသွယ်မိပါတော့တယ်။ ဒီလိုမျိုး နှစ်လုံးသားစေရာနောက် လိုက်ခဲ့တဲ့ ချစ်သူနှစ်ဦးဟာ ဖခင်ဖြစ်သူတွေရဲ့ ရန်ငြိုးတွေကို အဆုံးသတ်သွားနိုင်ပြီး ရွှေလက်တွဲသွားနိုင်မလားဆိုတာကိုတော့..... ရန်သူနှစ်ဦးဖြစ်တဲ့ဖခင်နှစ်ယောက်ကြားက ချစ်သူနှစ်ဦးရဲ့ ဝမ်းနည်းဆွတ်ပျံ့ဖွယ် အချစ်ဇာတ်လမ်းလေးတစ်ပုဒ်ကို ကြည့်ရှုခံစားပေးကြပါဦးနော် ... (အညွှန်းကို Su Sandi မှ ရေးသားထားပါတယ်) Episodes: 24 Aired: Jul 20, 2011 - Oct 6, 2011 Aired On: Wednesday, Thursday Original Network: KBS2 Genres: Action, Historical, Romance, Political Translated by Hsu, Theint, Alice, Su Sandi & Double M Encoded by AHtet