Charle ပါဝင်သော ဇာတ်ကားများ

Lockdown (2026) လော့ခ်ဒေါင်း ဇာတ်လမ်းကိုတော့ ကိုဗစ်မစခင် ၂၀၂၀ အစပိုင်းကာလမှာ ဇာတ်အိမ်တည်ထားပါတယ်။ လူလတ်တန်းစား မိသားစုမှလာသူတစ်ယောက်ဖြစ်တဲ့ အန်နီသာဟာ အလုပ်ရဖို့ကြိုးစားနေသူတစ်ယောက်ပါ။ အန်နီသာဟာ အလုပ်ရှာနေရင်းနဲ့ မတော်တဆဖြစ်ရပ်တစ်ခုကြောင့် စိတ်ဒဏ်ရာတစ်ခု ရရှိခဲ့ရပါတယ်။ ဒါပေမဲ့ အဲဒီစိတ်ဒဏ်ရာကို မိသားစုသိအောင် ဖွင့်မပြောနိုင်ဘဲ ဖြစ်နေချိန်မှာပဲ COVID-19 လော့ခ်ဒေါင်း ကာလနဲ့ ကြုံရပါတော့တယ်။ တစ်နိုင်ငံလုံး လော့ခ်ဒေါင်း ချလိုက်သည့်အခါမှာတော့ အန်နီသာလည်း မိသားစုနှင့်အတူ အိမ်ထဲမှာ ပိတ်မိသွားတာကြောင့် အပြင်ထွက်အကူအညီတောင်းဖို့ မဖြစ်နိုင်တော့တဲ့အချိန်မှာ သူ့မိသားစုရဲ့ တင်းကျပ်တဲ့ စည်းကမ်းတွေ၊ ပတ်ဝန်းကျင်ရဲ့ ဖိအားတွေနဲ့အတူ သူ့ရဲ့ စိတ်ပိုင်းဆိုင်ရာ ရုန်းကန်ရမှုတွေကို ရင်နင့်ဖွယ် မြင်တွေ့ခံစားကြရမှာပါ။ File size… 2.11 GB / 980 MB Quality…WEB DL 1080p HEVC/ 720p Format…mkv/ mp4 Duration….2hr Subtitle….Myanmar Subtitle (Hard Sub)

Coolie (2025)"ကူလီ" နာမည်ကြီး တမီလ်ဒါရိုက်တာ လိုကေ့ရှ်ရိုက်ကူးထားပြီး မင်းသားကြီး ရာဂျနီကန့်သ် အဓိကပါဝင်သရုပ်ဆောင်ထားတဲ့ ကူလီရုပ်ရှင် အကြည်ထွက်ရှိလို့လာပါပြီ။ ဒီရုပ်ရှင်မှာ မင်းသားကြီး အမီရ်ခန်းကလည်း ဧည့်သည်သရုပ်ဆောင်အဖြစ် ခေတ္တပါဝင်ထားပါသေးတယ်။ ဒီရုပ်ရှင်ကို ချီးကျူးသူတွေရှိသလို ဝေဖန်သူတွေလည်း ရှိခဲ့ကြပေမဲ့ ဝင်ငွေပိုင်းမှာတော့ အသင့်အတင့် အောင်မြင်ခဲ့တယ်လို့ပြောလို့ရပါတယ်။ ဇာတ်လမ်းကတော့ တစ်ချိန်က ရွှေမှောင်ခိုသမားဖြစ်ခဲ့ပေမဲ့ ဇာတ်မြှုပ်ပြီး အဆောင်အိမ်ဖွင့်စားနေတဲ့ ဒေဗာ။ ဒေဗာဟာ အေးအေးချမ်းချမ်းနေနေပေမဲ့ သူ့မိတ်ဆွေဟောင်းတစ်ယောက် ကွယ်လွန်ကြောင်းသိပြီးတဲ့နောက်မှာ သူ့အရင်အဖွဲ့ဟောင်းနဲ့အတူ ရွှေမှောင်ခိုလောကထဲပြန်ဝင်ပြီး မှောင်ခိုလောကကိုချုပ်ကိုင်ထားတဲ့ ဆိုင်မွန်ဆိုတဲ့ ဂိုဏ်းခေါင်းဆောင်နဲ့ စင်ပြိုင် ရင်ဆိုင်ဖို့ကြိုးစားပုံတွေကို ခပ်မိုက်မိုက်အက်ရှင်တွေနဲ့ ဒီရုပ်ရှင်ထဲမှာမြင်ကြရမှာပါ...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ B-Team ပါ။) File size… 7.79 GB / 2.4 GB / 1.3 GB Quality…WEB DL 4K HEVC / 1080p HEVC/ 720p Format…mkv/ mp4 Duration….2h 48m Subtitle….Myanmar Subtitle (Hard Sub) Encoder…B Coder Translated by B Team

Bun Butter Jam (2025) "ပေါင်မုန့်ထောပတ်သုတ်" ပရိသတ်တို့အတွက် တမီးလ်စကားပြော အချစ်ဟာသဒရာမာဇာတ်လမ်းလေးတစ်ပုဒ်ကို တင်ဆက်ပေးလိုက်ပါတယ် မင်္ဂလာဆောင်တစ်ခုမှ အမှတ်မထင်ဆုံရင်း စကားလုံးလက်စုံကျခဲ့တဲ့ သားရှင်မိခင်နဲ့ သမီးရှင်မိခင်တို့ဟာ အခုမှ ၁၂ တန်းပြီးထားတဲ့ သူတို့ရဲ့သားသမီးတွေရဲ့ အနာဂတ်အတွက်ပူပန်ကြရင်း သားဖြစ်သူနဲ့ သမီးဖြစ်သူတို့ကို အိမ်ထောင်ချပေးဖို့ စိတ်ကူးလာကြပါတယ် ဒါပေမဲ့ သူတို့ရဲ့အကြံအစည်အရ ဒီတိုင်းပေးစားဖို့ မဟုတ်ဘဲ သူတို့ချင်း အရင်ချစ်ကြိုက်သွားအောင် တိတ်တဆိတ်အကွက်ချကြမှာဖြစ်တာကြောင့် ဒီအမေနှစ်ယောက်ပေါင်းပြီး ဘယ်လိုတွေဇာတ်လမ်းဆင်ကြမလဲ သူတို့ရဲ့စိတ်ကူးနဲ့လက်တွေ့က တစ်ထပ်တည်းကျပါ့မလား ဆိုတာကတော့ ။ ။ အညွှန်းနဲ့ ဘာသာပြန်ကတော့ B-Team မှ ဖြစ်ပါတယ် File size… 3.2 GB / 1.4 GB Quality…WEB DL 1080p HEVC/ 720p Format…mkv/ mp4 Duration….2h 27m Subtitle….Myanmar Subtitle (Hard Sub) Translated by B Team

Chutney Sambar (2024) IMDb - 8.1/10 Disney+ Hotstarကနေ ထုတ်လွှင့်ခဲ့တဲ့ တမီးလ်ဟာသဇာတ်လမ်းတွဲလေးကို တင်ဆက်ပေးပါရစေ။ အဓိကဇာတ်ဆောင်အနေနဲ့ကတော့ တမီးလ်ဟာသမင်းသားကြီး ယိုဂီဘာဘူပဲဖြစ်ပါတယ်။ တမီးလ်ရုပ်ရှင်အများစုမှာတွေ့ရတတ်ပြီး ခပ်ပေါပေါဇာတ်ကောင်နဲ့ ယိုဂီဘာဘူကြီးကို ဒီဇာတ်လမ်းတွဲထဲမှာတော့ ပြောင်မြောက်တဲ့ဟာသတွေနဲ့ ရယ်မောပျော်ရွှင်ဖွယ်ရာ မြင်တွေ့ကြရမှာပါ။ "အာမူဒါစားသောက်ဆိုင်"ဆိုတာ အိုတီမြို့မှာတော့ အောင်မြင်ကျော်ကြားတဲ့ဆိုင်တစ်ဆိုင်ပေါ့။ ဆိုင်ရှင်ဦးလေးကြီးတို့မိသားစုတစ်ခုလုံး သိုက်သိုက်ဝန်းဝန်းနဲ့ ဆိုင်လေးကို ကြိုးစားလုပ်ကိုင်ကြပါတယ်။ ဆိုင်က စားပွဲအားမရှိတဲ့ထိ လက်မလည်အောင်ရောင်းကောင်းတာကြောင့် ငွေကြေးဥစ္စာပြည့်စုံပြီး မိသားစုစုံလင်ပေမဲ့ ဆိုင်ရှင်ဦးလေးကြီးက ပန်ကရိယကင်ဆာနောက်ဆုံးအဆင့်ကိုခံစားနေရတယ်။ မိသားစုဆရာဝန်က လက်လျှော့လိုက်ဖို့ပြောပြီး အေးအေးချမ်းချမ်းနဲ့ နောက်ဆုံးခရီးကိုစောင့်မျှော်ဖို့ပဲ အကြံပြုပါတယ်။ သေအံ့နီးဆဲဆဲတစ်ညမှာတော့ သားဖြစ်သူကာသီကိုခေါ်ပြီး သူ့နောက်ဆုံးဆန္ဒကိုဖြည့်ဆည်းပေးဖို့တောင်းဆိုပါတယ်။ ဘာလဲဆိုတော့ သူ့အရင်အတိတ်က လက်မထပ်ဘဲအတူနေခဲ့တဲ့အမျိုးသမီးနဲ့ ရခဲ့တဲ့သားတစ်ယောက်ရှိတာကို မကြာခင်ကမှ သိခဲ့ရပြီး သူ့နောက်ဆုံးအချိန်မှာ အဲဒီသားဖြစ်သူကိုတွေ့ဖို့ ဒီမိသားစုနဲ့တစ်သိုက်တစ်ဝန်းထဲရှိကျန်ခဲ့ဖို့ပါပဲ။ ကာသီတစ်ယောက် အစ်ကိုကြီးကိုရှာဖို့ ချန်နိုင်းတစ်ခွင်လိုက်ရှာခဲ့ပြီး အဲဒီမှာပဲ သူ့ဆိုင်နဲ့သူအောင်မြင်နေတဲ့ အဖေတူအမေကွဲအစ်ကိုကြီးဖြစ်သူ ဆရာကြီးဘာဘူကို တွေ့လိုက်ရပါတော့တယ်။ အဲဒီကနေစလို့ လုံး၀မလိုက်ဘူးငြင်းဆန်တဲ့ ဘာဘူကို ဖခင်ဆီပေးထားတဲ့ကတိအတိုင်း အိုတီကိုလိုက်ခဲ့ဖို့အရေး မရမကကြိုးစားရင်း အလွဲတွေကြုံကြတာကို ခံစားကြည့်ရှုရယ်မောပြုံးရွှင်ကြရမှာပါ။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) File Size – 1GB (Appx;)@Episode Quality – 1080p WEB DL Duration –35minute (@Episode) Total Episodes: 6Eps Subtitle – Myanmar Hardsub Format – Mp4 Genre :Comedy~Drama Translator – CM Bollywood Team Encoder – YK

Rooban 2024 (အပစ်ပယ်ခံ လူသားတစ်ယောက်) IMDb - 8.6/10 တောအုပ်ကြီးတစ်ခုရဲ့ ဘေးကရွာလေးတစ်ရွာ ရှန်မူဂမ်ဆိုတဲ့လူတစ်ယောက် သူ့ရဲ့အမျိုးသမီးဖြစ်သူ နဲ့အတူ နေထိုင်ပါတယ်။ သူတို့အိမ်ထောင်သက်က အနည်းငယ်ကြာပြီဆိုပေမဲ့ သားသမီးမထွန်းကားတာကြောင့် သူတို့ကို လာဘ်မကောင်းဘူး နမိတ်မကောင်းဘူးဆိုပြီး တစ်ရွာလုံးက သာရေးနာရေးကိစ္စ အဝဝမှာ လူလုပ်ပြီးမဖိတ်ဘဲ ပစ်ပယ်ထားကြပါတယ်။ ဒါတင်မကသေးဘဲ အတင်းအဖျင်းတွေပါပြောသေးတော့ ရှန်မူဂမ်တစ်ယောက် စိတ်ထဲသိမ်းထားရတာတွေများလာတဲ့နောက် မဖြေသိမ့်နိုင်တော့ဘဲ အရက်တွေသောက်ပြီး တစ်ရွာလုံးကို ငိုပြီးသူ့ခံစားချက်တွေကို ပြောပါတော့တယ်။ အဲ့လိုပြောရင်းပဲ သူ့ကိုဒီလိုပစ်ပယ်ထားတဲ့ ရွာသားတွေ တစ်နေ့သူ့ခြေရင်းမှာခပြီး ဝပ်တွားတောင်းပန်လာစေရမယ်လို့ ကျိန်ဆိုသွားခဲ့ပါတယ်။ ဆိုတော့ အပစ်ပယ်ခံဆင်းရဲသား ရှန်မူဂမ်တစ်ယောက် သူပြောသလိုဖြစ်သွားမှာလား ဘာတွေလုပ်ပြီးဖြစ်အောင်လုပ်မှာလဲဆိုတာ စိတ်ဝင်စားစွာနဲ့ ဆက်လက်ကြည့်ရှုပေးပါဦးခင်ဗျာ။ (အညွှန်းနဲ့ ဘာသာပြန်ကတော့ CM Bollywood Team ကပဲဖြစ်ပါတယ်ခင်ဗျ။) File size…3GB / 1.5GB Quality…WEB DL 1080p / 720p Format…mp4 Duration….2h 5m Subtitle….Myanmar Subtitle (Hard Sub) Encoder….YK Translated by CM Bollywood Team

Joe (2023) "ဝေးများဝေးရင်..." IMDb - 8.0/10 ရင်မှာနွမ်းလို့ အလွမ်းရယ်ဝေရမဲ့ ဆွတ်ပျံ့ကြည်နူးဖွယ် တမီလ်အချစ်ဇာတ်လမ်းလေး တပုဒ်ကိုတင်ဆက်ပေးပါရစေ ချစ်သူတွေ၊ အိမ်ထောင်သည်တွေကြားမှာ ပြဿနာတွေများလာရင် အရင်နဲ့မတူတော့ဘူးဆိုတဲ့စကားကို လက်ကိုင် ထားကြလေ့ရှိပါတယ်။ တကယ်တော့လည်း ချစ်ခြင်းမေတ္တာက ပြောင်းလဲသွားတာမျိုး မဟုတ်တောင် သည်းခံမှု၊ အလိုလိုက်မှုတွေပြောင်းလဲသွားကြတာပါ။ ချစ်သူတွေ မဖြစ်ခင်နဲ့ ဖြစ်ခင်စအချိန်တုန်းက သူဆေးလိပ်တဲ့ ပုံစံလေးကိုက သဘောကျချင်စရာလို့ မြင်ချင်မြင်ပေမဲ့ အချိန်တစ်ခု ကြာလာတဲ့အခါမှာတော့ ကျန်းမာရေးကို စိတ်ပူတာပဲဖြစ်ဖြစ်၊ အနံ့မခံနိုင်တော့တာပဲ ဖြစ်ဖြစ် တားကြတဲ့အခါ နှစ်ဦးနှစ်ဖက်လုံး အမြင်မှာ အရင်နဲ့မတူတော့ဘူးဆိုတာမျိုးတွေ ဖြစ်လာကြတယ်။ ဒါကလည်း ဖြစ်ရိုးဖြစ်စဉ်လို့ ပြောလို့ရတဲ့ကိစ္စတွေထဲက အကြောင်းအရာတစ်ခုပါပဲ။ ဒီလိုပဲ ဂျိုးနဲ့ ဆူချီတို့နှစ်ယောက် သိပ်ချစ်ကြပေမဲ့ ကြားလေသွေးလို့ ဝေးရတာတွေ၊ အရင်နဲ့မတူတော့ဘူးဆိုတဲ့စိတ်တွေ ဝင်လာတဲ့အခါမှာ နှစ်ယောက်သား ရင်ဆိုင်ရတာတွေက မလွယ်ကူလှ။ ဒီလိုပဲ သူတို့အချစ်ခရီးလမ်း ဘယ်လိုဆက်မလဲ၊ ဂျိုးဘ၀မှာ ရှရူသီဆိုတဲ့ အမျိုးသမီးလေးထပ်ရှိလာတဲ့အခါ..။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…3.3GB / 1.2GB  Quality…WEB DL 1080p /720p Format…mp4 Duration….2h 12m Subtitle….Myanmar Subtitle (Hard Sub) Encoder….YK Translated by CM Bollywood Team

IMDb 5.1/10 ဘတ်ဂျက် သန်း ၂၈၀ သုံးထားပြီး သတ်ခန်းဖြတ်ခန်းတွေကို ဆင်ဆာဖြတ်ထားခြင်းမရှိဘဲ သွေးသံရဲရဲနဲ့ ကျောချမ်းစရာမြင်ကွင်းတွေကို ကွင်းကွင်းကွက်ကွက်ပြသထားတဲ့ ရုံကားတစ်ကားပဲဖြစ်ပါတယ် အပြုံးလူသတ်သမား .. ဒီနာမည်ဖြစ်တည်လာပုံကတော့ စိတ္တဇလူသတ်သမားကသူသတ်တဲ့လူကို အပြုံးလှလှလေးတစ်ခုဖန်တီးပေးလိုက်လို့ပါပဲ ဘယ်လိုမျိုးလဲဆိုရင် သေရင်တောင်မှ ပီပြင်တဲ့အပြုံးတစ်ခုပေါ်လွင်လာဖို့ ပါးနှစ်ဖက်စလုံးမှာ ပါးစပ်ကိုဓားနဲ့ထိုးခွဲပြီးဖန်တီးပေးလိုက်တာပါ ဒါတင်မက မျက်လုံးတွေကိုပါဖောက်ထုတ်ပြီး တစ်ကိုယ်လုံးကိုဓားနဲ့မွှန်းပြီး လူမြင်ကွင်းမှာ သွားသွားပစ်ထားတတ်တာက သူ့အကျင့်လေးတစ်ခုပေါ့ ဒါပေမဲ့သူ့သင်္ကေတကတော့မိန်းကလေးတွေကိုပဲသတ်တာပါ ကျားဆိုယောင်လို့တောင်လှည့်မကြည့်တတ်တဲ့ ဒီအပြုံးလူသတ်သမားကြောင့်ချန်နိုင်းရဲမင်းကြီးက ဒီအမှုကို မင်းသား၂လက်ဖြစ်တဲ့ အန်ဒရူးနဲ့ အာဂျွန့်ဆီတာဝန်ပေးအပ်လိုက်ပါတယ် သိုပေတည်း ၆လကြာတဲ့အထိ အသတ်ခံရတဲ့မိန်းကလေး ၁၂ယောက်တောင်ဖြစ်လာခဲ့ပြီး လူသတ်သမားအကြောင်း တစ်စွန်းတစ်စတောင်မသိရလေတော့ ပြည်သူတွေအုံကြွပြီး ဆန္ဒတွေပြကြနဲ့ အဘက်ဘက်ကဖိအားတွေနဲ့ သူတို့၂ယောက်.. ဥာဏ်ပြေးလွန်းတဲ့ စိတ္တဇလူသတ်သမားနဲ့ ရဲတွေကြား ပညာပြိုင်ကြပုံကို ရင်တထိတ်ထိတ်နဲ့ကြည့်ရှုရမှာပဲဖြစ်ပါတယ် (အညွှန်းကိုတော့ Yunni ကရေးသားပေးထားပြီး ဘာသာပြန်တွေကတော့ Yunni ~ BpL ~V ~ Zwe ~ Alex ~ ToMo ပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…1.97GB / 828MB Quality…1080p WEB DL /720p Format…mp4 Duration….2h 32m Subtitle….Myanmar Subtitle (Hard Sub) Encoder….YK Translated by Yunni ~ BpL ~V ~ Zwe ~ Alex ~ ToMo

Erumbu 2023 IMDb 7.7/10 Drama/Family မိသားစုဇာတ်ကားကောင်းလေးတွေကို ကြိုက်နှစ်သက်တဲ့သူတွေအတွက် ရသကောင်းလေး‌ ပေးစွမ်းနိုင်မယ့် တမီးလ်ဇာတ်ကားကောင်းလေးတစ်ကားဖြစ်ပါတယ်။ ဇာတ်လမ်းအကျဉ်းကတော့ အန်နာဒူရိုင်ဟာ ‌အိမ်အတွက် ရုန်းကန်ပြီးဝမ်းစာနေရှာနေရတဲ့ အိမ်ထောင်ဦးစီးကောင်းတစ်ယောက်ဖြစ်ပါတယ်။ ‌အကြွေးပတ်လည်ဝိုင်းနေပြီး မိသားစုဝင်ခြောက်ယောက်စာကို ရှာ‌ဖွေနေရတာမလို့ တကယ်ကိုမလွယ်ကူလှပါဘူး။ ဒါပေမဲ့လည်း သားဖြစ်သူမူသူးနဲ့ သမီးဖြစ်သူပန်ချီကို မရှိတဲ့ကြားကနေ စိတ်ချမ်းသာအောင်ထားပေးတဲ့ ဖခင်ကောင်းတစ်ဦးဖြစ်ပါတယ်။ မိထွေးဖြစ်သူနဲ့နေရတဲ့ သားနဲ့သမီးကို အတတ်နိုင်ဆုံးလိုတာတွေဖြည့်ဆည်းပေးပြီး သားနဲ့သမီးကလည်း ရုန်းကန်နေရတဲ့အဖေကို ပြန်ကြည့်ပေးတာမလို့ ငွေကြေးမပြည့်စုံပေမယ့်လည်း မေတ္တာတွေနဲ့လွှမ်းခြုံထားတဲ့မိသားစုလေး‌ဖြစ်ပါတယ်။ တစ်နေ့မှာ မိထွေးဖြစ်သူရဲ့အရေးပါတဲ့ရွှေလက်စွပ်တစ်ကွင်းဟာ မထင်မှတ်ပဲပျောက်သွားတဲ့အတွက်ကြောင့် မူသူးတစ်ယောက် ပြာယာခတ်သွားပါတော့တယ်။ အရေးပါတဲ့လက်စွပ်ဖြစ်ပြီး အိမ်ကသိရင်ပြဿနာတက်မှာဖြစ်တဲ့အတွက် အစ်မဖြစ်သူနဲ့အတူ သူငယ်ချင်းတွေကိုပါ အကူအညီတောင်းရင်း ရှာပုံတော်စရပါတော့တယ်။ မူသူးတို့မိသားစုလေး အစစအရာရာအဆင်ပြပါ့မလား။ ဘာတွေဆက်ဖြစ်ကြဦးမလဲ။ ဒီဇာတ်ကားလေးမှာ ဆက်ပြီးကြည့်ရှုပေးကြပါဦး။ (ဇာတ်လမ်းအညွှန်းနဲ့ ဘာသာပြန်တွေကတော့ Yunni~BpL~Moon~Zwe Yan~Cherry တို့ပဲဖြစ်ပါတယ်။) File size…2.5GB / 1.3GB Quality…1080p True WEB DL /  720p Format…mp4 Duration….1h 44m Subtitle….Myanmar Subtitle (Hard Sub) Encoder….YK Translated by Yunni~BpL~Moon~Zwe Yan~Cherry

သားဖွားဆရာမအမေ၊ အရက်သမားအဖေနဲ့ အရာရာကို အဆိုးမြင်တတ်တဲ့ သမီးတို့ နေထိုင်တဲ့အိမ်ကို လူတစ်ယောက် ရောက်လာပါတယ်။ သူယူလာတဲ့စကားက ကြွယ်ဝခြင်းနတ်ဘုရားက သူတို့ဆီ ကြွယ်ဝမှုတွေ ပို့လိုက်ပြီဆိုတာပါ။ အဲဒီစကားအဆုံးမှာပဲ ငွေထုပ်ပိုက်ထားတဲ့ လူတစ်ယောက် တကယ်ရောက်လာတဲ့အခါ မိသားစုရဲ့ အခြေအနေတွေ ပြောင်းလဲလာတော့တယ်။ လိုချင်တာကို များများနဲ့ မြန်မြန်ရဖို့ အဆင်အခြင်မဲ့ လုပ်မိရင် ရှိပြီးသားပါ ဆုံးရှုံးရနိုင်တယ်ဆိုတဲ့ ပုံပြင်သင်ခန်းစာမျိုးကို အခြေခံထားပါတယ်။ လက်ရှိဖြစ်ရပ်တွေ၊ ပုံပြင်နဲ့ ဘာသာရေးအယူအဆတွေကို လျှို့ဝှက်ဆန်းကြယ်တဲ့ ဇာတ်လမ်းအဖြစ် ချိတ်ဆက်ထားပြီး မထင်မှတ်တဲ့ ဇာတ်ကွက်အလှည့်အပြောင်းတွေလည်း ပါဝင်ပါတယ်။

Bro Daddy (2022) ————————————- ဒီကားလေးကတော့ Disney+က ရိုက်ကူးထားပြီး နာမည်ကြီးမင်းသားနှစ်ယောက်ဖြစ်တဲ့ မင်းသားကြီး Mohanlal နဲ့ Prithviraj တို့ နှစ်ယောက်တွေ့ဆုံကြမယ့် ဇာတ်ကားပဲဖြစ်ပါတယ် မိသားစုချင်းအရမ်းရင်းနှီးကြပြီး ကာယကံရှင်ချင်းလည်း ရင်းနှီးကြတဲ့ သားဖြစ်သူနဲ့ သမီးဖြစ်သူတို့ကို လက်ထပ်ပေးဖို့ မိဘတွေက စိတ်အားထက်သန်နေကြပေမယ့် ကာယကံရှင်နှစ်ယောက်သားက ဘာလို့များအပြင်းအထန်ကန့်ကွက်နေကြတာလဲ… မမျှော်လင့်ထားပဲ ကိုယ်ဝန်ရခဲ့ပြီး မိသားစုဘဝကို စတင်လိုက်ကြရတဲ့ ရယ်စရာ ပျော်စရာမိသားစုဘဝလေးကို ဒါရိုက်တာက ပေါ်ပေါ်လွင်လွင် သရုပ်ဖော်ထားပြီး Cast တွေကလည်း အမိုက်စားပါပဲ ဇာတ်အေးခန်းတွေမှာတောင် အဖေနဲ့သားနေရာမှာ သရုပ်ဆောင်ထားတဲ့ မင်းသားနှစ်ယောက်ရဲ့ chemistry မိလှတဲ့ bromance ကြောင့် ဇာတ်ကားကို ဇာတ်ရှိန်မကျစေဘဲ ပရိသတ်အာရုံကို ဆွဲခေါ်နိုင်တဲ့ ကားကောင်းလေး ဖြစ်တာကြောင့် ဒီကားလေးကိုလည်း မလွတ်တမ်း ကြည့်ရှုလိုက်ကြပါဦးနော် File size…2.64GB / 1.3GB Quality…1080p WEBDL AAC 5.1CH / 720p Format…mp4 Duration….2h 39mins Subtitle….Myanmar Subtitle (Hard Sub) Encoder….YK Translated by Haruko & HM & Yate & Poe &  Go-O

အိန္ဒိယနိုင်ငံ ချန်နိုင်းမြို့က အသက် ၅၇ နှစ်အရွယ် အငြိမ်းစားရဲအရာရှိတစ်ယောက်ဟာ အကြောင်းတစ်ခုကြောင့် စကားမပြောဖြစ်တော့တဲ့ သားနဲ့ ပြန်သင့်မြတ်ချင်လို့ အမေရိကန်ကို လိုက်သွားပါတယ်။ သားနဲ့ဆက်ဆံရေးကို ပြန်ကောင်းအောင်လုပ်ဖို့ ရောက်လာတဲ့ခရီးမှာပဲ သားနေတဲ့ရပ်ကွက်အတွင်း ရာဇဝတ်မှုတစ်ခု ဖြစ်ပွားလာတယ်။ အဲဒီအမှုကို သူ စတင်စုံစမ်းလာရာကနေ ဇာတ်လမ်းက ဆက်သွားပါတယ်။

IMDb 8.1 ရထားတဲ့ ဒါရိုက်တာ Lokesh Kanagaraj ရဲ့ တမီးလ် action/thriller ကား(UNCUT version) ဖြစ်ပါတယ် ဒါရိုက်တာ Lokesh ကို ဘာလို့ ထည့်ပြောရသလဲဆိုရင် လတ်တလောလေးက ထွက်ထားတဲ့ ဗီဂျေးရဲ့ သောက်ကြမ်းကား Leo(2023) ရဲ့ ပဲ့ကိုင်ရှင်ဖြစ်နေလို့ပါ ဒါရိုက်တာ Lokesh ဟာ action/thriller ကားတွေနဲ့ တမီးလ်ရုပ်ရှင်လောကမှာ နောက်ပိုင်း ထင်ပေါ်လာသူတစ်ယောက်ဖြစ်ပါတယ် Kaithi, Vikram နဲ့ Leo ဆိုပြီး သုံးကားတွဲ (Lokesh Cinematic Universe - LCU)ဆိုပြီး ကင်ပွန်းတပ်ရတဲ့အထိ အောင်မြင်ခဲ့ပြီး ဒီ Maanagaram ကတော့ သူ့ရဲ့ ပွဲဦးထွက် ကိုယ်တိုင် ဇာတ်ညွှန်းရေး ရိုက်ကူးခဲ့တဲ့ ဇာတ်ကားဖြစ်ပါတယ် တက်သစ်စ ဒါရိုက်တာတစ်ယောက်ရဲ့ ပွဲဦးထွက်ဆိုပေမယ့် ဘတ်ဂျက် သန်း ၄၀ နဲ့ ရိုက်ကူးခဲ့ရာမှာ ရုံတင်ဝင်ငွေ သန်း ၁၁၀ အထိ အမြတ်အစွန်းပြန်ရခဲ့ပြီး ဝေဖန်ရေးဆရာတွေရဲ့ ထောပနာပြုမှုကိုပါ ခံခဲ့ရပါတယ် ဇာတ်လမ်းအကျဥ်းကတော့ ချန်နိုင်းစီးပွားရေးမြို့ကြီးကို တက်လာတဲ့ အင်ဂျင်နီယာကျောင်းသား Sri ဟာ အလုပ်အင်တာဗျူးအောင်လို့ ဘော်ဒါတွေကိုတစ်ဝိုင်းတိုက်နေရင်း နောက်တော့ ဘားမှာပဲ Sundeep Kishan ဆိုတဲ့လူက ကျောင်းတုန်းက ပြန်မကြိုက်ခဲ့တဲ့ crush လေးအကြောင်း ပြောနေပြန်ပါတယ် အတိတ်က ဖြစ်ရပ်တစ်ခုမှာ လူမိုက်တစ်ယောက်က ကောင်မလေး Regina ကို Sundeep နဲ့ကြိုက်ရင် သတ်ပစ်မယ်ဆိုပြီး အက်စစ်နဲ့မျက်နှာကို ပက်ပစ်မယ် ဆိုပြီး ချိန်းခြောက်တာကြောင့် Sundeep က ဒေါသထွက်ပြီး လူမိုက်ကို ပြန်ရိုက်ရာမှာ လူမိုက်က အခုပစ္စုပ္ပန်မှာ Sundeep ကို ဘားမှာပြန်တွေ့ပြီး ချောင်းရိုက်ဖို့ လူငှားပါတယ် ဖြစ်ချင်တော့ လူမှားပြီး ရိုက်မိလိုက်သူက Sri ဖြစ်နေပါတယ် တစ်ဖက်မှာလည်း သားဖြစ်သူရဲ့ ဆေးဖိုးလိုလို့ PKP ဆိုတဲ့ လက်မရွံ့ ဂန်းစတားရဲ့ ကားကို အငှားမောင်းတဲ့ Charle ဆိုသူက သူ့ရဲ့တက္ကစီပေါ်မှာ Sri ရဲ့ စာရွက်စာတမ်းတွေနဲ့ အိတ်ကို သွားတွေ့ပြီး ရဲတိုင်ပါတော့တယ်... ဒီလို အဆက်အစပ်မရှိတဲ့သူတွေ ဘယ်လို ပတ်သက်မိကြမလဲဆိုတာ ဒီထက် ဆက်ပြောပြရင် ဇာတ်လမ်းသိပြီး အရသာပျက်သွားမှာစိုးလို့ ကိုယ်တိုင်ပဲ ဆက်ကြည့်လိုက်ဖို့ အကြံပေးပါတယ် အတိုချုပ်ကတော့ မတူညီတဲ့ လူလေးယောက် ချန်နိုင်းမြို့ကြီးက ရှုပ်ထွေးလှတဲ့ အမှုတစ်ခုမှာ ဘယ်လို ပတ်သက်ဆက်နွယ်မိသွားလဲဆိုတာပါပဲ ဇာတ်လမ်းဇာတ်အိမ် ရှုပ်ထွေးတာမျိုးကြိုက်တဲ့ သူတွေအဖို့တော့ ထိုင်ခုံအစွန်းနဲ့ မြဲနေအောင် ကြည့်ရမယ့် ကားကောင်းတစ်ကားပါပဲ ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) အညွှန်းနဲ့ ဘာသာပြန်ကတော့ CM Bollywood Team က ဖြစ်ပါတယ် File size…2.9GB / 1.2GB Quality…1080p WEB DL /720p Format…mp4 Duration….2h 17m Subtitle….Myanmar Subtitle (Hard Sub) Encoder….YK Translated by CM Bollywood Team

စည်သူနဲ့ အက်ထရီယားတို့က အမြွှာညီအစ်ကိုနှစ်ယောက်ပါ။ မိဘတွေရဲ့ အလေးပေးမှုကို ရခဲ့တဲ့ စည်သူက ထူးချွန်တဲ့ သိပ္ပံပညာရှင်တစ်ယောက်ဖြစ်ပြီး အိန္ဒိယရဲ့ နံပါတ်တစ် နာရီကုမ္ပဏီဖြစ်တဲ့ ဖီးနစ်ကိုလည်း ပိုင်ဆိုင်ထားပါတယ်။ သူက အချိန်ခရီးသွားလို့ရတဲ့ နာရီတစ်လုံးကို တီထွင်နေခဲ့တယ်။ နာရီကို အောင်အောင်မြင်မြင် တီထွင်နိုင်သွားချိန်မှာတော့ သူ့ကို မနာလိုရန်လိုနေတဲ့ အက်ထရီယားက နာရီကို အပိုင်သိမ်းဖို့ ကြိုးစားလာပါတယ်။ တပည့်တွေကို ခေါ်ပြီး စည်သူ့အိမ်အထိ ရောက်လာတဲ့အခါ အမြွှာညီအစ်ကိုနှစ်ယောက်ကြားက ပြဿနာဟာ အချိန်ခရီးသွားနာရီနဲ့ ပတ်သက်လာပါတော့တယ်။ ဒီဇာတ်ကားမှာ ဆူးရီးယားက အဖေ၊ သားနဲ့ ဗီလိန်ဆိုတဲ့ ဇာတ်ရုပ်သုံးမျိုးကို သရုပ်ဆောင်ထားပြီး ဆမန်းသားနဲ့ နစ်သယားတို့လည်း ပါဝင်ထားပါတယ်။ ရူပီကုဋေ ၇၀ သုံးစွဲရိုက်ကူးထားပြီး ဝင်ငွေက ခန့်မှန်းခြေ ရူပီကုဋေ ၁၀၀ ဝန်းကျင် ရရှိခဲ့ပါတယ်။

Gemini (2002)"ဂျီမီနီ" ၂၀၀၂ ခုနှစ်ကထွက်ရှိခဲ့တဲ့ Gemini ဆိုတဲ့ ဒီရုပ်ရှင်လေးဟာဆိုရင် မေလ ၂၁ ရက်နေ့နဲ့ နဲ့ ဇွန်လ ၂၁ ရက်နေ့ကြားမှာမွေးတဲ့ မေထုန်ရာသီဖွားတွေအကြောင်းကို ဇာတ်လမ်းဆင်ရိုက်ကူးထားတာ မဟုတ်ဘဲ ဂျီမီနီဆိုတဲ့နာမည်နဲ့လူဆိုးတစ်ယောက်အကြောင်းကို ရိုက်ကူးပုံဖော်ထားတာပဲဖြစ်ပါတယ်။ ဂျီမီနီဆိုတာကတော့ တမီလ်နာဒူးပြည်နယ်ထဲမှာရှိတဲ့ မြို့ငယ်လေးတစ်မြို့က လူမိုက်တစ်ယောက်ပါ။ သူဟာ အစတုန်းက မြို့ခံဂိုဏ်းစတားကြီးတွေဆီမှာ အလုပ်လုပ်ခဲ့ပေမဲ့ သူအလုပ်လုပ်ပေးတဲ့ ဂိုဏ်းစတားတိုင်း အဖမ်းခံရ အရှော့ခံရဖြစ်ကုန်တဲ့အတွက် သူယုံကြည်ရတဲ့သူတွေကို စုပြီး ကိုယ်တိုင် ဂိုဏ်းစတားလုပ်ဖို့ ကြံစည်ပါတော့တယ်။ သူဟာ ဂိုဏ်းစတားတစ်ယောက်အနေနဲ့ အထိုက်အလျောက်အောင်မြင်ခဲ့ပေမဲ့ သူဌေးတစ်ယောက်ရဲ့ သမီးအလှလေးကို မေတ္တာသက်ဝင် ချစ်ခင်စုံမက်မိသွားချိန်မှာတော့ ဂိုဏ်းစတားပေါက်စ ဂျီမီနီရဲ့ဘဝလမ်းကြောင်းတွေ ပြောင်းလဲခဲ့ရပုံကို ဒီ တမီလ်စကားပြော အက်ရှင်ဒရာမာရုပ်ရှင်လေးထဲမှာ မြင်တွေ့ကြရမှာပဲဖြစ်ပါတယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 4.02 GB / 1.98 GB Quality…WEB DL 1080p HEVC/ 720p Format…mkv/ mp4 Duration….2h 30m Subtitle….Myanmar Subtitle (Hard Sub) Encoder….YK Translated by CM Bollywood Team